| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
7-10. அஸப்புரிஸதா³னஸுத்தாதி³வண்ணனா
7-10. Asappurisadānasuttādivaṇṇanā
147-150. ஸத்தமே அஸக்கச்சந்தி அனாத³ரங் கத்வா. தெ³ய்யத⁴ம்மஸ்ஸ அஸக்கச்சகரணங் நாம அஸம்பன்னங் கரோதீதி ஆஹ ‘‘ந ஸக்கரித்வா ஸுசிங் கத்வா தே³தீ’’தி, உத்தண்டு³லாதி³தோ³ஸவிரஹிதங் ஸுசிஸம்பன்னங் கத்வா ந தே³தீதி அத்தோ². அசித்தீகத்வாதி ந சித்தே கத்வா, ந பூஜெத்வாதி அத்தோ². பூஜெந்தோ ஹி பூஜேதப்³ப³வத்து²ங் சித்தே ட²பேதி, ந ததோ ப³ஹி கரோதி. சித்தங் வா அச்ச²ரியங் கத்வா படிபத்திவிகரணங் ஸம்பா⁴வனகிரியா, தப்படிக்கே²பதோ அசித்தீகரணங் அஸம்பா⁴வனகிரியா. அகா³ரவேன தே³தீதி புக்³க³லே அக³ருங் கரொந்தோ நிஸீத³னட்டா²னே அஸம்மஜ்ஜித்வா யத்த² வா தத்த² வா நிஸீதா³பெத்வா யங் வா தங் வா ஆதா⁴ரகங் ட²பெத்வா தா³னங் தே³தி. அஸஹத்தா²தி ந அத்தனோ ஹத்தே²ன தே³தி, தா³ஸகம்மகரோதீ³ஹி தா³பேதி. அபவித்³த⁴ங் தே³தீதி அந்தரா அபவித்³த⁴ங் விச்சே²த³ங் கத்வா தே³தி. தேனாஹ ‘‘ந நிரந்தரங் தே³தீ’’தி. அத² வா அபவித்³த⁴ங் தே³தீதி உச்சி²ட்டா²தி³ச²ட்³ட³னீயத⁴ம்மங் விய அவக்கி²த்தகங் கத்வா தே³தி. தேனாஹ ‘‘ச²ட்³டே³துகாமோ விய தே³தீ’’தி. ‘‘அத்³தா⁴ இமஸ்ஸ தா³னஸ்ஸ ப²லமேவ ஆக³ச்ச²தீ’’தி ஏவங் யஸ்ஸ கம்மஸ்ஸகதாதி³ட்டி² அத்தி², ஸோ ஆக³மனதி³ட்டி²கோ, அயங் பன ந தாதி³ஸோதி அனாக³மனதி³ட்டி²கோ. தேனாஹ ‘‘கதஸ்ஸ நாம ப²லங் ஆக³மிஸ்ஸதீ’’திஆதி³. அட்ட²மாதீ³ஸு நத்தி² வத்தப்³ப³ங்.
147-150. Sattame asakkaccanti anādaraṃ katvā. Deyyadhammassa asakkaccakaraṇaṃ nāma asampannaṃ karotīti āha ‘‘na sakkaritvā suciṃ katvā detī’’ti, uttaṇḍulādidosavirahitaṃ sucisampannaṃ katvā na detīti attho. Acittīkatvāti na citte katvā, na pūjetvāti attho. Pūjento hi pūjetabbavatthuṃ citte ṭhapeti, na tato bahi karoti. Cittaṃ vā acchariyaṃ katvā paṭipattivikaraṇaṃ sambhāvanakiriyā, tappaṭikkhepato acittīkaraṇaṃ asambhāvanakiriyā. Agāravena detīti puggale agaruṃ karonto nisīdanaṭṭhāne asammajjitvā yattha vā tattha vā nisīdāpetvā yaṃ vā taṃ vā ādhārakaṃ ṭhapetvā dānaṃ deti. Asahatthāti na attano hatthena deti, dāsakammakarodīhi dāpeti. Apaviddhaṃ detīti antarā apaviddhaṃ vicchedaṃ katvā deti. Tenāha ‘‘na nirantaraṃ detī’’ti. Atha vā apaviddhaṃ detīti ucchiṭṭhādichaḍḍanīyadhammaṃ viya avakkhittakaṃ katvā deti. Tenāha ‘‘chaḍḍetukāmo viya detī’’ti. ‘‘Addhā imassa dānassa phalameva āgacchatī’’ti evaṃ yassa kammassakatādiṭṭhi atthi, so āgamanadiṭṭhiko, ayaṃ pana na tādisoti anāgamanadiṭṭhiko. Tenāha ‘‘katassa nāma phalaṃ āgamissatī’’tiādi. Aṭṭhamādīsu natthi vattabbaṃ.
அஸப்புரிஸதா³னஸுத்தாதி³வண்ணனா நிட்டி²தா.
Asappurisadānasuttādivaṇṇanā niṭṭhitā.
திகண்ட³கீவக்³க³வண்ணனா நிட்டி²தா.
Tikaṇḍakīvaggavaṇṇanā niṭṭhitā.
ததியபண்ணாஸகங் நிட்டி²தங்.
Tatiyapaṇṇāsakaṃ niṭṭhitaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
7. அஸப்புரிஸதா³னஸுத்தங் • 7. Asappurisadānasuttaṃ
8. ஸப்புரிஸதா³னஸுத்தங் • 8. Sappurisadānasuttaṃ
9. பட²மஸமயவிமுத்தஸுத்தங் • 9. Paṭhamasamayavimuttasuttaṃ
10. து³தியஸமயவிமுத்தஸுத்தங் • 10. Dutiyasamayavimuttasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā)
7. அஸப்புரிஸதா³னஸுத்தவண்ணனா • 7. Asappurisadānasuttavaṇṇanā
8. ஸப்புரிஸதா³னஸுத்தவண்ணனா • 8. Sappurisadānasuttavaṇṇanā
9. பட²மஸமயவிமுத்தஸுத்தவண்ணனா • 9. Paṭhamasamayavimuttasuttavaṇṇanā
