| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
7. ид̇т̇иваг̇г̇о
7. Itthivaggo
[61] 1. асаад̇аманд̇аж̇аад̇агаван̣н̣анаа
[61] 1. Asātamantajātakavaṇṇanā
асаа логид̇т̇ияо наамаад̇и ид̣̇ам̣ сад̇т̇аа ж̇зд̇аванз вихаранд̇о угган̣тид̇ам̣ бхигкум̣ аараб̣бха гат̇зси. д̇асса вад̇т̇у уммаад̣̇анд̇иж̇аад̇агз аави бхависсад̇и. д̇ам̣ бана бхигкум̣ сад̇т̇аа ‘‘бхигку ид̇т̇ияо наама асаад̇аа асад̇ияо лаамигаа бажчимигаа, д̇вам̣ зваруубам̣ лаамигам̣ ид̇т̇им̣ ниссааяа гасмаа угган̣тид̇осий’’д̇и вад̇ваа ад̇ийд̇ам̣ аахари.
Asālokitthiyo nāmāti idaṃ satthā jetavane viharanto ukkaṇṭhitaṃ bhikkhuṃ ārabbha kathesi. Tassa vatthu ummādantijātake āvi bhavissati. Taṃ pana bhikkhuṃ satthā ‘‘bhikkhu itthiyo nāma asātā asatiyo lāmikā pacchimikā, tvaṃ evarūpaṃ lāmikaṃ itthiṃ nissāya kasmā ukkaṇṭhitosī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о г̇анд̇хаарарадтз д̇аггасилааяам̣ б̣раахман̣агулз ниб̣б̣ад̇д̇ид̇ваа вин̃н̃уд̇ам̣ бад̇д̇о д̇ийсу взд̣̇зсу саб̣б̣асиббзсу жа нибпад̇д̇им̣ бад̇д̇о д̣̇исаабаамогко аажарияо ахоси. д̇ад̣̇аа б̣аараан̣асияам̣ згасмим̣ б̣раахман̣агулз буд̇д̇асса ж̇аад̇ад̣̇ивасз аг̇г̇им̣ г̇ахзд̇ваа аниб̣б̣ааяанд̇ам̣ табаяим̣су. ат̇а нам̣ б̣раахман̣агумаарам̣ сол̣асавассагаалз маад̇аабид̇аро аахам̣су ‘‘буд̇д̇а, маяам̣ д̇ава ж̇аад̇ад̣̇ивасз аг̇г̇им̣ г̇ахзд̇ваа табаяимха. сажз б̣рахмалогабарааяан̣о бхавид̇угаамо, д̇вам̣ аг̇г̇им̣ аад̣̇ааяа аран̃н̃ам̣ бависид̇ваа аг̇г̇им̣ бхаг̇аванд̇ам̣ намассамаано б̣рахмалогабарааяан̣о хохи. сажз аг̇аарам̣ аж̇жхаавасид̇угаамо, д̇аггасилам̣ г̇анд̇ваа д̣̇исаабаамогкасса аажарияасса санд̇игз сиббам̣ уг̇г̇ан̣хид̇ваа гудумб̣ам̣ сан̣табзхий’’д̇и. маан̣аво ‘‘наахам̣ сагкиссаами аран̃н̃з аг̇г̇им̣ барижарид̇ум̣, гудумб̣амзва сан̣табзссаамий’’д̇и маад̇аабид̇аро ванд̣̇ид̇ваа аажарияабхааг̇ам̣ сахассам̣ г̇ахзд̇ваа д̇аггасилам̣ г̇анд̇ваа сиббам̣ уг̇г̇ан̣хид̇ваа бажжааг̇амааси.
Atīte bārāṇasiyaṃ brahmadatte rajjaṃ kārente bodhisatto gandhāraraṭṭhe takkasilāyaṃ brāhmaṇakule nibbattitvā viññutaṃ patto tīsu vedesu sabbasippesu ca nipphattiṃ patto disāpāmokkho ācariyo ahosi. Tadā bārāṇasiyaṃ ekasmiṃ brāhmaṇakule puttassa jātadivase aggiṃ gahetvā anibbāyantaṃ ṭhapayiṃsu. Atha naṃ brāhmaṇakumāraṃ soḷasavassakāle mātāpitaro āhaṃsu ‘‘putta, mayaṃ tava jātadivase aggiṃ gahetvā ṭhapayimha. Sace brahmalokaparāyaṇo bhavitukāmo, tvaṃ aggiṃ ādāya araññaṃ pavisitvā aggiṃ bhagavantaṃ namassamāno brahmalokaparāyaṇo hohi. Sace agāraṃ ajjhāvasitukāmo, takkasilaṃ gantvā disāpāmokkhassa ācariyassa santike sippaṃ uggaṇhitvā kuṭumbaṃ saṇṭhapehī’’ti. Māṇavo ‘‘nāhaṃ sakkhissāmi araññe aggiṃ paricarituṃ, kuṭumbameva saṇṭhapessāmī’’ti mātāpitaro vanditvā ācariyabhāgaṃ sahassaṃ gahetvā takkasilaṃ gantvā sippaṃ uggaṇhitvā paccāgamāsi.
маад̇аабид̇аро банасса анад̇т̇игаа гхарааваасзна, аран̃н̃з аг̇г̇им̣ барижараабзд̇угаамаа хонд̇и. ат̇а нам̣ маад̇аа ид̇т̇ийнам̣ д̣̇осам̣ д̣̇ассзд̇ваа аран̃н̃ам̣ бзсзд̇угаамаа ‘‘со аажарияо бан̣д̣ид̇о б̣яад̇д̇о сагкиссад̇и мз буд̇д̇асса ид̇т̇ийнам̣ д̣̇осам̣ гат̇зд̇у’’нд̇и жинд̇зд̇ваа ааха – ‘‘уг̇г̇ахид̇ам̣ д̇з, д̇аад̇а, сибба’’нд̇и. ‘‘аама, аммаа’’д̇и. ‘‘асаад̇аманд̇оби д̇з уг̇г̇ахид̇о’’д̇и. ‘‘на уг̇г̇ахид̇о, аммаа’’д̇и. ‘‘д̇аад̇а, яад̣̇и д̇з асаад̇аманд̇о на уг̇г̇ахид̇о, гим̣ наама д̇з сиббам̣ уг̇г̇ахид̇ам̣, г̇ажча, уг̇г̇ан̣хид̇ваа зхий’’д̇и. со ‘‘саад̇хуу’’д̇и буна д̇аггасилаабхимуко бааяааси. д̇ассаби аажарияасса маад̇аа махаллигаа вийсад̇ивассасад̇игаа . со д̇ам̣ сахад̇т̇аа нхаабзнд̇о бхож̇знд̇о бааязнд̇о бадиж̇аг̇г̇ад̇и. ан̃н̃з мануссаа нам̣ д̇ат̇аа гаронд̇ам̣ ж̇иг̇ужчанд̇и. со жинд̇зси ‘‘яам̣нуунаахам̣ аран̃н̃ам̣ бависид̇ваа д̇ад̇т̇а маад̇арам̣ бадиж̇аг̇г̇анд̇о вихарзяяа’’нд̇и. ат̇згасмим̣ вивид̇д̇з аран̃н̃з уд̣̇агапаасугадтаанз бан̣н̣асаалам̣ гаарзд̇ваа саббид̇ан̣д̣улаад̣̇ийни аахараабзд̇ваа маад̇арам̣ угкибид̇ваа д̇ад̇т̇а г̇анд̇ваа маад̇арам̣ бадиж̇аг̇г̇анд̇о ваасам̣ габбзси.
Mātāpitaro panassa anatthikā gharāvāsena, araññe aggiṃ paricarāpetukāmā honti. Atha naṃ mātā itthīnaṃ dosaṃ dassetvā araññaṃ pesetukāmā ‘‘so ācariyo paṇḍito byatto sakkhissati me puttassa itthīnaṃ dosaṃ kathetu’’nti cintetvā āha – ‘‘uggahitaṃ te, tāta, sippa’’nti. ‘‘Āma, ammā’’ti. ‘‘Asātamantopi te uggahito’’ti. ‘‘Na uggahito, ammā’’ti. ‘‘Tāta, yadi te asātamanto na uggahito, kiṃ nāma te sippaṃ uggahitaṃ, gaccha, uggaṇhitvā ehī’’ti. So ‘‘sādhū’’ti puna takkasilābhimukho pāyāsi. Tassapi ācariyassa mātā mahallikā vīsativassasatikā . So taṃ sahatthā nhāpento bhojento pāyento paṭijaggati. Aññe manussā naṃ tathā karontaṃ jigucchanti. So cintesi ‘‘yaṃnūnāhaṃ araññaṃ pavisitvā tattha mātaraṃ paṭijagganto vihareyya’’nti. Athekasmiṃ vivitte araññe udakaphāsukaṭṭhāne paṇṇasālaṃ kāretvā sappitaṇḍulādīni āharāpetvā mātaraṃ ukkhipitvā tattha gantvā mātaraṃ paṭijagganto vāsaṃ kappesi.
соби ко маан̣аво д̇аггасилам̣ г̇анд̇ваа аажарияам̣ абассанд̇о ‘‘гахам̣ аажарияо’’д̇и бужчид̇ваа д̇ам̣ бавад̇д̇им̣ суд̇ваа д̇ад̇т̇а г̇анд̇ваа ванд̣̇ид̇ваа адтааси. ат̇а нам̣ аажарияо ‘‘гим̣ ну ко, д̇аад̇а, ад̇исийгхам̣ ааг̇ад̇осий’’д̇и? ‘‘нану ахам̣ д̇умхзхи асаад̇аманд̇о наама на уг̇г̇ан̣хаабид̇о’’д̇и? ‘‘го бана д̇з асаад̇аманд̇з уг̇г̇ан̣хид̇аб̣б̣з гад̇ваа гат̇зсий’’д̇и? ‘‘маяхам̣ маад̇аа аажарияаа’’д̇и. б̣од̇хисад̇д̇о жинд̇зси ‘‘асаад̇аманд̇о наама гожи над̇т̇и, имасса бана маад̇аа имам̣ ид̇т̇ид̣̇осз ж̇аанаабзд̇угаамаа бхависсад̇ий’’д̇и. ат̇а нам̣ ‘‘саад̇ху, д̇аад̇а, д̣̇ассаами д̇з асаад̇аманд̇з, д̇вам̣ аж̇ж̇а аад̣̇им̣ гад̇ваа мама таанз тад̇ваа мама маад̇арам̣ сахад̇т̇аа нхаабзнд̇о бхож̇знд̇о бааязнд̇о бадиж̇аг̇г̇аахи, хад̇т̇абаад̣̇асийсабидтисамб̣ааханаад̣̇ийни жассаа гаронд̇о ‘аяяз ж̇арам̣ бад̇д̇агаалзби д̇аава д̇з зваруубам̣ сарийрам̣, д̣̇ахарагаалз гийд̣̇исам̣ ахосий’д̇и хад̇т̇абаад̣̇абаригаммаад̣̇игаран̣агаалз хад̇т̇абаад̣̇аад̣̇ийнам̣ ван̣н̣ам̣ гат̇зяяааси. яан̃жа д̇з мама маад̇аа гат̇зд̇и, д̇ам̣ алаж̇ж̇анд̇о аниг̇уханд̇о маяхам̣ аарожзяяааси, звам̣ гаронд̇о асаад̇аманд̇з лажчаси, агаронд̇о на лажчасий’’д̇и ааха. со ‘‘саад̇ху аажарияаа’’д̇и д̇асса важанам̣ самбадижчид̇ваа д̇ад̇о бадтааяа саб̣б̣ам̣ яат̇аавуд̇д̇авид̇хаанам̣ агааси.
Sopi kho māṇavo takkasilaṃ gantvā ācariyaṃ apassanto ‘‘kahaṃ ācariyo’’ti pucchitvā taṃ pavattiṃ sutvā tattha gantvā vanditvā aṭṭhāsi. Atha naṃ ācariyo ‘‘kiṃ nu kho, tāta, atisīghaṃ āgatosī’’ti? ‘‘Nanu ahaṃ tumhehi asātamanto nāma na uggaṇhāpito’’ti? ‘‘Ko pana te asātamante uggaṇhitabbe katvā kathesī’’ti? ‘‘Mayhaṃ mātā ācariyā’’ti. Bodhisatto cintesi ‘‘asātamanto nāma koci natthi, imassa pana mātā imaṃ itthidose jānāpetukāmā bhavissatī’’ti. Atha naṃ ‘‘sādhu, tāta, dassāmi te asātamante, tvaṃ ajja ādiṃ katvā mama ṭhāne ṭhatvā mama mātaraṃ sahatthā nhāpento bhojento pāyento paṭijaggāhi, hatthapādasīsapiṭṭhisambāhanādīni cassā karonto ‘ayye jaraṃ pattakālepi tāva te evarūpaṃ sarīraṃ, daharakāle kīdisaṃ ahosī’ti hatthapādaparikammādikaraṇakāle hatthapādādīnaṃ vaṇṇaṃ katheyyāsi. Yañca te mama mātā katheti, taṃ alajjanto aniguhanto mayhaṃ āroceyyāsi, evaṃ karonto asātamante lacchasi, akaronto na lacchasī’’ti āha. So ‘‘sādhu ācariyā’’ti tassa vacanaṃ sampaṭicchitvā tato paṭṭhāya sabbaṃ yathāvuttavidhānaṃ akāsi.
ат̇ассаа д̇асмим̣ маан̣авз бунаббунам̣ ван̣н̣аяамаанз ‘‘аяам̣ маяаа сад̣̇д̇хим̣ абхирамид̇угаамо бхависсад̇ий’’д̇и анд̇хааяа ж̇арааж̇ин̣н̣ааяа аб̣бханд̇арз гилзсо уббаж̇ж̇и . саа згад̣̇ивасам̣ ад̇д̇ано сарийраван̣н̣ам̣ гат̇аяамаанам̣ маан̣авам̣ ааха ‘‘маяаа сад̣̇д̇хим̣ абхирамид̇ум̣ ижчасий’’д̇и? ‘‘аяяз, ахам̣ д̇аава ижчзяяам̣, аажарияо бана г̇аруго’’д̇и. ‘‘сажз мам̣ ижчаси, буд̇д̇ам̣ мз маарзхий’’д̇и. ‘‘ахам̣ аажарияасса санд̇игз зд̇д̇агам̣ сиббам̣ уг̇г̇ан̣хид̇ваа гилзсамад̇д̇ам̣ ниссааяа гинд̇и гад̇ваа аажарияам̣ маарзссаамий’’д̇и. ‘‘д̇зна хи сажз д̇вам̣ мам̣ на барижжаж̇аси, ахамзва нам̣ маарзссаамий’’д̇и. звам̣ ид̇т̇ияо наама асаад̇аа лаамигаа бажчимигаа, д̇ат̇ааруубз наама ваяз тид̇аа рааг̇ажид̇д̇ам̣ уббаад̣̇зд̇ваа гилзсам̣ анувад̇д̇амаанаа звам̣ убагаарагам̣ буд̇д̇ам̣ маарзд̇угаамаа ж̇аад̇аа. маан̣аво саб̣б̣ам̣ д̇ам̣ гат̇ам̣ б̣од̇хисад̇д̇асса аарожзси.
Athassā tasmiṃ māṇave punappunaṃ vaṇṇayamāne ‘‘ayaṃ mayā saddhiṃ abhiramitukāmo bhavissatī’’ti andhāya jarājiṇṇāya abbhantare kileso uppajji . Sā ekadivasaṃ attano sarīravaṇṇaṃ kathayamānaṃ māṇavaṃ āha ‘‘mayā saddhiṃ abhiramituṃ icchasī’’ti? ‘‘Ayye, ahaṃ tāva iccheyyaṃ, ācariyo pana garuko’’ti. ‘‘Sace maṃ icchasi, puttaṃ me mārehī’’ti. ‘‘Ahaṃ ācariyassa santike ettakaṃ sippaṃ uggaṇhitvā kilesamattaṃ nissāya kinti katvā ācariyaṃ māressāmī’’ti. ‘‘Tena hi sace tvaṃ maṃ na pariccajasi, ahameva naṃ māressāmī’’ti. Evaṃ itthiyo nāma asātā lāmikā pacchimikā, tathārūpe nāma vaye ṭhitā rāgacittaṃ uppādetvā kilesaṃ anuvattamānā evaṃ upakārakaṃ puttaṃ māretukāmā jātā. Māṇavo sabbaṃ taṃ kathaṃ bodhisattassa ārocesi.
б̣од̇хисад̇д̇о ‘‘судту д̇з, маан̣ава, гад̇ам̣ маяхам̣ аарожзнд̇знаа’’д̇и вад̇ваа маад̇у ааяусан̇каарам̣ ологзнд̇о ‘‘аж̇ж̇зва мариссад̇ий’’д̇и н̃ад̇ваа ‘‘зхи, маан̣ава, виймам̣сиссаама на’’нд̇и згам̣ уд̣̇умб̣араругкам̣ чинд̣̇ид̇ваа ад̇д̇ано бамаан̣зна гадтаруубагам̣ гад̇ваа сасийсам̣ баарубид̇ваа ад̇д̇ано саяанадтаанз уд̇д̇аанам̣ нибаж̇ж̇аабзд̇ваа раж̇ж̇угам̣ б̣анд̇хид̇ваа анд̇зваасигам̣ ааха – ‘‘д̇аад̇а, парасум̣ аад̣̇ааяа г̇анд̇ваа мама маад̇у сан̃н̃ам̣ д̣̇зхий’’д̇и. маан̣аво г̇анд̇ваа ‘‘аяяз, аажарияо бан̣н̣асаалааяам̣ ад̇д̇ано саяанадтаанз нибанно, раж̇ж̇усан̃н̃аа мз б̣ад̣̇д̇хаа, имам̣ парасум̣ аад̣̇ааяа г̇анд̇ваа сажз саггоси, маарзхи на’’нд̇и ааха. ‘‘д̇вам̣ бана мам̣ на барижжаж̇иссасий’’д̇и? ‘‘гим̣гааран̣аа барижжаж̇иссаамий’’д̇и? саа парасум̣ аад̣̇ааяа бавзд̇хамаанаа удтааяа раж̇ж̇усан̃н̃ааяа г̇анд̇ваа хад̇т̇зна бараамасид̇ваа ‘‘аяам̣ мз буд̇д̇о’’д̇и сан̃н̃ааяа гадтаруубагасса мукад̇о саадагам̣ абанзд̇ваа парасум̣ аад̣̇ааяа ‘‘згаббахаарзнзва маарзссаамий’’д̇и г̇ийвааяамзва бахарид̇ваа ‘‘д̇ха’’нд̇и сад̣̇д̣̇з уббаннз ругкабхаавам̣ ан̃н̃ааси. ат̇а б̣од̇хисад̇д̇зна ‘‘гим̣ гароси, аммаа’’д̇и вуд̇д̇з саа ‘‘ван̃жид̇аамхий’’д̇и д̇ад̇т̇зва марид̇ваа бад̇ид̇аа. ад̇д̇ано гира бан̣н̣асаалааяа нибаннааяаби д̇ан̇кан̣ан̃н̃зва д̇ааяа марид̇аб̣б̣амзва.
Bodhisatto ‘‘suṭṭhu te, māṇava, kataṃ mayhaṃ ārocentenā’’ti vatvā mātu āyusaṅkhāraṃ olokento ‘‘ajjeva marissatī’’ti ñatvā ‘‘ehi, māṇava, vīmaṃsissāma na’’nti ekaṃ udumbararukkhaṃ chinditvā attano pamāṇena kaṭṭharūpakaṃ katvā sasīsaṃ pārupitvā attano sayanaṭṭhāne uttānaṃ nipajjāpetvā rajjukaṃ bandhitvā antevāsikaṃ āha – ‘‘tāta, pharasuṃ ādāya gantvā mama mātu saññaṃ dehī’’ti. Māṇavo gantvā ‘‘ayye, ācariyo paṇṇasālāyaṃ attano sayanaṭṭhāne nipanno, rajjusaññā me baddhā, imaṃ pharasuṃ ādāya gantvā sace sakkosi, mārehi na’’nti āha. ‘‘Tvaṃ pana maṃ na pariccajissasī’’ti? ‘‘Kiṃkāraṇā pariccajissāmī’’ti? Sā pharasuṃ ādāya pavedhamānā uṭṭhāya rajjusaññāya gantvā hatthena parāmasitvā ‘‘ayaṃ me putto’’ti saññāya kaṭṭharūpakassa mukhato sāṭakaṃ apanetvā pharasuṃ ādāya ‘‘ekappahāreneva māressāmī’’ti gīvāyameva paharitvā ‘‘dha’’nti sadde uppanne rukkhabhāvaṃ aññāsi. Atha bodhisattena ‘‘kiṃ karosi, ammā’’ti vutte sā ‘‘vañcitāmhī’’ti tattheva maritvā patitā. Attano kira paṇṇasālāya nipannāyapi taṅkhaṇaññeva tāya maritabbameva.
со д̇ассаа мад̇абхаавам̣ н̃ад̇ваа сарийрагижжам̣ гад̇ваа аал̣ааханам̣ ниб̣б̣аабзд̇ваа ванабубпзхи бууж̇зд̇ваа маан̣авам̣ аад̣̇ааяа бан̣н̣асаалад̣̇ваарз нисийд̣̇ид̇ваа ‘‘д̇аад̇а, баадиязгго асаад̇аманд̇о наама над̇т̇и, ид̇т̇ияо асаад̇аа наама, д̇ава маад̇аа ‘асаад̇аманд̇ам̣ уг̇г̇ан̣хаа’д̇и мама санд̇игам̣ бзсаяамаанаа ид̇т̇ийнам̣ д̣̇осам̣ ж̇аананад̇т̇ам̣ бзсзси. ид̣̇аани бана д̇з бажжагкамзва мама маад̇у д̣̇осо д̣̇идто, иминаа гааран̣зна ‘ид̇т̇ияо наама асаад̇аа лаамигаа бажчимигаа’д̇и ж̇аанзяяаасий’’д̇и д̇ам̣ овад̣̇ид̇ваа уяяож̇зси. соби аажарияам̣ ванд̣̇ид̇ваа маад̇аабид̇уунам̣ санд̇игам̣ аг̇амааси. ат̇а нам̣ маад̇аа бужчи ‘‘д̇аад̇а, уг̇г̇ахид̇о д̇з асаад̇аманд̇о’’д̇и? ‘‘аама, аммаа’’д̇и. ‘‘ид̣̇аани гим̣ гариссаси, баб̣б̣аж̇ид̇ваа аг̇г̇им̣ ваа барижариссаси, аг̇аарамаж̇жхз ваа васиссасий’’д̇и? маан̣аво ‘‘маяаа, амма, бажжагкад̇о ид̇т̇ийнам̣ д̣̇осаа д̣̇идтаа , аг̇аарзна мз гижжам̣ над̇т̇и, баб̣б̣аж̇иссаамаха’’нд̇и ад̇д̇ано ад̇хиббааяам̣ багаасзнд̇о имам̣ г̇аат̇амааха –
So tassā matabhāvaṃ ñatvā sarīrakiccaṃ katvā āḷāhanaṃ nibbāpetvā vanapupphehi pūjetvā māṇavaṃ ādāya paṇṇasāladvāre nisīditvā ‘‘tāta, pāṭiyekko asātamanto nāma natthi, itthiyo asātā nāma, tava mātā ‘asātamantaṃ uggaṇhā’ti mama santikaṃ pesayamānā itthīnaṃ dosaṃ jānanatthaṃ pesesi. Idāni pana te paccakkhameva mama mātu doso diṭṭho, iminā kāraṇena ‘itthiyo nāma asātā lāmikā pacchimikā’ti jāneyyāsī’’ti taṃ ovaditvā uyyojesi. Sopi ācariyaṃ vanditvā mātāpitūnaṃ santikaṃ agamāsi. Atha naṃ mātā pucchi ‘‘tāta, uggahito te asātamanto’’ti? ‘‘Āma, ammā’’ti. ‘‘Idāni kiṃ karissasi, pabbajitvā aggiṃ vā paricarissasi, agāramajjhe vā vasissasī’’ti? Māṇavo ‘‘mayā, amma, paccakkhato itthīnaṃ dosā diṭṭhā , agārena me kiccaṃ natthi, pabbajissāmaha’’nti attano adhippāyaṃ pakāsento imaṃ gāthamāha –
61.
61.
‘‘асаа логид̇т̇ияо наама, взлаа д̇аасам̣ на виж̇ж̇ад̇и;
‘‘Asā lokitthiyo nāma, velā tāsaṃ na vijjati;
саарад̇д̇аа жа баг̇аб̣бхаа жа, сикий саб̣б̣агхасо яат̇аа;
Sārattā ca pagabbhā ca, sikhī sabbaghaso yathā;
д̇аа хид̇ваа баб̣б̣аж̇иссаами, вивзгамануб̣руухаяа’’нд̇и.
Tā hitvā pabbajissāmi, vivekamanubrūhaya’’nti.
д̇ад̇т̇а асаад̇и асад̇ияо лаамигаа. ат̇а ваа саад̇ам̣ вужжад̇и сукам̣, д̇ам̣ д̇аасу над̇т̇и. ад̇д̇ани бадиб̣ад̣̇д̇хажид̇д̇аанам̣ асаад̇амзва д̣̇знд̇ийд̇иби асаа, д̣̇угкаа д̣̇угкавад̇т̇убхууд̇аад̇и ад̇т̇о. имасса банад̇т̇асса саад̇ханад̇т̇ааяа ид̣̇ам̣ суд̇д̇ам̣ аахарид̇аб̣б̣ам̣ –
Tattha asāti asatiyo lāmikā. Atha vā sātaṃ vuccati sukhaṃ, taṃ tāsu natthi. Attani paṭibaddhacittānaṃ asātameva dentītipi asā, dukkhā dukkhavatthubhūtāti attho. Imassa panatthassa sādhanatthāya idaṃ suttaṃ āharitabbaṃ –
‘‘мааяаа жзд̇аа марийжий жа, сого рог̇о жубад̣̇д̣̇аво;
‘‘Māyā cetā marīcī ca, soko rogo cupaddavo;
караа жа б̣анд̇ханаа жзд̇аа, мажжубаасаа г̇ухаасаяаа;
Kharā ca bandhanā cetā, maccupāsā guhāsayā;
д̇аасу яо виссасз босо, со нарзсу нараад̇хамо’’д̇и. (ж̇аа. 2.21.118);
Tāsu yo vissase poso, so naresu narādhamo’’ti. (jā. 2.21.118);
логид̇т̇ияод̇и логз ид̇т̇ияо. взлаа д̇аасам̣ на виж̇ж̇ад̇ийд̇и амма, д̇аасам̣ ид̇т̇ийнам̣ гилзсуббад̇д̇им̣ бад̇ваа взлаа сам̣варо марияаад̣̇аа бамаан̣ам̣ наама над̇т̇и. саарад̇д̇аа жа баг̇аб̣бхаа жаад̇и взлаа жа зд̇аасам̣ над̇т̇и, бан̃жасу гаамаг̇ун̣зсу саарад̇д̇аа аллийнаа, д̇ат̇аа гааяабааг̇аб̣бхиязна, ваажаабааг̇аб̣бхиязна, манобааг̇аб̣бхиязнаад̇и д̇ивид̇хзна бааг̇аб̣бхиязна саманнааг̇ад̇ад̇д̇аа баг̇аб̣бхаа жзд̇аа. зд̇аасан̃хи аб̣бханд̇арз гааяад̣̇ваараад̣̇ийни бад̇ваа сам̣варо наама над̇т̇и, лолаа гаагабадибхааг̇аад̇и д̣̇ассзд̇и. сикий саб̣б̣агхасо яат̇аад̇и амма, яат̇аа ж̇ааласикааяа ‘‘сикий’’д̇и сан̇кам̣ г̇ад̇о аг̇г̇и наама г̇уут̇аг̇ад̇аад̣̇ибхзд̣̇ам̣ асужимби, саббимад̇хупаан̣ид̇аад̣̇ибхзд̣̇ам̣ сужимби, идтамби анидтамби яам̣ яад̣̇зва лабхад̇и, саб̣б̣ам̣ гхасад̇и каад̣̇ад̇и, д̇асмаа ‘‘саб̣б̣агхасо’’д̇и вужжад̇и. д̇ат̇зва д̇аа ид̇т̇ияоби хад̇т̇имзн̣д̣аг̇омзн̣д̣аад̣̇аяо ваа хонд̇у хийнаж̇ажжаа хийнагамманд̇аа, кад̇д̇ияаад̣̇аяо ваа хонд̇у уд̇д̇амагамманд̇аа, хийнуггадтабхаавам̣ ажинд̇зд̇ваа логассаад̣̇авасзна гилзсасант̇авз уббаннз яам̣ яам̣ лабханд̇и, саб̣б̣амзва сзванд̇ийд̇и саб̣б̣агхасасикисад̣̇исаа хонд̇и. д̇асмаа сикий саб̣б̣агхасо яат̇аа, д̇ат̇звзд̇аад̇и взд̣̇ид̇аб̣б̣аа.
Lokitthiyoti loke itthiyo. Velā tāsaṃ na vijjatīti amma, tāsaṃ itthīnaṃ kilesuppattiṃ patvā velā saṃvaro mariyādā pamāṇaṃ nāma natthi. Sārattā ca pagabbhā cāti velā ca etāsaṃ natthi, pañcasu kāmaguṇesu sārattā allīnā, tathā kāyapāgabbhiyena, vācāpāgabbhiyena, manopāgabbhiyenāti tividhena pāgabbhiyena samannāgatattā pagabbhā cetā. Etāsañhi abbhantare kāyadvārādīni patvā saṃvaro nāma natthi, lolā kākapaṭibhāgāti dasseti. Sikhī sabbaghaso yathāti amma, yathā jālasikhāya ‘‘sikhī’’ti saṅkhaṃ gato aggi nāma gūthagatādibhedaṃ asucimpi, sappimadhuphāṇitādibhedaṃ sucimpi, iṭṭhampi aniṭṭhampi yaṃ yadeva labhati, sabbaṃ ghasati khādati, tasmā ‘‘sabbaghaso’’ti vuccati. Tatheva tā itthiyopi hatthimeṇḍagomeṇḍādayo vā hontu hīnajaccā hīnakammantā, khattiyādayo vā hontu uttamakammantā, hīnukkaṭṭhabhāvaṃ acintetvā lokassādavasena kilesasanthave uppanne yaṃ yaṃ labhanti, sabbameva sevantīti sabbaghasasikhisadisā honti. Tasmā sikhī sabbaghaso yathā, tathevetāti veditabbā.
д̇аа хид̇ваа баб̣б̣аж̇иссаамийд̇и ахам̣ д̇аа лаамигаа д̣̇угкавад̇т̇убхууд̇аа ид̇т̇ияо хид̇ваа аран̃н̃ам̣ бависид̇ваа исибаб̣б̣аж̇ж̇ам̣ баб̣б̣аж̇иссаами. вивзгамануб̣руухаяанд̇и гааяавивзго жид̇д̇авивзго убад̇хививзгод̇и д̇аяо вивзгаа, д̇зсу ид̇ха гааяавивзгоби ваддад̇и жид̇д̇авивзгоби. ид̣̇ам̣ вуд̇д̇ам̣ ход̇и – ахам̣, амма, баб̣б̣аж̇ид̇ваа гасин̣абаригаммам̣ гад̇ваа адта самаабад̇д̇ияо жа бан̃жаабхин̃н̃аа жа уббаад̣̇зд̇ваа г̇ан̣ад̇о гааяам̣, гилзсзхи жа жид̇д̇ам̣ вивзжзд̇ваа имам̣ вивзгам̣ б̣руухзнд̇о вад̣дхзнд̇о б̣рахмалогабарааяан̣о бхависсаами, алам̣ мз аг̇аарзнаад̇и. звам̣ ид̇т̇ияо г̇арахид̇ваа маад̇аабид̇аро ванд̣̇ид̇ваа химаванд̇ам̣ бависид̇ваа баб̣б̣аж̇ид̇ваа вуд̇д̇аббагаарам̣ вивзгам̣ б̣руухзнд̇о б̣рахмалогабарааяан̣о ахоси.
Tāhitvā pabbajissāmīti ahaṃ tā lāmikā dukkhavatthubhūtā itthiyo hitvā araññaṃ pavisitvā isipabbajjaṃ pabbajissāmi. Vivekamanubrūhayanti kāyaviveko cittaviveko upadhivivekoti tayo vivekā, tesu idha kāyavivekopi vaṭṭati cittavivekopi. Idaṃ vuttaṃ hoti – ahaṃ, amma, pabbajitvā kasiṇaparikammaṃ katvā aṭṭha samāpattiyo ca pañcābhiññā ca uppādetvā gaṇato kāyaṃ, kilesehi ca cittaṃ vivecetvā imaṃ vivekaṃ brūhento vaḍḍhento brahmalokaparāyaṇo bhavissāmi, alaṃ me agārenāti. Evaṃ itthiyo garahitvā mātāpitaro vanditvā himavantaṃ pavisitvā pabbajitvā vuttappakāraṃ vivekaṃ brūhento brahmalokaparāyaṇo ahosi.
сад̇т̇ааби ‘‘звам̣ бхигку ид̇т̇ияо наама асаад̇аа лаамигаа бажчимигаа д̣̇угкад̣̇ааяигаа’’д̇и ид̇т̇ийнам̣ аг̇ун̣ам̣ гат̇зд̇ваа сажжаани багаасзси, сажжабарияосаанз со бхигку сод̇аабад̇д̇ипалз бад̇идтааси. сад̇т̇аа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа маад̇аа бхад̣̇д̣̇агаабилааний, бид̇аа махаагассабо ахоси, анд̇зваасиго аананд̣̇о, аажарияо бана ахамзва ахоси’’нд̇и.
Satthāpi ‘‘evaṃ bhikkhu itthiyo nāma asātā lāmikā pacchimikā dukkhadāyikā’’ti itthīnaṃ aguṇaṃ kathetvā saccāni pakāsesi, saccapariyosāne so bhikkhu sotāpattiphale patiṭṭhāsi. Satthā anusandhiṃ ghaṭetvā jātakaṃ samodhānesi – ‘‘tadā mātā bhaddakāpilānī, pitā mahākassapo ahosi, antevāsiko ānando, ācariyo pana ahameva ahosi’’nti.
асаад̇аманд̇аж̇аад̇агаван̣н̣анаа батамаа.
Asātamantajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 61. асаад̇аманд̇аж̇аад̇агам̣ • 61. Asātamantajātakaṃ
