| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੩. ਤੇਰਸਮવਗ੍ਗੋ
13. Terasamavaggo
(੧੩੩) ੮. ਅਸਾਤਰਾਗਕਥਾ
(133) 8. Asātarāgakathā
੬੭੪. ਅਤ੍ਥਿ ਅਸਾਤਰਾਗੋਤਿ? ਆਮਨ੍ਤਾ। ਦੁਕ੍ਖਾਭਿਨਨ੍ਦਿਨੋ ਸਤ੍ਤਾ, ਅਤ੍ਥਿ ਕੇਚਿ ਦੁਕ੍ਖਂ ਪਤ੍ਥੇਨ੍ਤਿ ਪਿਹੇਨ੍ਤਿ ਏਸਨ੍ਤਿ ਗવੇਸਨ੍ਤਿ ਪਰਿਯੇਸਨ੍ਤਿ, ਦੁਕ੍ਖਂ ਅਜ੍ਝੋਸਾਯ ਤਿਟ੍ਠਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਨੁ ਸੁਖਾਭਿਨਨ੍ਦਿਨੋ ਸਤ੍ਤਾ, ਅਤ੍ਥਿ ਕੇਚਿ ਸੁਖਂ ਪਤ੍ਥੇਨ੍ਤਿ ਪਿਹੇਨ੍ਤਿ ਏਸਨ੍ਤਿ ਗવੇਸਨ੍ਤਿ ਪਰਿਯੇਸਨ੍ਤਿ, ਸੁਖਂ ਅਜ੍ਝੋਸਾਯ ਤਿਟ੍ਠਨ੍ਤੀਤਿ? ਆਮਨ੍ਤਾ। ਹਞ੍ਚਿ ਸੁਖਾਭਿਨਨ੍ਦਿਨੋ ਸਤ੍ਤਾ, ਅਤ੍ਥਿ ਕੇਚਿ ਸੁਖਂ ਪਤ੍ਥੇਨ੍ਤਿ ਪਿਹੇਨ੍ਤਿ ਏਸਨ੍ਤਿ ਗવੇਸਨ੍ਤਿ ਪਰਿਯੇਸਨ੍ਤਿ, ਸੁਖਂ ਅਜ੍ਝੋਸਾਯ ਤਿਟ੍ਠਨ੍ਤਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਤ੍ਥਿ ਅਸਾਤਰਾਗੋ’’ਤਿ।
674. Atthi asātarāgoti? Āmantā. Dukkhābhinandino sattā, atthi keci dukkhaṃ patthenti pihenti esanti gavesanti pariyesanti, dukkhaṃ ajjhosāya tiṭṭhantīti? Na hevaṃ vattabbe…pe… nanu sukhābhinandino sattā, atthi keci sukhaṃ patthenti pihenti esanti gavesanti pariyesanti, sukhaṃ ajjhosāya tiṭṭhantīti? Āmantā. Hañci sukhābhinandino sattā, atthi keci sukhaṃ patthenti pihenti esanti gavesanti pariyesanti, sukhaṃ ajjhosāya tiṭṭhanti, no ca vata re vattabbe – ‘‘atthi asātarāgo’’ti.
ਅਤ੍ਥਿ ਅਸਾਤਰਾਗੋਤਿ? ਆਮਨ੍ਤਾ। ਦੁਕ੍ਖਾਯ વੇਦਨਾਯ ਰਾਗਾਨੁਸਯੋ ਅਨੁਸੇਤਿ, ਸੁਖਾਯ વੇਦਨਾਯ ਪਟਿਘਾਨੁਸਯੋ ਅਨੁਸੇਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਨੁ ਸੁਖਾਯ વੇਦਨਾਯ ਰਾਗਾਨੁਸਯੋ ਅਨੁਸੇਤਿ, ਦੁਕ੍ਖਾਯ વੇਦਨਾਯ ਪਟਿਘਾਨੁਸਯੋ ਅਨੁਸੇਤੀਤਿ? ਆਮਨ੍ਤਾ। ਹਞ੍ਚਿ ਸੁਖਾਯ વੇਦਨਾਯ ਰਾਗਾਨੁਸਯੋ ਅਨੁਸੇਤਿ, ਦੁਕ੍ਖਾਯ વੇਦਨਾਯ ਪਟਿਘਾਨੁਸਯੋ ਅਨੁਸੇਤਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਤ੍ਥਿ ਅਸਾਤਰਾਗੋ’’ਤਿ।
Atthi asātarāgoti? Āmantā. Dukkhāya vedanāya rāgānusayo anuseti, sukhāya vedanāya paṭighānusayo anusetīti? Na hevaṃ vattabbe…pe… nanu sukhāya vedanāya rāgānusayo anuseti, dukkhāya vedanāya paṭighānusayo anusetīti? Āmantā. Hañci sukhāya vedanāya rāgānusayo anuseti, dukkhāya vedanāya paṭighānusayo anuseti, no ca vata re vattabbe – ‘‘atthi asātarāgo’’ti.
੬੭੫. ਨ વਤ੍ਤਬ੍ਬਂ – ‘‘ਅਤ੍ਥਿ ਅਸਾਤਰਾਗੋ’’ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਸੋ ਏવਂ ਅਨੁਰੋਧવਿਰੋਧਂ ਸਮਾਪਨ੍ਨੋ ਯਂ ਕਿਞ੍ਚਿ વੇਦਨਂ વੇਦਯਤਿ ਸੁਖਂ વਾ ਦੁਕ੍ਖਂ વਾ ਅਦੁਕ੍ਖਮਸੁਖਂ વਾ, ਸੋ ਤਂ વੇਦਨਂ ਅਭਿਨਨ੍ਦਤਿ ਅਭਿવਦਤਿ ਅਜ੍ਝੋਸਾਯ ਤਿਟ੍ਠਤੀ’’ਤਿ 1! ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਅਤ੍ਥਿ ਅਸਾਤਰਾਗੋਤਿ।
675. Na vattabbaṃ – ‘‘atthi asātarāgo’’ti? Āmantā. Nanu vuttaṃ bhagavatā – ‘‘so evaṃ anurodhavirodhaṃ samāpanno yaṃ kiñci vedanaṃ vedayati sukhaṃ vā dukkhaṃ vā adukkhamasukhaṃ vā, so taṃ vedanaṃ abhinandati abhivadati ajjhosāya tiṭṭhatī’’ti 2! Attheva suttantoti? Āmantā. Tena hi atthi asātarāgoti.
ਅਸਾਤਰਾਗਕਥਾ ਨਿਟ੍ਠਿਤਾ।
Asātarāgakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੮. ਅਸਾਤਰਾਗਕਥਾવਣ੍ਣਨਾ • 8. Asātarāgakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੮. ਅਸਾਤਰਾਗਕਥਾવਣ੍ਣਨਾ • 8. Asātarāgakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੮. ਅਸਾਤਰਾਗਕਥਾવਣ੍ਣਨਾ • 8. Asātarāgakathāvaṇṇanā
