| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๗-๑๐. อสปฺปุริสทานสุตฺตาทิวณฺณนา
7-10. Asappurisadānasuttādivaṇṇanā
๑๔๗-๑๕๐. สตฺตเม อสกฺกจฺจนฺติ อนาทรํ กตฺวาฯ เทยฺยธมฺมสฺส อสกฺกจฺจกรณํ นาม อสมฺปนฺนํ กโรตีติ อาห ‘‘น สกฺกริตฺวา สุจิํ กตฺวา เทตี’’ติ, อุตฺตณฺฑุลาทิโทสวิรหิตํ สุจิสมฺปนฺนํ กตฺวา น เทตีติ อโตฺถฯ อจิตฺตีกตฺวาติ น จิเตฺต กตฺวา, น ปูเชตฺวาติ อโตฺถฯ ปูเชโนฺต หิ ปูเชตพฺพวตฺถุํ จิเตฺต ฐเปติ, น ตโต พหิ กโรติฯ จิตฺตํ วา อจฺฉริยํ กตฺวา ปฎิปตฺติวิกรณํ สมฺภาวนกิริยา, ตปฺปฎิเกฺขปโต อจิตฺตีกรณํ อสมฺภาวนกิริยาฯ อคารเวน เทตีติ ปุคฺคเล อครุํ กโรโนฺต นิสีทนฎฺฐาเน อสมฺมชฺชิตฺวา ยตฺถ วา ตตฺถ วา นิสีทาเปตฺวา ยํ วา ตํ วา อาธารกํ ฐเปตฺวา ทานํ เทติฯ อสหตฺถาติ น อตฺตโน หเตฺถน เทติ, ทาสกมฺมกโรทีหิ ทาเปติฯ อปวิทฺธํ เทตีติ อนฺตรา อปวิทฺธํ วิเจฺฉทํ กตฺวา เทติฯ เตนาห ‘‘น นิรนฺตรํ เทตี’’ติฯ อถ วา อปวิทฺธํ เทตีติ อุจฺฉิฎฺฐาทิฉฑฺฑนียธมฺมํ วิย อวกฺขิตฺตกํ กตฺวา เทติฯ เตนาห ‘‘ฉเฑฺฑตุกาโม วิย เทตี’’ติฯ ‘‘อทฺธา อิมสฺส ทานสฺส ผลเมว อาคจฺฉตี’’ติ เอวํ ยสฺส กมฺมสฺสกตาทิฎฺฐิ อตฺถิ, โส อาคมนทิฎฺฐิโก, อยํ ปน น ตาทิโสติ อนาคมนทิฎฺฐิโกฯ เตนาห ‘‘กตสฺส นาม ผลํ อาคมิสฺสตี’’ติอาทิฯ อฎฺฐมาทีสุ นตฺถิ วตฺตพฺพํฯ
147-150. Sattame asakkaccanti anādaraṃ katvā. Deyyadhammassa asakkaccakaraṇaṃ nāma asampannaṃ karotīti āha ‘‘na sakkaritvā suciṃ katvā detī’’ti, uttaṇḍulādidosavirahitaṃ sucisampannaṃ katvā na detīti attho. Acittīkatvāti na citte katvā, na pūjetvāti attho. Pūjento hi pūjetabbavatthuṃ citte ṭhapeti, na tato bahi karoti. Cittaṃ vā acchariyaṃ katvā paṭipattivikaraṇaṃ sambhāvanakiriyā, tappaṭikkhepato acittīkaraṇaṃ asambhāvanakiriyā. Agāravena detīti puggale agaruṃ karonto nisīdanaṭṭhāne asammajjitvā yattha vā tattha vā nisīdāpetvā yaṃ vā taṃ vā ādhārakaṃ ṭhapetvā dānaṃ deti. Asahatthāti na attano hatthena deti, dāsakammakarodīhi dāpeti. Apaviddhaṃ detīti antarā apaviddhaṃ vicchedaṃ katvā deti. Tenāha ‘‘na nirantaraṃ detī’’ti. Atha vā apaviddhaṃ detīti ucchiṭṭhādichaḍḍanīyadhammaṃ viya avakkhittakaṃ katvā deti. Tenāha ‘‘chaḍḍetukāmo viya detī’’ti. ‘‘Addhā imassa dānassa phalameva āgacchatī’’ti evaṃ yassa kammassakatādiṭṭhi atthi, so āgamanadiṭṭhiko, ayaṃ pana na tādisoti anāgamanadiṭṭhiko. Tenāha ‘‘katassa nāma phalaṃ āgamissatī’’tiādi. Aṭṭhamādīsu natthi vattabbaṃ.
อสปฺปุริสทานสุตฺตาทิวณฺณนา นิฎฺฐิตาฯ
Asappurisadānasuttādivaṇṇanā niṭṭhitā.
ติกณฺฑกีวคฺควณฺณนา นิฎฺฐิตาฯ
Tikaṇḍakīvaggavaṇṇanā niṭṭhitā.
ตติยปณฺณาสกํ นิฎฺฐิตํฯ
Tatiyapaṇṇāsakaṃ niṭṭhitaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya
๗. อสปฺปุริสทานสุตฺตํ • 7. Asappurisadānasuttaṃ
๘. สปฺปุริสทานสุตฺตํ • 8. Sappurisadānasuttaṃ
๙. ปฐมสมยวิมุตฺตสุตฺตํ • 9. Paṭhamasamayavimuttasuttaṃ
๑๐. ทุติยสมยวิมุตฺตสุตฺตํ • 10. Dutiyasamayavimuttasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā)
๗. อสปฺปุริสทานสุตฺตวณฺณนา • 7. Asappurisadānasuttavaṇṇanā
๘. สปฺปุริสทานสุตฺตวณฺณนา • 8. Sappurisadānasuttavaṇṇanā
๙. ปฐมสมยวิมุตฺตสุตฺตวณฺณนา • 9. Paṭhamasamayavimuttasuttavaṇṇanā
