| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৭-১০. অসপ্পুরিসদানসুত্তাদিৰণ্ণনা
7-10. Asappurisadānasuttādivaṇṇanā
১৪৭-১৫০. সত্তমে অসক্কচ্চন্তি অনাদরং কত্ৰা। দেয্যধম্মস্স অসক্কচ্চকরণং নাম অসম্পন্নং করোতীতি আহ ‘‘ন সক্করিত্ৰা সুচিং কত্ৰা দেতী’’তি, উত্তণ্ডুলাদিদোসৰিরহিতং সুচিসম্পন্নং কত্ৰা ন দেতীতি অত্থো। অচিত্তীকত্ৰাতি ন চিত্তে কত্ৰা, ন পূজেত্ৰাতি অত্থো। পূজেন্তো হি পূজেতব্বৰত্থুং চিত্তে ঠপেতি, ন ততো বহি করোতি। চিত্তং ৰা অচ্ছরিযং কত্ৰা পটিপত্তিৰিকরণং সম্ভাৰনকিরিযা, তপ্পটিক্খেপতো অচিত্তীকরণং অসম্ভাৰনকিরিযা। অগারৰেন দেতীতি পুগ্গলে অগরুং করোন্তো নিসীদনট্ঠানে অসম্মজ্জিত্ৰা যত্থ ৰা তত্থ ৰা নিসীদাপেত্ৰা যং ৰা তং ৰা আধারকং ঠপেত্ৰা দানং দেতি। অসহত্থাতি ন অত্তনো হত্থেন দেতি, দাসকম্মকরোদীহি দাপেতি। অপৰিদ্ধং দেতীতি অন্তরা অপৰিদ্ধং ৰিচ্ছেদং কত্ৰা দেতি। তেনাহ ‘‘ন নিরন্তরং দেতী’’তি। অথ ৰা অপৰিদ্ধং দেতীতি উচ্ছিট্ঠাদিছড্ডনীযধম্মং ৰিয অৰক্খিত্তকং কত্ৰা দেতি। তেনাহ ‘‘ছড্ডেতুকামো ৰিয দেতী’’তি। ‘‘অদ্ধা ইমস্স দানস্স ফলমেৰ আগচ্ছতী’’তি এৰং যস্স কম্মস্সকতাদিট্ঠি অত্থি, সো আগমনদিট্ঠিকো, অযং পন ন তাদিসোতি অনাগমনদিট্ঠিকো। তেনাহ ‘‘কতস্স নাম ফলং আগমিস্সতী’’তিআদি। অট্ঠমাদীসু নত্থি ৰত্তব্বং।
147-150. Sattame asakkaccanti anādaraṃ katvā. Deyyadhammassa asakkaccakaraṇaṃ nāma asampannaṃ karotīti āha ‘‘na sakkaritvā suciṃ katvā detī’’ti, uttaṇḍulādidosavirahitaṃ sucisampannaṃ katvā na detīti attho. Acittīkatvāti na citte katvā, na pūjetvāti attho. Pūjento hi pūjetabbavatthuṃ citte ṭhapeti, na tato bahi karoti. Cittaṃ vā acchariyaṃ katvā paṭipattivikaraṇaṃ sambhāvanakiriyā, tappaṭikkhepato acittīkaraṇaṃ asambhāvanakiriyā. Agāravena detīti puggale agaruṃ karonto nisīdanaṭṭhāne asammajjitvā yattha vā tattha vā nisīdāpetvā yaṃ vā taṃ vā ādhārakaṃ ṭhapetvā dānaṃ deti. Asahatthāti na attano hatthena deti, dāsakammakarodīhi dāpeti. Apaviddhaṃ detīti antarā apaviddhaṃ vicchedaṃ katvā deti. Tenāha ‘‘na nirantaraṃ detī’’ti. Atha vā apaviddhaṃ detīti ucchiṭṭhādichaḍḍanīyadhammaṃ viya avakkhittakaṃ katvā deti. Tenāha ‘‘chaḍḍetukāmo viya detī’’ti. ‘‘Addhā imassa dānassa phalameva āgacchatī’’ti evaṃ yassa kammassakatādiṭṭhi atthi, so āgamanadiṭṭhiko, ayaṃ pana na tādisoti anāgamanadiṭṭhiko. Tenāha ‘‘katassa nāma phalaṃ āgamissatī’’tiādi. Aṭṭhamādīsu natthi vattabbaṃ.
অসপ্পুরিসদানসুত্তাদিৰণ্ণনা নিট্ঠিতা।
Asappurisadānasuttādivaṇṇanā niṭṭhitā.
তিকণ্ডকীৰগ্গৰণ্ণনা নিট্ঠিতা।
Tikaṇḍakīvaggavaṇṇanā niṭṭhitā.
ততিযপণ্ণাসকং নিট্ঠিতং।
Tatiyapaṇṇāsakaṃ niṭṭhitaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
৭. অসপ্পুরিসদানসুত্তং • 7. Asappurisadānasuttaṃ
৮. সপ্পুরিসদানসুত্তং • 8. Sappurisadānasuttaṃ
৯. পঠমসমযৰিমুত্তসুত্তং • 9. Paṭhamasamayavimuttasuttaṃ
১০. দুতিযসমযৰিমুত্তসুত্তং • 10. Dutiyasamayavimuttasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
৭. অসপ্পুরিসদানসুত্তৰণ্ণনা • 7. Asappurisadānasuttavaṇṇanā
৮. সপ্পুরিসদানসুত্তৰণ্ণনা • 8. Sappurisadānasuttavaṇṇanā
৯. পঠমসমযৰিমুত্তসুত্তৰণ্ণনা • 9. Paṭhamasamayavimuttasuttavaṇṇanā
