| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
55. аасавагкаяан̃аан̣анид̣̇д̣̇зсаван̣н̣анаа
55. Āsavakkhayañāṇaniddesavaṇṇanā
107. аасавагкаяан̃аан̣анид̣̇д̣̇зсз анан̃н̃аад̇ан̃н̃ассаамийд̇инд̣̇рияаад̣̇ийни вуд̇д̇ад̇т̇аани. гад̇и таанаани г̇ажчад̇ийд̇и згзгасса уббад̇д̇идтаананияаманад̇т̇ам̣ бужчаа. згам̣ таанам̣ г̇ажчад̇ийд̇и згасмим̣ таанз уббаж̇ж̇ад̇ийд̇и вуд̇д̇ам̣ ход̇и. уббад̇д̇иогаасадтаанан̃хи д̇идтад̇и зд̇т̇аад̇и таананд̇и вужжад̇и. ча таанаанийд̇и ча маг̇г̇апалагкан̣з. инд̣̇рияаанам̣ анан̃н̃аад̇ан̃н̃ассаамийд̇инд̣̇рияаад̣̇ийсу д̇ийсу згзгамзва ад̇хигам̣ ход̇ийд̇и д̣̇ассанад̇т̇ам̣ сад̣̇д̇хинд̣̇рияам̣ ад̇химогкабариваарам̣ ход̇ийд̇иаад̣̇и вуд̇д̇ам̣. яат̇аа ‘‘сад̣̇д̇хинд̣̇рияасса ад̇химогкадто’’д̇иаад̣̇ийсу (бади. ма. 1.12) ад̇химогкаад̣̇аяо сад̣̇д̇хинд̣̇рияаад̣̇ийнам̣ гижжавасзна вуд̇д̇аа, звамид̇хааби ‘‘ад̇химогкабариваарам̣ ход̇ий’’д̇и сад̣̇д̇хинд̣̇рияам̣ ад̇химогкад̇т̇зна бариваарам̣ ход̇ийд̇и вуд̇д̇ам̣ ход̇и. зса наяо сзсзсуби. баривааранд̇и жа лин̇г̇авибаллаасо гад̇о. бан̃н̃инд̣̇рияанд̇и анан̃н̃аад̇ан̃н̃ассаамийд̇инд̣̇рияамзва баж̇аананасабхаавад̣̇ассанад̇т̇ам̣ висум̣ гад̇ваа вуд̇д̇ам̣. абхид̇хаммзби (вибха. 219) хи бан̃н̃ааяа гижжависзсад̣̇ассанад̇т̇ам̣ маг̇г̇агкан̣з жа палагкан̣з жа згаава бан̃н̃аа адтад̇хаа вибхад̇д̇аа. абхисанд̣̇анабаривааранд̇и нхаанияажун̣н̣аанам̣ уд̣̇агам̣ вияа жид̇д̇ажзд̇асигаанам̣ синзханагижжзна бариваарам̣ ход̇и. ид̣̇ам̣ соманассасамбаяуд̇д̇амаг̇г̇авасзнзва вуд̇д̇ам̣. убзгкаасамбаяуд̇д̇амаг̇г̇з бана соманассинд̣̇рияадтаанз убзгкинд̣̇рияам̣ д̣̇адтаб̣б̣ам̣. д̇ам̣ бана самбаяуд̇д̇аанам̣ наад̇иубаб̣рууханабаривааранд̇и г̇ахзд̇аб̣б̣ам̣. бавад̇д̇асанд̇ад̇аад̇хибад̇зяяабаривааранд̇и бавад̇д̇аа санд̇ад̇и бавад̇д̇асанд̇ад̇и, вад̇д̇амаанасанд̇аананд̇и ад̇т̇о. ад̇хибад̇ибхааво аад̇хибад̇зяяам̣, бавад̇д̇асанд̇ад̇ияаа аад̇хибад̇зяяам̣ бавад̇д̇асанд̇ад̇аад̇хибад̇зяяам̣. вад̇д̇амаанаж̇ийвид̇инд̣̇рияасса убарибавад̇д̇ияаа жа бажжаяад̇д̇аа буб̣б̣аабаравасзна бавад̇д̇асанд̇ад̇ияаа ад̇хибад̇ибхаавзна анан̃н̃аад̇ан̃н̃ассаамийд̇инд̣̇рияасса бариваарам̣ ход̇и.
107. Āsavakkhayañāṇaniddese anaññātaññassāmītindriyādīni vuttatthāni. Kati ṭhānāni gacchatīti ekekassa uppattiṭṭhānaniyamanatthaṃ pucchā. Ekaṃ ṭhānaṃ gacchatīti ekasmiṃ ṭhāne uppajjatīti vuttaṃ hoti. Uppattiokāsaṭṭhānañhi tiṭṭhati etthāti ṭhānanti vuccati. Cha ṭhānānīti cha maggaphalakkhaṇe. Indriyānaṃ anaññātaññassāmītindriyādīsu tīsu ekekameva adhikaṃ hotīti dassanatthaṃ saddhindriyaṃ adhimokkhaparivāraṃ hotītiādi vuttaṃ. Yathā ‘‘saddhindriyassa adhimokkhaṭṭho’’tiādīsu (paṭi. ma. 1.12) adhimokkhādayo saddhindriyādīnaṃ kiccavasena vuttā, evamidhāpi ‘‘adhimokkhaparivāraṃ hotī’’ti saddhindriyaṃ adhimokkhatthena parivāraṃ hotīti vuttaṃ hoti. Esa nayo sesesupi. Parivāranti ca liṅgavipallāso kato. Paññindriyanti anaññātaññassāmītindriyameva pajānanasabhāvadassanatthaṃ visuṃ katvā vuttaṃ. Abhidhammepi (vibha. 219) hi paññāya kiccavisesadassanatthaṃ maggakkhaṇe ca phalakkhaṇe ca ekāva paññā aṭṭhadhā vibhattā. Abhisandanaparivāranti nhāniyacuṇṇānaṃ udakaṃ viya cittacetasikānaṃ sinehanakiccena parivāraṃ hoti. Idaṃ somanassasampayuttamaggavaseneva vuttaṃ. Upekkhāsampayuttamagge pana somanassindriyaṭṭhāne upekkhindriyaṃ daṭṭhabbaṃ. Taṃ pana sampayuttānaṃ nātiupabrūhanaparivāranti gahetabbaṃ. Pavattasantatādhipateyyaparivāranti pavattā santati pavattasantati, vattamānasantānanti attho. Adhipatibhāvo ādhipateyyaṃ, pavattasantatiyā ādhipateyyaṃ pavattasantatādhipateyyaṃ. Vattamānajīvitindriyassa uparipavattiyā ca paccayattā pubbāparavasena pavattasantatiyā adhipatibhāvena anaññātaññassāmītindriyassa parivāraṃ hoti.
сод̇аабад̇д̇имаг̇г̇агкан̣з ж̇аад̇аа д̇хаммаад̇иаад̣̇и саб̣б̣зсам̣ маг̇г̇асамбаяуд̇д̇агаанам̣ ван̣н̣абхан̣анад̇т̇ам̣ вуд̇д̇ам̣. д̇ад̇т̇а маг̇г̇агкан̣з ж̇аад̇аад̇и маг̇г̇асамудтид̇аа зва, на ан̃н̃з. яасмаа бана маг̇г̇асамудтид̇амби руубам̣ гусалаад̣̇инаамам̣ на лабхад̇и, д̇асмаа д̇ам̣ абанзнд̇о табзд̇ваа жид̇д̇асамудтаанам̣ руубанд̇и ааха. саб̣б̣зва хи д̇з д̇хаммаа гужчид̇аанам̣ саланаад̣̇ийхи ад̇т̇зхи гусалаа. д̇з аарамман̣ам̣ гад̇ваа бавад̇д̇амаанаа над̇т̇и зд̇зсам̣ аасаваад̇и анаасаваа. ваддамуулам̣ чинд̣̇анд̇аа ниб̣б̣аанам̣ аарамман̣ам̣ гад̇ваа ваддад̇о нияяанд̇ийд̇и нияяаанигаа. гусалаагусаласан̇каад̇аа жаяаа абзд̇ад̇д̇аа абажаяасан̇каад̇ам̣ ниб̣б̣аанам̣ аарамман̣ам̣ гад̇ваа бавад̇д̇анад̇о абажаяам̣ г̇ажчанд̇ийд̇и абажаяаг̇аамино, бавад̇д̇ам̣ абажинанд̇аа вид̣̇д̇хам̣сзнд̇аа г̇ажчанд̇ийд̇иби абажаяаг̇аамино. логз абарияаабаннабхаавзна логад̇о уд̇д̇араа уд̇д̇ин̣н̣аад̇и логуд̇д̇араа. ниб̣б̣аанам̣ аарамман̣ам̣ зд̇зсанд̇и ниб̣б̣аанаарамман̣аа.
Sotāpattimaggakkhaṇejātā dhammātiādi sabbesaṃ maggasampayuttakānaṃ vaṇṇabhaṇanatthaṃ vuttaṃ. Tattha maggakkhaṇe jātāti maggasamuṭṭhitā eva, na aññe. Yasmā pana maggasamuṭṭhitampi rūpaṃ kusalādināmaṃ na labhati, tasmā taṃ apanento ṭhapetvā cittasamuṭṭhānaṃ rūpanti āha. Sabbeva hi te dhammā kucchitānaṃ salanādīhi atthehi kusalā. Te ārammaṇaṃ katvā pavattamānā natthi etesaṃ āsavāti anāsavā. Vaṭṭamūlaṃ chindantā nibbānaṃ ārammaṇaṃ katvā vaṭṭato niyyantīti niyyānikā. Kusalākusalasaṅkhātā cayā apetattā apacayasaṅkhātaṃ nibbānaṃ ārammaṇaṃ katvā pavattanato apacayaṃ gacchantīti apacayagāmino, pavattaṃ apacinantā viddhaṃsentā gacchantītipi apacayagāmino. Loke apariyāpannabhāvena lokato uttarā uttiṇṇāti lokuttarā. Nibbānaṃ ārammaṇaṃ etesanti nibbānārammaṇā.
имаани адтинд̣̇рияаанийд̇иаад̣̇и буб̣б̣з вуд̇д̇абариваарабхаавасса жа д̇зна сахаг̇ад̇аад̣̇ибхаавасса жа аад̣̇ивуд̇д̇ааагаараанан̃жа д̣̇ийбанад̇т̇ам̣ вуд̇д̇ам̣. д̇ад̇т̇а адтинд̣̇рияаанийд̇и буб̣б̣з вуд̇д̇анаязна бан̃н̃инд̣̇риязна саха адта. сахаж̇аад̇абариваараад̇и адтасу згзгзна саха ид̇арз ид̇арз сад̇д̇а сахаж̇аад̇аа худ̇ваа д̇асса сахаж̇аад̇абариваараа хонд̇и. д̇ат̇зва ан̃н̃ам̣ ан̃н̃асса ан̃н̃ам̣ ан̃н̃ассаад̇и звам̣ ан̃н̃аман̃н̃абариваараа хонд̇и. д̇ат̇зва ан̃н̃аман̃н̃ам̣ ниссаяабариваараа самбаяуд̇д̇абариваараа жа хонд̇и. сахаг̇ад̇аад̇и д̇зна анан̃н̃аад̇ан̃н̃ассаамийд̇инд̣̇риязна саха згуббаад̣̇аад̣̇ибхаавам̣ г̇ад̇аа. сахаж̇аад̇аад̇и д̇знзва саха ж̇аад̇аа. сам̣садтаад̇и д̇знзва саха миссид̇аа. самбаяуд̇д̇аад̇и д̇знзва самам̣ згуббаад̣̇аад̣̇ибагаарзхи яуд̇д̇аа. д̇зваад̇и д̇з зва адта инд̣̇рияад̇хаммаа. д̇ассаад̇и анан̃н̃аад̇ан̃н̃ассаамийд̇инд̣̇рияасса. аагаараад̇и бариваарагодтаасаа.
Imāni aṭṭhindriyānītiādi pubbe vuttaparivārabhāvassa ca tena sahagatādibhāvassa ca ādivuttaākārānañca dīpanatthaṃ vuttaṃ. Tattha aṭṭhindriyānīti pubbe vuttanayena paññindriyena saha aṭṭha. Sahajātaparivārāti aṭṭhasu ekekena saha itare itare satta sahajātā hutvā tassa sahajātaparivārā honti. Tatheva aññaṃ aññassa aññaṃ aññassāti evaṃ aññamaññaparivārā honti. Tatheva aññamaññaṃ nissayaparivārā sampayuttaparivārā ca honti. Sahagatāti tena anaññātaññassāmītindriyena saha ekuppādādibhāvaṃ gatā. Sahajātāti teneva saha jātā. Saṃsaṭṭhāti teneva saha missitā. Sampayuttāti teneva samaṃ ekuppādādipakārehi yuttā. Tevāti te eva aṭṭha indriyadhammā. Tassāti anaññātaññassāmītindriyassa. Ākārāti parivārakoṭṭhāsā.
палагкан̣з ж̇аад̇аа д̇хаммаа саб̣б̣зва аб̣яаагад̇аа хонд̇ийд̇и руубассаби аб̣яаагад̇ад̇д̇аа жид̇д̇асамудтаанаруубзна саха вуд̇д̇аа. маг̇г̇ассзва гусалад̇д̇аа нияяаанигад̇д̇аа абажаяаг̇аамид̇д̇аа жа палагкан̣з ‘‘гусалаа’’д̇и жа ‘‘нияяаанигаа’’д̇и жа ‘‘абажаяаг̇аамино’’д̇и жа на вуд̇д̇ам̣. ид̇ийд̇иаад̣̇и вуд̇д̇аббагаараниг̇аманам̣. д̇ад̇т̇а адтадтагаанийд̇и адтасу маг̇г̇апалзсу згзгасса адтагасса васзна адта инд̣̇рияаадтагаани. жад̇усадти хонд̇ийд̇и жад̇усадти аагаараа хонд̇и. аасаваад̇иаад̣̇и хздтаа вуд̇д̇ад̇т̇амзва . ид̇ха арахад̇д̇амаг̇г̇аваж̇жхзязва аасавз авад̇ваа сзсамаг̇г̇ад̇д̇аяаваж̇жхаанамби важанам̣ аасавагкаяаважанасааман̃н̃амад̇д̇зна вуд̇д̇анд̇и взд̣̇ид̇аб̣б̣ам̣. арахад̇д̇амаг̇г̇ан̃аан̣амзва хи гзжи аасавз асзсзд̇ваа аасаваанам̣ кзбанад̇о ‘‘каяз н̃аан̣а’’нд̇и вужжад̇и. д̇асмааязва жа арахааязва кийн̣аасавод̇и вужжад̇ийд̇и.
Phalakkhaṇe jātā dhammā sabbeva abyākatā hontīti rūpassapi abyākatattā cittasamuṭṭhānarūpena saha vuttā. Maggasseva kusalattā niyyānikattā apacayagāmittā ca phalakkhaṇe ‘‘kusalā’’ti ca ‘‘niyyānikā’’ti ca ‘‘apacayagāmino’’ti ca na vuttaṃ. Itītiādi vuttappakāranigamanaṃ. Tattha aṭṭhaṭṭhakānīti aṭṭhasu maggaphalesu ekekassa aṭṭhakassa vasena aṭṭha indriyaaṭṭhakāni. Catusaṭṭhi hontīti catusaṭṭhi ākārā honti. Āsavātiādi heṭṭhā vuttatthameva . Idha arahattamaggavajjheyeva āsave avatvā sesamaggattayavajjhānampi vacanaṃ āsavakkhayavacanasāmaññamattena vuttanti veditabbaṃ. Arahattamaggañāṇameva hi keci āsave asesetvā āsavānaṃ khepanato ‘‘khaye ñāṇa’’nti vuccati. Tasmāyeva ca arahāyeva khīṇāsavoti vuccatīti.
аасавагкаяан̃аан̣анид̣̇д̣̇зсаван̣н̣анаа нидтид̇аа.
Āsavakkhayañāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 55. аасавагкаяан̃аан̣анид̣̇д̣̇зсо • 55. Āsavakkhayañāṇaniddeso
