| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
10. асан̃н̃асад̇д̇убигаагат̇ааван̣н̣анаа
10. Asaññasattupikākathāvaṇṇanā
735. ид̣̇аани асан̃н̃асад̇д̇убигаагат̇аа наама ход̇и. д̇ад̇т̇а сан̃н̃аавирааг̇авасзна бавад̇д̇абхааванаа асан̃н̃асамаабад̇д̇иби нирод̇хасамаабад̇д̇иби сан̃н̃аавзд̣̇аяид̇анирод̇хасамаабад̇д̇и наама. ид̇и д̣̇вз сан̃н̃аавзд̣̇аяид̇анирод̇хасамаабад̇д̇ияо логияаа жа логуд̇д̇араа жа. д̇ад̇т̇а логияаа бут̇уж̇ж̇анасса асан̃н̃асад̇д̇убигаа ход̇и, логуд̇д̇араа арияаанам̣, саа жа наасан̃н̃асад̇д̇убигаа. имам̣ бана вибхааг̇ам̣ агад̇ваа ависзсзна сан̃н̃аавзд̣̇аяид̇анирод̇хасамаабад̇д̇и асан̃н̃асад̇д̇убигаад̇и язсам̣ лад̣̇д̇хи, сзяяат̇ааби хзд̇уваад̣̇аанам̣; д̇з санд̇хааяа бужчаа сагаваад̣̇исса, бадин̃н̃аа ид̇арасса. ат̇а нам̣ яасмаа асан̃н̃асамаабад̇д̇им̣ самаабаннасса алобхаад̣̇аяо ад̇т̇и, на нирод̇хасамаабад̇д̇им̣, д̇асмаа д̇зсам̣ васзна жод̣̇зд̇ум̣ ад̇т̇ийд̇иаад̣̇имааха.
735. Idāni asaññasattupikākathā nāma hoti. Tattha saññāvirāgavasena pavattabhāvanā asaññasamāpattipi nirodhasamāpattipi saññāvedayitanirodhasamāpatti nāma. Iti dve saññāvedayitanirodhasamāpattiyo lokiyā ca lokuttarā ca. Tattha lokiyā puthujjanassa asaññasattupikā hoti, lokuttarā ariyānaṃ, sā ca nāsaññasattupikā. Imaṃ pana vibhāgaṃ akatvā avisesena saññāvedayitanirodhasamāpatti asaññasattupikāti yesaṃ laddhi, seyyathāpi hetuvādānaṃ; te sandhāya pucchā sakavādissa, paṭiññā itarassa. Atha naṃ yasmā asaññasamāpattiṃ samāpannassa alobhādayo atthi, na nirodhasamāpattiṃ, tasmā tesaṃ vasena codetuṃ atthītiādimāha.
736. ид̇хааби асан̃н̃ийд̇и бан̃хз ид̇ха сан̃н̃аавирааг̇авасзна самаабаннад̇д̇аа асан̃н̃ид̇аа анун̃н̃аад̇аа, д̇ад̇рааби асан̃н̃асад̇д̇знзва. д̇асмаа имам̣ бадин̃н̃ам̣ г̇ахзд̇ваа лад̣̇д̇хим̣ бад̇идтабзнд̇зна чалзна бад̇идтаабид̇аа ход̇и. ид̇ха ваа нирод̇хасамаабад̇д̇им̣ санд̇хааяа асан̃н̃ид̇аа анун̃н̃аад̇аа. д̇ад̇рааби ид̇о жуд̇асса анааг̇аамино нирод̇хасамаабад̇д̇имзва д̇асмааби имааяа бадин̃н̃ааяа бад̇идтаабид̇аа лад̣̇д̇хи аббад̇идтид̇ааязваад̇и.
736. Idhāpi asaññīti pañhe idha saññāvirāgavasena samāpannattā asaññitā anuññātā, tatrāpi asaññasatteneva. Tasmā imaṃ paṭiññaṃ gahetvā laddhiṃ patiṭṭhapentena chalena patiṭṭhāpitā hoti. Idha vā nirodhasamāpattiṃ sandhāya asaññitā anuññātā. Tatrāpi ito cutassa anāgāmino nirodhasamāpattimeva tasmāpi imāya paṭiññāya patiṭṭhāpitā laddhi appatiṭṭhitāyevāti.
асан̃н̃асад̇д̇убигаагат̇ааван̣н̣анаа.
Asaññasattupikākathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (154) 10. асан̃н̃асад̇д̇убигагат̇аа • (154) 10. Asaññasattupikakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 10. асан̃н̃асад̇д̇убигаагат̇ааван̣н̣анаа • 10. Asaññasattupikākathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 10. асан̃н̃асад̇д̇убигаагат̇ааван̣н̣анаа • 10. Asaññasattupikākathāvaṇṇanā
