| Library / Tipiṭaka / তিপিটক • Tipiṭaka / অপদান-অট্ঠকথা • Apadāna-aṭṭhakathā |
৮. আসনুপট্ঠাহকত্থেরঅপদানৰণ্ণনা
8. Āsanupaṭṭhāhakattheraapadānavaṇṇanā
কাননং ৰনমোগ্গয্হাতিআদিকং আযস্মতো আসনুপট্ঠাহকত্থেরস্স অপদানং। অযম্পি পুরিমবুদ্ধেসু কতাধিকারো তত্থ তত্থ ভৰে ৰিৰট্টূপনিস্সযানি পুঞ্ঞানি উপচিনন্তো অত্থদস্সিস্স ভগৰতো কালে কুলগেহে নিব্বত্তো ঘরাৰাসং ৰসন্তো তত্থ দোসং দিস্ৰা ঘরাৰাসং পহায তাপসপব্বজ্জং পব্বজিত্ৰা হিমৰন্তে ৰসন্তো তত্থ সম্পত্তং ভগৰন্তং দিস্ৰা পসন্নো সীহাসনং অদাসি, তত্থ নিসিন্নং ভগৰন্তং মালাকলাপং গহেত্ৰা পূজেত্ৰা তং পদক্খিণং কত্ৰা পক্কামি। সো তেন পুঞ্ঞেন দেৰমনুস্সেসু সংসরন্তো নিব্বত্তনিব্বত্তভৰে উচ্চকুলিকো ৰিভৰসম্পন্নো অহোসি। সো কালন্তরেন ইমস্মিং বুদ্ধুপ্পাদে কুলগেহে নিব্বত্তো ৰুদ্ধিমন্ৰায সত্থরি পসীদিত্ৰা পব্বজিতো নচিরস্সেৰ অরহা অহোসি।
Kānanaṃ vanamoggayhātiādikaṃ āyasmato āsanupaṭṭhāhakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassissa bhagavato kāle kulagehe nibbatto gharāvāsaṃ vasanto tattha dosaṃ disvā gharāvāsaṃ pahāya tāpasapabbajjaṃ pabbajitvā himavante vasanto tattha sampattaṃ bhagavantaṃ disvā pasanno sīhāsanaṃ adāsi, tattha nisinnaṃ bhagavantaṃ mālākalāpaṃ gahetvā pūjetvā taṃ padakkhiṇaṃ katvā pakkāmi. So tena puññena devamanussesu saṃsaranto nibbattanibbattabhave uccakuliko vibhavasampanno ahosi. So kālantarena imasmiṃ buddhuppāde kulagehe nibbatto vuddhimanvāya satthari pasīditvā pabbajito nacirasseva arahā ahosi.
৪৭. সো অরহা সমানো অত্তনো পুব্বকম্মং সরিত্ৰা সোমনস্সজাতো পুব্বচরিতাপদানং পকাসেন্তো কাননং ৰনমোগ্গয্হাতিআদিমাহ। তং সব্বং হেট্ঠা ৰুত্তত্থমেৰাতি।
47. So arahā samāno attano pubbakammaṃ saritvā somanassajāto pubbacaritāpadānaṃ pakāsento kānanaṃ vanamoggayhātiādimāha. Taṃ sabbaṃ heṭṭhā vuttatthamevāti.
আসনুপট্ঠাহকত্থেরঅপদানৰণ্ণনা সমত্তা।
Āsanupaṭṭhāhakattheraapadānavaṇṇanā samattā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / অপদানপাল়ি • Apadānapāḷi / ৮. আসনুপট্ঠাহকত্থেরঅপদানং • 8. Āsanupaṭṭhāhakattheraapadānaṃ
