| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. аасавабан̃хаасуд̇д̇ам̣
8. Āsavapañhāsuttaṃ
321. ‘‘‘аасаво , аасаво’д̇и, аавусо саарибуд̇д̇а, вужжад̇и. гад̇амо ну ко, аавусо, аасаво’’д̇и? ‘‘д̇аяо мз, аавусо, аасаваа . гаамаасаво, бхаваасаво, авиж̇ж̇аасаво – имз ко, аавусо, д̇аяо аасаваа’’д̇и. ‘‘ад̇т̇и банаавусо, маг̇г̇о ад̇т̇и бадибад̣̇аа зд̇зсам̣ аасаваанам̣ бахаанааяаа’’д̇и? ‘‘ад̇т̇и ко, аавусо, маг̇г̇о ад̇т̇и бадибад̣̇аа зд̇зсам̣ аасаваанам̣ бахаанааяаа’’д̇и. ‘‘гад̇амо банаавусо, маг̇г̇о гад̇амаа бадибад̣̇аа зд̇зсам̣ аасаваанам̣ бахаанааяаа’’д̇и? ‘‘аяамзва ко, аавусо, арияо адтан̇г̇иго маг̇г̇о зд̇зсам̣ аасаваанам̣ бахаанааяа, сзяяат̇ид̣̇ам̣ – саммаад̣̇идти саммаасан̇габбо саммааваажаа саммаагамманд̇о саммааааж̇ийво саммаавааяаамо саммаасад̇и саммаасамаад̇хи. аяам̣ ко, аавусо, маг̇г̇о аяам̣ бадибад̣̇аа, зд̇зсам̣ аасаваанам̣ бахаанааяаа’’д̇и. ‘‘бхад̣̇д̣̇аго, аавусо, маг̇г̇о бхад̣̇д̣̇игаа бадибад̣̇аа, зд̇зсам̣ аасаваанам̣ бахаанааяа. алан̃жа банаавусо саарибуд̇д̇а, аббамаад̣̇ааяаа’’д̇и. адтамам̣.
321. ‘‘‘Āsavo , āsavo’ti, āvuso sāriputta, vuccati. Katamo nu kho, āvuso, āsavo’’ti? ‘‘Tayo me, āvuso, āsavā . Kāmāsavo, bhavāsavo, avijjāsavo – ime kho, āvuso, tayo āsavā’’ti. ‘‘Atthi panāvuso, maggo atthi paṭipadā etesaṃ āsavānaṃ pahānāyā’’ti? ‘‘Atthi kho, āvuso, maggo atthi paṭipadā etesaṃ āsavānaṃ pahānāyā’’ti. ‘‘Katamo panāvuso, maggo katamā paṭipadā etesaṃ āsavānaṃ pahānāyā’’ti? ‘‘Ayameva kho, āvuso, ariyo aṭṭhaṅgiko maggo etesaṃ āsavānaṃ pahānāya, seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. Ayaṃ kho, āvuso, maggo ayaṃ paṭipadā, etesaṃ āsavānaṃ pahānāyā’’ti. ‘‘Bhaddako, āvuso, maggo bhaddikā paṭipadā, etesaṃ āsavānaṃ pahānāya. Alañca panāvuso sāriputta, appamādāyā’’ti. Aṭṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3-15. д̇хаммаваад̣̇ийбан̃хаасуд̇д̇аад̣̇иван̣н̣анаа • 3-15. Dhammavādīpañhāsuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3-15. д̇хаммаваад̣̇ийбан̃хасуд̇д̇аад̣̇иван̣н̣анаа • 3-15. Dhammavādīpañhasuttādivaṇṇanā
