| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
аасавагкаяан̃аан̣агат̇ааван̣н̣анаа
Āsavakkhayañāṇakathāvaṇṇanā
14. со звам̣ самаахид̇з жид̇д̇зд̇и гим̣ буримасмим̣язва, уд̣̇ааху ан̃н̃асмим̣язва жад̇уд̇т̇аж̇жхаанажид̇д̇з. адтагат̇ааяамби яад̇о вудтааяа буримавиж̇ж̇аад̣̇ваяам̣ ад̇хиг̇ад̇ам̣, д̇ад̣̇зва буна самаабаж̇ж̇анавасзна абхинавам̣ абхин̣хам̣ гад̇анд̇и д̣̇ассанад̇т̇ам̣ ‘‘со звам̣ самаахид̇з жид̇д̇зд̇и ид̇ха вибассанаабаад̣̇агам̣ жад̇уд̇т̇аж̇жхаанажид̇д̇ам̣ взд̣̇ид̇аб̣б̣а’’нд̇и вуд̇д̇ам̣. зд̇т̇ааха – яад̣̇и д̇ад̣̇зва буна самаабаж̇ж̇анавасзна абхинавам̣ гад̇ам̣, ат̇а гасмаа буб̣б̣з вияа ‘‘вибассанаабаад̣̇агам̣ абхин̃н̃аабаад̣̇агам̣ нирод̇хабаад̣̇агам̣ саб̣б̣агижжасаад̇хагам̣ саб̣б̣алогияалогуд̇д̇араг̇ун̣ад̣̇ааяагам̣ ид̇ха жад̇уд̇т̇аж̇жхаанажид̇д̇ам̣ взд̣̇ид̇аб̣б̣а’’нд̇и авад̇ваа ‘‘ид̇ха вибассанаабаад̣̇агам̣ жад̇уд̇т̇аж̇жхаанажид̇д̇ам̣ взд̣̇ид̇аб̣б̣а’’нд̇и зд̇д̇агамзва вуд̇д̇ам̣ , нану ид̇ха д̇ат̇ааважанадтаанамзва д̇ам̣ арахад̇д̇амаг̇г̇зна сад̣̇д̇хим̣ саб̣б̣аг̇ун̣анибпаад̣̇анад̇о, на батамавиж̇ж̇аад̣̇ваяамад̇д̇анибпаад̣̇анад̇од̇и? вужжад̇з – арияамаг̇г̇асса б̣ож̇жхан̇г̇амаг̇г̇ан̇г̇ажхаанан̇г̇абадибад̣̇аавимогкависзсанияамо буб̣б̣абхааг̇авудтаанаг̇ааминийвибассанааяа сан̇каарубзгкаасан̇каад̇ааяа нияамзна ахосийд̇и д̣̇ассанад̇т̇ам̣ вибассанаабаад̣̇агамид̇ха вуд̇д̇анд̇и взд̣̇ид̇аб̣б̣ам̣. д̇ад̇т̇а барияаабаннад̇д̇аа, на д̇ад̣̇аарамман̣амад̇д̇зна. барияааяад̇од̇и ан̃н̃знаби багаарзна. ‘‘имз аасаваа’’д̇и аяам̣ вааро гимад̇т̇ам̣ аарад̣̇д̇хо? ‘‘аасаваанам̣ каяан̃аан̣ааяаа’’д̇и ад̇хигаараануломанад̇т̇ам̣. маг̇г̇агкан̣з хи жид̇д̇ам̣ вимужжад̇и, палагкан̣з вимуд̇д̇ам̣ ход̇ийд̇и ид̣̇ам̣ згад̇д̇анаязна вуд̇д̇ам̣. яан̃хи вимужжамаанам̣, д̇ад̣̇зва абарабхааг̇з вимуд̇д̇ам̣ наама ход̇и. яан̃жа вимуд̇д̇ам̣, д̇ад̣̇зва буб̣б̣абхааг̇з вимужжамаанам̣ наама ход̇и. бхун̃ж̇амаано зва хи бхож̇анабарияосаанз бхуд̇д̇аавий наама. ‘‘иминаа бажжавзгкан̣ан̃аан̣ам̣ д̣̇ассзд̇ий’’д̇и бажжавзгкан̣ан̃аан̣асса жа бадтаанз ‘‘маг̇г̇аа вудтахид̇ваа маг̇г̇ам̣ бажжавзгкад̇и, палам̣, ниб̣б̣аанам̣, бахийнз гилзсз бажжавзгкад̇ий’’д̇и аяамуббад̇д̇иггамо вуд̇д̇о. бавад̇д̇иггамо банзд̇т̇а саруубад̇о ад̇т̇ад̇од̇и д̣̇вид̇хаа вуд̇д̇о. д̇ад̇т̇а ‘‘вимуд̇д̇амид̇и н̃аан̣ам̣ ахосий’’д̇и саруубад̇о жад̇уб̣б̣ид̇хассаби бажжавзгкан̣ан̃аан̣асса бавад̇д̇иггаманид̣̇ассанам̣. ‘‘кийн̣аа ж̇аад̇ий’’д̇иаад̣̇и ад̇т̇ад̇о. д̇знзва анд̇з ‘‘аб̣бхан̃н̃ааси’’нд̇и буг̇г̇алаад̇хидтаанам̣ д̣̇зсанам̣ агааси бажжавзгкан̣ан̃аан̣асса д̇ат̇аа аббавад̇д̇ид̇о. аббадисанд̇хигам̣ ход̇ийд̇и ж̇аананд̇о ‘‘кийн̣аа ж̇аад̇ий’’д̇и ж̇аанаад̇и наама. ‘‘д̣̇иб̣б̣ажагкунаа бажжуббаннаанааг̇ад̇ам̣сан̃аан̣а’’нд̇и анааг̇ад̇ам̣сан̃аан̣асса жа д̣̇иб̣б̣ажагкусанниссид̇ад̇д̇аа вуд̇д̇ам̣.
14.Soevaṃ samāhite citteti kiṃ purimasmiṃyeva, udāhu aññasmiṃyeva catutthajjhānacitte. Aṭṭhakathāyampi yato vuṭṭhāya purimavijjādvayaṃ adhigataṃ, tadeva puna samāpajjanavasena abhinavaṃ abhiṇhaṃ katanti dassanatthaṃ ‘‘so evaṃ samāhite citteti idha vipassanāpādakaṃ catutthajjhānacittaṃ veditabba’’nti vuttaṃ. Etthāha – yadi tadeva puna samāpajjanavasena abhinavaṃ kataṃ, atha kasmā pubbe viya ‘‘vipassanāpādakaṃ abhiññāpādakaṃ nirodhapādakaṃ sabbakiccasādhakaṃ sabbalokiyalokuttaraguṇadāyakaṃ idha catutthajjhānacittaṃ veditabba’’nti avatvā ‘‘idha vipassanāpādakaṃ catutthajjhānacittaṃ veditabba’’nti ettakameva vuttaṃ , nanu idha tathāvacanaṭṭhānameva taṃ arahattamaggena saddhiṃ sabbaguṇanipphādanato, na paṭhamavijjādvayamattanipphādanatoti? Vuccate – ariyamaggassa bojjhaṅgamaggaṅgajhānaṅgapaṭipadāvimokkhavisesaniyamo pubbabhāgavuṭṭhānagāminīvipassanāya saṅkhārupekkhāsaṅkhātāya niyamena ahosīti dassanatthaṃ vipassanāpādakamidha vuttanti veditabbaṃ. Tattha pariyāpannattā, na tadārammaṇamattena. Pariyāyatoti aññenapi pakārena. ‘‘Ime āsavā’’ti ayaṃ vāro kimatthaṃ āraddho? ‘‘Āsavānaṃ khayañāṇāyā’’ti adhikārānulomanatthaṃ. Maggakkhaṇe hi cittaṃ vimuccati, phalakkhaṇe vimuttaṃ hotīti idaṃ ekattanayena vuttaṃ. Yañhi vimuccamānaṃ, tadeva aparabhāge vimuttaṃ nāma hoti. Yañca vimuttaṃ, tadeva pubbabhāge vimuccamānaṃ nāma hoti. Bhuñjamāno eva hi bhojanapariyosāne bhuttāvī nāma. ‘‘Iminā paccavekkhaṇañāṇaṃ dassetī’’ti paccavekkhaṇañāṇassa ca paṭṭhāne ‘‘maggā vuṭṭhahitvā maggaṃ paccavekkhati, phalaṃ, nibbānaṃ, pahīne kilese paccavekkhatī’’ti ayamuppattikkamo vutto. Pavattikkamo panettha sarūpato atthatoti dvidhā vutto. Tattha ‘‘vimuttamiti ñāṇaṃ ahosī’’ti sarūpato catubbidhassapi paccavekkhaṇañāṇassa pavattikkamanidassanaṃ. ‘‘Khīṇā jātī’’tiādi atthato. Teneva ante ‘‘abbhaññāsi’’nti puggalādhiṭṭhānaṃ desanaṃ akāsi paccavekkhaṇañāṇassa tathā appavattito. Appaṭisandhikaṃ hotīti jānanto ‘‘khīṇā jātī’’ti jānāti nāma. ‘‘Dibbacakkhunā paccuppannānāgataṃsañāṇa’’nti anāgataṃsañāṇassa ca dibbacakkhusannissitattā vuttaṃ.
аасавагкаяан̃аан̣агат̇ааван̣н̣анаа нидтид̇аа.
Āsavakkhayañāṇakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / взран̃ж̇аган̣д̣ам̣ • Verañjakaṇḍaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / аасавагкаяан̃аан̣агат̇аа • Āsavakkhayañāṇakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / аасавагкаяан̃аан̣агат̇аа • Āsavakkhayañāṇakathā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аасавагкаяан̃аан̣агат̇ааван̣н̣анаа • Āsavakkhayañāṇakathāvaṇṇanā
