| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৭. অসপ্পুরিসদানসুত্তৰণ্ণনা
7. Asappurisadānasuttavaṇṇanā
১৪৭. সত্তমে অসক্কচ্চং দেতীতি ন সক্করিত্ৰা সুচিং কত্ৰা দেতি। অচিত্তীকত্ৰা দেতীতি অচিত্তীকারেন অগারৰৰসেন দেতি। অপৰিদ্ধং দেতীতি ন নিরন্তরং দেতি, অথ ৰা ছড্ডেতুকামো ৰিয দেতি। অনাগমনদিট্ঠিকো দেতীতি কতস্স নাম ফলং আগমিস্সতীতি ন এৰং আগমনদিট্ঠিং ন উপ্পাদেত্ৰা দেতি।
147. Sattame asakkaccaṃ detīti na sakkaritvā suciṃ katvā deti. Acittīkatvā detīti acittīkārena agāravavasena deti. Apaviddhaṃ detīti na nirantaraṃ deti, atha vā chaḍḍetukāmo viya deti. Anāgamanadiṭṭhiko detīti katassa nāma phalaṃ āgamissatīti na evaṃ āgamanadiṭṭhiṃ na uppādetvā deti.
সুক্কপক্খে চিত্তীকত্ৰা দেতীতি দেয্যধম্মে চ দক্খিণেয্যেসু চ চিত্তীকারং উপট্ঠপেত্ৰা দেতি। তত্থ দেয্যধম্মং পণীতং ওজৰন্তং কত্ৰা দেন্তো দেয্যধম্মে চিত্তীকারং উপট্ঠপেতি নাম। পুগ্গলং ৰিচিনিত্ৰা দেন্তো দক্খিণেয্যেসু চিত্তীকারং উপট্ঠপেতি নাম। সহত্থা দেতীতি আণত্তিযা পরহত্থেন অদত্ৰা ‘‘অনমতগ্গে সংসারে ৰিচরন্তেন মে হত্থপাদানং অলদ্ধকালস্স পমাণং নাম নত্থি, ৰট্টমোক্খং ভৰনিস্সরণং করিস্সামী’’তি সহত্থেনেৰ দেতি। আগমনদিট্ঠিকোতি ‘‘অনাগতভৰস্স পচ্চযো ভৰিস্সতী’’তি কম্মঞ্চ ৰিপাকঞ্চ সদ্দহিত্ৰা দেতীতি।
Sukkapakkhe cittīkatvā detīti deyyadhamme ca dakkhiṇeyyesu ca cittīkāraṃ upaṭṭhapetvā deti. Tattha deyyadhammaṃ paṇītaṃ ojavantaṃ katvā dento deyyadhamme cittīkāraṃ upaṭṭhapeti nāma. Puggalaṃ vicinitvā dento dakkhiṇeyyesu cittīkāraṃ upaṭṭhapeti nāma. Sahatthā detīti āṇattiyā parahatthena adatvā ‘‘anamatagge saṃsāre vicarantena me hatthapādānaṃ aladdhakālassa pamāṇaṃ nāma natthi, vaṭṭamokkhaṃ bhavanissaraṇaṃ karissāmī’’ti sahattheneva deti. Āgamanadiṭṭhikoti ‘‘anāgatabhavassa paccayo bhavissatī’’ti kammañca vipākañca saddahitvā detīti.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৭. অসপ্পুরিসদানসুত্তং • 7. Asappurisadānasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৭-১০. অসপ্পুরিসদানসুত্তাদিৰণ্ণনা • 7-10. Asappurisadānasuttādivaṇṇanā
