| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
аасавагкаяан̃аан̣агат̇аа
Āsavakkhayañāṇakathā
14. со звам̣ самаахид̇з жид̇д̇зд̇и ид̇ха вибассанаабаад̣̇агам̣ жад̇уд̇т̇аж̇жхаанажид̇д̇ам̣ взд̣̇ид̇аб̣б̣ам̣. аасаваанам̣ каяан̃аан̣ааяаад̇и арахад̇д̇амаг̇г̇ан̃аан̣ад̇т̇ааяа. арахад̇д̇амаг̇г̇о хи аасававинаасанад̇о аасаваанам̣ каяод̇и вужжад̇и. д̇ад̇ра жзд̇ам̣ н̃аан̣ам̣ д̇аббарияаабаннад̇д̇аад̇и . жид̇д̇ам̣ абхининнаамзсинд̇и вибассанаажид̇д̇ам̣ абхинийхарим̣. со ид̣̇ам̣ д̣̇угканд̇и звамаад̣̇ийсу ‘‘зд̇д̇агам̣ д̣̇угкам̣, на ид̇о бхияяо’’д̇и саб̣б̣амби д̣̇угкасажжам̣ сарасалагкан̣абадивзд̇хзна яат̇аабхууд̇ам̣ аб̣бхан̃н̃аасим̣ ж̇ааним̣ бадивиж̇жхим̣. д̇асса жа д̣̇угкасса ниб̣б̣ад̇д̇игам̣ д̇ан̣хам̣ ‘‘аяам̣ д̣̇угкасамуд̣̇аяо’’д̇и, д̇ад̣̇убхаяамби яам̣ таанам̣ бад̇ваа нируж̇жхад̇и д̇ам̣ д̇зсам̣ аббавад̇д̇им̣ ниб̣б̣аанам̣ ‘‘аяам̣ д̣̇угканирод̇хо’’д̇и, д̇асса жа самбаабагам̣ арияамаг̇г̇ам̣ ‘‘аяам̣ д̣̇угканирод̇хаг̇ааминий бадибад̣̇аа’’д̇и сарасалагкан̣абадивзд̇хзна яат̇аабхууд̇ам̣ аб̣бхан̃н̃аасим̣ ж̇ааним̣ бадивиж̇жхинд̇и звамад̇т̇о взд̣̇ид̇аб̣б̣о.
14.Soevaṃ samāhite citteti idha vipassanāpādakaṃ catutthajjhānacittaṃ veditabbaṃ. Āsavānaṃ khayañāṇāyāti arahattamaggañāṇatthāya. Arahattamaggo hi āsavavināsanato āsavānaṃ khayoti vuccati. Tatra cetaṃ ñāṇaṃ tappariyāpannattāti . Cittaṃ abhininnāmesinti vipassanācittaṃ abhinīhariṃ. So idaṃ dukkhanti evamādīsu ‘‘ettakaṃ dukkhaṃ, na ito bhiyyo’’ti sabbampi dukkhasaccaṃ sarasalakkhaṇapaṭivedhena yathābhūtaṃ abbhaññāsiṃ jāniṃ paṭivijjhiṃ. Tassa ca dukkhassa nibbattikaṃ taṇhaṃ ‘‘ayaṃ dukkhasamudayo’’ti, tadubhayampi yaṃ ṭhānaṃ patvā nirujjhati taṃ tesaṃ appavattiṃ nibbānaṃ ‘‘ayaṃ dukkhanirodho’’ti, tassa ca sampāpakaṃ ariyamaggaṃ ‘‘ayaṃ dukkhanirodhagāminī paṭipadā’’ti sarasalakkhaṇapaṭivedhena yathābhūtaṃ abbhaññāsiṃ jāniṃ paṭivijjhinti evamattho veditabbo.
звам̣ саруубад̇о сажжаани д̣̇ассзд̇ваа ид̣̇аани гилзсавасзна барияааяад̇о д̣̇ассзнд̇о ‘‘имз аасаваа’’д̇иаад̣̇имааха. д̇асса мз звам̣ ж̇аанад̇о звам̣ бассад̇од̇и д̇асса маяхам̣ звам̣ ж̇аананд̇асса звам̣ бассанд̇асса саха вибассанааяа годиббад̇д̇ам̣ маг̇г̇ам̣ гат̇зд̇и. гаамаасаваад̇и гаамаасавад̇о. вимужжид̇т̇аад̇и иминаа палагкан̣ам̣ д̣̇ассзд̇и. маг̇г̇агкан̣з хи жид̇д̇ам̣ вимужжад̇и, палагкан̣з вимуд̇д̇ам̣ ход̇и. вимуд̇д̇асмим̣ вимуд̇д̇амид̇и н̃аан̣анд̇и иминаа бажжавзгкан̣ан̃аан̣ам̣ д̣̇ассзд̇и. кийн̣аа ж̇аад̇ийд̇иаад̣̇ийхи д̇асса бхуумим̣. д̇зна хи н̃аан̣зна бхаг̇аваа бажжавзгканд̇о ‘‘кийн̣аа ж̇аад̇ий’’д̇иаад̣̇ийни аб̣бхан̃н̃аасим̣. гад̇амаа бана бхаг̇авад̇о ж̇аад̇и кийн̣аа, гат̇ан̃жа нам̣ аб̣бхан̃н̃аасийд̇и? вужжад̇з – на д̇аавасса ад̇ийд̇аа ж̇аад̇и кийн̣аа, буб̣б̣зва кийн̣ад̇д̇аа; на анааг̇ад̇аа, анааг̇ад̇з вааяаамаабхаавад̇о; на бажжуббаннаа, виж̇ж̇амаанад̇д̇аа. яаа бана маг̇г̇асса абхаавид̇ад̇д̇аа уббаж̇ж̇зяяа згажад̇убан̃жавогаарабхавзсу згажад̇убан̃жагканд̇хаббабхзд̣̇аа ж̇аад̇и, саа маг̇г̇асса бхаавид̇ад̇д̇аа ануббаад̣̇ад̇хаммад̇ам̣ аабаж̇ж̇анзна кийн̣аа; д̇ам̣ со маг̇г̇абхааванааяа бахийнагилзсз бажжавзгкид̇ваа ‘‘гилзсаабхаавз виж̇ж̇амаанамби гаммам̣ ааяад̇им̣ аббадисанд̇хигам̣ ход̇ий’’д̇и ж̇аананд̇о аб̣бхан̃н̃аасим̣.
Evaṃ sarūpato saccāni dassetvā idāni kilesavasena pariyāyato dassento ‘‘ime āsavā’’tiādimāha. Tassa me evaṃ jānato evaṃ passatoti tassa mayhaṃ evaṃ jānantassa evaṃ passantassa saha vipassanāya koṭippattaṃ maggaṃ katheti. Kāmāsavāti kāmāsavato. Vimuccitthāti iminā phalakkhaṇaṃ dasseti. Maggakkhaṇe hi cittaṃ vimuccati, phalakkhaṇe vimuttaṃ hoti. Vimuttasmiṃ vimuttamiti ñāṇanti iminā paccavekkhaṇañāṇaṃ dasseti. Khīṇā jātītiādīhi tassa bhūmiṃ. Tena hi ñāṇena bhagavā paccavekkhanto ‘‘khīṇā jātī’’tiādīni abbhaññāsiṃ. Katamā pana bhagavato jāti khīṇā, kathañca naṃ abbhaññāsīti? Vuccate – na tāvassa atītā jāti khīṇā, pubbeva khīṇattā; na anāgatā, anāgate vāyāmābhāvato; na paccuppannā, vijjamānattā. Yā pana maggassa abhāvitattā uppajjeyya ekacatupañcavokārabhavesu ekacatupañcakkhandhappabhedā jāti, sā maggassa bhāvitattā anuppādadhammataṃ āpajjanena khīṇā; taṃ so maggabhāvanāya pahīnakilese paccavekkhitvā ‘‘kilesābhāve vijjamānampi kammaṃ āyatiṃ appaṭisandhikaṃ hotī’’ti jānanto abbhaññāsiṃ.
вусид̇анд̇и вуд̇т̇ам̣ баривуд̇т̇ам̣, гад̇ам̣ жарид̇ам̣ нидтид̇анд̇и ад̇т̇о. б̣рахмажарияанд̇и маг̇г̇аб̣рахмажарияам̣, бут̇уж̇ж̇анагаляаан̣агзна хи сад̣̇д̇хим̣ сад̇д̇а сзгкаа б̣рахмажарияаваасам̣ васанд̇и наама, кийн̣аасаво вуд̇т̇аваасо. д̇асмаа бхаг̇аваа ад̇д̇ано б̣рахмажарияаваасам̣ бажжавзгканд̇о ‘‘вусид̇ам̣ б̣рахмажарияа’’нд̇и аб̣бхан̃н̃аасим̣. гад̇ам̣ гаран̣ийяанд̇и жад̇уусу сажжзсу жад̇уухи маг̇г̇зхи барин̃н̃аабахаанасажчигирияаабхааванаабхисамаяавасзна сол̣асавид̇хамби гижжам̣ нидтаабид̇анд̇и ад̇т̇о . бут̇уж̇ж̇анагаляаан̣агаад̣̇аяо хи зд̇ам̣ гижжам̣ гаронд̇и, кийн̣аасаво гад̇агаран̣ийяо. д̇асмаа бхаг̇аваа ад̇д̇ано гаран̣ийяам̣ бажжавзгканд̇о ‘‘гад̇ам̣ гаран̣ийяа’’нд̇и аб̣бхан̃н̃аасим̣. наабарам̣ ид̇т̇ад̇д̇ааяаад̇и ид̣̇аани буна ид̇т̇абхаавааяа звам̣ сол̣асагижжабхаавааяа гилзсагкаяааяа ваа маг̇г̇абхааванаагижжам̣ мз над̇т̇ийд̇и аб̣бхан̃н̃аасим̣.
Vusitanti vutthaṃ parivutthaṃ, kataṃ caritaṃ niṭṭhitanti attho. Brahmacariyanti maggabrahmacariyaṃ, puthujjanakalyāṇakena hi saddhiṃ satta sekkhā brahmacariyavāsaṃ vasanti nāma, khīṇāsavo vutthavāso. Tasmā bhagavā attano brahmacariyavāsaṃ paccavekkhanto ‘‘vusitaṃ brahmacariya’’nti abbhaññāsiṃ. Kataṃ karaṇīyanti catūsu saccesu catūhi maggehi pariññāpahānasacchikiriyābhāvanābhisamayavasena soḷasavidhampi kiccaṃ niṭṭhāpitanti attho . Puthujjanakalyāṇakādayo hi etaṃ kiccaṃ karonti, khīṇāsavo katakaraṇīyo. Tasmā bhagavā attano karaṇīyaṃ paccavekkhanto ‘‘kataṃ karaṇīya’’nti abbhaññāsiṃ. Nāparaṃ itthattāyāti idāni puna itthabhāvāya evaṃ soḷasakiccabhāvāya kilesakkhayāya vā maggabhāvanākiccaṃ me natthīti abbhaññāsiṃ.
ид̣̇аани звам̣ бажжавзгкан̣ан̃аан̣абариг̇г̇ахид̇ам̣ д̇ам̣ аасаваанам̣ каяан̃аан̣аад̇хиг̇амам̣ б̣раахман̣асса д̣̇ассзнд̇о аяам̣ ко мз б̣раахман̣аад̇иаад̣̇имааха. д̇ад̇т̇а виж̇ж̇аад̇и арахад̇д̇амаг̇г̇ан̃аан̣авиж̇ж̇аа. авиж̇ж̇аад̇и жад̇усажжабадижчаад̣̇игаа авиж̇ж̇аа. сзсам̣ вуд̇д̇анаяамзва. аяам̣ бана висзсо – аяам̣ ко мз б̣раахман̣а д̇ад̇ияаа абхиниб̣бхид̣̇аа ахосийд̇и зд̇т̇а аяам̣ ко мама б̣раахман̣а аасаваанам̣ каяан̃аан̣амукад̇ун̣д̣агзна жад̇усажжабадижчаад̣̇агам̣ авиж̇ж̇ан̣д̣агосам̣ бад̣̇аалзд̇ваа д̇ад̇ияаа абхиниб̣бхид̣̇аа д̇ад̇ияаа нигканд̇и д̇ад̇ияаа арияаж̇аад̇и ахоси, гуггудажчаабагассзва мукад̇ун̣д̣агзна ваа баад̣̇анакасикааяа ваа ан̣д̣агосам̣ бад̣̇аалзд̇ваа д̇амхаа ан̣д̣агосамхаа абхиниб̣бхид̣̇аа нигканд̇и гуггуданигааяз бажжааж̇аад̇ийд̇и.
Idāni evaṃ paccavekkhaṇañāṇapariggahitaṃ taṃ āsavānaṃ khayañāṇādhigamaṃ brāhmaṇassa dassento ayaṃ kho me brāhmaṇātiādimāha. Tattha vijjāti arahattamaggañāṇavijjā. Avijjāti catusaccapaṭicchādikā avijjā. Sesaṃ vuttanayameva. Ayaṃ pana viseso – ayaṃ kho me brāhmaṇa tatiyā abhinibbhidā ahosīti ettha ayaṃ kho mama brāhmaṇa āsavānaṃ khayañāṇamukhatuṇḍakena catusaccapaṭicchādakaṃ avijjaṇḍakosaṃ padāletvā tatiyā abhinibbhidā tatiyā nikkhanti tatiyā ariyajāti ahosi, kukkuṭacchāpakasseva mukhatuṇḍakena vā pādanakhasikhāya vā aṇḍakosaṃ padāletvā tamhā aṇḍakosamhā abhinibbhidā nikkhanti kukkuṭanikāye paccājātīti.
зд̇д̇аавад̇аа гим̣ д̣̇ассзд̇ийд̇и? со хи б̣раахман̣а гуггудажчаабаго ан̣д̣агосам̣
Ettāvatā kiṃ dassetīti? So hi brāhmaṇa kukkuṭacchāpako aṇḍakosaṃ
бад̣̇аалзд̇ваа д̇ад̇о нигкаманд̇о сагимзва ж̇ааяад̇и, ахам̣ бана буб̣б̣з-нивуд̇т̇агканд̇хабадижчаад̣̇агам̣ авиж̇ж̇ан̣д̣агосам̣ бхинд̣̇ид̇ваа батамам̣ д̇аава буб̣б̣зниваасаануссад̇ин̃аан̣авиж̇ж̇ааяа ж̇аад̇о, д̇ад̇о сад̇д̇аанам̣ жуд̇ибадисанд̇хибадижчаад̣̇агам̣ авиж̇ж̇ан̣д̣агосам̣ бад̣̇аалзд̇ваа д̣̇уд̇ияам̣ д̣̇иб̣б̣ажагкун̃аан̣авиж̇ж̇ааяа ж̇аад̇о, буна жад̇усажжабадижчаад̣̇агам̣ авиж̇ж̇ан̣д̣агосам̣ бад̣̇аалзд̇ваа д̇ад̇ияам̣ аасаваанам̣ каяан̃аан̣авиж̇ж̇ааяа ж̇аад̇о; звам̣ д̇ийхи виж̇ж̇аахи д̇игкад̇д̇ум̣ ж̇аад̇о. саа жа мз ж̇аад̇и арияаа субарисуд̣̇д̇хаад̇и ид̣̇ам̣ д̣̇ассзси. звам̣ д̣̇ассзнд̇о жа буб̣б̣зниваасан̃аан̣зна ад̇ийд̇ам̣сан̃аан̣ам̣, д̣̇иб̣б̣ажагкунаа бажжуббаннаанааг̇ад̇ам̣сан̃аан̣ам̣, аасавагкаязна сагалалогияалогуд̇д̇араг̇ун̣анд̇и звам̣ д̇ийхи виж̇ж̇аахи саб̣б̣зби саб̣б̣ан̃н̃уг̇ун̣з багаасзд̇ваа ад̇д̇ано арияааяа ж̇аад̇ияаа ж̇здтасздтабхаавам̣ б̣раахман̣асса д̣̇ассзсийд̇и.
Padāletvā tato nikkhamanto sakimeva jāyati, ahaṃ pana pubbe-nivutthakkhandhapaṭicchādakaṃ avijjaṇḍakosaṃ bhinditvā paṭhamaṃ tāva pubbenivāsānussatiñāṇavijjāya jāto, tato sattānaṃ cutipaṭisandhipaṭicchādakaṃ avijjaṇḍakosaṃ padāletvā dutiyaṃ dibbacakkhuñāṇavijjāya jāto, puna catusaccapaṭicchādakaṃ avijjaṇḍakosaṃ padāletvā tatiyaṃ āsavānaṃ khayañāṇavijjāya jāto; evaṃ tīhi vijjāhi tikkhattuṃ jāto. Sā ca me jāti ariyā suparisuddhāti idaṃ dassesi. Evaṃ dassento ca pubbenivāsañāṇena atītaṃsañāṇaṃ, dibbacakkhunā paccuppannānāgataṃsañāṇaṃ, āsavakkhayena sakalalokiyalokuttaraguṇanti evaṃ tīhi vijjāhi sabbepi sabbaññuguṇe pakāsetvā attano ariyāya jātiyā jeṭṭhaseṭṭhabhāvaṃ brāhmaṇassa dassesīti.
аасавагкаяан̃аан̣агат̇аа нидтид̇аа.
Āsavakkhayañāṇakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / взран̃ж̇аган̣д̣ам̣ • Verañjakaṇḍaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / аасавагкаяан̃аан̣агат̇ааван̣н̣анаа • Āsavakkhayañāṇakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аасавагкаяан̃аан̣агат̇ааван̣н̣анаа • Āsavakkhayañāṇakathāvaṇṇanā
