| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
8. அஸாதராக³கதா²வண்ணனா
8. Asātarāgakathāvaṇṇanā
674. இதா³னி அஸாதராக³கதா² நாம ஹோதி. தத்த² ‘‘யங்கிஞ்சி வேத³னங் வேதே³தி ஸுக²ங் வா து³க்க²ங் வா அது³க்க²மஸுக²ங் வா, ஸோ தங் வேத³னங் அபி⁴னந்த³தி அபி⁴வத³தீ’’தி (ம॰ நி॰ 1.409) ஸுத்தே தி³ட்டா²பி⁴னந்த³னவஸேன வுத்தங். ‘‘அபி⁴னந்த³தீ’’திவசனங் நிஸ்ஸாய ‘‘து³க்க²வேத³னாயபி ராக³ஸ்ஸாத³வஸேன அபி⁴னந்த³னா ஹோதி. தஸ்மா அத்தி² அஸாதராகோ³’’தி யேஸங் லத்³தி⁴, ஸெய்யதா²பி உத்தராபத²கானங்; தே ஸந்தா⁴ய அத்தி² அஸாதராகோ³தி புச்சா² ஸகவாதி³ஸ்ஸ. தத்த² அஸாதராகோ³தி அஸாதே து³க்க²வேத³யிதே ‘‘அஹோ வத மே ஏததே³வ ப⁴வெய்யா’’தி ரஜ்ஜனா. ஆமந்தாதி லத்³தி⁴வஸேன படிஞ்ஞா இதரஸ்ஸ. ஸேஸமெத்த² உத்தானத்த²மேவ.
674. Idāni asātarāgakathā nāma hoti. Tattha ‘‘yaṃkiñci vedanaṃ vedeti sukhaṃ vā dukkhaṃ vā adukkhamasukhaṃ vā, so taṃ vedanaṃ abhinandati abhivadatī’’ti (ma. ni. 1.409) sutte diṭṭhābhinandanavasena vuttaṃ. ‘‘Abhinandatī’’tivacanaṃ nissāya ‘‘dukkhavedanāyapi rāgassādavasena abhinandanā hoti. Tasmā atthi asātarāgo’’ti yesaṃ laddhi, seyyathāpi uttarāpathakānaṃ; te sandhāya atthi asātarāgoti pucchā sakavādissa. Tattha asātarāgoti asāte dukkhavedayite ‘‘aho vata me etadeva bhaveyyā’’ti rajjanā. Āmantāti laddhivasena paṭiññā itarassa. Sesamettha uttānatthameva.
675. ஸோ தங் வேத³னங் அபி⁴னந்த³தீதி ஸுத்தே பன வினிவட்டெத்வா து³க்க²வேத³னமேவ ஆரப்³ப⁴ ராகு³ப்பத்தி நாம நத்தி², ஸமூஹக்³க³ஹணேன பன வேத³யிதலக்க²ணங் த⁴ம்மங் து³க்க²வேத³னமேவ வா அத்ததோ ஸமனுபஸ்ஸந்தோ தி³ட்டி²மஞ்ஞனாஸங்கா²தாய தி³ட்டா²பி⁴னந்த³னாய வேத³னங் அபி⁴னந்த³தி, து³க்கா²ய வேத³னாய விபரிணாமங் அபி⁴னந்த³தி, து³க்கா²ய வேத³னாய அபி⁴பூ⁴தோ தஸ்ஸா படிபக்க²ங் காமஸுக²ங் பத்த²யந்தோபி து³க்க²வேத³னங் அபி⁴னந்த³தி நாம. ஏவங் து³க்க²வேத³னாய அபி⁴னந்த³னா ஹோதீதி அதி⁴ப்பாயோ. தஸ்மா அஸாத⁴கமேதங் அஸாதராக³ஸ்ஸாதி.
675. So taṃ vedanaṃ abhinandatīti sutte pana vinivaṭṭetvā dukkhavedanameva ārabbha rāguppatti nāma natthi, samūhaggahaṇena pana vedayitalakkhaṇaṃ dhammaṃ dukkhavedanameva vā attato samanupassanto diṭṭhimaññanāsaṅkhātāya diṭṭhābhinandanāya vedanaṃ abhinandati, dukkhāya vedanāya vipariṇāmaṃ abhinandati, dukkhāya vedanāya abhibhūto tassā paṭipakkhaṃ kāmasukhaṃ patthayantopi dukkhavedanaṃ abhinandati nāma. Evaṃ dukkhavedanāya abhinandanā hotīti adhippāyo. Tasmā asādhakametaṃ asātarāgassāti.
அஸாதராக³கதா²வண்ணனா.
Asātarāgakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (133) 8. அஸாதராக³கதா² • (133) 8. Asātarāgakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 8. அஸாதராக³கதா²வண்ணனா • 8. Asātarāgakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 8. அஸாதராக³கதா²வண்ணனா • 8. Asātarāgakathāvaṇṇanā
