| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੭. ਅਸਪ੍ਪੁਰਿਸਦਾਨਸੁਤ੍ਤવਣ੍ਣਨਾ
7. Asappurisadānasuttavaṇṇanā
੧੪੭. ਸਤ੍ਤਮੇ ਅਸਕ੍ਕਚ੍ਚਂ ਦੇਤੀਤਿ ਨ ਸਕ੍ਕਰਿਤ੍વਾ ਸੁਚਿਂ ਕਤ੍વਾ ਦੇਤਿ। ਅਚਿਤ੍ਤੀਕਤ੍વਾ ਦੇਤੀਤਿ ਅਚਿਤ੍ਤੀਕਾਰੇਨ ਅਗਾਰવવਸੇਨ ਦੇਤਿ। ਅਪવਿਦ੍ਧਂ ਦੇਤੀਤਿ ਨ ਨਿਰਨ੍ਤਰਂ ਦੇਤਿ, ਅਥ વਾ ਛਡ੍ਡੇਤੁਕਾਮੋ વਿਯ ਦੇਤਿ। ਅਨਾਗਮਨਦਿਟ੍ਠਿਕੋ ਦੇਤੀਤਿ ਕਤਸ੍ਸ ਨਾਮ ਫਲਂ ਆਗਮਿਸ੍ਸਤੀਤਿ ਨ ਏવਂ ਆਗਮਨਦਿਟ੍ਠਿਂ ਨ ਉਪ੍ਪਾਦੇਤ੍વਾ ਦੇਤਿ।
147. Sattame asakkaccaṃ detīti na sakkaritvā suciṃ katvā deti. Acittīkatvā detīti acittīkārena agāravavasena deti. Apaviddhaṃ detīti na nirantaraṃ deti, atha vā chaḍḍetukāmo viya deti. Anāgamanadiṭṭhiko detīti katassa nāma phalaṃ āgamissatīti na evaṃ āgamanadiṭṭhiṃ na uppādetvā deti.
ਸੁਕ੍ਕਪਕ੍ਖੇ ਚਿਤ੍ਤੀਕਤ੍વਾ ਦੇਤੀਤਿ ਦੇਯ੍ਯਧਮ੍ਮੇ ਚ ਦਕ੍ਖਿਣੇਯ੍ਯੇਸੁ ਚ ਚਿਤ੍ਤੀਕਾਰਂ ਉਪਟ੍ਠਪੇਤ੍વਾ ਦੇਤਿ। ਤਤ੍ਥ ਦੇਯ੍ਯਧਮ੍ਮਂ ਪਣੀਤਂ ਓਜવਨ੍ਤਂ ਕਤ੍વਾ ਦੇਨ੍ਤੋ ਦੇਯ੍ਯਧਮ੍ਮੇ ਚਿਤ੍ਤੀਕਾਰਂ ਉਪਟ੍ਠਪੇਤਿ ਨਾਮ। ਪੁਗ੍ਗਲਂ વਿਚਿਨਿਤ੍વਾ ਦੇਨ੍ਤੋ ਦਕ੍ਖਿਣੇਯ੍ਯੇਸੁ ਚਿਤ੍ਤੀਕਾਰਂ ਉਪਟ੍ਠਪੇਤਿ ਨਾਮ। ਸਹਤ੍ਥਾ ਦੇਤੀਤਿ ਆਣਤ੍ਤਿਯਾ ਪਰਹਤ੍ਥੇਨ ਅਦਤ੍વਾ ‘‘ਅਨਮਤਗ੍ਗੇ ਸਂਸਾਰੇ વਿਚਰਨ੍ਤੇਨ ਮੇ ਹਤ੍ਥਪਾਦਾਨਂ ਅਲਦ੍ਧਕਾਲਸ੍ਸ ਪਮਾਣਂ ਨਾਮ ਨਤ੍ਥਿ, વਟ੍ਟਮੋਕ੍ਖਂ ਭવਨਿਸ੍ਸਰਣਂ ਕਰਿਸ੍ਸਾਮੀ’’ਤਿ ਸਹਤ੍ਥੇਨੇવ ਦੇਤਿ। ਆਗਮਨਦਿਟ੍ਠਿਕੋਤਿ ‘‘ਅਨਾਗਤਭવਸ੍ਸ ਪਚ੍ਚਯੋ ਭવਿਸ੍ਸਤੀ’’ਤਿ ਕਮ੍ਮਞ੍ਚ વਿਪਾਕਞ੍ਚ ਸਦ੍ਦਹਿਤ੍વਾ ਦੇਤੀਤਿ।
Sukkapakkhe cittīkatvā detīti deyyadhamme ca dakkhiṇeyyesu ca cittīkāraṃ upaṭṭhapetvā deti. Tattha deyyadhammaṃ paṇītaṃ ojavantaṃ katvā dento deyyadhamme cittīkāraṃ upaṭṭhapeti nāma. Puggalaṃ vicinitvā dento dakkhiṇeyyesu cittīkāraṃ upaṭṭhapeti nāma. Sahatthā detīti āṇattiyā parahatthena adatvā ‘‘anamatagge saṃsāre vicarantena me hatthapādānaṃ aladdhakālassa pamāṇaṃ nāma natthi, vaṭṭamokkhaṃ bhavanissaraṇaṃ karissāmī’’ti sahattheneva deti. Āgamanadiṭṭhikoti ‘‘anāgatabhavassa paccayo bhavissatī’’ti kammañca vipākañca saddahitvā detīti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. ਅਸਪ੍ਪੁਰਿਸਦਾਨਸੁਤ੍ਤਂ • 7. Asappurisadānasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭-੧੦. ਅਸਪ੍ਪੁਰਿਸਦਾਨਸੁਤ੍ਤਾਦਿવਣ੍ਣਨਾ • 7-10. Asappurisadānasuttādivaṇṇanā
