| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༡༠. ཨསཉྙསཏྟུཔིཀཱཀཐཱཝཎྞནཱ
10. Asaññasattupikākathāvaṇṇanā
༧༣༥. ཨིདཱནི ཨསཉྙསཏྟུཔིཀཱཀཐཱ ནཱམ ཧོཏི། ཏཏྠ སཉྙཱཝིརཱགཝསེན པཝཏྟབྷཱཝནཱ ཨསཉྙསམཱཔཏྟིཔི ནིརོདྷསམཱཔཏྟིཔི སཉྙཱཝེདཡིཏནིརོདྷསམཱཔཏྟི ནཱམ། ཨིཏི དྭེ སཉྙཱཝེདཡིཏནིརོདྷསམཱཔཏྟིཡོ ལོཀིཡཱ ཙ ལོཀུཏྟརཱ ཙ། ཏཏྠ ལོཀིཡཱ པུཐུཛྫནསྶ ཨསཉྙསཏྟུཔིཀཱ ཧོཏི, ལོཀུཏྟརཱ ཨརིཡཱནཾ, སཱ ཙ ནཱསཉྙསཏྟུཔིཀཱ། ཨིམཾ པན ཝིབྷཱགཾ ཨཀཏྭཱ ཨཝིསེསེན སཉྙཱཝེདཡིཏནིརོདྷསམཱཔཏྟི ཨསཉྙསཏྟུཔིཀཱཏི ཡེསཾ ལདྡྷི, སེཡྻཐཱཔི ཧེཏུཝཱདཱནཾ; ཏེ སནྡྷཱཡ པུཙྪཱ སཀཝཱདིསྶ, པཊིཉྙཱ ཨིཏརསྶ། ཨཐ ནཾ ཡསྨཱ ཨསཉྙསམཱཔཏྟིཾ སམཱཔནྣསྶ ཨལོབྷཱདཡོ ཨཏྠི, ན ནིརོདྷསམཱཔཏྟིཾ, ཏསྨཱ ཏེསཾ ཝསེན ཙོདེཏུཾ ཨཏྠཱིཏིཨཱདིམཱཧ།
735. Idāni asaññasattupikākathā nāma hoti. Tattha saññāvirāgavasena pavattabhāvanā asaññasamāpattipi nirodhasamāpattipi saññāvedayitanirodhasamāpatti nāma. Iti dve saññāvedayitanirodhasamāpattiyo lokiyā ca lokuttarā ca. Tattha lokiyā puthujjanassa asaññasattupikā hoti, lokuttarā ariyānaṃ, sā ca nāsaññasattupikā. Imaṃ pana vibhāgaṃ akatvā avisesena saññāvedayitanirodhasamāpatti asaññasattupikāti yesaṃ laddhi, seyyathāpi hetuvādānaṃ; te sandhāya pucchā sakavādissa, paṭiññā itarassa. Atha naṃ yasmā asaññasamāpattiṃ samāpannassa alobhādayo atthi, na nirodhasamāpattiṃ, tasmā tesaṃ vasena codetuṃ atthītiādimāha.
༧༣༦. ཨིདྷཱཔི ཨསཉྙཱིཏི པཉྷེ ཨིདྷ སཉྙཱཝིརཱགཝསེན སམཱཔནྣཏྟཱ ཨསཉྙིཏཱ ཨནུཉྙཱཏཱ, ཏཏྲཱཔི ཨསཉྙསཏྟེནེཝ། ཏསྨཱ ཨིམཾ པཊིཉྙཾ གཧེཏྭཱ ལདྡྷིཾ པཏིཊྛཔེནྟེན ཚལེན པཏིཊྛཱཔིཏཱ ཧོཏི། ཨིདྷ ཝཱ ནིརོདྷསམཱཔཏྟིཾ སནྡྷཱཡ ཨསཉྙིཏཱ ཨནུཉྙཱཏཱ། ཏཏྲཱཔི ཨིཏོ ཙུཏསྶ ཨནཱགཱམིནོ ནིརོདྷསམཱཔཏྟིམེཝ ཏསྨཱཔི ཨིམཱཡ པཊིཉྙཱཡ པཏིཊྛཱཔིཏཱ ལདྡྷི ཨཔྤཏིཊྛིཏཱཡེཝཱཏི།
736. Idhāpi asaññīti pañhe idha saññāvirāgavasena samāpannattā asaññitā anuññātā, tatrāpi asaññasatteneva. Tasmā imaṃ paṭiññaṃ gahetvā laddhiṃ patiṭṭhapentena chalena patiṭṭhāpitā hoti. Idha vā nirodhasamāpattiṃ sandhāya asaññitā anuññātā. Tatrāpi ito cutassa anāgāmino nirodhasamāpattimeva tasmāpi imāya paṭiññāya patiṭṭhāpitā laddhi appatiṭṭhitāyevāti.
ཨསཉྙསཏྟུཔིཀཱཀཐཱཝཎྞནཱ།
Asaññasattupikākathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༥༤) ༡༠. ཨསཉྙསཏྟུཔིཀཀཐཱ • (154) 10. Asaññasattupikakathā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༡༠. ཨསཉྙསཏྟུཔིཀཱཀཐཱཝཎྞནཱ • 10. Asaññasattupikākathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༡༠. ཨསཉྙསཏྟུཔིཀཱཀཐཱཝཎྞནཱ • 10. Asaññasattupikākathāvaṇṇanā
