| Library / Tipiṭaka / तिपिटक • Tipiṭaka / पट्ठानपाळि • Paṭṭhānapāḷi |
३. आसवगोच्छकं
3. Āsavagocchakaṃ
१४. आसवदुकं
14. Āsavadukaṃ
१. पटिच्चवारो
1. Paṭiccavāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
१. आसवं धम्मं पटिच्च आसवो धम्मो उप्पज्जति हेतुपच्चया – कामासवं पटिच्च दिट्ठासवो अविज्जासवो, दिट्ठासवं पटिच्च कामासवो अविज्जासवो, अविज्जासवं पटिच्च कामासवो दिट्ठासवो, भवासवं पटिच्च अविज्जासवो, दिट्ठासवं पटिच्च अविज्जासवो (एकेकम्पि चक्कं कातब्बं)। (१)
1. Āsavaṃ dhammaṃ paṭicca āsavo dhammo uppajjati hetupaccayā – kāmāsavaṃ paṭicca diṭṭhāsavo avijjāsavo, diṭṭhāsavaṃ paṭicca kāmāsavo avijjāsavo, avijjāsavaṃ paṭicca kāmāsavo diṭṭhāsavo, bhavāsavaṃ paṭicca avijjāsavo, diṭṭhāsavaṃ paṭicca avijjāsavo (ekekampi cakkaṃ kātabbaṃ). (1)
आसवं धम्मं पटिच्च नोआसवो धम्मो उप्पज्जति हेतुपच्चया – आसवं पटिच्च आसवसम्पयुत्तका खन्धा चित्तसमुट्ठानञ्च रूपं। (२)
Āsavaṃ dhammaṃ paṭicca noāsavo dhammo uppajjati hetupaccayā – āsavaṃ paṭicca āsavasampayuttakā khandhā cittasamuṭṭhānañca rūpaṃ. (2)
आसवं धम्मं पटिच्च आसवो च नोआसवो च धम्मा उप्पज्जन्ति हेतुपच्चया – कामासवं पटिच्च दिट्ठासवो अविज्जासवो सम्पयुत्तका च खन्धा चित्तसमुट्ठानञ्च रूपं (चक्कं)। (३)
Āsavaṃ dhammaṃ paṭicca āsavo ca noāsavo ca dhammā uppajjanti hetupaccayā – kāmāsavaṃ paṭicca diṭṭhāsavo avijjāsavo sampayuttakā ca khandhā cittasamuṭṭhānañca rūpaṃ (cakkaṃ). (3)
२. नोआसवं धम्मं पटिच्च नोआसवो धम्मो उप्पज्जति हेतुपच्चया – नोआसवं एकं खन्धं पटिच्च तयो खन्धा चित्तसमुट्ठानं रूपं…पे॰… द्वे खन्धे…पे॰… पटिसन्धिक्खणे…पे॰… खन्धे पटिच्च वत्थु, वत्थुं पटिच्च खन्धा, एकं महाभूतं…पे॰… महाभूते पटिच्च चित्तसमुट्ठानं रूपं कटत्तारूपं उपादारूपं। (१)
2. Noāsavaṃ dhammaṃ paṭicca noāsavo dhammo uppajjati hetupaccayā – noāsavaṃ ekaṃ khandhaṃ paṭicca tayo khandhā cittasamuṭṭhānaṃ rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)
नोआसवं धम्मं पटिच्च आसवो धम्मो उप्पज्जति हेतुपच्चया – नोआसवे खन्धे पटिच्च आसवा। (२)
Noāsavaṃ dhammaṃ paṭicca āsavo dhammo uppajjati hetupaccayā – noāsave khandhe paṭicca āsavā. (2)
नोआसवं धम्मं पटिच्च आसवो च नोआसवो च धम्मा उप्पज्जन्ति हेतुपच्चया – नोआसवं एकं खन्धं पटिच्च तयो खन्धा आसवा च चित्तसमुट्ठानञ्च रूपं…पे॰… द्वे खन्धे…पे॰…। (३)
Noāsavaṃ dhammaṃ paṭicca āsavo ca noāsavo ca dhammā uppajjanti hetupaccayā – noāsavaṃ ekaṃ khandhaṃ paṭicca tayo khandhā āsavā ca cittasamuṭṭhānañca rūpaṃ…pe… dve khandhe…pe…. (3)
३. आसवञ्च नोआसवञ्च धम्मं पटिच्च आसवो धम्मो उप्पज्जति हेतुपच्चया – कामासवञ्च सम्पयुत्तके च खन्धे पटिच्च दिट्ठासवो अविज्जासवो (चक्कं बन्धितब्बं)। (१)
3. Āsavañca noāsavañca dhammaṃ paṭicca āsavo dhammo uppajjati hetupaccayā – kāmāsavañca sampayuttake ca khandhe paṭicca diṭṭhāsavo avijjāsavo (cakkaṃ bandhitabbaṃ). (1)
आसवञ्च नोआसवञ्च धम्मं पटिच्च नोआसवो धम्मो उप्पज्जति हेतुपच्चया – नोआसवं एकं खन्धञ्च आसवे च पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰…। (२)
Āsavañca noāsavañca dhammaṃ paṭicca noāsavo dhammo uppajjati hetupaccayā – noāsavaṃ ekaṃ khandhañca āsave ca paṭicca tayo khandhā cittasamuṭṭhānañca rūpaṃ…pe… dve khandhe…pe…. (2)
आसवञ्च नोआसवञ्च धम्मं पटिच्च आसवो च नोआसवो च धम्मा उप्पज्जन्ति हेतुपच्चया – नोआसवं एकं खन्धञ्च कामासवञ्च पटिच्च तयो खन्धा दिट्ठासवो अविज्जासवो चित्तसमुट्ठानञ्च रूपं…पे॰… द्वे खन्धे च…पे॰… (चक्कं। संखित्तं)। (३)
Āsavañca noāsavañca dhammaṃ paṭicca āsavo ca noāsavo ca dhammā uppajjanti hetupaccayā – noāsavaṃ ekaṃ khandhañca kāmāsavañca paṭicca tayo khandhā diṭṭhāsavo avijjāsavo cittasamuṭṭhānañca rūpaṃ…pe… dve khandhe ca…pe… (cakkaṃ. Saṃkhittaṃ). (3)
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
४. हेतुया नव, आरम्मणे नव (सब्बत्थ नव), विपाके एकं, आहारे नव…पे॰… अविगते नव।
4. Hetuyā nava, ārammaṇe nava (sabbattha nava), vipāke ekaṃ, āhāre nava…pe… avigate nava.
अनुलोमं।
Anulomaṃ.
२. पच्चयपच्चनीयं
2. Paccayapaccanīyaṃ
१. विभङ्गवारो
1. Vibhaṅgavāro
नहेतुपच्चयो
Nahetupaccayo
५. नोआसवं धम्मं पटिच्च नोआसवो धम्मो उप्पज्जति नहेतुपच्चया – अहेतुकं नोआसवं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… अहेतुकपटिसन्धिक्खणे…पे॰… खन्धे पटिच्च वत्थु, वत्थुं पटिच्च खन्धा, एकं महाभूतं…पे॰… (याव असञ्ञसत्ता)। (१)
5. Noāsavaṃ dhammaṃ paṭicca noāsavo dhammo uppajjati nahetupaccayā – ahetukaṃ noāsavaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe… (yāva asaññasattā). (1)
नोआसवं धम्मं पटिच्च आसवो धम्मो उप्पज्जति नहेतुपच्चया – विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो। (२)
Noāsavaṃ dhammaṃ paṭicca āsavo dhammo uppajjati nahetupaccayā – vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (2)
नआरम्मणपच्चयो
Naārammaṇapaccayo
६. आसवं धम्मं पटिच्च नोआसवो धम्मो उप्पज्जति नआरम्मणपच्चया – आसवे पटिच्च चित्तसमुट्ठानं रूपं। (१)
6. Āsavaṃ dhammaṃ paṭicca noāsavo dhammo uppajjati naārammaṇapaccayā – āsave paṭicca cittasamuṭṭhānaṃ rūpaṃ. (1)
नोआसवं धम्मं पटिच्च नोआसवो धम्मो उप्पज्जति नआरम्मणपच्चया – नोआसवे खन्धे पटिच्च चित्तसमुट्ठानं रूपं; पटिसन्धिक्खणे…पे॰… खन्धे पटिच्च वत्थु, एकं महाभूतं…पे॰… (याव असञ्ञसत्ता) । (१)
Noāsavaṃ dhammaṃ paṭicca noāsavo dhammo uppajjati naārammaṇapaccayā – noāsave khandhe paṭicca cittasamuṭṭhānaṃ rūpaṃ; paṭisandhikkhaṇe…pe… khandhe paṭicca vatthu, ekaṃ mahābhūtaṃ…pe… (yāva asaññasattā) . (1)
आसवञ्च नोआसवञ्च धम्मं पटिच्च नोआसवो धम्मो उप्पज्जति नआरम्मणपच्चया – आसवे च सम्पयुत्तके च खन्धे पटिच्च चित्तसमुट्ठानं रूपं (संखित्तं)। (१)
Āsavañca noāsavañca dhammaṃ paṭicca noāsavo dhammo uppajjati naārammaṇapaccayā – āsave ca sampayuttake ca khandhe paṭicca cittasamuṭṭhānaṃ rūpaṃ (saṃkhittaṃ). (1)
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
सुद्धं
Suddhaṃ
७. नहेतुया द्वे, नआरम्मणे तीणि, नअधिपतिया नव, नअनन्तरे तीणि, नसमनन्तरे तीणि, नअञ्ञमञ्ञे तीणि, नउपनिस्सये तीणि, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नआहारे एकं, नइन्द्रिये एकं, नझाने एकं, नमग्गे एकं, नसम्पयुत्ते तीणि, नविप्पयुत्ते नव, नोनत्थिया तीणि, नोविगते तीणि।
7. Nahetuyā dve, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte nava, napacchājāte nava, naāsevane nava, nakamme tīṇi, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte nava, nonatthiyā tīṇi, novigate tīṇi.
पच्चनीयं।
Paccanīyaṃ.
३. पच्चयानुलोमपच्चनीयं
3. Paccayānulomapaccanīyaṃ
हेतुदुकं
Hetudukaṃ
८. हेतुपच्चया नआरम्मणे तीणि, नअधिपतिया नव, नअनन्तरे तीणि, नसमनन्तरे तीणि, नअञ्ञमञ्ञे तीणि, नउपनिस्सये तीणि, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नसम्पयुत्ते तीणि, नविप्पयुत्ते नव, नोनत्थिया तीणि, नोविगते तीणि।
8. Hetupaccayā naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte nava, napacchājāte nava, naāsevane nava, nakamme tīṇi, navipāke nava, nasampayutte tīṇi, navippayutte nava, nonatthiyā tīṇi, novigate tīṇi.
अनुलोमपच्चनीयं।
Anulomapaccanīyaṃ.
४. पच्चयपच्चनीयानुलोमं
4. Paccayapaccanīyānulomaṃ
नहेतुदुकं
Nahetudukaṃ
९. नहेतुपच्चया आरम्मणे द्वे, अनन्तरे द्वे…पे॰… विपाके एकं…पे॰… मग्गे एकं…पे॰… अविगते द्वे।
9. Nahetupaccayā ārammaṇe dve, anantare dve…pe… vipāke ekaṃ…pe… magge ekaṃ…pe… avigate dve.
पच्चनीयानुलोमं।
Paccanīyānulomaṃ.
२. सहजातवारो
2. Sahajātavāro
(सहजातवारो पटिच्चवारसदिसो।)
(Sahajātavāro paṭiccavārasadiso.)
३. पच्चयवारो
3. Paccayavāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
१०. आसवं धम्मं पच्चया आसवो धम्मो उप्पज्जति हेतुपच्चया (आसवमूलकं तीणि, पटिच्चसदिसा)।
10. Āsavaṃ dhammaṃ paccayā āsavo dhammo uppajjati hetupaccayā (āsavamūlakaṃ tīṇi, paṭiccasadisā).
नोआसवं धम्मं पच्चया नोआसवो धम्मो उप्पज्जति हेतुपच्चया – नोआसवं एकं खन्धं पच्चया तयो खन्धा चित्तसमुट्ठानञ्च रूपं…पे॰… द्वे खन्धे…पे॰… पटिसन्धिक्खणे…पे॰… खन्धे पच्चया वत्थु, वत्थुं पच्चया खन्धा, महाभूते पच्चया चित्तसमुट्ठानं रूपं कटत्तारूपं उपादारूपं, वत्थुं पच्चया नोआसवा खन्धा। (१)
Noāsavaṃ dhammaṃ paccayā noāsavo dhammo uppajjati hetupaccayā – noāsavaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paccayā vatthu, vatthuṃ paccayā khandhā, mahābhūte paccayā cittasamuṭṭhānaṃ rūpaṃ kaṭattārūpaṃ upādārūpaṃ, vatthuṃ paccayā noāsavā khandhā. (1)
नोआसवं धम्मं पच्चया आसवो धम्मो उप्पज्जति हेतुपच्चया – नोआसवे खन्धे पच्चया आसवा, वत्थुं पच्चया आसवा। (२)
Noāsavaṃ dhammaṃ paccayā āsavo dhammo uppajjati hetupaccayā – noāsave khandhe paccayā āsavā, vatthuṃ paccayā āsavā. (2)
नोआसवं धम्मं पच्चया आसवो च नोआसवो च धम्मा उप्पज्जन्ति हेतुपच्चया – नोआसवं एकं खन्धं पच्चया तयो खन्धा आसवा च चित्तसमुट्ठानञ्च रूपं…पे॰… द्वे खन्धे…पे॰… वत्थुं पच्चया आसवा सम्पयुत्तका च खन्धा। (३)
Noāsavaṃ dhammaṃ paccayā āsavo ca noāsavo ca dhammā uppajjanti hetupaccayā – noāsavaṃ ekaṃ khandhaṃ paccayā tayo khandhā āsavā ca cittasamuṭṭhānañca rūpaṃ…pe… dve khandhe…pe… vatthuṃ paccayā āsavā sampayuttakā ca khandhā. (3)
११. आसवञ्च नोआसवञ्च धम्मं पच्चया आसवो धम्मो उप्पज्जति हेतुपच्चया – कामासवञ्च सम्पयुत्तके च खन्धे पच्चया दिट्ठासवो अविज्जासवो (चक्कं)। कामासवञ्च वत्थुञ्च पच्चया दिट्ठासवो अविज्जासवो (चक्कं)। (१)
11. Āsavañca noāsavañca dhammaṃ paccayā āsavo dhammo uppajjati hetupaccayā – kāmāsavañca sampayuttake ca khandhe paccayā diṭṭhāsavo avijjāsavo (cakkaṃ). Kāmāsavañca vatthuñca paccayā diṭṭhāsavo avijjāsavo (cakkaṃ). (1)
आसवञ्च नोआसवञ्च धम्मं पच्चया नोआसवो धम्मो उप्पज्जति हेतुपच्चया – नोआसवं एकं खन्धञ्च आसवे च पच्चया तयो खन्धा चित्तसमुट्ठानञ्च रूपं…पे॰… द्वे खन्धे…पे॰… आसवञ्च वत्थुञ्च पच्चया नोआसवा खन्धा। (२)
Āsavañca noāsavañca dhammaṃ paccayā noāsavo dhammo uppajjati hetupaccayā – noāsavaṃ ekaṃ khandhañca āsave ca paccayā tayo khandhā cittasamuṭṭhānañca rūpaṃ…pe… dve khandhe…pe… āsavañca vatthuñca paccayā noāsavā khandhā. (2)
आसवञ्च नोआसवञ्च धम्मं पच्चया आसवो च नोआसवो च धम्मा उप्पज्जन्ति हेतुपच्चया – नोआसवं एकं खन्धञ्च कामासवञ्च पच्चया तयो खन्धा दिट्ठासवो अविज्जासवो चित्तसमुट्ठानञ्च रूपं…पे॰… द्वे खन्धे…पे॰… (चक्कं)। कामासवञ्च वत्थुञ्च पच्चया दिट्ठासवो अविज्जासवो सम्पयुत्तका च खन्धा (चक्कं। संखित्तं)। (३)
Āsavañca noāsavañca dhammaṃ paccayā āsavo ca noāsavo ca dhammā uppajjanti hetupaccayā – noāsavaṃ ekaṃ khandhañca kāmāsavañca paccayā tayo khandhā diṭṭhāsavo avijjāsavo cittasamuṭṭhānañca rūpaṃ…pe… dve khandhe…pe… (cakkaṃ). Kāmāsavañca vatthuñca paccayā diṭṭhāsavo avijjāsavo sampayuttakā ca khandhā (cakkaṃ. Saṃkhittaṃ). (3)
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
१२. हेतुया नव, आरम्मणे नव, अधिपतिया नव…पे॰… विपाके एकं…पे॰… अविगते नव।
12. Hetuyā nava, ārammaṇe nava, adhipatiyā nava…pe… vipāke ekaṃ…pe… avigate nava.
अनुलोमं।
Anulomaṃ.
२. पच्चयपच्चनीयं
2. Paccayapaccanīyaṃ
१. विभङ्गवारो
1. Vibhaṅgavāro
नहेतुपच्चयो
Nahetupaccayo
१३. नोआसवं धम्मं पच्चया नोआसवो धम्मो उप्पज्जति नहेतुपच्चया – अहेतुकं नोआसवं एकं खन्धं पच्चया तयो खन्धा चित्तसमुट्ठानञ्च रूपं…पे॰… द्वे खन्धे…पे॰… अहेतुकपटिसन्धिक्खणे…पे॰… (याव असञ्ञसत्ता) चक्खायतनं पच्चया चक्खुविञ्ञाणं…पे॰… कायायतनं पच्चया कायविञ्ञाणं… वत्थुं पच्चया अहेतुका नोआसवा खन्धा। (१)
13. Noāsavaṃ dhammaṃ paccayā noāsavo dhammo uppajjati nahetupaccayā – ahetukaṃ noāsavaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… (yāva asaññasattā) cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ… vatthuṃ paccayā ahetukā noāsavā khandhā. (1)
नोआसवं धम्मं पच्चया आसवो धम्मो उप्पज्जति नहेतुपच्चया – विचिकिच्छासहगते उद्धच्चसहगते खन्धे च वत्थुञ्च पच्चया विचिकिच्छासहगतो उद्धच्चसहगतो मोहो। (२)
Noāsavaṃ dhammaṃ paccayā āsavo dhammo uppajjati nahetupaccayā – vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (2)
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
१४. नहेतुया द्वे, नआरम्मणे तीणि, नअधिपतिया नव…पे॰… नकम्मे तीणि…पे॰… नविप्पयुत्ते नव, नोनत्थिया तीणि, नोविगते तीणि (एवं सब्बे गणना गणेतब्बा)।
14. Nahetuyā dve, naārammaṇe tīṇi, naadhipatiyā nava…pe… nakamme tīṇi…pe… navippayutte nava, nonatthiyā tīṇi, novigate tīṇi (evaṃ sabbe gaṇanā gaṇetabbā).
४. निस्सयवारो
4. Nissayavāro
(निस्सयवारो पच्चयवारसदिसो।)
(Nissayavāro paccayavārasadiso.)
५. संसट्ठवारो
5. Saṃsaṭṭhavāro
१-४. पच्चयानुलोमादि
1-4. Paccayānulomādi
१५. आसवं धम्मं संसट्ठो आसवो धम्मो उप्पज्जति हेतुपच्चया – कामासवं संसट्ठो दिट्ठासवो अविज्जासवो (चक्कं। संखित्तं)।
15. Āsavaṃ dhammaṃ saṃsaṭṭho āsavo dhammo uppajjati hetupaccayā – kāmāsavaṃ saṃsaṭṭho diṭṭhāsavo avijjāsavo (cakkaṃ. Saṃkhittaṃ).
हेतुया नव, आरम्मणे नव (सब्बत्थ नव), विपाके एकं…पे॰… अविगते नव।
Hetuyā nava, ārammaṇe nava (sabbattha nava), vipāke ekaṃ…pe… avigate nava.
नहेतुया द्वे, नअधिपतिया नव, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नझाने एकं, नमग्गे एकं, नविप्पयुत्ते नव।
Nahetuyā dve, naadhipatiyā nava, napurejāte nava, napacchājāte nava, naāsevane nava, nakamme tīṇi, navipāke nava, najhāne ekaṃ, namagge ekaṃ, navippayutte nava.
६. सम्पयुत्तवारो
6. Sampayuttavāro
(गणनापि सम्पयुत्तवारोपि संसट्ठवारसदिसो।)
(Gaṇanāpi sampayuttavāropi saṃsaṭṭhavārasadiso.)
७. पञ्हावारो
7. Pañhāvāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
१६. आसवो धम्मो आसवस्स धम्मस्स हेतुपच्चयेन पच्चयो – कामासवो दिट्ठासवस्स अविज्जासवस्स हेतुपच्चयेन पच्चयो; भवासवो अविज्जासवस्स हेतुपच्चयेन पच्चयो (चक्कं)। (१)
16. Āsavo dhammo āsavassa dhammassa hetupaccayena paccayo – kāmāsavo diṭṭhāsavassa avijjāsavassa hetupaccayena paccayo; bhavāsavo avijjāsavassa hetupaccayena paccayo (cakkaṃ). (1)
आसवो धम्मो नोआसवस्स धम्मस्स हेतुपच्चयेन पच्चयो – आसवा हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो। (२)
Āsavo dhammo noāsavassa dhammassa hetupaccayena paccayo – āsavā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (2)
आसवो धम्मो आसवस्स च नोआसवस्स च धम्मस्स हेतुपच्चयेन पच्चयो – कामासवो दिट्ठासवस्स अविज्जासवस्स सम्पयुत्तकानञ्च खन्धानं चित्तसमुट्ठानानञ्च रूपानं हेतुपच्चयेन पच्चयो । (३)
Āsavo dhammo āsavassa ca noāsavassa ca dhammassa hetupaccayena paccayo – kāmāsavo diṭṭhāsavassa avijjāsavassa sampayuttakānañca khandhānaṃ cittasamuṭṭhānānañca rūpānaṃ hetupaccayena paccayo . (3)
१७. नोआसवो धम्मो नोआसवस्स धम्मस्स हेतुपच्चयेन पच्चयो – नोआसवा हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो; पटिसन्धिक्खणे…पे॰…। (१)
17. Noāsavo dhammo noāsavassa dhammassa hetupaccayena paccayo – noāsavā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (1)
नोआसवो धम्मो आसवस्स धम्मस्स हेतुपच्चयेन पच्चयो – नोआसवा हेतू सम्पयुत्तकानं आसवानं हेतुपच्चयेन पच्चयो। (२)
Noāsavo dhammo āsavassa dhammassa hetupaccayena paccayo – noāsavā hetū sampayuttakānaṃ āsavānaṃ hetupaccayena paccayo. (2)
नोआसवो धम्मो आसवस्स च नोआसवस्स च धम्मस्स हेतुपच्चयेन पच्चयो – नोआसवा हेतू सम्पयुत्तकानं खन्धानं आसवानं चित्तसमुट्ठानानञ्च रूपानं हेतुपच्चयेन पच्चयो। (३)
Noāsavo dhammo āsavassa ca noāsavassa ca dhammassa hetupaccayena paccayo – noāsavā hetū sampayuttakānaṃ khandhānaṃ āsavānaṃ cittasamuṭṭhānānañca rūpānaṃ hetupaccayena paccayo. (3)
आसवो च नोआसवो च धम्मा नोआसवस्स धम्मस्स हेतुपच्चयेन पच्चयो – आसवा च नोआसवा च हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो। (१)
Āsavo ca noāsavo ca dhammā noāsavassa dhammassa hetupaccayena paccayo – āsavā ca noāsavā ca hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (1)
आरम्मणपच्चयो
Ārammaṇapaccayo
१८. आसवो धम्मो आसवस्स धम्मस्स आरम्मणपच्चयेन पच्चयो – आसवे आरब्भ आसवा उप्पज्जन्ति। (१)
18. Āsavo dhammo āsavassa dhammassa ārammaṇapaccayena paccayo – āsave ārabbha āsavā uppajjanti. (1)
आसवो धम्मो नोआसवस्स धम्मस्स आरम्मणपच्चयेन पच्चयो – आसवे आरब्भ नोआसवा खन्धा उप्पज्जन्ति। (२)
Āsavo dhammo noāsavassa dhammassa ārammaṇapaccayena paccayo – āsave ārabbha noāsavā khandhā uppajjanti. (2)
आसवो धम्मो आसवस्स च नोआसवस्स च धम्मस्स आरम्मणपच्चयेन पच्चयो – आसवे आरब्भ आसवा च सम्पयुत्तका च खन्धा उप्पज्जन्ति। (३)
Āsavo dhammo āsavassa ca noāsavassa ca dhammassa ārammaṇapaccayena paccayo – āsave ārabbha āsavā ca sampayuttakā ca khandhā uppajjanti. (3)
१९. नोआसवो धम्मो नोआसवस्स धम्मस्स आरम्मणपच्चयेन पच्चयो – दानं…पे॰… सीलं…पे॰… उपोसथकम्मं…पे॰… पुब्बे…पे॰… झाना…पे॰… अरिया मग्गा वुट्ठहित्वा मग्गं पच्चवेक्खन्ति, फलं पच्चवेक्खन्ति, निब्बानं पच्चवेक्खन्ति; निब्बानं गोत्रभुस्स, वोदानस्स, मग्गस्स, फलस्स, आवज्जनाय आरम्मणपच्चयेन पच्चयो; अरिया नोआसवे पहीने किलेसे…पे॰… विक्खम्भिते किलेसे…पे॰… पुब्बे समुदाचिण्णे किलेसे जानन्ति, चक्खुं…पे॰… वत्थुं नोआसवे खन्धे अनिच्चतो…पे॰… दोमनस्सं उप्पज्जति; दिब्बेन चक्खुना रूपं पस्सति, दिब्बाय सोतधातुया सद्दं सुणाति, चेतोपरियञाणेन नोआसवचित्तसमङ्गिस्स चित्तं जानाति, आकासानञ्चायतनं विञ्ञाणञ्चायतनस्स…पे॰… आकिञ्चञ्ञायतनं नेवसञ्ञानासञ्ञायतनस्स…पे॰… रूपायतनं चक्खुविञ्ञाणस्स…पे॰… फोट्ठब्बायतनं कायविञ्ञाणस्स…पे॰… नोआसवा खन्धा इद्धिविधञाणस्स, चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो। (१)
19. Noāsavo dhammo noāsavassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ…pe… pubbe…pe… jhānā…pe… ariyā maggā vuṭṭhahitvā maggaṃ paccavekkhanti, phalaṃ paccavekkhanti, nibbānaṃ paccavekkhanti; nibbānaṃ gotrabhussa, vodānassa, maggassa, phalassa, āvajjanāya ārammaṇapaccayena paccayo; ariyā noāsave pahīne kilese…pe… vikkhambhite kilese…pe… pubbe samudāciṇṇe kilese jānanti, cakkhuṃ…pe… vatthuṃ noāsave khandhe aniccato…pe… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti, cetopariyañāṇena noāsavacittasamaṅgissa cittaṃ jānāti, ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa…pe… rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… noāsavā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)
नोआसवो धम्मो आसवस्स धम्मस्स आरम्मणपच्चयेन पच्चयो – दानं दत्वा…पे॰… तं अस्सादेति अभिनन्दति, तं आरब्भ आसवा उप्पज्जन्ति, सीलं…पे॰… उपोसथकम्मं…पे॰… पुब्बे…पे॰… झाना…पे॰… चक्खुं…पे॰… वत्थुं नोआसवे खन्धे अस्सादेति अभिनन्दति, तं आरब्भ आसवा उप्पज्जन्ति। (२)
Noāsavo dhammo āsavassa dhammassa ārammaṇapaccayena paccayo – dānaṃ datvā…pe… taṃ assādeti abhinandati, taṃ ārabbha āsavā uppajjanti, sīlaṃ…pe… uposathakammaṃ…pe… pubbe…pe… jhānā…pe… cakkhuṃ…pe… vatthuṃ noāsave khandhe assādeti abhinandati, taṃ ārabbha āsavā uppajjanti. (2)
नोआसवो धम्मो आसवस्स च नोआसवस्स च धम्मस्स आरम्मणपच्चयेन पच्चयो – दानं दत्वा…पे॰… (दुतियगमनं) नोआसवे खन्धे अस्सादेति अभिनन्दति, तं आरब्भ आसवा च सम्पयुत्तका च खन्धा उप्पज्जन्ति। (३)
Noāsavo dhammo āsavassa ca noāsavassa ca dhammassa ārammaṇapaccayena paccayo – dānaṃ datvā…pe… (dutiyagamanaṃ) noāsave khandhe assādeti abhinandati, taṃ ārabbha āsavā ca sampayuttakā ca khandhā uppajjanti. (3)
२०. आसवो च नोआसवो च धम्मा आसवस्स धम्मस्स आरम्मणपच्चयेन पच्चयो – आसवे च सम्पयुत्तके च खन्धे आरब्भ आसवा उप्पज्जन्ति। (१)
20. Āsavo ca noāsavo ca dhammā āsavassa dhammassa ārammaṇapaccayena paccayo – āsave ca sampayuttake ca khandhe ārabbha āsavā uppajjanti. (1)
आसवो च नोआसवो च धम्मा नोआसवस्स धम्मस्स आरम्मणपच्चयेन पच्चयो – आसवे च सम्पयुत्तके च खन्धे आरब्भ नोआसवा खन्धा उप्पज्जन्ति । (२)
Āsavo ca noāsavo ca dhammā noāsavassa dhammassa ārammaṇapaccayena paccayo – āsave ca sampayuttake ca khandhe ārabbha noāsavā khandhā uppajjanti . (2)
आसवो च नोआसवो च धम्मा आसवस्स च नोआसवस्स च धम्मस्स आरम्मणपच्चयेन पच्चयो – आसवे च सम्पयुत्तके च खन्धे आरब्भ आसवा च सम्पयुत्तका च खन्धा उप्पज्जन्ति। (३)
Āsavo ca noāsavo ca dhammā āsavassa ca noāsavassa ca dhammassa ārammaṇapaccayena paccayo – āsave ca sampayuttake ca khandhe ārabbha āsavā ca sampayuttakā ca khandhā uppajjanti. (3)
अधिपतिपच्चयो
Adhipatipaccayo
२१. आसवो धम्मो आसवस्स धम्मस्स अधिपतिपच्चयेन पच्चयो। आरम्मणाधिपति – आसवे गरुं कत्वा आसवा उप्पज्जन्ति (तीणि आरम्मणसदिसा, गरुकारम्मणा कातब्बा)।
21. Āsavo dhammo āsavassa dhammassa adhipatipaccayena paccayo. Ārammaṇādhipati – āsave garuṃ katvā āsavā uppajjanti (tīṇi ārammaṇasadisā, garukārammaṇā kātabbā).
नोआसवो धम्मो नोआसवस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – दानं…पे॰… सीलं…पे॰… उपोसथकम्मं…पे॰… पुब्बे…पे॰… झाना…पे॰… अरिया मग्गा…पे॰… फलं…पे॰… निब्बानं गरुं…पे॰… निब्बानं गोत्रभुस्स, वोदानस्स, मग्गस्स, फलस्स अधिपतिपच्चयेन पच्चयो; चक्खुं…पे॰… वत्थुं नोआसवे खन्धे गरुं कत्वा अस्सादेति अभिनन्दति, तं गरुं कत्वा रागो उप्पज्जति, दिट्ठि उप्पज्जति। सहजाताधिपति – नोआसवा अधिपति सम्पयुत्तकानं खन्धानं चित्तसमुट्ठानानञ्च रूपानं अधिपतिपच्चयेन पच्चयो। (१)
Noāsavo dhammo noāsavassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ…pe… pubbe…pe… jhānā…pe… ariyā maggā…pe… phalaṃ…pe… nibbānaṃ garuṃ…pe… nibbānaṃ gotrabhussa, vodānassa, maggassa, phalassa adhipatipaccayena paccayo; cakkhuṃ…pe… vatthuṃ noāsave khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – noāsavā adhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)
नोआसवो धम्मो आसवस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – दानं…पे॰… नोआसवे खन्धे गरुं कत्वा अस्सादेति अभिनन्दति, तं गरुं कत्वा आसवा उप्पज्जन्ति। सहजाताधिपति – नोआसवा अधिपति सम्पयुत्तकानं आसवानं अधिपतिपच्चयेन पच्चयो। (२)
Noāsavo dhammo āsavassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… noāsave khandhe garuṃ katvā assādeti abhinandati, taṃ garuṃ katvā āsavā uppajjanti. Sahajātādhipati – noāsavā adhipati sampayuttakānaṃ āsavānaṃ adhipatipaccayena paccayo. (2)
नोआसवो धम्मो आसवस्स च नोआसवस्स च धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – दानं…पे॰… नोआसवे खन्धे गरुं कत्वा अस्सादेति अभिनन्दति, तं गरुं कत्वा रागो उप्पज्जति, दिट्ठि उप्पज्जति। सहजाताधिपति – नोआसवा अधिपति सम्पयुत्तकानं खन्धानं आसवानं चित्तसमुट्ठानानञ्च रूपानं अधिपतिपच्चयेन पच्चयो। (३)
Noāsavo dhammo āsavassa ca noāsavassa ca dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… noāsave khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – noāsavā adhipati sampayuttakānaṃ khandhānaṃ āsavānaṃ cittasamuṭṭhānānañca rūpānaṃ adhipatipaccayena paccayo. (3)
आसवो च नोआसवो च धम्मा आसवस्स धम्मस्स अधिपतिपच्चयेन पच्चयो। आरम्मणाधिपति – आसवे च सम्पयुत्तके च खन्धे गरुं कत्वा अस्सादेति…पे॰… आसवा उप्पज्जन्ति (तीणि, गरुकारम्मणा)।
Āsavo ca noāsavo ca dhammā āsavassa dhammassa adhipatipaccayena paccayo. Ārammaṇādhipati – āsave ca sampayuttake ca khandhe garuṃ katvā assādeti…pe… āsavā uppajjanti (tīṇi, garukārammaṇā).
अनन्तरपच्चयो
Anantarapaccayo
२२. आसवो धम्मो आसवस्स धम्मस्स अनन्तरपच्चयेन पच्चयो – पुरिमा पुरिमा आसवा पच्छिमानं पच्छिमानं आसवानं अनन्तरपच्चयेन पच्चयो। (१)
22. Āsavo dhammo āsavassa dhammassa anantarapaccayena paccayo – purimā purimā āsavā pacchimānaṃ pacchimānaṃ āsavānaṃ anantarapaccayena paccayo. (1)
आसवो धम्मो नोआसवस्स धम्मस्स अनन्तरपच्चयेन पच्चयो – पुरिमा पुरिमा आसवा पच्छिमानं पच्छिमानं नोआसवानं खन्धानं अनन्तरपच्चयेन पच्चयो; आसवा वुट्ठानस्स अनन्तरपच्चयेन पच्चयो। (२)
Āsavo dhammo noāsavassa dhammassa anantarapaccayena paccayo – purimā purimā āsavā pacchimānaṃ pacchimānaṃ noāsavānaṃ khandhānaṃ anantarapaccayena paccayo; āsavā vuṭṭhānassa anantarapaccayena paccayo. (2)
आसवो धम्मो आसवस्स च नोआसवस्स च धम्मस्स अनन्तरपच्चयेन पच्चयो – पुरिमा पुरिमा आसवा पच्छिमानं पच्छिमानं आसवानं सम्पयुत्तकानञ्च खन्धानं अनन्तरपच्चयेन पच्चयो। (३)
Āsavo dhammo āsavassa ca noāsavassa ca dhammassa anantarapaccayena paccayo – purimā purimā āsavā pacchimānaṃ pacchimānaṃ āsavānaṃ sampayuttakānañca khandhānaṃ anantarapaccayena paccayo. (3)
२३. नोआसवो धम्मो नोआसवस्स धम्मस्स अनन्तरपच्चयेन पच्चयो – पुरिमा पुरिमा नोआसवा खन्धा पच्छिमानं पच्छिमानं नोआसवानं खन्धानं अनन्तरपच्चयेन पच्चयो; अनुलोमं गोत्रभुस्स…पे॰… फलसमापत्तिया अनन्तरपच्चयेन पच्चयो। (१)
23. Noāsavo dhammo noāsavassa dhammassa anantarapaccayena paccayo – purimā purimā noāsavā khandhā pacchimānaṃ pacchimānaṃ noāsavānaṃ khandhānaṃ anantarapaccayena paccayo; anulomaṃ gotrabhussa…pe… phalasamāpattiyā anantarapaccayena paccayo. (1)
नोआसवो धम्मो आसवस्स धम्मस्स अनन्तरपच्चयेन पच्चयो – पुरिमा पुरिमा नोआसवा खन्धा पच्छिमानं पच्छिमानं आसवानं अनन्तरपच्चयेन पच्चयो; आवज्जना आसवानं अनन्तरपच्चयेन पच्चयो। (२)
Noāsavo dhammo āsavassa dhammassa anantarapaccayena paccayo – purimā purimā noāsavā khandhā pacchimānaṃ pacchimānaṃ āsavānaṃ anantarapaccayena paccayo; āvajjanā āsavānaṃ anantarapaccayena paccayo. (2)
नोआसवो धम्मो आसवस्स च नोआसवस्स च धम्मस्स अनन्तरपच्चयेन पच्चयो – पुरिमा पुरिमा नोआसवा खन्धा पच्छिमानं पच्छिमानं आसवानं सम्पयुत्तकानञ्च खन्धानं अनन्तरपच्चयेन पच्चयो। (३)
Noāsavo dhammo āsavassa ca noāsavassa ca dhammassa anantarapaccayena paccayo – purimā purimā noāsavā khandhā pacchimānaṃ pacchimānaṃ āsavānaṃ sampayuttakānañca khandhānaṃ anantarapaccayena paccayo. (3)
२४. आसवो च नोआसवो च धम्मा आसवस्स धम्मस्स अनन्तरपच्चयेन पच्चयो… तीणि।
24. Āsavo ca noāsavo ca dhammā āsavassa dhammassa anantarapaccayena paccayo… tīṇi.
समनन्तरपच्चयादि
Samanantarapaccayādi
२५. आसवो धम्मो आसवस्स धम्मस्स समनन्तरपच्चयेन पच्चयो… सहजातपच्चयेन पच्चयो… नव… अञ्ञमञ्ञपच्चयेन पच्चयो… नव… निस्सयपच्चयेन पच्चयो… नव (वत्थु च दस्सेतब्बं)।
25. Āsavo dhammo āsavassa dhammassa samanantarapaccayena paccayo… sahajātapaccayena paccayo… nava… aññamaññapaccayena paccayo… nava… nissayapaccayena paccayo… nava (vatthu ca dassetabbaṃ).
उपनिस्सयपच्चयो
Upanissayapaccayo
२६. आसवो धम्मो आसवस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – आसवा आसवानं उपनिस्सयपच्चयेन पच्चयो (तीणि)।
26. Āsavo dhammo āsavassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – āsavā āsavānaṃ upanissayapaccayena paccayo (tīṇi).
२७. नोआसवो धम्मो नोआसवस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – सद्धं उपनिस्साय दानं देति…पे॰… समापत्तिं उप्पादेति, मानं जप्पेति, दिट्ठिं गण्हाति; सीलं…पे॰… सेनासनं उपनिस्साय दानं देति…पे॰… सङ्घं भिन्दति; सद्धा…पे॰… सेनासनं सद्धाय…पे॰… फलसमापत्तिया उपनिस्सयपच्चयेन पच्चयो। (१)
27. Noāsavo dhammo noāsavassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti…pe… samāpattiṃ uppādeti, mānaṃ jappeti, diṭṭhiṃ gaṇhāti; sīlaṃ…pe… senāsanaṃ upanissāya dānaṃ deti…pe… saṅghaṃ bhindati; saddhā…pe… senāsanaṃ saddhāya…pe… phalasamāpattiyā upanissayapaccayena paccayo. (1)
नोआसवो धम्मो आसवस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो , पकतूपनिस्सयो…पे॰…। पकतूपनिस्सयो – सद्धं उपनिस्साय मानं जप्पेति, दिट्ठिं गण्हाति; सीलं…पे॰… सङ्घं भिन्दति, सद्धा…पे॰… सेनासनं रागस्स…पे॰… पत्थनाय उपनिस्सयपच्चयेन पच्चयो। (२)
Noāsavo dhammo āsavassa dhammassa upanissayapaccayena paccayo – ārammaṇūpanissayo, anantarūpanissayo , pakatūpanissayo…pe…. Pakatūpanissayo – saddhaṃ upanissāya mānaṃ jappeti, diṭṭhiṃ gaṇhāti; sīlaṃ…pe… saṅghaṃ bhindati, saddhā…pe… senāsanaṃ rāgassa…pe… patthanāya upanissayapaccayena paccayo. (2)
नोआसवो धम्मो आसवस्स च नोआसवस्स च धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – सद्धं उपनिस्साय मानं जप्पेति, दिट्ठिं गण्हाति; सीलं…पे॰… सेनासनं उपनिस्साय…पे॰… पाणं हनति…पे॰… सङ्घं भिन्दति, सद्धा…पे॰… सेनासनं रागस्स…पे॰… पत्थनाय उपनिस्सयपच्चयेन पच्चयो। (३)
Noāsavo dhammo āsavassa ca noāsavassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya mānaṃ jappeti, diṭṭhiṃ gaṇhāti; sīlaṃ…pe… senāsanaṃ upanissāya…pe… pāṇaṃ hanati…pe… saṅghaṃ bhindati, saddhā…pe… senāsanaṃ rāgassa…pe… patthanāya upanissayapaccayena paccayo. (3)
आसवो च नोआसवो च धम्मा आसवस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो… तीणि।
Āsavo ca noāsavo ca dhammā āsavassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo… tīṇi.
पुरेजातपच्चयो
Purejātapaccayo
२८. नोआसवो धम्मो नोआसवस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं। आरम्मणपुरेजातं – चक्खुं …पे॰… वत्थुं (एवं वित्थारेतब्बं), फोट्ठब्बायतनं कायविञ्ञाणस्स पुरेजातपच्चयेन पच्चयो। वत्थुपुरेजातं – चक्खायतनं चक्खुविञ्ञाणस्स…पे॰… कायायतनं कायविञ्ञाणस्स, वत्थु नोआसवानं खन्धानं पुरेजातपच्चयेन पच्चयो। (१)
28. Noāsavo dhammo noāsavassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ …pe… vatthuṃ (evaṃ vitthāretabbaṃ), phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa, vatthu noāsavānaṃ khandhānaṃ purejātapaccayena paccayo. (1)
नोआसवो धम्मो आसवस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं। आरम्मणपुरेजातं – चक्खुं…पे॰… वत्थुं अस्सादेति अभिनन्दति, तं आरब्भ आसवा उप्पज्जन्ति। वत्थुपुरेजातं – वत्थु आसवानं पुरेजातपच्चयेन पच्चयो। (२)
Noāsavo dhammo āsavassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati, taṃ ārabbha āsavā uppajjanti. Vatthupurejātaṃ – vatthu āsavānaṃ purejātapaccayena paccayo. (2)
नोआसवो धम्मो आसवस्स च नोआसवस्स च धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं। आरम्मणपुरेजातं – चक्खुं…पे॰… वत्थुं अस्सादेति अभिनन्दति , तं आरब्भ आसवा च सम्पयुत्तका च खन्धा उप्पज्जन्ति। वत्थुपुरेजातं – वत्थु आसवानञ्च आसवसम्पयुत्तकानञ्च खन्धानं पुरेजातपच्चयेन पच्चयो। (३)
Noāsavo dhammo āsavassa ca noāsavassa ca dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati , taṃ ārabbha āsavā ca sampayuttakā ca khandhā uppajjanti. Vatthupurejātaṃ – vatthu āsavānañca āsavasampayuttakānañca khandhānaṃ purejātapaccayena paccayo. (3)
पच्छाजातपच्चयो
Pacchājātapaccayo
२९. आसवो धम्मो नोआसवस्स धम्मस्स पच्छाजातपच्चयेन पच्चयो – पच्छाजाता आसवा पुरेजातस्स इमस्स कायस्स पच्छाजातपच्चयेन पच्चयो। (१)
29. Āsavo dhammo noāsavassa dhammassa pacchājātapaccayena paccayo – pacchājātā āsavā purejātassa imassa kāyassa pacchājātapaccayena paccayo. (1)
नोआसवो धम्मो नोआसवस्स धम्मस्स पच्छाजातपच्चयेन पच्चयो – पच्छाजाता नोआसवा खन्धा पुरेजातस्स इमस्स कायस्स पच्छाजातपच्चयेन पच्चयो। (१)
Noāsavo dhammo noāsavassa dhammassa pacchājātapaccayena paccayo – pacchājātā noāsavā khandhā purejātassa imassa kāyassa pacchājātapaccayena paccayo. (1)
आसवो च नोआसवो च धम्मा नोआसवस्स धम्मस्स पच्छाजातपच्चयेन पच्चयो – पच्छाजाता आसवा च सम्पयुत्तका च खन्धा पुरेजातस्स इमस्स कायस्स पच्छाजातपच्चयेन पच्चयो। (१)
Āsavo ca noāsavo ca dhammā noāsavassa dhammassa pacchājātapaccayena paccayo – pacchājātā āsavā ca sampayuttakā ca khandhā purejātassa imassa kāyassa pacchājātapaccayena paccayo. (1)
आसेवनपच्चयो
Āsevanapaccayo
३०. आसवो धम्मो आसवस्स धम्मस्स आसेवनपच्चयेन पच्चयो… नव।
30. Āsavo dhammo āsavassa dhammassa āsevanapaccayena paccayo… nava.
कम्मपच्चयो
Kammapaccayo
३१. नोआसवो धम्मो नोआसवस्स धम्मस्स कम्मपच्चयेन पच्चयो – सहजाता, नानाक्खणिका। सहजाता – नोआसवा चेतना सम्पयुत्तकानं खन्धानं चित्तसमुट्ठानानञ्च रूपानं कम्मपच्चयेन पच्चयो; पटिसन्धिक्खणे…पे॰…। नानाक्खणिका – नोआसवा चेतना विपाकानं खन्धानं कटत्ता च रूपानं कम्मपच्चयेन पच्चयो। (१)
31. Noāsavo dhammo noāsavassa dhammassa kammapaccayena paccayo – sahajātā, nānākkhaṇikā. Sahajātā – noāsavā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; paṭisandhikkhaṇe…pe…. Nānākkhaṇikā – noāsavā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (1)
नोआसवो धम्मो आसवस्स धम्मस्स कम्मपच्चयेन पच्चयो – नोआसवा चेतना सम्पयुत्तकानं आसवानं कम्मपच्चयेन पच्चयो। (२)
Noāsavo dhammo āsavassa dhammassa kammapaccayena paccayo – noāsavā cetanā sampayuttakānaṃ āsavānaṃ kammapaccayena paccayo. (2)
नोआसवो धम्मो आसवस्स च नोआसवस्स च धम्मस्स कम्मपच्चयेन पच्चयो – नोआसवा चेतना सम्पयुत्तकानं खन्धानं आसवानं चित्तसमुट्ठानानञ्च रूपानं कम्मपच्चयेन पच्चयो। (३)
Noāsavo dhammo āsavassa ca noāsavassa ca dhammassa kammapaccayena paccayo – noāsavā cetanā sampayuttakānaṃ khandhānaṃ āsavānaṃ cittasamuṭṭhānānañca rūpānaṃ kammapaccayena paccayo. (3)
विपाकाहारपच्चया
Vipākāhārapaccayā
३२. नोआसवो धम्मो नोआसवस्स धम्मस्स विपाकपच्चयेन पच्चयो… एकं, आहारपच्चयेन पच्चयो – नोआसवा आहारा सम्पयुत्तकानं खन्धानं चित्तसमुट्ठानानञ्च रूपानं आहारपच्चयेन पच्चयो; पटिसन्धिक्खणे…पे॰… कबळीकारो आहारो इमस्स कायस्स आहारपच्चयेन पच्चयो। (१)
32. Noāsavo dhammo noāsavassa dhammassa vipākapaccayena paccayo… ekaṃ, āhārapaccayena paccayo – noāsavā āhārā sampayuttakānaṃ khandhānaṃ cittasamuṭṭhānānañca rūpānaṃ āhārapaccayena paccayo; paṭisandhikkhaṇe…pe… kabaḷīkāro āhāro imassa kāyassa āhārapaccayena paccayo. (1)
नोआसवो धम्मो आसवस्स धम्मस्स आहारपच्चयेन पच्चयो – नोआसवा आहारा सम्पयुत्तकानं आसवानं आहारपच्चयेन पच्चयो। (२)
Noāsavo dhammo āsavassa dhammassa āhārapaccayena paccayo – noāsavā āhārā sampayuttakānaṃ āsavānaṃ āhārapaccayena paccayo. (2)
नोआसवो धम्मो आसवस्स च नोआसवस्स च धम्मस्स आहारपच्चयेन पच्चयो – नोआसवा आहारा सम्पयुत्तकानं खन्धानं आसवानं चित्तसमुट्ठानानञ्च रूपानं आहारपच्चयेन पच्चयो। (३)
Noāsavo dhammo āsavassa ca noāsavassa ca dhammassa āhārapaccayena paccayo – noāsavā āhārā sampayuttakānaṃ khandhānaṃ āsavānaṃ cittasamuṭṭhānānañca rūpānaṃ āhārapaccayena paccayo. (3)
इन्द्रियपच्चयादि
Indriyapaccayādi
३३. नोआसवो धम्मो नोआसवस्स धम्मस्स इन्द्रियपच्चयेन पच्चयो – नोआसवा इन्द्रिया सम्पयुत्तकानं खन्धानं चित्तसमुट्ठानानञ्च रूपानं इन्द्रियपच्चयेन पच्चयो; पटिसन्धिक्खणे…पे॰… चक्खुन्द्रियं चक्खुविञ्ञाणस्स…पे॰… कायिन्द्रियं कायविञ्ञाणस्स…पे॰… रूपजीवितिन्द्रियं कटत्तारूपानं इन्द्रियपच्चयेन पच्चयो… तीणि… झानपच्चयेन पच्चयो… तीणि… मग्गपच्चयेन पच्चयो… नव… सम्पयुत्तपच्चयेन पच्चयो… नव।
33. Noāsavo dhammo noāsavassa dhammassa indriyapaccayena paccayo – noāsavā indriyā sampayuttakānaṃ khandhānaṃ cittasamuṭṭhānānañca rūpānaṃ indriyapaccayena paccayo; paṭisandhikkhaṇe…pe… cakkhundriyaṃ cakkhuviññāṇassa…pe… kāyindriyaṃ kāyaviññāṇassa…pe… rūpajīvitindriyaṃ kaṭattārūpānaṃ indriyapaccayena paccayo… tīṇi… jhānapaccayena paccayo… tīṇi… maggapaccayena paccayo… nava… sampayuttapaccayena paccayo… nava.
विप्पयुत्तपच्चयो
Vippayuttapaccayo
३४. आसवो धम्मो नोआसवस्स धम्मस्स विप्पयुत्तपच्चयेन पच्चयो – सहजातं, पच्छाजातं। सहजाता – आसवा चित्तसमुट्ठानानं रूपानं विप्पयुत्तपच्चयेन पच्चयो। पच्छाजाता – आसवा पुरेजातस्स इमस्स कायस्स विप्पयुत्तपच्चयेन पच्चयो। (१)
34. Āsavo dhammo noāsavassa dhammassa vippayuttapaccayena paccayo – sahajātaṃ, pacchājātaṃ. Sahajātā – āsavā cittasamuṭṭhānānaṃ rūpānaṃ vippayuttapaccayena paccayo. Pacchājātā – āsavā purejātassa imassa kāyassa vippayuttapaccayena paccayo. (1)
३५. नोआसवो धम्मो नोआसवस्स धम्मस्स विप्पयुत्तपच्चयेन पच्चयो – सहजातं, पुरेजातं, पच्छाजातं। सहजाता – नोआसवा खन्धा चित्तसमुट्ठानानं रूपानं विप्पयुत्तपच्चयेन पच्चयो; पटिसन्धिक्खणे…पे॰… खन्धा वत्थुस्स विप्पयुत्तपच्चयेन पच्चयो, वत्थु खन्धानं विप्पयुत्तपच्चयेन पच्चयो। पुरेजातं – चक्खायतनं चक्खुविञ्ञाणस्स…पे॰… कायायतनं कायविञ्ञाणस्स…पे॰… वत्थु नोआसवानं खन्धानं विप्पयुत्तपच्चयेन पच्चयो। पच्छाजाता – नोआसवा खन्धा पुरेजातस्स इमस्स कायस्स विप्पयुत्तपच्चयेन पच्चयो। (१)
35. Noāsavo dhammo noāsavassa dhammassa vippayuttapaccayena paccayo – sahajātaṃ, purejātaṃ, pacchājātaṃ. Sahajātā – noāsavā khandhā cittasamuṭṭhānānaṃ rūpānaṃ vippayuttapaccayena paccayo; paṭisandhikkhaṇe…pe… khandhā vatthussa vippayuttapaccayena paccayo, vatthu khandhānaṃ vippayuttapaccayena paccayo. Purejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu noāsavānaṃ khandhānaṃ vippayuttapaccayena paccayo. Pacchājātā – noāsavā khandhā purejātassa imassa kāyassa vippayuttapaccayena paccayo. (1)
नोआसवो धम्मो आसवस्स धम्मस्स विप्पयुत्तपच्चयेन पच्चयो। पुरेजातं – वत्थु आसवानं विप्पयुत्तपच्चयेन पच्चयो। (२)
Noāsavo dhammo āsavassa dhammassa vippayuttapaccayena paccayo. Purejātaṃ – vatthu āsavānaṃ vippayuttapaccayena paccayo. (2)
नोआसवो धम्मो आसवस्स च नोआसवस्स च धम्मस्स विप्पयुत्तपच्चयेन पच्चयो। पुरेजातं – वत्थु आसवानं सम्पयुत्तकानञ्च खन्धानं विप्पयुत्तपच्चयेन पच्चयो। (३)
Noāsavo dhammo āsavassa ca noāsavassa ca dhammassa vippayuttapaccayena paccayo. Purejātaṃ – vatthu āsavānaṃ sampayuttakānañca khandhānaṃ vippayuttapaccayena paccayo. (3)
३६. आसवो च नोआसवो च धम्मा नोआसवस्स धम्मस्स विप्पयुत्तपच्चयेन पच्चयो – सहजातं, पच्छाजातं। सहजाता – आसवा च सम्पयुत्तका च खन्धा चित्तसमुट्ठानानं रूपानं विप्पयुत्तपच्चयेन पच्चयो। पच्छाजाता – आसवा च सम्पयुत्तका च खन्धा पुरेजातस्स इमस्स कायस्स विप्पयुत्तपच्चयेन पच्चयो। (१)
36. Āsavo ca noāsavo ca dhammā noāsavassa dhammassa vippayuttapaccayena paccayo – sahajātaṃ, pacchājātaṃ. Sahajātā – āsavā ca sampayuttakā ca khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – āsavā ca sampayuttakā ca khandhā purejātassa imassa kāyassa vippayuttapaccayena paccayo. (1)
अत्थिपच्चयो
Atthipaccayo
३७. आसवो धम्मो आसवस्स धम्मस्स अत्थिपच्चयेन पच्चयो – कामासवो दिट्ठासवस्स अविज्जासवस्स अत्थिपच्चयेन पच्चयो (चक्कं)। (१)
37. Āsavo dhammo āsavassa dhammassa atthipaccayena paccayo – kāmāsavo diṭṭhāsavassa avijjāsavassa atthipaccayena paccayo (cakkaṃ). (1)
आसवो धम्मो नोआसवस्स धम्मस्स अत्थिपच्चयेन पच्चयो – सहजातं, पच्छाजातं। सहजाता – आसवा सम्पयुत्तकानं खन्धानं चित्तसमुट्ठानानञ्च रूपानं अत्थिपच्चयेन पच्चयो। पच्छाजाता – आसवा पुरेजातस्स इमस्स कायस्स अत्थिपच्चयेन पच्चयो। (२)
Āsavo dhammo noāsavassa dhammassa atthipaccayena paccayo – sahajātaṃ, pacchājātaṃ. Sahajātā – āsavā sampayuttakānaṃ khandhānaṃ cittasamuṭṭhānānañca rūpānaṃ atthipaccayena paccayo. Pacchājātā – āsavā purejātassa imassa kāyassa atthipaccayena paccayo. (2)
आसवो धम्मो आसवस्स च नोआसवस्स च धम्मस्स अत्थिपच्चयेन पच्चयो – कामासवो दिट्ठासवस्स अविज्जासवस्स सम्पयुत्तकानं खन्धानं चित्तसमुट्ठानानञ्च रूपानं अत्थिपच्चयेन पच्चयो (चक्कं)। (३)
Āsavo dhammo āsavassa ca noāsavassa ca dhammassa atthipaccayena paccayo – kāmāsavo diṭṭhāsavassa avijjāsavassa sampayuttakānaṃ khandhānaṃ cittasamuṭṭhānānañca rūpānaṃ atthipaccayena paccayo (cakkaṃ). (3)
३८. नोआसवो धम्मो नोआसवस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियं। सहजातो – नोआसवो एको खन्धो तिण्णन्नं खन्धानं…पे॰… (याव असञ्ञसत्ता)। पुरेजातं – चक्खुं…पे॰… वत्थुं अनिच्चतो…पे॰… दोमनस्सं उप्पज्जति; दिब्बेन चक्खुना रूपं पस्सति, दिब्बाय सोतधातुया सद्दं सुणाति। रूपायतनं चक्खुविञ्ञाणस्स…पे॰… फोट्ठब्बायतनं कायविञ्ञाणस्स…पे॰… चक्खायतनं चक्खुविञ्ञाणस्स…पे॰… कायायतनं कायविञ्ञाणस्स…पे॰… वत्थु नोआसवानं खन्धानं अत्थिपच्चयेन पच्चयो। पच्छाजाता – नोआसवा खन्धा पुरेजातस्स इमस्स कायस्स अत्थिपच्चयेन पच्चयो; कबळीकारो आहारो इमस्स कायस्स अत्थिपच्चयेन पच्चयो; रूपजीवितिन्द्रियं कटत्तारूपानं अत्थिपच्चयेन पच्चयो। (१)
38. Noāsavo dhammo noāsavassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – noāsavo eko khandho tiṇṇannaṃ khandhānaṃ…pe… (yāva asaññasattā). Purejātaṃ – cakkhuṃ…pe… vatthuṃ aniccato…pe… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu noāsavānaṃ khandhānaṃ atthipaccayena paccayo. Pacchājātā – noāsavā khandhā purejātassa imassa kāyassa atthipaccayena paccayo; kabaḷīkāro āhāro imassa kāyassa atthipaccayena paccayo; rūpajīvitindriyaṃ kaṭattārūpānaṃ atthipaccayena paccayo. (1)
नोआसवो धम्मो आसवस्स धम्मस्स अत्थिपच्चयेन पच्चयो – सहजातं, पुरेजातं। सहजाता – नोआसवा खन्धा आसवानं अत्थिपच्चयेन पच्चयो। पुरेजातं – चक्खुं…पे॰… वत्थुं अस्सादेति अभिनन्दति, तं आरब्भ आसवा उप्पज्जन्ति, वत्थु आसवानं अत्थिपच्चयेन पच्चयो। (२)
Noāsavo dhammo āsavassa dhammassa atthipaccayena paccayo – sahajātaṃ, purejātaṃ. Sahajātā – noāsavā khandhā āsavānaṃ atthipaccayena paccayo. Purejātaṃ – cakkhuṃ…pe… vatthuṃ assādeti abhinandati, taṃ ārabbha āsavā uppajjanti, vatthu āsavānaṃ atthipaccayena paccayo. (2)
नोआसवो धम्मो आसवस्स च नोआसवस्स च धम्मस्स अत्थिपच्चयेन पच्चयो – सहजातं, पुरेजातं। सहजातो – नोआसवो एको खन्धो तिण्णन्नं खन्धानं आसवानं चित्तसमुट्ठानानञ्च रूपानं अत्थिपच्चयेन पच्चयो…पे॰… द्वे खन्धा…पे॰… (चक्कं)। (३)
Noāsavo dhammo āsavassa ca noāsavassa ca dhammassa atthipaccayena paccayo – sahajātaṃ, purejātaṃ. Sahajāto – noāsavo eko khandho tiṇṇannaṃ khandhānaṃ āsavānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe… (cakkaṃ). (3)
३९. आसवो च नोआसवो च धम्मा आसवस्स धम्मस्स अत्थिपच्चयेन पच्चयो – सहजातं , पुरेजातं। सहजातो – कामासवो च सम्पयुत्तका च खन्धा दिट्ठासवस्स अविज्जासवस्स अत्थिपच्चयेन पच्चयो (चक्कं)। कामासवो च वत्थु च दिट्ठासवस्स अविज्जासवस्स अत्थिपच्चयेन पच्चयो (चक्कं)। (१)
39. Āsavo ca noāsavo ca dhammā āsavassa dhammassa atthipaccayena paccayo – sahajātaṃ , purejātaṃ. Sahajāto – kāmāsavo ca sampayuttakā ca khandhā diṭṭhāsavassa avijjāsavassa atthipaccayena paccayo (cakkaṃ). Kāmāsavo ca vatthu ca diṭṭhāsavassa avijjāsavassa atthipaccayena paccayo (cakkaṃ). (1)
आसवो च नोआसवो च धम्मा नोआसवस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियं। सहजातो – नोआसवो एको खन्धो च आसवा च तिण्णन्नं खन्धानं चित्तसमुट्ठानानञ्च रूपानं अत्थिपच्चयेन पच्चयो। सहजाता – आसवा महाभूता च चित्तसमुट्ठानानं रूपानं अत्थिपच्चयेन पच्चयो; आसवा च वत्थु च नोआसवानं खन्धानं अत्थिपच्चयेन पच्चयो। पच्छाजाता – आसवा च कबळीकारो आहारो च इमस्स कायस्स अत्थिपच्चयेन पच्चयो। पच्छाजाता – आसवा च रूपजीवितिन्द्रियञ्च कटत्तारूपानं अत्थिपच्चयेन पच्चयो। (२)
Āsavo ca noāsavo ca dhammā noāsavassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – noāsavo eko khandho ca āsavā ca tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo. Sahajātā – āsavā mahābhūtā ca cittasamuṭṭhānānaṃ rūpānaṃ atthipaccayena paccayo; āsavā ca vatthu ca noāsavānaṃ khandhānaṃ atthipaccayena paccayo. Pacchājātā – āsavā ca kabaḷīkāro āhāro ca imassa kāyassa atthipaccayena paccayo. Pacchājātā – āsavā ca rūpajīvitindriyañca kaṭattārūpānaṃ atthipaccayena paccayo. (2)
आसवो च नोआसवो च धम्मा आसवस्स च नोआसवस्स च धम्मस्स अत्थिपच्चयेन पच्चयो – सहजातं, पुरेजातं। सहजातो – नोआसवो एको खन्धो च कामासवो च तिण्णन्नं खन्धानं दिट्ठासवस्स अविज्जासवस्स चित्तसमुट्ठानानञ्च रूपानं अत्थिपच्चयेन पच्चयो…पे॰… द्वे खन्धा च…पे॰… (चक्कं)। सहजातो – कामासवो च वत्थु च दिट्ठासवस्स अविज्जासवस्स सम्पयुत्तकानञ्च खन्धानं अत्थिपच्चयेन पच्चयो (चक्कं)। (३)
Āsavo ca noāsavo ca dhammā āsavassa ca noāsavassa ca dhammassa atthipaccayena paccayo – sahajātaṃ, purejātaṃ. Sahajāto – noāsavo eko khandho ca kāmāsavo ca tiṇṇannaṃ khandhānaṃ diṭṭhāsavassa avijjāsavassa cittasamuṭṭhānānañca rūpānaṃ atthipaccayena paccayo…pe… dve khandhā ca…pe… (cakkaṃ). Sahajāto – kāmāsavo ca vatthu ca diṭṭhāsavassa avijjāsavassa sampayuttakānañca khandhānaṃ atthipaccayena paccayo (cakkaṃ). (3)
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
सुद्धं
Suddhaṃ
४०. हेतुया सत्त, आरम्मणे नव, अधिपतिया नव, अनन्तरे नव, समनन्तरे नव, सहजाते नव, अञ्ञमञ्ञे नव, निस्सये नव, उपनिस्सये नव, पुरेजाते तीणि, पच्छाजाते तीणि, आसेवने नव, कम्मे तीणि, विपाके एकं, आहारे तीणि…पे॰… मग्गे नव, सम्पयुत्ते नव, विप्पयुत्ते पञ्च, अत्थिया नव, नत्थिया नव, विगते नव, अविगते नव।
40. Hetuyā satta, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, purejāte tīṇi, pacchājāte tīṇi, āsevane nava, kamme tīṇi, vipāke ekaṃ, āhāre tīṇi…pe… magge nava, sampayutte nava, vippayutte pañca, atthiyā nava, natthiyā nava, vigate nava, avigate nava.
अनुलोमं।
Anulomaṃ.
पच्चनीयुद्धारो
Paccanīyuddhāro
४१. आसवो धम्मो आसवस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (१)
41. Āsavo dhammo āsavassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)
आसवो धम्मो नोआसवस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पच्छाजातपच्चयेन पच्चयो। (२)
Āsavo dhammo noāsavassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)
आसवो धम्मो आसवस्स च नोआसवस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (३)
Āsavo dhammo āsavassa ca noāsavassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)
४२. नोआसवो धम्मो नोआसवस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो। (१)
42. Noāsavo dhammo noāsavassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)
नोआसवो धम्मो आसवस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो। (२)
Noāsavo dhammo āsavassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (2)
नोआसवो धम्मो आसवस्स च नोआसवस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो। (३)
Noāsavo dhammo āsavassa ca noāsavassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (3)
४३. आसवो च नोआसवो च धम्मा आसवस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (१)
43. Āsavo ca noāsavo ca dhammā āsavassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)
आसवो च नोआसवो च धम्मा नोआसवस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पच्छाजातपच्चयेन पच्चयो। (२)
Āsavo ca noāsavo ca dhammā noāsavassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)
आसवो च नोआसवो च धम्मा आसवस्स च नोआसवस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (३)
Āsavo ca noāsavo ca dhammā āsavassa ca noāsavassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
४४. नहेतुया नव, नआरम्मणे नव, नअधिपतिया नव (सब्बत्थ नव), नोअविगते नव।
44. Nahetuyā nava, naārammaṇe nava, naadhipatiyā nava (sabbattha nava), noavigate nava.
पच्चनीयं।
Paccanīyaṃ.
३. पच्चयानुलोमपच्चनीयं
3. Paccayānulomapaccanīyaṃ
हेतुदुकं
Hetudukaṃ
४५. हेतुपच्चया नआरम्मणे सत्त, नअधिपतिया सत्त, नअनन्तरे सत्त, नसमनन्तरे सत्त, नअञ्ञमञ्ञे तीणि, नउपनिस्सये सत्त (सब्बत्थ सत्त), नमग्गे सत्त, नसम्पयुत्ते तीणि, नविप्पयुत्ते सत्त, नोनत्थिया सत्त, नोविगते सत्त।
45. Hetupaccayā naārammaṇe satta, naadhipatiyā satta, naanantare satta, nasamanantare satta, naaññamaññe tīṇi, naupanissaye satta (sabbattha satta), namagge satta, nasampayutte tīṇi, navippayutte satta, nonatthiyā satta, novigate satta.
अनुलोमपच्चनीयं।
Anulomapaccanīyaṃ.
४. पच्चयपच्चनीयानुलोमं
4. Paccayapaccanīyānulomaṃ
नहेतुदुकं
Nahetudukaṃ
४६. नहेतुपच्चया आरम्मणे नव, अधिपतिया नव (अनुलोमपदा परिपुण्णा), अविगते नव।
46. Nahetupaccayā ārammaṇe nava, adhipatiyā nava (anulomapadā paripuṇṇā), avigate nava.
पच्चनीयानुलोमं।
Paccanīyānulomaṃ.
आसवदुकं निट्ठितं।
Āsavadukaṃ niṭṭhitaṃ.
१५. सासवदुकं
15. Sāsavadukaṃ
१. पटिच्चवारो
1. Paṭiccavāro
हेतुपच्चयो
Hetupaccayo
४७. सासवं धम्मं पटिच्च सासवो धम्मो उप्पज्जति हेतुपच्चया – सासवं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… पटिसन्धिक्खणे…पे॰… खन्धे पटिच्च वत्थु, वत्थुं पटिच्च खन्धा, एकं महाभूतं…पे॰… महाभूते पटिच्च चित्तसमुट्ठानं रूपं कटत्तारूपं उपादारूपं। (१)
47. Sāsavaṃ dhammaṃ paṭicca sāsavo dhammo uppajjati hetupaccayā – sāsavaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)
अनासवं धम्मं पटिच्च अनासवो धम्मो उप्पज्जति हेतुपच्चया – अनासवं एकं खन्धं पटिच्च तयो खन्धा…पे॰… द्वे खन्धे…पे॰…। (१)
Anāsavaṃ dhammaṃ paṭicca anāsavo dhammo uppajjati hetupaccayā – anāsavaṃ ekaṃ khandhaṃ paṭicca tayo khandhā…pe… dve khandhe…pe…. (1)
अनासवं धम्मं पटिच्च सासवो धम्मो उप्पज्जति हेतुपच्चया – अनासवे खन्धे पटिच्च चित्तसमुट्ठानं रूपं। (२)
Anāsavaṃ dhammaṃ paṭicca sāsavo dhammo uppajjati hetupaccayā – anāsave khandhe paṭicca cittasamuṭṭhānaṃ rūpaṃ. (2)
अनासवं धम्मं पटिच्च सासवो च अनासवो च धम्मा उप्पज्जन्ति हेतुपच्चया – अनासवं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰…। (३)
Anāsavaṃ dhammaṃ paṭicca sāsavo ca anāsavo ca dhammā uppajjanti hetupaccayā – anāsavaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)
सासवञ्च अनासवञ्च धम्मं पटिच्च सासवो धम्मो उप्पज्जति हेतुपच्चया – अनासवे खन्धे च महाभूते च पटिच्च चित्तसमुट्ठानं रूपं। (१)
Sāsavañca anāsavañca dhammaṃ paṭicca sāsavo dhammo uppajjati hetupaccayā – anāsave khandhe ca mahābhūte ca paṭicca cittasamuṭṭhānaṃ rūpaṃ. (1)
(यथा चूळन्तरदुके लोकियदुकं एवं कातब्बं निन्नानाकरणं।)
(Yathā cūḷantaraduke lokiyadukaṃ evaṃ kātabbaṃ ninnānākaraṇaṃ.)
सासवदुकं निट्ठितं।
Sāsavadukaṃ niṭṭhitaṃ.
१६. आसवसम्पयुत्तदुकं
16. Āsavasampayuttadukaṃ
१. पटिच्चवारो
1. Paṭiccavāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
४८. आसवसम्पयुत्तं धम्मं पटिच्च आसवसम्पयुत्तो धम्मो उप्पज्जति हेतुपच्चया – आसवसम्पयुत्तं एकं खन्धं पटिच्च तयो खन्धा…पे॰… द्वे खन्धे…पे॰…। (१)
48. Āsavasampayuttaṃ dhammaṃ paṭicca āsavasampayutto dhammo uppajjati hetupaccayā – āsavasampayuttaṃ ekaṃ khandhaṃ paṭicca tayo khandhā…pe… dve khandhe…pe…. (1)
आसवसम्पयुत्तं धम्मं पटिच्च आसवविप्पयुत्तो धम्मो उप्पज्जति हेतुपच्चया – आसवसम्पयुत्ते खन्धे पटिच्च चित्तसमुट्ठानं रूपं, दोमनस्ससहगते खन्धे पटिच्च मोहो चित्तसमुट्ठानञ्च रूपं। (२)
Āsavasampayuttaṃ dhammaṃ paṭicca āsavavippayutto dhammo uppajjati hetupaccayā – āsavasampayutte khandhe paṭicca cittasamuṭṭhānaṃ rūpaṃ, domanassasahagate khandhe paṭicca moho cittasamuṭṭhānañca rūpaṃ. (2)
आसवसम्पयुत्तं धम्मं पटिच्च आसवसम्पयुत्तो च आसवविप्पयुत्तो च धम्मा उप्पज्जन्ति हेतुपच्चया – आसवसम्पयुत्तं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… दोमनस्ससहगतं एकं खन्धं पटिच्च तयो खन्धा मोहो चित्तसमुट्ठानञ्च रूपं…पे॰… द्वे खन्धे…पे॰…। (३)
Āsavasampayuttaṃ dhammaṃ paṭicca āsavasampayutto ca āsavavippayutto ca dhammā uppajjanti hetupaccayā – āsavasampayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… domanassasahagataṃ ekaṃ khandhaṃ paṭicca tayo khandhā moho cittasamuṭṭhānañca rūpaṃ…pe… dve khandhe…pe…. (3)
४९. आसवविप्पयुत्तं धम्मं पटिच्च आसवविप्पयुत्तो धम्मो उप्पज्जति हेतुपच्चया – आसवविप्पयुत्तं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… दोमनस्ससहगतं विचिकिच्छासहगतं उद्धच्चसहगतं मोहं पटिच्च चित्तसमुट्ठानं रूपं; पटिसन्धिक्खणे…पे॰… खन्धे पटिच्च वत्थु, वत्थुं पटिच्च खन्धा, एकं महाभूतं पटिच्च तयो महाभूता, तयो महाभूते पटिच्च एकं महाभूतं, द्वे महाभूते पटिच्च द्वे महाभूता, महाभूते पटिच्च चित्तसमुट्ठानं रूपं कटत्तारूपं उपादारूपं। (१)
49. Āsavavippayuttaṃ dhammaṃ paṭicca āsavavippayutto dhammo uppajjati hetupaccayā – āsavavippayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… domanassasahagataṃ vicikicchāsahagataṃ uddhaccasahagataṃ mohaṃ paṭicca cittasamuṭṭhānaṃ rūpaṃ; paṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ paṭicca tayo mahābhūtā, tayo mahābhūte paṭicca ekaṃ mahābhūtaṃ, dve mahābhūte paṭicca dve mahābhūtā, mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)
आसवविप्पयुत्तं धम्मं पटिच्च आसवसम्पयुत्तो धम्मो उप्पज्जति हेतुपच्चया – दोमनस्ससहगतं विचिकिच्छासहगतं उद्धच्चसहगतं मोहं पटिच्च सम्पयुत्तका खन्धा। (२)
Āsavavippayuttaṃ dhammaṃ paṭicca āsavasampayutto dhammo uppajjati hetupaccayā – domanassasahagataṃ vicikicchāsahagataṃ uddhaccasahagataṃ mohaṃ paṭicca sampayuttakā khandhā. (2)
आसवविप्पयुत्तं धम्मं पटिच्च आसवसम्पयुत्तो च आसवविप्पयुत्तो च धम्मा उप्पज्जन्ति हेतुपच्चया – दोमनस्ससहगतं विचिकिच्छासहगतं उद्धच्चसहगतं मोहं पटिच्च सम्पयुत्तका खन्धा चित्तसमुट्ठानञ्च रूपं। (३)
Āsavavippayuttaṃ dhammaṃ paṭicca āsavasampayutto ca āsavavippayutto ca dhammā uppajjanti hetupaccayā – domanassasahagataṃ vicikicchāsahagataṃ uddhaccasahagataṃ mohaṃ paṭicca sampayuttakā khandhā cittasamuṭṭhānañca rūpaṃ. (3)
५०. आसवसम्पयुत्तञ्च आसवविप्पयुत्तञ्च धम्मं पटिच्च आसवसम्पयुत्तो धम्मो उप्पज्जति हेतुपच्चया – दोमनस्ससहगतं विचिकिच्छासहगतं उद्धच्चसहगतं एकं खन्धञ्च मोहञ्च पटिच्च तयो खन्धा…पे॰… द्वे खन्धे…पे॰…। (१)
50. Āsavasampayuttañca āsavavippayuttañca dhammaṃ paṭicca āsavasampayutto dhammo uppajjati hetupaccayā – domanassasahagataṃ vicikicchāsahagataṃ uddhaccasahagataṃ ekaṃ khandhañca mohañca paṭicca tayo khandhā…pe… dve khandhe…pe…. (1)
आसवसम्पयुत्तञ्च आसवविप्पयुत्तञ्च धम्मं पटिच्च आसवविप्पयुत्तो धम्मो उप्पज्जति हेतुपच्चया – आसवसम्पयुत्ते खन्धे च महाभूते च पटिच्च चित्तसमुट्ठानं रूपं, दोमनस्ससहगते विचिकिच्छासहगते उद्धच्चसहगते खन्धे च मोहञ्च पटिच्च चित्तसमुट्ठानं रूपं। (२)
Āsavasampayuttañca āsavavippayuttañca dhammaṃ paṭicca āsavavippayutto dhammo uppajjati hetupaccayā – āsavasampayutte khandhe ca mahābhūte ca paṭicca cittasamuṭṭhānaṃ rūpaṃ, domanassasahagate vicikicchāsahagate uddhaccasahagate khandhe ca mohañca paṭicca cittasamuṭṭhānaṃ rūpaṃ. (2)
आसवसम्पयुत्तञ्च आसवविप्पयुत्तञ्च धम्मं पटिच्च आसवसम्पयुत्तो च आसवविप्पयुत्तो च धम्मा उप्पज्जन्ति हेतुपच्चया – दोमनस्ससहगतं विचिकिच्छासहगतं उद्धच्चसहगतं एकं खन्धञ्च मोहञ्च पटिच्च तयो खन्धा चित्तसमुट्ठानञ्च रूपं, द्वे खन्धे…पे॰…। (३)
Āsavasampayuttañca āsavavippayuttañca dhammaṃ paṭicca āsavasampayutto ca āsavavippayutto ca dhammā uppajjanti hetupaccayā – domanassasahagataṃ vicikicchāsahagataṃ uddhaccasahagataṃ ekaṃ khandhañca mohañca paṭicca tayo khandhā cittasamuṭṭhānañca rūpaṃ, dve khandhe…pe…. (3)
आरम्मणपच्चयो
Ārammaṇapaccayo
५१. आसवसम्पयुत्तं धम्मं पटिच्च आसवसम्पयुत्तो धम्मो उप्पज्जति आरम्मणपच्चया – आसवसम्पयुत्तं एकं खन्धं पटिच्च तयो खन्धा…पे॰… द्वे खन्धे…पे॰…। (१)
51. Āsavasampayuttaṃ dhammaṃ paṭicca āsavasampayutto dhammo uppajjati ārammaṇapaccayā – āsavasampayuttaṃ ekaṃ khandhaṃ paṭicca tayo khandhā…pe… dve khandhe…pe…. (1)
आसवसम्पयुत्तं धम्मं पटिच्च आसवविप्पयुत्तो धम्मो उप्पज्जति आरम्मणपच्चया – दोमनस्ससहगते विचिकिच्छासहगते उद्धच्चसहगते खन्धे पटिच्च मोहो। (२)
Āsavasampayuttaṃ dhammaṃ paṭicca āsavavippayutto dhammo uppajjati ārammaṇapaccayā – domanassasahagate vicikicchāsahagate uddhaccasahagate khandhe paṭicca moho. (2)
आसवसम्पयुत्तं धम्मं पटिच्च आसवसम्पयुत्तो च आसवविप्पयुत्तो च धम्मा उप्पज्जन्ति आरम्मणपच्चया – दोमनस्ससहगतं विचिकिच्छासहगतं उद्धच्चसहगतं एकं खन्धं पटिच्च तयो खन्धा मोहो च…पे॰… द्वे खन्धे…पे॰…। (३)
Āsavasampayuttaṃ dhammaṃ paṭicca āsavasampayutto ca āsavavippayutto ca dhammā uppajjanti ārammaṇapaccayā – domanassasahagataṃ vicikicchāsahagataṃ uddhaccasahagataṃ ekaṃ khandhaṃ paṭicca tayo khandhā moho ca…pe… dve khandhe…pe…. (3)
५२. आसवविप्पयुत्तं धम्मं पटिच्च आसवविप्पयुत्तो धम्मो उप्पज्जति आरम्मणपच्चया – आसवविप्पयुत्तं एकं खन्धं पटिच्च तयो खन्धा…पे॰… द्वे खन्धे…पे॰… पटिसन्धिक्खणे…पे॰… वत्थुं पटिच्च खन्धा। (१) आसवविप्पयुत्तं धम्मं पटिच्च आसवसम्पयुत्तो धम्मो उप्पज्जति आरम्मणपच्चया – दोमनस्ससहगतं विचिकिच्छासहगतं उद्धच्चसहगतं मोहं पटिच्च सम्पयुत्तका खन्धा। (२)
52. Āsavavippayuttaṃ dhammaṃ paṭicca āsavavippayutto dhammo uppajjati ārammaṇapaccayā – āsavavippayuttaṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe… vatthuṃ paṭicca khandhā. (1) Āsavavippayuttaṃ dhammaṃ paṭicca āsavasampayutto dhammo uppajjati ārammaṇapaccayā – domanassasahagataṃ vicikicchāsahagataṃ uddhaccasahagataṃ mohaṃ paṭicca sampayuttakā khandhā. (2)
आसवसम्पयुत्तञ्च आसवविप्पयुत्तञ्च धम्मं पटिच्च आसवसम्पयुत्तो धम्मो उप्पज्जति आरम्मणपच्चया – दोमनस्ससहगतं विचिकिच्छासहगतं उद्धच्चसहगतं एकं खन्धञ्च मोहञ्च पटिच्च तयो खन्धा…पे॰… द्वे खन्धे…पे॰…। (१)
Āsavasampayuttañca āsavavippayuttañca dhammaṃ paṭicca āsavasampayutto dhammo uppajjati ārammaṇapaccayā – domanassasahagataṃ vicikicchāsahagataṃ uddhaccasahagataṃ ekaṃ khandhañca mohañca paṭicca tayo khandhā…pe… dve khandhe…pe…. (1)
अधिपतिपच्चयो
Adhipatipaccayo
५३. आसवसम्पयुत्तं धम्मं पटिच्च आसवसम्पयुत्तो धम्मो उप्पज्जति अधिपतिपच्चया… तीणि।
53. Āsavasampayuttaṃ dhammaṃ paṭicca āsavasampayutto dhammo uppajjati adhipatipaccayā… tīṇi.
आसवविप्पयुत्तं धम्मं पटिच्च आसवविप्पयुत्तो धम्मो उप्पज्जति अधिपतिपच्चया – आसवविप्पयुत्तं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… दोमनस्ससहगतं मोहं पटिच्च चित्तसमुट्ठानं रूपं, एकं महाभूतं…पे॰… महाभूते पटिच्च चित्तसमुट्ठानं रूपं उपादारूपं। (१)
Āsavavippayuttaṃ dhammaṃ paṭicca āsavavippayutto dhammo uppajjati adhipatipaccayā – āsavavippayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… domanassasahagataṃ mohaṃ paṭicca cittasamuṭṭhānaṃ rūpaṃ, ekaṃ mahābhūtaṃ…pe… mahābhūte paṭicca cittasamuṭṭhānaṃ rūpaṃ upādārūpaṃ. (1)
आसवविप्पयुत्तं धम्मं पटिच्च आसवसम्पयुत्तो धम्मो उप्पज्जति अधिपतिपच्चया – दोमनस्ससहगतं मोहं पटिच्च सम्पयुत्तका खन्धा। (२)
Āsavavippayuttaṃ dhammaṃ paṭicca āsavasampayutto dhammo uppajjati adhipatipaccayā – domanassasahagataṃ mohaṃ paṭicca sampayuttakā khandhā. (2)
आसवविप्पयुत्तं धम्मं पटिच्च आसवसम्पयुत्तो च आसवविप्पयुत्तो च धम्मा उप्पज्जन्ति अधिपतिपच्चया – दोमनस्ससहगतं मोहं पटिच्च सम्पयुत्तका खन्धा चित्तसमुट्ठानञ्च रूपं। (३)
Āsavavippayuttaṃ dhammaṃ paṭicca āsavasampayutto ca āsavavippayutto ca dhammā uppajjanti adhipatipaccayā – domanassasahagataṃ mohaṃ paṭicca sampayuttakā khandhā cittasamuṭṭhānañca rūpaṃ. (3)
५४. आसवसम्पयुत्तञ्च आसवविप्पयुत्तञ्च धम्मं पटिच्च आसवसम्पयुत्तो धम्मो उप्पज्जति अधिपतिपच्चया – दोमनस्ससहगतं एकं खन्धञ्च मोहञ्च पटिच्च तयो खन्धा…पे॰… द्वे खन्धे…पे॰…। (१)
54. Āsavasampayuttañca āsavavippayuttañca dhammaṃ paṭicca āsavasampayutto dhammo uppajjati adhipatipaccayā – domanassasahagataṃ ekaṃ khandhañca mohañca paṭicca tayo khandhā…pe… dve khandhe…pe…. (1)
आसवसम्पयुत्तञ्च आसवविप्पयुत्तञ्च धम्मं पटिच्च आसवविप्पयुत्तो धम्मो उप्पज्जति अधिपतिपच्चया – आसवसम्पयुत्ते खन्धे च महाभूते च पटिच्च चित्तसमुट्ठानं रूपं, दोमनस्ससहगते खन्धे च मोहञ्च पटिच्च चित्तसमुट्ठानं रूपं। (२)
Āsavasampayuttañca āsavavippayuttañca dhammaṃ paṭicca āsavavippayutto dhammo uppajjati adhipatipaccayā – āsavasampayutte khandhe ca mahābhūte ca paṭicca cittasamuṭṭhānaṃ rūpaṃ, domanassasahagate khandhe ca mohañca paṭicca cittasamuṭṭhānaṃ rūpaṃ. (2)
आसवसम्पयुत्तञ्च आसवविप्पयुत्तञ्च धम्मं पटिच्च आसवसम्पयुत्तो च आसवविप्पयुत्तो च धम्मा उप्पज्जन्ति अधिपतिपच्चया – दोमनस्ससहगतं एकं खन्धञ्च मोहञ्च पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰…। (३)
Āsavasampayuttañca āsavavippayuttañca dhammaṃ paṭicca āsavasampayutto ca āsavavippayutto ca dhammā uppajjanti adhipatipaccayā – domanassasahagataṃ ekaṃ khandhañca mohañca paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)
(एवं सब्बे पच्चया वित्थारेतब्बा। संखित्तं।)
(Evaṃ sabbe paccayā vitthāretabbā. Saṃkhittaṃ.)
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
सुद्धं
Suddhaṃ
५५. हेतुया नव, आरम्मणे छ, अधिपतिया नव, अनन्तरे छ, समनन्तरे छ, सहजाते नव, अञ्ञमञ्ञे छ, निस्सये नव, उपनिस्सये छ, पुरेजाते छ, आसेवने छ, कम्मे नव, विपाके एकं , आहारे नव, इन्द्रिये नव, झाने नव, मग्गे नव, सम्पयुत्ते छ, विप्पयुत्ते नव, अत्थिया नव, नत्थिया छ, विगते छ, अविगते नव।
55. Hetuyā nava, ārammaṇe cha, adhipatiyā nava, anantare cha, samanantare cha, sahajāte nava, aññamaññe cha, nissaye nava, upanissaye cha, purejāte cha, āsevane cha, kamme nava, vipāke ekaṃ , āhāre nava, indriye nava, jhāne nava, magge nava, sampayutte cha, vippayutte nava, atthiyā nava, natthiyā cha, vigate cha, avigate nava.
अनुलोमं।
Anulomaṃ.
२. पच्चयपच्चनीयं
2. Paccayapaccanīyaṃ
१. विभङ्गवारो
1. Vibhaṅgavāro
नहेतुपच्चयो
Nahetupaccayo
५६. आसवसम्पयुत्तं धम्मं पटिच्च आसवविप्पयुत्तो धम्मो उप्पज्जति नहेतुपच्चया – विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो। (१)
56. Āsavasampayuttaṃ dhammaṃ paṭicca āsavavippayutto dhammo uppajjati nahetupaccayā – vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)
आसवविप्पयुत्तं धम्मं पटिच्च आसवविप्पयुत्तो धम्मो उप्पज्जति नहेतुपच्चया – अहेतुकं आसवविप्पयुत्तं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… अहेतुकपटिसन्धिक्खणे…पे॰… (याव आसञ्ञसत्ता)। (१)
Āsavavippayuttaṃ dhammaṃ paṭicca āsavavippayutto dhammo uppajjati nahetupaccayā – ahetukaṃ āsavavippayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… (yāva āsaññasattā). (1)
नआरम्मणपच्चयो
Naārammaṇapaccayo
५७. आसवसम्पयुत्तं धम्मं पटिच्च आसवविप्पयुत्तो धम्मो उप्पज्जति नआरम्मणपच्चया – आसवसम्पयुत्ते खन्धे पटिच्च चित्तसमुट्ठानं रूपं। (१)
57. Āsavasampayuttaṃ dhammaṃ paṭicca āsavavippayutto dhammo uppajjati naārammaṇapaccayā – āsavasampayutte khandhe paṭicca cittasamuṭṭhānaṃ rūpaṃ. (1)
आसवविप्पयुत्तं धम्मं पटिच्च आसवविप्पयुत्तो धम्मो उप्पज्जति नआरम्मणपच्चया – आसवविप्पयुत्ते खन्धे पटिच्च चित्तसमुट्ठानं रूपं, दोमनस्ससहगतं विचिकिच्छासहगतं उद्धच्चसहगतं मोहं पटिच्च चित्तसमुट्ठानं रूपं; पटिसन्धिक्खणे…पे॰… खन्धे पटिच्च वत्थु, एकं महाभूतं…पे॰… (याव असञ्ञसत्ता)। (१)
Āsavavippayuttaṃ dhammaṃ paṭicca āsavavippayutto dhammo uppajjati naārammaṇapaccayā – āsavavippayutte khandhe paṭicca cittasamuṭṭhānaṃ rūpaṃ, domanassasahagataṃ vicikicchāsahagataṃ uddhaccasahagataṃ mohaṃ paṭicca cittasamuṭṭhānaṃ rūpaṃ; paṭisandhikkhaṇe…pe… khandhe paṭicca vatthu, ekaṃ mahābhūtaṃ…pe… (yāva asaññasattā). (1)
आसवसम्पयुत्तञ्च आसवविप्पयुत्तञ्च धम्मं पटिच्च आसवविप्पयुत्तो धम्मो उप्पज्जति नआरम्मणपच्चया – आसवसम्पयुत्ते खन्धे च महाभूते च पटिच्च चित्तसमुट्ठानं रूपं, दोमनस्ससहगते विचिकिच्छासहगते उद्धच्चसहगते खन्धे च मोहञ्च पटिच्च चित्तसमुट्ठानं रूपं। (१)
Āsavasampayuttañca āsavavippayuttañca dhammaṃ paṭicca āsavavippayutto dhammo uppajjati naārammaṇapaccayā – āsavasampayutte khandhe ca mahābhūte ca paṭicca cittasamuṭṭhānaṃ rūpaṃ, domanassasahagate vicikicchāsahagate uddhaccasahagate khandhe ca mohañca paṭicca cittasamuṭṭhānaṃ rūpaṃ. (1)
नअधिपतिपच्चयो
Naadhipatipaccayo
५८. आसवसम्पयुत्तं धम्मं पटिच्च आसवसम्पयुत्तो धम्मो उप्पज्जति नअधिपतिपच्चया (संखित्तं)।
58. Āsavasampayuttaṃ dhammaṃ paṭicca āsavasampayutto dhammo uppajjati naadhipatipaccayā (saṃkhittaṃ).
नपुरेजातपच्चयादि
Napurejātapaccayādi
५९. आसवसम्पयुत्तं धम्मं पटिच्च आसवसम्पयुत्तो धम्मो उप्पज्जति नपुरेजातपच्चया – अरूपे आसवसम्पयुत्तं एकं खन्धं पटिच्च तयो खन्धा…पे॰… द्वे खन्धे…पे॰…। (१)
59. Āsavasampayuttaṃ dhammaṃ paṭicca āsavasampayutto dhammo uppajjati napurejātapaccayā – arūpe āsavasampayuttaṃ ekaṃ khandhaṃ paṭicca tayo khandhā…pe… dve khandhe…pe…. (1)
आसवसम्पयुत्तं धम्मं पटिच्च आसवविप्पयुत्तो धम्मो उप्पज्जति नपुरेजातपच्चया – अरूपे विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो, आसवसम्पयुत्ते खन्धे पटिच्च चित्तसमुट्ठानं रूपं। (२)
Āsavasampayuttaṃ dhammaṃ paṭicca āsavavippayutto dhammo uppajjati napurejātapaccayā – arūpe vicikicchāsahagate uddhaccasahagate khandhe paṭicca vicikicchāsahagato uddhaccasahagato moho, āsavasampayutte khandhe paṭicca cittasamuṭṭhānaṃ rūpaṃ. (2)
आसवसम्पयुत्तं धम्मं पटिच्च आसवसम्पयुत्तो च आसवविप्पयुत्तो च धम्मा उप्पज्जन्ति नपुरेजातपच्चया – अरूपे विचिकिच्छासहगतं उद्धच्चसहगतं एकं खन्धं पटिच्च तयो खन्धा मोहो च…पे॰… द्वे खन्धे…पे॰…। (३)
Āsavasampayuttaṃ dhammaṃ paṭicca āsavasampayutto ca āsavavippayutto ca dhammā uppajjanti napurejātapaccayā – arūpe vicikicchāsahagataṃ uddhaccasahagataṃ ekaṃ khandhaṃ paṭicca tayo khandhā moho ca…pe… dve khandhe…pe…. (3)
६०. आसवविप्पयुत्तं धम्मं पटिच्च आसवविप्पयुत्तो धम्मो उप्पज्जति नपुरेजातपच्चया – अरूपे आसवविप्पयुत्तं एकं खन्धं पटिच्च तयो खन्धा…पे॰… द्वे खन्धे…पे॰… आसवविप्पयुत्ते खन्धे पटिच्च चित्तसमुट्ठानं रूपं, दोमनस्ससहगतं विचिकिच्छासहगतं उद्धच्चसहगतं मोहं पटिच्च चित्तसमुट्ठानं रूपं; पटिसन्धिक्खणे…पे॰… (याव असञ्ञसत्ता)। (१)
60. Āsavavippayuttaṃ dhammaṃ paṭicca āsavavippayutto dhammo uppajjati napurejātapaccayā – arūpe āsavavippayuttaṃ ekaṃ khandhaṃ paṭicca tayo khandhā…pe… dve khandhe…pe… āsavavippayutte khandhe paṭicca cittasamuṭṭhānaṃ rūpaṃ, domanassasahagataṃ vicikicchāsahagataṃ uddhaccasahagataṃ mohaṃ paṭicca cittasamuṭṭhānaṃ rūpaṃ; paṭisandhikkhaṇe…pe… (yāva asaññasattā). (1)
आसवविप्पयुत्तं धम्मं पटिच्च आसवसम्पयुत्तो धम्मो उप्पज्जति नपुरेजातपच्चया – अरूपे विचिकिच्छासहगतं उद्धच्चसहगतं मोहं पटिच्च सम्पयुत्तका खन्धा। (२)
Āsavavippayuttaṃ dhammaṃ paṭicca āsavasampayutto dhammo uppajjati napurejātapaccayā – arūpe vicikicchāsahagataṃ uddhaccasahagataṃ mohaṃ paṭicca sampayuttakā khandhā. (2)
६१. आसवसम्पयुत्तञ्च आसवविप्पयुत्तञ्च धम्मं पटिच्च आसवसम्पयुत्तो धम्मो उप्पज्जति नपुरेजातपच्चया – अरूपे विचिकिच्छासहगतं उद्धच्चसहगतं एकं खन्धञ्च मोहञ्च पटिच्च तयो खन्धा…पे॰… द्वे खन्धे च…पे॰…। (१)
61. Āsavasampayuttañca āsavavippayuttañca dhammaṃ paṭicca āsavasampayutto dhammo uppajjati napurejātapaccayā – arūpe vicikicchāsahagataṃ uddhaccasahagataṃ ekaṃ khandhañca mohañca paṭicca tayo khandhā…pe… dve khandhe ca…pe…. (1)
आसवसम्पयुत्तञ्च आसवविप्पयुत्तञ्च धम्मं पटिच्च आसवविप्पयुत्तो धम्मो उप्पज्जति नपुरेजातपच्चया – आसवसम्पयुत्ते खन्धे च महाभूते च पटिच्च चित्तसमुट्ठानं रूपं, दोमनस्ससहगते विचिकिच्छासहगते उद्धच्चसहगते खन्धे च मोहञ्च पटिच्च चित्तसमुट्ठानं रूपं। (२)
Āsavasampayuttañca āsavavippayuttañca dhammaṃ paṭicca āsavavippayutto dhammo uppajjati napurejātapaccayā – āsavasampayutte khandhe ca mahābhūte ca paṭicca cittasamuṭṭhānaṃ rūpaṃ, domanassasahagate vicikicchāsahagate uddhaccasahagate khandhe ca mohañca paṭicca cittasamuṭṭhānaṃ rūpaṃ. (2)
(नपच्छाजातपच्चया नव, नआसेवनपच्चया नव।)
(Napacchājātapaccayā nava, naāsevanapaccayā nava.)
नकम्मपच्चयादि
Nakammapaccayādi
६२. आसवसम्पयुत्तं धम्मं पटिच्च आसवसम्पयुत्तो धम्मो उप्पज्जति नकम्मपच्चया – आसवसम्पयुत्ते खन्धे पटिच्च सम्पयुत्तका चेतना। (१)
62. Āsavasampayuttaṃ dhammaṃ paṭicca āsavasampayutto dhammo uppajjati nakammapaccayā – āsavasampayutte khandhe paṭicca sampayuttakā cetanā. (1)
आसवविप्पयुत्तं धम्मं पटिच्च आसवविप्पयुत्तो धम्मो उप्पज्जति नकम्मपच्चया – आसवविप्पयुत्ते खन्धे पटिच्च विप्पयुत्तका चेतना। (१)
Āsavavippayuttaṃ dhammaṃ paṭicca āsavavippayutto dhammo uppajjati nakammapaccayā – āsavavippayutte khandhe paṭicca vippayuttakā cetanā. (1)
आसवविप्पयुत्तं धम्मं पटिच्च आसवसम्पयुत्तो धम्मो उप्पज्जति नकम्मपच्चया – दोमनस्ससहगतं विचिकिच्छासहगतं उद्धच्चसहगतं मोहं पटिच्च सम्पयुत्तका चेतना। (२)
Āsavavippayuttaṃ dhammaṃ paṭicca āsavasampayutto dhammo uppajjati nakammapaccayā – domanassasahagataṃ vicikicchāsahagataṃ uddhaccasahagataṃ mohaṃ paṭicca sampayuttakā cetanā. (2)
आसवसम्पयुत्तञ्च आसवविप्पयुत्तञ्च धम्मं पटिच्च आसवसम्पयुत्तो धम्मो उप्पज्जति नकम्मपच्चया – दोमनस्ससहगते विचिकिच्छासहगते उद्धच्चसहगते खन्धे च मोहञ्च पटिच्च सम्पयुत्तका चेतना… नविपाकपच्चया… नआहारपच्चया… नइन्द्रियपच्चया… नझानपच्चया… नमग्गपच्चया… नसम्पयुत्तपच्चया… नविप्पयुत्तपच्चया… नोनत्थिपच्चया… नोविगतपच्चया।
Āsavasampayuttañca āsavavippayuttañca dhammaṃ paṭicca āsavasampayutto dhammo uppajjati nakammapaccayā – domanassasahagate vicikicchāsahagate uddhaccasahagate khandhe ca mohañca paṭicca sampayuttakā cetanā… navipākapaccayā… naāhārapaccayā… naindriyapaccayā… najhānapaccayā… namaggapaccayā… nasampayuttapaccayā… navippayuttapaccayā… nonatthipaccayā… novigatapaccayā.
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
सुद्धं
Suddhaṃ
६३. नहेतुया द्वे, नआरम्मणे तीणि, नअधिपतिया नव, नअनन्तरे तीणि, नसमनन्तरे तीणि, नअञ्ञमञ्ञे तीणि, नउपनिस्सये तीणि, नपुरेजाते सत्त, नपच्छाजाते नव, नआसेवने नव, नकम्मे चत्तारि, नविपाके नव, नआहारे एकं, नइन्द्रिये एकं, नझाने एकं, नमग्गे एकं, नसम्पयुत्ते तीणि, नविप्पयुत्ते छ, नोनत्थिया तीणि, नोविगते तीणि।
63. Nahetuyā dve, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte satta, napacchājāte nava, naāsevane nava, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte cha, nonatthiyā tīṇi, novigate tīṇi.
पच्चनीयं।
Paccanīyaṃ.
३. पच्चयानुलोमपच्चनीयं
3. Paccayānulomapaccanīyaṃ
हेतुदुकं
Hetudukaṃ
६४. हेतुपच्चया नआरम्मणे तीणि…पे॰… नपुरेजाते छ…पे॰… नविपाके नव…पे॰… नसम्पयुत्ते तीणि, नविप्पयुत्ते चत्तारि, नोनत्थिया तीणि, नोविगते तीणि।
64. Hetupaccayā naārammaṇe tīṇi…pe… napurejāte cha…pe… navipāke nava…pe… nasampayutte tīṇi, navippayutte cattāri, nonatthiyā tīṇi, novigate tīṇi.
अनुलोमपच्चनीयं।
Anulomapaccanīyaṃ.
४. पच्चयपच्चनीयानुलोमं
4. Paccayapaccanīyānulomaṃ
नहेतुदुकं
Nahetudukaṃ
६५. नहेतुपच्चया आरम्मणे द्वे, अनन्तरे द्वे, समनन्तरे द्वे…पे॰… कम्मे द्वे, विपाके एकं, आहारे द्वे…पे॰… मग्गे एकं , सम्पयुत्ते द्वे, विप्पयुत्ते द्वे…पे॰… अविगते द्वे।
65. Nahetupaccayā ārammaṇe dve, anantare dve, samanantare dve…pe… kamme dve, vipāke ekaṃ, āhāre dve…pe… magge ekaṃ , sampayutte dve, vippayutte dve…pe… avigate dve.
२. सहजातवारो
2. Sahajātavāro
(सहजातवारो पटिच्चवारसदिसो।)
(Sahajātavāro paṭiccavārasadiso.)
३. पच्चयवारो
3. Paccayavāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
६६. आसवसम्पयुत्तं धम्मं पच्चया आसवसम्पयुत्तो धम्मो उप्पज्जति हेतुपच्चया… तीणि (पटिच्चवारसदिसो)।
66. Āsavasampayuttaṃ dhammaṃ paccayā āsavasampayutto dhammo uppajjati hetupaccayā… tīṇi (paṭiccavārasadiso).
आसवविप्पयुत्तं धम्मं पच्चया आसवविप्पयुत्तो धम्मो उप्पज्जति हेतुपच्चया – आसवविप्पयुत्तं एकं खन्धं पच्चया तयो खन्धा चित्तसमुट्ठानञ्च रूपं…पे॰… द्वे खन्धे…पे॰… दोमनस्ससहगतं विचिकिच्छासहगतं उद्धच्चसहगतं मोहं पच्चया चित्तसमुट्ठानं रूपं; पटिसन्धिक्खणे…पे॰… खन्धे पच्चया वत्थु, वत्थुं पच्चया खन्धा, एकं महाभूतं…पे॰… महाभूते पच्चया चित्तसमुट्ठानं रूपं , कटत्तारूपं, उपादारूपं। वत्थुं पच्चया आसवविप्पयुत्ता खन्धा, वत्थुं पच्चया दोमनस्ससहगतो मोहो। (१)
Āsavavippayuttaṃ dhammaṃ paccayā āsavavippayutto dhammo uppajjati hetupaccayā – āsavavippayuttaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… domanassasahagataṃ vicikicchāsahagataṃ uddhaccasahagataṃ mohaṃ paccayā cittasamuṭṭhānaṃ rūpaṃ; paṭisandhikkhaṇe…pe… khandhe paccayā vatthu, vatthuṃ paccayā khandhā, ekaṃ mahābhūtaṃ…pe… mahābhūte paccayā cittasamuṭṭhānaṃ rūpaṃ , kaṭattārūpaṃ, upādārūpaṃ. Vatthuṃ paccayā āsavavippayuttā khandhā, vatthuṃ paccayā domanassasahagato moho. (1)
आसवविप्पयुत्तं धम्मं पच्चया आसवसम्पयुत्तो धम्मो उप्पज्जति हेतुपच्चया – वत्थुं पच्चया आसवसम्पयुत्तका खन्धा, दोमनस्ससहगतं विचिकिच्छासहगतं उद्धच्चसहगतं मोहं पच्चया सम्पयुत्तका खन्धा। (२)
Āsavavippayuttaṃ dhammaṃ paccayā āsavasampayutto dhammo uppajjati hetupaccayā – vatthuṃ paccayā āsavasampayuttakā khandhā, domanassasahagataṃ vicikicchāsahagataṃ uddhaccasahagataṃ mohaṃ paccayā sampayuttakā khandhā. (2)
आसवविप्पयुत्तं धम्मं पच्चया आसवसम्पयुत्तो च आसवविप्पयुत्तो च धम्मा उप्पज्जन्ति हेतुपच्चया – वत्थुं पच्चया आसवसम्पयुत्तका खन्धा, महाभूते पच्चया चित्तसमुट्ठानं रूपं , दोमनस्ससहगतं विचिकिच्छासहगतं उद्धच्चसहगतं मोहं पच्चया सम्पयुत्तका खन्धा चित्तसमुट्ठानञ्च रूपं, वत्थुं पच्चया दोमनस्ससहगता खन्धा च मोहो च। (३)
Āsavavippayuttaṃ dhammaṃ paccayā āsavasampayutto ca āsavavippayutto ca dhammā uppajjanti hetupaccayā – vatthuṃ paccayā āsavasampayuttakā khandhā, mahābhūte paccayā cittasamuṭṭhānaṃ rūpaṃ , domanassasahagataṃ vicikicchāsahagataṃ uddhaccasahagataṃ mohaṃ paccayā sampayuttakā khandhā cittasamuṭṭhānañca rūpaṃ, vatthuṃ paccayā domanassasahagatā khandhā ca moho ca. (3)
६७. आसवसम्पयुत्तञ्च आसवविप्पयुत्तञ्च धम्मं पच्चया आसवसम्पयुत्तो धम्मो उप्पज्जति हेतुपच्चया – आसवसम्पयुत्तं एकं खन्धञ्च वत्थुञ्च पच्चया तयो खन्धा…पे॰… द्वे खन्धे च…पे॰… दोमनस्ससहगतं विचिकिच्छासहगतं उद्धच्चसहगतं एकं खन्धञ्च मोहञ्च पच्चया तयो खन्धा…पे॰… द्वे खन्धे च…पे॰…। (१)
67. Āsavasampayuttañca āsavavippayuttañca dhammaṃ paccayā āsavasampayutto dhammo uppajjati hetupaccayā – āsavasampayuttaṃ ekaṃ khandhañca vatthuñca paccayā tayo khandhā…pe… dve khandhe ca…pe… domanassasahagataṃ vicikicchāsahagataṃ uddhaccasahagataṃ ekaṃ khandhañca mohañca paccayā tayo khandhā…pe… dve khandhe ca…pe…. (1)
आसवसम्पयुत्तञ्च आसवविप्पयुत्तञ्च धम्मं पच्चया आसवविप्पयुत्तो धम्मो उप्पज्जति हेतुपच्चया – आसवसम्पयुत्ते खन्धे च महाभूते च पच्चया चित्तसमुट्ठानं रूपं, दोमनस्ससहगते विचिकिच्छासहगते उद्धच्चसहगते खन्धे च मोहञ्च पच्चया चित्तसमुट्ठानं रूपं, दोमनस्ससहगते खन्धे च वत्थुञ्च पच्चया दोमनस्ससहगतो मोहो। (२)
Āsavasampayuttañca āsavavippayuttañca dhammaṃ paccayā āsavavippayutto dhammo uppajjati hetupaccayā – āsavasampayutte khandhe ca mahābhūte ca paccayā cittasamuṭṭhānaṃ rūpaṃ, domanassasahagate vicikicchāsahagate uddhaccasahagate khandhe ca mohañca paccayā cittasamuṭṭhānaṃ rūpaṃ, domanassasahagate khandhe ca vatthuñca paccayā domanassasahagato moho. (2)
आसवसम्पयुत्तञ्च आसवविप्पयुत्तञ्च धम्मं पच्चया आसवसम्पयुत्तो च आसवविप्पयुत्तो च धम्मा उप्पज्जन्ति हेतुपच्चया – आसवसम्पयुत्तं एकं खन्धञ्च वत्थुञ्च पच्चया तयो खन्धा…पे॰… द्वे खन्धे…पे॰… आसवसम्पयुत्ते खन्धे च महाभूते च पच्चया चित्तसमुट्ठानं रूपं, दोमनस्ससहगतं विचिकिच्छासहगतं उद्धच्चसहगतं एकं खन्धञ्च मोहञ्च पच्चया तयो खन्धा चित्तसमुट्ठानञ्च रूपं…पे॰… द्वे खन्धे…पे॰… दोमनस्ससहगतं एकं खन्धञ्च वत्थुञ्च पच्चया तयो खन्धा मोहो च…पे॰… द्वे खन्धे…पे॰…। (३)
Āsavasampayuttañca āsavavippayuttañca dhammaṃ paccayā āsavasampayutto ca āsavavippayutto ca dhammā uppajjanti hetupaccayā – āsavasampayuttaṃ ekaṃ khandhañca vatthuñca paccayā tayo khandhā…pe… dve khandhe…pe… āsavasampayutte khandhe ca mahābhūte ca paccayā cittasamuṭṭhānaṃ rūpaṃ, domanassasahagataṃ vicikicchāsahagataṃ uddhaccasahagataṃ ekaṃ khandhañca mohañca paccayā tayo khandhā cittasamuṭṭhānañca rūpaṃ…pe… dve khandhe…pe… domanassasahagataṃ ekaṃ khandhañca vatthuñca paccayā tayo khandhā moho ca…pe… dve khandhe…pe…. (3)
आरम्मणपच्चयादि
Ārammaṇapaccayādi
६८. आसवसम्पयुत्तं धम्मं पच्चया आसवसम्पयुत्तो धम्मो उप्पज्जति आरम्मणपच्चया… तीणि (पटिच्चवारसदिसा)।
68. Āsavasampayuttaṃ dhammaṃ paccayā āsavasampayutto dhammo uppajjati ārammaṇapaccayā… tīṇi (paṭiccavārasadisā).
आसवविप्पयुत्तं धम्मं पच्चया आसवविप्पयुत्तो धम्मो उप्पज्जति आरम्मणपच्चया – आसवविप्पयुत्तं एकं खन्धं पच्चया तयो खन्धा…पे॰… द्वे खन्धे…पे॰… पटिसन्धिक्खणे…पे॰… वत्थुं पच्चया खन्धा, चक्खायतनं पच्चया चक्खुविञ्ञाणं…पे॰… कायायतनं पच्चया कायविञ्ञाणं, वत्थुं पच्चया आसवविप्पयुत्ता खन्धा, वत्थुं पच्चया दोमनस्ससहगतो विचिकिच्छासहगतो उद्धच्चसहगतो मोहो। (१)
Āsavavippayuttaṃ dhammaṃ paccayā āsavavippayutto dhammo uppajjati ārammaṇapaccayā – āsavavippayuttaṃ ekaṃ khandhaṃ paccayā tayo khandhā…pe… dve khandhe…pe… paṭisandhikkhaṇe…pe… vatthuṃ paccayā khandhā, cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā āsavavippayuttā khandhā, vatthuṃ paccayā domanassasahagato vicikicchāsahagato uddhaccasahagato moho. (1)
आसवविप्पयुत्तं धम्मं पच्चया आसवसम्पयुत्तो धम्मो उप्पज्जति आरम्मणपच्चया – वत्थुं पच्चया आसवसम्पयुत्तका खन्धा, दोमनस्ससहगतं विचिकिच्छासहगतं उद्धच्चसहगतं मोहं पच्चया सम्पयुत्तका खन्धा। (२)
Āsavavippayuttaṃ dhammaṃ paccayā āsavasampayutto dhammo uppajjati ārammaṇapaccayā – vatthuṃ paccayā āsavasampayuttakā khandhā, domanassasahagataṃ vicikicchāsahagataṃ uddhaccasahagataṃ mohaṃ paccayā sampayuttakā khandhā. (2)
आसवविप्पयुत्तं धम्मं पच्चया आसवसम्पयुत्तो च आसवविप्पयुत्तो च धम्मा उप्पज्जन्ति आरम्मणपच्चया – वत्थुं पच्चया दोमनस्ससहगता विचिकिच्छासहगता उद्धच्चसहगता खन्धा मोहो च। (३)
Āsavavippayuttaṃ dhammaṃ paccayā āsavasampayutto ca āsavavippayutto ca dhammā uppajjanti ārammaṇapaccayā – vatthuṃ paccayā domanassasahagatā vicikicchāsahagatā uddhaccasahagatā khandhā moho ca. (3)
६९. आसवसम्पयुत्तञ्च आसवविप्पयुत्तञ्च धम्मं पच्चया आसवसम्पयुत्तो धम्मो उप्पज्जति आरम्मणपच्चया – आसवसम्पयुत्तं एकं खन्धञ्च वत्थुञ्च पच्चया तयो खन्धा…पे॰… द्वे खन्धे…पे॰…। (१)
69. Āsavasampayuttañca āsavavippayuttañca dhammaṃ paccayā āsavasampayutto dhammo uppajjati ārammaṇapaccayā – āsavasampayuttaṃ ekaṃ khandhañca vatthuñca paccayā tayo khandhā…pe… dve khandhe…pe…. (1)
आसवसम्पयुत्तञ्च आसवविप्पयुत्तञ्च धम्मं पच्चया आसवविप्पयुत्तो धम्मो उप्पज्जति आरम्मणपच्चया – दोमनस्ससहगते विचिकिच्छासहगते उद्धच्चसहगते खन्धे च वत्थुञ्च पच्चया दोमनस्ससहगतो विचिकिच्छासहगतो उद्धच्चसहगतो मोहो। (२)
Āsavasampayuttañca āsavavippayuttañca dhammaṃ paccayā āsavavippayutto dhammo uppajjati ārammaṇapaccayā – domanassasahagate vicikicchāsahagate uddhaccasahagate khandhe ca vatthuñca paccayā domanassasahagato vicikicchāsahagato uddhaccasahagato moho. (2)
आसवसम्पयुत्तञ्च आसवविप्पयुत्तञ्च धम्मं पच्चया आसवसम्पयुत्तो च आसवविप्पयुत्तो च धम्मा उप्पज्जन्ति आरम्मणपच्चया – दोमनस्ससहगतं विचिकिच्छासहगतं उद्धच्चसहगतं एकं खन्धञ्च वत्थुञ्च पच्चया तयो खन्धा मोहो च…पे॰… द्वे खन्धे…पे॰… अधिपतिपच्चया… अनन्तरपच्चया…पे॰… अविगतपच्चया। (३)
Āsavasampayuttañca āsavavippayuttañca dhammaṃ paccayā āsavasampayutto ca āsavavippayutto ca dhammā uppajjanti ārammaṇapaccayā – domanassasahagataṃ vicikicchāsahagataṃ uddhaccasahagataṃ ekaṃ khandhañca vatthuñca paccayā tayo khandhā moho ca…pe… dve khandhe…pe… adhipatipaccayā… anantarapaccayā…pe… avigatapaccayā. (3)
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
७०. हेतुया नव, आरम्मणे नव (सब्बत्थ नव), कम्मे नव, विपाके एकं…पे॰… अविगते नव।
70. Hetuyā nava, ārammaṇe nava (sabbattha nava), kamme nava, vipāke ekaṃ…pe… avigate nava.
अनुलोमं।
Anulomaṃ.
२. पच्चयपच्चनीयं
2. Paccayapaccanīyaṃ
१. विभङ्गवारो
1. Vibhaṅgavāro
नहेतुपच्चयो
Nahetupaccayo
७१. आसवसम्पयुत्तं धम्मं पच्चया आसवविप्पयुत्तो धम्मो उप्पज्जति नहेतुपच्चया – विचिकिच्छासहगते उद्धच्चसहगते खन्धे पच्चया विचिकिच्छासहगतो उद्धच्चसहगतो मोहो। (१)
71. Āsavasampayuttaṃ dhammaṃ paccayā āsavavippayutto dhammo uppajjati nahetupaccayā – vicikicchāsahagate uddhaccasahagate khandhe paccayā vicikicchāsahagato uddhaccasahagato moho. (1)
आसवविप्पयुत्तं धम्मं पच्चया आसवविप्पयुत्तो धम्मो उप्पज्जति नहेतुपच्चया – अहेतुकं आसवविप्पयुत्तं एकं खन्धं पच्चया तयो खन्धा चित्तसमुट्ठानञ्च रूपं…पे॰… द्वे खन्धे…पे॰… अहेतुकपटिसन्धिक्खणे…पे॰… (याव असञ्ञसत्ता) चक्खायतनं पच्चया चक्खुविञ्ञाणं…पे॰… कायायतनं पच्चया कायविञ्ञाणं, वत्थुं पच्चया अहेतुका आसवविप्पयुत्ता खन्धा, वत्थुं पच्चया विचिकिच्छासहगतो उद्धच्चसहगतो मोहो। (१)
Āsavavippayuttaṃ dhammaṃ paccayā āsavavippayutto dhammo uppajjati nahetupaccayā – ahetukaṃ āsavavippayuttaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… (yāva asaññasattā) cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukā āsavavippayuttā khandhā, vatthuṃ paccayā vicikicchāsahagato uddhaccasahagato moho. (1)
आसवसम्पयुत्तञ्च आसवविप्पयुत्तञ्च धम्मं पच्चया आसवविप्पयुत्तो धम्मो उप्पज्जति नहेतुपच्चया – विचिकिच्छासहगते उद्धच्चसहगते खन्धे च वत्थुञ्च पच्चया विचिकिच्छासहगतो उद्धच्चसहगतो मोहो। (१) (संखित्तं।)
Āsavasampayuttañca āsavavippayuttañca dhammaṃ paccayā āsavavippayutto dhammo uppajjati nahetupaccayā – vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (1) (Saṃkhittaṃ.)
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
सुद्धं
Suddhaṃ
७२. नहेतुया तीणि, नआरम्मणे तीणि, नअधिपतिया नव, नअनन्तरे तीणि, नसमनन्तरे तीणि, नअञ्ञमञ्ञे तीणि, नउपनिस्सये तीणि, नपुरेजाते सत्त, नपच्छाजाते नव, नआसेवने नव, नकम्मे चत्तारि , नविपाके नव, नआहारे एकं, नइन्द्रिये एकं, नझाने एकं, नमग्गे एकं, नसम्पयुत्ते तीणि, नविप्पयुत्ते छ, नोनत्थिया तीणि, नोविगते तीणि (एवं इतरेपि द्वे गणना कातब्बा)।
72. Nahetuyā tīṇi, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte satta, napacchājāte nava, naāsevane nava, nakamme cattāri , navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte cha, nonatthiyā tīṇi, novigate tīṇi (evaṃ itarepi dve gaṇanā kātabbā).
४. निस्सयवारो
4. Nissayavāro
(निस्सयवारोपि पच्चयवारसदिसो।)
(Nissayavāropi paccayavārasadiso.)
५. संसट्ठवारो
5. Saṃsaṭṭhavāro
१-४. पच्चयानुलोमादि
1-4. Paccayānulomādi
७३. आसवसम्पयुत्तं धम्मं संसट्ठो आसवसम्पयुत्तो धम्मो उप्पज्जति हेतुपच्चया (संखित्तं)।
73. Āsavasampayuttaṃ dhammaṃ saṃsaṭṭho āsavasampayutto dhammo uppajjati hetupaccayā (saṃkhittaṃ).
हेतुया छ, आरम्मणे छ, अधिपतिया छ (सब्बत्थ छ), विपाके एकं…पे॰… अविगते छ।
Hetuyā cha, ārammaṇe cha, adhipatiyā cha (sabbattha cha), vipāke ekaṃ…pe… avigate cha.
आसवसम्पयुत्तं धम्मं संसट्ठो आसवविप्पयुत्तो धम्मो उप्पज्जति नहेतुपच्चया – विचिकिच्छासहगते उद्धच्चसहगते खन्धे संसट्ठो विचिकिच्छासहगतो उद्धच्चसहगतो मोहो। (१)
Āsavasampayuttaṃ dhammaṃ saṃsaṭṭho āsavavippayutto dhammo uppajjati nahetupaccayā – vicikicchāsahagate uddhaccasahagate khandhe saṃsaṭṭho vicikicchāsahagato uddhaccasahagato moho. (1)
आसवविप्पयुत्तं धम्मं संसट्ठो आसवविप्पयुत्तो धम्मो उप्पज्जति नहेतुपच्चया…पे॰…।
Āsavavippayuttaṃ dhammaṃ saṃsaṭṭho āsavavippayutto dhammo uppajjati nahetupaccayā…pe….
नहेतुया द्वे, नअधिपतिया छ, नपुरेजाते छ, नपच्छाजाते छ, नआसेवने छ, नकम्मे चत्तारि, नविपाके छ, नझाने एकं, नमग्गे एकं, नविप्पयुत्ते छ (एवं इतरेपि द्वे गणना कातब्बा)।
Nahetuyā dve, naadhipatiyā cha, napurejāte cha, napacchājāte cha, naāsevane cha, nakamme cattāri, navipāke cha, najhāne ekaṃ, namagge ekaṃ, navippayutte cha (evaṃ itarepi dve gaṇanā kātabbā).
६. सम्पयुत्तवारो
6. Sampayuttavāro
(सम्पयुत्तवारोपि संसट्ठवारसदिसो।)
(Sampayuttavāropi saṃsaṭṭhavārasadiso.)
७. पञ्हावारो
7. Pañhāvāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
७४. आसवसम्पयुत्तो धम्मो आसवसम्पयुत्तस्स धम्मस्स हेतुपच्चयेन पच्चयो – आसवसम्पयुत्ता हेतू सम्पयुत्तकानं खन्धानं हेतुपच्चयेन पच्चयो। (१)
74. Āsavasampayutto dhammo āsavasampayuttassa dhammassa hetupaccayena paccayo – āsavasampayuttā hetū sampayuttakānaṃ khandhānaṃ hetupaccayena paccayo. (1)
आसवसम्पयुत्तो धम्मो आसवविप्पयुत्तस्स धम्मस्स हेतुपच्चयेन पच्चयो – आसवसम्पयुत्ता हेतू चित्तसमुट्ठानानं रूपानं हेतुपच्चयेन पच्चयो; दोसो मोहस्स चित्तसमुट्ठानानञ्च रूपानं हेतुपच्चयेन पच्चयो। (२)
Āsavasampayutto dhammo āsavavippayuttassa dhammassa hetupaccayena paccayo – āsavasampayuttā hetū cittasamuṭṭhānānaṃ rūpānaṃ hetupaccayena paccayo; doso mohassa cittasamuṭṭhānānañca rūpānaṃ hetupaccayena paccayo. (2)
आसवसम्पयुत्तो धम्मो आसवसम्पयुत्तस्स च आसवविप्पयुत्तस्स च धम्मस्स हेतुपच्चयेन पच्चयो – आसवसम्पयुत्ता हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो; दोसो सम्पयुत्तकानं खन्धानं मोहस्स चित्तसमुट्ठानानञ्च रूपानं हेतुपच्चयेन पच्चयो। (३)
Āsavasampayutto dhammo āsavasampayuttassa ca āsavavippayuttassa ca dhammassa hetupaccayena paccayo – āsavasampayuttā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; doso sampayuttakānaṃ khandhānaṃ mohassa cittasamuṭṭhānānañca rūpānaṃ hetupaccayena paccayo. (3)
७५. आसवविप्पयुत्तो धम्मो आसवविप्पयुत्तस्स धम्मस्स हेतुपच्चयेन पच्चयो – आसवविप्पयुत्ता हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो; दोमनस्ससहगतो विचिकिच्छासहगतो उद्धच्चसहगतो मोहो चित्तसमुट्ठानानं रूपानं हेतुपच्चयेन पच्चयो; पटिसन्धिक्खणे…पे॰…। (१)
75. Āsavavippayutto dhammo āsavavippayuttassa dhammassa hetupaccayena paccayo – āsavavippayuttā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; domanassasahagato vicikicchāsahagato uddhaccasahagato moho cittasamuṭṭhānānaṃ rūpānaṃ hetupaccayena paccayo; paṭisandhikkhaṇe…pe…. (1)
आसवविप्पयुत्तो धम्मो आसवसम्पयुत्तस्स धम्मस्स हेतुपच्चयेन पच्चयो – दोमनस्ससहगतो विचिकिच्छासहगतो उद्धच्चसहगतो मोहो सम्पयुत्तकानं खन्धानं हेतुपच्चयेन पच्चयो। (२)
Āsavavippayutto dhammo āsavasampayuttassa dhammassa hetupaccayena paccayo – domanassasahagato vicikicchāsahagato uddhaccasahagato moho sampayuttakānaṃ khandhānaṃ hetupaccayena paccayo. (2)
आसवविप्पयुत्तो धम्मो आसवसम्पयुत्तस्स च आसवविप्पयुत्तस्स च धम्मस्स हेतुपच्चयेन पच्चयो – दोमनस्ससहगतो विचिकिच्छासहगतो उद्धच्चसहगतो मोहो सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो। (३)
Āsavavippayutto dhammo āsavasampayuttassa ca āsavavippayuttassa ca dhammassa hetupaccayena paccayo – domanassasahagato vicikicchāsahagato uddhaccasahagato moho sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)
७६. आसवसम्पयुत्तो च आसवविप्पयुत्तो च धम्मा आसवसम्पयुत्तस्स धम्मस्स हेतुपच्चयेन पच्चयो – दोसो च मोहो च आसवसम्पयुत्तकानं खन्धानं हेतुपच्चयेन पच्चयो। (१)
76. Āsavasampayutto ca āsavavippayutto ca dhammā āsavasampayuttassa dhammassa hetupaccayena paccayo – doso ca moho ca āsavasampayuttakānaṃ khandhānaṃ hetupaccayena paccayo. (1)
आसवसम्पयुत्तो च आसवविप्पयुत्तो च धम्मा आसवविप्पयुत्तस्स धम्मस्स हेतुपच्चयेन पच्चयो – दोसो च मोहो च चित्तसमुट्ठानानं रूपानं हेतुपच्चयेन पच्चयो। (२)
Āsavasampayutto ca āsavavippayutto ca dhammā āsavavippayuttassa dhammassa hetupaccayena paccayo – doso ca moho ca cittasamuṭṭhānānaṃ rūpānaṃ hetupaccayena paccayo. (2)
आसवसम्पयुत्तो च आसवविप्पयुत्तो च धम्मा आसवसम्पयुत्तस्स च आसवविप्पयुत्तस्स च धम्मस्स हेतुपच्चयेन पच्चयो – दोसो च मोहो च सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो। (३)
Āsavasampayutto ca āsavavippayutto ca dhammā āsavasampayuttassa ca āsavavippayuttassa ca dhammassa hetupaccayena paccayo – doso ca moho ca sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)
आरम्मणपच्चयो
Ārammaṇapaccayo
७७. आसवसम्पयुत्तो धम्मो आसवसम्पयुत्तस्स धम्मस्स आरम्मणपच्चयेन पच्चयो – आसवसम्पयुत्ते खन्धे आरब्भ आसवसम्पयुत्तका खन्धा उप्पज्जन्ति। (१)
77. Āsavasampayutto dhammo āsavasampayuttassa dhammassa ārammaṇapaccayena paccayo – āsavasampayutte khandhe ārabbha āsavasampayuttakā khandhā uppajjanti. (1)
आसवसम्पयुत्तो धम्मो आसवविप्पयुत्तस्स धम्मस्स आरम्मणपच्चयेन पच्चयो – आसवसम्पयुत्ते खन्धे आरब्भ आसवविप्पयुत्ता खन्धा च मोहो च उप्पज्जन्ति। (२)
Āsavasampayutto dhammo āsavavippayuttassa dhammassa ārammaṇapaccayena paccayo – āsavasampayutte khandhe ārabbha āsavavippayuttā khandhā ca moho ca uppajjanti. (2)
आसवसम्पयुत्तो धम्मो आसवसम्पयुत्तस्स च आसवविप्पयुत्तस्स च धम्मस्स आरम्मणपच्चयेन पच्चयो – आसवसम्पयुत्ते खन्धे आरब्भ दोमनस्ससहगता विचिकिच्छासहगता उद्धच्चसहगता खन्धा च मोहो च उप्पज्जन्ति। (३)
Āsavasampayutto dhammo āsavasampayuttassa ca āsavavippayuttassa ca dhammassa ārammaṇapaccayena paccayo – āsavasampayutte khandhe ārabbha domanassasahagatā vicikicchāsahagatā uddhaccasahagatā khandhā ca moho ca uppajjanti. (3)
७८. आसवविप्पयुत्तो धम्मो आसवविप्पयुत्तस्स धम्मस्स आरम्मणपच्चयेन पच्चयो – दानं दत्वा सीलं…पे॰… उपोसथकम्मं कत्वा तं पच्चवेक्खति; पुब्बे सुचिण्णानि…पे॰… झाना…पे॰… अरिया मग्गं…पे॰… फलं…पे॰… निब्बानं…पे॰… निब्बानं गोत्रभुस्स, वोदानस्स, मग्गस्स, फलस्स, आवज्जनाय आरम्मणपच्चयेन पच्चयो; अरिया आसवविप्पयुत्ते पहीने किलेसे पच्चवेक्खन्ति; विक्खम्भिते…पे॰… पुब्बे…पे॰… चक्खुं…पे॰… वत्थुं आसवविप्पयुत्ते खन्धे अनिच्चतो दुक्खतो अनत्ततो विपस्सति। (इध अस्सादना नत्थि) दिब्बेन चक्खुना रूपं पस्सति, दिब्बाय सोतधातुया सद्दं सुणाति। चेतोपरियञाणेन आसवविप्पयुत्तचित्तसमङ्गिस्स चित्तं जानाति, आकासानञ्चायतनं विञ्ञाणञ्चायतनस्स…पे॰… आकिञ्चञ्ञायतनं नेवसञ्ञानासञ्ञायतनस्स…पे॰… रूपायतनं चक्खुविञ्ञाणस्स…पे॰… फोट्ठब्बायतनं कायविञ्ञाणस्स…पे॰… आसवविप्पयुत्ता खन्धा इद्धिविधञाणस्स, चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय मोहस्स आरम्मणपच्चयेन पच्चयो। (१)
78. Āsavavippayutto dhammo āsavavippayuttassa dhammassa ārammaṇapaccayena paccayo – dānaṃ datvā sīlaṃ…pe… uposathakammaṃ katvā taṃ paccavekkhati; pubbe suciṇṇāni…pe… jhānā…pe… ariyā maggaṃ…pe… phalaṃ…pe… nibbānaṃ…pe… nibbānaṃ gotrabhussa, vodānassa, maggassa, phalassa, āvajjanāya ārammaṇapaccayena paccayo; ariyā āsavavippayutte pahīne kilese paccavekkhanti; vikkhambhite…pe… pubbe…pe… cakkhuṃ…pe… vatthuṃ āsavavippayutte khandhe aniccato dukkhato anattato vipassati. (Idha assādanā natthi) dibbena cakkhunā rūpaṃ passati, dibbāya sotadhātuyā saddaṃ suṇāti. Cetopariyañāṇena āsavavippayuttacittasamaṅgissa cittaṃ jānāti, ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa…pe… rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… āsavavippayuttā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya mohassa ārammaṇapaccayena paccayo. (1)
आसवविप्पयुत्तो धम्मो आसवसम्पयुत्तस्स धम्मस्स आरम्मणपच्चयेन पच्चयो – दानं दत्वा सीलं…पे॰… उपोसथकम्मं कत्वा तं अस्सादेति अभिनन्दति, तं आरब्भ रागो उप्पज्जति, दिट्ठि…पे॰… विचिकिच्छा…पे॰… उद्धच्चं…पे॰… दोमनस्सं उप्पज्जति; पुब्बे सुचिण्णानि…पे॰… झाना वुट्ठहित्वा झानं…पे॰… चक्खुं…पे॰… वत्थुं आसवविप्पयुत्ते खन्धे अस्सादेति अभिनन्दति, तं आरब्भ रागो…पे॰… दिट्ठि… दोमनस्सं… विचिकिच्छा… उद्धच्चं उप्पज्जति। (२)
Āsavavippayutto dhammo āsavasampayuttassa dhammassa ārammaṇapaccayena paccayo – dānaṃ datvā sīlaṃ…pe… uposathakammaṃ katvā taṃ assādeti abhinandati, taṃ ārabbha rāgo uppajjati, diṭṭhi…pe… vicikicchā…pe… uddhaccaṃ…pe… domanassaṃ uppajjati; pubbe suciṇṇāni…pe… jhānā vuṭṭhahitvā jhānaṃ…pe… cakkhuṃ…pe… vatthuṃ āsavavippayutte khandhe assādeti abhinandati, taṃ ārabbha rāgo…pe… diṭṭhi… domanassaṃ… vicikicchā… uddhaccaṃ uppajjati. (2)
आसवविप्पयुत्तो धम्मो आसवसम्पयुत्तस्स च आसवविप्पयुत्तस्स च धम्मस्स आरम्मणपच्चयेन पच्चयो – चक्खुं…पे॰… वत्थुं आसवविप्पयुत्ते खन्धे आरब्भ दोमनस्ससहगता विचिकिच्छासहगता उद्धच्चसहगता खन्धा च मोहो च उप्पज्जन्ति। (३)
Āsavavippayutto dhammo āsavasampayuttassa ca āsavavippayuttassa ca dhammassa ārammaṇapaccayena paccayo – cakkhuṃ…pe… vatthuṃ āsavavippayutte khandhe ārabbha domanassasahagatā vicikicchāsahagatā uddhaccasahagatā khandhā ca moho ca uppajjanti. (3)
७९. आसवसम्पयुत्तो च आसवविप्पयुत्तो च धम्मा आसवसम्पयुत्तस्स धम्मस्स आरम्मणपच्चयेन पच्चयो – दोमनस्ससहगते विचिकिच्छासहगते उद्धच्चसहगते खन्धे च मोहञ्च आरब्भ आसवसम्पयुत्ता खन्धा उप्पज्जन्ति। (१)
79. Āsavasampayutto ca āsavavippayutto ca dhammā āsavasampayuttassa dhammassa ārammaṇapaccayena paccayo – domanassasahagate vicikicchāsahagate uddhaccasahagate khandhe ca mohañca ārabbha āsavasampayuttā khandhā uppajjanti. (1)
आसवसम्पयुत्तो च आसवविप्पयुत्तो च धम्मा आसवविप्पयुत्तस्स धम्मस्स आरम्मणपच्चयेन पच्चयो – दोमनस्ससहगते विचिकिच्छासहगते उद्धच्चसहगते खन्धे च मोहञ्च आरब्भ आसवविप्पयुत्ता खन्धा च मोहो च उप्पज्जन्ति। (२)
Āsavasampayutto ca āsavavippayutto ca dhammā āsavavippayuttassa dhammassa ārammaṇapaccayena paccayo – domanassasahagate vicikicchāsahagate uddhaccasahagate khandhe ca mohañca ārabbha āsavavippayuttā khandhā ca moho ca uppajjanti. (2)
आसवसम्पयुत्तो च आसवविप्पयुत्तो च धम्मा आसवसम्पयुत्तस्स च आसवविप्पयुत्तस्स च धम्मस्स आरम्मणपच्चयेन पच्चयो – दोमनस्ससहगते विचिकिच्छासहगते उद्धच्चसहगते खन्धे च मोहञ्च आरब्भ दोमनस्ससहगता विचिकिच्छासहगता उद्धच्चसहगता खन्धा च मोहो च उप्पज्जन्ति। (३)
Āsavasampayutto ca āsavavippayutto ca dhammā āsavasampayuttassa ca āsavavippayuttassa ca dhammassa ārammaṇapaccayena paccayo – domanassasahagate vicikicchāsahagate uddhaccasahagate khandhe ca mohañca ārabbha domanassasahagatā vicikicchāsahagatā uddhaccasahagatā khandhā ca moho ca uppajjanti. (3)
अधिपतिपच्चयो
Adhipatipaccayo
८०. आसवसम्पयुत्तो धम्मो आसवसम्पयुत्तस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – आसवसम्पयुत्ते खन्धे गरुं कत्वा आसवसम्पयुत्तका खन्धा उप्पज्जन्ति। सहजाताधिपति – आसवसम्पयुत्ताधिपति सम्पयुत्तकानं खन्धानं अधिपतिपच्चयेन पच्चयो। (१)
80. Āsavasampayutto dhammo āsavasampayuttassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – āsavasampayutte khandhe garuṃ katvā āsavasampayuttakā khandhā uppajjanti. Sahajātādhipati – āsavasampayuttādhipati sampayuttakānaṃ khandhānaṃ adhipatipaccayena paccayo. (1)
आसवसम्पयुत्तो धम्मो आसवविप्पयुत्तस्स धम्मस्स अधिपतिपच्चयेन पच्चयो। सहजाताधिपति – आसवसम्पयुत्ताधिपति चित्तसमुट्ठानानं रूपानं अधिपतिपच्चयेन पच्चयो; दोमनस्ससहगताधिपति मोहस्स चित्तसमुट्ठानानञ्च रूपानं अधिपतिपच्चयेन पच्चयो। (२)
Āsavasampayutto dhammo āsavavippayuttassa dhammassa adhipatipaccayena paccayo. Sahajātādhipati – āsavasampayuttādhipati cittasamuṭṭhānānaṃ rūpānaṃ adhipatipaccayena paccayo; domanassasahagatādhipati mohassa cittasamuṭṭhānānañca rūpānaṃ adhipatipaccayena paccayo. (2)
आसवसम्पयुत्तो धम्मो आसवसम्पयुत्तस्स च आसवविप्पयुत्तस्स च धम्मस्स अधिपतिपच्चयेन पच्चयो। सहजाताधिपति – आसवसम्पयुत्ताधिपति सम्पयुत्तकानं खन्धानं चित्तसमुट्ठानानञ्च रूपानं अधिपतिपच्चयेन पच्चयो; दोमनस्ससहगताधिपति सम्पयुत्तकानं खन्धानं मोहस्स च चित्तसमुट्ठानानञ्च रूपानं अधिपतिपच्चयेन पच्चयो। (३)
Āsavasampayutto dhammo āsavasampayuttassa ca āsavavippayuttassa ca dhammassa adhipatipaccayena paccayo. Sahajātādhipati – āsavasampayuttādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo; domanassasahagatādhipati sampayuttakānaṃ khandhānaṃ mohassa ca cittasamuṭṭhānānañca rūpānaṃ adhipatipaccayena paccayo. (3)
८१. आसवविप्पयुत्तो धम्मो आसवविप्पयुत्तस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – दानं दत्वा, सीलं…पे॰… उपोसथकम्मं कत्वा तं गरुं कत्वा पच्चवेक्खति; पुब्बे सुचिण्णानि…पे॰… झाना…पे॰… अरिया मग्गा वुट्ठहित्वा मग्गं…पे॰… फलं…पे॰… निब्बानं गरुं कत्वा पच्चवेक्खन्ति; निब्बानं गोत्रभुस्स, वोदानस्स, मग्गस्स, फलस्स अधिपतिपच्चयेन पच्चयो। सहजाताधिपति – आसवविप्पयुत्ताधिपति सम्पयुत्तकानं खन्धानं चित्तसमुट्ठानानञ्च रूपानं अधिपतिपच्चयेन पच्चयो। (१)
81. Āsavavippayutto dhammo āsavavippayuttassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā, sīlaṃ…pe… uposathakammaṃ katvā taṃ garuṃ katvā paccavekkhati; pubbe suciṇṇāni…pe… jhānā…pe… ariyā maggā vuṭṭhahitvā maggaṃ…pe… phalaṃ…pe… nibbānaṃ garuṃ katvā paccavekkhanti; nibbānaṃ gotrabhussa, vodānassa, maggassa, phalassa adhipatipaccayena paccayo. Sahajātādhipati – āsavavippayuttādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)
आसवविप्पयुत्तो धम्मो आसवसम्पयुत्तस्स धम्मस्स अधिपतिपच्चयेन पच्चयो। आरम्मणाधिपति – दानं दत्वा सीलं…पे॰… उपोसथकम्मं कत्वा तं गरुं कत्वा अस्सादेति अभिनन्दति, तं गरुं कत्वा रागो उप्पज्जति, दिट्ठि उप्पज्जति, पुब्बे सुचिण्णानि…पे॰… झाना…पे॰… चक्खुं…पे॰… वत्थुं आसवविप्पयुत्ते खन्धे गरुं कत्वा अस्सादेति अभिनन्दति, तं गरुं कत्वा रागो उप्पज्जति, दिट्ठि उप्पज्जति। (२)
Āsavavippayutto dhammo āsavasampayuttassa dhammassa adhipatipaccayena paccayo. Ārammaṇādhipati – dānaṃ datvā sīlaṃ…pe… uposathakammaṃ katvā taṃ garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati, pubbe suciṇṇāni…pe… jhānā…pe… cakkhuṃ…pe… vatthuṃ āsavavippayutte khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. (2)
अनन्तरपच्चयो
Anantarapaccayo
८२. आसवसम्पयुत्तो धम्मो आसवसम्पयुत्तस्स धम्मस्स अनन्तरपच्चयेन पच्चयो – पुरिमा पुरिमा आसवसम्पयुत्तका खन्धा पच्छिमानं पच्छिमानं आसवसम्पयुत्तकानं खन्धानं अनन्तरपच्चयेन पच्चयो। (१)
82. Āsavasampayutto dhammo āsavasampayuttassa dhammassa anantarapaccayena paccayo – purimā purimā āsavasampayuttakā khandhā pacchimānaṃ pacchimānaṃ āsavasampayuttakānaṃ khandhānaṃ anantarapaccayena paccayo. (1)
आसवसम्पयुत्तो धम्मो आसवविप्पयुत्तस्स धम्मस्स अनन्तरपच्चयेन पच्चयो – पुरिमा पुरिमा दोमनस्ससहगता विचिकिच्छासहगता उद्धच्चसहगता खन्धा पच्छिमस्स पच्छिमस्स दोमनस्ससहगतस्स विचिकिच्छासहगतस्स उद्धच्चसहगतस्स मोहस्स अनन्तरपच्चयेन पच्चयो; आसवसम्पयुत्ता खन्धा वुट्ठानस्स अनन्तरपच्चयेन पच्चयो। (२)
Āsavasampayutto dhammo āsavavippayuttassa dhammassa anantarapaccayena paccayo – purimā purimā domanassasahagatā vicikicchāsahagatā uddhaccasahagatā khandhā pacchimassa pacchimassa domanassasahagatassa vicikicchāsahagatassa uddhaccasahagatassa mohassa anantarapaccayena paccayo; āsavasampayuttā khandhā vuṭṭhānassa anantarapaccayena paccayo. (2)
आसवसम्पयुत्तो धम्मो आसवसम्पयुत्तस्स च आसवविप्पयुत्तस्स च धम्मस्स अनन्तरपच्चयेन पच्चयो – पुरिमा पुरिमा दोमनस्ससहगता विचिकिच्छासहगता उद्धच्चसहगता खन्धा पच्छिमानं पच्छिमानं दोमनस्ससहगतानं विचिकिच्छासहगतानं उद्धच्चसहगतानं खन्धानं मोहस्स च अनन्तरपच्चयेन पच्चयो। (३)
Āsavasampayutto dhammo āsavasampayuttassa ca āsavavippayuttassa ca dhammassa anantarapaccayena paccayo – purimā purimā domanassasahagatā vicikicchāsahagatā uddhaccasahagatā khandhā pacchimānaṃ pacchimānaṃ domanassasahagatānaṃ vicikicchāsahagatānaṃ uddhaccasahagatānaṃ khandhānaṃ mohassa ca anantarapaccayena paccayo. (3)
८३. आसवविप्पयुत्तो धम्मो आसवविप्पयुत्तस्स धम्मस्स अनन्तरपच्चयेन पच्चयो – पुरिमो पुरिमो दोमनस्ससहगतो विचिकिच्छासहगतो उद्धच्चसहगतो मोहो पच्छिमस्स पच्छिमस्स दोमनस्ससहगतस्स विचिकिच्छासहगतस्स उद्धच्चसहगतस्स मोहस्स अनन्तरपच्चयेन पच्चयो; पुरिमा पुरिमा आसवविप्पयुत्ता खन्धा पच्छिमानं पच्छिमानं आसवविप्पयुत्तानं खन्धानं अनन्तरपच्चयेन पच्चयो; अनुलोमं गोत्रभुस्स…पे॰… फलसमापत्तिया अनन्तरपच्चयेन पच्चयो। (१)
83. Āsavavippayutto dhammo āsavavippayuttassa dhammassa anantarapaccayena paccayo – purimo purimo domanassasahagato vicikicchāsahagato uddhaccasahagato moho pacchimassa pacchimassa domanassasahagatassa vicikicchāsahagatassa uddhaccasahagatassa mohassa anantarapaccayena paccayo; purimā purimā āsavavippayuttā khandhā pacchimānaṃ pacchimānaṃ āsavavippayuttānaṃ khandhānaṃ anantarapaccayena paccayo; anulomaṃ gotrabhussa…pe… phalasamāpattiyā anantarapaccayena paccayo. (1)
आसवविप्पयुत्तो धम्मो आसवसम्पयुत्तस्स धम्मस्स अनन्तरपच्चयेन पच्चयो – पुरिमो पुरिमो दोमनस्ससहगतो विचिकिच्छासहगतो उद्धच्चसहगतो मोहो पच्छिमानं पच्छिमानं दोमनस्ससहगतानं विचिकिच्छासहगतानं उद्धच्चसहगतानं खन्धानं अनन्तरपच्चयेन पच्चयो; आवज्जना आसवसम्पयुत्तकानं खन्धानं अनन्तरपच्चयेन पच्चयो। (२)
Āsavavippayutto dhammo āsavasampayuttassa dhammassa anantarapaccayena paccayo – purimo purimo domanassasahagato vicikicchāsahagato uddhaccasahagato moho pacchimānaṃ pacchimānaṃ domanassasahagatānaṃ vicikicchāsahagatānaṃ uddhaccasahagatānaṃ khandhānaṃ anantarapaccayena paccayo; āvajjanā āsavasampayuttakānaṃ khandhānaṃ anantarapaccayena paccayo. (2)
आसवविप्पयुत्तो धम्मो आसवसम्पयुत्तस्स च आसवविप्पयुत्तस्स च धम्मस्स अनन्तरपच्चयेन पच्चयो – पुरिमो पुरिमो दोमनस्ससहगतो विचिकिच्छासहगतो उद्धच्चसहगतो मोहो पच्छिमानं पच्छिमानं दोमनस्ससहगतानं विचिकिच्छासहगतानं उद्धच्चसहगतानं खन्धानं मोहस्स च अनन्तरपच्चयेन पच्चयो; आवज्जना दोमनस्ससहगतानं विचिकिच्छासहगतानं उद्धच्चसहगतानं खन्धानं मोहस्स च अनन्तरपच्चयेन पच्चयो। (३)
Āsavavippayutto dhammo āsavasampayuttassa ca āsavavippayuttassa ca dhammassa anantarapaccayena paccayo – purimo purimo domanassasahagato vicikicchāsahagato uddhaccasahagato moho pacchimānaṃ pacchimānaṃ domanassasahagatānaṃ vicikicchāsahagatānaṃ uddhaccasahagatānaṃ khandhānaṃ mohassa ca anantarapaccayena paccayo; āvajjanā domanassasahagatānaṃ vicikicchāsahagatānaṃ uddhaccasahagatānaṃ khandhānaṃ mohassa ca anantarapaccayena paccayo. (3)
८४. आसवसम्पयुत्तो च आसवविप्पयुत्तो च धम्मा आसवसम्पयुत्तस्स धम्मस्स अनन्तरपच्चयेन पच्चयो – पुरिमा पुरिमा दोमनस्ससहगता विचिकिच्छासहगता उद्धच्चसहगता खन्धा च मोहो च पच्छिमानं पच्छिमानं दोमनस्ससहगतानं विचिकिच्छासहगतानं उद्धच्चसहगतानं खन्धानं अनन्तरपच्चयेन पच्चयो। (१)
84. Āsavasampayutto ca āsavavippayutto ca dhammā āsavasampayuttassa dhammassa anantarapaccayena paccayo – purimā purimā domanassasahagatā vicikicchāsahagatā uddhaccasahagatā khandhā ca moho ca pacchimānaṃ pacchimānaṃ domanassasahagatānaṃ vicikicchāsahagatānaṃ uddhaccasahagatānaṃ khandhānaṃ anantarapaccayena paccayo. (1)
आसवसम्पयुत्तो च आसवविप्पयुत्तो च धम्मा आसवविप्पयुत्तस्स धम्मस्स अनन्तरपच्चयेन पच्चयो – पुरिमा पुरिमा दोमनस्ससहगता विचिकिच्छासहगता उद्धच्चसहगता खन्धा च मोहो च पच्छिमस्स पच्छिमस्स दोमनस्ससहगतस्स विचिकिच्छासहगतस्स उद्धच्चसहगतस्स मोहस्स अनन्तरपच्चयेन पच्चयो; दोमनस्ससहगता विचिकिच्छासहगता उद्धच्चसहगता खन्धा च मोहो च वुट्ठानस्स अनन्तरपच्चयेन पच्चयो। (२)
Āsavasampayutto ca āsavavippayutto ca dhammā āsavavippayuttassa dhammassa anantarapaccayena paccayo – purimā purimā domanassasahagatā vicikicchāsahagatā uddhaccasahagatā khandhā ca moho ca pacchimassa pacchimassa domanassasahagatassa vicikicchāsahagatassa uddhaccasahagatassa mohassa anantarapaccayena paccayo; domanassasahagatā vicikicchāsahagatā uddhaccasahagatā khandhā ca moho ca vuṭṭhānassa anantarapaccayena paccayo. (2)
आसवसम्पयुत्तो च आसवविप्पयुत्तो च धम्मा आसवसम्पयुत्तस्स च आसवविप्पयुत्तस्स च धम्मस्स अनन्तरपच्चयेन पच्चयो – पुरिमा पुरिमा दोमनस्ससहगता विचिकिच्छासहगता उद्धच्चसहगता खन्धा च मोहो च पच्छिमानं पच्छिमानं दोमनस्ससहगतानं विचिकिच्छासहगतानं उद्धच्चसहगतानं खन्धानं मोहस्स च अनन्तरपच्चयेन पच्चयो। (३)
Āsavasampayutto ca āsavavippayutto ca dhammā āsavasampayuttassa ca āsavavippayuttassa ca dhammassa anantarapaccayena paccayo – purimā purimā domanassasahagatā vicikicchāsahagatā uddhaccasahagatā khandhā ca moho ca pacchimānaṃ pacchimānaṃ domanassasahagatānaṃ vicikicchāsahagatānaṃ uddhaccasahagatānaṃ khandhānaṃ mohassa ca anantarapaccayena paccayo. (3)
समनन्तरपच्चयादि
Samanantarapaccayādi
८५. आसवसम्पयुत्तो धम्मो आसवसम्पयुत्तस्स धम्मस्स समनन्तरपच्चयेन पच्चयो… सहजातपच्चयेन पच्चयो… नव… अञ्ञमञ्ञपच्चयेन पच्चयो… छ… निस्सयपच्चयेन पच्चयो… नव।
85. Āsavasampayutto dhammo āsavasampayuttassa dhammassa samanantarapaccayena paccayo… sahajātapaccayena paccayo… nava… aññamaññapaccayena paccayo… cha… nissayapaccayena paccayo… nava.
उपनिस्सयपच्चयो
Upanissayapaccayo
८६. आसवसम्पयुत्तो धम्मो आसवसम्पयुत्तस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – आसवसम्पयुत्ता खन्धा आसवसम्पयुत्तानं खन्धानं उपनिस्सयपच्चयेन पच्चयो। (१)
86. Āsavasampayutto dhammo āsavasampayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – āsavasampayuttā khandhā āsavasampayuttānaṃ khandhānaṃ upanissayapaccayena paccayo. (1)
आसवसम्पयुत्तो धम्मो आसवविप्पयुत्तस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे॰…। पकतूपनिस्सयो – आसवसम्पयुत्ता खन्धा आसवविप्पयुत्तानं खन्धानं मोहस्स च उपनिस्सयपच्चयेन पच्चयो। (२)
Āsavasampayutto dhammo āsavavippayuttassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – āsavasampayuttā khandhā āsavavippayuttānaṃ khandhānaṃ mohassa ca upanissayapaccayena paccayo. (2)
आसवसम्पयुत्तो धम्मो आसवसम्पयुत्तस्स च आसवविप्पयुत्तस्स च धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे॰…। पकतूपनिस्सयो – आसवसम्पयुत्तका खन्धा दोमनस्ससहगतानं विचिकिच्छासहगतानं उद्धच्चसहगतानं खन्धानं मोहस्स च उपनिस्सयपच्चयेन पच्चयो। (३)
Āsavasampayutto dhammo āsavasampayuttassa ca āsavavippayuttassa ca dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – āsavasampayuttakā khandhā domanassasahagatānaṃ vicikicchāsahagatānaṃ uddhaccasahagatānaṃ khandhānaṃ mohassa ca upanissayapaccayena paccayo. (3)
८७. आसवविप्पयुत्तो धम्मो आसवविप्पयुत्तस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – सद्धं उपनिस्साय दानं देति…पे॰… सीलं…पे॰… पञ्ञं… कायिकं सुखं…पे॰… सेनासनं… मोहं उपनिस्साय दानं देति…पे॰… समापत्तिं उप्पादेति; सद्धा…पे॰… पञ्ञा… कायिकं सुखं… कायिकं दुक्खं… मोहो च सद्धाय…पे॰… मोहस्स च उपनिस्सयपच्चयेन पच्चयो। (१)
87. Āsavavippayutto dhammo āsavavippayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti…pe… sīlaṃ…pe… paññaṃ… kāyikaṃ sukhaṃ…pe… senāsanaṃ… mohaṃ upanissāya dānaṃ deti…pe… samāpattiṃ uppādeti; saddhā…pe… paññā… kāyikaṃ sukhaṃ… kāyikaṃ dukkhaṃ… moho ca saddhāya…pe… mohassa ca upanissayapaccayena paccayo. (1)
आसवविप्पयुत्तो धम्मो आसवसम्पयुत्तस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – सद्धं उपनिस्साय मानं जप्पेति, दिट्ठिं गण्हाति; सीलं…पे॰… पञ्ञं… कायिकं सुखं… कायिकं दुक्खं… उतुं… भोजनं… सेनासनं… मोहं उपनिस्साय पाणं हनति…पे॰… सङ्घं भिन्दति; सद्धा…पे॰… मोहो च रागस्स…पे॰… पत्थनाय उपनिस्सयपच्चयेन पच्चयो। (२)
Āsavavippayutto dhammo āsavasampayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya mānaṃ jappeti, diṭṭhiṃ gaṇhāti; sīlaṃ…pe… paññaṃ… kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ… mohaṃ upanissāya pāṇaṃ hanati…pe… saṅghaṃ bhindati; saddhā…pe… moho ca rāgassa…pe… patthanāya upanissayapaccayena paccayo. (2)
आसवविप्पयुत्तो धम्मो आसवसम्पयुत्तस्स च आसवविप्पयुत्तस्स च धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे॰…। पकतूपनिस्सयो – सद्धा… सीलं…पे॰… मोहो दोमनस्ससहगतानं विचिकिच्छासहगतानं उद्धच्चसहगतानं खन्धानं मोहस्स च उपनिस्सयपच्चयेन पच्चयो। (३)
Āsavavippayutto dhammo āsavasampayuttassa ca āsavavippayuttassa ca dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – saddhā… sīlaṃ…pe… moho domanassasahagatānaṃ vicikicchāsahagatānaṃ uddhaccasahagatānaṃ khandhānaṃ mohassa ca upanissayapaccayena paccayo. (3)
८८. आसवसम्पयुत्तो च आसवविप्पयुत्तो च धम्मा आसवसम्पयुत्तस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो …पे॰…। पकतूपनिस्सयो – दोमनस्ससहगता विचिकिच्छासहगता उद्धच्चसहगता खन्धा च मोहो च आसवसम्पयुत्तकानं खन्धानं उपनिस्सयपच्चयेन पच्चयो। (पुच्छितब्बं मूलं) दोमनस्ससहगता विचिकिच्छासहगता उद्धच्चसहगता खन्धा च मोहो च आसवसम्पयुत्तकानं खन्धानं उपनिस्सयपच्चयेन पच्चयो। (१)
88. Āsavasampayutto ca āsavavippayutto ca dhammā āsavasampayuttassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – domanassasahagatā vicikicchāsahagatā uddhaccasahagatā khandhā ca moho ca āsavasampayuttakānaṃ khandhānaṃ upanissayapaccayena paccayo. (Pucchitabbaṃ mūlaṃ) domanassasahagatā vicikicchāsahagatā uddhaccasahagatā khandhā ca moho ca āsavasampayuttakānaṃ khandhānaṃ upanissayapaccayena paccayo. (1)
आसवसम्पयुत्तो च आसवविप्पयुत्तो च धम्मा आसवसम्पयुत्तस्स च आसवविप्पयुत्तस्स च धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे॰…। पकतूपनिस्सयो – दोमनस्ससहगता विचिकिच्छासहगता उद्धच्चसहगता खन्धा च मोहो च दोमनस्ससहगतानं विचिकिच्छासहगतानं उद्धच्चसहगतानं खन्धानं मोहस्स च उपनिस्सयपच्चयेन पच्चयो। (२)
Āsavasampayutto ca āsavavippayutto ca dhammā āsavasampayuttassa ca āsavavippayuttassa ca dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – domanassasahagatā vicikicchāsahagatā uddhaccasahagatā khandhā ca moho ca domanassasahagatānaṃ vicikicchāsahagatānaṃ uddhaccasahagatānaṃ khandhānaṃ mohassa ca upanissayapaccayena paccayo. (2)
पुरेजातपच्चयो
Purejātapaccayo
८९. आसवविप्पयुत्तो धम्मो आसवविप्पयुत्तस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं। आरम्मणपुरेजातं – चक्खुं…पे॰… वत्थुं अनिच्चतो दुक्खतो अनत्ततो विपस्सति; दिब्बेन चक्खुना रूपं पस्सति, दिब्बाय सोतधातुया सद्दं सुणाति। रूपायतनं चक्खुविञ्ञाणस्स…पे॰… फोट्ठब्बायतनं कायविञ्ञाणस्स पुरेजातपच्चयेन पच्चयो। वत्थुपुरेजातं – चक्खायतनं चक्खुविञ्ञाणस्स…पे॰… कायायतनं कायविञ्ञाणस्स…पे॰… वत्थु आसवविप्पयुत्तानं खन्धानं मोहस्स च पुरेजातपच्चयेन पच्चयो। (१)
89. Āsavavippayutto dhammo āsavavippayuttassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ aniccato dukkhato anattato vipassati; dibbena cakkhunā rūpaṃ passati, dibbāya sotadhātuyā saddaṃ suṇāti. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu āsavavippayuttānaṃ khandhānaṃ mohassa ca purejātapaccayena paccayo. (1)
आसवविप्पयुत्तो धम्मो आसवसम्पयुत्तस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं। आरम्मणपुरेजातं – चक्खुं…पे॰… वत्थुं अस्सादेति अभिनन्दति, तं आरब्भ रागो उप्पज्जति…पे॰… दोमनस्सं उप्पज्जति। वत्थुपुरेजातं – वत्थु आसवसम्पयुत्तकानं खन्धानं पुरेजातपच्चयेन पच्चयो। (२)
Āsavavippayutto dhammo āsavasampayuttassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati, taṃ ārabbha rāgo uppajjati…pe… domanassaṃ uppajjati. Vatthupurejātaṃ – vatthu āsavasampayuttakānaṃ khandhānaṃ purejātapaccayena paccayo. (2)
आसवविप्पयुत्तो धम्मो आसवसम्पयुत्तस्स च आसवविप्पयुत्तस्स च धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं। आरम्मणपुरेजातं – चक्खुं…पे॰… वत्थुं आरब्भ दोमनस्ससहगता विचिकिच्छासहगता उद्धच्चसहगता खन्धा च मोहो च उप्पज्जन्ति । वत्थुपुरेजातं – वत्थु दोमनस्ससहगतानं विचिकिच्छासहगतानं उद्धच्चसहगतानं खन्धानं मोहस्स च पुरेजातपच्चयेन पच्चयो। (३)
Āsavavippayutto dhammo āsavasampayuttassa ca āsavavippayuttassa ca dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ ārabbha domanassasahagatā vicikicchāsahagatā uddhaccasahagatā khandhā ca moho ca uppajjanti . Vatthupurejātaṃ – vatthu domanassasahagatānaṃ vicikicchāsahagatānaṃ uddhaccasahagatānaṃ khandhānaṃ mohassa ca purejātapaccayena paccayo. (3)
पच्छाजातपच्चयो
Pacchājātapaccayo
९०. आसवसम्पयुत्तो धम्मो आसवविप्पयुत्तस्स धम्मस्स पच्छाजातपच्चयेन पच्चयो – पच्छाजाता आसवसम्पयुत्तका खन्धा पुरेजातस्स इमस्स कायस्स पच्छाजातपच्चयेन पच्चयो। (१)
90. Āsavasampayutto dhammo āsavavippayuttassa dhammassa pacchājātapaccayena paccayo – pacchājātā āsavasampayuttakā khandhā purejātassa imassa kāyassa pacchājātapaccayena paccayo. (1)
आसवविप्पयुत्तो धम्मो आसवविप्पयुत्तस्स धम्मस्स पच्छाजातपच्चयेन पच्चयो – पच्छाजाता आसवविप्पयुत्ता खन्धा च मोहो च पुरेजातस्स इमस्स कायस्स पच्छाजातपच्चयेन पच्चयो। (१)
Āsavavippayutto dhammo āsavavippayuttassa dhammassa pacchājātapaccayena paccayo – pacchājātā āsavavippayuttā khandhā ca moho ca purejātassa imassa kāyassa pacchājātapaccayena paccayo. (1)
आसवसम्पयुत्तो च आसवविप्पयुत्तो च धम्मा आसवविप्पयुत्तस्स धम्मस्स पच्छाजातपच्चयेन पच्चयो – पच्छाजाता दोमनस्ससहगता विचिकिच्छासहगता उद्धच्चसहगता खन्धा च मोहो च पुरेजातस्स इमस्स कायस्स पच्छाजातपच्चयेन पच्चयो। (१)
Āsavasampayutto ca āsavavippayutto ca dhammā āsavavippayuttassa dhammassa pacchājātapaccayena paccayo – pacchājātā domanassasahagatā vicikicchāsahagatā uddhaccasahagatā khandhā ca moho ca purejātassa imassa kāyassa pacchājātapaccayena paccayo. (1)
आसेवनपच्चयो
Āsevanapaccayo
९१. आसवसम्पयुत्तो धम्मो आसवसम्पयुत्तस्स धम्मस्स आसेवनपच्चयेन पच्चयो… नव (आवज्जनापि वुट्ठानम्पि नत्थि )।
91. Āsavasampayutto dhammo āsavasampayuttassa dhammassa āsevanapaccayena paccayo… nava (āvajjanāpi vuṭṭhānampi natthi ).
कम्मपच्चयो
Kammapaccayo
९२. आसवसम्पयुत्तो धम्मो आसवसम्पयुत्तस्स धम्मस्स कम्मपच्चयेन पच्चयो – आसवसम्पयुत्तका चेतना सम्पयुत्तकानं खन्धानं कम्मपच्चयेन पच्चयो। (१)
92. Āsavasampayutto dhammo āsavasampayuttassa dhammassa kammapaccayena paccayo – āsavasampayuttakā cetanā sampayuttakānaṃ khandhānaṃ kammapaccayena paccayo. (1)
आसवसम्पयुत्तो धम्मो आसवविप्पयुत्तस्स धम्मस्स कम्मपच्चयेन पच्चयो – सहजाता, नानाक्खणिका। सहजाता – आसवसम्पयुत्ता चेतना चित्तसमुट्ठानानं रूपानं कम्मपच्चयेन पच्चयो; दोमनस्ससहगता विचिकिच्छासहगता उद्धच्चसहगता चेतना मोहस्स चित्तसमुट्ठानानञ्च रूपानं कम्मपच्चयेन पच्चयो। नानाक्खणिका – आसवसम्पयुत्तका चेतना विपाकानं खन्धानं कटत्ता च रूपानं कम्मपच्चयेन पच्चयो। (२)
Āsavasampayutto dhammo āsavavippayuttassa dhammassa kammapaccayena paccayo – sahajātā, nānākkhaṇikā. Sahajātā – āsavasampayuttā cetanā cittasamuṭṭhānānaṃ rūpānaṃ kammapaccayena paccayo; domanassasahagatā vicikicchāsahagatā uddhaccasahagatā cetanā mohassa cittasamuṭṭhānānañca rūpānaṃ kammapaccayena paccayo. Nānākkhaṇikā – āsavasampayuttakā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (2)
आसवसम्पयुत्तो धम्मो आसवसम्पयुत्तस्स च आसवविप्पयुत्तस्स च धम्मस्स कम्मपच्चयेन पच्चयो – आसवसम्पयुत्ता चेतना सम्पयुत्तकानं खन्धानं चित्तसमुट्ठानानञ्च रूपानं कम्मपच्चयेन पच्चयो; दोमनस्ससहगता विचिकिच्छासहगता उद्धच्चसहगता चेतना सम्पयुत्तकानं खन्धानं मोहस्स च चित्तसमुट्ठानानञ्च रूपानं कम्मपच्चयेन पच्चयो। (३)
Āsavasampayutto dhammo āsavasampayuttassa ca āsavavippayuttassa ca dhammassa kammapaccayena paccayo – āsavasampayuttā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; domanassasahagatā vicikicchāsahagatā uddhaccasahagatā cetanā sampayuttakānaṃ khandhānaṃ mohassa ca cittasamuṭṭhānānañca rūpānaṃ kammapaccayena paccayo. (3)
आसवविप्पयुत्तो धम्मो आसवविप्पयुत्तस्स धम्मस्स कम्मपच्चयेन पच्चयो – सहजाता, नानाक्खणिका। सहजाता – आसवविप्पयुत्ता चेतना सम्पयुत्तकानं खन्धानं चित्तसमुट्ठानानञ्च रूपानं कम्मपच्चयेन पच्चयो; पटिसन्धिक्खणे…पे॰…। नानाक्खणिका आसवविप्पयुत्ता चेतना विपाकानं खन्धानं कटत्ता च रूपानं कम्मपच्चयेन पच्चयो। (१)
Āsavavippayutto dhammo āsavavippayuttassa dhammassa kammapaccayena paccayo – sahajātā, nānākkhaṇikā. Sahajātā – āsavavippayuttā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; paṭisandhikkhaṇe…pe…. Nānākkhaṇikā āsavavippayuttā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (1)
विपाकपच्चयो
Vipākapaccayo
९३. आसवविप्पयुत्तो धम्मो आसवविप्पयुत्तस्स धम्मस्स विपाकपच्चयेन पच्चयो… एकं।
93. Āsavavippayutto dhammo āsavavippayuttassa dhammassa vipākapaccayena paccayo… ekaṃ.
आहारपच्चयो
Āhārapaccayo
९४. आसवसम्पयुत्तो धम्मो आसवसम्पयुत्तस्स धम्मस्स आहारपच्चयेन पच्चयो – आसवसम्पयुत्ता आहारा सम्पयुत्तकानं खन्धानं आहारपच्चयेन पच्चयो। (१)
94. Āsavasampayutto dhammo āsavasampayuttassa dhammassa āhārapaccayena paccayo – āsavasampayuttā āhārā sampayuttakānaṃ khandhānaṃ āhārapaccayena paccayo. (1)
आसवसम्पयुत्तो धम्मो आसवविप्पयुत्तस्स धम्मस्स आहारपच्चयेन पच्चयो – आसवसम्पयुत्ता आहारा चित्तसमुट्ठानानं रूपानं आहारपच्चयेन पच्चयो; दोमनस्ससहगता विचिकिच्छासहगता उद्धच्चसहगता आहारा मोहस्स चित्तसमुट्ठानानञ्च रूपानं आहारपच्चयेन पच्चयो। (२)
Āsavasampayutto dhammo āsavavippayuttassa dhammassa āhārapaccayena paccayo – āsavasampayuttā āhārā cittasamuṭṭhānānaṃ rūpānaṃ āhārapaccayena paccayo; domanassasahagatā vicikicchāsahagatā uddhaccasahagatā āhārā mohassa cittasamuṭṭhānānañca rūpānaṃ āhārapaccayena paccayo. (2)
आसवसम्पयुत्तो धम्मो आसवसम्पयुत्तस्स च आसवविप्पयुत्तस्स च धम्मस्स आहारपच्चयेन पच्चयो – आसवसम्पयुत्ता आहारा सम्पयुत्तकानं खन्धानं चित्तसमुट्ठानानञ्च रूपानं आहारपच्चयेन पच्चयो; दोमनस्ससहगता विचिकिच्छासहगता उद्धच्चसहगता आहारा सम्पयुत्तकानं खन्धानं मोहस्स च चित्तसमुट्ठानानञ्च रूपानं आहारपच्चयेन पच्चयो। (३)
Āsavasampayutto dhammo āsavasampayuttassa ca āsavavippayuttassa ca dhammassa āhārapaccayena paccayo – āsavasampayuttā āhārā sampayuttakānaṃ khandhānaṃ cittasamuṭṭhānānañca rūpānaṃ āhārapaccayena paccayo; domanassasahagatā vicikicchāsahagatā uddhaccasahagatā āhārā sampayuttakānaṃ khandhānaṃ mohassa ca cittasamuṭṭhānānañca rūpānaṃ āhārapaccayena paccayo. (3)
९५. आसवविप्पयुत्तो धम्मो आसवविप्पयुत्तस्स धम्मस्स आहारपच्चयेन पच्चयो – आसवविप्पयुत्ता आहारा सम्पयुत्तकानं खन्धानं चित्तसमुट्ठानानञ्च रूपानं आहारपच्चयेन पच्चयो; पटिसन्धिक्खणे…पे॰… कबळीकारो आहारो इमस्स कायस्स आहारपच्चयेन पच्चयो। (१)
95. Āsavavippayutto dhammo āsavavippayuttassa dhammassa āhārapaccayena paccayo – āsavavippayuttā āhārā sampayuttakānaṃ khandhānaṃ cittasamuṭṭhānānañca rūpānaṃ āhārapaccayena paccayo; paṭisandhikkhaṇe…pe… kabaḷīkāro āhāro imassa kāyassa āhārapaccayena paccayo. (1)
इन्द्रियपच्चयादि
Indriyapaccayādi
९६. आसवसम्पयुत्तो धम्मो आसवसम्पयुत्तस्स धम्मस्स इन्द्रियपच्चयेन पच्चयो… चत्तारि… झानपच्चयेन पच्चयो… चत्तारि… मग्गपच्चयेन पच्चयो… चत्तारि… सम्पयुत्तपच्चयेन पच्चयो… छ।
96. Āsavasampayutto dhammo āsavasampayuttassa dhammassa indriyapaccayena paccayo… cattāri… jhānapaccayena paccayo… cattāri… maggapaccayena paccayo… cattāri… sampayuttapaccayena paccayo… cha.
विप्पयुत्तपच्चयो
Vippayuttapaccayo
९७. आसवसम्पयुत्तो धम्मो आसवविप्पयुत्तस्स धम्मस्स विप्पयुत्तपच्चयेन पच्चयो – सहजातं, पच्छाजातं। सहजाता – आसवसम्पयुत्ता खन्धा चित्तसमुट्ठानानं रूपानं विप्पयुत्तपच्चयेन पच्चयो। पच्छाजाता – आसवसम्पयुत्ता खन्धा पुरेजातस्स इमस्स कायस्स विप्पयुत्तपच्चयेन पच्चयो। (१)
97. Āsavasampayutto dhammo āsavavippayuttassa dhammassa vippayuttapaccayena paccayo – sahajātaṃ, pacchājātaṃ. Sahajātā – āsavasampayuttā khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – āsavasampayuttā khandhā purejātassa imassa kāyassa vippayuttapaccayena paccayo. (1)
आसवविप्पयुत्तो धम्मो आसवविप्पयुत्तस्स धम्मस्स विप्पयुत्तपच्चयेन पच्चयो – सहजातं, पुरेजातं, पच्छाजातं (संखित्तं। वित्थारेतब्बं)। (१)
Āsavavippayutto dhammo āsavavippayuttassa dhammassa vippayuttapaccayena paccayo – sahajātaṃ, purejātaṃ, pacchājātaṃ (saṃkhittaṃ. Vitthāretabbaṃ). (1)
९८. आसवविप्पयुत्तो धम्मो आसवसम्पयुत्तस्स धम्मस्स विप्पयुत्तपच्चयेन पच्चयो। पुरेजातं – वत्थु आसवसम्पयुत्तकानं खन्धानं विप्पयुत्तपच्चयेन पच्चयो। (१)
98. Āsavavippayutto dhammo āsavasampayuttassa dhammassa vippayuttapaccayena paccayo. Purejātaṃ – vatthu āsavasampayuttakānaṃ khandhānaṃ vippayuttapaccayena paccayo. (1)
आसवविप्पयुत्तो धम्मो आसवसम्पयुत्तस्स च आसवविप्पयुत्तस्स च धम्मस्स विप्पयुत्तपच्चयेन पच्चयो। पुरेजातं – वत्थु दोमनस्ससहगतानं विचिकिच्छासहगतानं उद्धच्चसहगतानं खन्धानं मोहस्स च विप्पयुत्तपच्चयेन पच्चयो। (२)
Āsavavippayutto dhammo āsavasampayuttassa ca āsavavippayuttassa ca dhammassa vippayuttapaccayena paccayo. Purejātaṃ – vatthu domanassasahagatānaṃ vicikicchāsahagatānaṃ uddhaccasahagatānaṃ khandhānaṃ mohassa ca vippayuttapaccayena paccayo. (2)
आसवसम्पयुत्तो च आसवविप्पयुत्तो च धम्मा आसवविप्पयुत्तस्स धम्मस्स विप्पयुत्तपच्चयेन पच्चयो – सहजातं, पच्छाजातं। सहजाता – दोमनस्ससहगता विचिकिच्छासहगता उद्धच्चसहगता खन्धा च मोहो च चित्तसमुट्ठानानं रूपानं विप्पयुत्तपच्चयेन पच्चयो। पच्छाजाता – दोमनस्ससहगता विचिकिच्छासहगता उद्धच्चसहगता खन्धा च मोहो च पुरेजातस्स इमस्स कायस्स विप्पयुत्तपच्चयेन पच्चयो। (१)
Āsavasampayutto ca āsavavippayutto ca dhammā āsavavippayuttassa dhammassa vippayuttapaccayena paccayo – sahajātaṃ, pacchājātaṃ. Sahajātā – domanassasahagatā vicikicchāsahagatā uddhaccasahagatā khandhā ca moho ca cittasamuṭṭhānānaṃ rūpānaṃ vippayuttapaccayena paccayo. Pacchājātā – domanassasahagatā vicikicchāsahagatā uddhaccasahagatā khandhā ca moho ca purejātassa imassa kāyassa vippayuttapaccayena paccayo. (1)
अत्थिपच्चयो
Atthipaccayo
९९. आसवसम्पयुत्तो धम्मो आसवसम्पयुत्तस्स धम्मस्स अत्थिपच्चयेन पच्चयो… एकं। (१)
99. Āsavasampayutto dhammo āsavasampayuttassa dhammassa atthipaccayena paccayo… ekaṃ. (1)
आसवसम्पयुत्तो धम्मो आसवविप्पयुत्तस्स धम्मस्स अत्थिपच्चयेन पच्चयो – सहजातं, पच्छाजातं। सहजाता – आसवसम्पयुत्ता खन्धा चित्तसमुट्ठानानं रूपानं अत्थिपच्चयेन पच्चयो; दोमनस्ससहगता विचिकिच्छासहगता उद्धच्चसहगता खन्धा मोहस्स च चित्तसमुट्ठानानञ्च रूपानं अत्थिपच्चयेन पच्चयो। पच्छाजाता – आसवसम्पयुत्ता खन्धा पुरेजातस्स इमस्स कायस्स अत्थिपच्चयेन पच्चयो। (२)
Āsavasampayutto dhammo āsavavippayuttassa dhammassa atthipaccayena paccayo – sahajātaṃ, pacchājātaṃ. Sahajātā – āsavasampayuttā khandhā cittasamuṭṭhānānaṃ rūpānaṃ atthipaccayena paccayo; domanassasahagatā vicikicchāsahagatā uddhaccasahagatā khandhā mohassa ca cittasamuṭṭhānānañca rūpānaṃ atthipaccayena paccayo. Pacchājātā – āsavasampayuttā khandhā purejātassa imassa kāyassa atthipaccayena paccayo. (2)
आसवसम्पयुत्तो धम्मो आसवसम्पयुत्तस्स च आसवविप्पयुत्तस्स च धम्मस्स अत्थिपच्चयेन पच्चयो (सहजातसदिसं)। (३)
Āsavasampayutto dhammo āsavasampayuttassa ca āsavavippayuttassa ca dhammassa atthipaccayena paccayo (sahajātasadisaṃ). (3)
१००. आसवविप्पयुत्तो धम्मो आसवविप्पयुत्तस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियं (संखित्तं, वित्थारेतब्बं)। (१)
100. Āsavavippayutto dhammo āsavavippayuttassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (saṃkhittaṃ, vitthāretabbaṃ). (1)
आसवविप्पयुत्तो धम्मो आसवसम्पयुत्तस्स धम्मस्स अत्थिपच्चयेन पच्चयो – सहजातं, पुरेजातं। सहजातो – दोमनस्ससहगतो विचिकिच्छासहगतो उद्धच्चसहगतो मोहो सम्पयुत्तकानं खन्धानं अत्थिपच्चयेन पच्चयो। पुरेजातं – चक्खुं…पे॰… वत्थुं अस्सादेति अभिनन्दति, तं आरब्भ रागो उप्पज्जति, दिट्ठि उप्पज्जति, विचिकिच्छा उप्पज्जति, उद्धच्चं उप्पज्जति, दोमनस्सं उप्पज्जति, वत्थु आसवसम्पयुत्तकानं खन्धानं अत्थिपच्चयेन पच्चयो। (२)
Āsavavippayutto dhammo āsavasampayuttassa dhammassa atthipaccayena paccayo – sahajātaṃ, purejātaṃ. Sahajāto – domanassasahagato vicikicchāsahagato uddhaccasahagato moho sampayuttakānaṃ khandhānaṃ atthipaccayena paccayo. Purejātaṃ – cakkhuṃ…pe… vatthuṃ assādeti abhinandati, taṃ ārabbha rāgo uppajjati, diṭṭhi uppajjati, vicikicchā uppajjati, uddhaccaṃ uppajjati, domanassaṃ uppajjati, vatthu āsavasampayuttakānaṃ khandhānaṃ atthipaccayena paccayo. (2)
आसवविप्पयुत्तो धम्मो आसवसम्पयुत्तस्स च आसवविप्पयुत्तस्स च धम्मस्स अत्थिपच्चयेन पच्चयो – सहजातं, पुरेजातं। सहजातो – दोमनस्ससहगतो विचिकिच्छासहगतो उद्धच्चसहगतो मोहो सम्पयुत्तकानं खन्धानं चित्तसमुट्ठानानञ्च रूपानं अत्थिपच्चयेन पच्चयो। पुरेजातं – चक्खुं…पे॰… वत्थुं आरब्भ दोमनस्ससहगता विचिकिच्छासहगता उद्धच्चसहगता खन्धा च मोहो च उप्पज्जन्ति। (३)
Āsavavippayutto dhammo āsavasampayuttassa ca āsavavippayuttassa ca dhammassa atthipaccayena paccayo – sahajātaṃ, purejātaṃ. Sahajāto – domanassasahagato vicikicchāsahagato uddhaccasahagato moho sampayuttakānaṃ khandhānaṃ cittasamuṭṭhānānañca rūpānaṃ atthipaccayena paccayo. Purejātaṃ – cakkhuṃ…pe… vatthuṃ ārabbha domanassasahagatā vicikicchāsahagatā uddhaccasahagatā khandhā ca moho ca uppajjanti. (3)
१०१. आसवसम्पयुत्तो च आसवविप्पयुत्तो च धम्मा आसवसम्पयुत्तस्स धम्मस्स अत्थिपच्चयेन पच्चयो – सहजातं, पुरेजातं। सहजातो – आसवसम्पयुत्तो एको खन्धो च वत्थु च तिण्णन्नं खन्धानं अत्थिपच्चयेन पच्चयो…पे॰… द्वे खन्धा च…पे॰… दोमनस्ससहगतो विचिकिच्छासहगतो उद्धच्चसहगतो एको खन्धो च मोहो च तिण्णन्नं खन्धानं अत्थिपच्चयेन पच्चयो; द्वे खन्धा च…पे॰…। (१)
101. Āsavasampayutto ca āsavavippayutto ca dhammā āsavasampayuttassa dhammassa atthipaccayena paccayo – sahajātaṃ, purejātaṃ. Sahajāto – āsavasampayutto eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā ca…pe… domanassasahagato vicikicchāsahagato uddhaccasahagato eko khandho ca moho ca tiṇṇannaṃ khandhānaṃ atthipaccayena paccayo; dve khandhā ca…pe…. (1)
आसवसम्पयुत्तो च आसवविप्पयुत्तो च धम्मा आसवविप्पयुत्तस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियं। सहजाता – आसवसम्पयुत्ता खन्धा च महाभूता च चित्तसमुट्ठानानं रूपानं अत्थिपच्चयेन पच्चयो; दोमनस्ससहगता विचिकिच्छासहगता उद्धच्चसहगता खन्धा च मोहो च चित्तसमुट्ठानानं रूपानं अत्थिपच्चयेन पच्चयो; दोमनस्ससहगता विचिकिच्छासहगता उद्धच्चसहगता खन्धा च वत्थु च मोहस्स अत्थिपच्चयेन पच्चयो। पच्छाजाता – आसवसम्पयुत्ता खन्धा च कबळीकारो आहारो च इमस्स कायस्स अत्थिपच्चयेन पच्चयो। पच्छाजाता – आसवसम्पयुत्ता खन्धा च रूपजीवितिन्द्रियञ्च कटत्तारूपानं अत्थिपच्चयेन पच्चयो। (२)
Āsavasampayutto ca āsavavippayutto ca dhammā āsavavippayuttassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajātā – āsavasampayuttā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo; domanassasahagatā vicikicchāsahagatā uddhaccasahagatā khandhā ca moho ca cittasamuṭṭhānānaṃ rūpānaṃ atthipaccayena paccayo; domanassasahagatā vicikicchāsahagatā uddhaccasahagatā khandhā ca vatthu ca mohassa atthipaccayena paccayo. Pacchājātā – āsavasampayuttā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – āsavasampayuttā khandhā ca rūpajīvitindriyañca kaṭattārūpānaṃ atthipaccayena paccayo. (2)
आसवसम्पयुत्तो च आसवविप्पयुत्तो च धम्मा आसवसम्पयुत्तस्स च आसवविप्पयुत्तस्स च धम्मस्स अत्थिपच्चयेन पच्चयो – सहजातं, पुरेजातं। सहजातो – दोमनस्ससहगतो विचिकिच्छासहगतो उद्धच्चसहगतो एको खन्धो च मोहो च तिण्णन्नं खन्धानं चित्तसमुट्ठानानञ्च रूपानं अत्थिपच्चयेन पच्चयो…पे॰… द्वे खन्धा च…पे॰…। सहजातो – दोमनस्ससहगतो विचिकिच्छासहगतो उद्धच्चसहगतो एको खन्धो च वत्थु च तिण्णन्नं खन्धानं मोहस्स च…पे॰… द्वे खन्धा च…पे॰…। (३)
Āsavasampayutto ca āsavavippayutto ca dhammā āsavasampayuttassa ca āsavavippayuttassa ca dhammassa atthipaccayena paccayo – sahajātaṃ, purejātaṃ. Sahajāto – domanassasahagato vicikicchāsahagato uddhaccasahagato eko khandho ca moho ca tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā ca…pe…. Sahajāto – domanassasahagato vicikicchāsahagato uddhaccasahagato eko khandho ca vatthu ca tiṇṇannaṃ khandhānaṃ mohassa ca…pe… dve khandhā ca…pe…. (3)
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
सुद्धं
Suddhaṃ
१०२. हेतुया नव, आरम्मणे नव, अधिपतिया पञ्च, अनन्तरे नव, समनन्तरे नव, सहजाते नव, अञ्ञमञ्ञे छ, निस्सये नव, उपनिस्सये नव, पुरेजाते तीणि, पच्छाजाते तीणि, आसेवने नव, कम्मे चत्तारि, विपाके एकं, आहारे चत्तारि, इन्द्रिये चत्तारि, झाने चत्तारि, मग्गे चत्तारि, सम्पयुत्ते छ, विप्पयुत्ते पञ्च, अत्थिया नव, नत्थिया नव, विगते नव, अविगते नव।
102. Hetuyā nava, ārammaṇe nava, adhipatiyā pañca, anantare nava, samanantare nava, sahajāte nava, aññamaññe cha, nissaye nava, upanissaye nava, purejāte tīṇi, pacchājāte tīṇi, āsevane nava, kamme cattāri, vipāke ekaṃ, āhāre cattāri, indriye cattāri, jhāne cattāri, magge cattāri, sampayutte cha, vippayutte pañca, atthiyā nava, natthiyā nava, vigate nava, avigate nava.
पच्चनीयुद्धारो
Paccanīyuddhāro
१०३. आसवसम्पयुत्तो धम्मो आसवसम्पयुत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (१)
103. Āsavasampayutto dhammo āsavasampayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)
आसवसम्पयुत्तो धम्मो आसवविप्पयुत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो। (२)
Āsavasampayutto dhammo āsavavippayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo… kammapaccayena paccayo. (2)
आसवसम्पयुत्तो धम्मो आसवसम्पयुत्तस्स च आसवविप्पयुत्तस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (३)
Āsavasampayutto dhammo āsavasampayuttassa ca āsavavippayuttassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)
१०४. आसवविप्पयुत्तो धम्मो आसवविप्पयुत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो। (१)
104. Āsavavippayutto dhammo āsavavippayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)
आसवविप्पयुत्तो धम्मो आसवसम्पयुत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो। (२)
Āsavavippayutto dhammo āsavasampayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (2)
आसवविप्पयुत्तो धम्मो आसवसम्पयुत्तस्स च आसवविप्पयुत्तस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो। (३)
Āsavavippayutto dhammo āsavasampayuttassa ca āsavavippayuttassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (3)
१०५. आसवसम्पयुत्तो च आसवविप्पयुत्तो च धम्मा आसवसम्पयुत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (१)
105. Āsavasampayutto ca āsavavippayutto ca dhammā āsavasampayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)
आसवसम्पयुत्तो च आसवविप्पयुत्तो च धम्मा आसवविप्पयुत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पच्छाजातपच्चयेन पच्चयो। (२)
Āsavasampayutto ca āsavavippayutto ca dhammā āsavavippayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)
आसवसम्पयुत्तो च आसवविप्पयुत्तो च धम्मा आसवसम्पयुत्तस्स च आसवविप्पयुत्तस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (३)
Āsavasampayutto ca āsavavippayutto ca dhammā āsavasampayuttassa ca āsavavippayuttassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
सुद्धं
Suddhaṃ
१०६. नहेतुया नव, नआरम्मणे नव, नअधिपतिया नव (सब्बत्थ नव), नोअविगते नव।
106. Nahetuyā nava, naārammaṇe nava, naadhipatiyā nava (sabbattha nava), noavigate nava.
३. पच्चयानुलोमपच्चनीयं
3. Paccayānulomapaccanīyaṃ
हेतुदुकं
Hetudukaṃ
१०७. हेतुपच्चया नआरम्मणे नव, नअधिपतिया नव…पे॰… नसमनन्तरे नव, नअञ्ञमञ्ञे तीणि, नउपनिस्सये नव…पे॰… नमग्गे नव, नसम्पयुत्ते तीणि, नविप्पयुत्ते छ, नोनत्थिया नव, नोविगते नव।
107. Hetupaccayā naārammaṇe nava, naadhipatiyā nava…pe… nasamanantare nava, naaññamaññe tīṇi, naupanissaye nava…pe… namagge nava, nasampayutte tīṇi, navippayutte cha, nonatthiyā nava, novigate nava.
४. पच्चयपच्चनीयानुलोमं
4. Paccayapaccanīyānulomaṃ
नहेतुदुकं
Nahetudukaṃ
१०८. नहेतुपच्चया आरम्मणे नव, अधिपतिया पञ्च…पे॰… अविगते नव।
108. Nahetupaccayā ārammaṇe nava, adhipatiyā pañca…pe… avigate nava.
पच्चनीयानुलोमं।
Paccanīyānulomaṃ.
आसवसम्पयुत्तदुकं निट्ठितं।
Āsavasampayuttadukaṃ niṭṭhitaṃ.
१७. आसवसासवदुकं
17. Āsavasāsavadukaṃ
१. पटिच्चवारो
1. Paṭiccavāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
१०९. आसवञ्चेव सासवञ्च धम्मं पटिच्च आसवो चेव सासवो च धम्मो उप्पज्जति हेतुपच्चया – कामासवं पटिच्च दिट्ठासवो अविज्जासवो (चक्कं बन्धितब्बं) भवासवं पटिच्च अविज्जासवो (चक्कं बन्धितब्बं) दिट्ठासवं पटिच्च अविज्जासवो। (१)
109. Āsavañceva sāsavañca dhammaṃ paṭicca āsavo ceva sāsavo ca dhammo uppajjati hetupaccayā – kāmāsavaṃ paṭicca diṭṭhāsavo avijjāsavo (cakkaṃ bandhitabbaṃ) bhavāsavaṃ paṭicca avijjāsavo (cakkaṃ bandhitabbaṃ) diṭṭhāsavaṃ paṭicca avijjāsavo. (1)
आसवञ्चेव सासवञ्च धम्मं पटिच्च सासवो चेव नो च आसवो धम्मो उप्पज्जति हेतुपच्चया – आसवे पटिच्च सम्पयुत्तका खन्धा चित्तसमुट्ठानञ्च रूपं। (२)
Āsavañceva sāsavañca dhammaṃ paṭicca sāsavo ceva no ca āsavo dhammo uppajjati hetupaccayā – āsave paṭicca sampayuttakā khandhā cittasamuṭṭhānañca rūpaṃ. (2)
आसवञ्चेव सासवञ्च धम्मं पटिच्च आसवो चेव सासवो च सासवो चेव नो च आसवो च धम्मा उप्पज्जन्ति हेतुपच्चया – कामासवं पटिच्च दिट्ठासवो अविज्जासवो सम्पयुत्तका खन्धा चित्तसमुट्ठानञ्च रूपं, भवासवं (चक्कं बन्धितब्बं)। (३)
Āsavañceva sāsavañca dhammaṃ paṭicca āsavo ceva sāsavo ca sāsavo ceva no ca āsavo ca dhammā uppajjanti hetupaccayā – kāmāsavaṃ paṭicca diṭṭhāsavo avijjāsavo sampayuttakā khandhā cittasamuṭṭhānañca rūpaṃ, bhavāsavaṃ (cakkaṃ bandhitabbaṃ). (3)
११०. सासवञ्चेव नो च आसवं धम्मं पटिच्च सासवो चेव नो च आसवो धम्मो उप्पज्जति हेतुपच्चया – सासवञ्चेव नो च आसवं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… पटिसन्धिक्खणे…पे॰… खन्धे पटिच्च वत्थु, वत्थुं पटिच्च खन्धा, एकं महाभूतं…पे॰…। (१)
110. Sāsavañceva no ca āsavaṃ dhammaṃ paṭicca sāsavo ceva no ca āsavo dhammo uppajjati hetupaccayā – sāsavañceva no ca āsavaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe…. (1)
सासवञ्चेव नो च आसवं धम्मं पटिच्च आसवो चेव सासवो च धम्मो उप्पज्जति हेतुपच्चया – सासवे चेव नो च आसवे खन्धे पटिच्च आसवा। (२)
Sāsavañceva no ca āsavaṃ dhammaṃ paṭicca āsavo ceva sāsavo ca dhammo uppajjati hetupaccayā – sāsave ceva no ca āsave khandhe paṭicca āsavā. (2)
सासवञ्चेव नो च आसवं धम्मं पटिच्च आसवो चेव सासवो च सासवो चेव नो च आसवो च धम्मा उप्पज्जन्ति हेतुपच्चया – सासवञ्चेव नो च आसवं एकं खन्धं पटिच्च तयो खन्धा आसवा च चित्तसमुट्ठानञ्च रूपं…पे॰… द्वे खन्धे…पे॰…। (३)
Sāsavañceva no ca āsavaṃ dhammaṃ paṭicca āsavo ceva sāsavo ca sāsavo ceva no ca āsavo ca dhammā uppajjanti hetupaccayā – sāsavañceva no ca āsavaṃ ekaṃ khandhaṃ paṭicca tayo khandhā āsavā ca cittasamuṭṭhānañca rūpaṃ…pe… dve khandhe…pe…. (3)
१११. आसवञ्चेव सासवञ्च सासवञ्चेव नो च आसवञ्च धम्मं पटिच्च आसवो चेव सासवो च धम्मो उप्पज्जति हेतुपच्चया – कामासवञ्च सम्पयुत्तके च खन्धे पटिच्च दिट्ठासवो अविज्जासवो (एवं चक्कं बन्धितब्बं)। (१)
111. Āsavañceva sāsavañca sāsavañceva no ca āsavañca dhammaṃ paṭicca āsavo ceva sāsavo ca dhammo uppajjati hetupaccayā – kāmāsavañca sampayuttake ca khandhe paṭicca diṭṭhāsavo avijjāsavo (evaṃ cakkaṃ bandhitabbaṃ). (1)
आसवञ्चेव सासवञ्च सासवञ्चेव नो च आसवञ्च धम्मं पटिच्च सासवो चेव नो च आसवो धम्मो उप्पज्जति हेतुपच्चया – सासवञ्चेव नो च आसवं एकं खन्धञ्च आसवे च पटिच्च तयो खन्धा चित्तसमुट्ठानञ्च रूपं…पे॰… द्वे खन्धे च…पे॰…। (२)
Āsavañceva sāsavañca sāsavañceva no ca āsavañca dhammaṃ paṭicca sāsavo ceva no ca āsavo dhammo uppajjati hetupaccayā – sāsavañceva no ca āsavaṃ ekaṃ khandhañca āsave ca paṭicca tayo khandhā cittasamuṭṭhānañca rūpaṃ…pe… dve khandhe ca…pe…. (2)
आसवञ्चेव सासवञ्च सासवञ्चेव नो च आसवञ्च धम्मं पटिच्च आसवो चेव सासवो च सासवो चेव नो च आसवो च धम्मा उप्पज्जन्ति हेतुपच्चया – सासवञ्चेव नो च आसवं एकं खन्धञ्च कामासवञ्च पटिच्च तयो खन्धा दिट्ठासवो अविज्जासवो चित्तसमुट्ठानञ्च रूपं…पे॰… द्वे खन्धे च…पे॰… (चक्कं। संखित्तं)। (३)
Āsavañceva sāsavañca sāsavañceva no ca āsavañca dhammaṃ paṭicca āsavo ceva sāsavo ca sāsavo ceva no ca āsavo ca dhammā uppajjanti hetupaccayā – sāsavañceva no ca āsavaṃ ekaṃ khandhañca kāmāsavañca paṭicca tayo khandhā diṭṭhāsavo avijjāsavo cittasamuṭṭhānañca rūpaṃ…pe… dve khandhe ca…pe… (cakkaṃ. Saṃkhittaṃ). (3)
२-६. सहजात-पच्चय-निस्सय-संसट्ठ-सम्पयुत्तवारो
2-6. Sahajāta-paccaya-nissaya-saṃsaṭṭha-sampayuttavāro
(एवं पटिच्चवारोपि सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि यथा आसवदुकं एवं कातब्बं, निन्नानं।)
(Evaṃ paṭiccavāropi sahajātavāropi paccayavāropi nissayavāropi saṃsaṭṭhavāropi sampayuttavāropi yathā āsavadukaṃ evaṃ kātabbaṃ, ninnānaṃ.)
७. पञ्हावारो
7. Pañhāvāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
(पञ्हावारे हेतुपच्चयेपि आरम्मणपच्चयेपि लोकुत्तरं न कातब्बं, सेखा गोत्रभुं पच्चवेक्खन्ति, वोदानं पच्चवेक्खन्तीति कातब्बा। अधिपतिपच्चयम्पि सब्बं जानित्वा कातब्बं।)
(Pañhāvāre hetupaccayepi ārammaṇapaccayepi lokuttaraṃ na kātabbaṃ, sekhā gotrabhuṃ paccavekkhanti, vodānaṃ paccavekkhantīti kātabbā. Adhipatipaccayampi sabbaṃ jānitvā kātabbaṃ.)
अनन्तरपच्चयो
Anantarapaccayo
११२. आसवो चेव सासवो च धम्मो आसवस्स चेव सासवस्स च धम्मस्स अनन्तरपच्चयेन पच्चयो – पुरिमा पुरिमा आसवा पच्छिमानं पच्छिमानं आसवानं अनन्तरपच्चयेन पच्चयो। (१)
112. Āsavo ceva sāsavo ca dhammo āsavassa ceva sāsavassa ca dhammassa anantarapaccayena paccayo – purimā purimā āsavā pacchimānaṃ pacchimānaṃ āsavānaṃ anantarapaccayena paccayo. (1)
आसवो चेव सासवो च धम्मो सासवस्स चेव नो च आसवस्स धम्मस्स अनन्तरपच्चयेन पच्चयो – पुरिमा पुरिमा आसवा पच्छिमानं पच्छिमानं सासवञ्चेव नो च आसवानं खन्धानं अनन्तरपच्चयेन पच्चयो; आसवा वुट्ठानस्स अनन्तरपच्चयेन पच्चयो। (२)
Āsavo ceva sāsavo ca dhammo sāsavassa ceva no ca āsavassa dhammassa anantarapaccayena paccayo – purimā purimā āsavā pacchimānaṃ pacchimānaṃ sāsavañceva no ca āsavānaṃ khandhānaṃ anantarapaccayena paccayo; āsavā vuṭṭhānassa anantarapaccayena paccayo. (2)
आसवो चेव सासवो च धम्मो आसवस्स चेव सासवस्स च सासवस्स चेव नो च आसवस्स च धम्मस्स अनन्तरपच्चयेन पच्चयो – पुरिमा पुरिमा आसवा पच्छिमानं पच्छिमानं आसवानं सम्पयुत्तकानञ्च खन्धानं अनन्तरपच्चयेन पच्चयो। (३)
Āsavo ceva sāsavo ca dhammo āsavassa ceva sāsavassa ca sāsavassa ceva no ca āsavassa ca dhammassa anantarapaccayena paccayo – purimā purimā āsavā pacchimānaṃ pacchimānaṃ āsavānaṃ sampayuttakānañca khandhānaṃ anantarapaccayena paccayo. (3)
११३. सासवो चेव नो च आसवो धम्मो सासवस्स चेव नो च आसवस्स धम्मस्स अनन्तरपच्चयेन पच्चयो – पुरिमा पुरिमा सासवा चेव नो च आसवा खन्धा पच्छिमानं पच्छिमानं सासवानञ्चेव नो च आसवानं खन्धानं अनन्तरपच्चयेन पच्चयो; अनुलोमं गोत्रभुस्स, अनुलोमं वोदानस्स, आवज्जना सासवानञ्चेव नो च आसवानं खन्धानं अनन्तरपच्चयेन पच्चयो। (१)
113. Sāsavo ceva no ca āsavo dhammo sāsavassa ceva no ca āsavassa dhammassa anantarapaccayena paccayo – purimā purimā sāsavā ceva no ca āsavā khandhā pacchimānaṃ pacchimānaṃ sāsavānañceva no ca āsavānaṃ khandhānaṃ anantarapaccayena paccayo; anulomaṃ gotrabhussa, anulomaṃ vodānassa, āvajjanā sāsavānañceva no ca āsavānaṃ khandhānaṃ anantarapaccayena paccayo. (1)
सासवो चेव नो च आसवो धम्मो आसवस्स चेव सासवस्स च धम्मस्स अनन्तरपच्चयेन पच्चयो – पुरिमा पुरिमा सासवा चेव नो च आसवा खन्धा पच्छिमानं पच्छिमानं आसवानं अनन्तरपच्चयेन पच्चयो; आवज्जना आसवानं अनन्तरपच्चयेन पच्चयो। (२)
Sāsavo ceva no ca āsavo dhammo āsavassa ceva sāsavassa ca dhammassa anantarapaccayena paccayo – purimā purimā sāsavā ceva no ca āsavā khandhā pacchimānaṃ pacchimānaṃ āsavānaṃ anantarapaccayena paccayo; āvajjanā āsavānaṃ anantarapaccayena paccayo. (2)
सासवो चेव नो च आसवो धम्मो आसवस्स चेव सासवस्स च सासवस्स चेव नो च आसवस्स च धम्मस्स अनन्तरपच्चयेन पच्चयो – पुरिमा पुरिमा सासवा चेव नो च आसवा खन्धा पच्छिमानं पच्छिमानं आसवानं सम्पयुत्तकानञ्च खन्धानं अनन्तरपच्चयेन पच्चयो; आवज्जना आसवानं सम्पयुत्तकानञ्च खन्धानं अनन्तरपच्चयेन पच्चयो। (३)
Sāsavo ceva no ca āsavo dhammo āsavassa ceva sāsavassa ca sāsavassa ceva no ca āsavassa ca dhammassa anantarapaccayena paccayo – purimā purimā sāsavā ceva no ca āsavā khandhā pacchimānaṃ pacchimānaṃ āsavānaṃ sampayuttakānañca khandhānaṃ anantarapaccayena paccayo; āvajjanā āsavānaṃ sampayuttakānañca khandhānaṃ anantarapaccayena paccayo. (3)
११४. आसवो चेव सासवो च सासवो चेव नो च आसवो च धम्मा आसवस्स चेव सासवस्स च धम्मस्स अनन्तरपच्चयेन पच्चयो – पुरिमा पुरिमा आसवा च सम्पयुत्तका च खन्धा पच्छिमानं पच्छिमानं आसवानं अनन्तरपच्चयेन पच्चयो। (१)
114. Āsavo ceva sāsavo ca sāsavo ceva no ca āsavo ca dhammā āsavassa ceva sāsavassa ca dhammassa anantarapaccayena paccayo – purimā purimā āsavā ca sampayuttakā ca khandhā pacchimānaṃ pacchimānaṃ āsavānaṃ anantarapaccayena paccayo. (1)
आसवो चेव सासवो च सासवो चेव नो च आसवो च धम्मा सासवस्स चेव नो च आसवस्स धम्मस्स अनन्तरपच्चयेन पच्चयो – पुरिमा पुरिमा आसवा च सम्पयुत्तका च खन्धा पच्छिमानं पच्छिमानं सासवानञ्चेव नो च आसवानं खन्धानं अनन्तरपच्चयेन पच्चयो; आसवा च सम्पयुत्तका च खन्धा वुट्ठानस्स अनन्तरपच्चयेन पच्चयो। (२)
Āsavo ceva sāsavo ca sāsavo ceva no ca āsavo ca dhammā sāsavassa ceva no ca āsavassa dhammassa anantarapaccayena paccayo – purimā purimā āsavā ca sampayuttakā ca khandhā pacchimānaṃ pacchimānaṃ sāsavānañceva no ca āsavānaṃ khandhānaṃ anantarapaccayena paccayo; āsavā ca sampayuttakā ca khandhā vuṭṭhānassa anantarapaccayena paccayo. (2)
आसवो चेव सासवो च सासवो चेव नो च आसवो च धम्मा आसवस्स चेव सासवस्स च सासवस्स चेव नो च आसवस्स च धम्मस्स अनन्तरपच्चयेन पच्चयो – पुरिमा पुरिमा आसवा च सम्पयुत्तका च खन्धा पच्छिमानं पच्छिमानं आसवानं सम्पयुत्तकानञ्च खन्धानं अनन्तरपच्चयेन पच्चयो (एवं सब्बं वित्थारेतब्बं)। (३)
Āsavo ceva sāsavo ca sāsavo ceva no ca āsavo ca dhammā āsavassa ceva sāsavassa ca sāsavassa ceva no ca āsavassa ca dhammassa anantarapaccayena paccayo – purimā purimā āsavā ca sampayuttakā ca khandhā pacchimānaṃ pacchimānaṃ āsavānaṃ sampayuttakānañca khandhānaṃ anantarapaccayena paccayo (evaṃ sabbaṃ vitthāretabbaṃ). (3)
(आसवदुकेपि अनन्तरं इमिना सदिसं कातब्बं। आवज्जनापि वुट्ठानम्पि एवं समुद्दिट्ठं संखित्तं। सब्बं परिपुण्णं। आसवदुकसदिसं कातब्बं, निन्नानं।)
(Āsavadukepi anantaraṃ iminā sadisaṃ kātabbaṃ. Āvajjanāpi vuṭṭhānampi evaṃ samuddiṭṭhaṃ saṃkhittaṃ. Sabbaṃ paripuṇṇaṃ. Āsavadukasadisaṃ kātabbaṃ, ninnānaṃ.)
आसवसासवदुकं निट्ठितं।
Āsavasāsavadukaṃ niṭṭhitaṃ.
१८. आसवआसवसम्पयुत्तदुकं
18. Āsavaāsavasampayuttadukaṃ
१. पटिच्चवारो
1. Paṭiccavāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
११५. आसवञ्चेव आसवसम्पयुत्तञ्च धम्मं पटिच्च आसवो चेव आसवसम्पयुत्तो च धम्मो उप्पज्जति हेतुपच्चया – कामासवं पटिच्च दिट्ठासवो अविज्जासवो (चक्कं बन्धितब्बं)। भवासवं पटिच्च अविज्जासवो (चक्कं बन्धितब्बं)। दिट्ठासवं पटिच्च अविज्जासवो। (१)
115. Āsavañceva āsavasampayuttañca dhammaṃ paṭicca āsavo ceva āsavasampayutto ca dhammo uppajjati hetupaccayā – kāmāsavaṃ paṭicca diṭṭhāsavo avijjāsavo (cakkaṃ bandhitabbaṃ). Bhavāsavaṃ paṭicca avijjāsavo (cakkaṃ bandhitabbaṃ). Diṭṭhāsavaṃ paṭicca avijjāsavo. (1)
आसवञ्चेव आसवसम्पयुत्तञ्च धम्मं पटिच्च आसवसम्पयुत्तो चेव नो च आसवो धम्मो उप्पज्जति हेतुपच्चया – आसवे पटिच्च सम्पयुत्तका खन्धा। (२)
Āsavañceva āsavasampayuttañca dhammaṃ paṭicca āsavasampayutto ceva no ca āsavo dhammo uppajjati hetupaccayā – āsave paṭicca sampayuttakā khandhā. (2)
आसवञ्चेव आसवसम्पयुत्तञ्च धम्मं पटिच्च आसवो चेव आसवसम्पयुत्तो च आसवसम्पयुत्तो चेव नो च आसवो च धम्मा उप्पज्जन्ति हेतुपच्चया – आसवसम्पयुत्तं कामासवं पटिच्च दिट्ठासवो अविज्जासवो सम्पयुत्तका च खन्धा (सब्बं चक्कं)। (३)
Āsavañceva āsavasampayuttañca dhammaṃ paṭicca āsavo ceva āsavasampayutto ca āsavasampayutto ceva no ca āsavo ca dhammā uppajjanti hetupaccayā – āsavasampayuttaṃ kāmāsavaṃ paṭicca diṭṭhāsavo avijjāsavo sampayuttakā ca khandhā (sabbaṃ cakkaṃ). (3)
११६. आसवसम्पयुत्तञ्चेव नो च आसवं धम्मं पटिच्च आसवसम्पयुत्तो चेव नो च आसवो धम्मो उप्पज्जति हेतुपच्चया – आसवसम्पयुत्तञ्चेव नो च आसवं एकं खन्धं पटिच्च तयो खन्धा…पे॰… द्वे खन्धे…पे॰…। (१)
116. Āsavasampayuttañceva no ca āsavaṃ dhammaṃ paṭicca āsavasampayutto ceva no ca āsavo dhammo uppajjati hetupaccayā – āsavasampayuttañceva no ca āsavaṃ ekaṃ khandhaṃ paṭicca tayo khandhā…pe… dve khandhe…pe…. (1)
आसवसम्पयुत्तञ्चेव नो च आसवं धम्मं पटिच्च आसवो चेव आसवसम्पयुत्तो च धम्मो उप्पज्जति हेतुपच्चया – आसवसम्पयुत्तञ्चेव नो च आसवे खन्धे पटिच्च आसवा। (२)
Āsavasampayuttañceva no ca āsavaṃ dhammaṃ paṭicca āsavo ceva āsavasampayutto ca dhammo uppajjati hetupaccayā – āsavasampayuttañceva no ca āsave khandhe paṭicca āsavā. (2)
आसवसम्पयुत्तञ्चेव नो च आसवं धम्मं पटिच्च आसवो चेव आसवसम्पयुत्तो च आसवसम्पयुत्तो चेव नो च आसवो च धम्मा उप्पज्जन्ति हेतुपच्चया – आसवसम्पयुत्तञ्चेव नो च आसवं एकं खन्धं पटिच्च तयो खन्धा आसवा च…पे॰… द्वे खन्धे…पे॰…। (३)
Āsavasampayuttañceva no ca āsavaṃ dhammaṃ paṭicca āsavo ceva āsavasampayutto ca āsavasampayutto ceva no ca āsavo ca dhammā uppajjanti hetupaccayā – āsavasampayuttañceva no ca āsavaṃ ekaṃ khandhaṃ paṭicca tayo khandhā āsavā ca…pe… dve khandhe…pe…. (3)
११७. आसवञ्चेव आसवसम्पयुत्तञ्च आसवसम्पयुत्तञ्चेव नो च आसवञ्च धम्मं पटिच्च आसवो चेव आसवसम्पयुत्तो च धम्मो उप्पज्जति हेतुपच्चया – कामासवञ्च सम्पयुत्तके च खन्धे पटिच्च दिट्ठासवो अविज्जासवो (सब्बं चक्कं)। (१)
117. Āsavañceva āsavasampayuttañca āsavasampayuttañceva no ca āsavañca dhammaṃ paṭicca āsavo ceva āsavasampayutto ca dhammo uppajjati hetupaccayā – kāmāsavañca sampayuttake ca khandhe paṭicca diṭṭhāsavo avijjāsavo (sabbaṃ cakkaṃ). (1)
आसवञ्चेव आसवसम्पयुत्तञ्च आसवसम्पयुत्तञ्चेव नो च आसवञ्च धम्मं पटिच्च आसवसम्पयुत्तो चेव नो च आसवो धम्मो उप्पज्जति हेतुपच्चया – आसवसम्पयुत्तञ्चेव नो च आसवं एकं खन्धञ्च आसवे च पटिच्च तयो खन्धा…पे॰… द्वे खन्धे…पे॰…। (२)
Āsavañceva āsavasampayuttañca āsavasampayuttañceva no ca āsavañca dhammaṃ paṭicca āsavasampayutto ceva no ca āsavo dhammo uppajjati hetupaccayā – āsavasampayuttañceva no ca āsavaṃ ekaṃ khandhañca āsave ca paṭicca tayo khandhā…pe… dve khandhe…pe…. (2)
आसवञ्चेव आसवसम्पयुत्तञ्च आसवसम्पयुत्तञ्चेव नो च आसवञ्च धम्मं पटिच्च आसवो चेव आसवसम्पयुत्तो च आसवसम्पयुत्तो चेव नो च आसवो च धम्मा उप्पज्जन्ति हेतुपच्चया – आसवसम्पयुत्तञ्चेव नो च आसवं एकं खन्धञ्च कामासवञ्च पटिच्च तयो खन्धा दिट्ठासवो अविज्जासवो…पे॰… द्वे खन्धे…पे॰…। (३)
Āsavañceva āsavasampayuttañca āsavasampayuttañceva no ca āsavañca dhammaṃ paṭicca āsavo ceva āsavasampayutto ca āsavasampayutto ceva no ca āsavo ca dhammā uppajjanti hetupaccayā – āsavasampayuttañceva no ca āsavaṃ ekaṃ khandhañca kāmāsavañca paṭicca tayo khandhā diṭṭhāsavo avijjāsavo…pe… dve khandhe…pe…. (3)
(चक्कं। एवं सब्बे पच्चया कातब्बा।)
(Cakkaṃ. Evaṃ sabbe paccayā kātabbā.)
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
सुद्धं
Suddhaṃ
११८. हेतुया नव, आरम्मणे नव, अधिपतिया नव ( सब्बत्थ नव, संखित्तं), कम्मे नव (विपाकं नत्थि), आहारे नव…पे॰… अविगते नव।
118. Hetuyā nava, ārammaṇe nava, adhipatiyā nava ( sabbattha nava, saṃkhittaṃ), kamme nava (vipākaṃ natthi), āhāre nava…pe… avigate nava.
अनुलोमं।
Anulomaṃ.
२. पच्चयपच्चनीयं
2. Paccayapaccanīyaṃ
१. विभङ्गवारो
1. Vibhaṅgavāro
नअधिपतिपच्चयादि
Naadhipatipaccayādi
११९. आसवञ्चेव आसवसम्पयुत्तं धम्मं पटिच्च आसवो चेव आसवसम्पयुत्तो च धम्मो उप्पज्जति नअधिपतिपच्चया (नहेतुमूलकं नत्थि), नपुरेजातपच्चया, नपच्छाजातपच्चया (संखित्तं)।
119. Āsavañceva āsavasampayuttaṃ dhammaṃ paṭicca āsavo ceva āsavasampayutto ca dhammo uppajjati naadhipatipaccayā (nahetumūlakaṃ natthi), napurejātapaccayā, napacchājātapaccayā (saṃkhittaṃ).
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
सुद्धं
Suddhaṃ
१२०. नअधिपतिया नव, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नविप्पयुत्ते नव।
120. Naadhipatiyā nava, napurejāte nava, napacchājāte nava, naāsevane nava, nakamme tīṇi, navipāke nava, navippayutte nava.
(एवं इतरे द्वे गणनापि सहजातवारम्पि पच्चयवारम्पि निस्सयवारम्पि संसट्ठवारम्पि सम्पयुत्तवारम्पि परिपुण्णं पटिच्चसदिसा।)
(Evaṃ itare dve gaṇanāpi sahajātavārampi paccayavārampi nissayavārampi saṃsaṭṭhavārampi sampayuttavārampi paripuṇṇaṃ paṭiccasadisā.)
७. पञ्हावारो
7. Pañhāvāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
१२१. आसवो चेव आसवसम्पयुत्तो च धम्मो आसवस्स चेव आसवसम्पयुत्तस्स च धम्मस्स हेतुपच्चयेन पच्चयो… तीणि।
121. Āsavo ceva āsavasampayutto ca dhammo āsavassa ceva āsavasampayuttassa ca dhammassa hetupaccayena paccayo… tīṇi.
आसवसम्पयुत्तो चेव नो च आसवो धम्मो आसवसम्पयुत्तस्स चेव नो च आसवस्स धम्मस्स हेतुपच्चयेन पच्चयो – आसवसम्पयुत्ता चेव नो च आसवा हेतू सम्पयुत्तकानं खन्धानं हेतुपच्चयेन पच्चयो। (१)
Āsavasampayutto ceva no ca āsavo dhammo āsavasampayuttassa ceva no ca āsavassa dhammassa hetupaccayena paccayo – āsavasampayuttā ceva no ca āsavā hetū sampayuttakānaṃ khandhānaṃ hetupaccayena paccayo. (1)
आरम्मणपच्चयादि
Ārammaṇapaccayādi
१२२. आसवो चेव आसवसम्पयुत्तो च धम्मो आसवस्स चेव आसवसम्पयुत्तस्स च धम्मस्स आरम्मणपच्चयेन पच्चयो… तीणि।
122. Āsavo ceva āsavasampayutto ca dhammo āsavassa ceva āsavasampayuttassa ca dhammassa ārammaṇapaccayena paccayo… tīṇi.
आसवसम्पयुत्तो चेव नो च आसवो धम्मो आसवसम्पयुत्तस्स चेव नो च आसवस्स धम्मस्स आरम्मणपच्चयेन पच्चयो – आसवसम्पयुत्ते चेव नो च आसवे खन्धे आरब्भ आसवसम्पयुत्ता चेव नो च आसवा खन्धा उप्पज्जन्ति। (१)
Āsavasampayutto ceva no ca āsavo dhammo āsavasampayuttassa ceva no ca āsavassa dhammassa ārammaṇapaccayena paccayo – āsavasampayutte ceva no ca āsave khandhe ārabbha āsavasampayuttā ceva no ca āsavā khandhā uppajjanti. (1)
आसवसम्पयुत्तो चेव नो च आसवो धम्मो आसवस्स चेव आसवसम्पयुत्तस्स च धम्मस्स आरम्मणपच्चयेन पच्चयो – आसवसम्पयुत्ते चेव नो च आसवे खन्धे आरब्भ आसवा उप्पज्जन्ति। (२)
Āsavasampayutto ceva no ca āsavo dhammo āsavassa ceva āsavasampayuttassa ca dhammassa ārammaṇapaccayena paccayo – āsavasampayutte ceva no ca āsave khandhe ārabbha āsavā uppajjanti. (2)
आसवसम्पयुत्तो चेव नो च आसवो धम्मो आसवस्स चेव आसवसम्पयुत्तस्स च आसवसम्पयुत्तस्स चेव नो च आसवस्स च धम्मस्स आरम्मणपच्चयेन पच्चयो – आसवसम्पयुत्ते चेव नो च आसवे खन्धे आरब्भ आसवा च आसवसम्पयुत्तका च खन्धा उप्पज्जन्ति। (३)
Āsavasampayutto ceva no ca āsavo dhammo āsavassa ceva āsavasampayuttassa ca āsavasampayuttassa ceva no ca āsavassa ca dhammassa ārammaṇapaccayena paccayo – āsavasampayutte ceva no ca āsave khandhe ārabbha āsavā ca āsavasampayuttakā ca khandhā uppajjanti. (3)
आसवो चेव आसवसम्पयुत्तो च आसवसम्पयुत्तो चेव नो च आसवो च धम्मा आसवस्स चेव आसवसम्पयुत्तस्स च धम्मस्स आरम्मणपच्चयेन पच्चयो … तीणि।
Āsavo ceva āsavasampayutto ca āsavasampayutto ceva no ca āsavo ca dhammā āsavassa ceva āsavasampayuttassa ca dhammassa ārammaṇapaccayena paccayo … tīṇi.
अधिपतिपच्चया… (आरम्मणसदिसा, गरुकारम्मणा) अनन्तरपच्चया… (आरम्मणसदिसायेव, पुरिमा पुरिमाति कातब्बा।) समनन्तरपच्चया… सहजातपच्चया… अञ्ञमञ्ञपच्चया… निस्सयपच्चया… उपनिस्सयपच्चया (आरम्मणसदिसंयेव, विभजना नत्थि… तीणि। उपनिस्सयं सब्बं कातब्बं)।
Adhipatipaccayā… (ārammaṇasadisā, garukārammaṇā) anantarapaccayā… (ārammaṇasadisāyeva, purimā purimāti kātabbā.) Samanantarapaccayā… sahajātapaccayā… aññamaññapaccayā… nissayapaccayā… upanissayapaccayā (ārammaṇasadisaṃyeva, vibhajanā natthi… tīṇi. Upanissayaṃ sabbaṃ kātabbaṃ).
कम्मपच्चयादि
Kammapaccayādi
१२३. आसवसम्पयुत्तो चेव नो च आसवो धम्मो आसवसम्पयुत्तस्स चेव नो च आसवस्स धम्मस्स कम्मपच्चयेन पच्चयो… तीणि… आहारपच्चयेन पच्चयो… तीणि… इन्द्रियपच्चयेन पच्चयो… तीणि… झानपच्चयेन पच्चयो… तीणि… मग्गपच्चयेन पच्चयो… नव… सम्पयुत्तपच्चयेन पच्चयो… नव… अत्थिपच्चयेन पच्चयो… नत्थिपच्चयेन पच्चयो… विगतपच्चयेन पच्चयो… अविगतपच्चयेन पच्चयो… नव।
123. Āsavasampayutto ceva no ca āsavo dhammo āsavasampayuttassa ceva no ca āsavassa dhammassa kammapaccayena paccayo… tīṇi… āhārapaccayena paccayo… tīṇi… indriyapaccayena paccayo… tīṇi… jhānapaccayena paccayo… tīṇi… maggapaccayena paccayo… nava… sampayuttapaccayena paccayo… nava… atthipaccayena paccayo… natthipaccayena paccayo… vigatapaccayena paccayo… avigatapaccayena paccayo… nava.
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
सुद्धं
Suddhaṃ
१२४. हेतुया चत्तारि, आरम्मणे नव, अधिपतिया नव, अनन्तरे नव, समनन्तरे नव, सहजाते नव, अञ्ञमञ्ञे नव, निस्सये नव, उपनिस्सये नव, आसेवने नव, कम्मे तीणि, आहारे तीणि, इन्द्रिये तीणि, झाने तीणि, मग्गे नव, सम्पयुत्ते नव, अत्थिया नव, नत्थिया नव, विगते नव, अविगते नव।
124. Hetuyā cattāri, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, āsevane nava, kamme tīṇi, āhāre tīṇi, indriye tīṇi, jhāne tīṇi, magge nava, sampayutte nava, atthiyā nava, natthiyā nava, vigate nava, avigate nava.
पच्चनीयुद्धारो
Paccanīyuddhāro
१२५. आसवो चेव आसवसम्पयुत्तो च धम्मो आसवस्स चेव आसवसम्पयुत्तस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (१)
125. Āsavo ceva āsavasampayutto ca dhammo āsavassa ceva āsavasampayuttassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)
आसवो चेव आसवसम्पयुत्तो च धम्मो आसवसम्पयुत्तस्स चेव नो च आसवस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (२)
Āsavo ceva āsavasampayutto ca dhammo āsavasampayuttassa ceva no ca āsavassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (2)
आसवो चेव आसवसम्पयुत्तो च धम्मो आसवस्स चेव आसवसम्पयुत्तस्स च आसवसम्पयुत्तस्स चेव नो च आसवस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (३)
Āsavo ceva āsavasampayutto ca dhammo āsavassa ceva āsavasampayuttassa ca āsavasampayuttassa ceva no ca āsavassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)
१२६. आसवसम्पयुत्तो चेव नो च आसवो धम्मो आसवसम्पयुत्तस्स चेव नो च आसवस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (१)
126. Āsavasampayutto ceva no ca āsavo dhammo āsavasampayuttassa ceva no ca āsavassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)
आसवसम्पयुत्तो चेव नो च आसवो धम्मो आसवस्स चेव आसवसम्पयुत्तस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (२)
Āsavasampayutto ceva no ca āsavo dhammo āsavassa ceva āsavasampayuttassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (2)
आसवसम्पयुत्तो चेव नो च आसवो धम्मो आसवस्स चेव आसवसम्पयुत्तस्स च आसवसम्पयुत्तस्स चेव नो च आसवस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (३)
Āsavasampayutto ceva no ca āsavo dhammo āsavassa ceva āsavasampayuttassa ca āsavasampayuttassa ceva no ca āsavassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)
१२७. आसवो चेव आसवसम्पयुत्तो च आसवसम्पयुत्तो चेव नो च आसवो च धम्मा आसवस्स चेव आसवसम्पयुत्तस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (१)
127. Āsavo ceva āsavasampayutto ca āsavasampayutto ceva no ca āsavo ca dhammā āsavassa ceva āsavasampayuttassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)
आसवो चेव आसवसम्पयुत्तो च आसवसम्पयुत्तो चेव नो च आसवो च धम्मा आसवसम्पयुत्तस्स चेव नो च आसवस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (२)
Āsavo ceva āsavasampayutto ca āsavasampayutto ceva no ca āsavo ca dhammā āsavasampayuttassa ceva no ca āsavassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (2)
आसवो चेव आसवसम्पयुत्तो च आसवसम्पयुत्तो चेव नो च आसवो च धम्मा आसवस्स चेव आसवसम्पयुत्तस्स च आसवसम्पयुत्तस्स चेव नो च आसवस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (३)
Āsavo ceva āsavasampayutto ca āsavasampayutto ceva no ca āsavo ca dhammā āsavassa ceva āsavasampayuttassa ca āsavasampayuttassa ceva no ca āsavassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
सुद्धं
Suddhaṃ
१२८. नहेतुया नव, नआरम्मणे नव (सब्बत्थ नव), नोअविगते नव।
128. Nahetuyā nava, naārammaṇe nava (sabbattha nava), noavigate nava.
३. पच्चयानुलोमपच्चनीयं
3. Paccayānulomapaccanīyaṃ
हेतुदुकं
Hetudukaṃ
१२९. हेतुपच्चया नआरम्मणे चत्तारि…पे॰… नसमनन्तरे चत्तारि, नउपनिस्सये चत्तारि…पे॰… नमग्गे चत्तारि…पे॰… नविप्पयुत्ते चत्तारि, नोनत्थिया चत्तारि, नोविगते चत्तारि।
129. Hetupaccayā naārammaṇe cattāri…pe… nasamanantare cattāri, naupanissaye cattāri…pe… namagge cattāri…pe… navippayutte cattāri, nonatthiyā cattāri, novigate cattāri.
४. पच्चयपच्चनीयानुलोमं
4. Paccayapaccanīyānulomaṃ
१३०. नहेतुपच्चया आरम्मणे नव, अधिपतिया नव (अनुलोमपदानि गणितब्बानि)…पे॰… अविगते नव।
130. Nahetupaccayā ārammaṇe nava, adhipatiyā nava (anulomapadāni gaṇitabbāni)…pe… avigate nava.
आसवआसवसम्पयुत्तदुकं निट्ठितं।
Āsavaāsavasampayuttadukaṃ niṭṭhitaṃ.
१९. आसवविप्पयुत्तसासवदुकं
19. Āsavavippayuttasāsavadukaṃ
१. पटिच्चवारो
1. Paṭiccavāro
हेतुपच्चयो
Hetupaccayo
१३१. आसवविप्पयुत्तं सासवं धम्मं पटिच्च आसवविप्पयुत्तो सासवो धम्मो उप्पज्जति हेतुपच्चया – आसवविप्पयुत्तं सासवं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… पटिसन्धिक्खणे …पे॰… खन्धे पटिच्च वत्थु, वत्थुं पटिच्च खन्धा, एकं महाभूतं…पे॰…। (१)
131. Āsavavippayuttaṃ sāsavaṃ dhammaṃ paṭicca āsavavippayutto sāsavo dhammo uppajjati hetupaccayā – āsavavippayuttaṃ sāsavaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe …pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe…. (1)
आसवविप्पयुत्तं अनासवं धम्मं पटिच्च आसवविप्पयुत्तो अनासवो धम्मो उप्पज्जति हेतुपच्चया… तीणि।
Āsavavippayuttaṃ anāsavaṃ dhammaṃ paṭicca āsavavippayutto anāsavo dhammo uppajjati hetupaccayā… tīṇi.
(यथा चूळन्तरदुके लोकियदुकं एवं वित्थारेतब्बं निन्नानाकरणं, संखित्तं।)
(Yathā cūḷantaraduke lokiyadukaṃ evaṃ vitthāretabbaṃ ninnānākaraṇaṃ, saṃkhittaṃ.)
आसवविप्पयुत्तसासवदुकं निट्ठितं।
Āsavavippayuttasāsavadukaṃ niṭṭhitaṃ.
आसवगोच्छकं निट्ठितं।
Āsavagocchakaṃ niṭṭhitaṃ.
