| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
8. ஆஸனுபட்டா²ஹகத்தே²ரஅபதா³னவண்ணனா
8. Āsanupaṭṭhāhakattheraapadānavaṇṇanā
கானநங் வனமொக்³க³ய்ஹாதிஆதி³கங் ஆயஸ்மதோ ஆஸனுபட்டா²ஹகத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ அத்த²த³ஸ்ஸிஸ்ஸ ப⁴க³வதோ காலே குலகே³ஹே நிப்³ப³த்தோ க⁴ராவாஸங் வஸந்தோ தத்த² தோ³ஸங் தி³ஸ்வா க⁴ராவாஸங் பஹாய தாபஸபப்³ப³ஜ்ஜங் பப்³ப³ஜித்வா ஹிமவந்தே வஸந்தோ தத்த² ஸம்பத்தங் ப⁴க³வந்தங் தி³ஸ்வா பஸன்னோ ஸீஹாஸனங் அதா³ஸி, தத்த² நிஸின்னங் ப⁴க³வந்தங் மாலாகலாபங் க³ஹெத்வா பூஜெத்வா தங் பத³க்கி²ணங் கத்வா பக்காமி. ஸோ தேன புஞ்ஞேன தே³வமனுஸ்ஸேஸு ஸங்ஸரந்தோ நிப்³ப³த்தனிப்³ப³த்தப⁴வே உச்சகுலிகோ விப⁴வஸம்பன்னோ அஹோஸி. ஸோ காலந்தரேன இமஸ்மிங் பு³த்³து⁴ப்பாதே³ குலகே³ஹே நிப்³ப³த்தோ வுத்³தி⁴மன்வாய ஸத்த²ரி பஸீதி³த்வா பப்³ப³ஜிதோ நசிரஸ்ஸேவ அரஹா அஹோஸி.
Kānanaṃ vanamoggayhātiādikaṃ āyasmato āsanupaṭṭhāhakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassissa bhagavato kāle kulagehe nibbatto gharāvāsaṃ vasanto tattha dosaṃ disvā gharāvāsaṃ pahāya tāpasapabbajjaṃ pabbajitvā himavante vasanto tattha sampattaṃ bhagavantaṃ disvā pasanno sīhāsanaṃ adāsi, tattha nisinnaṃ bhagavantaṃ mālākalāpaṃ gahetvā pūjetvā taṃ padakkhiṇaṃ katvā pakkāmi. So tena puññena devamanussesu saṃsaranto nibbattanibbattabhave uccakuliko vibhavasampanno ahosi. So kālantarena imasmiṃ buddhuppāde kulagehe nibbatto vuddhimanvāya satthari pasīditvā pabbajito nacirasseva arahā ahosi.
47. ஸோ அரஹா ஸமானோ அத்தனோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ கானநங் வனமொக்³க³ய்ஹாதிஆதி³மாஹ. தங் ஸப்³ப³ங் ஹெட்டா² வுத்தத்த²மேவாதி.
47. So arahā samāno attano pubbakammaṃ saritvā somanassajāto pubbacaritāpadānaṃ pakāsento kānanaṃ vanamoggayhātiādimāha. Taṃ sabbaṃ heṭṭhā vuttatthamevāti.
ஆஸனுபட்டா²ஹகத்தே²ரஅபதா³னவண்ணனா ஸமத்தா.
Āsanupaṭṭhāhakattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 8. ஆஸனுபட்டா²ஹகத்தே²ரஅபதா³னங் • 8. Āsanupaṭṭhāhakattheraapadānaṃ
