| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
7. асаббурисад̣̇аанасуд̇д̇аван̣н̣анаа
7. Asappurisadānasuttavaṇṇanā
147. сад̇д̇амз асаггажжам̣ д̣̇зд̇ийд̇и на саггарид̇ваа сужим̣ гад̇ваа д̣̇зд̇и. ажид̇д̇ийгад̇ваа д̣̇зд̇ийд̇и ажид̇д̇ийгаарзна аг̇аарававасзна д̣̇зд̇и. абавид̣̇д̇хам̣ д̣̇зд̇ийд̇и на ниранд̇арам̣ д̣̇зд̇и, ат̇а ваа чад̣д̣зд̇угаамо вияа д̣̇зд̇и. анааг̇аманад̣̇идтиго д̣̇зд̇ийд̇и гад̇асса наама палам̣ ааг̇амиссад̇ийд̇и на звам̣ ааг̇аманад̣̇идтим̣ на уббаад̣̇зд̇ваа д̣̇зд̇и.
147. Sattame asakkaccaṃ detīti na sakkaritvā suciṃ katvā deti. Acittīkatvā detīti acittīkārena agāravavasena deti. Apaviddhaṃ detīti na nirantaraṃ deti, atha vā chaḍḍetukāmo viya deti. Anāgamanadiṭṭhiko detīti katassa nāma phalaṃ āgamissatīti na evaṃ āgamanadiṭṭhiṃ na uppādetvā deti.
суггабагкз жид̇д̇ийгад̇ваа д̣̇зд̇ийд̇и д̣̇зяяад̇хаммз жа д̣̇агкин̣зяязсу жа жид̇д̇ийгаарам̣ убадтабзд̇ваа д̣̇зд̇и. д̇ад̇т̇а д̣̇зяяад̇хаммам̣ бан̣ийд̇ам̣ ож̇аванд̇ам̣ гад̇ваа д̣̇знд̇о д̣̇зяяад̇хаммз жид̇д̇ийгаарам̣ убадтабзд̇и наама. буг̇г̇алам̣ вижинид̇ваа д̣̇знд̇о д̣̇агкин̣зяязсу жид̇д̇ийгаарам̣ убадтабзд̇и наама. сахад̇т̇аа д̣̇зд̇ийд̇и аан̣ад̇д̇ияаа барахад̇т̇зна ад̣̇ад̇ваа ‘‘анамад̇аг̇г̇з сам̣саарз вижаранд̇зна мз хад̇т̇абаад̣̇аанам̣ алад̣̇д̇хагааласса бамаан̣ам̣ наама над̇т̇и, ваддамогкам̣ бхаваниссаран̣ам̣ гариссаамий’’д̇и сахад̇т̇знзва д̣̇зд̇и. ааг̇аманад̣̇идтигод̇и ‘‘анааг̇ад̇абхавасса бажжаяо бхависсад̇ий’’д̇и гамман̃жа вибааган̃жа сад̣̇д̣̇ахид̇ваа д̣̇зд̇ийд̇и.
Sukkapakkhe cittīkatvā detīti deyyadhamme ca dakkhiṇeyyesu ca cittīkāraṃ upaṭṭhapetvā deti. Tattha deyyadhammaṃ paṇītaṃ ojavantaṃ katvā dento deyyadhamme cittīkāraṃ upaṭṭhapeti nāma. Puggalaṃ vicinitvā dento dakkhiṇeyyesu cittīkāraṃ upaṭṭhapeti nāma. Sahatthā detīti āṇattiyā parahatthena adatvā ‘‘anamatagge saṃsāre vicarantena me hatthapādānaṃ aladdhakālassa pamāṇaṃ nāma natthi, vaṭṭamokkhaṃ bhavanissaraṇaṃ karissāmī’’ti sahattheneva deti. Āgamanadiṭṭhikoti ‘‘anāgatabhavassa paccayo bhavissatī’’ti kammañca vipākañca saddahitvā detīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. асаббурисад̣̇аанасуд̇д̇ам̣ • 7. Asappurisadānasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7-10. асаббурисад̣̇аанасуд̇д̇аад̣̇иван̣н̣анаа • 7-10. Asappurisadānasuttādivaṇṇanā
