| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
8. асаад̇арааг̇агат̇ааван̣н̣анаа
8. Asātarāgakathāvaṇṇanā
674. ид̣̇аани асаад̇арааг̇агат̇аа наама ход̇и. д̇ад̇т̇а ‘‘яам̣гин̃жи взд̣̇анам̣ взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа, со д̇ам̣ взд̣̇анам̣ абхинанд̣̇ад̇и абхивад̣̇ад̇ий’’д̇и (ма. ни. 1.409) суд̇д̇з д̣̇идтаабхинанд̣̇анавасзна вуд̇д̇ам̣. ‘‘абхинанд̣̇ад̇ий’’д̇иважанам̣ ниссааяа ‘‘д̣̇угкавзд̣̇анааяаби рааг̇ассаад̣̇авасзна абхинанд̣̇анаа ход̇и. д̇асмаа ад̇т̇и асаад̇арааг̇о’’д̇и язсам̣ лад̣̇д̇хи, сзяяат̇ааби уд̇д̇араабат̇агаанам̣; д̇з санд̇хааяа ад̇т̇и асаад̇арааг̇од̇и бужчаа сагаваад̣̇исса. д̇ад̇т̇а асаад̇арааг̇од̇и асаад̇з д̣̇угкавзд̣̇аяид̇з ‘‘ахо вад̇а мз зд̇ад̣̇зва бхавзяяаа’’д̇и раж̇ж̇анаа. ааманд̇аад̇и лад̣̇д̇хивасзна бадин̃н̃аа ид̇арасса. сзсамзд̇т̇а уд̇д̇аанад̇т̇амзва.
674. Idāni asātarāgakathā nāma hoti. Tattha ‘‘yaṃkiñci vedanaṃ vedeti sukhaṃ vā dukkhaṃ vā adukkhamasukhaṃ vā, so taṃ vedanaṃ abhinandati abhivadatī’’ti (ma. ni. 1.409) sutte diṭṭhābhinandanavasena vuttaṃ. ‘‘Abhinandatī’’tivacanaṃ nissāya ‘‘dukkhavedanāyapi rāgassādavasena abhinandanā hoti. Tasmā atthi asātarāgo’’ti yesaṃ laddhi, seyyathāpi uttarāpathakānaṃ; te sandhāya atthi asātarāgoti pucchā sakavādissa. Tattha asātarāgoti asāte dukkhavedayite ‘‘aho vata me etadeva bhaveyyā’’ti rajjanā. Āmantāti laddhivasena paṭiññā itarassa. Sesamettha uttānatthameva.
675. со д̇ам̣ взд̣̇анам̣ абхинанд̣̇ад̇ийд̇и суд̇д̇з бана виниваддзд̇ваа д̣̇угкавзд̣̇анамзва аараб̣бха рааг̇уббад̇д̇и наама над̇т̇и, самуухаг̇г̇ахан̣зна бана взд̣̇аяид̇алагкан̣ам̣ д̇хаммам̣ д̣̇угкавзд̣̇анамзва ваа ад̇д̇ад̇о саманубассанд̇о д̣̇идтиман̃н̃анаасан̇каад̇ааяа д̣̇идтаабхинанд̣̇анааяа взд̣̇анам̣ абхинанд̣̇ад̇и, д̣̇угкааяа взд̣̇анааяа вибарин̣аамам̣ абхинанд̣̇ад̇и, д̣̇угкааяа взд̣̇анааяа абхибхууд̇о д̇ассаа бадибагкам̣ гаамасукам̣ бад̇т̇аяанд̇оби д̣̇угкавзд̣̇анам̣ абхинанд̣̇ад̇и наама. звам̣ д̣̇угкавзд̣̇анааяа абхинанд̣̇анаа ход̇ийд̇и ад̇хиббааяо. д̇асмаа асаад̇хагамзд̇ам̣ асаад̇арааг̇ассаад̇и.
675. So taṃ vedanaṃ abhinandatīti sutte pana vinivaṭṭetvā dukkhavedanameva ārabbha rāguppatti nāma natthi, samūhaggahaṇena pana vedayitalakkhaṇaṃ dhammaṃ dukkhavedanameva vā attato samanupassanto diṭṭhimaññanāsaṅkhātāya diṭṭhābhinandanāya vedanaṃ abhinandati, dukkhāya vedanāya vipariṇāmaṃ abhinandati, dukkhāya vedanāya abhibhūto tassā paṭipakkhaṃ kāmasukhaṃ patthayantopi dukkhavedanaṃ abhinandati nāma. Evaṃ dukkhavedanāya abhinandanā hotīti adhippāyo. Tasmā asādhakametaṃ asātarāgassāti.
асаад̇арааг̇агат̇ааван̣н̣анаа.
Asātarāgakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (133) 8. асаад̇арааг̇агат̇аа • (133) 8. Asātarāgakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 8. асаад̇арааг̇агат̇ааван̣н̣анаа • 8. Asātarāgakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 8. асаад̇арааг̇агат̇ааван̣н̣анаа • 8. Asātarāgakathāvaṇṇanā
