| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៧-១០. អសប្បុរិសទានសុត្តាទិវណ្ណនា
7-10. Asappurisadānasuttādivaṇṇanā
១៤៧-១៥០. សត្តមេ អសក្កច្ចន្តិ អនាទរំ កត្វា។ ទេយ្យធម្មស្ស អសក្កច្ចករណំ នាម អសម្បន្នំ ករោតីតិ អាហ ‘‘ន សក្ករិត្វា សុចិំ កត្វា ទេតី’’តិ, ឧត្តណ្ឌុលាទិទោសវិរហិតំ សុចិសម្បន្នំ កត្វា ន ទេតីតិ អត្ថោ។ អចិត្តីកត្វាតិ ន ចិត្តេ កត្វា, ន បូជេត្វាតិ អត្ថោ។ បូជេន្តោ ហិ បូជេតព្ពវត្ថុំ ចិត្តេ ឋបេតិ, ន តតោ ពហិ ករោតិ។ ចិត្តំ វា អច្ឆរិយំ កត្វា បដិបត្តិវិករណំ សម្ភាវនកិរិយា, តប្បដិក្ខេបតោ អចិត្តីករណំ អសម្ភាវនកិរិយា។ អគារវេន ទេតីតិ បុគ្គលេ អគរុំ ករោន្តោ និសីទនដ្ឋានេ អសម្មជ្ជិត្វា យត្ថ វា តត្ថ វា និសីទាបេត្វា យំ វា តំ វា អាធារកំ ឋបេត្វា ទានំ ទេតិ។ អសហត្ថាតិ ន អត្តនោ ហត្ថេន ទេតិ, ទាសកម្មករោទីហិ ទាបេតិ។ អបវិទ្ធំ ទេតីតិ អន្តរា អបវិទ្ធំ វិច្ឆេទំ កត្វា ទេតិ។ តេនាហ ‘‘ន និរន្តរំ ទេតី’’តិ។ អថ វា អបវិទ្ធំ ទេតីតិ ឧច្ឆិដ្ឋាទិឆឌ្ឌនីយធម្មំ វិយ អវក្ខិត្តកំ កត្វា ទេតិ។ តេនាហ ‘‘ឆឌ្ឌេតុកាមោ វិយ ទេតី’’តិ។ ‘‘អទ្ធា ឥមស្ស ទានស្ស ផលមេវ អាគច្ឆតី’’តិ ឯវំ យស្ស កម្មស្សកតាទិដ្ឋិ អត្ថិ, សោ អាគមនទិដ្ឋិកោ, អយំ បន ន តាទិសោតិ អនាគមនទិដ្ឋិកោ។ តេនាហ ‘‘កតស្ស នាម ផលំ អាគមិស្សតី’’តិអាទិ។ អដ្ឋមាទីសុ នត្ថិ វត្តព្ពំ។
147-150. Sattame asakkaccanti anādaraṃ katvā. Deyyadhammassa asakkaccakaraṇaṃ nāma asampannaṃ karotīti āha ‘‘na sakkaritvā suciṃ katvā detī’’ti, uttaṇḍulādidosavirahitaṃ sucisampannaṃ katvā na detīti attho. Acittīkatvāti na citte katvā, na pūjetvāti attho. Pūjento hi pūjetabbavatthuṃ citte ṭhapeti, na tato bahi karoti. Cittaṃ vā acchariyaṃ katvā paṭipattivikaraṇaṃ sambhāvanakiriyā, tappaṭikkhepato acittīkaraṇaṃ asambhāvanakiriyā. Agāravena detīti puggale agaruṃ karonto nisīdanaṭṭhāne asammajjitvā yattha vā tattha vā nisīdāpetvā yaṃ vā taṃ vā ādhārakaṃ ṭhapetvā dānaṃ deti. Asahatthāti na attano hatthena deti, dāsakammakarodīhi dāpeti. Apaviddhaṃ detīti antarā apaviddhaṃ vicchedaṃ katvā deti. Tenāha ‘‘na nirantaraṃ detī’’ti. Atha vā apaviddhaṃ detīti ucchiṭṭhādichaḍḍanīyadhammaṃ viya avakkhittakaṃ katvā deti. Tenāha ‘‘chaḍḍetukāmo viya detī’’ti. ‘‘Addhā imassa dānassa phalameva āgacchatī’’ti evaṃ yassa kammassakatādiṭṭhi atthi, so āgamanadiṭṭhiko, ayaṃ pana na tādisoti anāgamanadiṭṭhiko. Tenāha ‘‘katassa nāma phalaṃ āgamissatī’’tiādi. Aṭṭhamādīsu natthi vattabbaṃ.
អសប្បុរិសទានសុត្តាទិវណ្ណនា និដ្ឋិតា។
Asappurisadānasuttādivaṇṇanā niṭṭhitā.
តិកណ្ឌកីវគ្គវណ្ណនា និដ្ឋិតា។
Tikaṇḍakīvaggavaṇṇanā niṭṭhitā.
តតិយបណ្ណាសកំ និដ្ឋិតំ។
Tatiyapaṇṇāsakaṃ niṭṭhitaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya
៧. អសប្បុរិសទានសុត្តំ • 7. Asappurisadānasuttaṃ
៨. សប្បុរិសទានសុត្តំ • 8. Sappurisadānasuttaṃ
៩. បឋមសមយវិមុត្តសុត្តំ • 9. Paṭhamasamayavimuttasuttaṃ
១០. ទុតិយសមយវិមុត្តសុត្តំ • 10. Dutiyasamayavimuttasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā)
៧. អសប្បុរិសទានសុត្តវណ្ណនា • 7. Asappurisadānasuttavaṇṇanā
៨. សប្បុរិសទានសុត្តវណ្ណនា • 8. Sappurisadānasuttavaṇṇanā
៩. បឋមសមយវិមុត្តសុត្តវណ្ណនា • 9. Paṭhamasamayavimuttasuttavaṇṇanā
