| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
7-10. අසප්‌පුරිසදානසුත්‌තාදිවණ්‌ණනා
7-10. Asappurisadānasuttādivaṇṇanā
147-150. සත්‌තමෙ අසක්‌කච්‌චන්‌ති අනාදරං කත්‌වා. දෙය්‍යධම්‌මස්‌ස අසක්‌කච්‌චකරණං නාම අසම්‌පන්‌නං කරොතීති ආහ ‘‘න සක්‌කරිත්‌වා සුචිං කත්‌වා දෙතී’’ති, උත්‌තණ්‌ඩුලාදිදොසවිරහිතං සුචිසම්‌පන්‌නං කත්‌වා න දෙතීති අත්‌ථො. අචිත්‌තීකත්‌වාති න චිත්‌තෙ කත්‌වා, න පූජෙත්‌වාති අත්‌ථො. පූජෙන්‌තො හි පූජෙතබ්‌බවත්‌ථුං චිත්‌තෙ ඨපෙති, න තතො බහි කරොති. චිත්‌තං වා අච්‌ඡරියං කත්‌වා පටිපත්‌තිවිකරණං සම්‌භාවනකිරියා, තප්‌පටික්‌ඛෙපතො අචිත්‌තීකරණං අසම්‌භාවනකිරියා. අගාරවෙන දෙතීති පුග්‌ගලෙ අගරුං කරොන්‌තො නිසීදනට්‌ඨානෙ අසම්‌මජ්‌ජිත්‌වා යත්‌ථ වා තත්‌ථ වා නිසීදාපෙත්‌වා යං වා තං වා ආධාරකං ඨපෙත්‌වා දානං දෙති. අසහත්‌ථාති න අත්‌තනො හත්‌ථෙන දෙති, දාසකම්‌මකරොදීහි දාපෙති. අපවිද්‌ධං දෙතීති අන්‌තරා අපවිද්‌ධං විච්‌ඡෙදං කත්‌වා දෙති. තෙනාහ ‘‘න නිරන්‌තරං දෙතී’’ති. අථ වා අපවිද්‌ධං දෙතීති උච්‌ඡිට්‌ඨාදිඡඩ්‌ඩනීයධම්‌මං විය අවක්‌ඛිත්‌තකං කත්‌වා දෙති. තෙනාහ ‘‘ඡඩ්‌ඩෙතුකාමො විය දෙතී’’ති. ‘‘අද්‌ධා ඉමස්‌ස දානස්‌ස ඵලමෙව ආගච්‌ඡතී’’ති එවං යස්‌ස කම්‌මස්‌සකතාදිට්‌ඨි අත්‌ථි, සො ආගමනදිට්‌ඨිකො, අයං පන න තාදිසොති අනාගමනදිට්‌ඨිකො. තෙනාහ ‘‘කතස්‌ස නාම ඵලං ආගමිස්‌සතී’’තිආදි. අට්‌ඨමාදීසු නත්‌ථි වත්‌තබ්‌බං.
147-150. Sattame asakkaccanti anādaraṃ katvā. Deyyadhammassa asakkaccakaraṇaṃ nāma asampannaṃ karotīti āha ‘‘na sakkaritvā suciṃ katvā detī’’ti, uttaṇḍulādidosavirahitaṃ sucisampannaṃ katvā na detīti attho. Acittīkatvāti na citte katvā, na pūjetvāti attho. Pūjento hi pūjetabbavatthuṃ citte ṭhapeti, na tato bahi karoti. Cittaṃ vā acchariyaṃ katvā paṭipattivikaraṇaṃ sambhāvanakiriyā, tappaṭikkhepato acittīkaraṇaṃ asambhāvanakiriyā. Agāravena detīti puggale agaruṃ karonto nisīdanaṭṭhāne asammajjitvā yattha vā tattha vā nisīdāpetvā yaṃ vā taṃ vā ādhārakaṃ ṭhapetvā dānaṃ deti. Asahatthāti na attano hatthena deti, dāsakammakarodīhi dāpeti. Apaviddhaṃ detīti antarā apaviddhaṃ vicchedaṃ katvā deti. Tenāha ‘‘na nirantaraṃ detī’’ti. Atha vā apaviddhaṃ detīti ucchiṭṭhādichaḍḍanīyadhammaṃ viya avakkhittakaṃ katvā deti. Tenāha ‘‘chaḍḍetukāmo viya detī’’ti. ‘‘Addhā imassa dānassa phalameva āgacchatī’’ti evaṃ yassa kammassakatādiṭṭhi atthi, so āgamanadiṭṭhiko, ayaṃ pana na tādisoti anāgamanadiṭṭhiko. Tenāha ‘‘katassa nāma phalaṃ āgamissatī’’tiādi. Aṭṭhamādīsu natthi vattabbaṃ.
අසප්‌පුරිසදානසුත්‌තාදිවණ්‌ණනා නිට්‌ඨිතා.
Asappurisadānasuttādivaṇṇanā niṭṭhitā.
තිකණ්‌ඩකීවග්‌ගවණ්‌ණනා නිට්‌ඨිතා.
Tikaṇḍakīvaggavaṇṇanā niṭṭhitā.
තතියපණ්‌ණාසකං නිට්‌ඨිතං.
Tatiyapaṇṇāsakaṃ niṭṭhitaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya
7. අසප්‌පුරිසදානසුත්‌තං • 7. Asappurisadānasuttaṃ
8. සප්‌පුරිසදානසුත්‌තං • 8. Sappurisadānasuttaṃ
9. පඨමසමයවිමුත්‌තසුත්‌තං • 9. Paṭhamasamayavimuttasuttaṃ
10. දුතියසමයවිමුත්‌තසුත්‌තං • 10. Dutiyasamayavimuttasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā)
7. අසප්‌පුරිසදානසුත්‌තවණ්‌ණනා • 7. Asappurisadānasuttavaṇṇanā
8. සප්‌පුරිසදානසුත්‌තවණ්‌ණනා • 8. Sappurisadānasuttavaṇṇanā
9. පඨමසමයවිමුත්‌තසුත්‌තවණ්‌ණනා • 9. Paṭhamasamayavimuttasuttavaṇṇanā
