| Library / Tipiṭaka / තිපිටක • Tipiṭaka / අපදානපාළි • Apadānapāḷi |
8. ආසනුපට්‌ඨාහකත්‌ථෙරඅපදානං
8. Āsanupaṭṭhāhakattheraapadānaṃ
47.
47.
‘‘කානනං වනමොගය්‌හ, අප්‌පසද්‌දං නිරාකුලං;
‘‘Kānanaṃ vanamogayha, appasaddaṃ nirākulaṃ;
සීහාසනං මයා දින්‌නං, අත්‌ථදස්‌සිස්‌ස තාදිනො.
Sīhāsanaṃ mayā dinnaṃ, atthadassissa tādino.
48.
48.
‘‘මාලාහත්‌ථං ගහෙත්‌වාන, කත්‌වා ච නං පදක්‌ඛිණං;
‘‘Mālāhatthaṃ gahetvāna, katvā ca naṃ padakkhiṇaṃ;
සත්‌ථාරං පයිරුපාසිත්‌වා, පක්‌කාමිං උත්‌තරාමුඛො.
Satthāraṃ payirupāsitvā, pakkāmiṃ uttarāmukho.
49.
49.
‘‘තෙන කම්‌මෙන ද්‌විපදින්‌ද, ලොකජෙට්‌ඨ නරාසභ;
‘‘Tena kammena dvipadinda, lokajeṭṭha narāsabha;
50.
50.
‘‘අට්‌ඨාරසකප්‌පසතෙ, යං දානමදදිං තදා;
‘‘Aṭṭhārasakappasate, yaṃ dānamadadiṃ tadā;
දුග්‌ගතිං නාභිජානාමි, සීහාසනස්‌සිදං ඵලං.
Duggatiṃ nābhijānāmi, sīhāsanassidaṃ phalaṃ.
51.
51.
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
52.
52.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා ආසනුපට්‌ඨාහකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā āsanupaṭṭhāhako thero imā gāthāyo abhāsitthāti.
ආසනුපට්‌ඨාහකත්‌ථෙරස්‌සාපදානං අට්‌ඨමං.
Āsanupaṭṭhāhakattherassāpadānaṃ aṭṭhamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 8. ආසනුපට්‌ඨාහකත්‌ථෙරඅපදානවණ්‌ණනා • 8. Āsanupaṭṭhāhakattheraapadānavaṇṇanā
