| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
7-10. асаббурисад̣̇аанасуд̇д̇аад̣̇иван̣н̣анаа
7-10. Asappurisadānasuttādivaṇṇanā
147-150. сад̇д̇амз асаггажжанд̇и анаад̣̇арам̣ гад̇ваа. д̣̇зяяад̇хаммасса асаггажжагаран̣ам̣ наама асамбаннам̣ гарод̇ийд̇и ааха ‘‘на саггарид̇ваа сужим̣ гад̇ваа д̣̇зд̇ий’’д̇и, уд̇д̇ан̣д̣улаад̣̇ид̣̇осавирахид̇ам̣ сужисамбаннам̣ гад̇ваа на д̣̇зд̇ийд̇и ад̇т̇о. ажид̇д̇ийгад̇ваад̇и на жид̇д̇з гад̇ваа, на бууж̇зд̇ваад̇и ад̇т̇о. бууж̇знд̇о хи бууж̇зд̇аб̣б̣авад̇т̇ум̣ жид̇д̇з табзд̇и, на д̇ад̇о б̣ахи гарод̇и. жид̇д̇ам̣ ваа ажчарияам̣ гад̇ваа бадибад̇д̇ивигаран̣ам̣ самбхааванагирияаа, д̇аббадигкзбад̇о ажид̇д̇ийгаран̣ам̣ асамбхааванагирияаа. аг̇ааравзна д̣̇зд̇ийд̇и буг̇г̇алз аг̇арум̣ гаронд̇о нисийд̣̇анадтаанз асаммаж̇ж̇ид̇ваа яад̇т̇а ваа д̇ад̇т̇а ваа нисийд̣̇аабзд̇ваа яам̣ ваа д̇ам̣ ваа аад̇хаарагам̣ табзд̇ваа д̣̇аанам̣ д̣̇зд̇и. асахад̇т̇аад̇и на ад̇д̇ано хад̇т̇зна д̣̇зд̇и, д̣̇аасагаммагарод̣̇ийхи д̣̇аабзд̇и. абавид̣̇д̇хам̣ д̣̇зд̇ийд̇и анд̇араа абавид̣̇д̇хам̣ вижчзд̣̇ам̣ гад̇ваа д̣̇зд̇и. д̇знааха ‘‘на ниранд̇арам̣ д̣̇зд̇ий’’д̇и. ат̇а ваа абавид̣̇д̇хам̣ д̣̇зд̇ийд̇и ужчидтаад̣̇ичад̣д̣анийяад̇хаммам̣ вияа авагкид̇д̇агам̣ гад̇ваа д̣̇зд̇и. д̇знааха ‘‘чад̣д̣зд̇угаамо вияа д̣̇зд̇ий’’д̇и. ‘‘ад̣̇д̇хаа имасса д̣̇аанасса паламзва ааг̇ажчад̇ий’’д̇и звам̣ яасса гаммассагад̇аад̣̇идти ад̇т̇и, со ааг̇аманад̣̇идтиго, аяам̣ бана на д̇аад̣̇исод̇и анааг̇аманад̣̇идтиго. д̇знааха ‘‘гад̇асса наама палам̣ ааг̇амиссад̇ий’’д̇иаад̣̇и. адтамаад̣̇ийсу над̇т̇и вад̇д̇аб̣б̣ам̣.
147-150. Sattame asakkaccanti anādaraṃ katvā. Deyyadhammassa asakkaccakaraṇaṃ nāma asampannaṃ karotīti āha ‘‘na sakkaritvā suciṃ katvā detī’’ti, uttaṇḍulādidosavirahitaṃ sucisampannaṃ katvā na detīti attho. Acittīkatvāti na citte katvā, na pūjetvāti attho. Pūjento hi pūjetabbavatthuṃ citte ṭhapeti, na tato bahi karoti. Cittaṃ vā acchariyaṃ katvā paṭipattivikaraṇaṃ sambhāvanakiriyā, tappaṭikkhepato acittīkaraṇaṃ asambhāvanakiriyā. Agāravena detīti puggale agaruṃ karonto nisīdanaṭṭhāne asammajjitvā yattha vā tattha vā nisīdāpetvā yaṃ vā taṃ vā ādhārakaṃ ṭhapetvā dānaṃ deti. Asahatthāti na attano hatthena deti, dāsakammakarodīhi dāpeti. Apaviddhaṃ detīti antarā apaviddhaṃ vicchedaṃ katvā deti. Tenāha ‘‘na nirantaraṃ detī’’ti. Atha vā apaviddhaṃ detīti ucchiṭṭhādichaḍḍanīyadhammaṃ viya avakkhittakaṃ katvā deti. Tenāha ‘‘chaḍḍetukāmo viya detī’’ti. ‘‘Addhā imassa dānassa phalameva āgacchatī’’ti evaṃ yassa kammassakatādiṭṭhi atthi, so āgamanadiṭṭhiko, ayaṃ pana na tādisoti anāgamanadiṭṭhiko. Tenāha ‘‘katassa nāma phalaṃ āgamissatī’’tiādi. Aṭṭhamādīsu natthi vattabbaṃ.
асаббурисад̣̇аанасуд̇д̇аад̣̇иван̣н̣анаа нидтид̇аа.
Asappurisadānasuttādivaṇṇanā niṭṭhitā.
д̇иган̣д̣агийваг̇г̇аван̣н̣анаа нидтид̇аа.
Tikaṇḍakīvaggavaṇṇanā niṭṭhitā.
д̇ад̇ияабан̣н̣аасагам̣ нидтид̇ам̣.
Tatiyapaṇṇāsakaṃ niṭṭhitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
7. асаббурисад̣̇аанасуд̇д̇ам̣ • 7. Asappurisadānasuttaṃ
8. саббурисад̣̇аанасуд̇д̇ам̣ • 8. Sappurisadānasuttaṃ
9. батамасамаяавимуд̇д̇асуд̇д̇ам̣ • 9. Paṭhamasamayavimuttasuttaṃ
10. д̣̇уд̇ияасамаяавимуд̇д̇асуд̇д̇ам̣ • 10. Dutiyasamayavimuttasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
7. асаббурисад̣̇аанасуд̇д̇аван̣н̣анаа • 7. Asappurisadānasuttavaṇṇanā
8. саббурисад̣̇аанасуд̇д̇аван̣н̣анаа • 8. Sappurisadānasuttavaṇṇanā
9. батамасамаяавимуд̇д̇асуд̇д̇аван̣н̣анаа • 9. Paṭhamasamayavimuttasuttavaṇṇanā
