| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
8. ஆஸவபஞ்ஹாஸுத்தங்
8. Āsavapañhāsuttaṃ
321. ‘‘‘ஆஸவோ , ஆஸவோ’தி, ஆவுஸோ ஸாரிபுத்த, வுச்சதி. கதமோ நு கோ², ஆவுஸோ, ஆஸவோ’’தி? ‘‘தயோ மே, ஆவுஸோ, ஆஸவா . காமாஸவோ, ப⁴வாஸவோ, அவிஜ்ஜாஸவோ – இமே கோ², ஆவுஸோ, தயோ ஆஸவா’’தி. ‘‘அத்தி² பனாவுஸோ, மக்³கோ³ அத்தி² படிபதா³ ஏதேஸங் ஆஸவானங் பஹானாயா’’தி? ‘‘அத்தி² கோ², ஆவுஸோ, மக்³கோ³ அத்தி² படிபதா³ ஏதேஸங் ஆஸவானங் பஹானாயா’’தி. ‘‘கதமோ பனாவுஸோ, மக்³கோ³ கதமா படிபதா³ ஏதேஸங் ஆஸவானங் பஹானாயா’’தி? ‘‘அயமேவ கோ², ஆவுஸோ, அரியோ அட்ட²ங்கி³கோ மக்³கோ³ ஏதேஸங் ஆஸவானங் பஹானாய, ஸெய்யதி²த³ங் – ஸம்மாதி³ட்டி² ஸம்மாஸங்கப்போ ஸம்மாவாசா ஸம்மாகம்மந்தோ ஸம்மாஆஜீவோ ஸம்மாவாயாமோ ஸம்மாஸதி ஸம்மாஸமாதி⁴. அயங் கோ², ஆவுஸோ, மக்³கோ³ அயங் படிபதா³, ஏதேஸங் ஆஸவானங் பஹானாயா’’தி. ‘‘ப⁴த்³த³கோ, ஆவுஸோ, மக்³கோ³ ப⁴த்³தி³கா படிபதா³, ஏதேஸங் ஆஸவானங் பஹானாய. அலஞ்ச பனாவுஸோ ஸாரிபுத்த, அப்பமாதா³யா’’தி. அட்ட²மங்.
321. ‘‘‘Āsavo , āsavo’ti, āvuso sāriputta, vuccati. Katamo nu kho, āvuso, āsavo’’ti? ‘‘Tayo me, āvuso, āsavā . Kāmāsavo, bhavāsavo, avijjāsavo – ime kho, āvuso, tayo āsavā’’ti. ‘‘Atthi panāvuso, maggo atthi paṭipadā etesaṃ āsavānaṃ pahānāyā’’ti? ‘‘Atthi kho, āvuso, maggo atthi paṭipadā etesaṃ āsavānaṃ pahānāyā’’ti. ‘‘Katamo panāvuso, maggo katamā paṭipadā etesaṃ āsavānaṃ pahānāyā’’ti? ‘‘Ayameva kho, āvuso, ariyo aṭṭhaṅgiko maggo etesaṃ āsavānaṃ pahānāya, seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. Ayaṃ kho, āvuso, maggo ayaṃ paṭipadā, etesaṃ āsavānaṃ pahānāyā’’ti. ‘‘Bhaddako, āvuso, maggo bhaddikā paṭipadā, etesaṃ āsavānaṃ pahānāya. Alañca panāvuso sāriputta, appamādāyā’’ti. Aṭṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3-15. த⁴ம்மவாதீ³பஞ்ஹாஸுத்தாதி³வண்ணனா • 3-15. Dhammavādīpañhāsuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3-15. த⁴ம்மவாதீ³பஞ்ஹஸுத்தாதி³வண்ணனா • 3-15. Dhammavādīpañhasuttādivaṇṇanā
