| Library / Tipiṭaka / তিপিটক • Tipiṭaka / ইতিৰুত্তক-অট্ঠকথা • Itivuttaka-aṭṭhakathā |
৭-৮. আসৰসুত্তদ্ৰযৰণ্ণনা
7-8. Āsavasuttadvayavaṇṇanā
৫৬-৫৭. সত্তমে কামাসৰোতি কামেসু আসৰো, কামসঙ্খাতো ৰা আসৰো কামাসৰো , অত্থতো পন কামরাগো রূপাদিঅভিরতি চ কামাসৰো। রূপারূপভৰেসু ছন্দরাগো ঝাননিকন্তি সস্সতদিট্ঠিসহগতো রাগো ভৰপত্থনা চ ভৰাসৰো। অৰিজ্জাৰ অৰিজ্জাসৰো।
56-57. Sattame kāmāsavoti kāmesu āsavo, kāmasaṅkhāto vā āsavo kāmāsavo , atthato pana kāmarāgo rūpādiabhirati ca kāmāsavo. Rūpārūpabhavesu chandarāgo jhānanikanti sassatadiṭṭhisahagato rāgo bhavapatthanā ca bhavāsavo. Avijjāva avijjāsavo.
আসৰানঞ্চ সম্ভৰন্তি এত্থ অযোনিসোমনসিকারো অৰিজ্জাদযো চ কিলেসা আসৰানং সম্ভৰো। ৰুত্তঞ্হেতং –
Āsavānañca sambhavanti ettha ayonisomanasikāro avijjādayo ca kilesā āsavānaṃ sambhavo. Vuttañhetaṃ –
‘‘অযোনিসো, ভিক্খৰে, মনসিকরোতো অনুপ্পন্না চেৰ আসৰা উপ্পজ্জন্তি, উপ্পন্না চ আসৰা পৰড্ঢন্তী’’তি (ম॰ নি॰ ১.১৫)।
‘‘Ayoniso, bhikkhave, manasikaroto anuppannā ceva āsavā uppajjanti, uppannā ca āsavā pavaḍḍhantī’’ti (ma. ni. 1.15).
‘‘অৰিজ্জা, ভিক্খৰে, পুব্বঙ্গমা অকুসলানং ধম্মানং সমাপত্তিযা অন্ৰদেৰ অহিরিকং অনোত্তপ্প’’ন্তি (ইতিৰু॰ ৪০) চ।
‘‘Avijjā, bhikkhave, pubbaṅgamā akusalānaṃ dhammānaṃ samāpattiyā anvadeva ahirikaṃ anottappa’’nti (itivu. 40) ca.
মগ্গঞ্চ খযগামিনন্তি আসৰানং খযগামিনং অরিযমগ্গঞ্চ। তত্থ কামাসৰো অনাগামিমগ্গেন পহীযতি, ভৰাসৰো অৰিজ্জাসৰো চ অরহত্তমগ্গেন। কামুপাদানং ৰিয কামাসৰোপি অগ্গমগ্গৰজ্ঝোতি চ ৰদন্তি। সেসং ৰুত্তনযমেৰ। অট্ঠমে অপুব্বং নত্থি।
Maggañca khayagāminanti āsavānaṃ khayagāminaṃ ariyamaggañca. Tattha kāmāsavo anāgāmimaggena pahīyati, bhavāsavo avijjāsavo ca arahattamaggena. Kāmupādānaṃ viya kāmāsavopi aggamaggavajjhoti ca vadanti. Sesaṃ vuttanayameva. Aṭṭhame apubbaṃ natthi.
সত্তমঅট্ঠমসুত্তৰণ্ণনা নিট্ঠিতা।
Sattamaaṭṭhamasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / ইতিৰুত্তকপাল়ি • Itivuttakapāḷi
৭. পঠমআসৰসুত্তং • 7. Paṭhamaāsavasuttaṃ
৮. দুতিযআসৰসুত্তং • 8. Dutiyaāsavasuttaṃ
