Library / Tipiṭaka / តិបិដក • Tipiṭaka / បដ្ឋានបាឡិ • Paṭṭhānapāḷi

    ៣. អាសវគោច្ឆកំ

    3. Āsavagocchakaṃ

    ១៤. អាសវទុកំ

    14. Āsavadukaṃ

    ១. បដិច្ចវារោ

    1. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១. អាសវំ ធម្មំ បដិច្ច អាសវោ ធម្មោ ឧប្បជ្ជតិ ហេតុបច្ចយា – កាមាសវំ បដិច្ច ទិដ្ឋាសវោ អវិជ្ជាសវោ, ទិដ្ឋាសវំ បដិច្ច កាមាសវោ អវិជ្ជាសវោ, អវិជ្ជាសវំ បដិច្ច កាមាសវោ ទិដ្ឋាសវោ, ភវាសវំ បដិច្ច អវិជ្ជាសវោ, ទិដ្ឋាសវំ បដិច្ច អវិជ្ជាសវោ (ឯកេកម្បិ ចក្កំ កាតព្ពំ)។ (១)

    1. Āsavaṃ dhammaṃ paṭicca āsavo dhammo uppajjati hetupaccayā – kāmāsavaṃ paṭicca diṭṭhāsavo avijjāsavo, diṭṭhāsavaṃ paṭicca kāmāsavo avijjāsavo, avijjāsavaṃ paṭicca kāmāsavo diṭṭhāsavo, bhavāsavaṃ paṭicca avijjāsavo, diṭṭhāsavaṃ paṭicca avijjāsavo (ekekampi cakkaṃ kātabbaṃ). (1)

    អាសវំ ធម្មំ បដិច្ច នោអាសវោ ធម្មោ ឧប្បជ្ជតិ ហេតុបច្ចយា – អាសវំ បដិច្ច អាសវសម្បយុត្តកា ខន្ធា ចិត្តសមុដ្ឋានញ្ច រូបំ។ (២)

    Āsavaṃ dhammaṃ paṭicca noāsavo dhammo uppajjati hetupaccayā – āsavaṃ paṭicca āsavasampayuttakā khandhā cittasamuṭṭhānañca rūpaṃ. (2)

    អាសវំ ធម្មំ បដិច្ច អាសវោ ច នោអាសវោ ច ធម្មា ឧប្បជ្ជន្តិ ហេតុបច្ចយា – កាមាសវំ បដិច្ច ទិដ្ឋាសវោ អវិជ្ជាសវោ សម្បយុត្តកា ច ខន្ធា ចិត្តសមុដ្ឋានញ្ច រូបំ (ចក្កំ)។ (៣)

    Āsavaṃ dhammaṃ paṭicca āsavo ca noāsavo ca dhammā uppajjanti hetupaccayā – kāmāsavaṃ paṭicca diṭṭhāsavo avijjāsavo sampayuttakā ca khandhā cittasamuṭṭhānañca rūpaṃ (cakkaṃ). (3)

    ២. នោអាសវំ ធម្មំ បដិច្ច នោអាសវោ ធម្មោ ឧប្បជ្ជតិ ហេតុបច្ចយា – នោអាសវំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានំ រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ.… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ។ (១)

    2. Noāsavaṃ dhammaṃ paṭicca noāsavo dhammo uppajjati hetupaccayā – noāsavaṃ ekaṃ khandhaṃ paṭicca tayo khandhā cittasamuṭṭhānaṃ rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)

    នោអាសវំ ធម្មំ បដិច្ច អាសវោ ធម្មោ ឧប្បជ្ជតិ ហេតុបច្ចយា – នោអាសវេ ខន្ធេ បដិច្ច អាសវា។ (២)

    Noāsavaṃ dhammaṃ paṭicca āsavo dhammo uppajjati hetupaccayā – noāsave khandhe paṭicca āsavā. (2)

    នោអាសវំ ធម្មំ បដិច្ច អាសវោ ច នោអាសវោ ច ធម្មា ឧប្បជ្ជន្តិ ហេតុបច្ចយា – នោអាសវំ ឯកំ ខន្ធំ បដិច្ច តយោ ខន្ធា អាសវា ច ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

    Noāsavaṃ dhammaṃ paṭicca āsavo ca noāsavo ca dhammā uppajjanti hetupaccayā – noāsavaṃ ekaṃ khandhaṃ paṭicca tayo khandhā āsavā ca cittasamuṭṭhānañca rūpaṃ…pe… dve khandhe…pe…. (3)

    ៣. អាសវញ្ច នោអាសវញ្ច ធម្មំ បដិច្ច អាសវោ ធម្មោ ឧប្បជ្ជតិ ហេតុបច្ចយា – កាមាសវញ្ច សម្បយុត្តកេ ច ខន្ធេ បដិច្ច ទិដ្ឋាសវោ អវិជ្ជាសវោ (ចក្កំ ពន្ធិតព្ពំ)។ (១)

    3. Āsavañca noāsavañca dhammaṃ paṭicca āsavo dhammo uppajjati hetupaccayā – kāmāsavañca sampayuttake ca khandhe paṭicca diṭṭhāsavo avijjāsavo (cakkaṃ bandhitabbaṃ). (1)

    អាសវញ្ច នោអាសវញ្ច ធម្មំ បដិច្ច នោអាសវោ ធម្មោ ឧប្បជ្ជតិ ហេតុបច្ចយា – នោអាសវំ ឯកំ ខន្ធញ្ច អាសវេ ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (២)

    Āsavañca noāsavañca dhammaṃ paṭicca noāsavo dhammo uppajjati hetupaccayā – noāsavaṃ ekaṃ khandhañca āsave ca paṭicca tayo khandhā cittasamuṭṭhānañca rūpaṃ…pe… dve khandhe…pe…. (2)

    អាសវញ្ច នោអាសវញ្ច ធម្មំ បដិច្ច អាសវោ ច នោអាសវោ ច ធម្មា ឧប្បជ្ជន្តិ ហេតុបច្ចយា – នោអាសវំ ឯកំ ខន្ធញ្ច កាមាសវញ្ច បដិច្ច តយោ ខន្ធា ទិដ្ឋាសវោ អវិជ្ជាសវោ ចិត្តសមុដ្ឋានញ្ច រូបំ…បេ.… ទ្វេ ខន្ធេ ច…បេ.… (ចក្កំ។ សំខិត្តំ)។ (៣)

    Āsavañca noāsavañca dhammaṃ paṭicca āsavo ca noāsavo ca dhammā uppajjanti hetupaccayā – noāsavaṃ ekaṃ khandhañca kāmāsavañca paṭicca tayo khandhā diṭṭhāsavo avijjāsavo cittasamuṭṭhānañca rūpaṃ…pe… dve khandhe ca…pe… (cakkaṃ. Saṃkhittaṃ). (3)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ៤. ហេតុយា នវ, អារម្មណេ នវ (សព្ពត្ថ នវ), វិបាកេ ឯកំ, អាហារេ នវ…បេ.… អវិគតេ នវ។

    4. Hetuyā nava, ārammaṇe nava (sabbattha nava), vipāke ekaṃ, āhāre nava…pe… avigate nava.

    អនុលោមំ។

    Anulomaṃ.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ៥. នោអាសវំ ធម្មំ បដិច្ច នោអាសវោ ធម្មោ ឧប្បជ្ជតិ នហេតុបច្ចយា – អហេតុកំ នោអាសវំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ.… (យាវ អសញ្ញសត្តា)។ (១)

    5. Noāsavaṃ dhammaṃ paṭicca noāsavo dhammo uppajjati nahetupaccayā – ahetukaṃ noāsavaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe… (yāva asaññasattā). (1)

    នោអាសវំ ធម្មំ បដិច្ច អាសវោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។ (២)

    Noāsavaṃ dhammaṃ paṭicca āsavo dhammo uppajjati nahetupaccayā – vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (2)

    នអារម្មណបច្ចយោ

    Naārammaṇapaccayo

    ៦. អាសវំ ធម្មំ បដិច្ច នោអាសវោ ធម្មោ ឧប្បជ្ជតិ នអារម្មណបច្ចយា – អាសវេ បដិច្ច ចិត្តសមុដ្ឋានំ រូបំ។ (១)

    6. Āsavaṃ dhammaṃ paṭicca noāsavo dhammo uppajjati naārammaṇapaccayā – āsave paṭicca cittasamuṭṭhānaṃ rūpaṃ. (1)

    នោអាសវំ ធម្មំ បដិច្ច នោអាសវោ ធម្មោ ឧប្បជ្ជតិ នអារម្មណបច្ចយា – នោអាសវេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ.… ខន្ធេ បដិច្ច វត្ថុ, ឯកំ មហាភូតំ…បេ.… (យាវ អសញ្ញសត្តា) ។ (១)

    Noāsavaṃ dhammaṃ paṭicca noāsavo dhammo uppajjati naārammaṇapaccayā – noāsave khandhe paṭicca cittasamuṭṭhānaṃ rūpaṃ; paṭisandhikkhaṇe…pe… khandhe paṭicca vatthu, ekaṃ mahābhūtaṃ…pe… (yāva asaññasattā) . (1)

    អាសវញ្ច នោអាសវញ្ច ធម្មំ បដិច្ច នោអាសវោ ធម្មោ ឧប្បជ្ជតិ នអារម្មណបច្ចយា – អាសវេ ច សម្បយុត្តកេ ច ខន្ធេ បដិច្ច ចិត្តសមុដ្ឋានំ រូបំ (សំខិត្តំ)។ (១)

    Āsavañca noāsavañca dhammaṃ paṭicca noāsavo dhammo uppajjati naārammaṇapaccayā – āsave ca sampayuttake ca khandhe paṭicca cittasamuṭṭhānaṃ rūpaṃ (saṃkhittaṃ). (1)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៧. នហេតុយា ទ្វេ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ នវ, នោនត្ថិយា តីណិ, នោវិគតេ តីណិ។

    7. Nahetuyā dve, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte nava, napacchājāte nava, naāsevane nava, nakamme tīṇi, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte nava, nonatthiyā tīṇi, novigate tīṇi.

    បច្ចនីយំ។

    Paccanīyaṃ.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ហេតុទុកំ

    Hetudukaṃ

    ៨. ហេតុបច្ចយា នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នសម្បយុត្តេ តីណិ, នវិប្បយុត្តេ នវ, នោនត្ថិយា តីណិ, នោវិគតេ តីណិ។

    8. Hetupaccayā naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte nava, napacchājāte nava, naāsevane nava, nakamme tīṇi, navipāke nava, nasampayutte tīṇi, navippayutte nava, nonatthiyā tīṇi, novigate tīṇi.

    អនុលោមបច្ចនីយំ។

    Anulomapaccanīyaṃ.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    នហេតុទុកំ

    Nahetudukaṃ

    ៩. នហេតុបច្ចយា អារម្មណេ ទ្វេ, អនន្តរេ ទ្វេ…បេ.… វិបាកេ ឯកំ…បេ.… មគ្គេ ឯកំ…បេ.… អវិគតេ ទ្វេ។

    9. Nahetupaccayā ārammaṇe dve, anantare dve…pe… vipāke ekaṃ…pe… magge ekaṃ…pe… avigate dve.

    បច្ចនីយានុលោមំ។

    Paccanīyānulomaṃ.

    ២. សហជាតវារោ

    2. Sahajātavāro

    (សហជាតវារោ បដិច្ចវារសទិសោ។)

    (Sahajātavāro paṭiccavārasadiso.)

    ៣. បច្ចយវារោ

    3. Paccayavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១០. អាសវំ ធម្មំ បច្ចយា អាសវោ ធម្មោ ឧប្បជ្ជតិ ហេតុបច្ចយា (អាសវមូលកំ តីណិ, បដិច្ចសទិសា)។

    10. Āsavaṃ dhammaṃ paccayā āsavo dhammo uppajjati hetupaccayā (āsavamūlakaṃ tīṇi, paṭiccasadisā).

    នោអាសវំ ធម្មំ បច្ចយា នោអាសវោ ធម្មោ ឧប្បជ្ជតិ ហេតុបច្ចយា – នោអាសវំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.… ខន្ធេ បច្ចយា វត្ថុ, វត្ថុំ បច្ចយា ខន្ធា, មហាភូតេ បច្ចយា ចិត្តសមុដ្ឋានំ រូបំ កដត្តារូបំ ឧបាទារូបំ, វត្ថុំ បច្ចយា នោអាសវា ខន្ធា។ (១)

    Noāsavaṃ dhammaṃ paccayā noāsavo dhammo uppajjati hetupaccayā – noāsavaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paccayā vatthu, vatthuṃ paccayā khandhā, mahābhūte paccayā cittasamuṭṭhānaṃ rūpaṃ kaṭattārūpaṃ upādārūpaṃ, vatthuṃ paccayā noāsavā khandhā. (1)

    នោអាសវំ ធម្មំ បច្ចយា អាសវោ ធម្មោ ឧប្បជ្ជតិ ហេតុបច្ចយា – នោអាសវេ ខន្ធេ បច្ចយា អាសវា, វត្ថុំ បច្ចយា អាសវា។ (២)

    Noāsavaṃ dhammaṃ paccayā āsavo dhammo uppajjati hetupaccayā – noāsave khandhe paccayā āsavā, vatthuṃ paccayā āsavā. (2)

    នោអាសវំ ធម្មំ បច្ចយា អាសវោ ច នោអាសវោ ច ធម្មា ឧប្បជ្ជន្តិ ហេតុបច្ចយា – នោអាសវំ ឯកំ ខន្ធំ បច្ចយា តយោ ខន្ធា អាសវា ច ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… វត្ថុំ បច្ចយា អាសវា សម្បយុត្តកា ច ខន្ធា។ (៣)

    Noāsavaṃ dhammaṃ paccayā āsavo ca noāsavo ca dhammā uppajjanti hetupaccayā – noāsavaṃ ekaṃ khandhaṃ paccayā tayo khandhā āsavā ca cittasamuṭṭhānañca rūpaṃ…pe… dve khandhe…pe… vatthuṃ paccayā āsavā sampayuttakā ca khandhā. (3)

    ១១. អាសវញ្ច នោអាសវញ្ច ធម្មំ បច្ចយា អាសវោ ធម្មោ ឧប្បជ្ជតិ ហេតុបច្ចយា – កាមាសវញ្ច សម្បយុត្តកេ ច ខន្ធេ បច្ចយា ទិដ្ឋាសវោ អវិជ្ជាសវោ (ចក្កំ)។ កាមាសវញ្ច វត្ថុញ្ច បច្ចយា ទិដ្ឋាសវោ អវិជ្ជាសវោ (ចក្កំ)។ (១)

    11. Āsavañca noāsavañca dhammaṃ paccayā āsavo dhammo uppajjati hetupaccayā – kāmāsavañca sampayuttake ca khandhe paccayā diṭṭhāsavo avijjāsavo (cakkaṃ). Kāmāsavañca vatthuñca paccayā diṭṭhāsavo avijjāsavo (cakkaṃ). (1)

    អាសវញ្ច នោអាសវញ្ច ធម្មំ បច្ចយា នោអាសវោ ធម្មោ ឧប្បជ្ជតិ ហេតុបច្ចយា – នោអាសវំ ឯកំ ខន្ធញ្ច អាសវេ ច បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… អាសវញ្ច វត្ថុញ្ច បច្ចយា នោអាសវា ខន្ធា។ (២)

    Āsavañca noāsavañca dhammaṃ paccayā noāsavo dhammo uppajjati hetupaccayā – noāsavaṃ ekaṃ khandhañca āsave ca paccayā tayo khandhā cittasamuṭṭhānañca rūpaṃ…pe… dve khandhe…pe… āsavañca vatthuñca paccayā noāsavā khandhā. (2)

    អាសវញ្ច នោអាសវញ្ច ធម្មំ បច្ចយា អាសវោ ច នោអាសវោ ច ធម្មា ឧប្បជ្ជន្តិ ហេតុបច្ចយា – នោអាសវំ ឯកំ ខន្ធញ្ច កាមាសវញ្ច បច្ចយា តយោ ខន្ធា ទិដ្ឋាសវោ អវិជ្ជាសវោ ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… (ចក្កំ)។ កាមាសវញ្ច វត្ថុញ្ច បច្ចយា ទិដ្ឋាសវោ អវិជ្ជាសវោ សម្បយុត្តកា ច ខន្ធា (ចក្កំ។ សំខិត្តំ)។ (៣)

    Āsavañca noāsavañca dhammaṃ paccayā āsavo ca noāsavo ca dhammā uppajjanti hetupaccayā – noāsavaṃ ekaṃ khandhañca kāmāsavañca paccayā tayo khandhā diṭṭhāsavo avijjāsavo cittasamuṭṭhānañca rūpaṃ…pe… dve khandhe…pe… (cakkaṃ). Kāmāsavañca vatthuñca paccayā diṭṭhāsavo avijjāsavo sampayuttakā ca khandhā (cakkaṃ. Saṃkhittaṃ). (3)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ១២. ហេតុយា នវ, អារម្មណេ នវ, អធិបតិយា នវ…បេ.… វិបាកេ ឯកំ…បេ.… អវិគតេ នវ។

    12. Hetuyā nava, ārammaṇe nava, adhipatiyā nava…pe… vipāke ekaṃ…pe… avigate nava.

    អនុលោមំ។

    Anulomaṃ.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ១៣. នោអាសវំ ធម្មំ បច្ចយា នោអាសវោ ធម្មោ ឧប្បជ្ជតិ នហេតុបច្ចយា – អហេតុកំ នោអាសវំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… (យាវ អសញ្ញសត្តា) ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ… វត្ថុំ បច្ចយា អហេតុកា នោអាសវា ខន្ធា។ (១)

    13. Noāsavaṃ dhammaṃ paccayā noāsavo dhammo uppajjati nahetupaccayā – ahetukaṃ noāsavaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… (yāva asaññasattā) cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ… vatthuṃ paccayā ahetukā noāsavā khandhā. (1)

    នោអាសវំ ធម្មំ បច្ចយា អាសវោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ។ (២)

    Noāsavaṃ dhammaṃ paccayā āsavo dhammo uppajjati nahetupaccayā – vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (2)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ១៤. នហេតុយា ទ្វេ, នអារម្មណេ តីណិ, នអធិបតិយា នវ…បេ.… នកម្មេ តីណិ…បេ.… នវិប្បយុត្តេ នវ, នោនត្ថិយា តីណិ, នោវិគតេ តីណិ (ឯវំ សព្ពេ គណនា គណេតព្ពា)។

    14. Nahetuyā dve, naārammaṇe tīṇi, naadhipatiyā nava…pe… nakamme tīṇi…pe… navippayutte nava, nonatthiyā tīṇi, novigate tīṇi (evaṃ sabbe gaṇanā gaṇetabbā).

    ៤. និស្សយវារោ

    4. Nissayavāro

    (និស្សយវារោ បច្ចយវារសទិសោ។)

    (Nissayavāro paccayavārasadiso.)

    ៥. សំសដ្ឋវារោ

    5. Saṃsaṭṭhavāro

    ១-៤. បច្ចយានុលោមាទិ

    1-4. Paccayānulomādi

    ១៥. អាសវំ ធម្មំ សំសដ្ឋោ អាសវោ ធម្មោ ឧប្បជ្ជតិ ហេតុបច្ចយា – កាមាសវំ សំសដ្ឋោ ទិដ្ឋាសវោ អវិជ្ជាសវោ (ចក្កំ។ សំខិត្តំ)។

    15. Āsavaṃ dhammaṃ saṃsaṭṭho āsavo dhammo uppajjati hetupaccayā – kāmāsavaṃ saṃsaṭṭho diṭṭhāsavo avijjāsavo (cakkaṃ. Saṃkhittaṃ).

    ហេតុយា នវ, អារម្មណេ នវ (សព្ពត្ថ នវ), វិបាកេ ឯកំ…បេ.… អវិគតេ នវ។

    Hetuyā nava, ārammaṇe nava (sabbattha nava), vipāke ekaṃ…pe… avigate nava.

    នហេតុយា ទ្វេ, នអធិបតិយា នវ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នឈានេ ឯកំ, នមគ្គេ ឯកំ, នវិប្បយុត្តេ នវ។

    Nahetuyā dve, naadhipatiyā nava, napurejāte nava, napacchājāte nava, naāsevane nava, nakamme tīṇi, navipāke nava, najhāne ekaṃ, namagge ekaṃ, navippayutte nava.

    ៦. សម្បយុត្តវារោ

    6. Sampayuttavāro

    (គណនាបិ សម្បយុត្តវារោបិ សំសដ្ឋវារសទិសោ។)

    (Gaṇanāpi sampayuttavāropi saṃsaṭṭhavārasadiso.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១៦. អាសវោ ធម្មោ អាសវស្ស ធម្មស្ស ហេតុបច្ចយេន បច្ចយោ – កាមាសវោ ទិដ្ឋាសវស្ស អវិជ្ជាសវស្ស ហេតុបច្ចយេន បច្ចយោ; ភវាសវោ អវិជ្ជាសវស្ស ហេតុបច្ចយេន បច្ចយោ (ចក្កំ)។ (១)

    16. Āsavo dhammo āsavassa dhammassa hetupaccayena paccayo – kāmāsavo diṭṭhāsavassa avijjāsavassa hetupaccayena paccayo; bhavāsavo avijjāsavassa hetupaccayena paccayo (cakkaṃ). (1)

    អាសវោ ធម្មោ នោអាសវស្ស ធម្មស្ស ហេតុបច្ចយេន បច្ចយោ – អាសវា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (២)

    Āsavo dhammo noāsavassa dhammassa hetupaccayena paccayo – āsavā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (2)

    អាសវោ ធម្មោ អាសវស្ស ច នោអាសវស្ស ច ធម្មស្ស ហេតុបច្ចយេន បច្ចយោ – កាមាសវោ ទិដ្ឋាសវស្ស អវិជ្ជាសវស្ស សម្បយុត្តកានញ្ច ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ ។ (៣)

    Āsavo dhammo āsavassa ca noāsavassa ca dhammassa hetupaccayena paccayo – kāmāsavo diṭṭhāsavassa avijjāsavassa sampayuttakānañca khandhānaṃ cittasamuṭṭhānānañca rūpānaṃ hetupaccayena paccayo . (3)

    ១៧. នោអាសវោ ធម្មោ នោអាសវស្ស ធម្មស្ស ហេតុបច្ចយេន បច្ចយោ – នោអាសវា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ.…។ (១)

    17. Noāsavo dhammo noāsavassa dhammassa hetupaccayena paccayo – noāsavā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (1)

    នោអាសវោ ធម្មោ អាសវស្ស ធម្មស្ស ហេតុបច្ចយេន បច្ចយោ – នោអាសវា ហេតូ សម្បយុត្តកានំ អាសវានំ ហេតុបច្ចយេន បច្ចយោ។ (២)

    Noāsavo dhammo āsavassa dhammassa hetupaccayena paccayo – noāsavā hetū sampayuttakānaṃ āsavānaṃ hetupaccayena paccayo. (2)

    នោអាសវោ ធម្មោ អាសវស្ស ច នោអាសវស្ស ច ធម្មស្ស ហេតុបច្ចយេន បច្ចយោ – នោអាសវា ហេតូ សម្បយុត្តកានំ ខន្ធានំ អាសវានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (៣)

    Noāsavo dhammo āsavassa ca noāsavassa ca dhammassa hetupaccayena paccayo – noāsavā hetū sampayuttakānaṃ khandhānaṃ āsavānaṃ cittasamuṭṭhānānañca rūpānaṃ hetupaccayena paccayo. (3)

    អាសវោ ច នោអាសវោ ច ធម្មា នោអាសវស្ស ធម្មស្ស ហេតុបច្ចយេន បច្ចយោ – អាសវា ច នោអាសវា ច ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (១)

    Āsavo ca noāsavo ca dhammā noāsavassa dhammassa hetupaccayena paccayo – āsavā ca noāsavā ca hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (1)

    អារម្មណបច្ចយោ

    Ārammaṇapaccayo

    ១៨. អាសវោ ធម្មោ អាសវស្ស ធម្មស្ស អារម្មណបច្ចយេន បច្ចយោ – អាសវេ អារព្ភ អាសវា ឧប្បជ្ជន្តិ។ (១)

    18. Āsavo dhammo āsavassa dhammassa ārammaṇapaccayena paccayo – āsave ārabbha āsavā uppajjanti. (1)

    អាសវោ ធម្មោ នោអាសវស្ស ធម្មស្ស អារម្មណបច្ចយេន បច្ចយោ – អាសវេ អារព្ភ នោអាសវា ខន្ធា ឧប្បជ្ជន្តិ។ (២)

    Āsavo dhammo noāsavassa dhammassa ārammaṇapaccayena paccayo – āsave ārabbha noāsavā khandhā uppajjanti. (2)

    អាសវោ ធម្មោ អាសវស្ស ច នោអាសវស្ស ច ធម្មស្ស អារម្មណបច្ចយេន បច្ចយោ – អាសវេ អារព្ភ អាសវា ច សម្បយុត្តកា ច ខន្ធា ឧប្បជ្ជន្តិ។ (៣)

    Āsavo dhammo āsavassa ca noāsavassa ca dhammassa ārammaṇapaccayena paccayo – āsave ārabbha āsavā ca sampayuttakā ca khandhā uppajjanti. (3)

    ១៩. នោអាសវោ ធម្មោ នោអាសវស្ស ធម្មស្ស អារម្មណបច្ចយេន បច្ចយោ – ទានំ…បេ.… សីលំ…បេ.… ឧបោសថកម្មំ…បេ.… បុព្ពេ…បេ.… ឈានា…បេ.… អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ បច្ចវេក្ខន្តិ, និព្ពានំ បច្ចវេក្ខន្តិ; និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ; អរិយា នោអាសវេ បហីនេ កិលេសេ…បេ.… វិក្ខម្ភិតេ កិលេសេ…បេ.… បុព្ពេ សមុទាចិណ្ណេ កិលេសេ ជានន្តិ, ចក្ខុំ…បេ.… វត្ថុំ នោអាសវេ ខន្ធេ អនិច្ចតោ…បេ.… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, ចេតោបរិយញាណេន នោអាសវចិត្តសមង្គិស្ស ចិត្តំ ជានាតិ, អាកាសានញ្ចាយតនំ វិញ្ញាណញ្ចាយតនស្ស…បេ.… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ.… រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស…បេ.… នោអាសវា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (១)

    19. Noāsavo dhammo noāsavassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ…pe… pubbe…pe… jhānā…pe… ariyā maggā vuṭṭhahitvā maggaṃ paccavekkhanti, phalaṃ paccavekkhanti, nibbānaṃ paccavekkhanti; nibbānaṃ gotrabhussa, vodānassa, maggassa, phalassa, āvajjanāya ārammaṇapaccayena paccayo; ariyā noāsave pahīne kilese…pe… vikkhambhite kilese…pe… pubbe samudāciṇṇe kilese jānanti, cakkhuṃ…pe… vatthuṃ noāsave khandhe aniccato…pe… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti, cetopariyañāṇena noāsavacittasamaṅgissa cittaṃ jānāti, ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa…pe… rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… noāsavā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)

    នោអាសវោ ធម្មោ អាសវស្ស ធម្មស្ស អារម្មណបច្ចយេន បច្ចយោ – ទានំ ទត្វា…បេ.… តំ អស្សាទេតិ អភិនន្ទតិ, តំ អារព្ភ អាសវា ឧប្បជ្ជន្តិ, សីលំ…បេ.… ឧបោសថកម្មំ…បេ.… បុព្ពេ…បេ.… ឈានា…បេ.… ចក្ខុំ…បេ.… វត្ថុំ នោអាសវេ ខន្ធេ អស្សាទេតិ អភិនន្ទតិ, តំ អារព្ភ អាសវា ឧប្បជ្ជន្តិ។ (២)

    Noāsavo dhammo āsavassa dhammassa ārammaṇapaccayena paccayo – dānaṃ datvā…pe… taṃ assādeti abhinandati, taṃ ārabbha āsavā uppajjanti, sīlaṃ…pe… uposathakammaṃ…pe… pubbe…pe… jhānā…pe… cakkhuṃ…pe… vatthuṃ noāsave khandhe assādeti abhinandati, taṃ ārabbha āsavā uppajjanti. (2)

    នោអាសវោ ធម្មោ អាសវស្ស ច នោអាសវស្ស ច ធម្មស្ស អារម្មណបច្ចយេន បច្ចយោ – ទានំ ទត្វា…បេ.… (ទុតិយគមនំ) នោអាសវេ ខន្ធេ អស្សាទេតិ អភិនន្ទតិ, តំ អារព្ភ អាសវា ច សម្បយុត្តកា ច ខន្ធា ឧប្បជ្ជន្តិ។ (៣)

    Noāsavo dhammo āsavassa ca noāsavassa ca dhammassa ārammaṇapaccayena paccayo – dānaṃ datvā…pe… (dutiyagamanaṃ) noāsave khandhe assādeti abhinandati, taṃ ārabbha āsavā ca sampayuttakā ca khandhā uppajjanti. (3)

    ២០. អាសវោ ច នោអាសវោ ច ធម្មា អាសវស្ស ធម្មស្ស អារម្មណបច្ចយេន បច្ចយោ – អាសវេ ច សម្បយុត្តកេ ច ខន្ធេ អារព្ភ អាសវា ឧប្បជ្ជន្តិ។ (១)

    20. Āsavo ca noāsavo ca dhammā āsavassa dhammassa ārammaṇapaccayena paccayo – āsave ca sampayuttake ca khandhe ārabbha āsavā uppajjanti. (1)

    អាសវោ ច នោអាសវោ ច ធម្មា នោអាសវស្ស ធម្មស្ស អារម្មណបច្ចយេន បច្ចយោ – អាសវេ ច សម្បយុត្តកេ ច ខន្ធេ អារព្ភ នោអាសវា ខន្ធា ឧប្បជ្ជន្តិ ។ (២)

    Āsavo ca noāsavo ca dhammā noāsavassa dhammassa ārammaṇapaccayena paccayo – āsave ca sampayuttake ca khandhe ārabbha noāsavā khandhā uppajjanti . (2)

    អាសវោ ច នោអាសវោ ច ធម្មា អាសវស្ស ច នោអាសវស្ស ច ធម្មស្ស អារម្មណបច្ចយេន បច្ចយោ – អាសវេ ច សម្បយុត្តកេ ច ខន្ធេ អារព្ភ អាសវា ច សម្បយុត្តកា ច ខន្ធា ឧប្បជ្ជន្តិ។ (៣)

    Āsavo ca noāsavo ca dhammā āsavassa ca noāsavassa ca dhammassa ārammaṇapaccayena paccayo – āsave ca sampayuttake ca khandhe ārabbha āsavā ca sampayuttakā ca khandhā uppajjanti. (3)

    អធិបតិបច្ចយោ

    Adhipatipaccayo

    ២១. អាសវោ ធម្មោ អាសវស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – អាសវេ គរុំ កត្វា អាសវា ឧប្បជ្ជន្តិ (តីណិ អារម្មណសទិសា, គរុការម្មណា កាតព្ពា)។

    21. Āsavo dhammo āsavassa dhammassa adhipatipaccayena paccayo. Ārammaṇādhipati – āsave garuṃ katvā āsavā uppajjanti (tīṇi ārammaṇasadisā, garukārammaṇā kātabbā).

    នោអាសវោ ធម្មោ នោអាសវស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ…បេ.… សីលំ…បេ.… ឧបោសថកម្មំ…បេ.… បុព្ពេ…បេ.… ឈានា…បេ.… អរិយា មគ្គា…បេ.… ផលំ…បេ.… និព្ពានំ គរុំ…បេ.… និព្ពានំ គោត្រភុស្ស, វោទានស្ស, មគ្គស្ស, ផលស្ស អធិបតិបច្ចយេន បច្ចយោ; ចក្ខុំ…បេ.… វត្ថុំ នោអាសវេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ សហជាតាធិបតិ – នោអាសវា អធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (១)

    Noāsavo dhammo noāsavassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ…pe… pubbe…pe… jhānā…pe… ariyā maggā…pe… phalaṃ…pe… nibbānaṃ garuṃ…pe… nibbānaṃ gotrabhussa, vodānassa, maggassa, phalassa adhipatipaccayena paccayo; cakkhuṃ…pe… vatthuṃ noāsave khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – noāsavā adhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    នោអាសវោ ធម្មោ អាសវស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ…បេ.… នោអាសវេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា អាសវា ឧប្បជ្ជន្តិ។ សហជាតាធិបតិ – នោអាសវា អធិបតិ សម្បយុត្តកានំ អាសវានំ អធិបតិបច្ចយេន បច្ចយោ។ (២)

    Noāsavo dhammo āsavassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… noāsave khandhe garuṃ katvā assādeti abhinandati, taṃ garuṃ katvā āsavā uppajjanti. Sahajātādhipati – noāsavā adhipati sampayuttakānaṃ āsavānaṃ adhipatipaccayena paccayo. (2)

    នោអាសវោ ធម្មោ អាសវស្ស ច នោអាសវស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ…បេ.… នោអាសវេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ សហជាតាធិបតិ – នោអាសវា អធិបតិ សម្បយុត្តកានំ ខន្ធានំ អាសវានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (៣)

    Noāsavo dhammo āsavassa ca noāsavassa ca dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… noāsave khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – noāsavā adhipati sampayuttakānaṃ khandhānaṃ āsavānaṃ cittasamuṭṭhānānañca rūpānaṃ adhipatipaccayena paccayo. (3)

    អាសវោ ច នោអាសវោ ច ធម្មា អាសវស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – អាសវេ ច សម្បយុត្តកេ ច ខន្ធេ គរុំ កត្វា អស្សាទេតិ…បេ.… អាសវា ឧប្បជ្ជន្តិ (តីណិ, គរុការម្មណា)។

    Āsavo ca noāsavo ca dhammā āsavassa dhammassa adhipatipaccayena paccayo. Ārammaṇādhipati – āsave ca sampayuttake ca khandhe garuṃ katvā assādeti…pe… āsavā uppajjanti (tīṇi, garukārammaṇā).

    អនន្តរបច្ចយោ

    Anantarapaccayo

    ២២. អាសវោ ធម្មោ អាសវស្ស ធម្មស្ស អនន្តរបច្ចយេន បច្ចយោ – បុរិមា បុរិមា អាសវា បច្ឆិមានំ បច្ឆិមានំ អាសវានំ អនន្តរបច្ចយេន បច្ចយោ។ (១)

    22. Āsavo dhammo āsavassa dhammassa anantarapaccayena paccayo – purimā purimā āsavā pacchimānaṃ pacchimānaṃ āsavānaṃ anantarapaccayena paccayo. (1)

    អាសវោ ធម្មោ នោអាសវស្ស ធម្មស្ស អនន្តរបច្ចយេន បច្ចយោ – បុរិមា បុរិមា អាសវា បច្ឆិមានំ បច្ឆិមានំ នោអាសវានំ ខន្ធានំ អនន្តរបច្ចយេន បច្ចយោ; អាសវា វុដ្ឋានស្ស អនន្តរបច្ចយេន បច្ចយោ។ (២)

    Āsavo dhammo noāsavassa dhammassa anantarapaccayena paccayo – purimā purimā āsavā pacchimānaṃ pacchimānaṃ noāsavānaṃ khandhānaṃ anantarapaccayena paccayo; āsavā vuṭṭhānassa anantarapaccayena paccayo. (2)

    អាសវោ ធម្មោ អាសវស្ស ច នោអាសវស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា អាសវា បច្ឆិមានំ បច្ឆិមានំ អាសវានំ សម្បយុត្តកានញ្ច ខន្ធានំ អនន្តរបច្ចយេន បច្ចយោ។ (៣)

    Āsavo dhammo āsavassa ca noāsavassa ca dhammassa anantarapaccayena paccayo – purimā purimā āsavā pacchimānaṃ pacchimānaṃ āsavānaṃ sampayuttakānañca khandhānaṃ anantarapaccayena paccayo. (3)

    ២៣. នោអាសវោ ធម្មោ នោអាសវស្ស ធម្មស្ស អនន្តរបច្ចយេន បច្ចយោ – បុរិមា បុរិមា នោអាសវា ខន្ធា បច្ឆិមានំ បច្ឆិមានំ នោអាសវានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស…បេ.… ផលសមាបត្តិយា អនន្តរបច្ចយេន បច្ចយោ។ (១)

    23. Noāsavo dhammo noāsavassa dhammassa anantarapaccayena paccayo – purimā purimā noāsavā khandhā pacchimānaṃ pacchimānaṃ noāsavānaṃ khandhānaṃ anantarapaccayena paccayo; anulomaṃ gotrabhussa…pe… phalasamāpattiyā anantarapaccayena paccayo. (1)

    នោអាសវោ ធម្មោ អាសវស្ស ធម្មស្ស អនន្តរបច្ចយេន បច្ចយោ – បុរិមា បុរិមា នោអាសវា ខន្ធា បច្ឆិមានំ បច្ឆិមានំ អាសវានំ អនន្តរបច្ចយេន បច្ចយោ; អាវជ្ជនា អាសវានំ អនន្តរបច្ចយេន បច្ចយោ។ (២)

    Noāsavo dhammo āsavassa dhammassa anantarapaccayena paccayo – purimā purimā noāsavā khandhā pacchimānaṃ pacchimānaṃ āsavānaṃ anantarapaccayena paccayo; āvajjanā āsavānaṃ anantarapaccayena paccayo. (2)

    នោអាសវោ ធម្មោ អាសវស្ស ច នោអាសវស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា នោអាសវា ខន្ធា បច្ឆិមានំ បច្ឆិមានំ អាសវានំ សម្បយុត្តកានញ្ច ខន្ធានំ អនន្តរបច្ចយេន បច្ចយោ។ (៣)

    Noāsavo dhammo āsavassa ca noāsavassa ca dhammassa anantarapaccayena paccayo – purimā purimā noāsavā khandhā pacchimānaṃ pacchimānaṃ āsavānaṃ sampayuttakānañca khandhānaṃ anantarapaccayena paccayo. (3)

    ២៤. អាសវោ ច នោអាសវោ ច ធម្មា អាសវស្ស ធម្មស្ស អនន្តរបច្ចយេន បច្ចយោ… តីណិ។

    24. Āsavo ca noāsavo ca dhammā āsavassa dhammassa anantarapaccayena paccayo… tīṇi.

    សមនន្តរបច្ចយាទិ

    Samanantarapaccayādi

    ២៥. អាសវោ ធម្មោ អាសវស្ស ធម្មស្ស សមនន្តរបច្ចយេន បច្ចយោ… សហជាតបច្ចយេន បច្ចយោ… នវ… អញ្ញមញ្ញបច្ចយេន បច្ចយោ… នវ… និស្សយបច្ចយេន បច្ចយោ… នវ (វត្ថុ ច ទស្សេតព្ពំ)។

    25. Āsavo dhammo āsavassa dhammassa samanantarapaccayena paccayo… sahajātapaccayena paccayo… nava… aññamaññapaccayena paccayo… nava… nissayapaccayena paccayo… nava (vatthu ca dassetabbaṃ).

    ឧបនិស្សយបច្ចយោ

    Upanissayapaccayo

    ២៦. អាសវោ ធម្មោ អាសវស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – អាសវា អាសវានំ ឧបនិស្សយបច្ចយេន បច្ចយោ (តីណិ)។

    26. Āsavo dhammo āsavassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – āsavā āsavānaṃ upanissayapaccayena paccayo (tīṇi).

    ២៧. នោអាសវោ ធម្មោ នោអាសវស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; សីលំ…បេ.… សេនាសនំ ឧបនិស្សាយ ទានំ ទេតិ…បេ.… សង្ឃំ ភិន្ទតិ; សទ្ធា…បេ.… សេនាសនំ សទ្ធាយ…បេ.… ផលសមាបត្តិយា ឧបនិស្សយបច្ចយេន បច្ចយោ។ (១)

    27. Noāsavo dhammo noāsavassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti…pe… samāpattiṃ uppādeti, mānaṃ jappeti, diṭṭhiṃ gaṇhāti; sīlaṃ…pe… senāsanaṃ upanissāya dānaṃ deti…pe… saṅghaṃ bhindati; saddhā…pe… senāsanaṃ saddhāya…pe… phalasamāpattiyā upanissayapaccayena paccayo. (1)

    នោអាសវោ ធម្មោ អាសវស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ , បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ មានំ ជប្បេតិ, ទិដ្ឋិំ គណ្ហាតិ; សីលំ…បេ.… សង្ឃំ ភិន្ទតិ, សទ្ធា…បេ.… សេនាសនំ រាគស្ស…បេ.… បត្ថនាយ ឧបនិស្សយបច្ចយេន បច្ចយោ។ (២)

    Noāsavo dhammo āsavassa dhammassa upanissayapaccayena paccayo – ārammaṇūpanissayo, anantarūpanissayo , pakatūpanissayo…pe…. Pakatūpanissayo – saddhaṃ upanissāya mānaṃ jappeti, diṭṭhiṃ gaṇhāti; sīlaṃ…pe… saṅghaṃ bhindati, saddhā…pe… senāsanaṃ rāgassa…pe… patthanāya upanissayapaccayena paccayo. (2)

    នោអាសវោ ធម្មោ អាសវស្ស ច នោអាសវស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ មានំ ជប្បេតិ, ទិដ្ឋិំ គណ្ហាតិ; សីលំ…បេ.… សេនាសនំ ឧបនិស្សាយ…បេ.… បាណំ ហនតិ…បេ.… សង្ឃំ ភិន្ទតិ, សទ្ធា…បេ.… សេនាសនំ រាគស្ស…បេ.… បត្ថនាយ ឧបនិស្សយបច្ចយេន បច្ចយោ។ (៣)

    Noāsavo dhammo āsavassa ca noāsavassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya mānaṃ jappeti, diṭṭhiṃ gaṇhāti; sīlaṃ…pe… senāsanaṃ upanissāya…pe… pāṇaṃ hanati…pe… saṅghaṃ bhindati, saddhā…pe… senāsanaṃ rāgassa…pe… patthanāya upanissayapaccayena paccayo. (3)

    អាសវោ ច នោអាសវោ ច ធម្មា អាសវស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ… តីណិ។

    Āsavo ca noāsavo ca dhammā āsavassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo… tīṇi.

    បុរេជាតបច្ចយោ

    Purejātapaccayo

    ២៨. នោអាសវោ ធម្មោ នោអាសវស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ …បេ.… វត្ថុំ (ឯវំ វិត្ថារេតព្ពំ), ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ។ វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស, វត្ថុ នោអាសវានំ ខន្ធានំ បុរេជាតបច្ចយេន បច្ចយោ។ (១)

    28. Noāsavo dhammo noāsavassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ …pe… vatthuṃ (evaṃ vitthāretabbaṃ), phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa, vatthu noāsavānaṃ khandhānaṃ purejātapaccayena paccayo. (1)

    នោអាសវោ ធម្មោ អាសវស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អស្សាទេតិ អភិនន្ទតិ, តំ អារព្ភ អាសវា ឧប្បជ្ជន្តិ។ វត្ថុបុរេជាតំ – វត្ថុ អាសវានំ បុរេជាតបច្ចយេន បច្ចយោ។ (២)

    Noāsavo dhammo āsavassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati, taṃ ārabbha āsavā uppajjanti. Vatthupurejātaṃ – vatthu āsavānaṃ purejātapaccayena paccayo. (2)

    នោអាសវោ ធម្មោ អាសវស្ស ច នោអាសវស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អស្សាទេតិ អភិនន្ទតិ , តំ អារព្ភ អាសវា ច សម្បយុត្តកា ច ខន្ធា ឧប្បជ្ជន្តិ។ វត្ថុបុរេជាតំ – វត្ថុ អាសវានញ្ច អាសវសម្បយុត្តកានញ្ច ខន្ធានំ បុរេជាតបច្ចយេន បច្ចយោ។ (៣)

    Noāsavo dhammo āsavassa ca noāsavassa ca dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati , taṃ ārabbha āsavā ca sampayuttakā ca khandhā uppajjanti. Vatthupurejātaṃ – vatthu āsavānañca āsavasampayuttakānañca khandhānaṃ purejātapaccayena paccayo. (3)

    បច្ឆាជាតបច្ចយោ

    Pacchājātapaccayo

    ២៩. អាសវោ ធម្មោ នោអាសវស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អាសវា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ។ (១)

    29. Āsavo dhammo noāsavassa dhammassa pacchājātapaccayena paccayo – pacchājātā āsavā purejātassa imassa kāyassa pacchājātapaccayena paccayo. (1)

    នោអាសវោ ធម្មោ នោអាសវស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា នោអាសវា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ។ (១)

    Noāsavo dhammo noāsavassa dhammassa pacchājātapaccayena paccayo – pacchājātā noāsavā khandhā purejātassa imassa kāyassa pacchājātapaccayena paccayo. (1)

    អាសវោ ច នោអាសវោ ច ធម្មា នោអាសវស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អាសវា ច សម្បយុត្តកា ច ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ។ (១)

    Āsavo ca noāsavo ca dhammā noāsavassa dhammassa pacchājātapaccayena paccayo – pacchājātā āsavā ca sampayuttakā ca khandhā purejātassa imassa kāyassa pacchājātapaccayena paccayo. (1)

    អាសេវនបច្ចយោ

    Āsevanapaccayo

    ៣០. អាសវោ ធម្មោ អាសវស្ស ធម្មស្ស អាសេវនបច្ចយេន បច្ចយោ… នវ។

    30. Āsavo dhammo āsavassa dhammassa āsevanapaccayena paccayo… nava.

    កម្មបច្ចយោ

    Kammapaccayo

    ៣១. នោអាសវោ ធម្មោ នោអាសវស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – នោអាសវា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ.…។ នានាក្ខណិកា – នោអាសវា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ។ (១)

    31. Noāsavo dhammo noāsavassa dhammassa kammapaccayena paccayo – sahajātā, nānākkhaṇikā. Sahajātā – noāsavā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; paṭisandhikkhaṇe…pe…. Nānākkhaṇikā – noāsavā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (1)

    នោអាសវោ ធម្មោ អាសវស្ស ធម្មស្ស កម្មបច្ចយេន បច្ចយោ – នោអាសវា ចេតនា សម្បយុត្តកានំ អាសវានំ កម្មបច្ចយេន បច្ចយោ។ (២)

    Noāsavo dhammo āsavassa dhammassa kammapaccayena paccayo – noāsavā cetanā sampayuttakānaṃ āsavānaṃ kammapaccayena paccayo. (2)

    នោអាសវោ ធម្មោ អាសវស្ស ច នោអាសវស្ស ច ធម្មស្ស កម្មបច្ចយេន បច្ចយោ – នោអាសវា ចេតនា សម្បយុត្តកានំ ខន្ធានំ អាសវានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ (៣)

    Noāsavo dhammo āsavassa ca noāsavassa ca dhammassa kammapaccayena paccayo – noāsavā cetanā sampayuttakānaṃ khandhānaṃ āsavānaṃ cittasamuṭṭhānānañca rūpānaṃ kammapaccayena paccayo. (3)

    វិបាកាហារបច្ចយា

    Vipākāhārapaccayā

    ៣២. នោអាសវោ ធម្មោ នោអាសវស្ស ធម្មស្ស វិបាកបច្ចយេន បច្ចយោ… ឯកំ, អាហារបច្ចយេន បច្ចយោ – នោអាសវា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ; បដិសន្ធិក្ខណេ…បេ.… កពឡីការោ អាហារោ ឥមស្ស កាយស្ស អាហារបច្ចយេន បច្ចយោ។ (១)

    32. Noāsavo dhammo noāsavassa dhammassa vipākapaccayena paccayo… ekaṃ, āhārapaccayena paccayo – noāsavā āhārā sampayuttakānaṃ khandhānaṃ cittasamuṭṭhānānañca rūpānaṃ āhārapaccayena paccayo; paṭisandhikkhaṇe…pe… kabaḷīkāro āhāro imassa kāyassa āhārapaccayena paccayo. (1)

    នោអាសវោ ធម្មោ អាសវស្ស ធម្មស្ស អាហារបច្ចយេន បច្ចយោ – នោអាសវា អាហារា សម្បយុត្តកានំ អាសវានំ អាហារបច្ចយេន បច្ចយោ។ (២)

    Noāsavo dhammo āsavassa dhammassa āhārapaccayena paccayo – noāsavā āhārā sampayuttakānaṃ āsavānaṃ āhārapaccayena paccayo. (2)

    នោអាសវោ ធម្មោ អាសវស្ស ច នោអាសវស្ស ច ធម្មស្ស អាហារបច្ចយេន បច្ចយោ – នោអាសវា អាហារា សម្បយុត្តកានំ ខន្ធានំ អាសវានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ។ (៣)

    Noāsavo dhammo āsavassa ca noāsavassa ca dhammassa āhārapaccayena paccayo – noāsavā āhārā sampayuttakānaṃ khandhānaṃ āsavānaṃ cittasamuṭṭhānānañca rūpānaṃ āhārapaccayena paccayo. (3)

    ឥន្ទ្រិយបច្ចយាទិ

    Indriyapaccayādi

    ៣៣. នោអាសវោ ធម្មោ នោអាសវស្ស ធម្មស្ស ឥន្ទ្រិយបច្ចយេន បច្ចយោ – នោអាសវា ឥន្ទ្រិយា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ឥន្ទ្រិយបច្ចយេន បច្ចយោ; បដិសន្ធិក្ខណេ…បេ.… ចក្ខុន្ទ្រិយំ ចក្ខុវិញ្ញាណស្ស…បេ.… កាយិន្ទ្រិយំ កាយវិញ្ញាណស្ស…បេ.… រូបជីវិតិន្ទ្រិយំ កដត្តារូបានំ ឥន្ទ្រិយបច្ចយេន បច្ចយោ… តីណិ… ឈានបច្ចយេន បច្ចយោ… តីណិ… មគ្គបច្ចយេន បច្ចយោ… នវ… សម្បយុត្តបច្ចយេន បច្ចយោ… នវ។

    33. Noāsavo dhammo noāsavassa dhammassa indriyapaccayena paccayo – noāsavā indriyā sampayuttakānaṃ khandhānaṃ cittasamuṭṭhānānañca rūpānaṃ indriyapaccayena paccayo; paṭisandhikkhaṇe…pe… cakkhundriyaṃ cakkhuviññāṇassa…pe… kāyindriyaṃ kāyaviññāṇassa…pe… rūpajīvitindriyaṃ kaṭattārūpānaṃ indriyapaccayena paccayo… tīṇi… jhānapaccayena paccayo… tīṇi… maggapaccayena paccayo… nava… sampayuttapaccayena paccayo… nava.

    វិប្បយុត្តបច្ចយោ

    Vippayuttapaccayo

    ៣៤. អាសវោ ធម្មោ នោអាសវស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ។ សហជាតា – អាសវា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ។ បច្ឆាជាតា – អាសវា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ។ (១)

    34. Āsavo dhammo noāsavassa dhammassa vippayuttapaccayena paccayo – sahajātaṃ, pacchājātaṃ. Sahajātā – āsavā cittasamuṭṭhānānaṃ rūpānaṃ vippayuttapaccayena paccayo. Pacchājātā – āsavā purejātassa imassa kāyassa vippayuttapaccayena paccayo. (1)

    ៣៥. នោអាសវោ ធម្មោ នោអាសវស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ។ សហជាតា – នោអាសវា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ; បដិសន្ធិក្ខណេ…បេ.… ខន្ធា វត្ថុស្ស វិប្បយុត្តបច្ចយេន បច្ចយោ, វត្ថុ ខន្ធានំ វិប្បយុត្តបច្ចយេន បច្ចយោ។ បុរេជាតំ – ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស…បេ.… វត្ថុ នោអាសវានំ ខន្ធានំ វិប្បយុត្តបច្ចយេន បច្ចយោ។ បច្ឆាជាតា – នោអាសវា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ។ (១)

    35. Noāsavo dhammo noāsavassa dhammassa vippayuttapaccayena paccayo – sahajātaṃ, purejātaṃ, pacchājātaṃ. Sahajātā – noāsavā khandhā cittasamuṭṭhānānaṃ rūpānaṃ vippayuttapaccayena paccayo; paṭisandhikkhaṇe…pe… khandhā vatthussa vippayuttapaccayena paccayo, vatthu khandhānaṃ vippayuttapaccayena paccayo. Purejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu noāsavānaṃ khandhānaṃ vippayuttapaccayena paccayo. Pacchājātā – noāsavā khandhā purejātassa imassa kāyassa vippayuttapaccayena paccayo. (1)

    នោអាសវោ ធម្មោ អាសវស្ស ធម្មស្ស វិប្បយុត្តបច្ចយេន បច្ចយោ។ បុរេជាតំ – វត្ថុ អាសវានំ វិប្បយុត្តបច្ចយេន បច្ចយោ។ (២)

    Noāsavo dhammo āsavassa dhammassa vippayuttapaccayena paccayo. Purejātaṃ – vatthu āsavānaṃ vippayuttapaccayena paccayo. (2)

    នោអាសវោ ធម្មោ អាសវស្ស ច នោអាសវស្ស ច ធម្មស្ស វិប្បយុត្តបច្ចយេន បច្ចយោ។ បុរេជាតំ – វត្ថុ អាសវានំ សម្បយុត្តកានញ្ច ខន្ធានំ វិប្បយុត្តបច្ចយេន បច្ចយោ។ (៣)

    Noāsavo dhammo āsavassa ca noāsavassa ca dhammassa vippayuttapaccayena paccayo. Purejātaṃ – vatthu āsavānaṃ sampayuttakānañca khandhānaṃ vippayuttapaccayena paccayo. (3)

    ៣៦. អាសវោ ច នោអាសវោ ច ធម្មា នោអាសវស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ។ សហជាតា – អាសវា ច សម្បយុត្តកា ច ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ។ បច្ឆាជាតា – អាសវា ច សម្បយុត្តកា ច ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ។ (១)

    36. Āsavo ca noāsavo ca dhammā noāsavassa dhammassa vippayuttapaccayena paccayo – sahajātaṃ, pacchājātaṃ. Sahajātā – āsavā ca sampayuttakā ca khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – āsavā ca sampayuttakā ca khandhā purejātassa imassa kāyassa vippayuttapaccayena paccayo. (1)

    អត្ថិបច្ចយោ

    Atthipaccayo

    ៣៧. អាសវោ ធម្មោ អាសវស្ស ធម្មស្ស អត្ថិបច្ចយេន បច្ចយោ – កាមាសវោ ទិដ្ឋាសវស្ស អវិជ្ជាសវស្ស អត្ថិបច្ចយេន បច្ចយោ (ចក្កំ)។ (១)

    37. Āsavo dhammo āsavassa dhammassa atthipaccayena paccayo – kāmāsavo diṭṭhāsavassa avijjāsavassa atthipaccayena paccayo (cakkaṃ). (1)

    អាសវោ ធម្មោ នោអាសវស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ។ សហជាតា – អាសវា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ។ បច្ឆាជាតា – អាសវា បុរេជាតស្ស ឥមស្ស កាយស្ស អត្ថិបច្ចយេន បច្ចយោ។ (២)

    Āsavo dhammo noāsavassa dhammassa atthipaccayena paccayo – sahajātaṃ, pacchājātaṃ. Sahajātā – āsavā sampayuttakānaṃ khandhānaṃ cittasamuṭṭhānānañca rūpānaṃ atthipaccayena paccayo. Pacchājātā – āsavā purejātassa imassa kāyassa atthipaccayena paccayo. (2)

    អាសវោ ធម្មោ អាសវស្ស ច នោអាសវស្ស ច ធម្មស្ស អត្ថិបច្ចយេន បច្ចយោ – កាមាសវោ ទិដ្ឋាសវស្ស អវិជ្ជាសវស្ស សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ (ចក្កំ)។ (៣)

    Āsavo dhammo āsavassa ca noāsavassa ca dhammassa atthipaccayena paccayo – kāmāsavo diṭṭhāsavassa avijjāsavassa sampayuttakānaṃ khandhānaṃ cittasamuṭṭhānānañca rūpānaṃ atthipaccayena paccayo (cakkaṃ). (3)

    ៣៨. នោអាសវោ ធម្មោ នោអាសវស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ។ សហជាតោ – នោអាសវោ ឯកោ ខន្ធោ តិណ្ណន្នំ ខន្ធានំ…បេ.… (យាវ អសញ្ញសត្តា)។ បុរេជាតំ – ចក្ខុំ…បេ.… វត្ថុំ អនិច្ចតោ…បេ.… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ។ រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស…បេ.… ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស…បេ.… វត្ថុ នោអាសវានំ ខន្ធានំ អត្ថិបច្ចយេន បច្ចយោ។ បច្ឆាជាតា – នោអាសវា ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ; កពឡីការោ អាហារោ ឥមស្ស កាយស្ស អត្ថិបច្ចយេន បច្ចយោ; រូបជីវិតិន្ទ្រិយំ កដត្តារូបានំ អត្ថិបច្ចយេន បច្ចយោ។ (១)

    38. Noāsavo dhammo noāsavassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – noāsavo eko khandho tiṇṇannaṃ khandhānaṃ…pe… (yāva asaññasattā). Purejātaṃ – cakkhuṃ…pe… vatthuṃ aniccato…pe… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu noāsavānaṃ khandhānaṃ atthipaccayena paccayo. Pacchājātā – noāsavā khandhā purejātassa imassa kāyassa atthipaccayena paccayo; kabaḷīkāro āhāro imassa kāyassa atthipaccayena paccayo; rūpajīvitindriyaṃ kaṭattārūpānaṃ atthipaccayena paccayo. (1)

    នោអាសវោ ធម្មោ អាសវស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតា – នោអាសវា ខន្ធា អាសវានំ អត្ថិបច្ចយេន បច្ចយោ។ បុរេជាតំ – ចក្ខុំ…បេ.… វត្ថុំ អស្សាទេតិ អភិនន្ទតិ, តំ អារព្ភ អាសវា ឧប្បជ្ជន្តិ, វត្ថុ អាសវានំ អត្ថិបច្ចយេន បច្ចយោ។ (២)

    Noāsavo dhammo āsavassa dhammassa atthipaccayena paccayo – sahajātaṃ, purejātaṃ. Sahajātā – noāsavā khandhā āsavānaṃ atthipaccayena paccayo. Purejātaṃ – cakkhuṃ…pe… vatthuṃ assādeti abhinandati, taṃ ārabbha āsavā uppajjanti, vatthu āsavānaṃ atthipaccayena paccayo. (2)

    នោអាសវោ ធម្មោ អាសវស្ស ច នោអាសវស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – នោអាសវោ ឯកោ ខន្ធោ តិណ្ណន្នំ ខន្ធានំ អាសវានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ.… ទ្វេ ខន្ធា…បេ.… (ចក្កំ)។ (៣)

    Noāsavo dhammo āsavassa ca noāsavassa ca dhammassa atthipaccayena paccayo – sahajātaṃ, purejātaṃ. Sahajāto – noāsavo eko khandho tiṇṇannaṃ khandhānaṃ āsavānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe… (cakkaṃ). (3)

    ៣៩. អាសវោ ច នោអាសវោ ច ធម្មា អាសវស្ស ធម្មស្ស អត្ថិបច្ចយេន បច្ចយោ – សហជាតំ , បុរេជាតំ។ សហជាតោ – កាមាសវោ ច សម្បយុត្តកា ច ខន្ធា ទិដ្ឋាសវស្ស អវិជ្ជាសវស្ស អត្ថិបច្ចយេន បច្ចយោ (ចក្កំ)។ កាមាសវោ ច វត្ថុ ច ទិដ្ឋាសវស្ស អវិជ្ជាសវស្ស អត្ថិបច្ចយេន បច្ចយោ (ចក្កំ)។ (១)

    39. Āsavo ca noāsavo ca dhammā āsavassa dhammassa atthipaccayena paccayo – sahajātaṃ , purejātaṃ. Sahajāto – kāmāsavo ca sampayuttakā ca khandhā diṭṭhāsavassa avijjāsavassa atthipaccayena paccayo (cakkaṃ). Kāmāsavo ca vatthu ca diṭṭhāsavassa avijjāsavassa atthipaccayena paccayo (cakkaṃ). (1)

    អាសវោ ច នោអាសវោ ច ធម្មា នោអាសវស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ។ សហជាតោ – នោអាសវោ ឯកោ ខន្ធោ ច អាសវា ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ។ សហជាតា – អាសវា មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ; អាសវា ច វត្ថុ ច នោអាសវានំ ខន្ធានំ អត្ថិបច្ចយេន បច្ចយោ។ បច្ឆាជាតា – អាសវា ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ។ បច្ឆាជាតា – អាសវា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ។ (២)

    Āsavo ca noāsavo ca dhammā noāsavassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – noāsavo eko khandho ca āsavā ca tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo. Sahajātā – āsavā mahābhūtā ca cittasamuṭṭhānānaṃ rūpānaṃ atthipaccayena paccayo; āsavā ca vatthu ca noāsavānaṃ khandhānaṃ atthipaccayena paccayo. Pacchājātā – āsavā ca kabaḷīkāro āhāro ca imassa kāyassa atthipaccayena paccayo. Pacchājātā – āsavā ca rūpajīvitindriyañca kaṭattārūpānaṃ atthipaccayena paccayo. (2)

    អាសវោ ច នោអាសវោ ច ធម្មា អាសវស្ស ច នោអាសវស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – នោអាសវោ ឯកោ ខន្ធោ ច កាមាសវោ ច តិណ្ណន្នំ ខន្ធានំ ទិដ្ឋាសវស្ស អវិជ្ជាសវស្ស ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ.… ទ្វេ ខន្ធា ច…បេ.… (ចក្កំ)។ សហជាតោ – កាមាសវោ ច វត្ថុ ច ទិដ្ឋាសវស្ស អវិជ្ជាសវស្ស សម្បយុត្តកានញ្ច ខន្ធានំ អត្ថិបច្ចយេន បច្ចយោ (ចក្កំ)។ (៣)

    Āsavo ca noāsavo ca dhammā āsavassa ca noāsavassa ca dhammassa atthipaccayena paccayo – sahajātaṃ, purejātaṃ. Sahajāto – noāsavo eko khandho ca kāmāsavo ca tiṇṇannaṃ khandhānaṃ diṭṭhāsavassa avijjāsavassa cittasamuṭṭhānānañca rūpānaṃ atthipaccayena paccayo…pe… dve khandhā ca…pe… (cakkaṃ). Sahajāto – kāmāsavo ca vatthu ca diṭṭhāsavassa avijjāsavassa sampayuttakānañca khandhānaṃ atthipaccayena paccayo (cakkaṃ). (3)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៤០. ហេតុយា សត្ត, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ នវ, កម្មេ តីណិ, វិបាកេ ឯកំ, អាហារេ តីណិ…បេ.… មគ្គេ នវ, សម្បយុត្តេ នវ, វិប្បយុត្តេ បញ្ច, អត្ថិយា នវ, នត្ថិយា នវ, វិគតេ នវ, អវិគតេ នវ។

    40. Hetuyā satta, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, purejāte tīṇi, pacchājāte tīṇi, āsevane nava, kamme tīṇi, vipāke ekaṃ, āhāre tīṇi…pe… magge nava, sampayutte nava, vippayutte pañca, atthiyā nava, natthiyā nava, vigate nava, avigate nava.

    អនុលោមំ។

    Anulomaṃ.

    បច្ចនីយុទ្ធារោ

    Paccanīyuddhāro

    ៤១. អាសវោ ធម្មោ អាសវស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)

    41. Āsavo dhammo āsavassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    អាសវោ ធម្មោ នោអាសវស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ។ (២)

    Āsavo dhammo noāsavassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)

    អាសវោ ធម្មោ អាសវស្ស ច នោអាសវស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)

    Āsavo dhammo āsavassa ca noāsavassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)

    ៤២. នោអាសវោ ធម្មោ នោអាសវស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ (១)

    42. Noāsavo dhammo noāsavassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)

    នោអាសវោ ធម្មោ អាសវស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (២)

    Noāsavo dhammo āsavassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (2)

    នោអាសវោ ធម្មោ អាសវស្ស ច នោអាសវស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (៣)

    Noāsavo dhammo āsavassa ca noāsavassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (3)

    ៤៣. អាសវោ ច នោអាសវោ ច ធម្មា អាសវស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)

    43. Āsavo ca noāsavo ca dhammā āsavassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    អាសវោ ច នោអាសវោ ច ធម្មា នោអាសវស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ។ (២)

    Āsavo ca noāsavo ca dhammā noāsavassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)

    អាសវោ ច នោអាសវោ ច ធម្មា អាសវស្ស ច នោអាសវស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)

    Āsavo ca noāsavo ca dhammā āsavassa ca noāsavassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    ៤៤. នហេតុយា នវ, នអារម្មណេ នវ, នអធិបតិយា នវ (សព្ពត្ថ នវ), នោអវិគតេ នវ។

    44. Nahetuyā nava, naārammaṇe nava, naadhipatiyā nava (sabbattha nava), noavigate nava.

    បច្ចនីយំ។

    Paccanīyaṃ.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ហេតុទុកំ

    Hetudukaṃ

    ៤៥. ហេតុបច្ចយា នអារម្មណេ សត្ត, នអធិបតិយា សត្ត, នអនន្តរេ សត្ត, នសមនន្តរេ សត្ត, នអញ្ញមញ្ញេ តីណិ, នឧបនិស្សយេ សត្ត (សព្ពត្ថ សត្ត), នមគ្គេ សត្ត, នសម្បយុត្តេ តីណិ, នវិប្បយុត្តេ សត្ត, នោនត្ថិយា សត្ត, នោវិគតេ សត្ត។

    45. Hetupaccayā naārammaṇe satta, naadhipatiyā satta, naanantare satta, nasamanantare satta, naaññamaññe tīṇi, naupanissaye satta (sabbattha satta), namagge satta, nasampayutte tīṇi, navippayutte satta, nonatthiyā satta, novigate satta.

    អនុលោមបច្ចនីយំ។

    Anulomapaccanīyaṃ.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    នហេតុទុកំ

    Nahetudukaṃ

    ៤៦. នហេតុបច្ចយា អារម្មណេ នវ, អធិបតិយា នវ (អនុលោមបទា បរិបុណ្ណា), អវិគតេ នវ។

    46. Nahetupaccayā ārammaṇe nava, adhipatiyā nava (anulomapadā paripuṇṇā), avigate nava.

    បច្ចនីយានុលោមំ។

    Paccanīyānulomaṃ.

    អាសវទុកំ និដ្ឋិតំ។

    Āsavadukaṃ niṭṭhitaṃ.

    ១៥. សាសវទុកំ

    15. Sāsavadukaṃ

    ១. បដិច្ចវារោ

    1. Paṭiccavāro

    ហេតុបច្ចយោ

    Hetupaccayo

    ៤៧. សាសវំ ធម្មំ បដិច្ច សាសវោ ធម្មោ ឧប្បជ្ជតិ ហេតុបច្ចយា – សាសវំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ.… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ។ (១)

    47. Sāsavaṃ dhammaṃ paṭicca sāsavo dhammo uppajjati hetupaccayā – sāsavaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)

    អនាសវំ ធម្មំ បដិច្ច អនាសវោ ធម្មោ ឧប្បជ្ជតិ ហេតុបច្ចយា – អនាសវំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    Anāsavaṃ dhammaṃ paṭicca anāsavo dhammo uppajjati hetupaccayā – anāsavaṃ ekaṃ khandhaṃ paṭicca tayo khandhā…pe… dve khandhe…pe…. (1)

    អនាសវំ ធម្មំ បដិច្ច សាសវោ ធម្មោ ឧប្បជ្ជតិ ហេតុបច្ចយា – អនាសវេ ខន្ធេ បដិច្ច ចិត្តសមុដ្ឋានំ រូបំ។ (២)

    Anāsavaṃ dhammaṃ paṭicca sāsavo dhammo uppajjati hetupaccayā – anāsave khandhe paṭicca cittasamuṭṭhānaṃ rūpaṃ. (2)

    អនាសវំ ធម្មំ បដិច្ច សាសវោ ច អនាសវោ ច ធម្មា ឧប្បជ្ជន្តិ ហេតុបច្ចយា – អនាសវំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

    Anāsavaṃ dhammaṃ paṭicca sāsavo ca anāsavo ca dhammā uppajjanti hetupaccayā – anāsavaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    សាសវញ្ច អនាសវញ្ច ធម្មំ បដិច្ច សាសវោ ធម្មោ ឧប្បជ្ជតិ ហេតុបច្ចយា – អនាសវេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ។ (១)

    Sāsavañca anāsavañca dhammaṃ paṭicca sāsavo dhammo uppajjati hetupaccayā – anāsave khandhe ca mahābhūte ca paṭicca cittasamuṭṭhānaṃ rūpaṃ. (1)

    (យថា ចូឡន្តរទុកេ លោកិយទុកំ ឯវំ កាតព្ពំ និន្នានាករណំ។)

    (Yathā cūḷantaraduke lokiyadukaṃ evaṃ kātabbaṃ ninnānākaraṇaṃ.)

    សាសវទុកំ និដ្ឋិតំ។

    Sāsavadukaṃ niṭṭhitaṃ.

    ១៦. អាសវសម្បយុត្តទុកំ

    16. Āsavasampayuttadukaṃ

    ១. បដិច្ចវារោ

    1. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៤៨. អាសវសម្បយុត្តំ ធម្មំ បដិច្ច អាសវសម្បយុត្តោ ធម្មោ ឧប្បជ្ជតិ ហេតុបច្ចយា – អាសវសម្បយុត្តំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    48. Āsavasampayuttaṃ dhammaṃ paṭicca āsavasampayutto dhammo uppajjati hetupaccayā – āsavasampayuttaṃ ekaṃ khandhaṃ paṭicca tayo khandhā…pe… dve khandhe…pe…. (1)

    អាសវសម្បយុត្តំ ធម្មំ បដិច្ច អាសវវិប្បយុត្តោ ធម្មោ ឧប្បជ្ជតិ ហេតុបច្ចយា – អាសវសម្បយុត្តេ ខន្ធេ បដិច្ច ចិត្តសមុដ្ឋានំ រូបំ, ទោមនស្សសហគតេ ខន្ធេ បដិច្ច មោហោ ចិត្តសមុដ្ឋានញ្ច រូបំ។ (២)

    Āsavasampayuttaṃ dhammaṃ paṭicca āsavavippayutto dhammo uppajjati hetupaccayā – āsavasampayutte khandhe paṭicca cittasamuṭṭhānaṃ rūpaṃ, domanassasahagate khandhe paṭicca moho cittasamuṭṭhānañca rūpaṃ. (2)

    អាសវសម្បយុត្តំ ធម្មំ បដិច្ច អាសវសម្បយុត្តោ ច អាសវវិប្បយុត្តោ ច ធម្មា ឧប្បជ្ជន្តិ ហេតុបច្ចយា – អាសវសម្បយុត្តំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… ទោមនស្សសហគតំ ឯកំ ខន្ធំ បដិច្ច តយោ ខន្ធា មោហោ ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

    Āsavasampayuttaṃ dhammaṃ paṭicca āsavasampayutto ca āsavavippayutto ca dhammā uppajjanti hetupaccayā – āsavasampayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… domanassasahagataṃ ekaṃ khandhaṃ paṭicca tayo khandhā moho cittasamuṭṭhānañca rūpaṃ…pe… dve khandhe…pe…. (3)

    ៤៩. អាសវវិប្បយុត្តំ ធម្មំ បដិច្ច អាសវវិប្បយុត្តោ ធម្មោ ឧប្បជ្ជតិ ហេតុបច្ចយា – អាសវវិប្បយុត្តំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… ទោមនស្សសហគតំ វិចិកិច្ឆាសហគតំ ឧទ្ធច្ចសហគតំ មោហំ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ បដិច្ច តយោ មហាភូតា, តយោ មហាភូតេ បដិច្ច ឯកំ មហាភូតំ, ទ្វេ មហាភូតេ បដិច្ច ទ្វេ មហាភូតា, មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ។ (១)

    49. Āsavavippayuttaṃ dhammaṃ paṭicca āsavavippayutto dhammo uppajjati hetupaccayā – āsavavippayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… domanassasahagataṃ vicikicchāsahagataṃ uddhaccasahagataṃ mohaṃ paṭicca cittasamuṭṭhānaṃ rūpaṃ; paṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ paṭicca tayo mahābhūtā, tayo mahābhūte paṭicca ekaṃ mahābhūtaṃ, dve mahābhūte paṭicca dve mahābhūtā, mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)

    អាសវវិប្បយុត្តំ ធម្មំ បដិច្ច អាសវសម្បយុត្តោ ធម្មោ ឧប្បជ្ជតិ ហេតុបច្ចយា – ទោមនស្សសហគតំ វិចិកិច្ឆាសហគតំ ឧទ្ធច្ចសហគតំ មោហំ បដិច្ច សម្បយុត្តកា ខន្ធា។ (២)

    Āsavavippayuttaṃ dhammaṃ paṭicca āsavasampayutto dhammo uppajjati hetupaccayā – domanassasahagataṃ vicikicchāsahagataṃ uddhaccasahagataṃ mohaṃ paṭicca sampayuttakā khandhā. (2)

    អាសវវិប្បយុត្តំ ធម្មំ បដិច្ច អាសវសម្បយុត្តោ ច អាសវវិប្បយុត្តោ ច ធម្មា ឧប្បជ្ជន្តិ ហេតុបច្ចយា – ទោមនស្សសហគតំ វិចិកិច្ឆាសហគតំ ឧទ្ធច្ចសហគតំ មោហំ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ។ (៣)

    Āsavavippayuttaṃ dhammaṃ paṭicca āsavasampayutto ca āsavavippayutto ca dhammā uppajjanti hetupaccayā – domanassasahagataṃ vicikicchāsahagataṃ uddhaccasahagataṃ mohaṃ paṭicca sampayuttakā khandhā cittasamuṭṭhānañca rūpaṃ. (3)

    ៥០. អាសវសម្បយុត្តញ្ច អាសវវិប្បយុត្តញ្ច ធម្មំ បដិច្ច អាសវសម្បយុត្តោ ធម្មោ ឧប្បជ្ជតិ ហេតុបច្ចយា – ទោមនស្សសហគតំ វិចិកិច្ឆាសហគតំ ឧទ្ធច្ចសហគតំ ឯកំ ខន្ធញ្ច មោហញ្ច បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    50. Āsavasampayuttañca āsavavippayuttañca dhammaṃ paṭicca āsavasampayutto dhammo uppajjati hetupaccayā – domanassasahagataṃ vicikicchāsahagataṃ uddhaccasahagataṃ ekaṃ khandhañca mohañca paṭicca tayo khandhā…pe… dve khandhe…pe…. (1)

    អាសវសម្បយុត្តញ្ច អាសវវិប្បយុត្តញ្ច ធម្មំ បដិច្ច អាសវវិប្បយុត្តោ ធម្មោ ឧប្បជ្ជតិ ហេតុបច្ចយា – អាសវសម្បយុត្តេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ, ទោមនស្សសហគតេ វិចិកិច្ឆាសហគតេ ឧទ្ធច្ចសហគតេ ខន្ធេ ច មោហញ្ច បដិច្ច ចិត្តសមុដ្ឋានំ រូបំ។ (២)

    Āsavasampayuttañca āsavavippayuttañca dhammaṃ paṭicca āsavavippayutto dhammo uppajjati hetupaccayā – āsavasampayutte khandhe ca mahābhūte ca paṭicca cittasamuṭṭhānaṃ rūpaṃ, domanassasahagate vicikicchāsahagate uddhaccasahagate khandhe ca mohañca paṭicca cittasamuṭṭhānaṃ rūpaṃ. (2)

    អាសវសម្បយុត្តញ្ច អាសវវិប្បយុត្តញ្ច ធម្មំ បដិច្ច អាសវសម្បយុត្តោ ច អាសវវិប្បយុត្តោ ច ធម្មា ឧប្បជ្ជន្តិ ហេតុបច្ចយា – ទោមនស្សសហគតំ វិចិកិច្ឆាសហគតំ ឧទ្ធច្ចសហគតំ ឯកំ ខន្ធញ្ច មោហញ្ច បដិច្ច តយោ ខន្ធា ចិត្តសមុដ្ឋានញ្ច រូបំ, ទ្វេ ខន្ធេ…បេ.…។ (៣)

    Āsavasampayuttañca āsavavippayuttañca dhammaṃ paṭicca āsavasampayutto ca āsavavippayutto ca dhammā uppajjanti hetupaccayā – domanassasahagataṃ vicikicchāsahagataṃ uddhaccasahagataṃ ekaṃ khandhañca mohañca paṭicca tayo khandhā cittasamuṭṭhānañca rūpaṃ, dve khandhe…pe…. (3)

    អារម្មណបច្ចយោ

    Ārammaṇapaccayo

    ៥១. អាសវសម្បយុត្តំ ធម្មំ បដិច្ច អាសវសម្បយុត្តោ ធម្មោ ឧប្បជ្ជតិ អារម្មណបច្ចយា – អាសវសម្បយុត្តំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    51. Āsavasampayuttaṃ dhammaṃ paṭicca āsavasampayutto dhammo uppajjati ārammaṇapaccayā – āsavasampayuttaṃ ekaṃ khandhaṃ paṭicca tayo khandhā…pe… dve khandhe…pe…. (1)

    អាសវសម្បយុត្តំ ធម្មំ បដិច្ច អាសវវិប្បយុត្តោ ធម្មោ ឧប្បជ្ជតិ អារម្មណបច្ចយា – ទោមនស្សសហគតេ វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច មោហោ។ (២)

    Āsavasampayuttaṃ dhammaṃ paṭicca āsavavippayutto dhammo uppajjati ārammaṇapaccayā – domanassasahagate vicikicchāsahagate uddhaccasahagate khandhe paṭicca moho. (2)

    អាសវសម្បយុត្តំ ធម្មំ បដិច្ច អាសវសម្បយុត្តោ ច អាសវវិប្បយុត្តោ ច ធម្មា ឧប្បជ្ជន្តិ អារម្មណបច្ចយា – ទោមនស្សសហគតំ វិចិកិច្ឆាសហគតំ ឧទ្ធច្ចសហគតំ ឯកំ ខន្ធំ បដិច្ច តយោ ខន្ធា មោហោ ច…បេ.… ទ្វេ ខន្ធេ…បេ.…។ (៣)

    Āsavasampayuttaṃ dhammaṃ paṭicca āsavasampayutto ca āsavavippayutto ca dhammā uppajjanti ārammaṇapaccayā – domanassasahagataṃ vicikicchāsahagataṃ uddhaccasahagataṃ ekaṃ khandhaṃ paṭicca tayo khandhā moho ca…pe… dve khandhe…pe…. (3)

    ៥២. អាសវវិប្បយុត្តំ ធម្មំ បដិច្ច អាសវវិប្បយុត្តោ ធម្មោ ឧប្បជ្ជតិ អារម្មណបច្ចយា – អាសវវិប្បយុត្តំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.… វត្ថុំ បដិច្ច ខន្ធា។ (១) អាសវវិប្បយុត្តំ ធម្មំ បដិច្ច អាសវសម្បយុត្តោ ធម្មោ ឧប្បជ្ជតិ អារម្មណបច្ចយា – ទោមនស្សសហគតំ វិចិកិច្ឆាសហគតំ ឧទ្ធច្ចសហគតំ មោហំ បដិច្ច សម្បយុត្តកា ខន្ធា។ (២)

    52. Āsavavippayuttaṃ dhammaṃ paṭicca āsavavippayutto dhammo uppajjati ārammaṇapaccayā – āsavavippayuttaṃ ekaṃ khandhaṃ paṭicca tayo khandhā…pe… dve khandhe…pe… paṭisandhikkhaṇe…pe… vatthuṃ paṭicca khandhā. (1) Āsavavippayuttaṃ dhammaṃ paṭicca āsavasampayutto dhammo uppajjati ārammaṇapaccayā – domanassasahagataṃ vicikicchāsahagataṃ uddhaccasahagataṃ mohaṃ paṭicca sampayuttakā khandhā. (2)

    អាសវសម្បយុត្តញ្ច អាសវវិប្បយុត្តញ្ច ធម្មំ បដិច្ច អាសវសម្បយុត្តោ ធម្មោ ឧប្បជ្ជតិ អារម្មណបច្ចយា – ទោមនស្សសហគតំ វិចិកិច្ឆាសហគតំ ឧទ្ធច្ចសហគតំ ឯកំ ខន្ធញ្ច មោហញ្ច បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    Āsavasampayuttañca āsavavippayuttañca dhammaṃ paṭicca āsavasampayutto dhammo uppajjati ārammaṇapaccayā – domanassasahagataṃ vicikicchāsahagataṃ uddhaccasahagataṃ ekaṃ khandhañca mohañca paṭicca tayo khandhā…pe… dve khandhe…pe…. (1)

    អធិបតិបច្ចយោ

    Adhipatipaccayo

    ៥៣. អាសវសម្បយុត្តំ ធម្មំ បដិច្ច អាសវសម្បយុត្តោ ធម្មោ ឧប្បជ្ជតិ អធិបតិបច្ចយា… តីណិ។

    53. Āsavasampayuttaṃ dhammaṃ paṭicca āsavasampayutto dhammo uppajjati adhipatipaccayā… tīṇi.

    អាសវវិប្បយុត្តំ ធម្មំ បដិច្ច អាសវវិប្បយុត្តោ ធម្មោ ឧប្បជ្ជតិ អធិបតិបច្ចយា – អាសវវិប្បយុត្តំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… ទោមនស្សសហគតំ មោហំ បដិច្ច ចិត្តសមុដ្ឋានំ រូបំ, ឯកំ មហាភូតំ…បេ.… មហាភូតេ បដិច្ច ចិត្តសមុដ្ឋានំ រូបំ ឧបាទារូបំ។ (១)

    Āsavavippayuttaṃ dhammaṃ paṭicca āsavavippayutto dhammo uppajjati adhipatipaccayā – āsavavippayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… domanassasahagataṃ mohaṃ paṭicca cittasamuṭṭhānaṃ rūpaṃ, ekaṃ mahābhūtaṃ…pe… mahābhūte paṭicca cittasamuṭṭhānaṃ rūpaṃ upādārūpaṃ. (1)

    អាសវវិប្បយុត្តំ ធម្មំ បដិច្ច អាសវសម្បយុត្តោ ធម្មោ ឧប្បជ្ជតិ អធិបតិបច្ចយា – ទោមនស្សសហគតំ មោហំ បដិច្ច សម្បយុត្តកា ខន្ធា។ (២)

    Āsavavippayuttaṃ dhammaṃ paṭicca āsavasampayutto dhammo uppajjati adhipatipaccayā – domanassasahagataṃ mohaṃ paṭicca sampayuttakā khandhā. (2)

    អាសវវិប្បយុត្តំ ធម្មំ បដិច្ច អាសវសម្បយុត្តោ ច អាសវវិប្បយុត្តោ ច ធម្មា ឧប្បជ្ជន្តិ អធិបតិបច្ចយា – ទោមនស្សសហគតំ មោហំ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ។ (៣)

    Āsavavippayuttaṃ dhammaṃ paṭicca āsavasampayutto ca āsavavippayutto ca dhammā uppajjanti adhipatipaccayā – domanassasahagataṃ mohaṃ paṭicca sampayuttakā khandhā cittasamuṭṭhānañca rūpaṃ. (3)

    ៥៤. អាសវសម្បយុត្តញ្ច អាសវវិប្បយុត្តញ្ច ធម្មំ បដិច្ច អាសវសម្បយុត្តោ ធម្មោ ឧប្បជ្ជតិ អធិបតិបច្ចយា – ទោមនស្សសហគតំ ឯកំ ខន្ធញ្ច មោហញ្ច បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    54. Āsavasampayuttañca āsavavippayuttañca dhammaṃ paṭicca āsavasampayutto dhammo uppajjati adhipatipaccayā – domanassasahagataṃ ekaṃ khandhañca mohañca paṭicca tayo khandhā…pe… dve khandhe…pe…. (1)

    អាសវសម្បយុត្តញ្ច អាសវវិប្បយុត្តញ្ច ធម្មំ បដិច្ច អាសវវិប្បយុត្តោ ធម្មោ ឧប្បជ្ជតិ អធិបតិបច្ចយា – អាសវសម្បយុត្តេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ, ទោមនស្សសហគតេ ខន្ធេ ច មោហញ្ច បដិច្ច ចិត្តសមុដ្ឋានំ រូបំ។ (២)

    Āsavasampayuttañca āsavavippayuttañca dhammaṃ paṭicca āsavavippayutto dhammo uppajjati adhipatipaccayā – āsavasampayutte khandhe ca mahābhūte ca paṭicca cittasamuṭṭhānaṃ rūpaṃ, domanassasahagate khandhe ca mohañca paṭicca cittasamuṭṭhānaṃ rūpaṃ. (2)

    អាសវសម្បយុត្តញ្ច អាសវវិប្បយុត្តញ្ច ធម្មំ បដិច្ច អាសវសម្បយុត្តោ ច អាសវវិប្បយុត្តោ ច ធម្មា ឧប្បជ្ជន្តិ អធិបតិបច្ចយា – ទោមនស្សសហគតំ ឯកំ ខន្ធញ្ច មោហញ្ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

    Āsavasampayuttañca āsavavippayuttañca dhammaṃ paṭicca āsavasampayutto ca āsavavippayutto ca dhammā uppajjanti adhipatipaccayā – domanassasahagataṃ ekaṃ khandhañca mohañca paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)

    (ឯវំ សព្ពេ បច្ចយា វិត្ថារេតព្ពា។ សំខិត្តំ។)

    (Evaṃ sabbe paccayā vitthāretabbā. Saṃkhittaṃ.)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៥៥. ហេតុយា នវ, អារម្មណេ ឆ, អធិបតិយា នវ, អនន្តរេ ឆ, សមនន្តរេ ឆ, សហជាតេ នវ, អញ្ញមញ្ញេ ឆ, និស្សយេ នវ, ឧបនិស្សយេ ឆ, បុរេជាតេ ឆ, អាសេវនេ ឆ, កម្មេ នវ, វិបាកេ ឯកំ , អាហារេ នវ, ឥន្ទ្រិយេ នវ, ឈានេ នវ, មគ្គេ នវ, សម្បយុត្តេ ឆ, វិប្បយុត្តេ នវ, អត្ថិយា នវ, នត្ថិយា ឆ, វិគតេ ឆ, អវិគតេ នវ។

    55. Hetuyā nava, ārammaṇe cha, adhipatiyā nava, anantare cha, samanantare cha, sahajāte nava, aññamaññe cha, nissaye nava, upanissaye cha, purejāte cha, āsevane cha, kamme nava, vipāke ekaṃ , āhāre nava, indriye nava, jhāne nava, magge nava, sampayutte cha, vippayutte nava, atthiyā nava, natthiyā cha, vigate cha, avigate nava.

    អនុលោមំ។

    Anulomaṃ.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ៥៦. អាសវសម្បយុត្តំ ធម្មំ បដិច្ច អាសវវិប្បយុត្តោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ។ (១)

    56. Āsavasampayuttaṃ dhammaṃ paṭicca āsavavippayutto dhammo uppajjati nahetupaccayā – vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    អាសវវិប្បយុត្តំ ធម្មំ បដិច្ច អាសវវិប្បយុត្តោ ធម្មោ ឧប្បជ្ជតិ នហេតុបច្ចយា – អហេតុកំ អាសវវិប្បយុត្តំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… (យាវ អាសញ្ញសត្តា)។ (១)

    Āsavavippayuttaṃ dhammaṃ paṭicca āsavavippayutto dhammo uppajjati nahetupaccayā – ahetukaṃ āsavavippayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… (yāva āsaññasattā). (1)

    នអារម្មណបច្ចយោ

    Naārammaṇapaccayo

    ៥៧. អាសវសម្បយុត្តំ ធម្មំ បដិច្ច អាសវវិប្បយុត្តោ ធម្មោ ឧប្បជ្ជតិ នអារម្មណបច្ចយា – អាសវសម្បយុត្តេ ខន្ធេ បដិច្ច ចិត្តសមុដ្ឋានំ រូបំ។ (១)

    57. Āsavasampayuttaṃ dhammaṃ paṭicca āsavavippayutto dhammo uppajjati naārammaṇapaccayā – āsavasampayutte khandhe paṭicca cittasamuṭṭhānaṃ rūpaṃ. (1)

    អាសវវិប្បយុត្តំ ធម្មំ បដិច្ច អាសវវិប្បយុត្តោ ធម្មោ ឧប្បជ្ជតិ នអារម្មណបច្ចយា – អាសវវិប្បយុត្តេ ខន្ធេ បដិច្ច ចិត្តសមុដ្ឋានំ រូបំ, ទោមនស្សសហគតំ វិចិកិច្ឆាសហគតំ ឧទ្ធច្ចសហគតំ មោហំ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ.… ខន្ធេ បដិច្ច វត្ថុ, ឯកំ មហាភូតំ…បេ.… (យាវ អសញ្ញសត្តា)។ (១)

    Āsavavippayuttaṃ dhammaṃ paṭicca āsavavippayutto dhammo uppajjati naārammaṇapaccayā – āsavavippayutte khandhe paṭicca cittasamuṭṭhānaṃ rūpaṃ, domanassasahagataṃ vicikicchāsahagataṃ uddhaccasahagataṃ mohaṃ paṭicca cittasamuṭṭhānaṃ rūpaṃ; paṭisandhikkhaṇe…pe… khandhe paṭicca vatthu, ekaṃ mahābhūtaṃ…pe… (yāva asaññasattā). (1)

    អាសវសម្បយុត្តញ្ច អាសវវិប្បយុត្តញ្ច ធម្មំ បដិច្ច អាសវវិប្បយុត្តោ ធម្មោ ឧប្បជ្ជតិ នអារម្មណបច្ចយា – អាសវសម្បយុត្តេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ, ទោមនស្សសហគតេ វិចិកិច្ឆាសហគតេ ឧទ្ធច្ចសហគតេ ខន្ធេ ច មោហញ្ច បដិច្ច ចិត្តសមុដ្ឋានំ រូបំ។ (១)

    Āsavasampayuttañca āsavavippayuttañca dhammaṃ paṭicca āsavavippayutto dhammo uppajjati naārammaṇapaccayā – āsavasampayutte khandhe ca mahābhūte ca paṭicca cittasamuṭṭhānaṃ rūpaṃ, domanassasahagate vicikicchāsahagate uddhaccasahagate khandhe ca mohañca paṭicca cittasamuṭṭhānaṃ rūpaṃ. (1)

    នអធិបតិបច្ចយោ

    Naadhipatipaccayo

    ៥៨. អាសវសម្បយុត្តំ ធម្មំ បដិច្ច អាសវសម្បយុត្តោ ធម្មោ ឧប្បជ្ជតិ នអធិបតិបច្ចយា (សំខិត្តំ)។

    58. Āsavasampayuttaṃ dhammaṃ paṭicca āsavasampayutto dhammo uppajjati naadhipatipaccayā (saṃkhittaṃ).

    នបុរេជាតបច្ចយាទិ

    Napurejātapaccayādi

    ៥៩. អាសវសម្បយុត្តំ ធម្មំ បដិច្ច អាសវសម្បយុត្តោ ធម្មោ ឧប្បជ្ជតិ នបុរេជាតបច្ចយា – អរូបេ អាសវសម្បយុត្តំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    59. Āsavasampayuttaṃ dhammaṃ paṭicca āsavasampayutto dhammo uppajjati napurejātapaccayā – arūpe āsavasampayuttaṃ ekaṃ khandhaṃ paṭicca tayo khandhā…pe… dve khandhe…pe…. (1)

    អាសវសម្បយុត្តំ ធម្មំ បដិច្ច អាសវវិប្បយុត្តោ ធម្មោ ឧប្បជ្ជតិ នបុរេជាតបច្ចយា – អរូបេ វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ, អាសវសម្បយុត្តេ ខន្ធេ បដិច្ច ចិត្តសមុដ្ឋានំ រូបំ។ (២)

    Āsavasampayuttaṃ dhammaṃ paṭicca āsavavippayutto dhammo uppajjati napurejātapaccayā – arūpe vicikicchāsahagate uddhaccasahagate khandhe paṭicca vicikicchāsahagato uddhaccasahagato moho, āsavasampayutte khandhe paṭicca cittasamuṭṭhānaṃ rūpaṃ. (2)

    អាសវសម្បយុត្តំ ធម្មំ បដិច្ច អាសវសម្បយុត្តោ ច អាសវវិប្បយុត្តោ ច ធម្មា ឧប្បជ្ជន្តិ នបុរេជាតបច្ចយា – អរូបេ វិចិកិច្ឆាសហគតំ ឧទ្ធច្ចសហគតំ ឯកំ ខន្ធំ បដិច្ច តយោ ខន្ធា មោហោ ច…បេ.… ទ្វេ ខន្ធេ…បេ.…។ (៣)

    Āsavasampayuttaṃ dhammaṃ paṭicca āsavasampayutto ca āsavavippayutto ca dhammā uppajjanti napurejātapaccayā – arūpe vicikicchāsahagataṃ uddhaccasahagataṃ ekaṃ khandhaṃ paṭicca tayo khandhā moho ca…pe… dve khandhe…pe…. (3)

    ៦០. អាសវវិប្បយុត្តំ ធម្មំ បដិច្ច អាសវវិប្បយុត្តោ ធម្មោ ឧប្បជ្ជតិ នបុរេជាតបច្ចយា – អរូបេ អាសវវិប្បយុត្តំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.… អាសវវិប្បយុត្តេ ខន្ធេ បដិច្ច ចិត្តសមុដ្ឋានំ រូបំ, ទោមនស្សសហគតំ វិចិកិច្ឆាសហគតំ ឧទ្ធច្ចសហគតំ មោហំ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ.… (យាវ អសញ្ញសត្តា)។ (១)

    60. Āsavavippayuttaṃ dhammaṃ paṭicca āsavavippayutto dhammo uppajjati napurejātapaccayā – arūpe āsavavippayuttaṃ ekaṃ khandhaṃ paṭicca tayo khandhā…pe… dve khandhe…pe… āsavavippayutte khandhe paṭicca cittasamuṭṭhānaṃ rūpaṃ, domanassasahagataṃ vicikicchāsahagataṃ uddhaccasahagataṃ mohaṃ paṭicca cittasamuṭṭhānaṃ rūpaṃ; paṭisandhikkhaṇe…pe… (yāva asaññasattā). (1)

    អាសវវិប្បយុត្តំ ធម្មំ បដិច្ច អាសវសម្បយុត្តោ ធម្មោ ឧប្បជ្ជតិ នបុរេជាតបច្ចយា – អរូបេ វិចិកិច្ឆាសហគតំ ឧទ្ធច្ចសហគតំ មោហំ បដិច្ច សម្បយុត្តកា ខន្ធា។ (២)

    Āsavavippayuttaṃ dhammaṃ paṭicca āsavasampayutto dhammo uppajjati napurejātapaccayā – arūpe vicikicchāsahagataṃ uddhaccasahagataṃ mohaṃ paṭicca sampayuttakā khandhā. (2)

    ៦១. អាសវសម្បយុត្តញ្ច អាសវវិប្បយុត្តញ្ច ធម្មំ បដិច្ច អាសវសម្បយុត្តោ ធម្មោ ឧប្បជ្ជតិ នបុរេជាតបច្ចយា – អរូបេ វិចិកិច្ឆាសហគតំ ឧទ្ធច្ចសហគតំ ឯកំ ខន្ធញ្ច មោហញ្ច បដិច្ច តយោ ខន្ធា…បេ.… ទ្វេ ខន្ធេ ច…បេ.…។ (១)

    61. Āsavasampayuttañca āsavavippayuttañca dhammaṃ paṭicca āsavasampayutto dhammo uppajjati napurejātapaccayā – arūpe vicikicchāsahagataṃ uddhaccasahagataṃ ekaṃ khandhañca mohañca paṭicca tayo khandhā…pe… dve khandhe ca…pe…. (1)

    អាសវសម្បយុត្តញ្ច អាសវវិប្បយុត្តញ្ច ធម្មំ បដិច្ច អាសវវិប្បយុត្តោ ធម្មោ ឧប្បជ្ជតិ នបុរេជាតបច្ចយា – អាសវសម្បយុត្តេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ, ទោមនស្សសហគតេ វិចិកិច្ឆាសហគតេ ឧទ្ធច្ចសហគតេ ខន្ធេ ច មោហញ្ច បដិច្ច ចិត្តសមុដ្ឋានំ រូបំ។ (២)

    Āsavasampayuttañca āsavavippayuttañca dhammaṃ paṭicca āsavavippayutto dhammo uppajjati napurejātapaccayā – āsavasampayutte khandhe ca mahābhūte ca paṭicca cittasamuṭṭhānaṃ rūpaṃ, domanassasahagate vicikicchāsahagate uddhaccasahagate khandhe ca mohañca paṭicca cittasamuṭṭhānaṃ rūpaṃ. (2)

    (នបច្ឆាជាតបច្ចយា នវ, នអាសេវនបច្ចយា នវ។)

    (Napacchājātapaccayā nava, naāsevanapaccayā nava.)

    នកម្មបច្ចយាទិ

    Nakammapaccayādi

    ៦២. អាសវសម្បយុត្តំ ធម្មំ បដិច្ច អាសវសម្បយុត្តោ ធម្មោ ឧប្បជ្ជតិ នកម្មបច្ចយា – អាសវសម្បយុត្តេ ខន្ធេ បដិច្ច សម្បយុត្តកា ចេតនា។ (១)

    62. Āsavasampayuttaṃ dhammaṃ paṭicca āsavasampayutto dhammo uppajjati nakammapaccayā – āsavasampayutte khandhe paṭicca sampayuttakā cetanā. (1)

    អាសវវិប្បយុត្តំ ធម្មំ បដិច្ច អាសវវិប្បយុត្តោ ធម្មោ ឧប្បជ្ជតិ នកម្មបច្ចយា – អាសវវិប្បយុត្តេ ខន្ធេ បដិច្ច វិប្បយុត្តកា ចេតនា។ (១)

    Āsavavippayuttaṃ dhammaṃ paṭicca āsavavippayutto dhammo uppajjati nakammapaccayā – āsavavippayutte khandhe paṭicca vippayuttakā cetanā. (1)

    អាសវវិប្បយុត្តំ ធម្មំ បដិច្ច អាសវសម្បយុត្តោ ធម្មោ ឧប្បជ្ជតិ នកម្មបច្ចយា – ទោមនស្សសហគតំ វិចិកិច្ឆាសហគតំ ឧទ្ធច្ចសហគតំ មោហំ បដិច្ច សម្បយុត្តកា ចេតនា។ (២)

    Āsavavippayuttaṃ dhammaṃ paṭicca āsavasampayutto dhammo uppajjati nakammapaccayā – domanassasahagataṃ vicikicchāsahagataṃ uddhaccasahagataṃ mohaṃ paṭicca sampayuttakā cetanā. (2)

    អាសវសម្បយុត្តញ្ច អាសវវិប្បយុត្តញ្ច ធម្មំ បដិច្ច អាសវសម្បយុត្តោ ធម្មោ ឧប្បជ្ជតិ នកម្មបច្ចយា – ទោមនស្សសហគតេ វិចិកិច្ឆាសហគតេ ឧទ្ធច្ចសហគតេ ខន្ធេ ច មោហញ្ច បដិច្ច សម្បយុត្តកា ចេតនា… នវិបាកបច្ចយា… នអាហារបច្ចយា… នឥន្ទ្រិយបច្ចយា… នឈានបច្ចយា… នមគ្គបច្ចយា… នសម្បយុត្តបច្ចយា… នវិប្បយុត្តបច្ចយា… នោនត្ថិបច្ចយា… នោវិគតបច្ចយា។

    Āsavasampayuttañca āsavavippayuttañca dhammaṃ paṭicca āsavasampayutto dhammo uppajjati nakammapaccayā – domanassasahagate vicikicchāsahagate uddhaccasahagate khandhe ca mohañca paṭicca sampayuttakā cetanā… navipākapaccayā… naāhārapaccayā… naindriyapaccayā… najhānapaccayā… namaggapaccayā… nasampayuttapaccayā… navippayuttapaccayā… nonatthipaccayā… novigatapaccayā.

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៦៣. នហេតុយា ទ្វេ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ សត្ត, នបច្ឆាជាតេ នវ, នអាសេវនេ នវ, នកម្មេ ចត្តារិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ឆ, នោនត្ថិយា តីណិ, នោវិគតេ តីណិ។

    63. Nahetuyā dve, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte satta, napacchājāte nava, naāsevane nava, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte cha, nonatthiyā tīṇi, novigate tīṇi.

    បច្ចនីយំ។

    Paccanīyaṃ.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ហេតុទុកំ

    Hetudukaṃ

    ៦៤. ហេតុបច្ចយា នអារម្មណេ តីណិ…បេ.… នបុរេជាតេ ឆ…បេ.… នវិបាកេ នវ…បេ.… នសម្បយុត្តេ តីណិ, នវិប្បយុត្តេ ចត្តារិ, នោនត្ថិយា តីណិ, នោវិគតេ តីណិ។

    64. Hetupaccayā naārammaṇe tīṇi…pe… napurejāte cha…pe… navipāke nava…pe… nasampayutte tīṇi, navippayutte cattāri, nonatthiyā tīṇi, novigate tīṇi.

    អនុលោមបច្ចនីយំ។

    Anulomapaccanīyaṃ.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    នហេតុទុកំ

    Nahetudukaṃ

    ៦៥. នហេតុបច្ចយា អារម្មណេ ទ្វេ, អនន្តរេ ទ្វេ, សមនន្តរេ ទ្វេ…បេ.… កម្មេ ទ្វេ, វិបាកេ ឯកំ, អាហារេ ទ្វេ…បេ.… មគ្គេ ឯកំ , សម្បយុត្តេ ទ្វេ, វិប្បយុត្តេ ទ្វេ…បេ.… អវិគតេ ទ្វេ។

    65. Nahetupaccayā ārammaṇe dve, anantare dve, samanantare dve…pe… kamme dve, vipāke ekaṃ, āhāre dve…pe… magge ekaṃ , sampayutte dve, vippayutte dve…pe… avigate dve.

    ២. សហជាតវារោ

    2. Sahajātavāro

    (សហជាតវារោ បដិច្ចវារសទិសោ។)

    (Sahajātavāro paṭiccavārasadiso.)

    ៣. បច្ចយវារោ

    3. Paccayavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៦៦. អាសវសម្បយុត្តំ ធម្មំ បច្ចយា អាសវសម្បយុត្តោ ធម្មោ ឧប្បជ្ជតិ ហេតុបច្ចយា… តីណិ (បដិច្ចវារសទិសោ)។

    66. Āsavasampayuttaṃ dhammaṃ paccayā āsavasampayutto dhammo uppajjati hetupaccayā… tīṇi (paṭiccavārasadiso).

    អាសវវិប្បយុត្តំ ធម្មំ បច្ចយា អាសវវិប្បយុត្តោ ធម្មោ ឧប្បជ្ជតិ ហេតុបច្ចយា – អាសវវិប្បយុត្តំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… ទោមនស្សសហគតំ វិចិកិច្ឆាសហគតំ ឧទ្ធច្ចសហគតំ មោហំ បច្ចយា ចិត្តសមុដ្ឋានំ រូបំ; បដិសន្ធិក្ខណេ…បេ.… ខន្ធេ បច្ចយា វត្ថុ, វត្ថុំ បច្ចយា ខន្ធា, ឯកំ មហាភូតំ…បេ.… មហាភូតេ បច្ចយា ចិត្តសមុដ្ឋានំ រូបំ , កដត្តារូបំ, ឧបាទារូបំ។ វត្ថុំ បច្ចយា អាសវវិប្បយុត្តា ខន្ធា, វត្ថុំ បច្ចយា ទោមនស្សសហគតោ មោហោ។ (១)

    Āsavavippayuttaṃ dhammaṃ paccayā āsavavippayutto dhammo uppajjati hetupaccayā – āsavavippayuttaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… domanassasahagataṃ vicikicchāsahagataṃ uddhaccasahagataṃ mohaṃ paccayā cittasamuṭṭhānaṃ rūpaṃ; paṭisandhikkhaṇe…pe… khandhe paccayā vatthu, vatthuṃ paccayā khandhā, ekaṃ mahābhūtaṃ…pe… mahābhūte paccayā cittasamuṭṭhānaṃ rūpaṃ , kaṭattārūpaṃ, upādārūpaṃ. Vatthuṃ paccayā āsavavippayuttā khandhā, vatthuṃ paccayā domanassasahagato moho. (1)

    អាសវវិប្បយុត្តំ ធម្មំ បច្ចយា អាសវសម្បយុត្តោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា អាសវសម្បយុត្តកា ខន្ធា, ទោមនស្សសហគតំ វិចិកិច្ឆាសហគតំ ឧទ្ធច្ចសហគតំ មោហំ បច្ចយា សម្បយុត្តកា ខន្ធា។ (២)

    Āsavavippayuttaṃ dhammaṃ paccayā āsavasampayutto dhammo uppajjati hetupaccayā – vatthuṃ paccayā āsavasampayuttakā khandhā, domanassasahagataṃ vicikicchāsahagataṃ uddhaccasahagataṃ mohaṃ paccayā sampayuttakā khandhā. (2)

    អាសវវិប្បយុត្តំ ធម្មំ បច្ចយា អាសវសម្បយុត្តោ ច អាសវវិប្បយុត្តោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា អាសវសម្បយុត្តកា ខន្ធា, មហាភូតេ បច្ចយា ចិត្តសមុដ្ឋានំ រូបំ , ទោមនស្សសហគតំ វិចិកិច្ឆាសហគតំ ឧទ្ធច្ចសហគតំ មោហំ បច្ចយា សម្បយុត្តកា ខន្ធា ចិត្តសមុដ្ឋានញ្ច រូបំ, វត្ថុំ បច្ចយា ទោមនស្សសហគតា ខន្ធា ច មោហោ ច។ (៣)

    Āsavavippayuttaṃ dhammaṃ paccayā āsavasampayutto ca āsavavippayutto ca dhammā uppajjanti hetupaccayā – vatthuṃ paccayā āsavasampayuttakā khandhā, mahābhūte paccayā cittasamuṭṭhānaṃ rūpaṃ , domanassasahagataṃ vicikicchāsahagataṃ uddhaccasahagataṃ mohaṃ paccayā sampayuttakā khandhā cittasamuṭṭhānañca rūpaṃ, vatthuṃ paccayā domanassasahagatā khandhā ca moho ca. (3)

    ៦៧. អាសវសម្បយុត្តញ្ច អាសវវិប្បយុត្តញ្ច ធម្មំ បច្ចយា អាសវសម្បយុត្តោ ធម្មោ ឧប្បជ្ជតិ ហេតុបច្ចយា – អាសវសម្បយុត្តំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.… ទោមនស្សសហគតំ វិចិកិច្ឆាសហគតំ ឧទ្ធច្ចសហគតំ ឯកំ ខន្ធញ្ច មោហញ្ច បច្ចយា តយោ ខន្ធា…បេ.… ទ្វេ ខន្ធេ ច…បេ.…។ (១)

    67. Āsavasampayuttañca āsavavippayuttañca dhammaṃ paccayā āsavasampayutto dhammo uppajjati hetupaccayā – āsavasampayuttaṃ ekaṃ khandhañca vatthuñca paccayā tayo khandhā…pe… dve khandhe ca…pe… domanassasahagataṃ vicikicchāsahagataṃ uddhaccasahagataṃ ekaṃ khandhañca mohañca paccayā tayo khandhā…pe… dve khandhe ca…pe…. (1)

    អាសវសម្បយុត្តញ្ច អាសវវិប្បយុត្តញ្ច ធម្មំ បច្ចយា អាសវវិប្បយុត្តោ ធម្មោ ឧប្បជ្ជតិ ហេតុបច្ចយា – អាសវសម្បយុត្តេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ, ទោមនស្សសហគតេ វិចិកិច្ឆាសហគតេ ឧទ្ធច្ចសហគតេ ខន្ធេ ច មោហញ្ច បច្ចយា ចិត្តសមុដ្ឋានំ រូបំ, ទោមនស្សសហគតេ ខន្ធេ ច វត្ថុញ្ច បច្ចយា ទោមនស្សសហគតោ មោហោ។ (២)

    Āsavasampayuttañca āsavavippayuttañca dhammaṃ paccayā āsavavippayutto dhammo uppajjati hetupaccayā – āsavasampayutte khandhe ca mahābhūte ca paccayā cittasamuṭṭhānaṃ rūpaṃ, domanassasahagate vicikicchāsahagate uddhaccasahagate khandhe ca mohañca paccayā cittasamuṭṭhānaṃ rūpaṃ, domanassasahagate khandhe ca vatthuñca paccayā domanassasahagato moho. (2)

    អាសវសម្បយុត្តញ្ច អាសវវិប្បយុត្តញ្ច ធម្មំ បច្ចយា អាសវសម្បយុត្តោ ច អាសវវិប្បយុត្តោ ច ធម្មា ឧប្បជ្ជន្តិ ហេតុបច្ចយា – អាសវសម្បយុត្តំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ…បេ.… អាសវសម្បយុត្តេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ, ទោមនស្សសហគតំ វិចិកិច្ឆាសហគតំ ឧទ្ធច្ចសហគតំ ឯកំ ខន្ធញ្ច មោហញ្ច បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… ទោមនស្សសហគតំ ឯកំ ខន្ធញ្ច វត្ថុញ្ច បច្ចយា តយោ ខន្ធា មោហោ ច…បេ.… ទ្វេ ខន្ធេ…បេ.…។ (៣)

    Āsavasampayuttañca āsavavippayuttañca dhammaṃ paccayā āsavasampayutto ca āsavavippayutto ca dhammā uppajjanti hetupaccayā – āsavasampayuttaṃ ekaṃ khandhañca vatthuñca paccayā tayo khandhā…pe… dve khandhe…pe… āsavasampayutte khandhe ca mahābhūte ca paccayā cittasamuṭṭhānaṃ rūpaṃ, domanassasahagataṃ vicikicchāsahagataṃ uddhaccasahagataṃ ekaṃ khandhañca mohañca paccayā tayo khandhā cittasamuṭṭhānañca rūpaṃ…pe… dve khandhe…pe… domanassasahagataṃ ekaṃ khandhañca vatthuñca paccayā tayo khandhā moho ca…pe… dve khandhe…pe…. (3)

    អារម្មណបច្ចយាទិ

    Ārammaṇapaccayādi

    ៦៨. អាសវសម្បយុត្តំ ធម្មំ បច្ចយា អាសវសម្បយុត្តោ ធម្មោ ឧប្បជ្ជតិ អារម្មណបច្ចយា… តីណិ (បដិច្ចវារសទិសា)។

    68. Āsavasampayuttaṃ dhammaṃ paccayā āsavasampayutto dhammo uppajjati ārammaṇapaccayā… tīṇi (paṭiccavārasadisā).

    អាសវវិប្បយុត្តំ ធម្មំ បច្ចយា អាសវវិប្បយុត្តោ ធម្មោ ឧប្បជ្ជតិ អារម្មណបច្ចយា – អាសវវិប្បយុត្តំ ឯកំ ខន្ធំ បច្ចយា តយោ ខន្ធា…បេ.… ទ្វេ ខន្ធេ…បេ.… បដិសន្ធិក្ខណេ…បេ.… វត្ថុំ បច្ចយា ខន្ធា, ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ, វត្ថុំ បច្ចយា អាសវវិប្បយុត្តា ខន្ធា, វត្ថុំ បច្ចយា ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ មោហោ។ (១)

    Āsavavippayuttaṃ dhammaṃ paccayā āsavavippayutto dhammo uppajjati ārammaṇapaccayā – āsavavippayuttaṃ ekaṃ khandhaṃ paccayā tayo khandhā…pe… dve khandhe…pe… paṭisandhikkhaṇe…pe… vatthuṃ paccayā khandhā, cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā āsavavippayuttā khandhā, vatthuṃ paccayā domanassasahagato vicikicchāsahagato uddhaccasahagato moho. (1)

    អាសវវិប្បយុត្តំ ធម្មំ បច្ចយា អាសវសម្បយុត្តោ ធម្មោ ឧប្បជ្ជតិ អារម្មណបច្ចយា – វត្ថុំ បច្ចយា អាសវសម្បយុត្តកា ខន្ធា, ទោមនស្សសហគតំ វិចិកិច្ឆាសហគតំ ឧទ្ធច្ចសហគតំ មោហំ បច្ចយា សម្បយុត្តកា ខន្ធា។ (២)

    Āsavavippayuttaṃ dhammaṃ paccayā āsavasampayutto dhammo uppajjati ārammaṇapaccayā – vatthuṃ paccayā āsavasampayuttakā khandhā, domanassasahagataṃ vicikicchāsahagataṃ uddhaccasahagataṃ mohaṃ paccayā sampayuttakā khandhā. (2)

    អាសវវិប្បយុត្តំ ធម្មំ បច្ចយា អាសវសម្បយុត្តោ ច អាសវវិប្បយុត្តោ ច ធម្មា ឧប្បជ្ជន្តិ អារម្មណបច្ចយា – វត្ថុំ បច្ចយា ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា មោហោ ច។ (៣)

    Āsavavippayuttaṃ dhammaṃ paccayā āsavasampayutto ca āsavavippayutto ca dhammā uppajjanti ārammaṇapaccayā – vatthuṃ paccayā domanassasahagatā vicikicchāsahagatā uddhaccasahagatā khandhā moho ca. (3)

    ៦៩. អាសវសម្បយុត្តញ្ច អាសវវិប្បយុត្តញ្ច ធម្មំ បច្ចយា អាសវសម្បយុត្តោ ធម្មោ ឧប្បជ្ជតិ អារម្មណបច្ចយា – អាសវសម្បយុត្តំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ.… ទ្វេ ខន្ធេ…បេ.…។ (១)

    69. Āsavasampayuttañca āsavavippayuttañca dhammaṃ paccayā āsavasampayutto dhammo uppajjati ārammaṇapaccayā – āsavasampayuttaṃ ekaṃ khandhañca vatthuñca paccayā tayo khandhā…pe… dve khandhe…pe…. (1)

    អាសវសម្បយុត្តញ្ច អាសវវិប្បយុត្តញ្ច ធម្មំ បច្ចយា អាសវវិប្បយុត្តោ ធម្មោ ឧប្បជ្ជតិ អារម្មណបច្ចយា – ទោមនស្សសហគតេ វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ មោហោ។ (២)

    Āsavasampayuttañca āsavavippayuttañca dhammaṃ paccayā āsavavippayutto dhammo uppajjati ārammaṇapaccayā – domanassasahagate vicikicchāsahagate uddhaccasahagate khandhe ca vatthuñca paccayā domanassasahagato vicikicchāsahagato uddhaccasahagato moho. (2)

    អាសវសម្បយុត្តញ្ច អាសវវិប្បយុត្តញ្ច ធម្មំ បច្ចយា អាសវសម្បយុត្តោ ច អាសវវិប្បយុត្តោ ច ធម្មា ឧប្បជ្ជន្តិ អារម្មណបច្ចយា – ទោមនស្សសហគតំ វិចិកិច្ឆាសហគតំ ឧទ្ធច្ចសហគតំ ឯកំ ខន្ធញ្ច វត្ថុញ្ច បច្ចយា តយោ ខន្ធា មោហោ ច…បេ.… ទ្វេ ខន្ធេ…បេ.… អធិបតិបច្ចយា… អនន្តរបច្ចយា…បេ.… អវិគតបច្ចយា។ (៣)

    Āsavasampayuttañca āsavavippayuttañca dhammaṃ paccayā āsavasampayutto ca āsavavippayutto ca dhammā uppajjanti ārammaṇapaccayā – domanassasahagataṃ vicikicchāsahagataṃ uddhaccasahagataṃ ekaṃ khandhañca vatthuñca paccayā tayo khandhā moho ca…pe… dve khandhe…pe… adhipatipaccayā… anantarapaccayā…pe… avigatapaccayā. (3)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    ៧០. ហេតុយា នវ, អារម្មណេ នវ (សព្ពត្ថ នវ), កម្មេ នវ, វិបាកេ ឯកំ…បេ.… អវិគតេ នវ។

    70. Hetuyā nava, ārammaṇe nava (sabbattha nava), kamme nava, vipāke ekaṃ…pe… avigate nava.

    អនុលោមំ។

    Anulomaṃ.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នហេតុបច្ចយោ

    Nahetupaccayo

    ៧១. អាសវសម្បយុត្តំ ធម្មំ បច្ចយា អាសវវិប្បយុត្តោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ បច្ចយា វិចិកិច្ឆាសហគតោ ឧទ្ធច្ចសហគតោ មោហោ។ (១)

    71. Āsavasampayuttaṃ dhammaṃ paccayā āsavavippayutto dhammo uppajjati nahetupaccayā – vicikicchāsahagate uddhaccasahagate khandhe paccayā vicikicchāsahagato uddhaccasahagato moho. (1)

    អាសវវិប្បយុត្តំ ធម្មំ បច្ចយា អាសវវិប្បយុត្តោ ធម្មោ ឧប្បជ្ជតិ នហេតុបច្ចយា – អហេតុកំ អាសវវិប្បយុត្តំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… អហេតុកបដិសន្ធិក្ខណេ…បេ.… (យាវ អសញ្ញសត្តា) ចក្ខាយតនំ បច្ចយា ចក្ខុវិញ្ញាណំ…បេ.… កាយាយតនំ បច្ចយា កាយវិញ្ញាណំ, វត្ថុំ បច្ចយា អហេតុកា អាសវវិប្បយុត្តា ខន្ធា, វត្ថុំ បច្ចយា វិចិកិច្ឆាសហគតោ ឧទ្ធច្ចសហគតោ មោហោ។ (១)

    Āsavavippayuttaṃ dhammaṃ paccayā āsavavippayutto dhammo uppajjati nahetupaccayā – ahetukaṃ āsavavippayuttaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… (yāva asaññasattā) cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukā āsavavippayuttā khandhā, vatthuṃ paccayā vicikicchāsahagato uddhaccasahagato moho. (1)

    អាសវសម្បយុត្តញ្ច អាសវវិប្បយុត្តញ្ច ធម្មំ បច្ចយា អាសវវិប្បយុត្តោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ។ (១) (សំខិត្តំ។)

    Āsavasampayuttañca āsavavippayuttañca dhammaṃ paccayā āsavavippayutto dhammo uppajjati nahetupaccayā – vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (1) (Saṃkhittaṃ.)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ៧២. នហេតុយា តីណិ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ សត្ត, នបច្ឆាជាតេ នវ, នអាសេវនេ នវ, នកម្មេ ចត្តារិ , នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ឆ, នោនត្ថិយា តីណិ, នោវិគតេ តីណិ (ឯវំ ឥតរេបិ ទ្វេ គណនា កាតព្ពា)។

    72. Nahetuyā tīṇi, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte satta, napacchājāte nava, naāsevane nava, nakamme cattāri , navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte cha, nonatthiyā tīṇi, novigate tīṇi (evaṃ itarepi dve gaṇanā kātabbā).

    ៤. និស្សយវារោ

    4. Nissayavāro

    (និស្សយវារោបិ បច្ចយវារសទិសោ។)

    (Nissayavāropi paccayavārasadiso.)

    ៥. សំសដ្ឋវារោ

    5. Saṃsaṭṭhavāro

    ១-៤. បច្ចយានុលោមាទិ

    1-4. Paccayānulomādi

    ៧៣. អាសវសម្បយុត្តំ ធម្មំ សំសដ្ឋោ អាសវសម្បយុត្តោ ធម្មោ ឧប្បជ្ជតិ ហេតុបច្ចយា (សំខិត្តំ)។

    73. Āsavasampayuttaṃ dhammaṃ saṃsaṭṭho āsavasampayutto dhammo uppajjati hetupaccayā (saṃkhittaṃ).

    ហេតុយា ឆ, អារម្មណេ ឆ, អធិបតិយា ឆ (សព្ពត្ថ ឆ), វិបាកេ ឯកំ…បេ.… អវិគតេ ឆ។

    Hetuyā cha, ārammaṇe cha, adhipatiyā cha (sabbattha cha), vipāke ekaṃ…pe… avigate cha.

    អាសវសម្បយុត្តំ ធម្មំ សំសដ្ឋោ អាសវវិប្បយុត្តោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ សំសដ្ឋោ វិចិកិច្ឆាសហគតោ ឧទ្ធច្ចសហគតោ មោហោ។ (១)

    Āsavasampayuttaṃ dhammaṃ saṃsaṭṭho āsavavippayutto dhammo uppajjati nahetupaccayā – vicikicchāsahagate uddhaccasahagate khandhe saṃsaṭṭho vicikicchāsahagato uddhaccasahagato moho. (1)

    អាសវវិប្បយុត្តំ ធម្មំ សំសដ្ឋោ អាសវវិប្បយុត្តោ ធម្មោ ឧប្បជ្ជតិ នហេតុបច្ចយា…បេ.…។

    Āsavavippayuttaṃ dhammaṃ saṃsaṭṭho āsavavippayutto dhammo uppajjati nahetupaccayā…pe….

    នហេតុយា ទ្វេ, នអធិបតិយា ឆ, នបុរេជាតេ ឆ, នបច្ឆាជាតេ ឆ, នអាសេវនេ ឆ, នកម្មេ ចត្តារិ, នវិបាកេ ឆ, នឈានេ ឯកំ, នមគ្គេ ឯកំ, នវិប្បយុត្តេ ឆ (ឯវំ ឥតរេបិ ទ្វេ គណនា កាតព្ពា)។

    Nahetuyā dve, naadhipatiyā cha, napurejāte cha, napacchājāte cha, naāsevane cha, nakamme cattāri, navipāke cha, najhāne ekaṃ, namagge ekaṃ, navippayutte cha (evaṃ itarepi dve gaṇanā kātabbā).

    ៦. សម្បយុត្តវារោ

    6. Sampayuttavāro

    (សម្បយុត្តវារោបិ សំសដ្ឋវារសទិសោ។)

    (Sampayuttavāropi saṃsaṭṭhavārasadiso.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ៧៤. អាសវសម្បយុត្តោ ធម្មោ អាសវសម្បយុត្តស្ស ធម្មស្ស ហេតុបច្ចយេន បច្ចយោ – អាសវសម្បយុត្តា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ។ (១)

    74. Āsavasampayutto dhammo āsavasampayuttassa dhammassa hetupaccayena paccayo – āsavasampayuttā hetū sampayuttakānaṃ khandhānaṃ hetupaccayena paccayo. (1)

    អាសវសម្បយុត្តោ ធម្មោ អាសវវិប្បយុត្តស្ស ធម្មស្ស ហេតុបច្ចយេន បច្ចយោ – អាសវសម្បយុត្តា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ; ទោសោ មោហស្ស ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (២)

    Āsavasampayutto dhammo āsavavippayuttassa dhammassa hetupaccayena paccayo – āsavasampayuttā hetū cittasamuṭṭhānānaṃ rūpānaṃ hetupaccayena paccayo; doso mohassa cittasamuṭṭhānānañca rūpānaṃ hetupaccayena paccayo. (2)

    អាសវសម្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស ហេតុបច្ចយេន បច្ចយោ – អាសវសម្បយុត្តា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; ទោសោ សម្បយុត្តកានំ ខន្ធានំ មោហស្ស ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (៣)

    Āsavasampayutto dhammo āsavasampayuttassa ca āsavavippayuttassa ca dhammassa hetupaccayena paccayo – āsavasampayuttā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; doso sampayuttakānaṃ khandhānaṃ mohassa cittasamuṭṭhānānañca rūpānaṃ hetupaccayena paccayo. (3)

    ៧៥. អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស ហេតុបច្ចយេន បច្ចយោ – អាសវវិប្បយុត្តា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ មោហោ ចិត្តសមុដ្ឋានានំ រូបានំ ហេតុបច្ចយេន បច្ចយោ; បដិសន្ធិក្ខណេ…បេ.…។ (១)

    75. Āsavavippayutto dhammo āsavavippayuttassa dhammassa hetupaccayena paccayo – āsavavippayuttā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; domanassasahagato vicikicchāsahagato uddhaccasahagato moho cittasamuṭṭhānānaṃ rūpānaṃ hetupaccayena paccayo; paṭisandhikkhaṇe…pe…. (1)

    អាសវវិប្បយុត្តោ ធម្មោ អាសវសម្បយុត្តស្ស ធម្មស្ស ហេតុបច្ចយេន បច្ចយោ – ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ មោហោ សម្បយុត្តកានំ ខន្ធានំ ហេតុបច្ចយេន បច្ចយោ។ (២)

    Āsavavippayutto dhammo āsavasampayuttassa dhammassa hetupaccayena paccayo – domanassasahagato vicikicchāsahagato uddhaccasahagato moho sampayuttakānaṃ khandhānaṃ hetupaccayena paccayo. (2)

    អាសវវិប្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស ហេតុបច្ចយេន បច្ចយោ – ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ មោហោ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (៣)

    Āsavavippayutto dhammo āsavasampayuttassa ca āsavavippayuttassa ca dhammassa hetupaccayena paccayo – domanassasahagato vicikicchāsahagato uddhaccasahagato moho sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)

    ៧៦. អាសវសម្បយុត្តោ ច អាសវវិប្បយុត្តោ ច ធម្មា អាសវសម្បយុត្តស្ស ធម្មស្ស ហេតុបច្ចយេន បច្ចយោ – ទោសោ ច មោហោ ច អាសវសម្បយុត្តកានំ ខន្ធានំ ហេតុបច្ចយេន បច្ចយោ។ (១)

    76. Āsavasampayutto ca āsavavippayutto ca dhammā āsavasampayuttassa dhammassa hetupaccayena paccayo – doso ca moho ca āsavasampayuttakānaṃ khandhānaṃ hetupaccayena paccayo. (1)

    អាសវសម្បយុត្តោ ច អាសវវិប្បយុត្តោ ច ធម្មា អាសវវិប្បយុត្តស្ស ធម្មស្ស ហេតុបច្ចយេន បច្ចយោ – ទោសោ ច មោហោ ច ចិត្តសមុដ្ឋានានំ រូបានំ ហេតុបច្ចយេន បច្ចយោ។ (២)

    Āsavasampayutto ca āsavavippayutto ca dhammā āsavavippayuttassa dhammassa hetupaccayena paccayo – doso ca moho ca cittasamuṭṭhānānaṃ rūpānaṃ hetupaccayena paccayo. (2)

    អាសវសម្បយុត្តោ ច អាសវវិប្បយុត្តោ ច ធម្មា អាសវសម្បយុត្តស្ស ច អាសវវិប្បយុត្តស្ស ច ធម្មស្ស ហេតុបច្ចយេន បច្ចយោ – ទោសោ ច មោហោ ច សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ។ (៣)

    Āsavasampayutto ca āsavavippayutto ca dhammā āsavasampayuttassa ca āsavavippayuttassa ca dhammassa hetupaccayena paccayo – doso ca moho ca sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)

    អារម្មណបច្ចយោ

    Ārammaṇapaccayo

    ៧៧. អាសវសម្បយុត្តោ ធម្មោ អាសវសម្បយុត្តស្ស ធម្មស្ស អារម្មណបច្ចយេន បច្ចយោ – អាសវសម្បយុត្តេ ខន្ធេ អារព្ភ អាសវសម្បយុត្តកា ខន្ធា ឧប្បជ្ជន្តិ។ (១)

    77. Āsavasampayutto dhammo āsavasampayuttassa dhammassa ārammaṇapaccayena paccayo – āsavasampayutte khandhe ārabbha āsavasampayuttakā khandhā uppajjanti. (1)

    អាសវសម្បយុត្តោ ធម្មោ អាសវវិប្បយុត្តស្ស ធម្មស្ស អារម្មណបច្ចយេន បច្ចយោ – អាសវសម្បយុត្តេ ខន្ធេ អារព្ភ អាសវវិប្បយុត្តា ខន្ធា ច មោហោ ច ឧប្បជ្ជន្តិ។ (២)

    Āsavasampayutto dhammo āsavavippayuttassa dhammassa ārammaṇapaccayena paccayo – āsavasampayutte khandhe ārabbha āsavavippayuttā khandhā ca moho ca uppajjanti. (2)

    អាសវសម្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស អារម្មណបច្ចយេន បច្ចយោ – អាសវសម្បយុត្តេ ខន្ធេ អារព្ភ ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ឧប្បជ្ជន្តិ។ (៣)

    Āsavasampayutto dhammo āsavasampayuttassa ca āsavavippayuttassa ca dhammassa ārammaṇapaccayena paccayo – āsavasampayutte khandhe ārabbha domanassasahagatā vicikicchāsahagatā uddhaccasahagatā khandhā ca moho ca uppajjanti. (3)

    ៧៨. អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ…បេ.… ឧបោសថកម្មំ កត្វា តំ បច្ចវេក្ខតិ; បុព្ពេ សុចិណ្ណានិ…បេ.… ឈានា…បេ.… អរិយា មគ្គំ…បេ.… ផលំ…បេ.… និព្ពានំ…បេ.… និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ; អរិយា អាសវវិប្បយុត្តេ បហីនេ កិលេសេ បច្ចវេក្ខន្តិ; វិក្ខម្ភិតេ…បេ.… បុព្ពេ…បេ.… ចក្ខុំ…បេ.… វត្ថុំ អាសវវិប្បយុត្តេ ខន្ធេ អនិច្ចតោ ទុក្ខតោ អនត្តតោ វិបស្សតិ។ (ឥធ អស្សាទនា នត្ថិ) ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ។ ចេតោបរិយញាណេន អាសវវិប្បយុត្តចិត្តសមង្គិស្ស ចិត្តំ ជានាតិ, អាកាសានញ្ចាយតនំ វិញ្ញាណញ្ចាយតនស្ស…បេ.… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ.… រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស…បេ.… អាសវវិប្បយុត្តា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ មោហស្ស អារម្មណបច្ចយេន បច្ចយោ។ (១)

    78. Āsavavippayutto dhammo āsavavippayuttassa dhammassa ārammaṇapaccayena paccayo – dānaṃ datvā sīlaṃ…pe… uposathakammaṃ katvā taṃ paccavekkhati; pubbe suciṇṇāni…pe… jhānā…pe… ariyā maggaṃ…pe… phalaṃ…pe… nibbānaṃ…pe… nibbānaṃ gotrabhussa, vodānassa, maggassa, phalassa, āvajjanāya ārammaṇapaccayena paccayo; ariyā āsavavippayutte pahīne kilese paccavekkhanti; vikkhambhite…pe… pubbe…pe… cakkhuṃ…pe… vatthuṃ āsavavippayutte khandhe aniccato dukkhato anattato vipassati. (Idha assādanā natthi) dibbena cakkhunā rūpaṃ passati, dibbāya sotadhātuyā saddaṃ suṇāti. Cetopariyañāṇena āsavavippayuttacittasamaṅgissa cittaṃ jānāti, ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa…pe… rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… āsavavippayuttā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya mohassa ārammaṇapaccayena paccayo. (1)

    អាសវវិប្បយុត្តោ ធម្មោ អាសវសម្បយុត្តស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ…បេ.… ឧបោសថកម្មំ កត្វា តំ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ…បេ.… វិចិកិច្ឆា…បេ.… ឧទ្ធច្ចំ…បេ.… ទោមនស្សំ ឧប្បជ្ជតិ; បុព្ពេ សុចិណ្ណានិ…បេ.… ឈានា វុដ្ឋហិត្វា ឈានំ…បេ.… ចក្ខុំ…បេ.… វត្ថុំ អាសវវិប្បយុត្តេ ខន្ធេ អស្សាទេតិ អភិនន្ទតិ, តំ អារព្ភ រាគោ…បេ.… ទិដ្ឋិ… ទោមនស្សំ… វិចិកិច្ឆា… ឧទ្ធច្ចំ ឧប្បជ្ជតិ។ (២)

    Āsavavippayutto dhammo āsavasampayuttassa dhammassa ārammaṇapaccayena paccayo – dānaṃ datvā sīlaṃ…pe… uposathakammaṃ katvā taṃ assādeti abhinandati, taṃ ārabbha rāgo uppajjati, diṭṭhi…pe… vicikicchā…pe… uddhaccaṃ…pe… domanassaṃ uppajjati; pubbe suciṇṇāni…pe… jhānā vuṭṭhahitvā jhānaṃ…pe… cakkhuṃ…pe… vatthuṃ āsavavippayutte khandhe assādeti abhinandati, taṃ ārabbha rāgo…pe… diṭṭhi… domanassaṃ… vicikicchā… uddhaccaṃ uppajjati. (2)

    អាសវវិប្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស អារម្មណបច្ចយេន បច្ចយោ – ចក្ខុំ…បេ.… វត្ថុំ អាសវវិប្បយុត្តេ ខន្ធេ អារព្ភ ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ឧប្បជ្ជន្តិ។ (៣)

    Āsavavippayutto dhammo āsavasampayuttassa ca āsavavippayuttassa ca dhammassa ārammaṇapaccayena paccayo – cakkhuṃ…pe… vatthuṃ āsavavippayutte khandhe ārabbha domanassasahagatā vicikicchāsahagatā uddhaccasahagatā khandhā ca moho ca uppajjanti. (3)

    ៧៩. អាសវសម្បយុត្តោ ច អាសវវិប្បយុត្តោ ច ធម្មា អាសវសម្បយុត្តស្ស ធម្មស្ស អារម្មណបច្ចយេន បច្ចយោ – ទោមនស្សសហគតេ វិចិកិច្ឆាសហគតេ ឧទ្ធច្ចសហគតេ ខន្ធេ ច មោហញ្ច អារព្ភ អាសវសម្បយុត្តា ខន្ធា ឧប្បជ្ជន្តិ។ (១)

    79. Āsavasampayutto ca āsavavippayutto ca dhammā āsavasampayuttassa dhammassa ārammaṇapaccayena paccayo – domanassasahagate vicikicchāsahagate uddhaccasahagate khandhe ca mohañca ārabbha āsavasampayuttā khandhā uppajjanti. (1)

    អាសវសម្បយុត្តោ ច អាសវវិប្បយុត្តោ ច ធម្មា អាសវវិប្បយុត្តស្ស ធម្មស្ស អារម្មណបច្ចយេន បច្ចយោ – ទោមនស្សសហគតេ វិចិកិច្ឆាសហគតេ ឧទ្ធច្ចសហគតេ ខន្ធេ ច មោហញ្ច អារព្ភ អាសវវិប្បយុត្តា ខន្ធា ច មោហោ ច ឧប្បជ្ជន្តិ។ (២)

    Āsavasampayutto ca āsavavippayutto ca dhammā āsavavippayuttassa dhammassa ārammaṇapaccayena paccayo – domanassasahagate vicikicchāsahagate uddhaccasahagate khandhe ca mohañca ārabbha āsavavippayuttā khandhā ca moho ca uppajjanti. (2)

    អាសវសម្បយុត្តោ ច អាសវវិប្បយុត្តោ ច ធម្មា អាសវសម្បយុត្តស្ស ច អាសវវិប្បយុត្តស្ស ច ធម្មស្ស អារម្មណបច្ចយេន បច្ចយោ – ទោមនស្សសហគតេ វិចិកិច្ឆាសហគតេ ឧទ្ធច្ចសហគតេ ខន្ធេ ច មោហញ្ច អារព្ភ ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ឧប្បជ្ជន្តិ។ (៣)

    Āsavasampayutto ca āsavavippayutto ca dhammā āsavasampayuttassa ca āsavavippayuttassa ca dhammassa ārammaṇapaccayena paccayo – domanassasahagate vicikicchāsahagate uddhaccasahagate khandhe ca mohañca ārabbha domanassasahagatā vicikicchāsahagatā uddhaccasahagatā khandhā ca moho ca uppajjanti. (3)

    អធិបតិបច្ចយោ

    Adhipatipaccayo

    ៨០. អាសវសម្បយុត្តោ ធម្មោ អាសវសម្បយុត្តស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – អាសវសម្បយុត្តេ ខន្ធេ គរុំ កត្វា អាសវសម្បយុត្តកា ខន្ធា ឧប្បជ្ជន្តិ។ សហជាតាធិបតិ – អាសវសម្បយុត្តាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (១)

    80. Āsavasampayutto dhammo āsavasampayuttassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – āsavasampayutte khandhe garuṃ katvā āsavasampayuttakā khandhā uppajjanti. Sahajātādhipati – āsavasampayuttādhipati sampayuttakānaṃ khandhānaṃ adhipatipaccayena paccayo. (1)

    អាសវសម្បយុត្តោ ធម្មោ អាសវវិប្បយុត្តស្ស ធម្មស្ស អធិបតិបច្ចយេន បច្ចយោ។ សហជាតាធិបតិ – អាសវសម្បយុត្តាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ; ទោមនស្សសហគតាធិបតិ មោហស្ស ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (២)

    Āsavasampayutto dhammo āsavavippayuttassa dhammassa adhipatipaccayena paccayo. Sahajātādhipati – āsavasampayuttādhipati cittasamuṭṭhānānaṃ rūpānaṃ adhipatipaccayena paccayo; domanassasahagatādhipati mohassa cittasamuṭṭhānānañca rūpānaṃ adhipatipaccayena paccayo. (2)

    អាសវសម្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស អធិបតិបច្ចយេន បច្ចយោ។ សហជាតាធិបតិ – អាសវសម្បយុត្តាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ; ទោមនស្សសហគតាធិបតិ សម្បយុត្តកានំ ខន្ធានំ មោហស្ស ច ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (៣)

    Āsavasampayutto dhammo āsavasampayuttassa ca āsavavippayuttassa ca dhammassa adhipatipaccayena paccayo. Sahajātādhipati – āsavasampayuttādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo; domanassasahagatādhipati sampayuttakānaṃ khandhānaṃ mohassa ca cittasamuṭṭhānānañca rūpānaṃ adhipatipaccayena paccayo. (3)

    ៨១. អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – ទានំ ទត្វា, សីលំ…បេ.… ឧបោសថកម្មំ កត្វា តំ គរុំ កត្វា បច្ចវេក្ខតិ; បុព្ពេ សុចិណ្ណានិ…បេ.… ឈានា…បេ.… អរិយា មគ្គា វុដ្ឋហិត្វា មគ្គំ…បេ.… ផលំ…បេ.… និព្ពានំ គរុំ កត្វា បច្ចវេក្ខន្តិ; និព្ពានំ គោត្រភុស្ស, វោទានស្ស, មគ្គស្ស, ផលស្ស អធិបតិបច្ចយេន បច្ចយោ។ សហជាតាធិបតិ – អាសវវិប្បយុត្តាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ។ (១)

    81. Āsavavippayutto dhammo āsavavippayuttassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā, sīlaṃ…pe… uposathakammaṃ katvā taṃ garuṃ katvā paccavekkhati; pubbe suciṇṇāni…pe… jhānā…pe… ariyā maggā vuṭṭhahitvā maggaṃ…pe… phalaṃ…pe… nibbānaṃ garuṃ katvā paccavekkhanti; nibbānaṃ gotrabhussa, vodānassa, maggassa, phalassa adhipatipaccayena paccayo. Sahajātādhipati – āsavavippayuttādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)

    អាសវវិប្បយុត្តោ ធម្មោ អាសវសម្បយុត្តស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – ទានំ ទត្វា សីលំ…បេ.… ឧបោសថកម្មំ កត្វា តំ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ, បុព្ពេ សុចិណ្ណានិ…បេ.… ឈានា…បេ.… ចក្ខុំ…បេ.… វត្ថុំ អាសវវិប្បយុត្តេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ។ (២)

    Āsavavippayutto dhammo āsavasampayuttassa dhammassa adhipatipaccayena paccayo. Ārammaṇādhipati – dānaṃ datvā sīlaṃ…pe… uposathakammaṃ katvā taṃ garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati, pubbe suciṇṇāni…pe… jhānā…pe… cakkhuṃ…pe… vatthuṃ āsavavippayutte khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. (2)

    អនន្តរបច្ចយោ

    Anantarapaccayo

    ៨២. អាសវសម្បយុត្តោ ធម្មោ អាសវសម្បយុត្តស្ស ធម្មស្ស អនន្តរបច្ចយេន បច្ចយោ – បុរិមា បុរិមា អាសវសម្បយុត្តកា ខន្ធា បច្ឆិមានំ បច្ឆិមានំ អាសវសម្បយុត្តកានំ ខន្ធានំ អនន្តរបច្ចយេន បច្ចយោ។ (១)

    82. Āsavasampayutto dhammo āsavasampayuttassa dhammassa anantarapaccayena paccayo – purimā purimā āsavasampayuttakā khandhā pacchimānaṃ pacchimānaṃ āsavasampayuttakānaṃ khandhānaṃ anantarapaccayena paccayo. (1)

    អាសវសម្បយុត្តោ ធម្មោ អាសវវិប្បយុត្តស្ស ធម្មស្ស អនន្តរបច្ចយេន បច្ចយោ – បុរិមា បុរិមា ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា បច្ឆិមស្ស បច្ឆិមស្ស ទោមនស្សសហគតស្ស វិចិកិច្ឆាសហគតស្ស ឧទ្ធច្ចសហគតស្ស មោហស្ស អនន្តរបច្ចយេន បច្ចយោ; អាសវសម្បយុត្តា ខន្ធា វុដ្ឋានស្ស អនន្តរបច្ចយេន បច្ចយោ។ (២)

    Āsavasampayutto dhammo āsavavippayuttassa dhammassa anantarapaccayena paccayo – purimā purimā domanassasahagatā vicikicchāsahagatā uddhaccasahagatā khandhā pacchimassa pacchimassa domanassasahagatassa vicikicchāsahagatassa uddhaccasahagatassa mohassa anantarapaccayena paccayo; āsavasampayuttā khandhā vuṭṭhānassa anantarapaccayena paccayo. (2)

    អាសវសម្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា បច្ឆិមានំ បច្ឆិមានំ ទោមនស្សសហគតានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច អនន្តរបច្ចយេន បច្ចយោ។ (៣)

    Āsavasampayutto dhammo āsavasampayuttassa ca āsavavippayuttassa ca dhammassa anantarapaccayena paccayo – purimā purimā domanassasahagatā vicikicchāsahagatā uddhaccasahagatā khandhā pacchimānaṃ pacchimānaṃ domanassasahagatānaṃ vicikicchāsahagatānaṃ uddhaccasahagatānaṃ khandhānaṃ mohassa ca anantarapaccayena paccayo. (3)

    ៨៣. អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ មោហោ បច្ឆិមស្ស បច្ឆិមស្ស ទោមនស្សសហគតស្ស វិចិកិច្ឆាសហគតស្ស ឧទ្ធច្ចសហគតស្ស មោហស្ស អនន្តរបច្ចយេន បច្ចយោ; បុរិមា បុរិមា អាសវវិប្បយុត្តា ខន្ធា បច្ឆិមានំ បច្ឆិមានំ អាសវវិប្បយុត្តានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស…បេ.… ផលសមាបត្តិយា អនន្តរបច្ចយេន បច្ចយោ។ (១)

    83. Āsavavippayutto dhammo āsavavippayuttassa dhammassa anantarapaccayena paccayo – purimo purimo domanassasahagato vicikicchāsahagato uddhaccasahagato moho pacchimassa pacchimassa domanassasahagatassa vicikicchāsahagatassa uddhaccasahagatassa mohassa anantarapaccayena paccayo; purimā purimā āsavavippayuttā khandhā pacchimānaṃ pacchimānaṃ āsavavippayuttānaṃ khandhānaṃ anantarapaccayena paccayo; anulomaṃ gotrabhussa…pe… phalasamāpattiyā anantarapaccayena paccayo. (1)

    អាសវវិប្បយុត្តោ ធម្មោ អាសវសម្បយុត្តស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ មោហោ បច្ឆិមានំ បច្ឆិមានំ ទោមនស្សសហគតានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ អនន្តរបច្ចយេន បច្ចយោ; អាវជ្ជនា អាសវសម្បយុត្តកានំ ខន្ធានំ អនន្តរបច្ចយេន បច្ចយោ។ (២)

    Āsavavippayutto dhammo āsavasampayuttassa dhammassa anantarapaccayena paccayo – purimo purimo domanassasahagato vicikicchāsahagato uddhaccasahagato moho pacchimānaṃ pacchimānaṃ domanassasahagatānaṃ vicikicchāsahagatānaṃ uddhaccasahagatānaṃ khandhānaṃ anantarapaccayena paccayo; āvajjanā āsavasampayuttakānaṃ khandhānaṃ anantarapaccayena paccayo. (2)

    អាសវវិប្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស អនន្តរបច្ចយេន បច្ចយោ – បុរិមោ បុរិមោ ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ មោហោ បច្ឆិមានំ បច្ឆិមានំ ទោមនស្សសហគតានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច អនន្តរបច្ចយេន បច្ចយោ; អាវជ្ជនា ទោមនស្សសហគតានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច អនន្តរបច្ចយេន បច្ចយោ។ (៣)

    Āsavavippayutto dhammo āsavasampayuttassa ca āsavavippayuttassa ca dhammassa anantarapaccayena paccayo – purimo purimo domanassasahagato vicikicchāsahagato uddhaccasahagato moho pacchimānaṃ pacchimānaṃ domanassasahagatānaṃ vicikicchāsahagatānaṃ uddhaccasahagatānaṃ khandhānaṃ mohassa ca anantarapaccayena paccayo; āvajjanā domanassasahagatānaṃ vicikicchāsahagatānaṃ uddhaccasahagatānaṃ khandhānaṃ mohassa ca anantarapaccayena paccayo. (3)

    ៨៤. អាសវសម្បយុត្តោ ច អាសវវិប្បយុត្តោ ច ធម្មា អាសវសម្បយុត្តស្ស ធម្មស្ស អនន្តរបច្ចយេន បច្ចយោ – បុរិមា បុរិមា ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច បច្ឆិមានំ បច្ឆិមានំ ទោមនស្សសហគតានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ អនន្តរបច្ចយេន បច្ចយោ។ (១)

    84. Āsavasampayutto ca āsavavippayutto ca dhammā āsavasampayuttassa dhammassa anantarapaccayena paccayo – purimā purimā domanassasahagatā vicikicchāsahagatā uddhaccasahagatā khandhā ca moho ca pacchimānaṃ pacchimānaṃ domanassasahagatānaṃ vicikicchāsahagatānaṃ uddhaccasahagatānaṃ khandhānaṃ anantarapaccayena paccayo. (1)

    អាសវសម្បយុត្តោ ច អាសវវិប្បយុត្តោ ច ធម្មា អាសវវិប្បយុត្តស្ស ធម្មស្ស អនន្តរបច្ចយេន បច្ចយោ – បុរិមា បុរិមា ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច បច្ឆិមស្ស បច្ឆិមស្ស ទោមនស្សសហគតស្ស វិចិកិច្ឆាសហគតស្ស ឧទ្ធច្ចសហគតស្ស មោហស្ស អនន្តរបច្ចយេន បច្ចយោ; ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច វុដ្ឋានស្ស អនន្តរបច្ចយេន បច្ចយោ។ (២)

    Āsavasampayutto ca āsavavippayutto ca dhammā āsavavippayuttassa dhammassa anantarapaccayena paccayo – purimā purimā domanassasahagatā vicikicchāsahagatā uddhaccasahagatā khandhā ca moho ca pacchimassa pacchimassa domanassasahagatassa vicikicchāsahagatassa uddhaccasahagatassa mohassa anantarapaccayena paccayo; domanassasahagatā vicikicchāsahagatā uddhaccasahagatā khandhā ca moho ca vuṭṭhānassa anantarapaccayena paccayo. (2)

    អាសវសម្បយុត្តោ ច អាសវវិប្បយុត្តោ ច ធម្មា អាសវសម្បយុត្តស្ស ច អាសវវិប្បយុត្តស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច បច្ឆិមានំ បច្ឆិមានំ ទោមនស្សសហគតានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច អនន្តរបច្ចយេន បច្ចយោ។ (៣)

    Āsavasampayutto ca āsavavippayutto ca dhammā āsavasampayuttassa ca āsavavippayuttassa ca dhammassa anantarapaccayena paccayo – purimā purimā domanassasahagatā vicikicchāsahagatā uddhaccasahagatā khandhā ca moho ca pacchimānaṃ pacchimānaṃ domanassasahagatānaṃ vicikicchāsahagatānaṃ uddhaccasahagatānaṃ khandhānaṃ mohassa ca anantarapaccayena paccayo. (3)

    សមនន្តរបច្ចយាទិ

    Samanantarapaccayādi

    ៨៥. អាសវសម្បយុត្តោ ធម្មោ អាសវសម្បយុត្តស្ស ធម្មស្ស សមនន្តរបច្ចយេន បច្ចយោ… សហជាតបច្ចយេន បច្ចយោ… នវ… អញ្ញមញ្ញបច្ចយេន បច្ចយោ… ឆ… និស្សយបច្ចយេន បច្ចយោ… នវ។

    85. Āsavasampayutto dhammo āsavasampayuttassa dhammassa samanantarapaccayena paccayo… sahajātapaccayena paccayo… nava… aññamaññapaccayena paccayo… cha… nissayapaccayena paccayo… nava.

    ឧបនិស្សយបច្ចយោ

    Upanissayapaccayo

    ៨៦. អាសវសម្បយុត្តោ ធម្មោ អាសវសម្បយុត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – អាសវសម្បយុត្តា ខន្ធា អាសវសម្បយុត្តានំ ខន្ធានំ ឧបនិស្សយបច្ចយេន បច្ចយោ។ (១)

    86. Āsavasampayutto dhammo āsavasampayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – āsavasampayuttā khandhā āsavasampayuttānaṃ khandhānaṃ upanissayapaccayena paccayo. (1)

    អាសវសម្បយុត្តោ ធម្មោ អាសវវិប្បយុត្តស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – អាសវសម្បយុត្តា ខន្ធា អាសវវិប្បយុត្តានំ ខន្ធានំ មោហស្ស ច ឧបនិស្សយបច្ចយេន បច្ចយោ។ (២)

    Āsavasampayutto dhammo āsavavippayuttassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – āsavasampayuttā khandhā āsavavippayuttānaṃ khandhānaṃ mohassa ca upanissayapaccayena paccayo. (2)

    អាសវសម្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – អាសវសម្បយុត្តកា ខន្ធា ទោមនស្សសហគតានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ។ (៣)

    Āsavasampayutto dhammo āsavasampayuttassa ca āsavavippayuttassa ca dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – āsavasampayuttakā khandhā domanassasahagatānaṃ vicikicchāsahagatānaṃ uddhaccasahagatānaṃ khandhānaṃ mohassa ca upanissayapaccayena paccayo. (3)

    ៨៧. អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ ទានំ ទេតិ…បេ.… សីលំ…បេ.… បញ្ញំ… កាយិកំ សុខំ…បេ.… សេនាសនំ… មោហំ ឧបនិស្សាយ ទានំ ទេតិ…បេ.… សមាបត្តិំ ឧប្បាទេតិ; សទ្ធា…បេ.… បញ្ញា… កាយិកំ សុខំ… កាយិកំ ទុក្ខំ… មោហោ ច សទ្ធាយ…បេ.… មោហស្ស ច ឧបនិស្សយបច្ចយេន បច្ចយោ។ (១)

    87. Āsavavippayutto dhammo āsavavippayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti…pe… sīlaṃ…pe… paññaṃ… kāyikaṃ sukhaṃ…pe… senāsanaṃ… mohaṃ upanissāya dānaṃ deti…pe… samāpattiṃ uppādeti; saddhā…pe… paññā… kāyikaṃ sukhaṃ… kāyikaṃ dukkhaṃ… moho ca saddhāya…pe… mohassa ca upanissayapaccayena paccayo. (1)

    អាសវវិប្បយុត្តោ ធម្មោ អាសវសម្បយុត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធំ ឧបនិស្សាយ មានំ ជប្បេតិ, ទិដ្ឋិំ គណ្ហាតិ; សីលំ…បេ.… បញ្ញំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ… មោហំ ឧបនិស្សាយ បាណំ ហនតិ…បេ.… សង្ឃំ ភិន្ទតិ; សទ្ធា…បេ.… មោហោ ច រាគស្ស…បេ.… បត្ថនាយ ឧបនិស្សយបច្ចយេន បច្ចយោ។ (២)

    Āsavavippayutto dhammo āsavasampayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya mānaṃ jappeti, diṭṭhiṃ gaṇhāti; sīlaṃ…pe… paññaṃ… kāyikaṃ sukhaṃ… kāyikaṃ dukkhaṃ… utuṃ… bhojanaṃ… senāsanaṃ… mohaṃ upanissāya pāṇaṃ hanati…pe… saṅghaṃ bhindati; saddhā…pe… moho ca rāgassa…pe… patthanāya upanissayapaccayena paccayo. (2)

    អាសវវិប្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – សទ្ធា… សីលំ…បេ.… មោហោ ទោមនស្សសហគតានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ។ (៣)

    Āsavavippayutto dhammo āsavasampayuttassa ca āsavavippayuttassa ca dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – saddhā… sīlaṃ…pe… moho domanassasahagatānaṃ vicikicchāsahagatānaṃ uddhaccasahagatānaṃ khandhānaṃ mohassa ca upanissayapaccayena paccayo. (3)

    ៨៨. អាសវសម្បយុត្តោ ច អាសវវិប្បយុត្តោ ច ធម្មា អាសវសម្បយុត្តស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ …បេ.…។ បកតូបនិស្សយោ – ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច អាសវសម្បយុត្តកានំ ខន្ធានំ ឧបនិស្សយបច្ចយេន បច្ចយោ។ (បុច្ឆិតព្ពំ មូលំ) ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច អាសវសម្បយុត្តកានំ ខន្ធានំ ឧបនិស្សយបច្ចយេន បច្ចយោ។ (១)

    88. Āsavasampayutto ca āsavavippayutto ca dhammā āsavasampayuttassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – domanassasahagatā vicikicchāsahagatā uddhaccasahagatā khandhā ca moho ca āsavasampayuttakānaṃ khandhānaṃ upanissayapaccayena paccayo. (Pucchitabbaṃ mūlaṃ) domanassasahagatā vicikicchāsahagatā uddhaccasahagatā khandhā ca moho ca āsavasampayuttakānaṃ khandhānaṃ upanissayapaccayena paccayo. (1)

    អាសវសម្បយុត្តោ ច អាសវវិប្បយុត្តោ ច ធម្មា អាសវសម្បយុត្តស្ស ច អាសវវិប្បយុត្តស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ទោមនស្សសហគតានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ។ (២)

    Āsavasampayutto ca āsavavippayutto ca dhammā āsavasampayuttassa ca āsavavippayuttassa ca dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – domanassasahagatā vicikicchāsahagatā uddhaccasahagatā khandhā ca moho ca domanassasahagatānaṃ vicikicchāsahagatānaṃ uddhaccasahagatānaṃ khandhānaṃ mohassa ca upanissayapaccayena paccayo. (2)

    បុរេជាតបច្ចយោ

    Purejātapaccayo

    ៨៩. អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អនិច្ចតោ ទុក្ខតោ អនត្តតោ វិបស្សតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ។ រូបាយតនំ ចក្ខុវិញ្ញាណស្ស…បេ.… ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ។ វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ.… កាយាយតនំ កាយវិញ្ញាណស្ស…បេ.… វត្ថុ អាសវវិប្បយុត្តានំ ខន្ធានំ មោហស្ស ច បុរេជាតបច្ចយេន បច្ចយោ។ (១)

    89. Āsavavippayutto dhammo āsavavippayuttassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ aniccato dukkhato anattato vipassati; dibbena cakkhunā rūpaṃ passati, dibbāya sotadhātuyā saddaṃ suṇāti. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu āsavavippayuttānaṃ khandhānaṃ mohassa ca purejātapaccayena paccayo. (1)

    អាសវវិប្បយុត្តោ ធម្មោ អាសវសម្បយុត្តស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ…បេ.… ទោមនស្សំ ឧប្បជ្ជតិ។ វត្ថុបុរេជាតំ – វត្ថុ អាសវសម្បយុត្តកានំ ខន្ធានំ បុរេជាតបច្ចយេន បច្ចយោ។ (២)

    Āsavavippayutto dhammo āsavasampayuttassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati, taṃ ārabbha rāgo uppajjati…pe… domanassaṃ uppajjati. Vatthupurejātaṃ – vatthu āsavasampayuttakānaṃ khandhānaṃ purejātapaccayena paccayo. (2)

    អាសវវិប្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ។ អារម្មណបុរេជាតំ – ចក្ខុំ…បេ.… វត្ថុំ អារព្ភ ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ឧប្បជ្ជន្តិ ។ វត្ថុបុរេជាតំ – វត្ថុ ទោមនស្សសហគតានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច បុរេជាតបច្ចយេន បច្ចយោ។ (៣)

    Āsavavippayutto dhammo āsavasampayuttassa ca āsavavippayuttassa ca dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ ārabbha domanassasahagatā vicikicchāsahagatā uddhaccasahagatā khandhā ca moho ca uppajjanti . Vatthupurejātaṃ – vatthu domanassasahagatānaṃ vicikicchāsahagatānaṃ uddhaccasahagatānaṃ khandhānaṃ mohassa ca purejātapaccayena paccayo. (3)

    បច្ឆាជាតបច្ចយោ

    Pacchājātapaccayo

    ៩០. អាសវសម្បយុត្តោ ធម្មោ អាសវវិប្បយុត្តស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អាសវសម្បយុត្តកា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ។ (១)

    90. Āsavasampayutto dhammo āsavavippayuttassa dhammassa pacchājātapaccayena paccayo – pacchājātā āsavasampayuttakā khandhā purejātassa imassa kāyassa pacchājātapaccayena paccayo. (1)

    អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អាសវវិប្បយុត្តា ខន្ធា ច មោហោ ច បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ។ (១)

    Āsavavippayutto dhammo āsavavippayuttassa dhammassa pacchājātapaccayena paccayo – pacchājātā āsavavippayuttā khandhā ca moho ca purejātassa imassa kāyassa pacchājātapaccayena paccayo. (1)

    អាសវសម្បយុត្តោ ច អាសវវិប្បយុត្តោ ច ធម្មា អាសវវិប្បយុត្តស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ។ (១)

    Āsavasampayutto ca āsavavippayutto ca dhammā āsavavippayuttassa dhammassa pacchājātapaccayena paccayo – pacchājātā domanassasahagatā vicikicchāsahagatā uddhaccasahagatā khandhā ca moho ca purejātassa imassa kāyassa pacchājātapaccayena paccayo. (1)

    អាសេវនបច្ចយោ

    Āsevanapaccayo

    ៩១. អាសវសម្បយុត្តោ ធម្មោ អាសវសម្បយុត្តស្ស ធម្មស្ស អាសេវនបច្ចយេន បច្ចយោ… នវ (អាវជ្ជនាបិ វុដ្ឋានម្បិ នត្ថិ )។

    91. Āsavasampayutto dhammo āsavasampayuttassa dhammassa āsevanapaccayena paccayo… nava (āvajjanāpi vuṭṭhānampi natthi ).

    កម្មបច្ចយោ

    Kammapaccayo

    ៩២. អាសវសម្បយុត្តោ ធម្មោ អាសវសម្បយុត្តស្ស ធម្មស្ស កម្មបច្ចយេន បច្ចយោ – អាសវសម្បយុត្តកា ចេតនា សម្បយុត្តកានំ ខន្ធានំ កម្មបច្ចយេន បច្ចយោ។ (១)

    92. Āsavasampayutto dhammo āsavasampayuttassa dhammassa kammapaccayena paccayo – āsavasampayuttakā cetanā sampayuttakānaṃ khandhānaṃ kammapaccayena paccayo. (1)

    អាសវសម្បយុត្តោ ធម្មោ អាសវវិប្បយុត្តស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – អាសវសម្បយុត្តា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ; ទោមនស្សសហគតា វិចិកិច្ឆាសហគតា ឧទ្ធច្ចសហគតា ចេតនា មោហស្ស ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ នានាក្ខណិកា – អាសវសម្បយុត្តកា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ។ (២)

    Āsavasampayutto dhammo āsavavippayuttassa dhammassa kammapaccayena paccayo – sahajātā, nānākkhaṇikā. Sahajātā – āsavasampayuttā cetanā cittasamuṭṭhānānaṃ rūpānaṃ kammapaccayena paccayo; domanassasahagatā vicikicchāsahagatā uddhaccasahagatā cetanā mohassa cittasamuṭṭhānānañca rūpānaṃ kammapaccayena paccayo. Nānākkhaṇikā – āsavasampayuttakā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (2)

    អាសវសម្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស កម្មបច្ចយេន បច្ចយោ – អាសវសម្បយុត្តា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; ទោមនស្សសហគតា វិចិកិច្ឆាសហគតា ឧទ្ធច្ចសហគតា ចេតនា សម្បយុត្តកានំ ខន្ធានំ មោហស្ស ច ចិត្តសមុដ្ឋានានញ្ច រូបានំ កម្មបច្ចយេន បច្ចយោ។ (៣)

    Āsavasampayutto dhammo āsavasampayuttassa ca āsavavippayuttassa ca dhammassa kammapaccayena paccayo – āsavasampayuttā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; domanassasahagatā vicikicchāsahagatā uddhaccasahagatā cetanā sampayuttakānaṃ khandhānaṃ mohassa ca cittasamuṭṭhānānañca rūpānaṃ kammapaccayena paccayo. (3)

    អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា។ សហជាតា – អាសវវិប្បយុត្តា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ.…។ នានាក្ខណិកា អាសវវិប្បយុត្តា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ។ (១)

    Āsavavippayutto dhammo āsavavippayuttassa dhammassa kammapaccayena paccayo – sahajātā, nānākkhaṇikā. Sahajātā – āsavavippayuttā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; paṭisandhikkhaṇe…pe…. Nānākkhaṇikā āsavavippayuttā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (1)

    វិបាកបច្ចយោ

    Vipākapaccayo

    ៩៣. អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស វិបាកបច្ចយេន បច្ចយោ… ឯកំ។

    93. Āsavavippayutto dhammo āsavavippayuttassa dhammassa vipākapaccayena paccayo… ekaṃ.

    អាហារបច្ចយោ

    Āhārapaccayo

    ៩៤. អាសវសម្បយុត្តោ ធម្មោ អាសវសម្បយុត្តស្ស ធម្មស្ស អាហារបច្ចយេន បច្ចយោ – អាសវសម្បយុត្តា អាហារា សម្បយុត្តកានំ ខន្ធានំ អាហារបច្ចយេន បច្ចយោ។ (១)

    94. Āsavasampayutto dhammo āsavasampayuttassa dhammassa āhārapaccayena paccayo – āsavasampayuttā āhārā sampayuttakānaṃ khandhānaṃ āhārapaccayena paccayo. (1)

    អាសវសម្បយុត្តោ ធម្មោ អាសវវិប្បយុត្តស្ស ធម្មស្ស អាហារបច្ចយេន បច្ចយោ – អាសវសម្បយុត្តា អាហារា ចិត្តសមុដ្ឋានានំ រូបានំ អាហារបច្ចយេន បច្ចយោ; ទោមនស្សសហគតា វិចិកិច្ឆាសហគតា ឧទ្ធច្ចសហគតា អាហារា មោហស្ស ចិត្តសមុដ្ឋានានញ្ច រូបានំ អាហារបច្ចយេន បច្ចយោ។ (២)

    Āsavasampayutto dhammo āsavavippayuttassa dhammassa āhārapaccayena paccayo – āsavasampayuttā āhārā cittasamuṭṭhānānaṃ rūpānaṃ āhārapaccayena paccayo; domanassasahagatā vicikicchāsahagatā uddhaccasahagatā āhārā mohassa cittasamuṭṭhānānañca rūpānaṃ āhārapaccayena paccayo. (2)

    អាសវសម្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស អាហារបច្ចយេន បច្ចយោ – អាសវសម្បយុត្តា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ; ទោមនស្សសហគតា វិចិកិច្ឆាសហគតា ឧទ្ធច្ចសហគតា អាហារា សម្បយុត្តកានំ ខន្ធានំ មោហស្ស ច ចិត្តសមុដ្ឋានានញ្ច រូបានំ អាហារបច្ចយេន បច្ចយោ។ (៣)

    Āsavasampayutto dhammo āsavasampayuttassa ca āsavavippayuttassa ca dhammassa āhārapaccayena paccayo – āsavasampayuttā āhārā sampayuttakānaṃ khandhānaṃ cittasamuṭṭhānānañca rūpānaṃ āhārapaccayena paccayo; domanassasahagatā vicikicchāsahagatā uddhaccasahagatā āhārā sampayuttakānaṃ khandhānaṃ mohassa ca cittasamuṭṭhānānañca rūpānaṃ āhārapaccayena paccayo. (3)

    ៩៥. អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស អាហារបច្ចយេន បច្ចយោ – អាសវវិប្បយុត្តា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ; បដិសន្ធិក្ខណេ…បេ.… កពឡីការោ អាហារោ ឥមស្ស កាយស្ស អាហារបច្ចយេន បច្ចយោ។ (១)

    95. Āsavavippayutto dhammo āsavavippayuttassa dhammassa āhārapaccayena paccayo – āsavavippayuttā āhārā sampayuttakānaṃ khandhānaṃ cittasamuṭṭhānānañca rūpānaṃ āhārapaccayena paccayo; paṭisandhikkhaṇe…pe… kabaḷīkāro āhāro imassa kāyassa āhārapaccayena paccayo. (1)

    ឥន្ទ្រិយបច្ចយាទិ

    Indriyapaccayādi

    ៩៦. អាសវសម្បយុត្តោ ធម្មោ អាសវសម្បយុត្តស្ស ធម្មស្ស ឥន្ទ្រិយបច្ចយេន បច្ចយោ… ចត្តារិ… ឈានបច្ចយេន បច្ចយោ… ចត្តារិ… មគ្គបច្ចយេន បច្ចយោ… ចត្តារិ… សម្បយុត្តបច្ចយេន បច្ចយោ… ឆ។

    96. Āsavasampayutto dhammo āsavasampayuttassa dhammassa indriyapaccayena paccayo… cattāri… jhānapaccayena paccayo… cattāri… maggapaccayena paccayo… cattāri… sampayuttapaccayena paccayo… cha.

    វិប្បយុត្តបច្ចយោ

    Vippayuttapaccayo

    ៩៧. អាសវសម្បយុត្តោ ធម្មោ អាសវវិប្បយុត្តស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ។ សហជាតា – អាសវសម្បយុត្តា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ។ បច្ឆាជាតា – អាសវសម្បយុត្តា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ។ (១)

    97. Āsavasampayutto dhammo āsavavippayuttassa dhammassa vippayuttapaccayena paccayo – sahajātaṃ, pacchājātaṃ. Sahajātā – āsavasampayuttā khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – āsavasampayuttā khandhā purejātassa imassa kāyassa vippayuttapaccayena paccayo. (1)

    អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ។ វិត្ថារេតព្ពំ)។ (១)

    Āsavavippayutto dhammo āsavavippayuttassa dhammassa vippayuttapaccayena paccayo – sahajātaṃ, purejātaṃ, pacchājātaṃ (saṃkhittaṃ. Vitthāretabbaṃ). (1)

    ៩៨. អាសវវិប្បយុត្តោ ធម្មោ អាសវសម្បយុត្តស្ស ធម្មស្ស វិប្បយុត្តបច្ចយេន បច្ចយោ។ បុរេជាតំ – វត្ថុ អាសវសម្បយុត្តកានំ ខន្ធានំ វិប្បយុត្តបច្ចយេន បច្ចយោ។ (១)

    98. Āsavavippayutto dhammo āsavasampayuttassa dhammassa vippayuttapaccayena paccayo. Purejātaṃ – vatthu āsavasampayuttakānaṃ khandhānaṃ vippayuttapaccayena paccayo. (1)

    អាសវវិប្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស វិប្បយុត្តបច្ចយេន បច្ចយោ។ បុរេជាតំ – វត្ថុ ទោមនស្សសហគតានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច វិប្បយុត្តបច្ចយេន បច្ចយោ។ (២)

    Āsavavippayutto dhammo āsavasampayuttassa ca āsavavippayuttassa ca dhammassa vippayuttapaccayena paccayo. Purejātaṃ – vatthu domanassasahagatānaṃ vicikicchāsahagatānaṃ uddhaccasahagatānaṃ khandhānaṃ mohassa ca vippayuttapaccayena paccayo. (2)

    អាសវសម្បយុត្តោ ច អាសវវិប្បយុត្តោ ច ធម្មា អាសវវិប្បយុត្តស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ។ សហជាតា – ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ។ បច្ឆាជាតា – ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ។ (១)

    Āsavasampayutto ca āsavavippayutto ca dhammā āsavavippayuttassa dhammassa vippayuttapaccayena paccayo – sahajātaṃ, pacchājātaṃ. Sahajātā – domanassasahagatā vicikicchāsahagatā uddhaccasahagatā khandhā ca moho ca cittasamuṭṭhānānaṃ rūpānaṃ vippayuttapaccayena paccayo. Pacchājātā – domanassasahagatā vicikicchāsahagatā uddhaccasahagatā khandhā ca moho ca purejātassa imassa kāyassa vippayuttapaccayena paccayo. (1)

    អត្ថិបច្ចយោ

    Atthipaccayo

    ៩៩. អាសវសម្បយុត្តោ ធម្មោ អាសវសម្បយុត្តស្ស ធម្មស្ស អត្ថិបច្ចយេន បច្ចយោ… ឯកំ។ (១)

    99. Āsavasampayutto dhammo āsavasampayuttassa dhammassa atthipaccayena paccayo… ekaṃ. (1)

    អាសវសម្បយុត្តោ ធម្មោ អាសវវិប្បយុត្តស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ។ សហជាតា – អាសវសម្បយុត្តា ខន្ធា ចិត្តសមុដ្ឋានានំ រូបានំ អត្ថិបច្ចយេន បច្ចយោ; ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា មោហស្ស ច ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ។ បច្ឆាជាតា – អាសវសម្បយុត្តា ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ។ (២)

    Āsavasampayutto dhammo āsavavippayuttassa dhammassa atthipaccayena paccayo – sahajātaṃ, pacchājātaṃ. Sahajātā – āsavasampayuttā khandhā cittasamuṭṭhānānaṃ rūpānaṃ atthipaccayena paccayo; domanassasahagatā vicikicchāsahagatā uddhaccasahagatā khandhā mohassa ca cittasamuṭṭhānānañca rūpānaṃ atthipaccayena paccayo. Pacchājātā – āsavasampayuttā khandhā purejātassa imassa kāyassa atthipaccayena paccayo. (2)

    អាសវសម្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស អត្ថិបច្ចយេន បច្ចយោ (សហជាតសទិសំ)។ (៣)

    Āsavasampayutto dhammo āsavasampayuttassa ca āsavavippayuttassa ca dhammassa atthipaccayena paccayo (sahajātasadisaṃ). (3)

    ១០០. អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ, វិត្ថារេតព្ពំ)។ (១)

    100. Āsavavippayutto dhammo āsavavippayuttassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (saṃkhittaṃ, vitthāretabbaṃ). (1)

    អាសវវិប្បយុត្តោ ធម្មោ អាសវសម្បយុត្តស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ មោហោ សម្បយុត្តកានំ ខន្ធានំ អត្ថិបច្ចយេន បច្ចយោ។ បុរេជាតំ – ចក្ខុំ…បេ.… វត្ថុំ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ឧទ្ធច្ចំ ឧប្បជ្ជតិ, ទោមនស្សំ ឧប្បជ្ជតិ, វត្ថុ អាសវសម្បយុត្តកានំ ខន្ធានំ អត្ថិបច្ចយេន បច្ចយោ។ (២)

    Āsavavippayutto dhammo āsavasampayuttassa dhammassa atthipaccayena paccayo – sahajātaṃ, purejātaṃ. Sahajāto – domanassasahagato vicikicchāsahagato uddhaccasahagato moho sampayuttakānaṃ khandhānaṃ atthipaccayena paccayo. Purejātaṃ – cakkhuṃ…pe… vatthuṃ assādeti abhinandati, taṃ ārabbha rāgo uppajjati, diṭṭhi uppajjati, vicikicchā uppajjati, uddhaccaṃ uppajjati, domanassaṃ uppajjati, vatthu āsavasampayuttakānaṃ khandhānaṃ atthipaccayena paccayo. (2)

    អាសវវិប្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ មោហោ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ។ បុរេជាតំ – ចក្ខុំ…បេ.… វត្ថុំ អារព្ភ ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ឧប្បជ្ជន្តិ។ (៣)

    Āsavavippayutto dhammo āsavasampayuttassa ca āsavavippayuttassa ca dhammassa atthipaccayena paccayo – sahajātaṃ, purejātaṃ. Sahajāto – domanassasahagato vicikicchāsahagato uddhaccasahagato moho sampayuttakānaṃ khandhānaṃ cittasamuṭṭhānānañca rūpānaṃ atthipaccayena paccayo. Purejātaṃ – cakkhuṃ…pe… vatthuṃ ārabbha domanassasahagatā vicikicchāsahagatā uddhaccasahagatā khandhā ca moho ca uppajjanti. (3)

    ១០១. អាសវសម្បយុត្តោ ច អាសវវិប្បយុត្តោ ច ធម្មា អាសវសម្បយុត្តស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – អាសវសម្បយុត្តោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ.… ទ្វេ ខន្ធា ច…បេ.… ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ ឯកោ ខន្ធោ ច មោហោ ច តិណ្ណន្នំ ខន្ធានំ អត្ថិបច្ចយេន បច្ចយោ; ទ្វេ ខន្ធា ច…បេ.…។ (១)

    101. Āsavasampayutto ca āsavavippayutto ca dhammā āsavasampayuttassa dhammassa atthipaccayena paccayo – sahajātaṃ, purejātaṃ. Sahajāto – āsavasampayutto eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā ca…pe… domanassasahagato vicikicchāsahagato uddhaccasahagato eko khandho ca moho ca tiṇṇannaṃ khandhānaṃ atthipaccayena paccayo; dve khandhā ca…pe…. (1)

    អាសវសម្បយុត្តោ ច អាសវវិប្បយុត្តោ ច ធម្មា អាសវវិប្បយុត្តស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ។ សហជាតា – អាសវសម្បយុត្តា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ; ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ចិត្តសមុដ្ឋានានំ រូបានំ អត្ថិបច្ចយេន បច្ចយោ; ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច វត្ថុ ច មោហស្ស អត្ថិបច្ចយេន បច្ចយោ។ បច្ឆាជាតា – អាសវសម្បយុត្តា ខន្ធា ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ។ បច្ឆាជាតា – អាសវសម្បយុត្តា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ។ (២)

    Āsavasampayutto ca āsavavippayutto ca dhammā āsavavippayuttassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajātā – āsavasampayuttā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo; domanassasahagatā vicikicchāsahagatā uddhaccasahagatā khandhā ca moho ca cittasamuṭṭhānānaṃ rūpānaṃ atthipaccayena paccayo; domanassasahagatā vicikicchāsahagatā uddhaccasahagatā khandhā ca vatthu ca mohassa atthipaccayena paccayo. Pacchājātā – āsavasampayuttā khandhā ca kabaḷīkāro āhāro ca imassa kāyassa atthipaccayena paccayo. Pacchājātā – āsavasampayuttā khandhā ca rūpajīvitindriyañca kaṭattārūpānaṃ atthipaccayena paccayo. (2)

    អាសវសម្បយុត្តោ ច អាសវវិប្បយុត្តោ ច ធម្មា អាសវសម្បយុត្តស្ស ច អាសវវិប្បយុត្តស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ។ សហជាតោ – ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ ឯកោ ខន្ធោ ច មោហោ ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ.… ទ្វេ ខន្ធា ច…បេ.…។ សហជាតោ – ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ ឯកោ ខន្ធោ ច វត្ថុ ច តិណ្ណន្នំ ខន្ធានំ មោហស្ស ច…បេ.… ទ្វេ ខន្ធា ច…បេ.…។ (៣)

    Āsavasampayutto ca āsavavippayutto ca dhammā āsavasampayuttassa ca āsavavippayuttassa ca dhammassa atthipaccayena paccayo – sahajātaṃ, purejātaṃ. Sahajāto – domanassasahagato vicikicchāsahagato uddhaccasahagato eko khandho ca moho ca tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā ca…pe…. Sahajāto – domanassasahagato vicikicchāsahagato uddhaccasahagato eko khandho ca vatthu ca tiṇṇannaṃ khandhānaṃ mohassa ca…pe… dve khandhā ca…pe…. (3)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ១០២. ហេតុយា នវ, អារម្មណេ នវ, អធិបតិយា បញ្ច, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ ឆ, និស្សយេ នវ, ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ នវ, កម្មេ ចត្តារិ, វិបាកេ ឯកំ, អាហារេ ចត្តារិ, ឥន្ទ្រិយេ ចត្តារិ, ឈានេ ចត្តារិ, មគ្គេ ចត្តារិ, សម្បយុត្តេ ឆ, វិប្បយុត្តេ បញ្ច, អត្ថិយា នវ, នត្ថិយា នវ, វិគតេ នវ, អវិគតេ នវ។

    102. Hetuyā nava, ārammaṇe nava, adhipatiyā pañca, anantare nava, samanantare nava, sahajāte nava, aññamaññe cha, nissaye nava, upanissaye nava, purejāte tīṇi, pacchājāte tīṇi, āsevane nava, kamme cattāri, vipāke ekaṃ, āhāre cattāri, indriye cattāri, jhāne cattāri, magge cattāri, sampayutte cha, vippayutte pañca, atthiyā nava, natthiyā nava, vigate nava, avigate nava.

    បច្ចនីយុទ្ធារោ

    Paccanīyuddhāro

    ១០៣. អាសវសម្បយុត្តោ ធម្មោ អាសវសម្បយុត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)

    103. Āsavasampayutto dhammo āsavasampayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    អាសវសម្បយុត្តោ ធម្មោ អាសវវិប្បយុត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ។ (២)

    Āsavasampayutto dhammo āsavavippayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo… kammapaccayena paccayo. (2)

    អាសវសម្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)

    Āsavasampayutto dhammo āsavasampayuttassa ca āsavavippayuttassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)

    ១០៤. អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ។ (១)

    104. Āsavavippayutto dhammo āsavavippayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)

    អាសវវិប្បយុត្តោ ធម្មោ អាសវសម្បយុត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (២)

    Āsavavippayutto dhammo āsavasampayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (2)

    អាសវវិប្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ។ (៣)

    Āsavavippayutto dhammo āsavasampayuttassa ca āsavavippayuttassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (3)

    ១០៥. អាសវសម្បយុត្តោ ច អាសវវិប្បយុត្តោ ច ធម្មា អាសវសម្បយុត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)

    105. Āsavasampayutto ca āsavavippayutto ca dhammā āsavasampayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    អាសវសម្បយុត្តោ ច អាសវវិប្បយុត្តោ ច ធម្មា អាសវវិប្បយុត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ។ (២)

    Āsavasampayutto ca āsavavippayutto ca dhammā āsavavippayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)

    អាសវសម្បយុត្តោ ច អាសវវិប្បយុត្តោ ច ធម្មា អាសវសម្បយុត្តស្ស ច អាសវវិប្បយុត្តស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)

    Āsavasampayutto ca āsavavippayutto ca dhammā āsavasampayuttassa ca āsavavippayuttassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ១០៦. នហេតុយា នវ, នអារម្មណេ នវ, នអធិបតិយា នវ (សព្ពត្ថ នវ), នោអវិគតេ នវ។

    106. Nahetuyā nava, naārammaṇe nava, naadhipatiyā nava (sabbattha nava), noavigate nava.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ហេតុទុកំ

    Hetudukaṃ

    ១០៧. ហេតុបច្ចយា នអារម្មណេ នវ, នអធិបតិយា នវ…បេ.… នសមនន្តរេ នវ, នអញ្ញមញ្ញេ តីណិ, នឧបនិស្សយេ នវ…បេ.… នមគ្គេ នវ, នសម្បយុត្តេ តីណិ, នវិប្បយុត្តេ ឆ, នោនត្ថិយា នវ, នោវិគតេ នវ។

    107. Hetupaccayā naārammaṇe nava, naadhipatiyā nava…pe… nasamanantare nava, naaññamaññe tīṇi, naupanissaye nava…pe… namagge nava, nasampayutte tīṇi, navippayutte cha, nonatthiyā nava, novigate nava.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    នហេតុទុកំ

    Nahetudukaṃ

    ១០៨. នហេតុបច្ចយា អារម្មណេ នវ, អធិបតិយា បញ្ច…បេ.… អវិគតេ នវ។

    108. Nahetupaccayā ārammaṇe nava, adhipatiyā pañca…pe… avigate nava.

    បច្ចនីយានុលោមំ។

    Paccanīyānulomaṃ.

    អាសវសម្បយុត្តទុកំ និដ្ឋិតំ។

    Āsavasampayuttadukaṃ niṭṭhitaṃ.

    ១៧. អាសវសាសវទុកំ

    17. Āsavasāsavadukaṃ

    ១. បដិច្ចវារោ

    1. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១០៩. អាសវញ្ចេវ សាសវញ្ច ធម្មំ បដិច្ច អាសវោ ចេវ សាសវោ ច ធម្មោ ឧប្បជ្ជតិ ហេតុបច្ចយា – កាមាសវំ បដិច្ច ទិដ្ឋាសវោ អវិជ្ជាសវោ (ចក្កំ ពន្ធិតព្ពំ) ភវាសវំ បដិច្ច អវិជ្ជាសវោ (ចក្កំ ពន្ធិតព្ពំ) ទិដ្ឋាសវំ បដិច្ច អវិជ្ជាសវោ។ (១)

    109. Āsavañceva sāsavañca dhammaṃ paṭicca āsavo ceva sāsavo ca dhammo uppajjati hetupaccayā – kāmāsavaṃ paṭicca diṭṭhāsavo avijjāsavo (cakkaṃ bandhitabbaṃ) bhavāsavaṃ paṭicca avijjāsavo (cakkaṃ bandhitabbaṃ) diṭṭhāsavaṃ paṭicca avijjāsavo. (1)

    អាសវញ្ចេវ សាសវញ្ច ធម្មំ បដិច្ច សាសវោ ចេវ នោ ច អាសវោ ធម្មោ ឧប្បជ្ជតិ ហេតុបច្ចយា – អាសវេ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ។ (២)

    Āsavañceva sāsavañca dhammaṃ paṭicca sāsavo ceva no ca āsavo dhammo uppajjati hetupaccayā – āsave paṭicca sampayuttakā khandhā cittasamuṭṭhānañca rūpaṃ. (2)

    អាសវញ្ចេវ សាសវញ្ច ធម្មំ បដិច្ច អាសវោ ចេវ សាសវោ ច សាសវោ ចេវ នោ ច អាសវោ ច ធម្មា ឧប្បជ្ជន្តិ ហេតុបច្ចយា – កាមាសវំ បដិច្ច ទិដ្ឋាសវោ អវិជ្ជាសវោ សម្បយុត្តកា ខន្ធា ចិត្តសមុដ្ឋានញ្ច រូបំ, ភវាសវំ (ចក្កំ ពន្ធិតព្ពំ)។ (៣)

    Āsavañceva sāsavañca dhammaṃ paṭicca āsavo ceva sāsavo ca sāsavo ceva no ca āsavo ca dhammā uppajjanti hetupaccayā – kāmāsavaṃ paṭicca diṭṭhāsavo avijjāsavo sampayuttakā khandhā cittasamuṭṭhānañca rūpaṃ, bhavāsavaṃ (cakkaṃ bandhitabbaṃ). (3)

    ១១០. សាសវញ្ចេវ នោ ច អាសវំ ធម្មំ បដិច្ច សាសវោ ចេវ នោ ច អាសវោ ធម្មោ ឧប្បជ្ជតិ ហេតុបច្ចយា – សាសវញ្ចេវ នោ ច អាសវំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ…បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ.…។ (១)

    110. Sāsavañceva no ca āsavaṃ dhammaṃ paṭicca sāsavo ceva no ca āsavo dhammo uppajjati hetupaccayā – sāsavañceva no ca āsavaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe…. (1)

    សាសវញ្ចេវ នោ ច អាសវំ ធម្មំ បដិច្ច អាសវោ ចេវ សាសវោ ច ធម្មោ ឧប្បជ្ជតិ ហេតុបច្ចយា – សាសវេ ចេវ នោ ច អាសវេ ខន្ធេ បដិច្ច អាសវា។ (២)

    Sāsavañceva no ca āsavaṃ dhammaṃ paṭicca āsavo ceva sāsavo ca dhammo uppajjati hetupaccayā – sāsave ceva no ca āsave khandhe paṭicca āsavā. (2)

    សាសវញ្ចេវ នោ ច អាសវំ ធម្មំ បដិច្ច អាសវោ ចេវ សាសវោ ច សាសវោ ចេវ នោ ច អាសវោ ច ធម្មា ឧប្បជ្ជន្តិ ហេតុបច្ចយា – សាសវញ្ចេវ នោ ច អាសវំ ឯកំ ខន្ធំ បដិច្ច តយោ ខន្ធា អាសវា ច ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.…។ (៣)

    Sāsavañceva no ca āsavaṃ dhammaṃ paṭicca āsavo ceva sāsavo ca sāsavo ceva no ca āsavo ca dhammā uppajjanti hetupaccayā – sāsavañceva no ca āsavaṃ ekaṃ khandhaṃ paṭicca tayo khandhā āsavā ca cittasamuṭṭhānañca rūpaṃ…pe… dve khandhe…pe…. (3)

    ១១១. អាសវញ្ចេវ សាសវញ្ច សាសវញ្ចេវ នោ ច អាសវញ្ច ធម្មំ បដិច្ច អាសវោ ចេវ សាសវោ ច ធម្មោ ឧប្បជ្ជតិ ហេតុបច្ចយា – កាមាសវញ្ច សម្បយុត្តកេ ច ខន្ធេ បដិច្ច ទិដ្ឋាសវោ អវិជ្ជាសវោ (ឯវំ ចក្កំ ពន្ធិតព្ពំ)។ (១)

    111. Āsavañceva sāsavañca sāsavañceva no ca āsavañca dhammaṃ paṭicca āsavo ceva sāsavo ca dhammo uppajjati hetupaccayā – kāmāsavañca sampayuttake ca khandhe paṭicca diṭṭhāsavo avijjāsavo (evaṃ cakkaṃ bandhitabbaṃ). (1)

    អាសវញ្ចេវ សាសវញ្ច សាសវញ្ចេវ នោ ច អាសវញ្ច ធម្មំ បដិច្ច សាសវោ ចេវ នោ ច អាសវោ ធម្មោ ឧប្បជ្ជតិ ហេតុបច្ចយា – សាសវញ្ចេវ នោ ច អាសវំ ឯកំ ខន្ធញ្ច អាសវេ ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ ច…បេ.…។ (២)

    Āsavañceva sāsavañca sāsavañceva no ca āsavañca dhammaṃ paṭicca sāsavo ceva no ca āsavo dhammo uppajjati hetupaccayā – sāsavañceva no ca āsavaṃ ekaṃ khandhañca āsave ca paṭicca tayo khandhā cittasamuṭṭhānañca rūpaṃ…pe… dve khandhe ca…pe…. (2)

    អាសវញ្ចេវ សាសវញ្ច សាសវញ្ចេវ នោ ច អាសវញ្ច ធម្មំ បដិច្ច អាសវោ ចេវ សាសវោ ច សាសវោ ចេវ នោ ច អាសវោ ច ធម្មា ឧប្បជ្ជន្តិ ហេតុបច្ចយា – សាសវញ្ចេវ នោ ច អាសវំ ឯកំ ខន្ធញ្ច កាមាសវញ្ច បដិច្ច តយោ ខន្ធា ទិដ្ឋាសវោ អវិជ្ជាសវោ ចិត្តសមុដ្ឋានញ្ច រូបំ…បេ.… ទ្វេ ខន្ធេ ច…បេ.… (ចក្កំ។ សំខិត្តំ)។ (៣)

    Āsavañceva sāsavañca sāsavañceva no ca āsavañca dhammaṃ paṭicca āsavo ceva sāsavo ca sāsavo ceva no ca āsavo ca dhammā uppajjanti hetupaccayā – sāsavañceva no ca āsavaṃ ekaṃ khandhañca kāmāsavañca paṭicca tayo khandhā diṭṭhāsavo avijjāsavo cittasamuṭṭhānañca rūpaṃ…pe… dve khandhe ca…pe… (cakkaṃ. Saṃkhittaṃ). (3)

    ២-៦. សហជាត-បច្ចយ-និស្សយ-សំសដ្ឋ-សម្បយុត្តវារោ

    2-6. Sahajāta-paccaya-nissaya-saṃsaṭṭha-sampayuttavāro

    (ឯវំ បដិច្ចវារោបិ សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ យថា អាសវទុកំ ឯវំ កាតព្ពំ, និន្នានំ។)

    (Evaṃ paṭiccavāropi sahajātavāropi paccayavāropi nissayavāropi saṃsaṭṭhavāropi sampayuttavāropi yathā āsavadukaṃ evaṃ kātabbaṃ, ninnānaṃ.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    (បញ្ហាវារេ ហេតុបច្ចយេបិ អារម្មណបច្ចយេបិ លោកុត្តរំ ន កាតព្ពំ, សេខា គោត្រភុំ បច្ចវេក្ខន្តិ, វោទានំ បច្ចវេក្ខន្តីតិ កាតព្ពា។ អធិបតិបច្ចយម្បិ សព្ពំ ជានិត្វា កាតព្ពំ។)

    (Pañhāvāre hetupaccayepi ārammaṇapaccayepi lokuttaraṃ na kātabbaṃ, sekhā gotrabhuṃ paccavekkhanti, vodānaṃ paccavekkhantīti kātabbā. Adhipatipaccayampi sabbaṃ jānitvā kātabbaṃ.)

    អនន្តរបច្ចយោ

    Anantarapaccayo

    ១១២. អាសវោ ចេវ សាសវោ ច ធម្មោ អាសវស្ស ចេវ សាសវស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា អាសវា បច្ឆិមានំ បច្ឆិមានំ អាសវានំ អនន្តរបច្ចយេន បច្ចយោ។ (១)

    112. Āsavo ceva sāsavo ca dhammo āsavassa ceva sāsavassa ca dhammassa anantarapaccayena paccayo – purimā purimā āsavā pacchimānaṃ pacchimānaṃ āsavānaṃ anantarapaccayena paccayo. (1)

    អាសវោ ចេវ សាសវោ ច ធម្មោ សាសវស្ស ចេវ នោ ច អាសវស្ស ធម្មស្ស អនន្តរបច្ចយេន បច្ចយោ – បុរិមា បុរិមា អាសវា បច្ឆិមានំ បច្ឆិមានំ សាសវញ្ចេវ នោ ច អាសវានំ ខន្ធានំ អនន្តរបច្ចយេន បច្ចយោ; អាសវា វុដ្ឋានស្ស អនន្តរបច្ចយេន បច្ចយោ។ (២)

    Āsavo ceva sāsavo ca dhammo sāsavassa ceva no ca āsavassa dhammassa anantarapaccayena paccayo – purimā purimā āsavā pacchimānaṃ pacchimānaṃ sāsavañceva no ca āsavānaṃ khandhānaṃ anantarapaccayena paccayo; āsavā vuṭṭhānassa anantarapaccayena paccayo. (2)

    អាសវោ ចេវ សាសវោ ច ធម្មោ អាសវស្ស ចេវ សាសវស្ស ច សាសវស្ស ចេវ នោ ច អាសវស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា អាសវា បច្ឆិមានំ បច្ឆិមានំ អាសវានំ សម្បយុត្តកានញ្ច ខន្ធានំ អនន្តរបច្ចយេន បច្ចយោ។ (៣)

    Āsavo ceva sāsavo ca dhammo āsavassa ceva sāsavassa ca sāsavassa ceva no ca āsavassa ca dhammassa anantarapaccayena paccayo – purimā purimā āsavā pacchimānaṃ pacchimānaṃ āsavānaṃ sampayuttakānañca khandhānaṃ anantarapaccayena paccayo. (3)

    ១១៣. សាសវោ ចេវ នោ ច អាសវោ ធម្មោ សាសវស្ស ចេវ នោ ច អាសវស្ស ធម្មស្ស អនន្តរបច្ចយេន បច្ចយោ – បុរិមា បុរិមា សាសវា ចេវ នោ ច អាសវា ខន្ធា បច្ឆិមានំ បច្ឆិមានំ សាសវានញ្ចេវ នោ ច អាសវានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស, អនុលោមំ វោទានស្ស, អាវជ្ជនា សាសវានញ្ចេវ នោ ច អាសវានំ ខន្ធានំ អនន្តរបច្ចយេន បច្ចយោ។ (១)

    113. Sāsavo ceva no ca āsavo dhammo sāsavassa ceva no ca āsavassa dhammassa anantarapaccayena paccayo – purimā purimā sāsavā ceva no ca āsavā khandhā pacchimānaṃ pacchimānaṃ sāsavānañceva no ca āsavānaṃ khandhānaṃ anantarapaccayena paccayo; anulomaṃ gotrabhussa, anulomaṃ vodānassa, āvajjanā sāsavānañceva no ca āsavānaṃ khandhānaṃ anantarapaccayena paccayo. (1)

    សាសវោ ចេវ នោ ច អាសវោ ធម្មោ អាសវស្ស ចេវ សាសវស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា សាសវា ចេវ នោ ច អាសវា ខន្ធា បច្ឆិមានំ បច្ឆិមានំ អាសវានំ អនន្តរបច្ចយេន បច្ចយោ; អាវជ្ជនា អាសវានំ អនន្តរបច្ចយេន បច្ចយោ។ (២)

    Sāsavo ceva no ca āsavo dhammo āsavassa ceva sāsavassa ca dhammassa anantarapaccayena paccayo – purimā purimā sāsavā ceva no ca āsavā khandhā pacchimānaṃ pacchimānaṃ āsavānaṃ anantarapaccayena paccayo; āvajjanā āsavānaṃ anantarapaccayena paccayo. (2)

    សាសវោ ចេវ នោ ច អាសវោ ធម្មោ អាសវស្ស ចេវ សាសវស្ស ច សាសវស្ស ចេវ នោ ច អាសវស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា សាសវា ចេវ នោ ច អាសវា ខន្ធា បច្ឆិមានំ បច្ឆិមានំ អាសវានំ សម្បយុត្តកានញ្ច ខន្ធានំ អនន្តរបច្ចយេន បច្ចយោ; អាវជ្ជនា អាសវានំ សម្បយុត្តកានញ្ច ខន្ធានំ អនន្តរបច្ចយេន បច្ចយោ។ (៣)

    Sāsavo ceva no ca āsavo dhammo āsavassa ceva sāsavassa ca sāsavassa ceva no ca āsavassa ca dhammassa anantarapaccayena paccayo – purimā purimā sāsavā ceva no ca āsavā khandhā pacchimānaṃ pacchimānaṃ āsavānaṃ sampayuttakānañca khandhānaṃ anantarapaccayena paccayo; āvajjanā āsavānaṃ sampayuttakānañca khandhānaṃ anantarapaccayena paccayo. (3)

    ១១៤. អាសវោ ចេវ សាសវោ ច សាសវោ ចេវ នោ ច អាសវោ ច ធម្មា អាសវស្ស ចេវ សាសវស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា អាសវា ច សម្បយុត្តកា ច ខន្ធា បច្ឆិមានំ បច្ឆិមានំ អាសវានំ អនន្តរបច្ចយេន បច្ចយោ។ (១)

    114. Āsavo ceva sāsavo ca sāsavo ceva no ca āsavo ca dhammā āsavassa ceva sāsavassa ca dhammassa anantarapaccayena paccayo – purimā purimā āsavā ca sampayuttakā ca khandhā pacchimānaṃ pacchimānaṃ āsavānaṃ anantarapaccayena paccayo. (1)

    អាសវោ ចេវ សាសវោ ច សាសវោ ចេវ នោ ច អាសវោ ច ធម្មា សាសវស្ស ចេវ នោ ច អាសវស្ស ធម្មស្ស អនន្តរបច្ចយេន បច្ចយោ – បុរិមា បុរិមា អាសវា ច សម្បយុត្តកា ច ខន្ធា បច្ឆិមានំ បច្ឆិមានំ សាសវានញ្ចេវ នោ ច អាសវានំ ខន្ធានំ អនន្តរបច្ចយេន បច្ចយោ; អាសវា ច សម្បយុត្តកា ច ខន្ធា វុដ្ឋានស្ស អនន្តរបច្ចយេន បច្ចយោ។ (២)

    Āsavo ceva sāsavo ca sāsavo ceva no ca āsavo ca dhammā sāsavassa ceva no ca āsavassa dhammassa anantarapaccayena paccayo – purimā purimā āsavā ca sampayuttakā ca khandhā pacchimānaṃ pacchimānaṃ sāsavānañceva no ca āsavānaṃ khandhānaṃ anantarapaccayena paccayo; āsavā ca sampayuttakā ca khandhā vuṭṭhānassa anantarapaccayena paccayo. (2)

    អាសវោ ចេវ សាសវោ ច សាសវោ ចេវ នោ ច អាសវោ ច ធម្មា អាសវស្ស ចេវ សាសវស្ស ច សាសវស្ស ចេវ នោ ច អាសវស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា អាសវា ច សម្បយុត្តកា ច ខន្ធា បច្ឆិមានំ បច្ឆិមានំ អាសវានំ សម្បយុត្តកានញ្ច ខន្ធានំ អនន្តរបច្ចយេន បច្ចយោ (ឯវំ សព្ពំ វិត្ថារេតព្ពំ)។ (៣)

    Āsavo ceva sāsavo ca sāsavo ceva no ca āsavo ca dhammā āsavassa ceva sāsavassa ca sāsavassa ceva no ca āsavassa ca dhammassa anantarapaccayena paccayo – purimā purimā āsavā ca sampayuttakā ca khandhā pacchimānaṃ pacchimānaṃ āsavānaṃ sampayuttakānañca khandhānaṃ anantarapaccayena paccayo (evaṃ sabbaṃ vitthāretabbaṃ). (3)

    (អាសវទុកេបិ អនន្តរំ ឥមិនា សទិសំ កាតព្ពំ។ អាវជ្ជនាបិ វុដ្ឋានម្បិ ឯវំ សមុទ្ទិដ្ឋំ សំខិត្តំ។ សព្ពំ បរិបុណ្ណំ។ អាសវទុកសទិសំ កាតព្ពំ, និន្នានំ។)

    (Āsavadukepi anantaraṃ iminā sadisaṃ kātabbaṃ. Āvajjanāpi vuṭṭhānampi evaṃ samuddiṭṭhaṃ saṃkhittaṃ. Sabbaṃ paripuṇṇaṃ. Āsavadukasadisaṃ kātabbaṃ, ninnānaṃ.)

    អាសវសាសវទុកំ និដ្ឋិតំ។

    Āsavasāsavadukaṃ niṭṭhitaṃ.

    ១៨. អាសវអាសវសម្បយុត្តទុកំ

    18. Āsavaāsavasampayuttadukaṃ

    ១. បដិច្ចវារោ

    1. Paṭiccavāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១១៥. អាសវញ្ចេវ អាសវសម្បយុត្តញ្ច ធម្មំ បដិច្ច អាសវោ ចេវ អាសវសម្បយុត្តោ ច ធម្មោ ឧប្បជ្ជតិ ហេតុបច្ចយា – កាមាសវំ បដិច្ច ទិដ្ឋាសវោ អវិជ្ជាសវោ (ចក្កំ ពន្ធិតព្ពំ)។ ភវាសវំ បដិច្ច អវិជ្ជាសវោ (ចក្កំ ពន្ធិតព្ពំ)។ ទិដ្ឋាសវំ បដិច្ច អវិជ្ជាសវោ។ (១)

    115. Āsavañceva āsavasampayuttañca dhammaṃ paṭicca āsavo ceva āsavasampayutto ca dhammo uppajjati hetupaccayā – kāmāsavaṃ paṭicca diṭṭhāsavo avijjāsavo (cakkaṃ bandhitabbaṃ). Bhavāsavaṃ paṭicca avijjāsavo (cakkaṃ bandhitabbaṃ). Diṭṭhāsavaṃ paṭicca avijjāsavo. (1)

    អាសវញ្ចេវ អាសវសម្បយុត្តញ្ច ធម្មំ បដិច្ច អាសវសម្បយុត្តោ ចេវ នោ ច អាសវោ ធម្មោ ឧប្បជ្ជតិ ហេតុបច្ចយា – អាសវេ បដិច្ច សម្បយុត្តកា ខន្ធា។ (២)

    Āsavañceva āsavasampayuttañca dhammaṃ paṭicca āsavasampayutto ceva no ca āsavo dhammo uppajjati hetupaccayā – āsave paṭicca sampayuttakā khandhā. (2)

    អាសវញ្ចេវ អាសវសម្បយុត្តញ្ច ធម្មំ បដិច្ច អាសវោ ចេវ អាសវសម្បយុត្តោ ច អាសវសម្បយុត្តោ ចេវ នោ ច អាសវោ ច ធម្មា ឧប្បជ្ជន្តិ ហេតុបច្ចយា – អាសវសម្បយុត្តំ កាមាសវំ បដិច្ច ទិដ្ឋាសវោ អវិជ្ជាសវោ សម្បយុត្តកា ច ខន្ធា (សព្ពំ ចក្កំ)។ (៣)

    Āsavañceva āsavasampayuttañca dhammaṃ paṭicca āsavo ceva āsavasampayutto ca āsavasampayutto ceva no ca āsavo ca dhammā uppajjanti hetupaccayā – āsavasampayuttaṃ kāmāsavaṃ paṭicca diṭṭhāsavo avijjāsavo sampayuttakā ca khandhā (sabbaṃ cakkaṃ). (3)

    ១១៦. អាសវសម្បយុត្តញ្ចេវ នោ ច អាសវំ ធម្មំ បដិច្ច អាសវសម្បយុត្តោ ចេវ នោ ច អាសវោ ធម្មោ ឧប្បជ្ជតិ ហេតុបច្ចយា – អាសវសម្បយុត្តញ្ចេវ នោ ច អាសវំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)

    116. Āsavasampayuttañceva no ca āsavaṃ dhammaṃ paṭicca āsavasampayutto ceva no ca āsavo dhammo uppajjati hetupaccayā – āsavasampayuttañceva no ca āsavaṃ ekaṃ khandhaṃ paṭicca tayo khandhā…pe… dve khandhe…pe…. (1)

    អាសវសម្បយុត្តញ្ចេវ នោ ច អាសវំ ធម្មំ បដិច្ច អាសវោ ចេវ អាសវសម្បយុត្តោ ច ធម្មោ ឧប្បជ្ជតិ ហេតុបច្ចយា – អាសវសម្បយុត្តញ្ចេវ នោ ច អាសវេ ខន្ធេ បដិច្ច អាសវា។ (២)

    Āsavasampayuttañceva no ca āsavaṃ dhammaṃ paṭicca āsavo ceva āsavasampayutto ca dhammo uppajjati hetupaccayā – āsavasampayuttañceva no ca āsave khandhe paṭicca āsavā. (2)

    អាសវសម្បយុត្តញ្ចេវ នោ ច អាសវំ ធម្មំ បដិច្ច អាសវោ ចេវ អាសវសម្បយុត្តោ ច អាសវសម្បយុត្តោ ចេវ នោ ច អាសវោ ច ធម្មា ឧប្បជ្ជន្តិ ហេតុបច្ចយា – អាសវសម្បយុត្តញ្ចេវ នោ ច អាសវំ ឯកំ ខន្ធំ បដិច្ច តយោ ខន្ធា អាសវា ច…បេ.… ទ្វេ ខន្ធេ…បេ.…។ (៣)

    Āsavasampayuttañceva no ca āsavaṃ dhammaṃ paṭicca āsavo ceva āsavasampayutto ca āsavasampayutto ceva no ca āsavo ca dhammā uppajjanti hetupaccayā – āsavasampayuttañceva no ca āsavaṃ ekaṃ khandhaṃ paṭicca tayo khandhā āsavā ca…pe… dve khandhe…pe…. (3)

    ១១៧. អាសវញ្ចេវ អាសវសម្បយុត្តញ្ច អាសវសម្បយុត្តញ្ចេវ នោ ច អាសវញ្ច ធម្មំ បដិច្ច អាសវោ ចេវ អាសវសម្បយុត្តោ ច ធម្មោ ឧប្បជ្ជតិ ហេតុបច្ចយា – កាមាសវញ្ច សម្បយុត្តកេ ច ខន្ធេ បដិច្ច ទិដ្ឋាសវោ អវិជ្ជាសវោ (សព្ពំ ចក្កំ)។ (១)

    117. Āsavañceva āsavasampayuttañca āsavasampayuttañceva no ca āsavañca dhammaṃ paṭicca āsavo ceva āsavasampayutto ca dhammo uppajjati hetupaccayā – kāmāsavañca sampayuttake ca khandhe paṭicca diṭṭhāsavo avijjāsavo (sabbaṃ cakkaṃ). (1)

    អាសវញ្ចេវ អាសវសម្បយុត្តញ្ច អាសវសម្បយុត្តញ្ចេវ នោ ច អាសវញ្ច ធម្មំ បដិច្ច អាសវសម្បយុត្តោ ចេវ នោ ច អាសវោ ធម្មោ ឧប្បជ្ជតិ ហេតុបច្ចយា – អាសវសម្បយុត្តញ្ចេវ នោ ច អាសវំ ឯកំ ខន្ធញ្ច អាសវេ ច បដិច្ច តយោ ខន្ធា…បេ.… ទ្វេ ខន្ធេ…បេ.…។ (២)

    Āsavañceva āsavasampayuttañca āsavasampayuttañceva no ca āsavañca dhammaṃ paṭicca āsavasampayutto ceva no ca āsavo dhammo uppajjati hetupaccayā – āsavasampayuttañceva no ca āsavaṃ ekaṃ khandhañca āsave ca paṭicca tayo khandhā…pe… dve khandhe…pe…. (2)

    អាសវញ្ចេវ អាសវសម្បយុត្តញ្ច អាសវសម្បយុត្តញ្ចេវ នោ ច អាសវញ្ច ធម្មំ បដិច្ច អាសវោ ចេវ អាសវសម្បយុត្តោ ច អាសវសម្បយុត្តោ ចេវ នោ ច អាសវោ ច ធម្មា ឧប្បជ្ជន្តិ ហេតុបច្ចយា – អាសវសម្បយុត្តញ្ចេវ នោ ច អាសវំ ឯកំ ខន្ធញ្ច កាមាសវញ្ច បដិច្ច តយោ ខន្ធា ទិដ្ឋាសវោ អវិជ្ជាសវោ…បេ.… ទ្វេ ខន្ធេ…បេ.…។ (៣)

    Āsavañceva āsavasampayuttañca āsavasampayuttañceva no ca āsavañca dhammaṃ paṭicca āsavo ceva āsavasampayutto ca āsavasampayutto ceva no ca āsavo ca dhammā uppajjanti hetupaccayā – āsavasampayuttañceva no ca āsavaṃ ekaṃ khandhañca kāmāsavañca paṭicca tayo khandhā diṭṭhāsavo avijjāsavo…pe… dve khandhe…pe…. (3)

    (ចក្កំ។ ឯវំ សព្ពេ បច្ចយា កាតព្ពា។)

    (Cakkaṃ. Evaṃ sabbe paccayā kātabbā.)

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ១១៨. ហេតុយា នវ, អារម្មណេ នវ, អធិបតិយា នវ ( សព្ពត្ថ នវ, សំខិត្តំ), កម្មេ នវ (វិបាកំ នត្ថិ), អាហារេ នវ…បេ.… អវិគតេ នវ។

    118. Hetuyā nava, ārammaṇe nava, adhipatiyā nava ( sabbattha nava, saṃkhittaṃ), kamme nava (vipākaṃ natthi), āhāre nava…pe… avigate nava.

    អនុលោមំ។

    Anulomaṃ.

    ២. បច្ចយបច្ចនីយំ

    2. Paccayapaccanīyaṃ

    ១. វិភង្គវារោ

    1. Vibhaṅgavāro

    នអធិបតិបច្ចយាទិ

    Naadhipatipaccayādi

    ១១៩. អាសវញ្ចេវ អាសវសម្បយុត្តំ ធម្មំ បដិច្ច អាសវោ ចេវ អាសវសម្បយុត្តោ ច ធម្មោ ឧប្បជ្ជតិ នអធិបតិបច្ចយា (នហេតុមូលកំ នត្ថិ), នបុរេជាតបច្ចយា, នបច្ឆាជាតបច្ចយា (សំខិត្តំ)។

    119. Āsavañceva āsavasampayuttaṃ dhammaṃ paṭicca āsavo ceva āsavasampayutto ca dhammo uppajjati naadhipatipaccayā (nahetumūlakaṃ natthi), napurejātapaccayā, napacchājātapaccayā (saṃkhittaṃ).

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ១២០. នអធិបតិយា នវ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នវិប្បយុត្តេ នវ។

    120. Naadhipatiyā nava, napurejāte nava, napacchājāte nava, naāsevane nava, nakamme tīṇi, navipāke nava, navippayutte nava.

    (ឯវំ ឥតរេ ទ្វេ គណនាបិ សហជាតវារម្បិ បច្ចយវារម្បិ និស្សយវារម្បិ សំសដ្ឋវារម្បិ សម្បយុត្តវារម្បិ បរិបុណ្ណំ បដិច្ចសទិសា។)

    (Evaṃ itare dve gaṇanāpi sahajātavārampi paccayavārampi nissayavārampi saṃsaṭṭhavārampi sampayuttavārampi paripuṇṇaṃ paṭiccasadisā.)

    ៧. បញ្ហាវារោ

    7. Pañhāvāro

    ១. បច្ចយានុលោមំ

    1. Paccayānulomaṃ

    ១. វិភង្គវារោ

    1. Vibhaṅgavāro

    ហេតុបច្ចយោ

    Hetupaccayo

    ១២១. អាសវោ ចេវ អាសវសម្បយុត្តោ ច ធម្មោ អាសវស្ស ចេវ អាសវសម្បយុត្តស្ស ច ធម្មស្ស ហេតុបច្ចយេន បច្ចយោ… តីណិ។

    121. Āsavo ceva āsavasampayutto ca dhammo āsavassa ceva āsavasampayuttassa ca dhammassa hetupaccayena paccayo… tīṇi.

    អាសវសម្បយុត្តោ ចេវ នោ ច អាសវោ ធម្មោ អាសវសម្បយុត្តស្ស ចេវ នោ ច អាសវស្ស ធម្មស្ស ហេតុបច្ចយេន បច្ចយោ – អាសវសម្បយុត្តា ចេវ នោ ច អាសវា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ។ (១)

    Āsavasampayutto ceva no ca āsavo dhammo āsavasampayuttassa ceva no ca āsavassa dhammassa hetupaccayena paccayo – āsavasampayuttā ceva no ca āsavā hetū sampayuttakānaṃ khandhānaṃ hetupaccayena paccayo. (1)

    អារម្មណបច្ចយាទិ

    Ārammaṇapaccayādi

    ១២២. អាសវោ ចេវ អាសវសម្បយុត្តោ ច ធម្មោ អាសវស្ស ចេវ អាសវសម្បយុត្តស្ស ច ធម្មស្ស អារម្មណបច្ចយេន បច្ចយោ… តីណិ។

    122. Āsavo ceva āsavasampayutto ca dhammo āsavassa ceva āsavasampayuttassa ca dhammassa ārammaṇapaccayena paccayo… tīṇi.

    អាសវសម្បយុត្តោ ចេវ នោ ច អាសវោ ធម្មោ អាសវសម្បយុត្តស្ស ចេវ នោ ច អាសវស្ស ធម្មស្ស អារម្មណបច្ចយេន បច្ចយោ – អាសវសម្បយុត្តេ ចេវ នោ ច អាសវេ ខន្ធេ អារព្ភ អាសវសម្បយុត្តា ចេវ នោ ច អាសវា ខន្ធា ឧប្បជ្ជន្តិ។ (១)

    Āsavasampayutto ceva no ca āsavo dhammo āsavasampayuttassa ceva no ca āsavassa dhammassa ārammaṇapaccayena paccayo – āsavasampayutte ceva no ca āsave khandhe ārabbha āsavasampayuttā ceva no ca āsavā khandhā uppajjanti. (1)

    អាសវសម្បយុត្តោ ចេវ នោ ច អាសវោ ធម្មោ អាសវស្ស ចេវ អាសវសម្បយុត្តស្ស ច ធម្មស្ស អារម្មណបច្ចយេន បច្ចយោ – អាសវសម្បយុត្តេ ចេវ នោ ច អាសវេ ខន្ធេ អារព្ភ អាសវា ឧប្បជ្ជន្តិ។ (២)

    Āsavasampayutto ceva no ca āsavo dhammo āsavassa ceva āsavasampayuttassa ca dhammassa ārammaṇapaccayena paccayo – āsavasampayutte ceva no ca āsave khandhe ārabbha āsavā uppajjanti. (2)

    អាសវសម្បយុត្តោ ចេវ នោ ច អាសវោ ធម្មោ អាសវស្ស ចេវ អាសវសម្បយុត្តស្ស ច អាសវសម្បយុត្តស្ស ចេវ នោ ច អាសវស្ស ច ធម្មស្ស អារម្មណបច្ចយេន បច្ចយោ – អាសវសម្បយុត្តេ ចេវ នោ ច អាសវេ ខន្ធេ អារព្ភ អាសវា ច អាសវសម្បយុត្តកា ច ខន្ធា ឧប្បជ្ជន្តិ។ (៣)

    Āsavasampayutto ceva no ca āsavo dhammo āsavassa ceva āsavasampayuttassa ca āsavasampayuttassa ceva no ca āsavassa ca dhammassa ārammaṇapaccayena paccayo – āsavasampayutte ceva no ca āsave khandhe ārabbha āsavā ca āsavasampayuttakā ca khandhā uppajjanti. (3)

    អាសវោ ចេវ អាសវសម្បយុត្តោ ច អាសវសម្បយុត្តោ ចេវ នោ ច អាសវោ ច ធម្មា អាសវស្ស ចេវ អាសវសម្បយុត្តស្ស ច ធម្មស្ស អារម្មណបច្ចយេន បច្ចយោ … តីណិ។

    Āsavo ceva āsavasampayutto ca āsavasampayutto ceva no ca āsavo ca dhammā āsavassa ceva āsavasampayuttassa ca dhammassa ārammaṇapaccayena paccayo … tīṇi.

    អធិបតិបច្ចយា… (អារម្មណសទិសា, គរុការម្មណា) អនន្តរបច្ចយា… (អារម្មណសទិសាយេវ, បុរិមា បុរិមាតិ កាតព្ពា។) សមនន្តរបច្ចយា… សហជាតបច្ចយា… អញ្ញមញ្ញបច្ចយា… និស្សយបច្ចយា… ឧបនិស្សយបច្ចយា (អារម្មណសទិសំយេវ, វិភជនា នត្ថិ… តីណិ។ ឧបនិស្សយំ សព្ពំ កាតព្ពំ)។

    Adhipatipaccayā… (ārammaṇasadisā, garukārammaṇā) anantarapaccayā… (ārammaṇasadisāyeva, purimā purimāti kātabbā.) Samanantarapaccayā… sahajātapaccayā… aññamaññapaccayā… nissayapaccayā… upanissayapaccayā (ārammaṇasadisaṃyeva, vibhajanā natthi… tīṇi. Upanissayaṃ sabbaṃ kātabbaṃ).

    កម្មបច្ចយាទិ

    Kammapaccayādi

    ១២៣. អាសវសម្បយុត្តោ ចេវ នោ ច អាសវោ ធម្មោ អាសវសម្បយុត្តស្ស ចេវ នោ ច អាសវស្ស ធម្មស្ស កម្មបច្ចយេន បច្ចយោ… តីណិ… អាហារបច្ចយេន បច្ចយោ… តីណិ… ឥន្ទ្រិយបច្ចយេន បច្ចយោ… តីណិ… ឈានបច្ចយេន បច្ចយោ… តីណិ… មគ្គបច្ចយេន បច្ចយោ… នវ… សម្បយុត្តបច្ចយេន បច្ចយោ… នវ… អត្ថិបច្ចយេន បច្ចយោ… នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ… នវ។

    123. Āsavasampayutto ceva no ca āsavo dhammo āsavasampayuttassa ceva no ca āsavassa dhammassa kammapaccayena paccayo… tīṇi… āhārapaccayena paccayo… tīṇi… indriyapaccayena paccayo… tīṇi… jhānapaccayena paccayo… tīṇi… maggapaccayena paccayo… nava… sampayuttapaccayena paccayo… nava… atthipaccayena paccayo… natthipaccayena paccayo… vigatapaccayena paccayo… avigatapaccayena paccayo… nava.

    ១. បច្ចយានុលោមំ

    1. Paccayānulomaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ១២៤. ហេតុយា ចត្តារិ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, អាសេវនេ នវ, កម្មេ តីណិ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ នវ, សម្បយុត្តេ នវ, អត្ថិយា នវ, នត្ថិយា នវ, វិគតេ នវ, អវិគតេ នវ។

    124. Hetuyā cattāri, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, āsevane nava, kamme tīṇi, āhāre tīṇi, indriye tīṇi, jhāne tīṇi, magge nava, sampayutte nava, atthiyā nava, natthiyā nava, vigate nava, avigate nava.

    បច្ចនីយុទ្ធារោ

    Paccanīyuddhāro

    ១២៥. អាសវោ ចេវ អាសវសម្បយុត្តោ ច ធម្មោ អាសវស្ស ចេវ អាសវសម្បយុត្តស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)

    125. Āsavo ceva āsavasampayutto ca dhammo āsavassa ceva āsavasampayuttassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    អាសវោ ចេវ អាសវសម្បយុត្តោ ច ធម្មោ អាសវសម្បយុត្តស្ស ចេវ នោ ច អាសវស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (២)

    Āsavo ceva āsavasampayutto ca dhammo āsavasampayuttassa ceva no ca āsavassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (2)

    អាសវោ ចេវ អាសវសម្បយុត្តោ ច ធម្មោ អាសវស្ស ចេវ អាសវសម្បយុត្តស្ស ច អាសវសម្បយុត្តស្ស ចេវ នោ ច អាសវស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)

    Āsavo ceva āsavasampayutto ca dhammo āsavassa ceva āsavasampayuttassa ca āsavasampayuttassa ceva no ca āsavassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)

    ១២៦. អាសវសម្បយុត្តោ ចេវ នោ ច អាសវោ ធម្មោ អាសវសម្បយុត្តស្ស ចេវ នោ ច អាសវស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)

    126. Āsavasampayutto ceva no ca āsavo dhammo āsavasampayuttassa ceva no ca āsavassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    អាសវសម្បយុត្តោ ចេវ នោ ច អាសវោ ធម្មោ អាសវស្ស ចេវ អាសវសម្បយុត្តស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (២)

    Āsavasampayutto ceva no ca āsavo dhammo āsavassa ceva āsavasampayuttassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (2)

    អាសវសម្បយុត្តោ ចេវ នោ ច អាសវោ ធម្មោ អាសវស្ស ចេវ អាសវសម្បយុត្តស្ស ច អាសវសម្បយុត្តស្ស ចេវ នោ ច អាសវស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)

    Āsavasampayutto ceva no ca āsavo dhammo āsavassa ceva āsavasampayuttassa ca āsavasampayuttassa ceva no ca āsavassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)

    ១២៧. អាសវោ ចេវ អាសវសម្បយុត្តោ ច អាសវសម្បយុត្តោ ចេវ នោ ច អាសវោ ច ធម្មា អាសវស្ស ចេវ អាសវសម្បយុត្តស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)

    127. Āsavo ceva āsavasampayutto ca āsavasampayutto ceva no ca āsavo ca dhammā āsavassa ceva āsavasampayuttassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)

    អាសវោ ចេវ អាសវសម្បយុត្តោ ច អាសវសម្បយុត្តោ ចេវ នោ ច អាសវោ ច ធម្មា អាសវសម្បយុត្តស្ស ចេវ នោ ច អាសវស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (២)

    Āsavo ceva āsavasampayutto ca āsavasampayutto ceva no ca āsavo ca dhammā āsavasampayuttassa ceva no ca āsavassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (2)

    អាសវោ ចេវ អាសវសម្បយុត្តោ ច អាសវសម្បយុត្តោ ចេវ នោ ច អាសវោ ច ធម្មា អាសវស្ស ចេវ អាសវសម្បយុត្តស្ស ច អាសវសម្បយុត្តស្ស ចេវ នោ ច អាសវស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)

    Āsavo ceva āsavasampayutto ca āsavasampayutto ceva no ca āsavo ca dhammā āsavassa ceva āsavasampayuttassa ca āsavasampayuttassa ceva no ca āsavassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)

    ២. បច្ចយបច្ចនីយំ

    2. Paccayapaccanīyaṃ

    ២. សង្ខ្យាវារោ

    2. Saṅkhyāvāro

    សុទ្ធំ

    Suddhaṃ

    ១២៨. នហេតុយា នវ, នអារម្មណេ នវ (សព្ពត្ថ នវ), នោអវិគតេ នវ។

    128. Nahetuyā nava, naārammaṇe nava (sabbattha nava), noavigate nava.

    ៣. បច្ចយានុលោមបច្ចនីយំ

    3. Paccayānulomapaccanīyaṃ

    ហេតុទុកំ

    Hetudukaṃ

    ១២៩. ហេតុបច្ចយា នអារម្មណេ ចត្តារិ…បេ.… នសមនន្តរេ ចត្តារិ, នឧបនិស្សយេ ចត្តារិ…បេ.… នមគ្គេ ចត្តារិ…បេ.… នវិប្បយុត្តេ ចត្តារិ, នោនត្ថិយា ចត្តារិ, នោវិគតេ ចត្តារិ។

    129. Hetupaccayā naārammaṇe cattāri…pe… nasamanantare cattāri, naupanissaye cattāri…pe… namagge cattāri…pe… navippayutte cattāri, nonatthiyā cattāri, novigate cattāri.

    ៤. បច្ចយបច្ចនីយានុលោមំ

    4. Paccayapaccanīyānulomaṃ

    ១៣០. នហេតុបច្ចយា អារម្មណេ នវ, អធិបតិយា នវ (អនុលោមបទានិ គណិតព្ពានិ)…បេ.… អវិគតេ នវ។

    130. Nahetupaccayā ārammaṇe nava, adhipatiyā nava (anulomapadāni gaṇitabbāni)…pe… avigate nava.

    អាសវអាសវសម្បយុត្តទុកំ និដ្ឋិតំ។

    Āsavaāsavasampayuttadukaṃ niṭṭhitaṃ.

    ១៩. អាសវវិប្បយុត្តសាសវទុកំ

    19. Āsavavippayuttasāsavadukaṃ

    ១. បដិច្ចវារោ

    1. Paṭiccavāro

    ហេតុបច្ចយោ

    Hetupaccayo

    ១៣១. អាសវវិប្បយុត្តំ សាសវំ ធម្មំ បដិច្ច អាសវវិប្បយុត្តោ សាសវោ ធម្មោ ឧប្បជ្ជតិ ហេតុបច្ចយា – អាសវវិប្បយុត្តំ សាសវំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ.… ទ្វេ ខន្ធេ…បេ.… បដិសន្ធិក្ខណេ …បេ.… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ.…។ (១)

    131. Āsavavippayuttaṃ sāsavaṃ dhammaṃ paṭicca āsavavippayutto sāsavo dhammo uppajjati hetupaccayā – āsavavippayuttaṃ sāsavaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe …pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe…. (1)

    អាសវវិប្បយុត្តំ អនាសវំ ធម្មំ បដិច្ច អាសវវិប្បយុត្តោ អនាសវោ ធម្មោ ឧប្បជ្ជតិ ហេតុបច្ចយា… តីណិ។

    Āsavavippayuttaṃ anāsavaṃ dhammaṃ paṭicca āsavavippayutto anāsavo dhammo uppajjati hetupaccayā… tīṇi.

    (យថា ចូឡន្តរទុកេ លោកិយទុកំ ឯវំ វិត្ថារេតព្ពំ និន្នានាករណំ, សំខិត្តំ។)

    (Yathā cūḷantaraduke lokiyadukaṃ evaṃ vitthāretabbaṃ ninnānākaraṇaṃ, saṃkhittaṃ.)

    អាសវវិប្បយុត្តសាសវទុកំ និដ្ឋិតំ។

    Āsavavippayuttasāsavadukaṃ niṭṭhitaṃ.

    អាសវគោច្ឆកំ និដ្ឋិតំ។

    Āsavagocchakaṃ niṭṭhitaṃ.




    Next: ៤. សញ្ញោជនគោច្ឆកំ • 4. Saññojanagocchakaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact