| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
4. аасавасуд̇д̇аван̣н̣анаа
4. Āsavasuttavaṇṇanā
58. жад̇уд̇т̇з сам̣варзнаад̇и сам̣варзна хзд̇убхууд̇зна ваа. ид̇хаад̇и аяам̣ ид̇ха-сад̣̇д̣̇о саб̣б̣аагаарад̇о инд̣̇ияасам̣варасам̣вуд̇асса буг̇г̇аласса санниссаяабхууд̇асаасанабарид̣̇ийбано, ан̃н̃асса д̇ат̇аабхааваббадисзд̇хано ваад̇и вуд̇д̇ам̣ ‘‘ид̇хаад̇и ид̇хасмим̣ саасанз’’д̇и. бадисан̇каад̇и бадисан̇кааяа. сан̇каа-сад̣̇д̣̇о н̃аан̣агодтаасабан̃н̃ад̇д̇иг̇ан̣анаад̣̇ийсу д̣̇иссад̇и ‘‘сан̇кааязгам̣ бадисзвад̇ий’’д̇иаад̣̇ийсу (ма. ни. 2.168) хи н̃аан̣з д̣̇иссад̇и. ‘‘бабан̃жасан̃н̃аасан̇каа самуд̣̇аажаранд̇ий’’д̇иаад̣̇ийсу (ма. ни. 1.202, 204) годтаасз. ‘‘д̇зсам̣ д̇зсам̣ д̇хаммаанам̣ сан̇каа саман̃н̃аа’’д̇иаад̣̇ийсу (д̇ха. са. 1313-1315) бан̃н̃ад̇д̇ияам̣. ‘‘на сугарам̣ сан̇каад̇у’’нд̇иаад̣̇ийсу (сам̣. ни. 2.128) г̇ан̣анааяа. ид̇ха бана н̃аан̣з д̣̇адтаб̣б̣о. д̇знзвааха ‘‘бадисан̃ж̇аанид̇ваа бажжавзгкид̇ваад̇и ад̇т̇о’’д̇и. аад̣̇ийнавабажжавзгкан̣аа аад̣̇ийнавабадисан̇каад̇и яож̇анаа. самбалимадтанд̇и гхам̣сид̇ам̣. ануб̣яан̃ж̇анасод̇и хад̇т̇абаад̣̇асид̇ааалогид̇авилогид̇аад̣̇иббагаарабхааг̇асо. д̇ан̃хи аяонисоманасигарод̇о гилзсаанам̣ ануб̣яан̃ж̇анад̇о ‘‘ануб̣яан̃ж̇ана’’нд̇и вужжад̇и. нимид̇д̇аг̇г̇ааход̇и ид̇т̇ибурисанимид̇д̇асса субханимид̇д̇аад̣̇игасса ваа гилзсавад̇т̇убхууд̇асса нимид̇д̇асса г̇аахо. аад̣̇ид̇д̇абарияааязнаад̇и аад̣̇ид̇д̇абарияааяз (сам̣. ни. 4.28; махаава. 54) ааг̇ад̇анаязна взд̣̇ид̇аб̣б̣о.
58. Catutthe saṃvarenāti saṃvarena hetubhūtena vā. Idhāti ayaṃ idha-saddo sabbākārato indiyasaṃvarasaṃvutassa puggalassa sannissayabhūtasāsanaparidīpano, aññassa tathābhāvappaṭisedhano vāti vuttaṃ ‘‘idhāti idhasmiṃ sāsane’’ti. Paṭisaṅkhāti paṭisaṅkhāya. Saṅkhā-saddo ñāṇakoṭṭhāsapaññattigaṇanādīsu dissati ‘‘saṅkhāyekaṃ paṭisevatī’’tiādīsu (ma. ni. 2.168) hi ñāṇe dissati. ‘‘Papañcasaññāsaṅkhā samudācarantī’’tiādīsu (ma. ni. 1.202, 204) koṭṭhāse. ‘‘Tesaṃ tesaṃ dhammānaṃ saṅkhā samaññā’’tiādīsu (dha. sa. 1313-1315) paññattiyaṃ. ‘‘Na sukaraṃ saṅkhātu’’ntiādīsu (saṃ. ni. 2.128) gaṇanāya. Idha pana ñāṇe daṭṭhabbo. Tenevāha ‘‘paṭisañjānitvā paccavekkhitvāti attho’’ti. Ādīnavapaccavekkhaṇā ādīnavapaṭisaṅkhāti yojanā. Sampalimaṭṭhanti ghaṃsitaṃ. Anubyañjanasoti hatthapādasitaālokitavilokitādippakārabhāgaso. Tañhi ayonisomanasikaroto kilesānaṃ anubyañjanato ‘‘anubyañjana’’nti vuccati. Nimittaggāhoti itthipurisanimittassa subhanimittādikassa vā kilesavatthubhūtassa nimittassa gāho. Ādittapariyāyenāti ādittapariyāye (saṃ. ni. 4.28; mahāva. 54) āgatanayena veditabbo.
яат̇аа ид̇т̇ияаа инд̣̇рияам̣ ид̇т̇инд̣̇рияам̣, на звамид̣̇ам̣, ид̣̇ам̣ бана жагкумзва инд̣̇рияанд̇и жагкунд̣̇рияам̣. д̇знааха ‘‘жагкумзва инд̣̇рияа’’нд̇и. яат̇аа ааваадз нияад̇адтид̇иго гажчабо ‘‘ааваадагажчабо’’д̇и вужжад̇и, звам̣ д̇аббадиб̣ад̣̇д̇хавуд̇д̇ид̇ааяа д̇ам̣ таано сам̣варо жагкунд̣̇рияасам̣варо. д̇знааха ‘‘жагкунд̣̇рияз сам̣варо жагкунд̣̇рияасам̣варо’’д̇и. нану жа жагкунд̣̇рияз сам̣варо ваа асам̣варо ваа над̇т̇и. на хи жагкубасаад̣̇ам̣ ниссааяа сад̇и ваа мудтассажжам̣ ваа уббаж̇ж̇ад̇и. абижа яад̣̇аа руубаарамман̣ам̣ жагкусса аабаат̇ам̣ ааг̇ажчад̇и, д̇ад̣̇аа бхаван̇г̇з д̣̇вигкад̇д̇ум̣ уббаж̇ж̇ид̇ваа нируд̣̇д̇хз гирияаманод̇хаад̇у ааваж̇ж̇анагижжам̣ саад̇хаяамаанаа уббаж̇ж̇ид̇ваа нируж̇жхад̇и. д̇ад̇о жагкувин̃н̃аан̣ам̣ д̣̇ассанагижжам̣, д̇ад̇о вибаагаманод̇хаад̇у самбадижчанагижжам̣, д̇ад̇о вибаагамановин̃н̃аан̣ад̇хаад̇у санд̇ийран̣агижжам̣, д̇ад̇о гирияаахзд̇угамановин̃н̃аан̣ад̇хаад̇у водтаб̣б̣анагижжам̣ саад̇хаяамаанаа уббаж̇ж̇ид̇ваа нируж̇жхад̇и , д̇ад̣̇ананд̇арам̣ ж̇аванам̣ ж̇авад̇и. д̇ад̇т̇ааби нзва бхаван̇г̇асамаяз, на ааваж̇ж̇анаад̣̇ийнам̣ ан̃н̃ад̇арасамаяз жа сам̣варо ваа асам̣варо ваа ад̇т̇и. ж̇аванагкан̣з бана сажз д̣̇уссийляам̣ ваа мудтассажжам̣ ваа ан̃н̃аан̣ам̣ ваа агканд̇и ваа госаж̇ж̇ам̣ ваа уббаж̇ж̇ад̇и, асам̣варо ход̇и. д̇асмим̣ бана сийлаад̣̇ийсу уббаннзсу сам̣варо ход̇и, д̇асмаа ‘‘жагкунд̣̇рияз сам̣варо’’д̇и гасмаа вуд̇д̇анд̇и ааха ‘‘ж̇аванз уббаж̇ж̇амааноби хзса…бз… жагкунд̣̇рияасам̣варод̇и вужжад̇ий’’д̇и.
Yathā itthiyā indriyaṃ itthindriyaṃ, na evamidaṃ, idaṃ pana cakkhumeva indriyanti cakkhundriyaṃ. Tenāha ‘‘cakkhumeva indriya’’nti. Yathā āvāṭe niyataṭṭhitiko kacchapo ‘‘āvāṭakacchapo’’ti vuccati, evaṃ tappaṭibaddhavuttitāya taṃ ṭhāno saṃvaro cakkhundriyasaṃvaro. Tenāha ‘‘cakkhundriye saṃvaro cakkhundriyasaṃvaro’’ti. Nanu ca cakkhundriye saṃvaro vā asaṃvaro vā natthi. Na hi cakkhupasādaṃ nissāya sati vā muṭṭhassaccaṃ vā uppajjati. Apica yadā rūpārammaṇaṃ cakkhussa āpāthaṃ āgacchati, tadā bhavaṅge dvikkhattuṃ uppajjitvā niruddhe kiriyamanodhātu āvajjanakiccaṃ sādhayamānā uppajjitvā nirujjhati. Tato cakkhuviññāṇaṃ dassanakiccaṃ, tato vipākamanodhātu sampaṭicchanakiccaṃ, tato vipākamanoviññāṇadhātu santīraṇakiccaṃ, tato kiriyāhetukamanoviññāṇadhātu voṭṭhabbanakiccaṃ sādhayamānā uppajjitvā nirujjhati , tadanantaraṃ javanaṃ javati. Tatthāpi neva bhavaṅgasamaye, na āvajjanādīnaṃ aññatarasamaye ca saṃvaro vā asaṃvaro vā atthi. Javanakkhaṇe pana sace dussīlyaṃ vā muṭṭhassaccaṃ vā aññāṇaṃ vā akkhanti vā kosajjaṃ vā uppajjati, asaṃvaro hoti. Tasmiṃ pana sīlādīsu uppannesu saṃvaro hoti, tasmā ‘‘cakkhundriye saṃvaro’’ti kasmā vuttanti āha ‘‘javane uppajjamānopi hesa…pe… cakkhundriyasaṃvaroti vuccatī’’ti.
ид̣̇ам̣ вуд̇д̇ам̣ ход̇и – яат̇аа наг̇арз жад̇уусу д̣̇ваарзсу асам̣вуд̇зсу гин̃жааби анд̇огхарад̣̇ваарагодтагаг̇аб̣бхаад̣̇аяо сусам̣вуд̇аа, д̇ат̇ааби анд̇онаг̇арз саб̣б̣ам̣ бхан̣д̣ам̣ арагкид̇ам̣ аг̇обид̇амзва ход̇и. наг̇арад̣̇ваарзна хи бависид̇ваа жораа яад̣̇ижчагам̣ гарзяяум̣, звамзвам̣ ж̇аванз д̣̇уссийляаад̣̇ийсу уббаннзсу д̇асмим̣ асам̣варз сад̇и д̣̇ваарамби аг̇уд̇д̇ам̣ ход̇и бхаван̇г̇амби ааваж̇ж̇анаад̣̇ийни вийт̇ижид̇д̇ааниби. яат̇аа бана наг̇арад̣̇ваарзсу сам̣вуд̇зсу гин̃жааби анд̇огхараад̣̇аяо асам̣вуд̇аа, д̇ат̇ааби анд̇онаг̇арз саб̣б̣ам̣ бхан̣д̣ам̣ сурагкид̇ам̣ суг̇обид̇амзва ход̇и. наг̇арад̣̇ваарзсу хи бихид̇зсу жораанам̣ бавзсо над̇т̇и, звамзвам̣ ж̇аванз сийлаад̣̇ийсу уббаннзсу д̣̇ваарамби суг̇уд̇д̇ам̣ ход̇и бхаван̇г̇амби ааваж̇ж̇анаад̣̇ийни вийт̇ижид̇д̇ааниби, д̇асмаа ж̇аванагкан̣з уббаж̇ж̇амааноби жагкунд̣̇рияасам̣варод̇и вуд̇д̇од̇и.
Idaṃ vuttaṃ hoti – yathā nagare catūsu dvāresu asaṃvutesu kiñcāpi antogharadvārakoṭṭhakagabbhādayo susaṃvutā, tathāpi antonagare sabbaṃ bhaṇḍaṃ arakkhitaṃ agopitameva hoti. Nagaradvārena hi pavisitvā corā yadicchakaṃ kareyyuṃ, evamevaṃ javane dussīlyādīsu uppannesu tasmiṃ asaṃvare sati dvārampi aguttaṃ hoti bhavaṅgampi āvajjanādīni vīthicittānipi. Yathā pana nagaradvāresu saṃvutesu kiñcāpi antogharādayo asaṃvutā, tathāpi antonagare sabbaṃ bhaṇḍaṃ surakkhitaṃ sugopitameva hoti. Nagaradvāresu hi pihitesu corānaṃ paveso natthi, evamevaṃ javane sīlādīsu uppannesu dvārampi suguttaṃ hoti bhavaṅgampi āvajjanādīni vīthicittānipi, tasmā javanakkhaṇe uppajjamānopi cakkhundriyasaṃvaroti vuttoti.
сам̣варзна саманнааг̇ад̇о буг̇г̇ало сам̣вуд̇од̇и ааха ‘‘убзд̇о’’д̇и. аяамзвзд̇т̇а ад̇т̇о сунд̣̇арад̇арод̇и убари баал̣ияам̣ санд̣̇иссанад̇о вуд̇д̇ам̣. д̇знааха ‘‘д̇ат̇аа хий’’д̇иаад̣̇и.
Saṃvarena samannāgato puggalo saṃvutoti āha ‘‘upeto’’ti. Ayamevettha attho sundarataroti upari pāḷiyaṃ sandissanato vuttaṃ. Tenāha ‘‘tathā hī’’tiādi.
яанд̇и аад̣̇зсод̇и иминаа лин̇г̇авибаллаасзна сад̣̇д̇хим̣ важанавибаллаасо гад̇од̇и д̣̇ассзд̇и, нибаад̇абад̣̇ам̣ ваа зд̇ам̣ бут̇уважанад̇т̇ам̣. вигхаад̇агараад̇и жид̇д̇авигхаад̇агараа , гааяажид̇д̇ад̣̇угканиб̣б̣ад̇д̇агаа ваа. яат̇аавуд̇д̇агилзсахзд̇угаа д̣̇аахаануб̣анд̇хаа вибаагаа зва вибаагабарил̣аахаа. яат̇аа банзд̇т̇а аасаваа ан̃н̃з жа вигхаад̇агараа гилзсабарил̣аахаа самбхаванд̇и, д̇ам̣ д̣̇ассзд̇ум̣ ‘‘жагкуд̣̇ваарасмин̃хий’’д̇иаад̣̇и вуд̇д̇ам̣. д̇ам̣ сувин̃н̃зяяамзва. зд̇т̇а жа сам̣варан̣уубааяо, сам̣варид̇аб̣б̣ам̣, сам̣варо, яад̇о со сам̣варо, яад̇т̇а сам̣варо, яат̇аа сам̣варо, яан̃жа сам̣варапаланд̇и аяам̣ вибхааг̇о взд̣̇ид̇аб̣б̣о. гат̇ам̣? ‘‘бадисан̇каа яонисо’’д̇и хи сам̣варан̣уубааяо. жагкунд̣̇рияам̣ сам̣варид̇аб̣б̣ам̣. сам̣вараг̇г̇ахан̣зна г̇ахид̇аа сад̇и сам̣варо. ‘‘асам̣вуд̇ассаа’’д̇и сам̣варан̣аавад̇хи. асам̣варад̇о хи сам̣варан̣ам̣. сам̣варид̇аб̣б̣аг̇г̇ахан̣асид̣̇д̇хо ид̇ха сам̣варависаяо. жагкунд̣̇рияан̃хи сам̣варан̣ам̣ н̃аан̣ам̣ руубаарамман̣з сам̣вараяад̇ийд̇и авуд̇д̇асид̣̇д̇хояамад̇т̇о. аасавад̇аннимид̇д̇агилзсабарил̣аахаабхааво палам̣. звам̣ сод̇ад̣̇ваараад̣̇ийсу яож̇зд̇аб̣б̣ам̣. саб̣б̣ад̇т̇зваад̇и манод̣̇ваарз бан̃жад̣̇ваарз жаад̇и саб̣б̣асмим̣ д̣̇ваарз.
Yanti ādesoti iminā liṅgavipallāsena saddhiṃ vacanavipallāso katoti dasseti, nipātapadaṃ vā etaṃ puthuvacanatthaṃ. Vighātakarāti cittavighātakarā , kāyacittadukkhanibbattakā vā. Yathāvuttakilesahetukā dāhānubandhā vipākā eva vipākapariḷāhā. Yathā panettha āsavā aññe ca vighātakarā kilesapariḷāhā sambhavanti, taṃ dassetuṃ ‘‘cakkhudvārasmiñhī’’tiādi vuttaṃ. Taṃ suviññeyyameva. Ettha ca saṃvaraṇūpāyo, saṃvaritabbaṃ, saṃvaro, yato so saṃvaro, yattha saṃvaro, yathā saṃvaro, yañca saṃvaraphalanti ayaṃ vibhāgo veditabbo. Kathaṃ? ‘‘Paṭisaṅkhā yoniso’’ti hi saṃvaraṇūpāyo. Cakkhundriyaṃ saṃvaritabbaṃ. Saṃvaraggahaṇena gahitā sati saṃvaro. ‘‘Asaṃvutassā’’ti saṃvaraṇāvadhi. Asaṃvarato hi saṃvaraṇaṃ. Saṃvaritabbaggahaṇasiddho idha saṃvaravisayo. Cakkhundriyañhi saṃvaraṇaṃ ñāṇaṃ rūpārammaṇe saṃvarayatīti avuttasiddhoyamattho. Āsavatannimittakilesapariḷāhābhāvo phalaṃ. Evaṃ sotadvārādīsu yojetabbaṃ. Sabbatthevāti manodvāre pañcadvāre cāti sabbasmiṃ dvāre.
бадисан̇каа яонисо жийваранд̇иаад̣̇ийсу ‘‘сийд̇асса бадигхаад̇ааяаа’’д̇иаад̣̇инаа бажжавзгкан̣амзва яонисо бадисан̇каа. ийд̣̇исанд̇и зваруубам̣ идтаарамман̣ам̣. бхавабад̇т̇анааяа ассаад̣̇аяад̇од̇и бхавабад̇т̇анаамукзна бхаавид̇ам̣ аарамман̣ам̣ ассаад̣̇знд̇асса. жийваранд̇и ниваасанаад̣̇и яам̣ гин̃жижийварам̣. бадисзвад̇ийд̇и ниваасанаад̣̇ивасзна барибхун̃ж̇ад̇и. яаавад̣̇зваад̇и баяож̇анабаримаан̣анияаманам̣. сийд̇аббадигхаад̇аад̣̇иязва хи яог̇ино жийвараббадисзванаббаяож̇анам̣. сийд̇ассаад̇и сийд̇ад̇хаад̇угкобхад̇о ваа уд̇убарин̣аамад̇о ваа уббаннасса сийд̇асса. бадигхаад̇ааяаад̇и бадигхаад̇анад̇т̇ам̣ д̇аббажжаяасса вигаарасса винод̣̇анад̇т̇ам̣. ун̣хассаад̇и аг̇г̇исанд̇аабад̇о уббаннасса ун̣хасса. д̣ам̣саад̣̇аяо баагадааязва. буна яаавад̣̇зваад̇и нияад̇аббаяож̇анабаримаан̣анияаманам̣. нияад̇ан̃хи баяож̇анам̣ жийварам̣ бадисзванд̇асса хиригобийнаббадижчаад̣̇анам̣, ид̇арам̣ гад̣̇аажи. хиригобийнанд̇и самб̣аад̇хадтаанам̣. яасмин̃хи ан̇г̇з вивадз хирий губбад̇и винассад̇и, д̇ам̣ хирияаа гобанад̇о хиригобийнам̣, д̇ам̣бадижчаад̣̇анад̇т̇ам̣ жийварам̣ бадисзвад̇и.
Paṭisaṅkhāyoniso cīvarantiādīsu ‘‘sītassa paṭighātāyā’’tiādinā paccavekkhaṇameva yoniso paṭisaṅkhā. Īdisanti evarūpaṃ iṭṭhārammaṇaṃ. Bhavapatthanāya assādayatoti bhavapatthanāmukhena bhāvitaṃ ārammaṇaṃ assādentassa. Cīvaranti nivāsanādi yaṃ kiñcicīvaraṃ. Paṭisevatīti nivāsanādivasena paribhuñjati. Yāvadevāti payojanaparimāṇaniyamanaṃ. Sītappaṭighātādiyeva hi yogino cīvarappaṭisevanappayojanaṃ. Sītassāti sītadhātukkhobhato vā utupariṇāmato vā uppannassa sītassa. Paṭighātāyāti paṭighātanatthaṃ tappaccayassa vikārassa vinodanatthaṃ. Uṇhassāti aggisantāpato uppannassa uṇhassa. Ḍaṃsādayo pākaṭāyeva. Puna yāvadevāti niyatappayojanaparimāṇaniyamanaṃ. Niyatañhi payojanaṃ cīvaraṃ paṭisevantassa hirikopīnappaṭicchādanaṃ, itaraṃ kadāci. Hirikopīnanti sambādhaṭṭhānaṃ. Yasmiñhi aṅge vivaṭe hirī kuppati vinassati, taṃ hiriyā kopanato hirikopīnaṃ, taṃpaṭicchādanatthaṃ cīvaraṃ paṭisevati.
бин̣д̣абаад̇анд̇и яам̣ гин̃жи аахаарам̣. со хи бин̣д̣олязна бхигкуно бад̇д̇з бад̇анад̇о, д̇ад̇т̇а д̇ад̇т̇а лад̣̇д̇хабхигкаабин̣д̣аанам̣ баад̇о саннибаад̇од̇и ваа ‘‘бин̣д̣абаад̇о’’д̇и вужжад̇и. нзва д̣̇авааяаад̇и на гийл̣анааяа. на мад̣̇ааяаад̇и на б̣аламад̣̇амаанамад̣̇абурисамад̣̇ад̇т̇ам̣. на ман̣д̣анааяаад̇и на ан̇г̇абажжан̇г̇аанам̣ бийн̣анабхаавад̇т̇ам̣. на вибхуусанааяаад̇и на д̇зсам̣язва собхад̇т̇ам̣, чависамбад̇д̇иад̇т̇анд̇и ад̇т̇о . имаани яат̇ааггамам̣ мохад̣̇осасан̣таанаван̣н̣арааг̇уубаниссаяаббахаанад̇т̇аани взд̣̇ид̇аб̣б̣аани. буримам̣ ваа д̣̇ваяам̣ ад̇д̇ано сам̣гилзсуббад̇д̇инисзд̇ханад̇т̇ам̣, ид̇арам̣ барассаби. жад̇д̇аариби гаамасукаллигаануяог̇асса бахаанад̇т̇ам̣ вуд̇д̇аанийд̇и взд̣̇ид̇аб̣б̣аани. гааяассаад̇и руубагааяасса. тид̇ияаа яаабанааяаад̇и баб̣анд̇хадтид̇ад̇т̇ан̃жзва бавад̇д̇ияаа авижчзд̣̇анад̇т̇ан̃жа, жирагааладтид̇ад̇т̇ам̣ ж̇ийвид̇инд̣̇рияасса бавад̇д̇аабанад̇т̇ам̣. вихим̣суубарад̇ияаад̇и ж̇игхажчаад̣̇угкасса убарамад̇т̇ам̣. б̣рахмажарияаануг̇г̇ахааяаад̇и саасанамаг̇г̇аб̣рахмажарияаанам̣ ануг̇г̇ан̣ханад̇т̇ам̣. ид̇ийд̇и звам̣ иминаа убааязна. бураан̣ан̃жа взд̣̇анам̣ бадихан̇каамийд̇и бураан̣ам̣ абхуд̇д̇абажжаяаа уббаж̇ж̇анагавзд̣̇анам̣ бадиханиссаами. наван̃жа взд̣̇анам̣ на уббаад̣̇зссаамийд̇и навам̣ бхуд̇д̇абажжаяаа уббаж̇ж̇анагавзд̣̇анам̣ на уббаад̣̇зссаами. д̇ассаа хи ануббаж̇ж̇анад̇т̇амзва аахаарам̣ барибхун̃ж̇ад̇и. зд̇т̇а абхуд̇д̇абажжаяаа уббаж̇ж̇анагавзд̣̇анаа наама яат̇аавуд̇д̇аж̇игхажчаанимид̇д̇аа взд̣̇анаа. саа хи абхун̃ж̇анд̇асса бхияяо бхияяобавад̣дханавасзна уббаж̇ж̇ад̇и, бхуд̇д̇абажжаяаа ануббаж̇ж̇анагавзд̣̇анааби куд̣̇аанимид̇д̇аава ан̇г̇ад̣̇аахасуулаад̣̇ивзд̣̇анаа аббавад̇д̇аа. саа хи бхуд̇д̇абажжаяаа ануббаннаава на уббаж̇ж̇иссад̇и. вихим̣саанимид̇д̇ад̇аа жзд̇аасам̣ вихим̣сааяа висзсо.
Piṇḍapātanti yaṃ kiñci āhāraṃ. So hi piṇḍolyena bhikkhuno patte patanato, tattha tattha laddhabhikkhāpiṇḍānaṃ pāto sannipātoti vā ‘‘piṇḍapāto’’ti vuccati. Neva davāyāti na kīḷanāya. Na madāyāti na balamadamānamadapurisamadatthaṃ. Na maṇḍanāyāti na aṅgapaccaṅgānaṃ pīṇanabhāvatthaṃ. Na vibhūsanāyāti na tesaṃyeva sobhatthaṃ, chavisampattiatthanti attho . Imāni yathākkamaṃ mohadosasaṇṭhānavaṇṇarāgūpanissayappahānatthāni veditabbāni. Purimaṃ vā dvayaṃ attano saṃkilesuppattinisedhanatthaṃ, itaraṃ parassapi. Cattāripi kāmasukhallikānuyogassa pahānatthaṃ vuttānīti veditabbāni. Kāyassāti rūpakāyassa. Ṭhitiyā yāpanāyāti pabandhaṭṭhitatthañceva pavattiyā avicchedanatthañca, cirakālaṭṭhitatthaṃ jīvitindriyassa pavattāpanatthaṃ. Vihiṃsūparatiyāti jighacchādukkhassa uparamatthaṃ. Brahmacariyānuggahāyāti sāsanamaggabrahmacariyānaṃ anuggaṇhanatthaṃ. Itīti evaṃ iminā upāyena. Purāṇañca vedanaṃ paṭihaṅkhāmīti purāṇaṃ abhuttapaccayā uppajjanakavedanaṃ paṭihanissāmi. Navañca vedanaṃ na uppādessāmīti navaṃ bhuttapaccayā uppajjanakavedanaṃ na uppādessāmi. Tassā hi anuppajjanatthameva āhāraṃ paribhuñjati. Ettha abhuttapaccayā uppajjanakavedanā nāma yathāvuttajighacchānimittā vedanā. Sā hi abhuñjantassa bhiyyo bhiyyopavaḍḍhanavasena uppajjati, bhuttapaccayā anuppajjanakavedanāpi khudānimittāva aṅgadāhasūlādivedanā appavattā. Sā hi bhuttapaccayā anuppannāva na uppajjissati. Vihiṃsānimittatā cetāsaṃ vihiṃsāya viseso.
яаад̇раа жа мз бхависсад̇ийд̇и яаабанаа жа мз жад̇уннам̣ ирияаабат̇аанам̣ бхависсад̇и. ‘‘яаабанааяаа’’д̇и иминаа ж̇ийвид̇инд̣̇рияаяаабанаа вуд̇д̇аа, ид̇ха жад̇уннам̣ ирияаабат̇аанам̣ авижчзд̣̇асан̇каад̇аа яаабанаад̇и аяамзд̇аасам̣ висзсо. анаваж̇ж̇ад̇аа жа паасувихааро жаад̇и аяуд̇д̇абариязсанаббадиг̇г̇ахан̣абарибхог̇абариваж̇ж̇анзна анаваж̇ж̇ад̇аа, баримид̇абарибхог̇зна паасувихааро. асаббааяаабаримид̇абхож̇анабажжаяаа арад̇ид̇анд̣̇ийвиж̇амбхид̇аавин̃н̃уг̇арахаад̣̇ид̣̇осаабхаавзна ваа анаваж̇ж̇ад̇аа. саббааяабаримид̇абхож̇анабажжаяаа гааяаб̣аласамбхавзна паасувихааро. яаавад̣̇ад̇т̇ам̣ уд̣̇араавад̣̇зхагабхож̇анабариваж̇ж̇анзна ваа сзяяасукабассасукамид̣̇д̇хасукаад̣̇ийнам̣ абхаавад̇о анаваж̇ж̇ад̇аа. жад̇убан̃жаалобамад̇д̇ауунабхож̇анзна жад̇уирияаабат̇аяог̇яад̇аабаад̣̇анад̇о паасувихааро. вуд̇д̇ан̃хзд̇ам̣ –
Yātrā ca me bhavissatīti yāpanā ca me catunnaṃ iriyāpathānaṃ bhavissati. ‘‘Yāpanāyā’’ti iminā jīvitindriyayāpanā vuttā, idha catunnaṃ iriyāpathānaṃ avicchedasaṅkhātā yāpanāti ayametāsaṃ viseso. Anavajjatā ca phāsuvihāro cāti ayuttapariyesanappaṭiggahaṇaparibhogaparivajjanena anavajjatā, parimitaparibhogena phāsuvihāro. Asappāyāparimitabhojanapaccayā aratitandīvijambhitāviññugarahādidosābhāvena vā anavajjatā. Sappāyaparimitabhojanapaccayā kāyabalasambhavena phāsuvihāro. Yāvadatthaṃ udarāvadehakabhojanaparivajjanena vā seyyasukhapassasukhamiddhasukhādīnaṃ abhāvato anavajjatā. Catupañcālopamattaūnabhojanena catuiriyāpathayogyatāpādanato phāsuvihāro. Vuttañhetaṃ –
‘‘жад̇д̇ааро бан̃жа аалобз, абхуд̇ваа уд̣̇агам̣ бивз;
‘‘Cattāro pañca ālope, abhutvā udakaṃ pive;
алам̣ паасувихаарааяа, бахид̇ад̇д̇асса бхигкуно’’д̇и. (т̇зраг̇аа. 983; ми. ба. 6.5.10);
Alaṃ phāsuvihārāya, pahitattassa bhikkhuno’’ti. (theragā. 983; mi. pa. 6.5.10);
зд̇д̇аавад̇аа жа баяож̇анабариг̇г̇ахо, маж̇жхимаа жа бадибад̣̇аа д̣̇ийбид̇аа ход̇и. яаад̇раа жа мз бхависсад̇ийд̇и баяож̇анабариг̇г̇ахад̣̇ийбанаа. яаад̇раа хи нам̣ аахааруубаяог̇ам̣ баяож̇зд̇и. д̇хаммигасукаабарижжааг̇ахзд̇уго паасувихааро маж̇жхимаа бадибад̣̇аа анд̇ад̣̇ваяабариваж̇ж̇анад̇о.
Ettāvatā ca payojanapariggaho, majjhimā ca paṭipadā dīpitā hoti. Yātrā ca me bhavissatīti payojanapariggahadīpanā. Yātrā hi naṃ āhārūpayogaṃ payojeti. Dhammikasukhāpariccāgahetuko phāsuvihāro majjhimā paṭipadā antadvayaparivajjanato.
сзнаасананд̇и сзнан̃жа аасанан̃жа. яад̇т̇а вихаараад̣̇игз сзд̇и нибаж̇ж̇ад̇и аасад̇и нисийд̣̇ад̇и, д̇ам̣ сзнаасанам̣. уд̇убариссаяавинод̣̇анаббадисаллаанаараамад̇т̇анд̇и уд̇уязва барисаханадтзна бариссаяо сарийрааб̣аад̇хажид̇д̇авигкзбагаро, д̇асса винод̣̇анад̇т̇ам̣, ануббаннасса ануббаад̣̇анад̇т̇ам̣, уббаннасса вуубасаманад̇т̇ан̃жаад̇и ад̇т̇о. ат̇а ваа яат̇аавуд̇д̇о уд̇у жа сийхаб̣яаг̇гхаад̣̇ибаагадабариссаяо жа рааг̇ад̣̇осаад̣̇ибадижчаннабариссаяо жа уд̇убариссаяо, д̇асса винод̣̇анад̇т̇ан̃жзва згийбхаавапаасугад̇т̇ан̃жа. жийвараббадисзванз хирийгобийнаббадижчаад̣̇анам̣ вияа д̇ам̣ нияад̇абаяож̇ананд̇и буна ‘‘яаавад̣̇зваа’’д̇и вуд̇д̇ам̣.
Senāsananti senañca āsanañca. Yattha vihārādike seti nipajjati āsati nisīdati, taṃ senāsanaṃ. Utuparissayavinodanappaṭisallānārāmatthanti utuyeva parisahanaṭṭhena parissayo sarīrābādhacittavikkhepakaro, tassa vinodanatthaṃ, anuppannassa anuppādanatthaṃ, uppannassa vūpasamanatthañcāti attho. Atha vā yathāvutto utu ca sīhabyagghādipākaṭaparissayo ca rāgadosādipaṭicchannaparissayo ca utuparissayo, tassa vinodanatthañceva ekībhāvaphāsukatthañca. Cīvarappaṭisevane hirīkopīnappaṭicchādanaṃ viya taṃ niyatapayojananti puna ‘‘yāvadevā’’ti vuttaṃ.
г̇илаанабажжаяабхзсаж̇ж̇абаригкааранд̇и рог̇асса бажжанийгаббавад̇д̇ияаа г̇илаанабажжаяо, д̇ад̇о зва бхисаггасса анун̃н̃аад̇авад̇т̇уд̇ааяа бхзсаж̇ж̇ам̣, ж̇ийвид̇асса бариваарасамбхаарабхаавзхи баригкааро жаад̇и г̇илаанабажжаяабхзсаж̇ж̇абаригкааро, д̇ам̣. взяяааб̣аад̇хигаананд̇и взяяааб̣аад̇хад̇о д̇хаад̇угкобхад̇о жа д̇ам̣ниб̣б̣ад̇д̇агудтаг̇ан̣д̣абийл̣агаад̣̇ирог̇ад̇о уббаннаанам̣. взд̣̇анаананд̇и д̣̇угкавзд̣̇анаанам̣. аб̣яааб̣аж̇жхабарамад̇ааяаад̇и нид̣̇д̣̇угкабарамабхаавааяа. яаава д̇ам̣ д̣̇угкам̣ саб̣б̣ам̣ бахийнам̣ ход̇и, д̇аава бадисзваамийд̇и яож̇анаа. звамзд̇т̇а сан̇кзбзнзва баал̣иван̣н̣анаа взд̣̇ид̇аб̣б̣аа. нававзд̣̇ануббаад̣̇ад̇обийд̇и на гзвалам̣ ааяад̇им̣ зва вибаагабарил̣аахаа , ат̇а ко ад̇ибхож̇анабажжаяаа алам̣саадагаад̣̇ийнам̣ вияа нававзд̣̇ануббаад̣̇ад̇оби взд̣̇ид̇аб̣б̣аа.
Gilānapaccayabhesajjaparikkhāranti rogassa paccanīkappavattiyā gilānapaccayo, tato eva bhisakkassa anuññātavatthutāya bhesajjaṃ, jīvitassa parivārasambhārabhāvehi parikkhāro cāti gilānapaccayabhesajjaparikkhāro, taṃ. Veyyābādhikānanti veyyābādhato dhātukkhobhato ca taṃnibbattakuṭṭhagaṇḍapīḷakādirogato uppannānaṃ. Vedanānanti dukkhavedanānaṃ. Abyābajjhaparamatāyāti niddukkhaparamabhāvāya. Yāva taṃ dukkhaṃ sabbaṃ pahīnaṃ hoti, tāva paṭisevāmīti yojanā. Evamettha saṅkhepeneva pāḷivaṇṇanā veditabbā. Navavedanuppādatopīti na kevalaṃ āyatiṃ eva vipākapariḷāhā , atha kho atibhojanapaccayā alaṃsāṭakādīnaṃ viya navavedanuppādatopi veditabbā.
гаммадтаанигасса жаланам̣ наама гаммадтаанабарижжааг̇од̇и ааха ‘‘жалад̇и гамбад̇и гаммадтаанам̣ виж̇ахад̇ий’’д̇и. ‘‘камо ход̇и сийд̇асса ун̣хассаа’’д̇и зд̇т̇а жа ломасанааг̇ад̇т̇зрасса вад̇т̇у гат̇зд̇аб̣б̣ам̣. т̇зро гира жзд̇ияабаб̣б̣ад̇з бияан̇г̇уг̇ухааяа бад̇хаанагхарз вихаранд̇о анд̇арадтагз химабаад̇асамаяз логанд̇ариганираяам̣ бажжавзгкид̇ваа гаммадтаанам̣ авиж̇аханд̇ова аб̣бхогаасз вийд̇инаамзси. г̇имхасамаяз жа бажчаабхад̇д̇ам̣ б̣ахижан̇гамз гаммадтаанам̣ манасигарод̇о сзд̣̇аабисса гажчзхи мужжанд̇и. ат̇а нам̣ анд̇зваасиго ааха – ‘‘ид̇ха, бханд̇з, нисийд̣̇ат̇а, сийд̇ало огаасо’’д̇и. т̇зро ‘‘ун̣хабхаязнзвамхи, аавусо, ид̇ха нисинно’’д̇и авийжимахаанираяам̣ бажжавзгкид̇ваа нисийд̣̇иязва. ун̣ханд̇и жзд̇т̇а аг̇г̇исанд̇аабова взд̣̇ид̇аб̣б̣о суурияасанд̇аабасса барад̇о вужжамаанад̇д̇аа. суурияасанд̇аабавасзна банзд̇ам̣ вад̇т̇у вуд̇д̇ам̣.
Kammaṭṭhānikassa calanaṃ nāma kammaṭṭhānapariccāgoti āha ‘‘calati kampati kammaṭṭhānaṃ vijahatī’’ti. ‘‘Khamo hoti sītassa uṇhassā’’ti ettha ca lomasanāgattherassa vatthu kathetabbaṃ. Thero kira cetiyapabbate piyaṅguguhāya padhānaghare viharanto antaraṭṭhake himapātasamaye lokantarikanirayaṃ paccavekkhitvā kammaṭṭhānaṃ avijahantova abbhokāse vītināmesi. Gimhasamaye ca pacchābhattaṃ bahicaṅkame kammaṭṭhānaṃ manasikaroto sedāpissa kacchehi muccanti. Atha naṃ antevāsiko āha – ‘‘idha, bhante, nisīdatha, sītalo okāso’’ti. Thero ‘‘uṇhabhayenevamhi, āvuso, idha nisinno’’ti avīcimahānirayaṃ paccavekkhitvā nisīdiyeva. Uṇhanti cettha aggisantāpova veditabbo sūriyasantāpassa parato vuccamānattā. Sūriyasantāpavasena panetaṃ vatthu vuttaṃ.
яо жа д̣̇вз д̇аяо ваарз бхад̇д̇ам̣ ваа баанийяам̣ ваа алабхамааноби анамад̇аг̇г̇з сам̣саарз ад̇д̇ано бзд̇д̇ивисаяуубабад̇д̇им̣ бажжавзгкид̇ваа авзд̇ханд̇о гаммадтаанам̣ на виж̇ахад̇иязва. д̣ам̣самагасаваад̇аад̇абасампассзхи пудто жзби д̇иражчаануубабад̇д̇им̣ бажжавзгкид̇ваа авзд̇ханд̇о гаммадтаанам̣ на виж̇ахад̇иязва. сарийсабасампассзна пудто жааби анамад̇аг̇г̇з сам̣саарз сийхаб̣яаг̇гхаад̣̇имукзсу анзгаваарам̣ баривад̇д̇ид̇абуб̣б̣абхаавам̣ бажжавзгкид̇ваа авзд̇ханд̇о гаммадтаанам̣ на виж̇ахад̇иязва бад̇хаанияад̇т̇зро вияа, аяам̣ ‘‘камо ж̇игхажчааяа…бз… сарийсабасампассаана’’нд̇и взд̣̇ид̇аб̣б̣о. т̇зрам̣ гира кан̣д̣ажзлавихаарз ган̣игаарабад̇хаанияагхарз арияавам̣сад̇хаммам̣ сун̣анд̇ан̃н̃зва гхорависо саббо д̣ам̣си. т̇зро ж̇аанид̇вааби басаннажид̇д̇о нисинно д̇хаммам̣язва сун̣аад̇и, висавзг̇о т̇ад̣̇д̇хо ахоси. т̇зро убасамбад̣̇амаал̣ам̣ аад̣̇им̣ гад̇ваа сийлам̣ бажжавзгкид̇ваа ‘‘висуд̣̇д̇хасийломхий’’д̇и бийд̇им̣ уббаад̣̇зси, саха бийд̇уббаад̣̇аа висам̣ нивад̇д̇ид̇ваа бат̇авим̣ баависи. т̇зро д̇ад̇т̇зва жид̇д̇згаг̇г̇ад̇ам̣ лабхид̇ваа вибассанам̣ вад̣дхзд̇ваа арахад̇д̇ам̣ баабун̣и.
Yo ca dve tayo vāre bhattaṃ vā pānīyaṃ vā alabhamānopi anamatagge saṃsāre attano pettivisayūpapattiṃ paccavekkhitvā avedhanto kammaṭṭhānaṃ na vijahatiyeva. Ḍaṃsamakasavātātapasamphassehi phuṭṭho cepi tiracchānūpapattiṃ paccavekkhitvā avedhanto kammaṭṭhānaṃ na vijahatiyeva. Sarīsapasamphassena phuṭṭho cāpi anamatagge saṃsāre sīhabyagghādimukhesu anekavāraṃ parivattitapubbabhāvaṃ paccavekkhitvā avedhanto kammaṭṭhānaṃ na vijahatiyeva padhāniyatthero viya, ayaṃ ‘‘khamo jighacchāya…pe… sarīsapasamphassāna’’nti veditabbo. Theraṃ kira khaṇḍacelavihāre kaṇikārapadhāniyaghare ariyavaṃsadhammaṃ suṇantaññeva ghoraviso sappo ḍaṃsi. Thero jānitvāpi pasannacitto nisinno dhammaṃyeva suṇāti, visavego thaddho ahosi. Thero upasampadamāḷaṃ ādiṃ katvā sīlaṃ paccavekkhitvā ‘‘visuddhasīlomhī’’ti pītiṃ uppādesi, saha pītuppādā visaṃ nivattitvā pathaviṃ pāvisi. Thero tattheva cittekaggataṃ labhitvā vipassanaṃ vaḍḍhetvā arahattaṃ pāpuṇi.
яо бана аггосавасзна д̣̇уруд̇д̇з д̣̇уруд̇д̇ад̇д̇ааязва жа д̣̇урааг̇ад̇з аби анд̇имавад̇т̇усан̃н̃ид̇з важанабат̇з суд̇ваа канд̇иг̇ун̣ам̣язва бажжавзгкид̇ваа на взд̇хад̇и д̣̇ийгхабхаан̣агаабхаяад̇т̇зро вияа, аяам̣ ‘‘камо д̣̇уруд̇д̇аанам̣ д̣̇урааг̇ад̇аанам̣ важанабат̇аана’’нд̇и взд̣̇ид̇аб̣б̣о. т̇зро гира бажжаяасанд̇осабхааванаараамад̇ааяа махааарияавам̣саббадибад̣̇ам̣ гат̇зси, саб̣б̣о махааг̇аамо ааг̇ажчад̇и, т̇зрасса махаасаггааро уббаж̇ж̇и. д̇ам̣ ан̃н̃ад̇аро махаат̇зро ад̇хиваасзд̇ум̣ асаггонд̇о ‘‘д̣̇ийгхабхаан̣аго ‘арияавам̣сам̣ гат̇змий’д̇и саб̣б̣арад̇д̇им̣ голаахалам̣ гарод̇ий’’д̇иаад̣̇ийхи аггоси. убхоби жа ад̇д̇ано ад̇д̇ано вихаарам̣ г̇ажчанд̇аа г̇аавуд̇амад̇д̇ам̣ згабат̇зна аг̇амам̣су. сагалаг̇аавуд̇амби со д̇ам̣ аггосиязва. д̇ад̇о яад̇т̇а д̣̇виннам̣ вихаараанам̣ маг̇г̇о бхиж̇ж̇ад̇и, д̇ад̇т̇а тад̇ваа д̣̇ийгхабхаан̣агад̇т̇зро д̇ам̣ ванд̣̇ид̇ваа ‘‘зсо, бханд̇з, д̇умхаагам̣ маг̇г̇о’’д̇и ааха. со ассун̣анд̇о вияа аг̇амааси. т̇зроби вихаарам̣ г̇анд̇ваа баад̣̇з багкаалзд̇ваа нисийд̣̇и. д̇амзнам̣ анд̇зваасиго ‘‘гим̣, бханд̇з, сагалаг̇аавуд̇ам̣ барибхаасанд̇ам̣ на гин̃жи авожуд̇т̇аа’’д̇и ааха. т̇зро ‘‘канд̇иязваавусо, маяхам̣ бхааро, на агканд̇и, згабад̣̇уд̣̇д̇хаарзби гаммадтаанавияог̇ам̣ на бассаамий’’д̇и ааха.
Yo pana akkosavasena durutte duruttattāyeva ca durāgate api antimavatthusaññite vacanapathe sutvā khantiguṇaṃyeva paccavekkhitvā na vedhati dīghabhāṇakaabhayatthero viya, ayaṃ ‘‘khamo duruttānaṃ durāgatānaṃ vacanapathāna’’nti veditabbo. Thero kira paccayasantosabhāvanārāmatāya mahāariyavaṃsappaṭipadaṃ kathesi, sabbo mahāgāmo āgacchati, therassa mahāsakkāro uppajji. Taṃ aññataro mahāthero adhivāsetuṃ asakkonto ‘‘dīghabhāṇako ‘ariyavaṃsaṃ kathemī’ti sabbarattiṃ kolāhalaṃ karotī’’tiādīhi akkosi. Ubhopi ca attano attano vihāraṃ gacchantā gāvutamattaṃ ekapathena agamaṃsu. Sakalagāvutampi so taṃ akkosiyeva. Tato yattha dvinnaṃ vihārānaṃ maggo bhijjati, tattha ṭhatvā dīghabhāṇakatthero taṃ vanditvā ‘‘eso, bhante, tumhākaṃ maggo’’ti āha. So assuṇanto viya agamāsi. Theropi vihāraṃ gantvā pāde pakkhāletvā nisīdi. Tamenaṃ antevāsiko ‘‘kiṃ, bhante, sakalagāvutaṃ paribhāsantaṃ na kiñci avocutthā’’ti āha. Thero ‘‘khantiyevāvuso, mayhaṃ bhāro, na akkhanti, ekapaduddhārepi kammaṭṭhānaviyogaṃ na passāmī’’ti āha.
важанамзва д̇ад̣̇ад̇т̇ам̣ н̃аабзд̇угаамаанан̃жа бат̇о убааяод̇и ааха ‘‘важанамзва важанабат̇о’’д̇и. асукадтзна ваа д̇иб̣б̣аа. яан̃хи на сукам̣, д̇ам̣ анидтам̣ д̇иб̣б̣анд̇и вужжад̇и. ад̇хиваасагаж̇аад̇иго ход̇ийд̇и яат̇аавуд̇д̇авзд̣̇анаанам̣ ад̇хиваасагасабхааво ход̇и. жид̇д̇алабаб̣б̣ад̇з бад̇хаанияад̇т̇зрасса гира рад̇д̇им̣ бад̇хаанзна вийд̇инаамзд̇ваа тид̇асса уд̣̇араваад̇о уббаж̇ж̇ад̇и. со д̇ам̣ ад̇хиваасзд̇ум̣ асаггонд̇о аавад̇д̇ад̇и баривад̇д̇ад̇и. д̇амзнам̣ жан̇гаманабассз тид̇о бин̣д̣абаад̇ияад̇т̇зро ааха – ‘‘аавусо, баб̣б̣аж̇ид̇о наама ад̇хиваасанасийло ход̇ий’’д̇и. со ‘‘саад̇ху, бханд̇з’’д̇и ад̇хиваасзд̇ваа нижжало саяи. ваад̇о наабхид̇о яаава хад̣̇аяам̣ паалзси. т̇зро взд̣̇анам̣ вигкамбхзд̇ваа вибассанд̇о мухуд̇д̇зна анааг̇аамий худ̇ваа бариниб̣б̣ааяи. звам̣ саб̣б̣ад̇т̇аад̇и ‘‘ун̣хзна пудтасса сийд̇ам̣ бад̇т̇аяад̇о’’д̇иаад̣̇инаа саб̣б̣ад̇т̇а ун̣хаад̣̇инимид̇д̇ам̣ гаамаасавуббад̇д̇и взд̣̇ид̇аб̣б̣аа. над̇т̇и суг̇ад̇ибхавз сийд̇ам̣ ваа ун̣хам̣ ваад̇и анидтам̣ сийд̇ам̣ ваа ун̣хам̣ ваа над̇т̇ийд̇и ад̇хиббааяо. ад̇д̇аг̇г̇аахз сад̇и ад̇д̇анияаг̇г̇ааход̇и ааха ‘‘маяхам̣ сийд̇ам̣ ун̣ханд̇и г̇аахо д̣̇идтаасаво’’д̇и.
Vacanameva tadatthaṃ ñāpetukāmānañca patho upāyoti āha ‘‘vacanameva vacanapatho’’ti. Asukhaṭṭhena vā tibbā. Yañhi na sukhaṃ, taṃ aniṭṭhaṃ tibbanti vuccati. Adhivāsakajātiko hotīti yathāvuttavedanānaṃ adhivāsakasabhāvo hoti. Cittalapabbate padhāniyattherassa kira rattiṃ padhānena vītināmetvā ṭhitassa udaravāto uppajjati. So taṃ adhivāsetuṃ asakkonto āvattati parivattati. Tamenaṃ caṅkamanapasse ṭhito piṇḍapātiyatthero āha – ‘‘āvuso, pabbajito nāma adhivāsanasīlo hotī’’ti. So ‘‘sādhu, bhante’’ti adhivāsetvā niccalo sayi. Vāto nābhito yāva hadayaṃ phālesi. Thero vedanaṃ vikkhambhetvā vipassanto muhuttena anāgāmī hutvā parinibbāyi. Evaṃ sabbatthāti ‘‘uṇhena phuṭṭhassa sītaṃ patthayato’’tiādinā sabbattha uṇhādinimittaṃ kāmāsavuppatti veditabbā. Natthi sugatibhave sītaṃ vā uṇhaṃ vāti aniṭṭhaṃ sītaṃ vā uṇhaṃ vā natthīti adhippāyo. Attaggāhe sati attaniyaggāhoti āha ‘‘mayhaṃ sītaṃ uṇhanti gāho diṭṭhāsavo’’ti.
ахам̣ саман̣од̇и ‘‘ахам̣ саман̣о, гим̣ мама ж̇ийвид̇зна ваа маран̣зна ваа’’д̇и звам̣ жинд̇зд̇ваад̇и ад̇хиббааяо. бажжавзгкид̇ваад̇и г̇аамаббавзсаббаяож̇анаад̣̇ин̃жа бажжавзгкид̇ваа. бадиггамад̇ийд̇и хад̇т̇иаад̣̇ийнам̣ самийбаг̇аманад̇о абаггамад̇и. тааяанд̇и зд̇т̇аад̇и таанам̣, ган̣дагаанам̣ таанам̣ ган̣дагадтаанам̣, яад̇т̇а ган̣дагаани санд̇и, д̇ам̣ огаасанд̇и вуд̇д̇ам̣ ход̇и. амануссад̣̇удтаанийд̇и амануссасан̃жаарзна д̣̇уусид̇аани, сабариссаяаанийд̇и ад̇т̇о. анияад̇авад̇т̇убхууд̇анд̇и анияад̇асигкаабад̣̇асса гааран̣абхууд̇ам̣. взсияаад̣̇ибхзд̣̇ад̇од̇и взсияаавид̇хаваат̇уллагумааригаабан̣д̣агабаанааг̇аарабхигкунибхзд̣̇ад̇о. самаананд̇и самам̣, ависаманд̇и ад̇т̇о. агааси ваад̇и д̇аад̣̇исам̣ анаажаарам̣ агааси ваа. сийласам̣варасан̇каад̇знаад̇и гат̇ам̣ бариваж̇ж̇анам̣ сийлам̣? анаасанабариваж̇ж̇анзна хи анаажаарабариваж̇ж̇анам̣ вуд̇д̇ам̣. анаажаарааг̇ожарабариваж̇ж̇анам̣ жаарид̇д̇асийлад̇ааяа сийласам̣варо. д̇ат̇аа хи бхаг̇авад̇аа ‘‘баад̇имогкасам̣варасам̣вуд̇о вихарад̇ий’’д̇и (вибха. 508) сийласам̣варавибхаж̇анз аажаараг̇ожарасамбад̇д̇им̣ д̣̇ассзнд̇зна ‘‘ад̇т̇и анаажааро, ад̇т̇и аг̇ожаро’’д̇иаад̣̇инаа (вибха. 513-514) аажаараг̇ожараа вибхаж̇ид̇ваа д̣̇ассид̇аа. ‘‘жан̣д̣ам̣ хад̇т̇им̣ бариваж̇ж̇зд̇ий’’д̇и важанад̇о хад̇т̇иаад̣̇ибариваж̇ж̇анамби бхаг̇авад̇о важанаанудтаананд̇и гад̇ваа аажаарасийламзваад̇и взд̣̇ид̇аб̣б̣ам̣.
Ahaṃ samaṇoti ‘‘ahaṃ samaṇo, kiṃ mama jīvitena vā maraṇena vā’’ti evaṃ cintetvāti adhippāyo. Paccavekkhitvāti gāmappavesappayojanādiñca paccavekkhitvā. Paṭikkamatīti hatthiādīnaṃ samīpagamanato apakkamati. Ṭhāyanti etthāti ṭhānaṃ, kaṇṭakānaṃ ṭhānaṃ kaṇṭakaṭṭhānaṃ, yattha kaṇṭakāni santi, taṃ okāsanti vuttaṃ hoti. Amanussaduṭṭhānīti amanussasañcārena dūsitāni, saparissayānīti attho. Aniyatavatthubhūtanti aniyatasikkhāpadassa kāraṇabhūtaṃ. Vesiyādibhedatoti vesiyāvidhavāthullakumārikāpaṇḍakapānāgārabhikkhunibhedato. Samānanti samaṃ, avisamanti attho. Akāsi vāti tādisaṃ anācāraṃ akāsi vā. Sīlasaṃvarasaṅkhātenāti kathaṃ parivajjanaṃ sīlaṃ? Anāsanaparivajjanena hi anācāraparivajjanaṃ vuttaṃ. Anācārāgocaraparivajjanaṃ cārittasīlatāya sīlasaṃvaro. Tathā hi bhagavatā ‘‘pātimokkhasaṃvarasaṃvuto viharatī’’ti (vibha. 508) sīlasaṃvaravibhajane ācāragocarasampattiṃ dassentena ‘‘atthi anācāro, atthi agocaro’’tiādinā (vibha. 513-514) ācāragocarā vibhajitvā dassitā. ‘‘Caṇḍaṃ hatthiṃ parivajjetī’’ti vacanato hatthiādiparivajjanampi bhagavato vacanānuṭṭhānanti katvā ācārasīlamevāti veditabbaṃ.
ид̇ибийд̇и иминааби гааран̣зна аяонисоманасигаарасамудтид̇ад̇д̇ааби, лобхаад̣̇исахаг̇ад̇ад̇д̇ааби, гусалаббадибагкад̇обийд̇иаад̣̇ийхи гааран̣зхи аяам̣ вид̇агго агусалод̇и ад̇т̇о. иминаа наязна сааваж̇ж̇од̇иаад̣̇ийсуби ад̇т̇о взд̣̇ид̇аб̣б̣о. зд̇т̇а жа агусалод̇иаад̣̇инаа д̣̇идтад̇хаммигам̣ гаамавид̇аггасса аад̣̇ийнавам̣ д̣̇ассзд̇и, д̣̇угкавибаагод̇и иминаа самбарааяигам̣. ад̇д̇аб̣яааб̣аад̇хааяа сам̣вад̇д̇ад̇ийд̇иаад̣̇ийсуби иминаава наязна аад̣̇ийнававибхааванаа взд̣̇ид̇аб̣б̣аа. уббаннасса гаамавид̇аггасса анад̇хиваасанам̣ наама буна д̇аад̣̇исасса ануббаад̣̇анам̣. д̇ам̣ банасса бахаанам̣ винод̣̇анам̣ б̣яанд̇игаран̣ам̣ анабхааваг̇амананд̇и жа вад̇д̇ум̣ ваддад̇ийд̇и баал̣ияам̣ – ‘‘уббаннам̣ гаамавид̇аггам̣ наад̇хиваасзд̇ий’’д̇и вад̇ваа ‘‘баж̇ахад̇ий’’д̇иаад̣̇и вуд̇д̇анд̇и д̇амад̇т̇ам̣ д̣̇ассзнд̇о ‘‘анад̇хиваасзнд̇о гим̣ гарод̇ий’’д̇иаад̣̇имааха. бахаанан̃жзд̇т̇а вигкамбханамзва, на самужчзд̣̇од̇и д̣̇ассзд̇ум̣ ‘‘винод̣̇зд̇ий’’д̇иаад̣̇и вуд̇д̇анд̇и вигкамбханавасзнзва ад̇т̇о д̣̇ассид̇о. уббаннуббаннзд̇и д̇зсам̣ баабавид̇аггаанам̣ уббаад̣̇аавад̇т̇ааг̇ахан̣ам̣ ваа гад̇ам̣ сияаа анавасзсаг̇г̇ахан̣ам̣ ваа. д̇зсу батамам̣ санд̇хааяааха ‘‘уббаннамад̇д̇з’’д̇и, самбад̇иж̇аад̇зд̇и ад̇т̇о. анавасзсаг̇г̇ахан̣ам̣ б̣яаабанижчааяам̣ ход̇ийд̇и д̣̇ассзд̇ум̣ ‘‘сад̇агкад̇д̇умби уббаннуббаннз’’д̇и вуд̇д̇ам̣.
Itipīti imināpi kāraṇena ayonisomanasikārasamuṭṭhitattāpi, lobhādisahagatattāpi, kusalappaṭipakkhatopītiādīhi kāraṇehi ayaṃ vitakko akusaloti attho. Iminā nayena sāvajjotiādīsupi attho veditabbo. Ettha ca akusalotiādinā diṭṭhadhammikaṃ kāmavitakkassa ādīnavaṃ dasseti, dukkhavipākoti iminā samparāyikaṃ. Attabyābādhāya saṃvattatītiādīsupi imināva nayena ādīnavavibhāvanā veditabbā. Uppannassa kāmavitakkassa anadhivāsanaṃ nāma puna tādisassa anuppādanaṃ. Taṃ panassa pahānaṃ vinodanaṃ byantikaraṇaṃ anabhāvagamananti ca vattuṃ vaṭṭatīti pāḷiyaṃ – ‘‘uppannaṃ kāmavitakkaṃ nādhivāsetī’’ti vatvā ‘‘pajahatī’’tiādi vuttanti tamatthaṃ dassento ‘‘anadhivāsento kiṃ karotī’’tiādimāha. Pahānañcettha vikkhambhanameva, na samucchedoti dassetuṃ ‘‘vinodetī’’tiādi vuttanti vikkhambhanavaseneva attho dassito. Uppannuppanneti tesaṃ pāpavitakkānaṃ uppādāvatthāgahaṇaṃ vā kataṃ siyā anavasesaggahaṇaṃ vā. Tesu paṭhamaṃ sandhāyāha ‘‘uppannamatte’’ti, sampatijāteti attho. Anavasesaggahaṇaṃ byāpanicchāyaṃ hotīti dassetuṃ ‘‘satakkhattumpi uppannuppanne’’ti vuttaṃ.
н̃аад̇ивид̇аггод̇и ‘‘амхаагам̣ н̃аад̇аяо сукаж̇ийвино самбад̇д̇ияуд̇д̇аа’’д̇иаад̣̇инаа г̇зхассид̇абзмавасзна н̃аад̇агз аараб̣бха уббаннавид̇агго. ж̇анабад̣̇авид̇аггод̇и ‘‘амхаагам̣ ж̇анабад̣̇о субхигко самбаннасассо раман̣ийяо’’д̇иаад̣̇инаа г̇зхассид̇абзмавасзна ж̇анабад̣̇ам̣ аараб̣бха уббаннавид̇агго. уггудигаббад̇хаанаад̣̇ийхи д̣̇угкз ниж̇ж̇ин̣н̣з самбарааяз сад̇д̇аа сукий хонд̇и амараад̇и д̣̇уггарагааригааяа бадисам̣яуд̇д̇о амарад̇т̇ааяа вид̇агго. д̇ам̣ ваа аараб̣бха амараавигкзбад̣̇идтисахаг̇ад̇о амаро жа со вид̇агго жаад̇и амараавид̇агго. бараануд̣̇д̣̇аяад̇аабадисам̣яуд̇д̇од̇и барзсу убадтаагаад̣̇ийсу сахананд̣̇ид̇аад̣̇ивасзна бавад̇д̇о ануд̣̇д̣̇аяад̇аабад̇ируубаго г̇зхассид̇абзмаббадисам̣яуд̇д̇о вид̇агго. лаабхасаггаарасилогаббадисам̣яуд̇д̇од̇и жийвараад̣̇илаабхзна жа саггаарзна жа гид̇д̇исад̣̇д̣̇зна жа аарамман̣агаран̣авасзна бадисам̣яуд̇д̇о. анаван̃н̃ад̇д̇иббадисам̣яуд̇д̇од̇и ‘‘ахо вад̇а мам̣ барз на аваж̇аанзяяум̣, на хздтаа гад̇ваа ман̃н̃зяяум̣, баасаан̣ажчад̇д̇ам̣ вияа г̇арум̣ гарзяяу’’нд̇и уббаннавид̇агго.
Ñātivitakkoti ‘‘amhākaṃ ñātayo sukhajīvino sampattiyuttā’’tiādinā gehassitapemavasena ñātake ārabbha uppannavitakko. Janapadavitakkoti ‘‘amhākaṃ janapado subhikkho sampannasasso ramaṇīyo’’tiādinā gehassitapemavasena janapadaṃ ārabbha uppannavitakko. Ukkuṭikappadhānādīhi dukkhe nijjiṇṇe samparāye sattā sukhī honti amarāti dukkarakārikāya paṭisaṃyutto amaratthāya vitakko. Taṃ vā ārabbha amarāvikkhepadiṭṭhisahagato amaro ca so vitakko cāti amarāvitakko. Parānuddayatāpaṭisaṃyuttoti paresu upaṭṭhākādīsu sahananditādivasena pavatto anuddayatāpatirūpako gehassitapemappaṭisaṃyutto vitakko. Lābhasakkārasilokappaṭisaṃyuttoti cīvarādilābhena ca sakkārena ca kittisaddena ca ārammaṇakaraṇavasena paṭisaṃyutto. Anavaññattippaṭisaṃyuttoti ‘‘aho vata maṃ pare na avajāneyyuṃ, na heṭṭhā katvā maññeyyuṃ, pāsāṇacchattaṃ viya garuṃ kareyyu’’nti uppannavitakko.
гаамавид̇агго гаамасан̇габбанасабхаавад̇о гаамаасаваббад̇д̇ияаа саад̇исаяад̇д̇аа жа гааманаагаарод̇и ааха ‘‘гаамавид̇агго банзд̇т̇а гаамаасаво’’д̇и. д̇аб̣б̣исзсод̇и гаамаасавависзсо бхавасабхаавад̇д̇аад̇и ад̇хиббааяо. гаамавид̇аггаад̣̇игз винод̣̇зд̇и ад̇д̇ано санд̇аанад̇о нийхарад̇и зд̇знаад̇и винод̣̇анам̣, вийрияанд̇и ааха ‘‘вийрияасам̣варасан̇каад̇зна винод̣̇анзнаа’’д̇и.
Kāmavitakko kāmasaṅkappanasabhāvato kāmāsavappattiyā sātisayattā ca kāmanākāroti āha ‘‘kāmavitakko panettha kāmāsavo’’ti. Tabbisesoti kāmāsavaviseso bhavasabhāvattāti adhippāyo. Kāmavitakkādike vinodeti attano santānato nīharati etenāti vinodanaṃ, vīriyanti āha ‘‘vīriyasaṃvarasaṅkhātena vinodanenā’’ti.
‘‘сад̇д̇а б̣ож̇жхан̇г̇аа бхаавид̇аа б̣ахулийгад̇аа виж̇ж̇аавимуд̇д̇ияо барибуурзнд̇ий’’д̇и важанад̇о виж̇ж̇аавимуд̇д̇ийнам̣ анад̇хиг̇амо д̇ад̇о жа сагалаваддад̣̇угкаанад̇ивад̇д̇и абхааванааяа аад̣̇ийнаво. вуд̇д̇авибарияааязна бхаг̇авад̇о орасабуд̇д̇абхааваад̣̇ивасзна жа бхааванааяа аанисам̣со взд̣̇ид̇аб̣б̣о. т̇омзнд̇од̇и аасавабахаанасса д̣̇уггарад̇д̇аа д̇ааяа зва д̣̇уггарагирияааяа д̇ам̣ абхид̇т̇аванд̇о. сам̣варзнзва бахийнаад̇и сам̣варзна бахийнаа зва. д̇зна вуд̇д̇ам̣ ‘‘на аббахийнзсуязва бахийнасан̃н̃ий’’д̇и.
‘‘Satta bojjhaṅgā bhāvitā bahulīkatā vijjāvimuttiyo paripūrentī’’ti vacanato vijjāvimuttīnaṃ anadhigamo tato ca sakalavaṭṭadukkhānativatti abhāvanāya ādīnavo. Vuttavipariyāyena bhagavato orasaputtabhāvādivasena ca bhāvanāya ānisaṃso veditabbo. Thomentoti āsavapahānassa dukkarattā tāya eva dukkarakiriyāya taṃ abhitthavanto. Saṃvareneva pahīnāti saṃvarena pahīnā eva. Tena vuttaṃ ‘‘na appahīnesuyeva pahīnasaññī’’ti.
аасавасуд̇д̇аван̣н̣анаа нидтид̇аа.
Āsavasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. аасавасуд̇д̇ам̣ • 4. Āsavasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. аасавасуд̇д̇аван̣н̣анаа • 4. Āsavasuttavaṇṇanā
