| Library / Tipiṭaka / திபிடக • Tipiṭaka / பஞ்சபகரண-அனுடீகா • Pañcapakaraṇa-anuṭīkā |
9. ஆஸேவனபச்சயகதா²வண்ணனா
9. Āsevanapaccayakathāvaṇṇanā
903-905. பீ³ஜங் சதுமது⁴ரபா⁴வங் ந க³ண்ஹாதீதி இத³ங் ஸகஸமயவஸேன வுத்தங், பரஸமயே பன ரூபத⁴ம்மாபி அரூபத⁴ம்மேஹி ஸமானக்க²ணா ஏவ இச்சி²தா. தேனேவாஹ ‘‘ஸப்³பே³ த⁴ம்மா க²ணிகா’’தி. க²ணிகத்தேபி வா அசேதனேஸுபி அனிந்த்³ரியப³த்³த⁴ரூபேஸு பா⁴வனாவிஸேஸோ லப்³ப⁴தி, கிமங்க³ங் பன ஸசேதனேஸூதி த³ஸ்ஸேதுங் ‘‘யதா² பீ³ஜங் சதுமது⁴ரபா⁴வங் ந க³ண்ஹாதீ’’தி நித³ஸ்ஸனந்தி த³ட்ட²ப்³ப³ங். ஆஸேவெந்தோ நாம கோசி த⁴ம்மோ நத்தி² இத்தரதாய அனவட்டா²னதோதி அதி⁴ப்பாயோ. இத்தரக²ணதாய ஏவ பன ஆஸேவனங் லப்³ப⁴தி. குஸலாதி³பா⁴வேன ஹி அத்தஸதி³ஸஸ்ஸ பயோகே³ன கரணீயஸ்ஸ புனப்புனங் கரணப்பவத்தனங் அத்தஸதி³ஸதாபாத³னங் வாஸனங் வா ஆஸேவனங் புரே பரிசிதக³ந்தோ² விய பச்சி²மஸ்ஸாதி.
903-905. Bījaṃ catumadhurabhāvaṃ na gaṇhātīti idaṃ sakasamayavasena vuttaṃ, parasamaye pana rūpadhammāpi arūpadhammehi samānakkhaṇā eva icchitā. Tenevāha ‘‘sabbe dhammā khaṇikā’’ti. Khaṇikattepi vā acetanesupi anindriyabaddharūpesu bhāvanāviseso labbhati, kimaṅgaṃ pana sacetanesūti dassetuṃ ‘‘yathā bījaṃ catumadhurabhāvaṃ na gaṇhātī’’ti nidassananti daṭṭhabbaṃ. Āsevento nāma koci dhammo natthi ittaratāya anavaṭṭhānatoti adhippāyo. Ittarakhaṇatāya eva pana āsevanaṃ labbhati. Kusalādibhāvena hi attasadisassa payogena karaṇīyassa punappunaṃ karaṇappavattanaṃ attasadisatāpādanaṃ vāsanaṃ vā āsevanaṃ pure paricitagantho viya pacchimassāti.
ஆஸேவனபச்சயகதா²வண்ணனா நிட்டி²தா.
Āsevanapaccayakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (216) 9. ஆஸேவனபச்சயகதா² • (216) 9. Āsevanapaccayakathā
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 9. ஆஸேவனபச்சயகதா²வண்ணனா • 9. Āsevanapaccayakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 9. ஆஸேவனபச்சயகதா²வண்ணனா • 9. Āsevanapaccayakathāvaṇṇanā
