| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
3. аасавагкаяасуд̇д̇аван̣н̣анаа
3. Āsavakkhayasuttavaṇṇanā
102. д̇ад̇ияз ж̇аанад̇од̇и ж̇аананд̇асса. бассад̇од̇и бассанд̇асса. яад̣̇иби имаани д̣̇взби бад̣̇аани згад̇т̇аани, б̣яан̃ж̇анамзва наанам̣, звам̣ санд̇зби ‘‘ж̇аанад̇о’’д̇и н̃аан̣алагкан̣ам̣ убаад̣̇ааяа буг̇г̇алам̣ нид̣̇д̣̇исад̇и. ж̇аананалагкан̣ан̃хи н̃аан̣ам̣. ‘‘бассад̇о’’д̇и н̃аан̣аббабхаавам̣ убаад̣̇ааяа. д̣̇ассанаббабхааван̃хи убаад̣̇ааяа н̃аан̣асаман̇г̇ий буг̇г̇ало жагкумаа вияа буг̇г̇ало жагкунаа руубаани, н̃аан̣зна вивадз д̇хаммз бассад̇и. ат̇а ваа ж̇аанад̇од̇и ануб̣од̇хан̃аан̣зна ж̇аанад̇о. бассад̇од̇и бадивзд̇хан̃аан̣зна бассад̇о. бадиломад̇о ваа д̣̇ассанамаг̇г̇зна бассад̇о, бхааванаамаг̇г̇зна ж̇аанад̇о. гзжи бана ‘‘н̃аад̇ад̇ийран̣абахаанабарин̃н̃аахи ж̇аанад̇о, сикааббад̇д̇авибассанааяа бассад̇о’’д̇и вад̣̇анд̇и. ат̇а ваа д̣̇угкам̣ барин̃н̃аабхисамаязна ж̇аанад̇о, нирод̇хам̣ сажчигирияаабхисамаязна бассад̇о. д̇ад̣̇убхаяз жа сад̇и бахаанабхааванаабхисамаяаа сид̣̇д̇хаа зва хонд̇ийд̇и жад̇усажжаабхисамаяо вуд̇д̇о ход̇и. яад̣̇аа жзд̇т̇а вибассанаан̃аан̣ам̣ ад̇хиббзд̇ам̣, д̇ад̣̇аа ‘‘ж̇аанад̇о бассад̇о’’д̇и бад̣̇аанам̣ хзд̇уад̇т̇ад̣̇ийбанад̇аа д̣̇адтаб̣б̣аа. яад̣̇аа бана маг̇г̇ан̃аан̣ам̣ ад̇хиббзд̇ам̣, д̇ад̣̇аа маг̇г̇агижжад̇т̇ад̣̇ийбанад̇аа.
102. Tatiye jānatoti jānantassa. Passatoti passantassa. Yadipi imāni dvepi padāni ekatthāni, byañjanameva nānaṃ, evaṃ santepi ‘‘jānato’’ti ñāṇalakkhaṇaṃ upādāya puggalaṃ niddisati. Jānanalakkhaṇañhi ñāṇaṃ. ‘‘Passato’’ti ñāṇappabhāvaṃ upādāya. Dassanappabhāvañhi upādāya ñāṇasamaṅgī puggalo cakkhumā viya puggalo cakkhunā rūpāni, ñāṇena vivaṭe dhamme passati. Atha vā jānatoti anubodhañāṇena jānato. Passatoti paṭivedhañāṇena passato. Paṭilomato vā dassanamaggena passato, bhāvanāmaggena jānato. Keci pana ‘‘ñātatīraṇapahānapariññāhi jānato, sikhāppattavipassanāya passato’’ti vadanti. Atha vā dukkhaṃ pariññābhisamayena jānato, nirodhaṃ sacchikiriyābhisamayena passato. Tadubhaye ca sati pahānabhāvanābhisamayā siddhā eva hontīti catusaccābhisamayo vutto hoti. Yadā cettha vipassanāñāṇaṃ adhippetaṃ, tadā ‘‘jānato passato’’ti padānaṃ hetuatthadīpanatā daṭṭhabbā. Yadā pana maggañāṇaṃ adhippetaṃ, tadā maggakiccatthadīpanatā.
аасаваанам̣ каяанд̇и ‘‘ж̇аанад̇о, ахам̣ бхигкавз, бассад̇о аасаваанам̣ каяам̣ вад̣̇аамий’’д̇и (ма. ни. 1.15; сам̣. ни. 3.101; 5.1095) звамааг̇ад̇з саб̣б̣аасавасам̣варабарияааяз ‘‘аасаваанам̣ каяаа анаасавам̣ жзд̇овимуд̇д̇и’’нд̇иаад̣̇ийсу (ма. ни. 1.438) жа суд̇д̇абад̣̇зсу аасаваанам̣ бахаанам̣ ажжанд̇агкаяо асамуббаад̣̇о кийн̣аагааро над̇т̇ибхааво ‘‘аасавагкаяо’’д̇и вуд̇д̇о. ‘‘аасаваанам̣ каяаа саман̣о ход̇ий’’д̇иаад̣̇ийсу (ма. ни. 1.438) палам̣.
Āsavānaṃkhayanti ‘‘jānato, ahaṃ bhikkhave, passato āsavānaṃ khayaṃ vadāmī’’ti (ma. ni. 1.15; saṃ. ni. 3.101; 5.1095) evamāgate sabbāsavasaṃvarapariyāye ‘‘āsavānaṃ khayā anāsavaṃ cetovimutti’’ntiādīsu (ma. ni. 1.438) ca suttapadesu āsavānaṃ pahānaṃ accantakkhayo asamuppādo khīṇākāro natthibhāvo ‘‘āsavakkhayo’’ti vutto. ‘‘Āsavānaṃ khayā samaṇo hotī’’tiādīsu (ma. ni. 1.438) phalaṃ.
‘‘бараваж̇ж̇аанубассисса, нижжам̣ уж̇жхаанасан̃н̃ино;
‘‘Paravajjānupassissa, niccaṃ ujjhānasaññino;
аасаваа д̇асса вад̣дханд̇и, аараа со аасавагкаяаа’’д̇и. (д̇ха. ба. 253); –
Āsavā tassa vaḍḍhanti, ārā so āsavakkhayā’’ti. (dha. pa. 253); –
аад̣̇ийсу ниб̣б̣аанам̣.
Ādīsu nibbānaṃ.
‘‘сзкасса сигкамаанасса, уж̇умаг̇г̇аанусаарино;
‘‘Sekhassa sikkhamānassa, ujumaggānusārino;
каяасмим̣ батамам̣ н̃аан̣ам̣, д̇ад̇о ан̃н̃аа ананд̇араа;
Khayasmiṃ paṭhamaṃ ñāṇaṃ, tato aññā anantarā;
д̇ад̇о ан̃н̃аавимуд̇д̇асса, н̃аан̣ам̣ вз ход̇и д̇аад̣̇ино’’д̇и. (а. ни. 3.86; ид̇иву. 62) –
Tato aññāvimuttassa, ñāṇaṃ ve hoti tādino’’ti. (a. ni. 3.86; itivu. 62) –
звамааг̇ад̇з инд̣̇рияасуд̇д̇з ид̇ха жа маг̇г̇о ‘‘аасавагкаяо’’д̇и вуд̇д̇о. д̇асмаа яат̇аавуд̇д̇анаязна ж̇аананд̇асса бассанд̇асса ахам̣ арияамаг̇г̇аад̇хиг̇амам̣ вад̣̇аамийд̇и вуд̇д̇ам̣ ход̇и. но аж̇аанад̇о но абассад̇од̇и яо бана на ж̇аанаад̇и на бассад̇и, д̇асса но вад̣̇аамийд̇и ад̇т̇о. зд̇зна яз аж̇аанад̇о абассад̇оби сам̣саарасуд̣̇д̇хим̣ вад̣̇анд̇и, д̇з бадигкибад̇и. буримзна ваа бад̣̇ад̣̇ваязна убааяо вуд̇д̇о, иминаа анубааяабадисзд̇хо. сан̇кзбзна жзд̇т̇а н̃аан̣ам̣ аасавагкаяагарам̣, сзсам̣ д̇асса баригкаарод̇и д̣̇ассзд̇и.
Evamāgate indriyasutte idha ca maggo ‘‘āsavakkhayo’’ti vutto. Tasmā yathāvuttanayena jānantassa passantassa ahaṃ ariyamaggādhigamaṃ vadāmīti vuttaṃ hoti. Noajānato no apassatoti yo pana na jānāti na passati, tassa no vadāmīti attho. Etena ye ajānato apassatopi saṃsārasuddhiṃ vadanti, te paṭikkhipati. Purimena vā padadvayena upāyo vutto, iminā anupāyapaṭisedho. Saṅkhepena cettha ñāṇaṃ āsavakkhayakaraṃ, sesaṃ tassa parikkhāroti dasseti.
ид̣̇аани яам̣ ж̇аанад̇о яам̣ бассад̇о аасавагкаяо ход̇и, д̇ам̣ д̣̇ассзд̇ум̣ ‘‘гин̃жа, бхигкавз, ж̇аанад̇о’’д̇и бужчам̣ аарабхи. д̇ад̇т̇а ж̇аананаа б̣ахувид̇хаа. д̣̇аб̣б̣аж̇аад̇иго зва хи гожи бхигку чад̇д̇ам̣ гаад̇ум̣ ж̇аанаад̇и, гожи жийвараад̣̇ийнам̣ ан̃н̃ад̇арам̣, д̇асса ийд̣̇исаани гаммаани вад̇д̇асийсз тад̇ваа гаронд̇асса саа ж̇аананаа ‘‘маг̇г̇апалаанам̣ бад̣̇адтаанам̣ на ход̇ий’’д̇и на вад̇д̇аб̣б̣аа. яо бана саасанз баб̣б̣аж̇ид̇ваа взж̇ж̇агаммаад̣̇ийни гаад̇ум̣ ж̇аанаад̇и, д̇ассзвам̣ ж̇аанад̇о аасаваа вад̣дханд̇иязва. д̇асмаа яам̣ ж̇аанад̇о яам̣ бассад̇о аасаваанам̣ каяо ход̇и, д̇ад̣̇зва д̣̇ассзнд̇о ааха ‘‘ид̣̇ам̣ д̣̇угка’’нд̇иаад̣̇и. д̇ад̇т̇а яам̣ вад̇д̇аб̣б̣ам̣ жад̇усажжагаммадтаанам̣, д̇ам̣ хздтаа яонисоманасигаарасуд̇д̇з сан̇кзбад̇о вуд̇д̇амзва.
Idāni yaṃ jānato yaṃ passato āsavakkhayo hoti, taṃ dassetuṃ ‘‘kiñca, bhikkhave, jānato’’ti pucchaṃ ārabhi. Tattha jānanā bahuvidhā. Dabbajātiko eva hi koci bhikkhu chattaṃ kātuṃ jānāti, koci cīvarādīnaṃ aññataraṃ, tassa īdisāni kammāni vattasīse ṭhatvā karontassa sā jānanā ‘‘maggaphalānaṃ padaṭṭhānaṃ na hotī’’ti na vattabbā. Yo pana sāsane pabbajitvā vejjakammādīni kātuṃ jānāti, tassevaṃ jānato āsavā vaḍḍhantiyeva. Tasmā yaṃ jānato yaṃ passato āsavānaṃ khayo hoti, tadeva dassento āha ‘‘idaṃ dukkha’’ntiādi. Tattha yaṃ vattabbaṃ catusaccakammaṭṭhānaṃ, taṃ heṭṭhā yonisomanasikārasutte saṅkhepato vuttameva.
д̇ад̇т̇а бана ‘‘яонисо, бхигкавз, бхигку манаси гаронд̇о агусалам̣ баж̇ахад̇и, гусалам̣ бхаавзд̇ий’’д̇и (ид̇иву. 16) ааг̇ад̇ад̇д̇аа ‘‘ид̣̇ам̣ д̣̇угканд̇и яонисо манаси гарод̇ий’’д̇иаад̣̇инаа ад̇т̇авибхааванаа гад̇аа. ид̇ха ‘‘ид̣̇ам̣ д̣̇угканд̇и, бхигкавз, ж̇аанад̇о бассад̇о аасаваанам̣ каяо ход̇ий’’д̇и (ма. ни. 1.15; сам̣. ни. 3.101; 5.1095) ааг̇ад̇ад̇д̇аа ‘‘ид̣̇ам̣ д̣̇угканд̇и барин̃н̃аабадивзд̇хавасзна барин̃н̃аабхисамаяавасзна маг̇г̇ан̃аан̣зна ж̇аанад̇о бассад̇о аасаваанам̣ каяо ход̇ий’’д̇иаад̣̇инаа наязна яож̇зд̇аб̣б̣ам̣. аасавзсу жа батамамаг̇г̇зна д̣̇идтаасаво кийяад̇и, д̇ад̇ияамаг̇г̇зна гаамаасаво, жад̇уд̇т̇амаг̇г̇зна бхаваасаво авиж̇ж̇аасаво жа кийяад̇ийд̇и взд̣̇ид̇аб̣б̣о.
Tattha pana ‘‘yoniso, bhikkhave, bhikkhu manasi karonto akusalaṃ pajahati, kusalaṃ bhāvetī’’ti (itivu. 16) āgatattā ‘‘idaṃ dukkhanti yoniso manasi karotī’’tiādinā atthavibhāvanā katā. Idha ‘‘idaṃ dukkhanti, bhikkhave, jānato passato āsavānaṃ khayo hotī’’ti (ma. ni. 1.15; saṃ. ni. 3.101; 5.1095) āgatattā ‘‘idaṃ dukkhanti pariññāpaṭivedhavasena pariññābhisamayavasena maggañāṇena jānato passato āsavānaṃ khayo hotī’’tiādinā nayena yojetabbaṃ. Āsavesu ca paṭhamamaggena diṭṭhāsavo khīyati, tatiyamaggena kāmāsavo, catutthamaggena bhavāsavo avijjāsavo ca khīyatīti veditabbo.
г̇аат̇аасу вимуд̇д̇ин̃аан̣анд̇и вимуд̇д̇ияам̣ ниб̣б̣аанз палз жа бажжавзгкан̣ан̃аан̣ам̣. уд̇д̇аманд̇и уд̇д̇амад̇хаммаарамман̣ад̇д̇аа уд̇д̇амам̣. каяз н̃аан̣анд̇и аасаваанам̣ сам̣яож̇анаанан̃жа каяз каяагарз арияамаг̇г̇з н̃аан̣ам̣. ‘‘кийн̣аа сам̣яож̇анаа ид̇и н̃аан̣а’’нд̇и ид̇хааби аанзд̇ваа самб̣анд̇хид̇аб̣б̣ам̣. д̇зна бахийнагилзсабажжавзгкан̣ам̣ д̣̇ассзд̇и. звамзд̇т̇а жад̇д̇аариби бажжавзгкан̣ан̃аан̣аани вуд̇д̇аани хонд̇и . авасидтагилзсабажжавзгкан̣аа хи ид̇ха над̇т̇и арахад̇д̇апалаад̇хиг̇амасса ад̇хиббзд̇ад̇д̇аа. яат̇аа жзд̇т̇а ж̇аанад̇о бассад̇од̇и ниб̣б̣аанаад̇хиг̇амзна саммаад̣̇идтигижжам̣ ад̇хигам̣ гад̇ваа вуд̇д̇ам̣, звам̣ саммаббад̇хаанагижжамби ад̇хигамзва ижчид̇аб̣б̣анд̇и д̣̇ассзнд̇о ‘‘на д̇взвид̣̇ам̣ гусийд̇знаа’’д̇и осаанаг̇аат̇амааха.
Gāthāsu vimuttiñāṇanti vimuttiyaṃ nibbāne phale ca paccavekkhaṇañāṇaṃ. Uttamanti uttamadhammārammaṇattā uttamaṃ. Khaye ñāṇanti āsavānaṃ saṃyojanānañca khaye khayakare ariyamagge ñāṇaṃ. ‘‘Khīṇā saṃyojanā iti ñāṇa’’nti idhāpi ānetvā sambandhitabbaṃ. Tena pahīnakilesapaccavekkhaṇaṃ dasseti. Evamettha cattāripi paccavekkhaṇañāṇāni vuttāni honti . Avasiṭṭhakilesapaccavekkhaṇā hi idha natthi arahattaphalādhigamassa adhippetattā. Yathā cettha jānato passatoti nibbānādhigamena sammādiṭṭhikiccaṃ adhikaṃ katvā vuttaṃ, evaṃ sammappadhānakiccampi adhikameva icchitabbanti dassento ‘‘na tvevidaṃ kusītenā’’ti osānagāthamāha.
д̇ад̇т̇а на д̇взвид̣̇анд̇и на д̇у зва ид̣̇ам̣. д̇усад̣̇д̣̇о нибаад̇амад̇д̇ам̣. б̣аалзнамавиж̇аанад̇аад̇и магааро бад̣̇асанд̇хигаро. аяан̃хзд̇т̇а сан̇кзбад̇т̇о – ид̣̇ам̣ сзгкамаг̇г̇зна асзгкамаг̇г̇зна жа бад̇д̇аб̣б̣ам̣ абхиж̇жхаагааяаг̇ант̇аад̣̇исаб̣б̣аг̇ант̇аанам̣ баможанам̣ баможанасса нимид̇д̇абхууд̇ам̣ ниб̣б̣аанам̣ ‘‘ид̣̇ам̣ д̣̇угка’’нд̇иаад̣̇инаа жад̇д̇аари сажжаани яат̇аабхууд̇ам̣ авиж̇аанад̇аа д̇ад̇о зва б̣аалзна авид̣̇д̣̇асунаа яат̇аа ад̇хиг̇анд̇ум̣ на саггаа, звам̣ гусийд̇зна ниб̣б̣ийриязнааби, д̇асмаа д̇ад̣̇ад̇хиг̇амааяа аарад̣̇д̇хавийриязна бхавид̇аб̣б̣анд̇и. д̇знааха бхаг̇аваа ‘‘аарад̣̇д̇хавийрияассааяам̣ д̇хаммо, но гусийд̇асса’’ (д̣̇ий. ни. 3.358).
Tattha na tvevidanti na tu eva idaṃ. Tusaddo nipātamattaṃ. Bālenamavijānatāti makāro padasandhikaro. Ayañhettha saṅkhepattho – idaṃ sekkhamaggena asekkhamaggena ca pattabbaṃ abhijjhākāyaganthādisabbaganthānaṃ pamocanaṃ pamocanassa nimittabhūtaṃ nibbānaṃ ‘‘idaṃ dukkha’’ntiādinā cattāri saccāni yathābhūtaṃ avijānatā tato eva bālena aviddasunā yathā adhigantuṃ na sakkā, evaṃ kusītena nibbīriyenāpi, tasmā tadadhigamāya āraddhavīriyena bhavitabbanti. Tenāha bhagavā ‘‘āraddhavīriyassāyaṃ dhammo, no kusītassa’’ (dī. ni. 3.358).
‘‘аарамбхат̇а ниггамат̇а, яун̃ж̇ат̇а б̣уд̣̇д̇хасаасанз;
‘‘Ārambhatha nikkamatha, yuñjatha buddhasāsane;
д̇хунаат̇а мажжуно сзнам̣, нал̣ааг̇аарам̣ва гун̃ж̇аро’’д̇и. (сам̣. ни. 1.185; нзд̇д̇и. 29; ми. ба. 5.1.4);
Dhunātha maccuno senaṃ, naḷāgāraṃva kuñjaro’’ti. (saṃ. ni. 1.185; netti. 29; mi. pa. 5.1.4);
д̇ад̇ияасуд̇д̇аван̣н̣анаа нидтид̇аа.
Tatiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 3. аасавагкаяасуд̇д̇ам̣ • 3. Āsavakkhayasuttaṃ
