| Library / Tipiṭaka / তিপিটক • Tipiṭaka / পঞ্চপকরণ-অনুটীকা • Pañcapakaraṇa-anuṭīkā |
৯. আসেৰনপচ্চযকথাৰণ্ণনা
9. Āsevanapaccayakathāvaṇṇanā
৯০৩-৯০৫. বীজং চতুমধুরভাৰং ন গণ্হাতীতি ইদং সকসমযৰসেন ৰুত্তং, পরসমযে পন রূপধম্মাপি অরূপধম্মেহি সমানক্খণা এৰ ইচ্ছিতা। তেনেৰাহ ‘‘সব্বে ধম্মা খণিকা’’তি। খণিকত্তেপি ৰা অচেতনেসুপি অনিন্দ্রিযবদ্ধরূপেসু ভাৰনাৰিসেসো লব্ভতি, কিমঙ্গং পন সচেতনেসূতি দস্সেতুং ‘‘যথা বীজং চতুমধুরভাৰং ন গণ্হাতী’’তি নিদস্সনন্তি দট্ঠব্বং। আসেৰেন্তো নাম কোচি ধম্মো নত্থি ইত্তরতায অনৰট্ঠানতোতি অধিপ্পাযো। ইত্তরখণতায এৰ পন আসেৰনং লব্ভতি। কুসলাদিভাৰেন হি অত্তসদিসস্স পযোগেন করণীযস্স পুনপ্পুনং করণপ্পৰত্তনং অত্তসদিসতাপাদনং ৰাসনং ৰা আসেৰনং পুরে পরিচিতগন্থো ৰিয পচ্ছিমস্সাতি।
903-905. Bījaṃ catumadhurabhāvaṃ na gaṇhātīti idaṃ sakasamayavasena vuttaṃ, parasamaye pana rūpadhammāpi arūpadhammehi samānakkhaṇā eva icchitā. Tenevāha ‘‘sabbe dhammā khaṇikā’’ti. Khaṇikattepi vā acetanesupi anindriyabaddharūpesu bhāvanāviseso labbhati, kimaṅgaṃ pana sacetanesūti dassetuṃ ‘‘yathā bījaṃ catumadhurabhāvaṃ na gaṇhātī’’ti nidassananti daṭṭhabbaṃ. Āsevento nāma koci dhammo natthi ittaratāya anavaṭṭhānatoti adhippāyo. Ittarakhaṇatāya eva pana āsevanaṃ labbhati. Kusalādibhāvena hi attasadisassa payogena karaṇīyassa punappunaṃ karaṇappavattanaṃ attasadisatāpādanaṃ vāsanaṃ vā āsevanaṃ pure paricitagantho viya pacchimassāti.
আসেৰনপচ্চযকথাৰণ্ণনা নিট্ঠিতা।
Āsevanapaccayakathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (২১৬) ৯. আসেৰনপচ্চযকথা • (216) 9. Āsevanapaccayakathā
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৯. আসেৰনপচ্চযকথাৰণ্ণনা • 9. Āsevanapaccayakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৯. আসেৰনপচ্চযকথাৰণ্ণনা • 9. Āsevanapaccayakathāvaṇṇanā
