| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
7. அஸப்புரிஸதா³னஸுத்தவண்ணனா
7. Asappurisadānasuttavaṇṇanā
147. ஸத்தமே அஸக்கச்சங் தே³தீதி ந ஸக்கரித்வா ஸுசிங் கத்வா தே³தி. அசித்தீகத்வா தே³தீதி அசித்தீகாரேன அகா³ரவவஸேன தே³தி. அபவித்³த⁴ங் தே³தீதி ந நிரந்தரங் தே³தி, அத² வா ச²ட்³டே³துகாமோ விய தே³தி. அனாக³மனதி³ட்டி²கோ தே³தீதி கதஸ்ஸ நாம ப²லங் ஆக³மிஸ்ஸதீதி ந ஏவங் ஆக³மனதி³ட்டி²ங் ந உப்பாதெ³த்வா தே³தி.
147. Sattame asakkaccaṃ detīti na sakkaritvā suciṃ katvā deti. Acittīkatvā detīti acittīkārena agāravavasena deti. Apaviddhaṃ detīti na nirantaraṃ deti, atha vā chaḍḍetukāmo viya deti. Anāgamanadiṭṭhiko detīti katassa nāma phalaṃ āgamissatīti na evaṃ āgamanadiṭṭhiṃ na uppādetvā deti.
ஸுக்கபக்கே² சித்தீகத்வா தே³தீதி தெ³ய்யத⁴ம்மே ச த³க்கி²ணெய்யேஸு ச சித்தீகாரங் உபட்ட²பெத்வா தே³தி. தத்த² தெ³ய்யத⁴ம்மங் பணீதங் ஓஜவந்தங் கத்வா தெ³ந்தோ தெ³ய்யத⁴ம்மே சித்தீகாரங் உபட்ட²பேதி நாம. புக்³க³லங் விசினித்வா தெ³ந்தோ த³க்கி²ணெய்யேஸு சித்தீகாரங் உபட்ட²பேதி நாம. ஸஹத்தா² தே³தீதி ஆணத்தியா பரஹத்தே²ன அத³த்வா ‘‘அனமதக்³கே³ ஸங்ஸாரே விசரந்தேன மே ஹத்த²பாதா³னங் அலத்³த⁴காலஸ்ஸ பமாணங் நாம நத்தி², வட்டமொக்க²ங் ப⁴வனிஸ்ஸரணங் கரிஸ்ஸாமீ’’தி ஸஹத்தே²னேவ தே³தி. ஆக³மனதி³ட்டி²கோதி ‘‘அனாக³தப⁴வஸ்ஸ பச்சயோ ப⁴விஸ்ஸதீ’’தி கம்மஞ்ச விபாகஞ்ச ஸத்³த³ஹித்வா தே³தீதி.
Sukkapakkhe cittīkatvā detīti deyyadhamme ca dakkhiṇeyyesu ca cittīkāraṃ upaṭṭhapetvā deti. Tattha deyyadhammaṃ paṇītaṃ ojavantaṃ katvā dento deyyadhamme cittīkāraṃ upaṭṭhapeti nāma. Puggalaṃ vicinitvā dento dakkhiṇeyyesu cittīkāraṃ upaṭṭhapeti nāma. Sahatthā detīti āṇattiyā parahatthena adatvā ‘‘anamatagge saṃsāre vicarantena me hatthapādānaṃ aladdhakālassa pamāṇaṃ nāma natthi, vaṭṭamokkhaṃ bhavanissaraṇaṃ karissāmī’’ti sahattheneva deti. Āgamanadiṭṭhikoti ‘‘anāgatabhavassa paccayo bhavissatī’’ti kammañca vipākañca saddahitvā detīti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 7. அஸப்புரிஸதா³னஸுத்தங் • 7. Asappurisadānasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7-10. அஸப்புரிஸதா³னஸுத்தாதி³வண்ணனா • 7-10. Asappurisadānasuttādivaṇṇanā
