| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
10. අසස්‌සතදිට්‌ඨිසුත්‌තං
10. Asassatadiṭṭhisuttaṃ
215. සාවත්‌ථිනිදානං . ‘‘කිස්‌මිං නු ඛො, භික්‌ඛවෙ, සති, කිං උපාදාය, කිං අභිනිවිස්‌ස එවං දිට්‌ඨි උප්‌පජ්‌ජති – ‘අසස්‌සතො ලොකො’’’ති? භගවංමූලකා නො, භන්‌තෙ, ධම්‌මා…පෙ.… ‘‘රූපෙ ඛො, භික්‌ඛවෙ, සති…පෙ.… විඤ්‌ඤාණං නිච්‌චං වා අනිච්‌චං වා’’ති? ‘‘අනිච්‌චං, භන්‌තෙ’’…පෙ.… අපි නු තං අනුපාදාය එවං දිට්‌ඨි උප්‌පජ්‌ජෙය්‍ය – අසස්‌සතො ලොකොති? ‘‘නො හෙතං, භන්‌තෙ’’. ‘‘යම්‌පිදං දිට්‌ඨං සුතං මුතං විඤ්‌ඤාතං පත්‌තං පරියෙසිතං අනුවිචරිතං මනසා තම්‌පි නිච්‌චං වා අනිච්‌චං වා’’ති? ‘‘අනිච්‌චං, භන්‌තෙ…පෙ.… අපි නු තං අනුපාදාය එවං දිට්‌ඨි උප්‌පජ්‌ජෙය්‍ය – ‘අසස්‌සතො ලොකො’’’ති? ‘‘නො හෙතං, භන්‌තෙ’’.
215. Sāvatthinidānaṃ . ‘‘Kismiṃ nu kho, bhikkhave, sati, kiṃ upādāya, kiṃ abhinivissa evaṃ diṭṭhi uppajjati – ‘asassato loko’’’ti? Bhagavaṃmūlakā no, bhante, dhammā…pe… ‘‘rūpe kho, bhikkhave, sati…pe… viññāṇaṃ niccaṃ vā aniccaṃ vā’’ti? ‘‘Aniccaṃ, bhante’’…pe… api nu taṃ anupādāya evaṃ diṭṭhi uppajjeyya – asassato lokoti? ‘‘No hetaṃ, bhante’’. ‘‘Yampidaṃ diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā tampi niccaṃ vā aniccaṃ vā’’ti? ‘‘Aniccaṃ, bhante…pe… api nu taṃ anupādāya evaṃ diṭṭhi uppajjeyya – ‘asassato loko’’’ti? ‘‘No hetaṃ, bhante’’.
‘‘යතො ඛො, භික්‌ඛවෙ, අරියසාවකස්‌ස ඉමෙසු ච ඨානෙසු කඞ්‌ඛා පහීනා හොති, දුක්‌ඛෙපිස්‌ස කඞ්‌ඛා පහීනා හොති…පෙ.… දුක්‌ඛනිරොධගාමිනියා පටිපදායපිස්‌ස කඞ්‌ඛා පහීනා හොති – අයං වුච්‌චති, භික්‌ඛවෙ, අරියසාවකො සොතාපන්‌නො අවිනිපාතධම්‌මො නියතො සම්‌බොධිපරායනො’’ති. දසමං.
‘‘Yato kho, bhikkhave, ariyasāvakassa imesu ca ṭhānesu kaṅkhā pahīnā hoti, dukkhepissa kaṅkhā pahīnā hoti…pe… dukkhanirodhagāminiyā paṭipadāyapissa kaṅkhā pahīnā hoti – ayaṃ vuccati, bhikkhave, ariyasāvako sotāpanno avinipātadhammo niyato sambodhiparāyano’’ti. Dasamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 8-10. මහාදිට්‌ඨිසුත්‌තාදිවණ්‌ණනා • 8-10. Mahādiṭṭhisuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 8-10. මහාදිට්‌ඨිසුත්‌තාදිවණ්‌ණනා • 8-10. Mahādiṭṭhisuttādivaṇṇanā
