| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
7. අසප්‌පුරිසදානසුත්‌තවණ්‌ණනා
7. Asappurisadānasuttavaṇṇanā
147. සත්‌තමෙ අසක්‌කච්‌චං දෙතීති න සක්‌කරිත්‌වා සුචිං කත්‌වා දෙති. අචිත්‌තීකත්‌වා දෙතීති අචිත්‌තීකාරෙන අගාරවවසෙන දෙති. අපවිද්‌ධං දෙතීති න නිරන්‌තරං දෙති, අථ වා ඡඩ්‌ඩෙතුකාමො විය දෙති. අනාගමනදිට්‌ඨිකො දෙතීති කතස්‌ස නාම ඵලං ආගමිස්‌සතීති න එවං ආගමනදිට්‌ඨිං න උප්‌පාදෙත්‌වා දෙති.
147. Sattame asakkaccaṃ detīti na sakkaritvā suciṃ katvā deti. Acittīkatvā detīti acittīkārena agāravavasena deti. Apaviddhaṃ detīti na nirantaraṃ deti, atha vā chaḍḍetukāmo viya deti. Anāgamanadiṭṭhiko detīti katassa nāma phalaṃ āgamissatīti na evaṃ āgamanadiṭṭhiṃ na uppādetvā deti.
සුක්‌කපක්‌ඛෙ චිත්‌තීකත්‌වා දෙතීති දෙය්‍යධම්‌මෙ ච දක්‌ඛිණෙය්‍යෙසු ච චිත්‌තීකාරං උපට්‌ඨපෙත්‌වා දෙති. තත්‌ථ දෙය්‍යධම්‌මං පණීතං ඔජවන්‌තං කත්‌වා දෙන්‌තො දෙය්‍යධම්‌මෙ චිත්‌තීකාරං උපට්‌ඨපෙති නාම. පුග්‌ගලං විචිනිත්‌වා දෙන්‌තො දක්‌ඛිණෙය්‍යෙසු චිත්‌තීකාරං උපට්‌ඨපෙති නාම. සහත්‌ථා දෙතීති ආණත්‌තියා පරහත්‌ථෙන අදත්‌වා ‘‘අනමතග්‌ගෙ සංසාරෙ විචරන්‌තෙන මෙ හත්‌ථපාදානං අලද්‌ධකාලස්‌ස පමාණං නාම නත්‌ථි, වට්‌ටමොක්‌ඛං භවනිස්‌සරණං කරිස්‌සාමී’’ති සහත්‌ථෙනෙව දෙති. ආගමනදිට්‌ඨිකොති ‘‘අනාගතභවස්‌ස පච්‌චයො භවිස්‌සතී’’ති කම්‌මඤ්‌ච විපාකඤ්‌ච සද්‌දහිත්‌වා දෙතීති.
Sukkapakkhe cittīkatvā detīti deyyadhamme ca dakkhiṇeyyesu ca cittīkāraṃ upaṭṭhapetvā deti. Tattha deyyadhammaṃ paṇītaṃ ojavantaṃ katvā dento deyyadhamme cittīkāraṃ upaṭṭhapeti nāma. Puggalaṃ vicinitvā dento dakkhiṇeyyesu cittīkāraṃ upaṭṭhapeti nāma. Sahatthā detīti āṇattiyā parahatthena adatvā ‘‘anamatagge saṃsāre vicarantena me hatthapādānaṃ aladdhakālassa pamāṇaṃ nāma natthi, vaṭṭamokkhaṃ bhavanissaraṇaṃ karissāmī’’ti sahattheneva deti. Āgamanadiṭṭhikoti ‘‘anāgatabhavassa paccayo bhavissatī’’ti kammañca vipākañca saddahitvā detīti.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 7. අසප්‌පුරිසදානසුත්‌තං • 7. Asappurisadānasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 7-10. අසප්‌පුරිසදානසුත්‌තාදිවණ්‌ණනා • 7-10. Asappurisadānasuttādivaṇṇanā
