| Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi |
3. аасавагкаяасуд̇д̇ам̣
3. Āsavakkhayasuttaṃ
102. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –
102. Vuttañhetaṃ bhagavatā, vuttamarahatāti me sutaṃ –
‘‘ж̇аанад̇охам̣, бхигкавз, бассад̇о аасаваанам̣ каяам̣ вад̣̇аами , но аж̇аанад̇о но абассад̇о. гин̃жа, бхигкавз, ж̇аанад̇о, гим̣ бассад̇о аасаваанам̣ каяо ход̇и? ид̣̇ам̣ д̣̇угканд̇и, бхигкавз, ж̇аанад̇о бассад̇о аасаваанам̣ каяо ход̇и. аяам̣ д̣̇угкасамуд̣̇аяод̇и, бхигкавз, ж̇аанад̇о бассад̇о аасаваанам̣ каяо ход̇и. аяам̣ д̣̇угканирод̇ход̇и, бхигкавз, ж̇аанад̇о бассад̇о аасаваанам̣ каяо ход̇и. аяам̣ д̣̇угканирод̇хаг̇ааминий бадибад̣̇аад̇и, бхигкавз, ж̇аанад̇о бассад̇о аасаваанам̣ каяо ход̇и. звам̣ ко , бхигкавз, ж̇аанад̇о звам̣ бассад̇о аасаваанам̣ каяо ход̇ий’’д̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –
‘‘Jānatohaṃ, bhikkhave, passato āsavānaṃ khayaṃ vadāmi , no ajānato no apassato. Kiñca, bhikkhave, jānato, kiṃ passato āsavānaṃ khayo hoti? Idaṃ dukkhanti, bhikkhave, jānato passato āsavānaṃ khayo hoti. Ayaṃ dukkhasamudayoti, bhikkhave, jānato passato āsavānaṃ khayo hoti. Ayaṃ dukkhanirodhoti, bhikkhave, jānato passato āsavānaṃ khayo hoti. Ayaṃ dukkhanirodhagāminī paṭipadāti, bhikkhave, jānato passato āsavānaṃ khayo hoti. Evaṃ kho , bhikkhave, jānato evaṃ passato āsavānaṃ khayo hotī’’ti. Etamatthaṃ bhagavā avoca. Tatthetaṃ iti vuccati –
‘‘сзкасса сигкамаанасса, уж̇умаг̇г̇аанусаарино;
‘‘Sekhassa sikkhamānassa, ujumaggānusārino;
каяасмим̣ батамам̣ н̃аан̣ам̣, д̇ад̇о ан̃н̃аа ананд̇араа.
Khayasmiṃ paṭhamaṃ ñāṇaṃ, tato aññā anantarā.
‘‘д̇ад̇о ан̃н̃аа вимуд̇д̇асса, вимуд̇д̇ин̃аан̣амуд̇д̇амам̣;
‘‘Tato aññā vimuttassa, vimuttiñāṇamuttamaṃ;
уббаж̇ж̇ад̇и каяз н̃аан̣ам̣, кийн̣аа сам̣яож̇анаа ид̇и.
Uppajjati khaye ñāṇaṃ, khīṇā saṃyojanā iti.
‘‘на д̇взвид̣̇ам̣ гусийд̇зна, б̣аалзнамавиж̇аанад̇аа;
‘‘Na tvevidaṃ kusītena, bālenamavijānatā;
ниб̣б̣аанам̣ ад̇хиг̇анд̇аб̣б̣ам̣, саб̣б̣аг̇ант̇аббаможана’’нд̇и.
Nibbānaṃ adhigantabbaṃ, sabbaganthappamocana’’nti.
аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. д̇ад̇ияам̣.
Ayampi attho vutto bhagavatā, iti me sutanti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 3. аасавагкаяасуд̇д̇аван̣н̣анаа • 3. Āsavakkhayasuttavaṇṇanā
