| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൧൦. ആസവക്ഖയസുത്തം
10. Āsavakkhayasuttaṃ
൯൯൬. ആസവാനം ഖയായ സംവത്തതി. കഥം ഭാവിതോ ച, ഭിക്ഖവേ, ആനാപാനസ്സതിസമാധി കഥം ബഹുലീകതോ സംയോജനപ്പഹാനായ സംവത്തതി… അനുസയസമുഗ്ഘാതായ സംവത്തതി… അദ്ധാനപരിഞ്ഞായ സംവത്തതി… ആസവാനം ഖയായ സംവത്തതി? ഇധ, ഭിക്ഖവേ, ഭിക്ഖു അരഞ്ഞഗതോ വാ രുക്ഖമൂലഗതോ വാ…പേ॰ … പടിനിസ്സഗ്ഗാനുപസ്സീ അസ്സസിസ്സാമീതി സിക്ഖതി, പടിനിസ്സഗ്ഗാനുപസ്സീ പസ്സസിസ്സാമീതി സിക്ഖതി. ഏവം ഭാവിതോ ഖോ, ഭിക്ഖവേ, ആനാപാനസ്സതിസമാധി ഏവം ബഹുലീകതോ സംയോജനപ്പഹാനായ സംവത്തതി…പേ॰… അനുസയസമുഗ്ഘാതായ സംവത്തതി…പേ॰… അദ്ധാനപരിഞ്ഞായ സംവത്തതി…പേ॰… ആസവാനം ഖയായ സംവത്തതീതി. ദസമം.
996. Āsavānaṃ khayāya saṃvattati. Kathaṃ bhāvito ca, bhikkhave, ānāpānassatisamādhi kathaṃ bahulīkato saṃyojanappahānāya saṃvattati… anusayasamugghātāya saṃvattati… addhānapariññāya saṃvattati… āsavānaṃ khayāya saṃvattati? Idha, bhikkhave, bhikkhu araññagato vā rukkhamūlagato vā…pe. … paṭinissaggānupassī assasissāmīti sikkhati, paṭinissaggānupassī passasissāmīti sikkhati. Evaṃ bhāvito kho, bhikkhave, ānāpānassatisamādhi evaṃ bahulīkato saṃyojanappahānāya saṃvattati…pe… anusayasamugghātāya saṃvattati…pe… addhānapariññāya saṃvattati…pe… āsavānaṃ khayāya saṃvattatīti. Dasamaṃ.
ദുതിയോ വഗ്ഗോ.
Dutiyo vaggo.
തസ്സുദ്ദാനം –
Tassuddānaṃ –
ഇച്ഛാനങ്ഗലം കങ്ഖേയ്യം, ആനന്ദാ അപരേ ദുവേ;
Icchānaṅgalaṃ kaṅkheyyaṃ, ānandā apare duve;
ഭിക്ഖൂ സംയോജനാനുസയാ, അദ്ധാനം ആസവക്ഖയന്തി.
Bhikkhū saṃyojanānusayā, addhānaṃ āsavakkhayanti.
ആനാപാനസംയുത്തം ദസമം.
Ānāpānasaṃyuttaṃ dasamaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൩-൧൦. പഠമആനന്ദസുത്താദിവണ്ണനാ • 3-10. Paṭhamaānandasuttādivaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൩-൧൦. പഠമആനന്ദസുത്താദിവണ്ണനാ • 3-10. Paṭhamaānandasuttādivaṇṇanā
