| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၂. အသေခဉာဏကထာဝဏ္ဏနာ
2. Asekhañāṇakathāvaṇṇanā
၄၂၁. ဣဒာနိ အသေခကထာ နာမ ဟောတိ။ တတ္ထ ယသ္မာ အာနန္ဒတ္ထေရာဒယော သေခာ ‘‘ဥဠာရော ဘဂဝာ’’တိအာဒိနာ နယေန အသေခေ ဇာနန္တိ, တသ္မာ ‘‘သေခသ္သ အသေခဉာဏံ အတ္ထီ’’တိ ယေသံ လဒ္ဓိ, သေယ္ယထာပိ ဥတ္တရာပထကာနံ; တေ သန္ဓာယ ပုစ္ဆာ သကဝာဒိသ္သ, ပဋိညာ ဣတရသ္သ။ ဇာနာတိ ပသ္သတီတိ ဣဒံ အတ္တနာ အဓိဂတသ္သ ဇာနနဝသေန ဝုတ္တံ။ ဂောတ္ရဘုနောတိအာဒိ ဟေဋ္ဌိမာယ ဘူမိယံ ဌိတသ္သ ဥပရူပရိဉာဏသ္သ အဘာဝဒသ္သနတ္ထံ ဝုတ္တံ။ နနု အာယသ္မာ အာနန္ဒော သေခော ‘‘ဥဠာရော ဘဂဝာ’’တိ ဇာနာတီတိ ပရဝာဒီ အသေခေ ဘဂဝတိ ပဝတ္တတ္တာ တံ အသေခဉာဏန္တိ ဣစ္ဆတိ, န ပနေတံ အသေခံ။ တသ္မာ ဧဝံ ပတိဋ္ဌာပိတာပိ လဒ္ဓိ အပ္ပတိဋ္ဌာပိတာဝ ဟောတီတိ။
421. Idāni asekhakathā nāma hoti. Tattha yasmā ānandattherādayo sekhā ‘‘uḷāro bhagavā’’tiādinā nayena asekhe jānanti, tasmā ‘‘sekhassa asekhañāṇaṃ atthī’’ti yesaṃ laddhi, seyyathāpi uttarāpathakānaṃ; te sandhāya pucchā sakavādissa, paṭiññā itarassa. Jānāti passatīti idaṃ attanā adhigatassa jānanavasena vuttaṃ. Gotrabhunotiādi heṭṭhimāya bhūmiyaṃ ṭhitassa uparūpariñāṇassa abhāvadassanatthaṃ vuttaṃ. Nanu āyasmā ānando sekho ‘‘uḷāro bhagavā’’ti jānātīti paravādī asekhe bhagavati pavattattā taṃ asekhañāṇanti icchati, na panetaṃ asekhaṃ. Tasmā evaṃ patiṭṭhāpitāpi laddhi appatiṭṭhāpitāva hotīti.
အသေခဉာဏကထာဝဏ္ဏနာ။
Asekhañāṇakathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၄၄) ၂. အသေခဉာဏကထာ • (44) 2. Asekhañāṇakathā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၂. အသေခဉာဏကထာဝဏ္ဏနာ • 2. Asekhañāṇakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၂. အသေခဉာဏကထာဝဏ္ဏနာ • 2. Asekhañāṇakathāvaṇṇanā
