| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
69. аасаяаанусаяан̃аан̣анид̣̇д̣̇зсо
69. Āsayānusayañāṇaniddeso
113. гад̇амам̣ д̇ат̇ааг̇ад̇асса сад̇д̇аанам̣ аасаяаанусаяз н̃аан̣ам̣? ид̇ха д̇ат̇ааг̇ад̇о сад̇д̇аанам̣ аасаяам̣ ж̇аанаад̇и, анусаяам̣ ж̇аанаад̇и, жарид̇ам̣ ж̇аанаад̇и , ад̇химуд̇д̇им̣ ж̇аанаад̇и, бхаб̣б̣аабхаб̣б̣з сад̇д̇з баж̇аанаад̇и. гад̇амо 1 сад̇д̇аанам̣ аасаяо? ‘‘сассад̇о лого’’д̇и ваа, ‘‘асассад̇о лого’’д̇и ваа, ‘‘анд̇аваа лого’’д̇и ваа, ‘‘ананд̇аваа лого’’д̇и ваа, ‘‘д̇ам̣ ж̇ийвам̣ д̇ам̣ сарийра’’нд̇и ваа, ‘‘ан̃н̃ам̣ ж̇ийвам̣ ан̃н̃ам̣ сарийра’’нд̇и ваа, ‘‘ход̇и д̇ат̇ааг̇ад̇о барам̣ маран̣аа’’д̇и ваа, ‘‘на ход̇и д̇ат̇ааг̇ад̇о барам̣ маран̣аа’’д̇и ваа, ‘‘ход̇и жа на жа ход̇и д̇ат̇ааг̇ад̇о барам̣ маран̣аа’’д̇и ваа, ‘‘нзва ход̇и на на ход̇и д̇ат̇ааг̇ад̇о барам̣ маран̣аа’’д̇и ваа. ид̇и бхавад̣̇идтисанниссид̇аа ваа сад̇д̇аа хонд̇и вибхавад̣̇идтисанниссид̇аа ваа.
113. Katamaṃ tathāgatassa sattānaṃ āsayānusaye ñāṇaṃ? Idha tathāgato sattānaṃ āsayaṃ jānāti, anusayaṃ jānāti, caritaṃ jānāti , adhimuttiṃ jānāti, bhabbābhabbe satte pajānāti. Katamo 2 sattānaṃ āsayo? ‘‘Sassato loko’’ti vā, ‘‘asassato loko’’ti vā, ‘‘antavā loko’’ti vā, ‘‘anantavā loko’’ti vā, ‘‘taṃ jīvaṃ taṃ sarīra’’nti vā, ‘‘aññaṃ jīvaṃ aññaṃ sarīra’’nti vā, ‘‘hoti tathāgato paraṃ maraṇā’’ti vā, ‘‘na hoti tathāgato paraṃ maraṇā’’ti vā, ‘‘hoti ca na ca hoti tathāgato paraṃ maraṇā’’ti vā, ‘‘neva hoti na na hoti tathāgato paraṃ maraṇā’’ti vā. Iti bhavadiṭṭhisannissitā vā sattā honti vibhavadiṭṭhisannissitā vā.
зд̇з ваа бана убхо анд̇з анубаг̇амма ид̣̇аббажжаяад̇аабадижжасамуббаннзсу д̇хаммзсу ануломигаа канд̇и бадилад̣̇д̇хаа ход̇и, яат̇аабхууд̇ам̣ ваа н̃аан̣ам̣. гаамам̣ сзванд̇ан̃н̃зва ж̇аанаад̇и – ‘‘аяам̣ буг̇г̇ало гаамаг̇аруго гаамаасаяо гаамаад̇химуд̇д̇о’’д̇и. гаамам̣ сзванд̇ан̃н̃зва ж̇аанаад̇и – ‘‘аяам̣ буг̇г̇ало нзгкаммаг̇аруго нзгкаммаасаяо нзгкаммаад̇химуд̇д̇о’’д̇и. нзгкаммам̣ сзванд̇ан̃н̃зва ж̇аанаад̇и – ‘‘аяам̣ буг̇г̇ало (нзгкаммаг̇аруго нзгкаммаасаяо нзгкаммаад̇химуд̇д̇о’’д̇и. нзгкаммам̣ сзванд̇ан̃н̃зва ж̇аанаад̇и – ‘‘аяам̣ буг̇г̇ало гаамаг̇аруго гаамаасаяо гаамаад̇химуд̇д̇о’’д̇и. б̣яаабаад̣̇ам̣ сзванд̇ан̃н̃зва ж̇аанаад̇и) 3 – ‘‘аяам̣ буг̇г̇ало б̣яаабаад̣̇аг̇аруго б̣яаабаад̣̇аасаяо б̣яаабаад̣̇аад̇химуд̇д̇о’’д̇и. б̣яаабаад̣̇ам̣ сзванд̇ан̃н̃зва ж̇аанаад̇и – ‘‘аяам̣ буг̇г̇ало (аб̣яаабаад̣̇аг̇аруго аб̣яаабаад̣̇аасаяо аб̣яаабаад̣̇аад̇химуд̇д̇о’’д̇и. аб̣яаабаад̣̇ам̣ сзванд̇ан̃н̃зва ж̇аанаад̇и – ‘‘аяам̣ буг̇г̇ало аб̣яаабаад̣̇аг̇аруго аб̣яаабаад̣̇аасаяо аб̣яаабаад̣̇аад̇химуд̇д̇о’’д̇и. аб̣яаабаад̣̇ам̣ сзванд̇ан̃н̃зва ж̇аанаад̇и – ‘‘аяам̣ буг̇г̇ало б̣яаабаад̣̇аг̇аруго б̣яаабаад̣̇аасаяо б̣яаабаад̣̇аад̇химуд̇д̇о’’д̇и. т̇инамид̣̇д̇хам̣ сзванд̇ан̃н̃зва ж̇аанаад̇и) – ‘‘аяам̣ буг̇г̇ало т̇инамид̣̇д̇хаг̇аруго т̇инамид̣̇д̇хаасаяо т̇инамид̣̇д̇хаад̇химуд̇д̇о’’д̇и. т̇инамид̣̇д̇хам̣ сзванд̇ан̃н̃зва ж̇аанаад̇и – ‘‘аяам̣ буг̇г̇ало аалогасан̃н̃ааг̇аруго аалогасан̃н̃аасаяо аалогасан̃н̃аад̇химуд̇д̇о’’д̇и. аалогасан̃н̃ам̣ сзванд̇ан̃н̃зва ж̇аанаад̇и – ‘‘аяам̣ буг̇г̇ало (аалогасан̃н̃ааг̇аруго аалогасан̃н̃аасаяо аалогасан̃н̃аад̇химуд̇д̇о’’д̇и. аалогасан̃н̃ам̣ сзванд̇ан̃н̃зва ж̇аанаад̇и – ‘‘аяам̣ буг̇г̇ало т̇инамид̣̇д̇хаг̇аруго т̇инамид̣̇д̇хаасаяо т̇инамид̣̇д̇хаад̇химуд̇д̇о’’д̇и.) аяам̣ сад̇д̇аанам̣ аасаяо.
Ete vā pana ubho ante anupagamma idappaccayatāpaṭiccasamuppannesu dhammesu anulomikā khanti paṭiladdhā hoti, yathābhūtaṃ vā ñāṇaṃ. Kāmaṃ sevantaññeva jānāti – ‘‘ayaṃ puggalo kāmagaruko kāmāsayo kāmādhimutto’’ti. Kāmaṃ sevantaññeva jānāti – ‘‘ayaṃ puggalo nekkhammagaruko nekkhammāsayo nekkhammādhimutto’’ti. Nekkhammaṃ sevantaññeva jānāti – ‘‘ayaṃ puggalo (nekkhammagaruko nekkhammāsayo nekkhammādhimutto’’ti. Nekkhammaṃ sevantaññeva jānāti – ‘‘ayaṃ puggalo kāmagaruko kāmāsayo kāmādhimutto’’ti. Byāpādaṃ sevantaññeva jānāti) 4 – ‘‘ayaṃ puggalo byāpādagaruko byāpādāsayo byāpādādhimutto’’ti. Byāpādaṃ sevantaññeva jānāti – ‘‘ayaṃ puggalo (abyāpādagaruko abyāpādāsayo abyāpādādhimutto’’ti. Abyāpādaṃ sevantaññeva jānāti – ‘‘ayaṃ puggalo abyāpādagaruko abyāpādāsayo abyāpādādhimutto’’ti. Abyāpādaṃ sevantaññeva jānāti – ‘‘ayaṃ puggalo byāpādagaruko byāpādāsayo byāpādādhimutto’’ti. Thinamiddhaṃ sevantaññeva jānāti) – ‘‘ayaṃ puggalo thinamiddhagaruko thinamiddhāsayo thinamiddhādhimutto’’ti. Thinamiddhaṃ sevantaññeva jānāti – ‘‘ayaṃ puggalo ālokasaññāgaruko ālokasaññāsayo ālokasaññādhimutto’’ti. Ālokasaññaṃ sevantaññeva jānāti – ‘‘ayaṃ puggalo (ālokasaññāgaruko ālokasaññāsayo ālokasaññādhimutto’’ti. Ālokasaññaṃ sevantaññeva jānāti – ‘‘ayaṃ puggalo thinamiddhagaruko thinamiddhāsayo thinamiddhādhimutto’’ti.) Ayaṃ sattānaṃ āsayo.
114. гад̇амо жа сад̇д̇аанам̣ анусаяо? сад̇д̇аанусаяаа – гаамарааг̇аанусаяо, бадигхаанусаяо, маанаанусаяо, д̣̇идтаанусаяо, вижигижчаанусаяо, бхаварааг̇аанусаяо , авиж̇ж̇аанусаяо. яам̣ логз бияаруубам̣ саад̇аруубам̣, зд̇т̇а сад̇д̇аанам̣ гаамарааг̇аанусаяо анусзд̇и. яам̣ логз аббияаруубам̣ асаад̇аруубам̣ , зд̇т̇а сад̇д̇аанам̣ бадигхаанусаяо анусзд̇и. ид̇и имзсу д̣̇вийсу д̇хаммзсу авиж̇ж̇аа анубад̇ид̇аа, д̇ад̣̇згадто маано жа д̣̇идти жа вижигижчаа жа д̣̇адтаб̣б̣аа. аяам̣ сад̇д̇аанам̣ анусаяо.
114. Katamo ca sattānaṃ anusayo? Sattānusayā – kāmarāgānusayo, paṭighānusayo, mānānusayo, diṭṭhānusayo, vicikicchānusayo, bhavarāgānusayo , avijjānusayo. Yaṃ loke piyarūpaṃ sātarūpaṃ, ettha sattānaṃ kāmarāgānusayo anuseti. Yaṃ loke appiyarūpaṃ asātarūpaṃ , ettha sattānaṃ paṭighānusayo anuseti. Iti imesu dvīsu dhammesu avijjā anupatitā, tadekaṭṭho māno ca diṭṭhi ca vicikicchā ca daṭṭhabbā. Ayaṃ sattānaṃ anusayo.
гад̇аман̃жа сад̇д̇аанам̣ жарид̇ам̣? бун̃н̃аабхисан̇кааро абун̃н̃аабхисан̇кааро аанзн̃ж̇аабхисан̇кааро барид̇д̇абхуумаго ваа махаабхуумаго ваа. ид̣̇ам̣ сад̇д̇аанам̣ жарид̇ам̣.
Katamañca sattānaṃ caritaṃ? Puññābhisaṅkhāro apuññābhisaṅkhāro āneñjābhisaṅkhāro parittabhūmako vā mahābhūmako vā. Idaṃ sattānaṃ caritaṃ.
115. гад̇амаа жа сад̇д̇аанам̣ ад̇химуд̇д̇и? санд̇и сад̇д̇аа хийнаад̇химуд̇д̇игаа, санд̇и сад̇д̇аа бан̣ийд̇аад̇химуд̇д̇игаа. хийнаад̇химуд̇д̇игаа сад̇д̇аа хийнаад̇химуд̇д̇игз сад̇д̇з сзванд̇и бхаж̇анд̇и баяирубаасанд̇и. бан̣ийд̇аад̇химуд̇д̇игаа сад̇д̇аа бан̣ийд̇аад̇химуд̇д̇игз сад̇д̇з сзванд̇и бхаж̇анд̇и баяирубаасанд̇и. ад̇ийд̇амби ад̣̇д̇хаанам̣ хийнаад̇химуд̇д̇игаа сад̇д̇аа хийнаад̇химуд̇д̇игз сад̇д̇з сзвим̣су бхаж̇им̣су баяирубаасим̣су; бан̣ийд̇аад̇химуд̇д̇игаа сад̇д̇аа бан̣ийд̇аад̇химуд̇д̇игз сад̇д̇з сзвим̣су бхаж̇им̣су баяирубаасим̣су. анааг̇ад̇амби ад̣̇д̇хаанам̣ хийнаад̇химуд̇д̇игаа сад̇д̇аа хийнаад̇химуд̇д̇игз сад̇д̇з сзвиссанд̇и бхаж̇иссанд̇и баяирубаасиссанд̇и; бан̣ийд̇аад̇химуд̇д̇игаа сад̇д̇аа бан̣ийд̇аад̇химуд̇д̇игз сад̇д̇з сзвиссанд̇и бхаж̇иссанд̇и баяирубаасиссанд̇и. аяам̣ сад̇д̇аанам̣ ад̇химуд̇д̇и.
115. Katamā ca sattānaṃ adhimutti? Santi sattā hīnādhimuttikā, santi sattā paṇītādhimuttikā. Hīnādhimuttikā sattā hīnādhimuttike satte sevanti bhajanti payirupāsanti. Paṇītādhimuttikā sattā paṇītādhimuttike satte sevanti bhajanti payirupāsanti. Atītampi addhānaṃ hīnādhimuttikā sattā hīnādhimuttike satte seviṃsu bhajiṃsu payirupāsiṃsu; paṇītādhimuttikā sattā paṇītādhimuttike satte seviṃsu bhajiṃsu payirupāsiṃsu. Anāgatampi addhānaṃ hīnādhimuttikā sattā hīnādhimuttike satte sevissanti bhajissanti payirupāsissanti; paṇītādhimuttikā sattā paṇītādhimuttike satte sevissanti bhajissanti payirupāsissanti. Ayaṃ sattānaṃ adhimutti.
гад̇амз сад̇д̇аа абхаб̣б̣аа? яз д̇з сад̇д̇аа гаммааваран̣зна саманнааг̇ад̇аа, гилзсааваран̣зна саманнааг̇ад̇аа, вибаагааваран̣зна саманнааг̇ад̇аа , ассад̣̇д̇хаа ажчанд̣̇игаа д̣̇уббан̃н̃аа, абхаб̣б̣аа нияаамам̣ оггамид̇ум̣ гусалзсу д̇хаммзсу саммад̇д̇ам̣ – имз д̇з сад̇д̇аа абхаб̣б̣аа.
Katame sattā abhabbā? Ye te sattā kammāvaraṇena samannāgatā, kilesāvaraṇena samannāgatā, vipākāvaraṇena samannāgatā , assaddhā acchandikā duppaññā, abhabbā niyāmaṃ okkamituṃ kusalesu dhammesu sammattaṃ – ime te sattā abhabbā.
гад̇амз сад̇д̇аа бхаб̣б̣аа? яз д̇з сад̇д̇аа на гаммааваран̣зна саманнааг̇ад̇аа, на гилзсааваран̣зна саманнааг̇ад̇аа, на вибаагааваран̣зна саманнааг̇ад̇аа, сад̣̇д̇хаа чанд̣̇игаа бан̃н̃аванд̇о, бхаб̣б̣аа нияаамам̣ оггамид̇ум̣ гусалзсу д̇хаммзсу саммад̇д̇ам̣ – имз д̇з сад̇д̇аа бхаб̣б̣аа. ид̣̇ам̣ д̇ат̇ааг̇ад̇асса сад̇д̇аанам̣ аасаяаанусаяз н̃аан̣ам̣.
Katame sattā bhabbā? Ye te sattā na kammāvaraṇena samannāgatā, na kilesāvaraṇena samannāgatā, na vipākāvaraṇena samannāgatā, saddhā chandikā paññavanto, bhabbā niyāmaṃ okkamituṃ kusalesu dhammesu sammattaṃ – ime te sattā bhabbā. Idaṃ tathāgatassa sattānaṃ āsayānusaye ñāṇaṃ.
аасаяаанусаяан̃аан̣анид̣̇д̣̇зсо навасадтимо.
Āsayānusayañāṇaniddeso navasaṭṭhimo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 69. аасаяаанусаяан̃аан̣анид̣̇д̣̇зсаван̣н̣анаа • 69. Āsayānusayañāṇaniddesavaṇṇanā
