| Library / Tipiṭaka / तिपिटक • Tipiṭaka / पञ्चपकरण-अनुटीका • Pañcapakaraṇa-anuṭīkā |
९. आसेवनपच्चयकथावण्णना
9. Āsevanapaccayakathāvaṇṇanā
९०३-९०५. बीजं चतुमधुरभावं न गण्हातीति इदं सकसमयवसेन वुत्तं, परसमये पन रूपधम्मापि अरूपधम्मेहि समानक्खणा एव इच्छिता। तेनेवाह ‘‘सब्बे धम्मा खणिका’’ति। खणिकत्तेपि वा अचेतनेसुपि अनिन्द्रियबद्धरूपेसु भावनाविसेसो लब्भति, किमङ्गं पन सचेतनेसूति दस्सेतुं ‘‘यथा बीजं चतुमधुरभावं न गण्हाती’’ति निदस्सनन्ति दट्ठब्बं। आसेवेन्तो नाम कोचि धम्मो नत्थि इत्तरताय अनवट्ठानतोति अधिप्पायो। इत्तरखणताय एव पन आसेवनं लब्भति। कुसलादिभावेन हि अत्तसदिसस्स पयोगेन करणीयस्स पुनप्पुनं करणप्पवत्तनं अत्तसदिसतापादनं वासनं वा आसेवनं पुरे परिचितगन्थो विय पच्छिमस्साति।
903-905. Bījaṃ catumadhurabhāvaṃ na gaṇhātīti idaṃ sakasamayavasena vuttaṃ, parasamaye pana rūpadhammāpi arūpadhammehi samānakkhaṇā eva icchitā. Tenevāha ‘‘sabbe dhammā khaṇikā’’ti. Khaṇikattepi vā acetanesupi anindriyabaddharūpesu bhāvanāviseso labbhati, kimaṅgaṃ pana sacetanesūti dassetuṃ ‘‘yathā bījaṃ catumadhurabhāvaṃ na gaṇhātī’’ti nidassananti daṭṭhabbaṃ. Āsevento nāma koci dhammo natthi ittaratāya anavaṭṭhānatoti adhippāyo. Ittarakhaṇatāya eva pana āsevanaṃ labbhati. Kusalādibhāvena hi attasadisassa payogena karaṇīyassa punappunaṃ karaṇappavattanaṃ attasadisatāpādanaṃ vāsanaṃ vā āsevanaṃ pure paricitagantho viya pacchimassāti.
आसेवनपच्चयकथावण्णना निट्ठिता।
Āsevanapaccayakathāvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (२१६) ९. आसेवनपच्चयकथा • (216) 9. Āsevanapaccayakathā
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ९. आसेवनपच्चयकथावण्णना • 9. Āsevanapaccayakathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / ९. आसेवनपच्चयकथावण्णना • 9. Āsevanapaccayakathāvaṇṇanā
