| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๒๒. พาวีสติมวโคฺค
22. Bāvīsatimavaggo
(๒๑๖) ๙. อาเสวนปจฺจยกถา
(216) 9. Āsevanapaccayakathā
๙๐๓. นตฺถิ กาจิ อาเสวนปจฺจยตาติ? อามนฺตาฯ นนุ วุตฺตํ ภควตา – ‘‘ปาณาติปาโต, ภิกฺขเว, อาเสวิโต ภาวิโต พหุลีกโต นิรยสํวตฺตนิโก ติรจฺฉานโยนิสํวตฺตนิโก เปตฺติวิสยสํวตฺตนิโก, โย สพฺพลหุโส ปาณาติปาตสฺส วิปาโก มนุสฺสภูตสฺส อปฺปายุกสํวตฺตนิโก โหตี’’ติ 1ฯ อเตฺถว สุตฺตโนฺตติ? อามนฺตาฯ เตน หิ อตฺถิ กาจิ อาเสวนปจฺจยตาติฯ
903. Natthi kāci āsevanapaccayatāti? Āmantā. Nanu vuttaṃ bhagavatā – ‘‘pāṇātipāto, bhikkhave, āsevito bhāvito bahulīkato nirayasaṃvattaniko tiracchānayonisaṃvattaniko pettivisayasaṃvattaniko, yo sabbalahuso pāṇātipātassa vipāko manussabhūtassa appāyukasaṃvattaniko hotī’’ti 2. Attheva suttantoti? Āmantā. Tena hi atthi kāci āsevanapaccayatāti.
นตฺถิ กาจิ อาเสวนปจฺจยตาติ? อามนฺตาฯ นนุ วุตฺตํ ภควตา – ‘‘อทินฺนาทานํ, ภิกฺขเว, อาเสวิตํ ภาวิตํ พหุลีกตํ นิรยสํวตฺตนิกํ ติรจฺฉานโยนิสํวตฺตนิกํ เปตฺติวิสยสํวตฺตนิกํ, โย สพฺพลหุโส อทินฺนาทานสฺส วิปาโก มนุสฺสภูตสฺส โภคพฺยสนสํวตฺตนิโก โหติ…เป.… โย สพฺพลหุโส กาเมสุมิจฺฉาจารสฺส วิปาโก มนุสฺสภูตสฺส สปตฺตเวรสํวตฺตนิโก โหติ…เป.… โย สพฺพลหุโส มุสาวาทสฺส วิปาโก มนุสฺสภูตสฺส อพฺภูตพฺภกฺขานสํวตฺตนิโก โหติ…เป.… โย สพฺพลหุโส ปิสุณาย วาจาย วิปาโก มนุสฺสภูตสฺส มิเตฺตหิ เภทนสํวตฺตนิโก โหติ…เป.… โย สพฺพลหุโส ผรุสาย วาจาย วิปาโก มนุสฺสภูตสฺส อมนาปสทฺทสํวตฺตนิโก โหติ…เป.… โย สพฺพลหุโส สมฺผปฺปลาปสฺส วิปาโก มนุสฺสภูตสฺส อนาเทยฺยวาจาสํวตฺตนิโก โหติ, สุราเมรยปานํ, ภิกฺขเว, อาเสวิตํ…เป.… โย สพฺพลหุโส สุราเมรยปานสฺส วิปาโก มนุสฺสภูตสฺส อุมฺมตฺตกสํวตฺตนิโก โหตี’’ติ 3! อเตฺถว สุตฺตโนฺตติ? อามนฺตาฯ เตน หิ อตฺถิ กาจิ อาเสวนปจฺจยตาติฯ
Natthi kāci āsevanapaccayatāti? Āmantā. Nanu vuttaṃ bhagavatā – ‘‘adinnādānaṃ, bhikkhave, āsevitaṃ bhāvitaṃ bahulīkataṃ nirayasaṃvattanikaṃ tiracchānayonisaṃvattanikaṃ pettivisayasaṃvattanikaṃ, yo sabbalahuso adinnādānassa vipāko manussabhūtassa bhogabyasanasaṃvattaniko hoti…pe… yo sabbalahuso kāmesumicchācārassa vipāko manussabhūtassa sapattaverasaṃvattaniko hoti…pe… yo sabbalahuso musāvādassa vipāko manussabhūtassa abbhūtabbhakkhānasaṃvattaniko hoti…pe… yo sabbalahuso pisuṇāya vācāya vipāko manussabhūtassa mittehi bhedanasaṃvattaniko hoti…pe… yo sabbalahuso pharusāya vācāya vipāko manussabhūtassa amanāpasaddasaṃvattaniko hoti…pe… yo sabbalahuso samphappalāpassa vipāko manussabhūtassa anādeyyavācāsaṃvattaniko hoti, surāmerayapānaṃ, bhikkhave, āsevitaṃ…pe… yo sabbalahuso surāmerayapānassa vipāko manussabhūtassa ummattakasaṃvattaniko hotī’’ti 4! Attheva suttantoti? Āmantā. Tena hi atthi kāci āsevanapaccayatāti.
๙๐๔. นตฺถิ กาจิ อาเสวนปจฺจยตาติ? อามนฺตาฯ นนุ วุตฺตํ ภควตา – ‘‘มิจฺฉาทิฎฺฐิ, ภิกฺขเว, อาเสวิตา ภาวิตา พหุลีกตา นิรยสํวตฺตนิกา ติรจฺฉานโยนิสํวตฺตนิกา เปตฺติวิสยสํวตฺตนิกา’’ติฯ อเตฺถว สุตฺตโนฺตติ? อามนฺตาฯ เตน หิ อตฺถิ กาจิ อาเสวนปจฺจยตาติฯ
904. Natthi kāci āsevanapaccayatāti? Āmantā. Nanu vuttaṃ bhagavatā – ‘‘micchādiṭṭhi, bhikkhave, āsevitā bhāvitā bahulīkatā nirayasaṃvattanikā tiracchānayonisaṃvattanikā pettivisayasaṃvattanikā’’ti. Attheva suttantoti? Āmantā. Tena hi atthi kāci āsevanapaccayatāti.
นตฺถิ กาจิ อาเสวนปจฺจยตาติ? อามนฺตาฯ นนุ วุตฺตํ ภควตา – ‘‘มิจฺฉาสงฺกโปฺป…เป.… มิจฺฉาสมาธิ, ภิกฺขเว, อาเสวิโต ภาวิโต…เป.… เปตฺติวิสยสํวตฺตนิโก’’ติ! อเตฺถว สุตฺตโนฺตติ ? อามนฺตาฯ เตน หิ อตฺถิ กาจิ อาเสวนปจฺจยตาติฯ
Natthi kāci āsevanapaccayatāti? Āmantā. Nanu vuttaṃ bhagavatā – ‘‘micchāsaṅkappo…pe… micchāsamādhi, bhikkhave, āsevito bhāvito…pe… pettivisayasaṃvattaniko’’ti! Attheva suttantoti ? Āmantā. Tena hi atthi kāci āsevanapaccayatāti.
๙๐๕. นตฺถิ กาจิ อาเสวนปจฺจยตาติ? อามนฺตาฯ นนุ วุตฺตํ ภควตา – ‘‘สมฺมาทิฎฺฐิ, ภิกฺขเว, อาเสวิตา ภาวิตา พหุลีกตา อมโตคธา โหติ อมตปรายนา อมตปริโยสานา’’ติ! อเตฺถว สุตฺตโนฺตติ? อามนฺตาฯ เตน หิ อตฺถิ กาจิ อาเสวนปจฺจยตาติฯ
905. Natthi kāci āsevanapaccayatāti? Āmantā. Nanu vuttaṃ bhagavatā – ‘‘sammādiṭṭhi, bhikkhave, āsevitā bhāvitā bahulīkatā amatogadhā hoti amataparāyanā amatapariyosānā’’ti! Attheva suttantoti? Āmantā. Tena hi atthi kāci āsevanapaccayatāti.
นตฺถิ กาจิ อาเสวนปจฺจยตาติ? อามนฺตาฯ นนุ วุตฺตํ ภควตา – ‘‘สมฺมาสงฺกโปฺป, ภิกฺขเว, อาเสวิโต ภาวิโต พหุลีกโต…เป.… สมฺมาสมาธิ, ภิกฺขเว, อาเสวิโต ภาวิโต พหุลีกโต อมโตคโธ โหติ อมตปรายโน อมตปริโยสาโน’’ติ อเตฺถว สุตฺตโนฺตติ, อามนฺตาฯ เตน หิ อตฺถิ กาจิ อาเสวนปจฺจยตาติฯ
Natthi kāci āsevanapaccayatāti? Āmantā. Nanu vuttaṃ bhagavatā – ‘‘sammāsaṅkappo, bhikkhave, āsevito bhāvito bahulīkato…pe… sammāsamādhi, bhikkhave, āsevito bhāvito bahulīkato amatogadho hoti amataparāyano amatapariyosāno’’ti attheva suttantoti, āmantā. Tena hi atthi kāci āsevanapaccayatāti.
อาเสวนปจฺจยกถา นิฎฺฐิตาฯ
Āsevanapaccayakathā niṭṭhitā.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๙. อาเสวนปจฺจยกถาวณฺณนา • 9. Āsevanapaccayakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๙. อาเสวนปจฺจยกถาวณฺณนา • 9. Āsevanapaccayakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๙. อาเสวนปจฺจยกถาวณฺณนา • 9. Āsevanapaccayakathāvaṇṇanā
