| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
аасавагкаяан̃аан̣агат̇ааван̣н̣анаа
Āsavakkhayañāṇakathāvaṇṇanā
14. сарасалагкан̣абадивзд̇хзнаад̇и сабхаавасан̇каад̇асса лагкан̣асса асаммохад̇о бадивиж̇жханзна. ниб̣б̣ад̇д̇иганд̇и нибпаад̣̇анам̣. яам̣ таанам̣ бад̇ваад̇и яам̣ ниб̣б̣аанам̣ маг̇г̇асса аарамман̣абажжаяадтзна таанам̣ гааран̣абхууд̇ам̣ ааг̇амма. аббавад̇д̇инд̇и аббавад̇д̇ихзд̇ум̣. гилзсавасзнаад̇и язсам̣ аасаваанам̣ кзбанзна ид̣̇ам̣ н̃аан̣ам̣ аасавагкаяан̃аан̣ам̣ ж̇аад̇ам̣, д̇зсам̣ гилзсаанам̣ васзна, д̇зсам̣ аасаваанам̣ васзна саб̣б̣агилзсаанам̣ сан̇г̇ахан̣ад̇о барияааяад̇о багааранд̇арад̇од̇и ад̇т̇о. баал̣ияам̣ ад̇ийд̇агаалавасзна ‘‘аб̣бхан̃н̃ааси’’нд̇и вад̇вааби абхисамаяагаалз д̇асса д̇асса ж̇аананасса бажжуббаннад̇ам̣ убаад̣̇ааяа ‘‘звам̣ ж̇аанад̇о звам̣ бассад̇о’’д̇и вад̇д̇амаанагаалзна нид̣̇д̣̇зсо гад̇о. гаамаасаваад̣̇ийнам̣ вимужжанзнзва д̇ад̣̇авинаабхаавад̇о д̣̇идтаасавассааби вимуд̇д̇и взд̣̇ид̇аб̣б̣аа.
14.Sarasalakkhaṇapaṭivedhenāti sabhāvasaṅkhātassa lakkhaṇassa asammohato paṭivijjhanena. Nibbattikanti nipphādanaṃ. Yaṃ ṭhānaṃ patvāti yaṃ nibbānaṃ maggassa ārammaṇapaccayaṭṭhena ṭhānaṃ kāraṇabhūtaṃ āgamma. Appavattinti appavattihetuṃ. Kilesavasenāti yesaṃ āsavānaṃ khepanena idaṃ ñāṇaṃ āsavakkhayañāṇaṃ jātaṃ, tesaṃ kilesānaṃ vasena, tesaṃ āsavānaṃ vasena sabbakilesānaṃ saṅgahaṇato pariyāyato pakārantaratoti attho. Pāḷiyaṃ atītakālavasena ‘‘abbhaññāsi’’nti vatvāpi abhisamayakāle tassa tassa jānanassa paccuppannataṃ upādāya ‘‘evaṃ jānato evaṃ passato’’ti vattamānakālena niddeso kato. Kāmāsavādīnaṃ vimuccaneneva tadavinābhāvato diṭṭhāsavassāpi vimutti veditabbā.
‘‘кийн̣аа ж̇аад̇ий’’д̇и ж̇аананам̣ гилзсагкаяабажжавзгкан̣авасзна, вусид̇ам̣ б̣рахмажарияанд̇иаад̣̇иж̇аананам̣ маг̇г̇апаланиб̣б̣аанабажжавзгкан̣авасзна ход̇ийд̇и ааха ‘‘кийн̣аа ж̇аад̇ийд̇иаад̣̇ийхи д̇асса бхууми’’нд̇и. д̇ад̇т̇а бхууминд̇и висаяам̣, д̇ийсу гаалзсуби ж̇аад̇игкаяам̣ бад̇и уж̇угамзва вааяаамаасамбхавзби д̇ам̣ бад̇и вааяаамагаран̣асса саад̇т̇агад̇ам̣, д̇асса анааг̇ад̇агканд̇хаануббад̇д̇ипалад̇ан̃жа д̣̇ассзд̇ум̣ яаа банаад̇иаад̣̇и вуд̇д̇ам̣. яаа бана маг̇г̇асса абхаавид̇ад̇д̇аад̇иаад̣̇инаа хи маг̇г̇знаавихад̇агилзсзхзва ааяад̇им̣ канд̇хаанам̣ ж̇аад̇и хзссад̇и, д̇зсан̃жа гилзсаанам̣ маг̇г̇зна винаасз сад̇и канд̇хаа на ж̇ааяиссанд̇и, гилзсаанан̃жа д̇згаалигад̇ааяа ж̇аад̇ияам̣ вуд̇д̇анаязна гзнажи бажжаязна винаасаяог̇зби жид̇д̇асанд̇аанз гилзсавируд̣̇д̇хаарияамаг̇г̇агкан̣уббаад̣̇анамзва д̇аб̣б̣инаасо вируд̣̇д̇хабажжаяобанибаад̇зна ааяад̇им̣ ануббаж̇ж̇анад̇о б̣ийж̇асанд̇аанз аг̇г̇игканд̇хобанибаад̇зна ааяад̇им̣ б̣ийж̇ад̇д̇аануббад̇д̇и вияа, ид̇и маг̇г̇агкан̣уббад̇д̇исан̇каад̇агилзсаабхаавзна гилзсапалаанам̣ канд̇хаанам̣ ааяад̇им̣ ануббад̇д̇иязва ж̇аад̇игкаяод̇и аяамад̇т̇о вибхаавийяад̇и, д̇знааха ‘‘маг̇г̇асса бхаавид̇ад̇д̇аа ануббаад̣̇ад̇хаммад̇ам̣ аабаж̇ж̇анзна кийн̣аа’’д̇и. зд̇т̇а жааяамад̇т̇о гилзсаабхаавасан̇каад̇асса маг̇г̇асса бхаавид̇ад̇д̇аа уббаад̣̇ид̇ад̇д̇аа бажжаяаабхаавзна ануббаж̇ж̇анд̇ий канд̇хаанам̣ ж̇аад̇и д̇зна ааяад̇им̣ ануббаж̇ж̇анасан̇каад̇зна ануббаад̣̇ад̇хаммад̇ам̣ аабаж̇ж̇анзна вохаарад̇о кийн̣аа мз ж̇аад̇ийд̇и. на хи сан̇кад̇ад̇хаммаанам̣ бажжаяанд̇арзна винаасо самбхавад̇и, самбхавз жа д̇асса бажжаяанд̇арад̇аад̣̇иббасан̇г̇ад̇о. д̇аб̣б̣ируд̣̇д̇хагкан̣уббаад̣̇анамзва д̇аб̣б̣инаасуббаад̣̇анам̣. д̇анд̇и кийн̣аж̇аад̇им̣ аб̣бхан̃н̃аасинд̇и самб̣анд̇хо. ид̇т̇ад̇д̇ааяаад̇и имз багаараа ид̇т̇ам̣, д̇аб̣бхааво ид̇т̇ад̇д̇ам̣, д̇ад̣̇ад̇т̇ааяа. д̣̇ассзнд̇од̇и ниг̇аманавасзна д̣̇ассзнд̇од̇и.
‘‘Khīṇā jātī’’ti jānanaṃ kilesakkhayapaccavekkhaṇavasena, vusitaṃ brahmacariyantiādijānanaṃ maggaphalanibbānapaccavekkhaṇavasena hotīti āha ‘‘khīṇā jātītiādīhi tassa bhūmi’’nti. Tattha bhūminti visayaṃ, tīsu kālesupi jātikkhayaṃ pati ujukameva vāyāmāsambhavepi taṃ pati vāyāmakaraṇassa sātthakataṃ, tassa anāgatakkhandhānuppattiphalatañca dassetuṃ yā panātiādi vuttaṃ. Yā pana maggassa abhāvitattātiādinā hi maggenāvihatakileseheva āyatiṃ khandhānaṃ jāti hessati, tesañca kilesānaṃ maggena vināse sati khandhā na jāyissanti, kilesānañca tekālikatāya jātiyaṃ vuttanayena kenaci paccayena vināsayogepi cittasantāne kilesaviruddhaariyamaggakkhaṇuppādanameva tabbināso viruddhapaccayopanipātena āyatiṃ anuppajjanato bījasantāne aggikkhandhopanipātena āyatiṃ bījattānuppatti viya, iti maggakkhaṇuppattisaṅkhātakilesābhāvena kilesaphalānaṃ khandhānaṃ āyatiṃ anuppattiyeva jātikkhayoti ayamattho vibhāvīyati, tenāha ‘‘maggassa bhāvitattā anuppādadhammataṃ āpajjanena khīṇā’’ti. Ettha cāyamattho kilesābhāvasaṅkhātassa maggassa bhāvitattā uppāditattā paccayābhāvena anuppajjantī khandhānaṃ jāti tena āyatiṃ anuppajjanasaṅkhātena anuppādadhammataṃ āpajjanena vohārato khīṇā me jātīti. Na hi saṅkhatadhammānaṃ paccayantarena vināso sambhavati, sambhave ca tassa paccayantaratādippasaṅgato. Tabbiruddhakkhaṇuppādanameva tabbināsuppādanaṃ. Tanti khīṇajātiṃ abbhaññāsinti sambandho. Itthattāyāti ime pakārā itthaṃ, tabbhāvo itthattaṃ, tadatthāya. Dassentoti nigamanavasena dassentoti.
виж̇ж̇аад̇д̇аяагат̇ааван̣н̣анаанаяо нидтид̇о.
Vijjāttayakathāvaṇṇanānayo niṭṭhito.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / взран̃ж̇аган̣д̣ам̣ • Verañjakaṇḍaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / аасавагкаяан̃аан̣агат̇аа • Āsavakkhayañāṇakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
аасавагкаяан̃аан̣агат̇аа • Āsavakkhayañāṇakathā
1. суггависсадтисигкаабад̣̇аван̣н̣анаа • 1. Sukkavissaṭṭhisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / аасавагкаяан̃аан̣агат̇ааван̣н̣анаа • Āsavakkhayañāṇakathāvaṇṇanā
