| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
২. অসেখঞাণকথাৰণ্ণনা
2. Asekhañāṇakathāvaṇṇanā
৪২১. ইদানি অসেখকথা নাম হোতি। তত্থ যস্মা আনন্দত্থেরাদযো সেখা ‘‘উল়ারো ভগৰা’’তিআদিনা নযেন অসেখে জানন্তি, তস্মা ‘‘সেখস্স অসেখঞাণং অত্থী’’তি যেসং লদ্ধি, সেয্যথাপি উত্তরাপথকানং; তে সন্ধায পুচ্ছা সকৰাদিস্স, পটিঞ্ঞা ইতরস্স। জানাতি পস্সতীতি ইদং অত্তনা অধিগতস্স জাননৰসেন ৰুত্তং। গোত্রভুনোতিআদি হেট্ঠিমায ভূমিযং ঠিতস্স উপরূপরিঞাণস্স অভাৰদস্সনত্থং ৰুত্তং। ননু আযস্মা আনন্দো সেখো ‘‘উল়ারো ভগৰা’’তি জানাতীতি পরৰাদী অসেখে ভগৰতি পৰত্তত্তা তং অসেখঞাণন্তি ইচ্ছতি, ন পনেতং অসেখং। তস্মা এৰং পতিট্ঠাপিতাপি লদ্ধি অপ্পতিট্ঠাপিতাৰ হোতীতি।
421. Idāni asekhakathā nāma hoti. Tattha yasmā ānandattherādayo sekhā ‘‘uḷāro bhagavā’’tiādinā nayena asekhe jānanti, tasmā ‘‘sekhassa asekhañāṇaṃ atthī’’ti yesaṃ laddhi, seyyathāpi uttarāpathakānaṃ; te sandhāya pucchā sakavādissa, paṭiññā itarassa. Jānāti passatīti idaṃ attanā adhigatassa jānanavasena vuttaṃ. Gotrabhunotiādi heṭṭhimāya bhūmiyaṃ ṭhitassa uparūpariñāṇassa abhāvadassanatthaṃ vuttaṃ. Nanu āyasmā ānando sekho ‘‘uḷāro bhagavā’’ti jānātīti paravādī asekhe bhagavati pavattattā taṃ asekhañāṇanti icchati, na panetaṃ asekhaṃ. Tasmā evaṃ patiṭṭhāpitāpi laddhi appatiṭṭhāpitāva hotīti.
অসেখঞাণকথাৰণ্ণনা।
Asekhañāṇakathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (৪৪) ২. অসেখঞাণকথা • (44) 2. Asekhañāṇakathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ২. অসেখঞাণকথাৰণ্ণনা • 2. Asekhañāṇakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ২. অসেখঞাণকথাৰণ্ণনা • 2. Asekhañāṇakathāvaṇṇanā
