| Library / Tipiṭaka / തിപിടക • Tipiṭaka / പഞ്ചപകരണ-അട്ഠകഥാ • Pañcapakaraṇa-aṭṭhakathā |
൧൦. അസഞ്ഞസത്തുപികാകഥാവണ്ണനാ
10. Asaññasattupikākathāvaṇṇanā
൭൩൫. ഇദാനി അസഞ്ഞസത്തുപികാകഥാ നാമ ഹോതി. തത്ഥ സഞ്ഞാവിരാഗവസേന പവത്തഭാവനാ അസഞ്ഞസമാപത്തിപി നിരോധസമാപത്തിപി സഞ്ഞാവേദയിതനിരോധസമാപത്തി നാമ. ഇതി ദ്വേ സഞ്ഞാവേദയിതനിരോധസമാപത്തിയോ ലോകിയാ ച ലോകുത്തരാ ച. തത്ഥ ലോകിയാ പുഥുജ്ജനസ്സ അസഞ്ഞസത്തുപികാ ഹോതി, ലോകുത്തരാ അരിയാനം, സാ ച നാസഞ്ഞസത്തുപികാ. ഇമം പന വിഭാഗം അകത്വാ അവിസേസേന സഞ്ഞാവേദയിതനിരോധസമാപത്തി അസഞ്ഞസത്തുപികാതി യേസം ലദ്ധി, സേയ്യഥാപി ഹേതുവാദാനം; തേ സന്ധായ പുച്ഛാ സകവാദിസ്സ, പടിഞ്ഞാ ഇതരസ്സ. അഥ നം യസ്മാ അസഞ്ഞസമാപത്തിം സമാപന്നസ്സ അലോഭാദയോ അത്ഥി, ന നിരോധസമാപത്തിം, തസ്മാ തേസം വസേന ചോദേതും അത്ഥീതിആദിമാഹ.
735. Idāni asaññasattupikākathā nāma hoti. Tattha saññāvirāgavasena pavattabhāvanā asaññasamāpattipi nirodhasamāpattipi saññāvedayitanirodhasamāpatti nāma. Iti dve saññāvedayitanirodhasamāpattiyo lokiyā ca lokuttarā ca. Tattha lokiyā puthujjanassa asaññasattupikā hoti, lokuttarā ariyānaṃ, sā ca nāsaññasattupikā. Imaṃ pana vibhāgaṃ akatvā avisesena saññāvedayitanirodhasamāpatti asaññasattupikāti yesaṃ laddhi, seyyathāpi hetuvādānaṃ; te sandhāya pucchā sakavādissa, paṭiññā itarassa. Atha naṃ yasmā asaññasamāpattiṃ samāpannassa alobhādayo atthi, na nirodhasamāpattiṃ, tasmā tesaṃ vasena codetuṃ atthītiādimāha.
൭൩൬. ഇധാപി അസഞ്ഞീതി പഞ്ഹേ ഇധ സഞ്ഞാവിരാഗവസേന സമാപന്നത്താ അസഞ്ഞിതാ അനുഞ്ഞാതാ, തത്രാപി അസഞ്ഞസത്തേനേവ. തസ്മാ ഇമം പടിഞ്ഞം ഗഹേത്വാ ലദ്ധിം പതിട്ഠപേന്തേന ഛലേന പതിട്ഠാപിതാ ഹോതി. ഇധ വാ നിരോധസമാപത്തിം സന്ധായ അസഞ്ഞിതാ അനുഞ്ഞാതാ. തത്രാപി ഇതോ ചുതസ്സ അനാഗാമിനോ നിരോധസമാപത്തിമേവ തസ്മാപി ഇമായ പടിഞ്ഞായ പതിട്ഠാപിതാ ലദ്ധി അപ്പതിട്ഠിതായേവാതി.
736. Idhāpi asaññīti pañhe idha saññāvirāgavasena samāpannattā asaññitā anuññātā, tatrāpi asaññasatteneva. Tasmā imaṃ paṭiññaṃ gahetvā laddhiṃ patiṭṭhapentena chalena patiṭṭhāpitā hoti. Idha vā nirodhasamāpattiṃ sandhāya asaññitā anuññātā. Tatrāpi ito cutassa anāgāmino nirodhasamāpattimeva tasmāpi imāya paṭiññāya patiṭṭhāpitā laddhi appatiṭṭhitāyevāti.
അസഞ്ഞസത്തുപികാകഥാവണ്ണനാ.
Asaññasattupikākathāvaṇṇanā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൧൫൪) ൧൦. അസഞ്ഞസത്തുപികകഥാ • (154) 10. Asaññasattupikakathā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൧൦. അസഞ്ഞസത്തുപികാകഥാവണ്ണനാ • 10. Asaññasattupikākathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൧൦. അസഞ്ഞസത്തുപികാകഥാവണ്ണനാ • 10. Asaññasattupikākathāvaṇṇanā
