| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၅. အာသဝကထာဝဏ္ဏနာ
5. Āsavakathāvaṇṇanā
၇၂၄-၇၂၅. ဣဒာနိ အာသဝကထာ နာမ ဟောတိ။ တတ္ထ ယသ္မာ စတူဟိ အာသဝေဟိ ဥတ္တရိ အညော အာသဝော နာမ နတ္ထိ, ယေန စတ္တာရော အာသဝာ သာသဝာ သိယုံ, တသ္မာ စတ္တာရော အာသဝာ အနာသဝာတိ ယေသံ လဒ္ဓိ, သေယ္ယထာပိ ဟေတုဝာဒာနံ; တေ သန္ဓာယ ပုစ္ဆာ သကဝာဒိသ္သ, ပဋိညာ ဣတရသ္သ။ အထ နံ ‘‘ယဒိ တေ အာသဝာ အနာသဝာ, ဧဝံ သန္တေ တေဟိ မဂ္ဂာဒိလက္ခဏပ္ပတ္တေဟိ ဘဝိတဗ္ဗ’’န္တိ စောဒေတုံ မဂ္ဂောတိအာဒိမာဟ။ သေသမေတ္ထ ဥတ္တာနတ္ထမေဝာတိ။
724-725. Idāni āsavakathā nāma hoti. Tattha yasmā catūhi āsavehi uttari añño āsavo nāma natthi, yena cattāro āsavā sāsavā siyuṃ, tasmā cattāro āsavā anāsavāti yesaṃ laddhi, seyyathāpi hetuvādānaṃ; te sandhāya pucchā sakavādissa, paṭiññā itarassa. Atha naṃ ‘‘yadi te āsavā anāsavā, evaṃ sante tehi maggādilakkhaṇappattehi bhavitabba’’nti codetuṃ maggotiādimāha. Sesamettha uttānatthamevāti.
အာသဝကထာဝဏ္ဏနာ။
Āsavakathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၄၉) ၅. အာသဝကထာ • (149) 5. Āsavakathā
