| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੮. ਅਸਾਤਰਾਗਕਥਾવਣ੍ਣਨਾ
8. Asātarāgakathāvaṇṇanā
੬੭੪. ਇਦਾਨਿ ਅਸਾਤਰਾਗਕਥਾ ਨਾਮ ਹੋਤਿ। ਤਤ੍ਥ ‘‘ਯਂਕਿਞ੍ਚਿ વੇਦਨਂ વੇਦੇਤਿ ਸੁਖਂ વਾ ਦੁਕ੍ਖਂ વਾ ਅਦੁਕ੍ਖਮਸੁਖਂ વਾ, ਸੋ ਤਂ વੇਦਨਂ ਅਭਿਨਨ੍ਦਤਿ ਅਭਿવਦਤੀ’’ਤਿ (ਮ॰ ਨਿ॰ ੧.੪੦੯) ਸੁਤ੍ਤੇ ਦਿਟ੍ਠਾਭਿਨਨ੍ਦਨવਸੇਨ વੁਤ੍ਤਂ। ‘‘ਅਭਿਨਨ੍ਦਤੀ’’ਤਿવਚਨਂ ਨਿਸ੍ਸਾਯ ‘‘ਦੁਕ੍ਖવੇਦਨਾਯਪਿ ਰਾਗਸ੍ਸਾਦવਸੇਨ ਅਭਿਨਨ੍ਦਨਾ ਹੋਤਿ। ਤਸ੍ਮਾ ਅਤ੍ਥਿ ਅਸਾਤਰਾਗੋ’’ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਉਤ੍ਤਰਾਪਥਕਾਨਂ; ਤੇ ਸਨ੍ਧਾਯ ਅਤ੍ਥਿ ਅਸਾਤਰਾਗੋਤਿ ਪੁਚ੍ਛਾ ਸਕવਾਦਿਸ੍ਸ। ਤਤ੍ਥ ਅਸਾਤਰਾਗੋਤਿ ਅਸਾਤੇ ਦੁਕ੍ਖવੇਦਯਿਤੇ ‘‘ਅਹੋ વਤ ਮੇ ਏਤਦੇવ ਭવੇਯ੍ਯਾ’’ਤਿ ਰਜ੍ਜਨਾ। ਆਮਨ੍ਤਾਤਿ ਲਦ੍ਧਿવਸੇਨ ਪਟਿਞ੍ਞਾ ਇਤਰਸ੍ਸ। ਸੇਸਮੇਤ੍ਥ ਉਤ੍ਤਾਨਤ੍ਥਮੇવ।
674. Idāni asātarāgakathā nāma hoti. Tattha ‘‘yaṃkiñci vedanaṃ vedeti sukhaṃ vā dukkhaṃ vā adukkhamasukhaṃ vā, so taṃ vedanaṃ abhinandati abhivadatī’’ti (ma. ni. 1.409) sutte diṭṭhābhinandanavasena vuttaṃ. ‘‘Abhinandatī’’tivacanaṃ nissāya ‘‘dukkhavedanāyapi rāgassādavasena abhinandanā hoti. Tasmā atthi asātarāgo’’ti yesaṃ laddhi, seyyathāpi uttarāpathakānaṃ; te sandhāya atthi asātarāgoti pucchā sakavādissa. Tattha asātarāgoti asāte dukkhavedayite ‘‘aho vata me etadeva bhaveyyā’’ti rajjanā. Āmantāti laddhivasena paṭiññā itarassa. Sesamettha uttānatthameva.
੬੭੫. ਸੋ ਤਂ વੇਦਨਂ ਅਭਿਨਨ੍ਦਤੀਤਿ ਸੁਤ੍ਤੇ ਪਨ વਿਨਿવਟ੍ਟੇਤ੍વਾ ਦੁਕ੍ਖવੇਦਨਮੇવ ਆਰਬ੍ਭ ਰਾਗੁਪ੍ਪਤ੍ਤਿ ਨਾਮ ਨਤ੍ਥਿ, ਸਮੂਹਗ੍ਗਹਣੇਨ ਪਨ વੇਦਯਿਤਲਕ੍ਖਣਂ ਧਮ੍ਮਂ ਦੁਕ੍ਖવੇਦਨਮੇવ વਾ ਅਤ੍ਤਤੋ ਸਮਨੁਪਸ੍ਸਨ੍ਤੋ ਦਿਟ੍ਠਿਮਞ੍ਞਨਾਸਙ੍ਖਾਤਾਯ ਦਿਟ੍ਠਾਭਿਨਨ੍ਦਨਾਯ વੇਦਨਂ ਅਭਿਨਨ੍ਦਤਿ, ਦੁਕ੍ਖਾਯ વੇਦਨਾਯ વਿਪਰਿਣਾਮਂ ਅਭਿਨਨ੍ਦਤਿ, ਦੁਕ੍ਖਾਯ વੇਦਨਾਯ ਅਭਿਭੂਤੋ ਤਸ੍ਸਾ ਪਟਿਪਕ੍ਖਂ ਕਾਮਸੁਖਂ ਪਤ੍ਥਯਨ੍ਤੋਪਿ ਦੁਕ੍ਖવੇਦਨਂ ਅਭਿਨਨ੍ਦਤਿ ਨਾਮ। ਏવਂ ਦੁਕ੍ਖવੇਦਨਾਯ ਅਭਿਨਨ੍ਦਨਾ ਹੋਤੀਤਿ ਅਧਿਪ੍ਪਾਯੋ। ਤਸ੍ਮਾ ਅਸਾਧਕਮੇਤਂ ਅਸਾਤਰਾਗਸ੍ਸਾਤਿ।
675. So taṃ vedanaṃ abhinandatīti sutte pana vinivaṭṭetvā dukkhavedanameva ārabbha rāguppatti nāma natthi, samūhaggahaṇena pana vedayitalakkhaṇaṃ dhammaṃ dukkhavedanameva vā attato samanupassanto diṭṭhimaññanāsaṅkhātāya diṭṭhābhinandanāya vedanaṃ abhinandati, dukkhāya vedanāya vipariṇāmaṃ abhinandati, dukkhāya vedanāya abhibhūto tassā paṭipakkhaṃ kāmasukhaṃ patthayantopi dukkhavedanaṃ abhinandati nāma. Evaṃ dukkhavedanāya abhinandanā hotīti adhippāyo. Tasmā asādhakametaṃ asātarāgassāti.
ਅਸਾਤਰਾਗਕਥਾવਣ੍ਣਨਾ।
Asātarāgakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੩੩) ੮. ਅਸਾਤਰਾਗਕਥਾ • (133) 8. Asātarāgakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੮. ਅਸਾਤਰਾਗਕਥਾવਣ੍ਣਨਾ • 8. Asātarāgakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੮. ਅਸਾਤਰਾਗਕਥਾવਣ੍ਣਨਾ • 8. Asātarāgakathāvaṇṇanā
