| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
2. අසෙඛඤාණකථාවණ්‌ණනා
2. Asekhañāṇakathāvaṇṇanā
421. ඉදානි අසෙඛකථා නාම හොති. තත්‌ථ යස්‌මා ආනන්‌දත්‌ථෙරාදයො සෙඛා ‘‘උළාරො භගවා’’තිආදිනා නයෙන අසෙඛෙ ජානන්‌ති, තස්‌මා ‘‘සෙඛස්‌ස අසෙඛඤාණං අත්‌ථී’’ති යෙසං ලද්‌ධි, සෙය්‍යථාපි උත්‌තරාපථකානං; තෙ සන්‌ධාය පුච්‌ඡා සකවාදිස්‌ස, පටිඤ්‌ඤා ඉතරස්‌ස. ජානාති පස්‌සතීති ඉදං අත්‌තනා අධිගතස්‌ස ජානනවසෙන වුත්‌තං. ගොත්‍රභුනොතිආදි හෙට්‌ඨිමාය භූමියං ඨිතස්‌ස උපරූපරිඤාණස්‌ස අභාවදස්‌සනත්‌ථං වුත්‌තං. නනු ආයස්‌මා ආනන්‌දො සෙඛො ‘‘උළාරො භගවා’’ති ජානාතීති පරවාදී අසෙඛෙ භගවති පවත්‌තත්‌තා තං අසෙඛඤාණන්‌ති ඉච්‌ඡති, න පනෙතං අසෙඛං. තස්‌මා එවං පතිට්‌ඨාපිතාපි ලද්‌ධි අප්‌පතිට්‌ඨාපිතාව හොතීති.
421. Idāni asekhakathā nāma hoti. Tattha yasmā ānandattherādayo sekhā ‘‘uḷāro bhagavā’’tiādinā nayena asekhe jānanti, tasmā ‘‘sekhassa asekhañāṇaṃ atthī’’ti yesaṃ laddhi, seyyathāpi uttarāpathakānaṃ; te sandhāya pucchā sakavādissa, paṭiññā itarassa. Jānāti passatīti idaṃ attanā adhigatassa jānanavasena vuttaṃ. Gotrabhunotiādi heṭṭhimāya bhūmiyaṃ ṭhitassa uparūpariñāṇassa abhāvadassanatthaṃ vuttaṃ. Nanu āyasmā ānando sekho ‘‘uḷāro bhagavā’’ti jānātīti paravādī asekhe bhagavati pavattattā taṃ asekhañāṇanti icchati, na panetaṃ asekhaṃ. Tasmā evaṃ patiṭṭhāpitāpi laddhi appatiṭṭhāpitāva hotīti.
අසෙඛඤාණකථාවණ්‌ණනා.
Asekhañāṇakathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (44) 2. අසෙඛඤාණකථා • (44) 2. Asekhañāṇakathā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 2. අසෙඛඤාණකථාවණ්‌ණනා • 2. Asekhañāṇakathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 2. අසෙඛඤාණකථාවණ්‌ණනා • 2. Asekhañāṇakathāvaṇṇanā
