| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১০. আসৰসুত্তং
10. Āsavasuttaṃ
৪১৬. ‘‘তযোমে , ভিক্খৰে আসৰা। কতমে তযো? কামাসৰো, ভৰাসৰো, অৰিজ্জাসৰো – ইমে খো, ভিক্খৰে, তযো আসৰা। ইমেসং খো, ভিক্খৰে, তিণ্ণন্নং আসৰানং পহানায চত্তারো সতিপট্ঠানা ভাৰেতব্বা।
416. ‘‘Tayome , bhikkhave āsavā. Katame tayo? Kāmāsavo, bhavāsavo, avijjāsavo – ime kho, bhikkhave, tayo āsavā. Imesaṃ kho, bhikkhave, tiṇṇannaṃ āsavānaṃ pahānāya cattāro satipaṭṭhānā bhāvetabbā.
‘‘কতমে চত্তারো? ইধ, ভিক্খৰে, ভিক্খু কাযে কাযানুপস্সী ৰিহরতি আতাপী সম্পজানো সতিমা, ৰিনেয্য লোকে অভিজ্ঝাদোমনস্সং; ৰেদনাসু…পে॰… চিত্তে…পে॰… ধম্মেসু ধম্মানুপস্সী ৰিহরতি আতাপী সম্পজানো সতিমা, ৰিনেয্য লোকে অভিজ্ঝাদোমনস্সং। ইমেসং খো, ভিক্খৰে, তিণ্ণন্নং আসৰানং পহানায ইমে চত্তারো সতিপট্ঠানা ভাৰেতব্বা’’তি। দসমং।
‘‘Katame cattāro? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Imesaṃ kho, bhikkhave, tiṇṇannaṃ āsavānaṃ pahānāya ime cattāro satipaṭṭhānā bhāvetabbā’’ti. Dasamaṃ.
অমতৰগ্গো পঞ্চমো।
Amatavaggo pañcamo.
তস্সুদ্দানং –
Tassuddānaṃ –
অমতং সমুদযো মগ্গো, সতি কুসলরাসি চ।
Amataṃ samudayo maggo, sati kusalarāsi ca;
পাতিমোক্খং দুচ্চরিতং, মিত্তৰেদনা আসৰেন চাতি॥
Pātimokkhaṃ duccaritaṃ, mittavedanā āsavena cāti.
