| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
2. அஸேக²ஞாணகதா²வண்ணனா
2. Asekhañāṇakathāvaṇṇanā
421. இதா³னி அஸேக²கதா² நாம ஹோதி. தத்த² யஸ்மா ஆனந்த³த்தே²ராத³யோ ஸேகா² ‘‘உளாரோ ப⁴க³வா’’திஆதி³னா நயேன அஸேகே² ஜானந்தி, தஸ்மா ‘‘ஸேக²ஸ்ஸ அஸேக²ஞாணங் அத்தீ²’’தி யேஸங் லத்³தி⁴, ஸெய்யதா²பி உத்தராபத²கானங்; தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. ஜானாதி பஸ்ஸதீதி இத³ங் அத்தனா அதி⁴க³தஸ்ஸ ஜானநவஸேன வுத்தங். கொ³த்ரபு⁴னோதிஆதி³ ஹெட்டி²மாய பூ⁴மியங் டி²தஸ்ஸ உபரூபரிஞாணஸ்ஸ அபா⁴வத³ஸ்ஸனத்த²ங் வுத்தங். நனு ஆயஸ்மா ஆனந்தோ³ ஸேகோ² ‘‘உளாரோ ப⁴க³வா’’தி ஜானாதீதி பரவாதீ³ அஸேகே² ப⁴க³வதி பவத்தத்தா தங் அஸேக²ஞாணந்தி இச்ச²தி, ந பனேதங் அஸேக²ங். தஸ்மா ஏவங் பதிட்டா²பிதாபி லத்³தி⁴ அப்பதிட்டா²பிதாவ ஹோதீதி.
421. Idāni asekhakathā nāma hoti. Tattha yasmā ānandattherādayo sekhā ‘‘uḷāro bhagavā’’tiādinā nayena asekhe jānanti, tasmā ‘‘sekhassa asekhañāṇaṃ atthī’’ti yesaṃ laddhi, seyyathāpi uttarāpathakānaṃ; te sandhāya pucchā sakavādissa, paṭiññā itarassa. Jānāti passatīti idaṃ attanā adhigatassa jānanavasena vuttaṃ. Gotrabhunotiādi heṭṭhimāya bhūmiyaṃ ṭhitassa uparūpariñāṇassa abhāvadassanatthaṃ vuttaṃ. Nanu āyasmā ānando sekho ‘‘uḷāro bhagavā’’ti jānātīti paravādī asekhe bhagavati pavattattā taṃ asekhañāṇanti icchati, na panetaṃ asekhaṃ. Tasmā evaṃ patiṭṭhāpitāpi laddhi appatiṭṭhāpitāva hotīti.
அஸேக²ஞாணகதா²வண்ணனா.
Asekhañāṇakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (44) 2. அஸேக²ஞாணகதா² • (44) 2. Asekhañāṇakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 2. அஸேக²ஞாணகதா²வண்ணனா • 2. Asekhañāṇakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 2. அஸேக²ஞாணகதா²வண்ணனா • 2. Asekhañāṇakathāvaṇṇanā
