| Library / Tipiṭaka / திபிடக • Tipiṭaka / கதா²வத்து²பாளி • Kathāvatthupāḷi |
22. பா³வீஸதிமவக்³கோ³
22. Bāvīsatimavaggo
(216) 9. ஆஸேவனபச்சயகதா²
(216) 9. Āsevanapaccayakathā
903. நத்தி² காசி ஆஸேவனபச்சயதாதி? ஆமந்தா. நனு வுத்தங் ப⁴க³வதா – ‘‘பாணாதிபாதோ, பி⁴க்க²வே, ஆஸேவிதோ பா⁴விதோ ப³ஹுலீகதோ நிரயஸங்வத்தனிகோ திரச்சா²னயோனிஸங்வத்தனிகோ பெத்திவிஸயஸங்வத்தனிகோ, யோ ஸப்³ப³லஹுஸோ பாணாதிபாதஸ்ஸ விபாகோ மனுஸ்ஸபூ⁴தஸ்ஸ அப்பாயுகஸங்வத்தனிகோ ஹோதீ’’தி 1. அத்தே²வ ஸுத்தந்தோதி? ஆமந்தா. தேன ஹி அத்தி² காசி ஆஸேவனபச்சயதாதி.
903. Natthi kāci āsevanapaccayatāti? Āmantā. Nanu vuttaṃ bhagavatā – ‘‘pāṇātipāto, bhikkhave, āsevito bhāvito bahulīkato nirayasaṃvattaniko tiracchānayonisaṃvattaniko pettivisayasaṃvattaniko, yo sabbalahuso pāṇātipātassa vipāko manussabhūtassa appāyukasaṃvattaniko hotī’’ti 2. Attheva suttantoti? Āmantā. Tena hi atthi kāci āsevanapaccayatāti.
நத்தி² காசி ஆஸேவனபச்சயதாதி? ஆமந்தா. நனு வுத்தங் ப⁴க³வதா – ‘‘அதி³ன்னாதா³னங், பி⁴க்க²வே, ஆஸேவிதங் பா⁴விதங் ப³ஹுலீகதங் நிரயஸங்வத்தனிகங் திரச்சா²னயோனிஸங்வத்தனிகங் பெத்திவிஸயஸங்வத்தனிகங், யோ ஸப்³ப³லஹுஸோ அதி³ன்னாதா³னஸ்ஸ விபாகோ மனுஸ்ஸபூ⁴தஸ்ஸ போ⁴க³ப்³யஸனஸங்வத்தனிகோ ஹோதி…பே॰… யோ ஸப்³ப³லஹுஸோ காமேஸுமிச்சா²சாரஸ்ஸ விபாகோ மனுஸ்ஸபூ⁴தஸ்ஸ ஸபத்தவேரஸங்வத்தனிகோ ஹோதி…பே॰… யோ ஸப்³ப³லஹுஸோ முஸாவாத³ஸ்ஸ விபாகோ மனுஸ்ஸபூ⁴தஸ்ஸ அப்³பூ⁴தப்³ப⁴க்கா²னஸங்வத்தனிகோ ஹோதி…பே॰… யோ ஸப்³ப³லஹுஸோ பிஸுணாய வாசாய விபாகோ மனுஸ்ஸபூ⁴தஸ்ஸ மித்தேஹி பே⁴த³னஸங்வத்தனிகோ ஹோதி…பே॰… யோ ஸப்³ப³லஹுஸோ ப²ருஸாய வாசாய விபாகோ மனுஸ்ஸபூ⁴தஸ்ஸ அமனாபஸத்³த³ஸங்வத்தனிகோ ஹோதி…பே॰… யோ ஸப்³ப³லஹுஸோ ஸம்ப²ப்பலாபஸ்ஸ விபாகோ மனுஸ்ஸபூ⁴தஸ்ஸ அனாதெ³ய்யவாசாஸங்வத்தனிகோ ஹோதி, ஸுராமேரயபானங், பி⁴க்க²வே, ஆஸேவிதங்…பே॰… யோ ஸப்³ப³லஹுஸோ ஸுராமேரயபானஸ்ஸ விபாகோ மனுஸ்ஸபூ⁴தஸ்ஸ உம்மத்தகஸங்வத்தனிகோ ஹோதீ’’தி 3! அத்தே²வ ஸுத்தந்தோதி? ஆமந்தா. தேன ஹி அத்தி² காசி ஆஸேவனபச்சயதாதி.
Natthi kāci āsevanapaccayatāti? Āmantā. Nanu vuttaṃ bhagavatā – ‘‘adinnādānaṃ, bhikkhave, āsevitaṃ bhāvitaṃ bahulīkataṃ nirayasaṃvattanikaṃ tiracchānayonisaṃvattanikaṃ pettivisayasaṃvattanikaṃ, yo sabbalahuso adinnādānassa vipāko manussabhūtassa bhogabyasanasaṃvattaniko hoti…pe… yo sabbalahuso kāmesumicchācārassa vipāko manussabhūtassa sapattaverasaṃvattaniko hoti…pe… yo sabbalahuso musāvādassa vipāko manussabhūtassa abbhūtabbhakkhānasaṃvattaniko hoti…pe… yo sabbalahuso pisuṇāya vācāya vipāko manussabhūtassa mittehi bhedanasaṃvattaniko hoti…pe… yo sabbalahuso pharusāya vācāya vipāko manussabhūtassa amanāpasaddasaṃvattaniko hoti…pe… yo sabbalahuso samphappalāpassa vipāko manussabhūtassa anādeyyavācāsaṃvattaniko hoti, surāmerayapānaṃ, bhikkhave, āsevitaṃ…pe… yo sabbalahuso surāmerayapānassa vipāko manussabhūtassa ummattakasaṃvattaniko hotī’’ti 4! Attheva suttantoti? Āmantā. Tena hi atthi kāci āsevanapaccayatāti.
904. நத்தி² காசி ஆஸேவனபச்சயதாதி? ஆமந்தா. நனு வுத்தங் ப⁴க³வதா – ‘‘மிச்சா²தி³ட்டி², பி⁴க்க²வே, ஆஸேவிதா பா⁴விதா ப³ஹுலீகதா நிரயஸங்வத்தனிகா திரச்சா²னயோனிஸங்வத்தனிகா பெத்திவிஸயஸங்வத்தனிகா’’தி. அத்தே²வ ஸுத்தந்தோதி? ஆமந்தா. தேன ஹி அத்தி² காசி ஆஸேவனபச்சயதாதி.
904. Natthi kāci āsevanapaccayatāti? Āmantā. Nanu vuttaṃ bhagavatā – ‘‘micchādiṭṭhi, bhikkhave, āsevitā bhāvitā bahulīkatā nirayasaṃvattanikā tiracchānayonisaṃvattanikā pettivisayasaṃvattanikā’’ti. Attheva suttantoti? Āmantā. Tena hi atthi kāci āsevanapaccayatāti.
நத்தி² காசி ஆஸேவனபச்சயதாதி? ஆமந்தா. நனு வுத்தங் ப⁴க³வதா – ‘‘மிச்சா²ஸங்கப்போ…பே॰… மிச்சா²ஸமாதி⁴, பி⁴க்க²வே, ஆஸேவிதோ பா⁴விதோ…பே॰… பெத்திவிஸயஸங்வத்தனிகோ’’தி! அத்தே²வ ஸுத்தந்தோதி ? ஆமந்தா. தேன ஹி அத்தி² காசி ஆஸேவனபச்சயதாதி.
Natthi kāci āsevanapaccayatāti? Āmantā. Nanu vuttaṃ bhagavatā – ‘‘micchāsaṅkappo…pe… micchāsamādhi, bhikkhave, āsevito bhāvito…pe… pettivisayasaṃvattaniko’’ti! Attheva suttantoti ? Āmantā. Tena hi atthi kāci āsevanapaccayatāti.
905. நத்தி² காசி ஆஸேவனபச்சயதாதி? ஆமந்தா. நனு வுத்தங் ப⁴க³வதா – ‘‘ஸம்மாதி³ட்டி², பி⁴க்க²வே, ஆஸேவிதா பா⁴விதா ப³ஹுலீகதா அமதோக³தா⁴ ஹோதி அமதபராயனா அமதபரியோஸானா’’தி! அத்தே²வ ஸுத்தந்தோதி? ஆமந்தா. தேன ஹி அத்தி² காசி ஆஸேவனபச்சயதாதி.
905. Natthi kāci āsevanapaccayatāti? Āmantā. Nanu vuttaṃ bhagavatā – ‘‘sammādiṭṭhi, bhikkhave, āsevitā bhāvitā bahulīkatā amatogadhā hoti amataparāyanā amatapariyosānā’’ti! Attheva suttantoti? Āmantā. Tena hi atthi kāci āsevanapaccayatāti.
நத்தி² காசி ஆஸேவனபச்சயதாதி? ஆமந்தா. நனு வுத்தங் ப⁴க³வதா – ‘‘ஸம்மாஸங்கப்போ, பி⁴க்க²வே, ஆஸேவிதோ பா⁴விதோ ப³ஹுலீகதோ…பே॰… ஸம்மாஸமாதி⁴, பி⁴க்க²வே, ஆஸேவிதோ பா⁴விதோ ப³ஹுலீகதோ அமதோக³தோ⁴ ஹோதி அமதபராயனோ அமதபரியோஸானோ’’தி அத்தே²வ ஸுத்தந்தோதி, ஆமந்தா. தேன ஹி அத்தி² காசி ஆஸேவனபச்சயதாதி.
Natthi kāci āsevanapaccayatāti? Āmantā. Nanu vuttaṃ bhagavatā – ‘‘sammāsaṅkappo, bhikkhave, āsevito bhāvito bahulīkato…pe… sammāsamādhi, bhikkhave, āsevito bhāvito bahulīkato amatogadho hoti amataparāyano amatapariyosāno’’ti attheva suttantoti, āmantā. Tena hi atthi kāci āsevanapaccayatāti.
ஆஸேவனபச்சயகதா² நிட்டி²தா.
Āsevanapaccayakathā niṭṭhitā.
Footnotes:
Related texts:
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 9. ஆஸேவனபச்சயகதா²வண்ணனா • 9. Āsevanapaccayakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 9. ஆஸேவனபச்சயகதா²வண்ணனா • 9. Āsevanapaccayakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 9. ஆஸேவனபச்சயகதா²வண்ணனா • 9. Āsevanapaccayakathāvaṇṇanā
