| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
5. ஆஸவக்க²யஸுத்தங்
5. Āsavakkhayasuttaṃ
1095. ‘‘ஜானதோஹங், பி⁴க்க²வே, பஸ்ஸதோ ஆஸவானங் க²யங் வதா³மி, நோ அஜானதோ அபஸ்ஸதோ. கிஞ்ச, பி⁴க்க²வே, ஜானதோ பஸ்ஸதோ ஆஸவானங் க²யோ ஹோதி? ‘இத³ங் து³க்க²’ந்தி, பி⁴க்க²வே, ஜானதோ பஸ்ஸதோ ஆஸவானங் க²யோ ஹோதி, ‘அயங் து³க்க²ஸமுத³யோ’தி ஜானதோ பஸ்ஸதோ ஆஸவானங் க²யோ ஹோதி, ‘அயங் து³க்க²னிரோதோ⁴’தி ஜானதோ பஸ்ஸதோ ஆஸவானங் க²யோ ஹோதி, ‘அயங் து³க்க²னிரோத⁴கா³மினீ படிபதா³’தி ஜானதோ பஸ்ஸதோ ஆஸவானங் க²யோ ஹோதி. ஏவங் கோ², பி⁴க்க²வே, ஜானதோ ஏவங் பஸ்ஸதோ ஆஸவானங் க²யோ ஹோதி.
1095. ‘‘Jānatohaṃ, bhikkhave, passato āsavānaṃ khayaṃ vadāmi, no ajānato apassato. Kiñca, bhikkhave, jānato passato āsavānaṃ khayo hoti? ‘Idaṃ dukkha’nti, bhikkhave, jānato passato āsavānaṃ khayo hoti, ‘ayaṃ dukkhasamudayo’ti jānato passato āsavānaṃ khayo hoti, ‘ayaṃ dukkhanirodho’ti jānato passato āsavānaṃ khayo hoti, ‘ayaṃ dukkhanirodhagāminī paṭipadā’ti jānato passato āsavānaṃ khayo hoti. Evaṃ kho, bhikkhave, jānato evaṃ passato āsavānaṃ khayo hoti.
‘‘தஸ்மாதிஹ, பி⁴க்க²வே, ‘இத³ங் து³க்க²’ந்தி யோகோ³ கரணீயோ…பே॰… ‘அயங் து³க்க²னிரோத⁴கா³மினீ படிபதா³’தி யோகோ³ கரணீயோ’’தி. பஞ்சமங்.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Pañcamaṃ.
