| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੧੦. ਅਸਞ੍ਞਸਤ੍ਤੁਪਿਕਾਕਥਾવਣ੍ਣਨਾ
10. Asaññasattupikākathāvaṇṇanā
੭੩੫. ਇਦਾਨਿ ਅਸਞ੍ਞਸਤ੍ਤੁਪਿਕਾਕਥਾ ਨਾਮ ਹੋਤਿ। ਤਤ੍ਥ ਸਞ੍ਞਾવਿਰਾਗવਸੇਨ ਪવਤ੍ਤਭਾવਨਾ ਅਸਞ੍ਞਸਮਾਪਤ੍ਤਿਪਿ ਨਿਰੋਧਸਮਾਪਤ੍ਤਿਪਿ ਸਞ੍ਞਾવੇਦਯਿਤਨਿਰੋਧਸਮਾਪਤ੍ਤਿ ਨਾਮ। ਇਤਿ ਦ੍વੇ ਸਞ੍ਞਾવੇਦਯਿਤਨਿਰੋਧਸਮਾਪਤ੍ਤਿਯੋ ਲੋਕਿਯਾ ਚ ਲੋਕੁਤ੍ਤਰਾ ਚ। ਤਤ੍ਥ ਲੋਕਿਯਾ ਪੁਥੁਜ੍ਜਨਸ੍ਸ ਅਸਞ੍ਞਸਤ੍ਤੁਪਿਕਾ ਹੋਤਿ, ਲੋਕੁਤ੍ਤਰਾ ਅਰਿਯਾਨਂ, ਸਾ ਚ ਨਾਸਞ੍ਞਸਤ੍ਤੁਪਿਕਾ। ਇਮਂ ਪਨ વਿਭਾਗਂ ਅਕਤ੍વਾ ਅવਿਸੇਸੇਨ ਸਞ੍ਞਾવੇਦਯਿਤਨਿਰੋਧਸਮਾਪਤ੍ਤਿ ਅਸਞ੍ਞਸਤ੍ਤੁਪਿਕਾਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਹੇਤੁવਾਦਾਨਂ; ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਅਥ ਨਂ ਯਸ੍ਮਾ ਅਸਞ੍ਞਸਮਾਪਤ੍ਤਿਂ ਸਮਾਪਨ੍ਨਸ੍ਸ ਅਲੋਭਾਦਯੋ ਅਤ੍ਥਿ, ਨ ਨਿਰੋਧਸਮਾਪਤ੍ਤਿਂ, ਤਸ੍ਮਾ ਤੇਸਂ વਸੇਨ ਚੋਦੇਤੁਂ ਅਤ੍ਥੀਤਿਆਦਿਮਾਹ।
735. Idāni asaññasattupikākathā nāma hoti. Tattha saññāvirāgavasena pavattabhāvanā asaññasamāpattipi nirodhasamāpattipi saññāvedayitanirodhasamāpatti nāma. Iti dve saññāvedayitanirodhasamāpattiyo lokiyā ca lokuttarā ca. Tattha lokiyā puthujjanassa asaññasattupikā hoti, lokuttarā ariyānaṃ, sā ca nāsaññasattupikā. Imaṃ pana vibhāgaṃ akatvā avisesena saññāvedayitanirodhasamāpatti asaññasattupikāti yesaṃ laddhi, seyyathāpi hetuvādānaṃ; te sandhāya pucchā sakavādissa, paṭiññā itarassa. Atha naṃ yasmā asaññasamāpattiṃ samāpannassa alobhādayo atthi, na nirodhasamāpattiṃ, tasmā tesaṃ vasena codetuṃ atthītiādimāha.
੭੩੬. ਇਧਾਪਿ ਅਸਞ੍ਞੀਤਿ ਪਞ੍ਹੇ ਇਧ ਸਞ੍ਞਾવਿਰਾਗવਸੇਨ ਸਮਾਪਨ੍ਨਤ੍ਤਾ ਅਸਞ੍ਞਿਤਾ ਅਨੁਞ੍ਞਾਤਾ, ਤਤ੍ਰਾਪਿ ਅਸਞ੍ਞਸਤ੍ਤੇਨੇવ। ਤਸ੍ਮਾ ਇਮਂ ਪਟਿਞ੍ਞਂ ਗਹੇਤ੍વਾ ਲਦ੍ਧਿਂ ਪਤਿਟ੍ਠਪੇਨ੍ਤੇਨ ਛਲੇਨ ਪਤਿਟ੍ਠਾਪਿਤਾ ਹੋਤਿ। ਇਧ વਾ ਨਿਰੋਧਸਮਾਪਤ੍ਤਿਂ ਸਨ੍ਧਾਯ ਅਸਞ੍ਞਿਤਾ ਅਨੁਞ੍ਞਾਤਾ। ਤਤ੍ਰਾਪਿ ਇਤੋ ਚੁਤਸ੍ਸ ਅਨਾਗਾਮਿਨੋ ਨਿਰੋਧਸਮਾਪਤ੍ਤਿਮੇવ ਤਸ੍ਮਾਪਿ ਇਮਾਯ ਪਟਿਞ੍ਞਾਯ ਪਤਿਟ੍ਠਾਪਿਤਾ ਲਦ੍ਧਿ ਅਪ੍ਪਤਿਟ੍ਠਿਤਾਯੇવਾਤਿ।
736. Idhāpi asaññīti pañhe idha saññāvirāgavasena samāpannattā asaññitā anuññātā, tatrāpi asaññasatteneva. Tasmā imaṃ paṭiññaṃ gahetvā laddhiṃ patiṭṭhapentena chalena patiṭṭhāpitā hoti. Idha vā nirodhasamāpattiṃ sandhāya asaññitā anuññātā. Tatrāpi ito cutassa anāgāmino nirodhasamāpattimeva tasmāpi imāya paṭiññāya patiṭṭhāpitā laddhi appatiṭṭhitāyevāti.
ਅਸਞ੍ਞਸਤ੍ਤੁਪਿਕਾਕਥਾવਣ੍ਣਨਾ।
Asaññasattupikākathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੫੪) ੧੦. ਅਸਞ੍ਞਸਤ੍ਤੁਪਿਕਕਥਾ • (154) 10. Asaññasattupikakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧੦. ਅਸਞ੍ਞਸਤ੍ਤੁਪਿਕਾਕਥਾવਣ੍ਣਨਾ • 10. Asaññasattupikākathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧੦. ਅਸਞ੍ਞਸਤ੍ਤੁਪਿਕਾਕਥਾવਣ੍ਣਨਾ • 10. Asaññasattupikākathāvaṇṇanā
